Análise e Opinión

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 1832 artigos que integran a sección de Análise e Opinión, temos dividido estes nos seguintes apartados temático/xeográficos:

Usa este formato: 2017-02-24
Usa este formato: 2017-02-24
31/12/2016
Brecha (Uruguai)
31 de Decembro de 2016

Desde España reivindicouse a tradicional influencia en América Latina como un valor de peso á hora de promover a cooperación con países terceiros. Esa triangulación, no entanto, de uso frecuente na interlocución con China, acaba de recibir un significativo varapau. Segundo se desprende da nova política do xigante asiático cara a América Latina e o Caribe (ALC), en diante, os proxectos orientados á rexión e concertados con países ou organizacións internacionais extra rexionais deberán ser “presentados, consentidos e patrocinados” polos países latinoamericanos e caribeños.
30/12/2016
Tempos Novos (Galicia). Xaneiro de 2017
30 de Decembro de 2016

Se o contexto mundial para 2017 estará determinado pola imprevisión, a guerra que vive Siria desde 2011 podería ironicamente alcanzar un punto de inflexión decisivo, en gran medida posibilitado pola determinación do eixe conformado por Rusia, Turquía e Irán de exercer a súa influencia á hora de prover algún tipo de solución de feito do conflito. Con todo, a inevitable fragmentación territorial de Siria encarna un dos mais graves dramas humanitarios da “posguerra fría”, cunha xeración de sirios atomizados pola guerra e o éxodo refuxiado ante a impasible inacción da comunidade internacional. 
30/12/2016
El País
30 de Decembro de 2016

A ruptura de relacións diplomáticas entre Santo Tomé e Príncipe con Taiwan non é unha simple anécdota. China suma un novo aliado trala recuperación en marzo de Gambia, quen rompera coa illa en 2013. Ambos casos reflicten o fin da “tregua diplomática” que o Partido Comunista e o Kuomintang selaron en 2005 ao establecer a chamada “terceira cooperación”, un entendemento para conxurar o soberanismo e facilitar a reunificación. Ese consenso permitiu certo respiro internacional de Taiwan entre 2008 e 2016, evitando o baile de aliados a golpe de chequeira e propiciando unha maior participación da vella Formosa nos foros internacionais. 
26/12/2016
Rebelión
26 de Decembro de 2016

Desde as graves tensións de 2014, cando a China National Offshore Oil colocou unha plataforma petrolífera en augas disputadas provocando unha marea de tumultos contra intereses chineses, Beijing e Hanoi intentaron rebaixar o seu nivel de discrepancias, encarreirándoas pola senda do diálogo. Días atrás, no entanto, China defendía o despregue das súas instalacións militares no Mar de China meridional mentres reclamaba a Vietnam o cese de actividades nas illas Nansha. Recentemente, Beijing tamén puxo en marcha un voo chárter a unha illa baixo o seu control que tamén reclama Vietnam quen denunciou a violación da súa soberanía.
24/12/2016
OPCh
25 de Decembro de 2016

Hebdomadario da Política Taiwanesa
Semana do 19 ao 25 de Decembro de 2016
1. Informe O anuncio de ruptura de relacións diplomáticas con Taiwan por parte de Santo Tomé e Príncipe supón un revés significativo para a política exterior de Tsai Ing-wen. Aínda que se diga que non afectará “en nada” aos esforzos do goberno para incrementar a participación de Taiwan nos asuntos internacionais, é obvio que non se trata dun fenómeno illado e podería dar pé a unha escalada comprometedora para os intereses exteriores de Taipei. Neste sentido, é indiferente a esgrimida razón financeira pois a contorna política impulsa ao fin da tregua diplomática vixente durante o mandato de Ma Ying-jeou. Beijing deixou abofé fai tempo que algunhas nacións latinoamericanas ansiaban establecer vínculos co continente, iniciativa rexeitada no seu día porque afectaría ás relacións PCCh-KMT e á súa “terceira cooperación”. 
24/12/2016
IGADI
24 de Decembro de 2016

Ao longo deste 2016, os movementos políticos en Europa e nos Estados Unidos máis escorados cara un pensamento situado no espectro da dereita foron gañando influencia social e comezaron a ter relevancia no ámbito electoral e institucional. Véxase, a modo de exemplo, a vitoria de Trump nos Estados Unidos, o Brexit no Reino Unido, as eleccións presidenciais en Austria e o pulso do partido alemán AfD.
23/12/2016
Palavra Comum
23 de Decembro de 2016

Dicía Yuri Andropov (1914-1984), o principal valedor de Mijaíl Gorbachov (1931) nas mais altas instancias do PCUS nos anos oitenta, que os dirixentes soviéticos coñecían mal a sociedade na que vivían. Dicíao el e debía saber do que falaba pois estaba á fronte do KGB desde 1967. Aínda así, daquela ninguén se imaxinaba que a problemática situación xeral procedería definila como unha crise do sistema. O 25 de xaneiro de 1991, a dimisión de Gorbachov oficializou a liquidación plena da URSS.
23/12/2016
El Progreso
31 de Decembro de 2016

Cánto mudará o mundo en 2017? As miradas céntranse no comezo da presidencia de Donald Trump en EUA e nos seus impactos globais. Xa nos refiramos aos escenarios económicos ou estratéxicos, as declaracións do presidente electo estadounidense suxiren mudanzas nalgúns eidos e un claro afán de rachar co continuísmo en áreas relevantes. Será iso posible? EUA segue a ser o país máis poderoso do mundo pero o nivel de interdependencia con outras economías importantes imporá negociacións e concesións.
23/12/2016
CIDOB
23 de Decembro de 2016

Da noite para a mañá, a resultas da vitoria de Donald Trump nas eleccións estadounidenses e o seu cuestionamento da política dunha Soa China, Taiwan pasou nun instante do ostracismo internacional a estar na fala da xente. As declaracións do presidente electo viñan precedidas dun acordo subscrito polas dúas cámaras que permitirá elevar en 2017 o nivel dos intercambios militares entre Taiwan e EUA. E todo iso prodúcese nun contexto de tensión crecente entre Beijing e Taipei desde o pasado 20 de Maio cando a soberanista Tsai Ing-wen, do Minjindang ou PDP, ao asumir o poder, negouse a ratificar o chamado “Consenso de 1992”, un entendemento tácito subscrito polo KMT e o PCCh a favor da reunificación e que serviu de base para o achegamento propiciado durante o mandato da formación nacionalista (2008-2016). 
19/12/2016
IGADI
19 de Decembro de 2016

El viaje del Presidente Nixon a Pekín en 1972 y su encuentro con Mao Tse-Tung, dieron un vuelco fundamental a la geopolítica mundial. En dicha oportunidad ambos países acordaron dejar de lado “la cuestión crucial que obstruía la normalización de sus relaciones”. Es decir el tema Taiwán. Ambas partes necesitaban de este compromiso. Para Mao era la garantía de que Washington no se aliaría con Moscú en su contra, en momentos en que las tensiones de China con la Unión Soviética habían llegado a su punto álgido. Para Nixon ello brindaba la posibilidad de salir de la guerra de Vietnam sin que China explotase en su beneficio esta situación de debilidad estadounidense.
Tempo exterior: Revista de análise e estudos internacionais