Análise e Opinión

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 1940 artigos que integran a sección de Análise e Opinión, temos dividido estes nos seguintes apartados temático/xeográficos:

Usa este formato: 2017-10-21
Usa este formato: 2017-10-21
16/04/2017
OPCh
16 de Abril de 2017

Hebdomadario da Política Taiwanesa
Semana do 10 ao 16 de Abril de 2017
1. Informe O caso Lee Ming-che, en referencia ao activista taiwanés detido en China continental o 19 de marzo acusado de poñer en perigo a seguridade nacional, segue afectando ás relacións a través do Estreito. A esposa de Lee fracasou no seu intento de viaxar ao continente para interesarse pola súa situación. Os requirimentos da Fundación para os Intercambios a través do Estreito á súa homóloga continental tiveron como resposta: “Non hai máis información que ofrecer”. 
15/04/2017
Público
16 de Abril de 2017

A suspensión dos paquetes turísticos e os voos entre China e Corea do Norte evidencia a gravidade do momento que se vive na península coreana. EUA reiterou que pondera o uso de opcións militares en resposta aos programas nucleares de Pyongyang. As celebracións do 105 aniversario do nacemento do fundador do réxime juche, Kim Il-sung, poderían determinar novas medidas de corte belicista por parte do seu neto, Kim Jong-un, incluíndo unha hipotética sexta proba nuclear ou o lanzamento experimental de novos prototipos de mísiles. Pola súa banda, o recen chegado Trump pronto se fartou da “paciencia estratéxica” do seu antecesor e coa súa alocución de que “o problema de Corea do Norte será atendido”, non dubida en botar máis leña ao lume dunha situación que ameaza con desbordarse. A suma do carácter impredicible dun e outro mantén en albas a toda a rexión e o mundo.
11/04/2017
ECO
1 de Maio de 2017

A pouco que se coñece, a historia do ferrolán Pepe Castedo Carracedo non deixa de sorprender. Que me conste, Pepe foi o primeiro galego que exerceu como “experto” na República Popular China. A condición de “experto”, unha modalidade importada da Unión Soviética, implicou sempre en China un status especial, tanto polo recoñecemento académico como tamén retributivo e social. Nos anos que pasou en China, por exemplo, o salario de Pepe era máis de dez veces o dun chinés normal e case se equiparaba co do Presidente Mao. Durante os anos da Revolución Cultural (1966-1976), Pepe cedería ata o 50 por cento desa retribución para axudar aos seus colegas chineses.
10/04/2017
Rebelión
11 de Abril de 2017

Son múltiples, sen dúbida, os xeitos de interpretar o resultado do recente cume Trump-Xi. Non obstante, que, a continuación, o grupo de ataque do portaavións estadounidense Carl Vinson parta de Singapur con rumbo a augas próximas á península de Corea no medio dunha nova escala de tensión na zona, é un dato relevante. O despregue chegou tras cancelar unha visita anteriormente programada a un porto de Australia. O dato invita a pensar nun novo fortalecemento da presenza militar de Washington na rexión.
10/04/2017
IGADI
10 de Abril de 2017

Unha análise de Alexandre Rey Parrado, estudante en prácticas da USC
O próximo 23 de abril, Francia celebrará unhas eleccións presidenciais, con segunda volta prevista para o 7 de maio, que se presentan cruciais no panorama político europeo. As enquisas sitúan a candidata da extrema dereita e euroescéptica Marine Le Pen, con serias opcións de vitoria na primeira volta, o que resulta un claro reflexo da crise institucional e da hecatombe do “establishment” político tradicional. Pese a que as mesmas enquisas sinalan unha derrota máis ou menos clara ante o “centrista” Emmanuel Macron, o escenario non resulta nada claro ante o contexto actual e dende logo dista moito da experiencia vivida no 2002, cando Jacques Chirac arrollou na segunda volta ao noutrora líder da Fronte Nacional (82% fronte ao 18%) e pai da actual candidata, Jean Marie Le Pen.
10/04/2017
IGADI
10 de Abril de 2017

Hasta 1948 la sustitución de importaciones por mercancías producidas localmente, en América Latina, respondió a consideraciones pragmáticas derivadas de problemas de acceso a productos extranjeros. Tanto la depresión de los años treinta como la Segunda Guerra Mundial fueron responsables de ello. A partir de finales de los cuarenta, sin embargo, dicho proceso pasa a asentarse en una formulación conceptual que gira alrededor de la Comisión Económica para América Latina (CEPAL). Dicho organismo, adscrito a las Naciones Unidas, congregó a los mejores talentos económicos de la región.
09/04/2017
OPCh
9 de Abril de 2017

Hebdomadario da Política Taiwanesa
Semana do 3 ao 9 de Abril de 2017
1. Informe O cume Trump-Xi do 6 e 7 de abril non ofreceu máis novidade a Taiwán que a ausencia de novidades. EUA acordara informar a Taipéi antes e despois do encontro. Previamente, Washington foi instado, por activa e por pasiva, a salientar o seu apoio a Taipéi durante as súas interaccións con Beijing. A evocación da firma dun cuarto comunicado conxunto ou sequera unha alusión directa nunha hipotética declaración final, similar á de 2009 entre Barack Obama e Hu Jintao, espertara preocupación en certos sectores.
07/04/2017
IGADI
7 de Abril de 2017

“The article 50 process is now under way” Estas foron as primeiras verbas coas que a Primeira Ministra do Reino Unido activou solemnemente na Cámara dos Comúns o artigo cincuenta do Tratado da Unión Europea iniciando o proceso de saída do Reino da estrutura comunitaria.
07/04/2017
La Tercera (Chile)
7 de Abril de 2017

Encontro Trump-Xi en Florida (EUA)
Os presidentes Donald Trump e Xi Jinping chegan a este cume en condicións desiguais pero para ambos é de capital importancia o ton resultante dela. Trump fixo de China un branco predilecto das súas críticas en diversos campos, desde a economía á seguridade, e non pode limitarse a colectar palabras ocas; no entanto, a relevancia da relación bilateral obrigaralle a practicar un pragmatismo esixente. Por outra banda, a súa  inexperiencia, a nebulosa que rodea a súa política para a rexión, a falta de equipo consolidado ou a desconfianza que xera nos seus aliados rexionais desatan temores entre os máis experimentados. Xi, pola contra, reaccionou á alarma inicial provocada pola conversación telefónica coa líder de Taiwán, Tsai Ing-wen, cunha calculada dobre comitiva, pública e privada, para tomarlle a medida ao novo inquilino da Casa Branca. A primeira vista parece levar vantaxe na relación. Para Xi a propia celebración do cume expresa un recoñecemento claro da necesidade de encarreirar e racionalizar as discrepancias. Unha crise grave cun socio deste calibre distraeríalle dos preparativos do XIX Congreso e ofrecería un argumento engadido aos críticos que lle acusan de sumar  sonoros fracasos na súa política exterior.
07/04/2017
IGADI
7 de Abril de 2017

A súbita e inesperada decisión unilateral de Donald Trump de intervir no conflito sirio mediante o bombardeo dunha base militar do réxime de Bashar al Asad na localidade siria de Homs, presentada oficialmente como resposta ao ataque químico desta semana en Idlib, implica observar con maior precisión en qué medida a presión política que os “falcóns” do Pentágono e do Partido Republicano están exercendo sobre a súa presidencia está modificando substancialmente as hipotéticas prioridades estratéxicas que Trump tiña previsto a súa chegada á Casa Branca.
Tempo exterior: Revista de análise e estudos internacionais