Distribuir contido

Trump

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 1883 artigos que integran a sección de Análise e Opinión, temos dividido estes nos seguintes apartados temático/xeográficos:

15/04/2017
16/04/2017
Público

A suspensión dos paquetes turísticos e os voos entre China e Corea do Norte evidencia a gravidade do momento que se vive na península coreana. EUA reiterou que pondera o uso de opcións militares en resposta aos programas nucleares de Pyongyang. As celebracións do 105 aniversario do nacemento do fundador do réxime juche, Kim Il-sung, poderían determinar novas medidas de corte belicista por parte do seu neto, Kim Jong-un, incluíndo unha hipotética sexta proba nuclear ou o lanzamento experimental de novos prototipos de mísiles. Pola súa banda, o recen chegado Trump pronto se fartou da “paciencia estratéxica” do seu antecesor e coa súa alocución de que “o problema de Corea do Norte será atendido”, non dubida en botar máis leña ao lume dunha situación que ameaza con desbordarse. A suma do carácter impredicible dun e outro mantén en albas a toda a rexión e o mundo.

10/04/2017
11/04/2017
Rebelión

Son múltiples, sen dúbida, os xeitos de interpretar o resultado do recente cume Trump-Xi. Non obstante, que, a continuación, o grupo de ataque do portaavións estadounidense Carl Vinson parta de Singapur con rumbo a augas próximas á península de Corea no medio dunha nova escala de tensión na zona, é un dato relevante. O despregue chegou tras cancelar unha visita anteriormente programada a un porto de Australia. O dato invita a pensar nun novo fortalecemento da presenza militar de Washington na rexión.

07/04/2017
07/04/2017
La Tercera (Chile)

Encontro Trump-Xi en Florida (EUA)

Os presidentes Donald Trump e Xi Jinping chegan a este cume en condicións desiguais pero para ambos é de capital importancia o ton resultante dela. Trump fixo de China un branco predilecto das súas críticas en diversos campos, desde a economía á seguridade, e non pode limitarse a colectar palabras ocas; no entanto, a relevancia da relación bilateral obrigaralle a practicar un pragmatismo esixente. Por outra banda, a súa  inexperiencia, a nebulosa que rodea a súa política para a rexión, a falta de equipo consolidado ou a desconfianza que xera nos seus aliados rexionais desatan temores entre os máis experimentados. Xi, pola contra, reaccionou á alarma inicial provocada pola conversación telefónica coa líder de Taiwán, Tsai Ing-wen, cunha calculada dobre comitiva, pública e privada, para tomarlle a medida ao novo inquilino da Casa Branca. A primeira vista parece levar vantaxe na relación. Para Xi a propia celebración do cume expresa un recoñecemento claro da necesidade de encarreirar e racionalizar as discrepancias. Unha crise grave cun socio deste calibre distraeríalle dos preparativos do XIX Congreso e ofrecería un argumento engadido aos críticos que lle acusan de sumar  sonoros fracasos na súa política exterior.

07/04/2017
07/04/2017
IGADI

A súbita e inesperada decisión unilateral de Donald Trump de intervir no conflito sirio mediante o bombardeo dunha base militar do réxime de Bashar al Asad na localidade siria de Homs, presentada oficialmente como resposta ao ataque químico desta semana en Idlib, implica observar con maior precisión en qué medida a presión política que os “falcóns” do Pentágono e do Partido Republicano están exercendo sobre a súa presidencia está modificando substancialmente as hipotéticas prioridades estratéxicas que Trump tiña previsto a súa chegada á Casa Branca.

07/04/2017
07/04/2017
Público

Servirá o cume de Florida para tranquilizar as relacións sino-estadounidenses? No primeiro cara a cara entre os presidentes Trump e Xi Jinping non se esperan grandes anuncios aínda que si un cambio de atmosfera. 

02/04/2017
03/04/2017
IGADI

Durante la presidencia de George W. Bush las relaciones entre Estados Unidos y América Latina sufrieron un importante distanciamiento. Tres razones fueron responsables de ello. La primera fue resultante del malestar generalizado ante la arrogante presión de Washington por encuadrar a toda la región en su lucha post 11 de septiembre. Ello incluyo la invasión a Irak que no tuvo relación con lo anterior, así como también la exigencia de que la región apoyase la exención de jurisdicción de la Corte Penal Internacional sobre tropas estadounidenses. Sólo Colombia, República Dominicana y algunas naciones de América Central aceptaron plegarse a los dictados de Washington.

28/03/2017
28/03/2017
IGADI

Unha análise de Alexandre Rey Parrado, estudante en prácticas da USC

As relacións da rexión centroamericana cos Estados Unidos de América gozan dunha longa tradición, aínda que case sempre predeterminadas polas directrices norteamericanas. Se ben tradicionalmente esta inxerencia estivo supeditada a intereses xeopolíticos, estratéxicos e comerciais, dende fai algún tempo cobrou especial relevancia o factor migratorio.

26/03/2017
26/03/2017
El País

As medidas e plans da nova presidencia estadounidense que apuntan ao proteccionismo no comercial e a un incerto repregue no estratéxico suxiren a hipótese dun declive pronunciado do liderado global de Washington. E postos a iso, non falta quen suxira á segunda potencia económica do mundo que asome como unha posible substitución. Nun adianto quizá de prognóstico, o presidente chinés Xi Jinping non dubidou en presentarse en Davos, no maior conclave da elite capitalista pro-globalización, como campión do liberalismo comercial. Pero, é verosímil a curto prazo esta posibilidade?

21/03/2017
21/03/2017
Público

China participou no recente encontro de Viña del Mar (Chile) dos países asinantes do Acordo Transpacífico (TPP, siglas en inglés). Tralo anuncio do abandono do acordo por parte de EUA, as especulacións en torno a si China sumaríase ou non ao mesmo presidiron a atmosfera da reunión. Iso malia que, desde o primeiro momento, China deixou claro que a súa intención non era falar do TPP senón da cooperación e a integración económica de Asia-Pacífico. Malia ese desmentido inicial, a hipótese dunha substitución de EUA por China para salvar ao TPP da bancarrota asomaba nalgunhas chancelerías.

10/03/2017
10/03/2017
OPCh

Non haberá asunto, grande ou pequeno, na axenda chinesa que escape ás “dúas sesións”. Todos e cada un dos tópicos ao uso, desde a redución dos excesos de capacidade ou da contaminación á mellora da supervisión a todos os niveis, saltarán á palestra nun ou outro momento da man dos delegados presentes.

03/03/2017
03/03/2017
Praza Pública (Galicia)

A súbita proposta de Donald Trump de aumentar a US$ 54.000 millóns o orzamento de Defensa de EUA, un 9% do PIB e o maior aumento do gasto militar estadounidense nunha década, dispara as especulacións sobre unha reordenación do equilibrio militar mundial trazado por Washington, con incertas expectativas principalmente cara Rusia tralo “Flynn-gate”, a designación do “falcón” Herbert McMaster como novo asesor de Defensa, e as repercusións que estes cambios terán na tensa relación con China. A falta de aprobarse vía Congreso, a proposta de Trump coincide coa revitalización da crise nuclear con Corea do Norte e as súas expectativas cara Irán, a neutralización do conflito sirio e as incertezas sobre como será a “nova OTAN” con Trump na Casa Branca. 

21/02/2017
21/02/2017
OPCh

Hebdomadario da Política Taiwanesa
Semana do 13 ao 19 de Febreiro

1. Informe

O KMT persevera no seu peculiar vía crucis. Cando non se disiparon aínda os ecos da afiliación dunhas 307 persoas relacionadas co crime organizado, saltou a noticia dunha solicitude de afiliación masiva de “azafatas” que traballaban nun club nocturno de Taichung. Alguén non identificado trataba así de influír nos resultados das eleccións internas para a presidencia do partido.

14/02/2017
17/02/2017
Revista ZETA (Venezuela)

A súbita dimisión de Michael Flynn como asesor de seguridade nacional do presidente Donald Trump, tras recoñecer os seus contactos co Kremlin, non só se converte na primeira crise do novo goberno republicano senón que imprime máis confusión e incógnitas sobre cal é a dimensión exacta da influencia rusa na Casa Branca.

04/02/2017
05/02/2017
OPCh

Hebdomadario da Política Taiwanesa
Semana do 30 de Xaneiro ao 5 de Febreiro de 2017

1.      Informe

Con motivo do Ano Novo Lunar, a presidenta Tsai Ing-wen visitou diferentes templos do país e departiu cos moitos taiwaneses que cumprían co ritual ao uso nestas datas. Tamén visitou dependencias militares. Na súa páxina de Facebook, publicou unha petición para o novo ano: “Que nos permita elevar o noso espírito e facer da reforma un éxito”. Similares desexos formulou o primeiro ministro Lin Chuan. 

04/02/2017
04/02/2017
La Voz de Galicia

O mundo está en apuros pero ímolo endereitar”. A lapidaria frase do novo presidente estadounidense Donald Trump para xustificar as súas primeiras medidas en materia de política exterior, incrementan dun xeito irreversible o caudal de preocupación que amosa a súa polémica presidencia.

Tempo exterior: Revista de análise e estudos internacionais