Distribuir contido

Portugal

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2027 artigos que integran a sección de Análise e Opinión, temos dividido estes nos seguintes apartados temático/xeográficos:

15/06/2018

Xuntanza Concello Mondariz Balneario-IGADI, A Raia No Medio

14/06/2018

Xuntanza Concello de Tui-IGADI

13/06/2018

Xuntanza Concello do Rosal-IGADI, A Raia No Medio

12/06/2018

En Valença, I Foro Río Minho Transfronteirizo

11/06/2018

Xuntanza Concello de Tomiño-IGADI, A Raia No Medio

08/06/2018

Xuntanza Concello da Guarda-IGADI, A Raia No Medio

06/06/2018

O proxecto A Raia no Medio nace no contexto da constitución da AECT Río Minho (impulsada pola Deputación de Pontevedra e CIM Alto Minho, xunto a 16 Concellos pontevedreses e 10 Concellos do Norte de Portugal) e o traballo histórico do IGADI arredor da EuroRexión Galicia-Norte de Portugal e as áreas transfronteirizas a nivel comunitario.

24/05/2018

Xuntanza na Deputación de Pontevedra, -Proxecto A raia no medio

11/08/2017
11/08/2017
Sermos Galiza

Teño o meu propio parecer a propósito da concesión da medalla de ouro de Galicia ao ex presidente portugués Cavaco Silva pero con independencia diso o que chama a atención do xesto das autoridades galegas cara Portugal é a insistencia unha vez mais no simbolismo sen que isto teña unha correspondencia coa dotación dunha axenda construtiva. Ata unha persoa tan pouco sospeitosa de hipercriticismo como o secretario xeral do Eixo Atlántico, Vázquez Mao, recoñecíao non hai moito neste mesmo dixital ao comentar os resultados do último cumio hispano-luso. Por certo que o Eixo xa se adiantara á propia Xunta ao lle outorgar a Cavaco unha medalla de ouro hai un par de anos.

23/06/2017
23/06/2017
ECO

Luís de Camões dedica unha boa parte do Canto III de Os Lusiadas á figura de Inés de Castro, a nobre galega con orixes en Monforte de Lemos e “soberana que reinou despois de morta” en Portugal. Nun país normal, a súa lenda e a súa historia debería ser sobradamente coñecida. Moito me temo, sen embargo, que se un pregunta agora mesmo entre os mais próximos, poucos galegos saberán dela. A bo seguro, Hollywood non desaproveitaría a ocasión con tan tráxico relato (paixón, morte, intereses de estado) e tería feito del un éxito de pantalla.

03/06/2017
13/05/2017
Praza

Todos os gobernos se trabucan. Algúns rectifican, aínda que a maioría non o fan se a cidadanía non protesta. Pero para que poidan protestar, os afectados antes teñen que saber que o goberno vai tomar unha decisión que lles vai molestar. Canto máis tarde a cidadanía en saber desa decisión, máis tardará en protestar, e polo tanto máis vai tardar o goberno en mudala. En ocasións, cando moita xente xa sufriu os seus efectos.

09/01/2016

Unha serie de cambios políticos e a manifestación de diversas tensións que se presentan en determinados focos da política internacional dan a entender, dende un amplo abano de perspectivas, a eventual definición dun cambio de ciclo sistémico. A inédita fronte de esquerdas que actualmente goberna en Lisboa, e que levou ao socialista António Costa a desbancar a un goberno tecnócrata supeditado á “troika”, contrasta coas dificultades que debe sortear a presidenta brasileira Dilma Rousseff, en particular ante a posibilidade dun impeachment. En Asia, a posibilidade dun cambio de goberno de signo soberanista en Taiwán gravitará con forza na evolución das súas relacións con China continental. Noutro actor clave, Rusia, o presidente Vladimir Putin, observa cómo a consolidación interna do seu poder implica importantes retos a nivel internacional, condicionados polo reforzamento dos imperativos xeopolíticos. Por outra banda, a cooperación internacional ao desenvolvemento aborda momentos importantes, tomando a modo de exemplo os casos da reconstrución de Haití e o proceso aperturista cara o exterior que leva a cabo Cuba, sen menoscabar o impacto internacional de novas estratexias de integración como o TTIP e as consecuencias de conflitos esquecidos como é o do Sáhara Occidental.

06/11/2015
06/11/2015
Tempos Novos

A diferenza entre a aritmética electoral e a parlamentaria quedou plenamente de manifesto nos comicios do 4 de outubro en Portugal. A coalición de dereitas Portugal à Frente (PSD/CDS-PP) obtivo o 38,36 por cento dos votos e 107 escanos; mentres, o PS, o 32,31 por cento e 86 deputados, o BE, o 10,19 por cento e 19 escanos e a CDU, o 8,25 por cento e 17 escanos. En resumidas contas, o PàF de Passos Coelho foi a forza máis votada, pero a súa vitoria resultou insuficiente para contar con respaldo parlamentario estable: 107 fronte a 122, deixando de lado o escano dos animalistas (PAN, 1,39 por cento e 1 deputado). E en termos de sufraxios, máis de medio millón de votos avalaban as críticas ás políticas de austeridade.

15/10/2015
15/10/2015
Revista ECO

As primeiras lecturas que adiantaban unha importante vitoria do centrodereita nas eleccións do 4 de outubro en Portugal pronto deberon matizarse. De feito, a coalición PàF (36,9 por cento) perdeu case un 30 por cento dos votos, a pesares de ser a forza máis votada. O PS non subiu o suficiente (32,4 por cento), pero no seu conxunto as forzas opositoras suman máis sufraxios e escanos ca os conservadores, cun ascenso espectacular do Bloco (10,2 por cento), que case duplicou o seu apoio. Con este cadro, as negociacións para formar un goberno con maioría parlamentaria estable e de esquerda non deben sorprender, se ben de chegar a concretarse, cousa nada fácil, sería a primeira vez desde que a Constitución de 1976 entrou en vigor.

20/09/2015
20/09/2015
IGADI

Comenza a campaña electoral para o 4 de outubro

Algunhas enquisas para as eleccións portuguesas do próximo día 4 de outubro destacan a sólida resistencia da coalición PSD/CDS-PP co 41 por cento dos sufraxios contra o 34 por cento do PS, a pesar destes duros anos de camiño sen máis política económica que a “empobrecerse, reducir salarios e aumentar a precariedade”. Mentres, o Bloco de Esquerda recibiría o 8 por cento, a CDU restaría cun 7 por cento. Sorprende, en calquera caso, que ata un 32 por cento dubide a quen votar ao que habería que sumar un 10 por cento que se nega a responder, é dicir, un 42 por cento non desvela as súas intencións co que o seu peso será determinante para o resultado final. Outras sondaxes sitúan ao PS por diante cun 35,5 por cento contra un 34 do PSD/CDS-PP, situando a CDU en terceira posición cun 10,3 por cento.

Tempo exterior: Revista de análise e estudos internacionais