Análise e Opinión

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 1825 artigos que integran a sección de Análise e Opinión, temos dividido estes nos seguintes apartados temático/xeográficos:

Usa este formato: 2017-02-20
Usa este formato: 2017-02-20
04/11/2016
Diario El Correo
4 de Novembro de 2016

En chinés, Estados Unidos dise “meiguó”, é dicir, “país bonito ou da beleza”. A expresión di moito do parecer dos chineses en relación a EUA. Quizá esa consideración no seu día tamén facilitou o entendemento sino-estadounidense durante a guerra fría, primeiro con Mao, despois con Deng, poñendo fin á súa emblemática categorización como un “tigre de papel”. Cando Deng Xiaoping visitou en 1979, en tempos de Jimmy Carter, varias cidades norteamericanas, quedou fascinado polo seu desenvolvemento, revalidando a decisión interna de procurar un novo modelo económico capaz de sacudirse a pobreza e o atraso do país a través de vías alternativas e complementarias da planificación. Washington implicouse activamente na reforma chinesa e as súas multinacionais convertéronse en moeda común no xigante asiático, obtendo a cambio pingües beneficios.
04/11/2016
Tempos Novos
4 de Novembro de 2016

O anunciado desembarco de capital chinés no Real Clube Celta de Vigo trouxo de novo á actualidade a presenza do xigante asiático en Galicia. Os investimentos do país oriental veñen medrando nos últimos anos de forma relativamente discreta pero sostida. O interese polo fútbol é unha anécdota. Ou non. Non responde exclusivamente a intereses deportivos ou económicos. Que tamén. Na primavera deste ano, as autoridades chinesas presentaron un plan que ten por obxectivo convertir o país nunha “superpotencia mundial do fútbol” en 2050. En tres lustros, segundo as estimacións do Partido Comunista, China –onde hai varios séculos xa se xogaba a algo similar, o cuju- participará nunha Copa do Mundo, organizará un Mundial e estará en condicións de gañalo. En tres anos, a selección masculina debe ser a mellor de Asia. E en pouco máis haberá uns cen potentes equipos noutras tantas cidades do país. En China hai plans, tamén para isto. En Galicia?
04/11/2016
El Periódico
3 de Novembro de 2016

As eleccións estadounidenses son observadas en China cunha comedida indiferenza. Dálles igual quen gañe? A importancia da relación entre os dous países é considerable e aínda que os vínculos bilaterais ofrecen un colchón nada desprezable para moderar os hipotéticos sobresaltos de calquera transición, cabe matizar a evolución das tensións estratéxicas a resultas dunha vitoria demócrata ou republicana. 
02/11/2016
OPCh
2 de Novembro de 2016

A líder do Kuomintang (KMT), Hung Hsiu-chu, reuniuse en Beijing co secretario xeral do PCCh, Xi Jinping. Ambos revalidaron a continuidade da “terceira cooperación” iniciada en 2005 polas súas respectivas formacións. KMT e PCCh están en paz, aínda que restan desacordos políticos complicados que lles levará o seu tempo resolver. Hu Jintao, o antecesor de Xi, baixo cuxo mandato aprobar a Lei Anti-secesión (2005), suscitou no seu día a firma dun acordo formal que puxese fin ás hostilidades a través do Estreito. Hung recolleu a luva con maior ímpeto que Ma Ying-jeou (presidente da República de China entre 2008 e 2016), pero o contexto é pouco favorable ao seu xestación cun poder minguante do KMT en Taiwan e un soberanista PDP (Partido Democrático Progresista ou Minjindang) no goberno que rexeita calquera diálogo sometido a condicións políticas.
02/11/2016
Anuario CEID (Arxentina) 2016-2017
2 de Novembro de 2016

Formalizada a reconciliación turco-rusa durante a visita do presidente turco Recep Tayyip Erdogan ao seu homólogo ruso Vladimir Putin o pasado 9 de agosto en San Petersburgo, pode intuírse con maior nitidez a concreción de pasos máis decididos no relativo a recrear unha especie de entente entre Ankara e Moscova que, progresivamente, permita definir as potencialidades dun eixe euroasiático, cun radio de amplitude tentativamente identificado entre o Cáucaso, Oriente Próximo, Asia Central e o sueste asiático. Con todo, xorden algunhas interrogantes a este repentino contexto xeopolítico: estamos ante a posibilidade de observar un audaz xiro xeopolítico anti-atlantista nun país membro da OTAN como Turquía?; Como incidirán estas expectativas dentro do laberíntico conflito sirio?; E de cara á sucesión post-Obama na Casa Branca?; Cabe agardar unha inmediata reacción contraria por parte do eixe atlantista? Todas estas interrogantes planean a gran escala dentro dun imprevisible contexto xeopolítico con capacidade de alterar substancialmente diversos intereses afirmados dentro do estratéxico (e non menos inestable) establishment euroasiático.
31/10/2016
IGADI
31 de Outubro de 2016

            Según señalaba la revista Rolling Stones, citada por Courtland Milloy en el Washington Post el pasado 11 de octubre: “Las bases de Trump asustan tanto por constituir un batallón de gente brava, mayormente blancos, llenos de resentimiento y hartos de lo políticamente correcto y de la diversidad racial. Los mítines de Trump se llenan porque permiten a la gente dar rienda suelta a la intolerancia”. En efecto, con su retórica racista y populista, la candidatura presidencial de Trump ha legitimado las expresiones públicas de odio, racismo, xenofobia e intolerancia. Más aún, la misma ha articulado un poderoso movimiento sustentado en estos elementos que habrá de pervivir más allá del posible fracaso de esa candidatura.
30/10/2016
OPCh
30 de Outubro de 2016

Hebdomadario da Política Taiwanesa
Semana do 24 ao 30 de Outubro
1. Informe “Taiwan nunca foi un país e é parte esencial de China”, dixo en Beijing o portavoz da Oficina de Asuntos de Taiwan do Consello de Estado. As súas declaracións son unha resposta a aqueles que en Taiwan consideran que as relacións a través do Estreito son “especiais entre estados”. En resposta, altos funcionarios de Taiwan recordaron que a República de China é “unha nación independente e soberana”. Pero, que sentimento predomina na opinión pública?
27/10/2016
IGADI
27 de Outubro de 2016

Dicía o xornalista e escritor checo Ferdinand Peroutka que no mundo actual as nacións pequenas teñen quedado rebaixadas ó rango de simples posicións estratéxicas no combate entre os titáns. Peroutka finou en 1978, mais a súa afirmación pode que siga sendo válida nos nosos tempos.
27/10/2016
Praza Pública (Galicia)
27 de Outubro de 2016

Determinada pola imprevisible volatilidade da crise venezolana, a misión vaticana destinada a reactivar o diálogo entre goberno e oposición transita por un complicado labirinto de pulsos, influencias e de presións nas que os focos de radicalización comezan a aparecer en escena. Neutralizada de feito a posibilidade dun revogatorio e temporalmente suspendidos os comicios rexionais previstos para decembro próximo, a tensión política volve ás rúas condicionando as expectativas dunha mediación que incluso polariza á propia plataforma opositora venezolana. Este escenario, así como a incerta mediación vaticana, dificilmente poderá reverter de inmediato o bloqueo institucional e político determinado por un choque de poderes incapaz de procrear un marco de consenso para solucionar a interminable crise política, así como as súas cada vez mais graves secuelas socioeconómicas.
27/10/2016
Política Exterior
27 de Outubro de 2016

O Comité Central do Partido Comunista de China (PCCh) atópase reunido en Beijing co futuro da formación na axenda. Dous son os debates principais a destacar. Dunha banda, a definición de mecanismos institucionalizados para loitar de forma máis efectiva contra a corrupción de forma que prime a prevención sobre a represión e non como agora. En segundo lugar, o papel do PCCh no trazado do top level design que inspira a modernización da gobernanza do país e do seu sistema político. En suma, trátase de propiciar un salto cualitativo nas dinámicas organizativas que resulte nunha posta a punto do PCCh para encarar unha das etapas máis decisivas da reforma reforzando a disciplina, pechando filas e proscribindo, entre outros, as “discusións indebidas”. Por riba, a repartidirización do conxunto do sistema de forma que se reforce o papel do Partido sobre todos os segmentos do aparello estatal, os medios, o exército e as organizacións sociais pecha este círculo.
Tempo exterior: Revista de análise e estudos internacionais