Distribuir contido

Europa

Distribuir

Distribuir contido

Boa parte do traballo do IGADI plásmase en numerosos artigos e colaboracións en prensa e revistas especializadas.

Para unha mellor clasificación e localización dos actuais 2007 artigos que integran a sección de Análise e Opinión, temos dividido estes nos seguintes apartados temático/xeográficos:

10/05/2018
10/05/2018
Praza Pública (Galicia)

De cómo a inesperada “revolución armenia” pode alterar o equilibrio euroasiático

A renuncia do ex presidente armenio Serzh Sargsyan o pasado 23 de abril tras numerosas protestas na capital Ereván, e o ascenso do líder opositor Nikol Pashinyan como primeiro ministro tras unha controvertida votación parlamentaria do pasado 8 de maio (tras un primeiro rexeite parlamentario ao seu nomeamento o pasado 1º de maio), retrotrae as expectativas trazadas polas denominadas “revolucións de cores” que, con notable apoio occidental, proliferaron no espazo euroasiático ex soviético durante a década de 2000. Sen menoscabar a lexitimidade destas protestas en Armenia e dos cambios políticos que poden acadar, os cales implican unha lectura en chave doméstica, resulta igualmente visible que a reprodución destes movementos no contexto actual euroasiático teñen igualmente en perspectiva a expectativa de Washington por afastar a tradicional influencia rusa na rexión do Cáucaso Sur. Con todo, as repercusións do acaecido en Armenia poden claramente trasladarse dentro do actual contexto euroasiático, dende o Cáucaso ata Asia Central e incluso Oriente Próximo.

12/02/2018
12/02/2018

El retiro del Reino Unido de la Unión Europea, el famoso Brexit decidido por los británicos en junio del 2016 y aún en fase de negociación, constituye el último capítulo de una larga saga: la compleja relación entre la Europa continental y el mundo insular británico. Conocer esta historia ayuda a comprender mejor lo que ocurre hoy.

01/12/2017
01/12/2017
ECO

O ex primeiro ministro italiano Silvio Berlusconi semella listo para regresar á primeira liña da política italiana despois de que a coalición que apoiou gañara as eleccións rexionais en Sicilia. O seu favorito, o ex eurodeputado Nello Musumeci, derrotou ao candidato anti-establishment do movemento cinco estrelas de Beppe Grillo con pouco menos do 40 por cento dos votos nunha rexión tradicionalmente escorada á dereita. Sen embargo, máis do 50 por cento dos sicilianos non votaron.

21/09/2017
21/09/2017
IGADI

(Unha análise de Alexandre Rey Parrado, estudante en prácticas da USC)

A natureza transnacional dos principais retos e ameazas actuais, cunha preponderancia da criminalidade organizada e do terrorismo, semella requirir a revisión e reformulación das vixentes estratexias de defensa europea. Dita revisión resulta especialmente significativa no relativo ao fenómeno xihadista, problemática de gran notoriedade, na que resulta necesaria unha adecuación e impulso das políticas de contrarradicalización, pois eríxense como ineludible ferramenta para a anticipación e prevención. 

25/06/2017
21/06/2017
Sermos Galiza

Teresa Barro achega a súa visión

Poucas veces terá habido un momento tan fascinante na política do Reino Unido como o que xurdiu coas eleicións xerais do catro de xuño. Nada quedou como antes e todo virou ás avesas.

03/06/2017
23/05/2017
Eixo Atlántico

Para cando Jesús e Teresa interviron en Bruxelas ante a Comisión de Peticións do Parlamento Europeo, en España xa foran expulsados varias veces do Congreso dos Deputados, do Senado e do Parlamento de Galicia. Na Eurocámara, pola contra, a Jesús e Teresa deixóuselles mesmo proxectar un documental coas súas reivindicacións.

30/05/2017
30/05/2017

Teresa Barro achega a súa visión

Tudo semellaba indicar que a grande vencedora nas eleicións xerais convocadas no Reino Unido para o oito de xuño sería Theresa May, grazas á maneira en que se amosou decidida a defender o Brexit logo do referendo no que gañaron os partidarios de deixar a Unión Europeia.

09/05/2017
09/05/2017

Unha análise de Alexandre Rey Parrado, estudante en prácticas da USC

Tralos resultados oficiais das eleccións francesas escoitouse un leve suspiro de alivio que recorreu gran parte de Europa. As previsións, coma en 2002, cumpríronse e a Fronte Nacional (FN) volveu quedar as portas da presidencia de Francia. Sen embargo, a situación dista enormemente da vivida hai 15 anos(1) e os resultados desta segunda volta das presidenciais francesas deixan, ou deberían deixar, un sabor agridoce no padal da sociedade gala e do resto de Europa.

21/04/2017
21/04/2017

Unha análise de Alexandre Rey Parrado, estudante en prácticas da USC

Historicamente, Francia configurouse coma un país receptor de inmigración, con diversos fluxos e tendencias rexionais e internacionais que foron sucedéndose dende o século XIX. Entre elas destacan o recrutamento masivo de traballadores europeos e coloniais para soster o crecemento industrial e paliar o declive demográfico (ata 1950); fomento da reunificación e mobilidade familiar; preponderancia da inmigración norteafricana (a partires de 1970), entre outras.

17/04/2017
17/04/2017
Praza Pública

A pesar do axustado do resultado electoral (51%), unha lectura preliminar do referendo constitucional en Turquía celebrado o 16 de abril evidencia unha nova vitoria política para o presidente Recep Tayyip Erdoĝan. Non obstante as denuncias de presuntas irregularidades no escrutinio, da brutal e intensa represión post-golpe e dos obstáculos gobernamentais para o acceso das organizacións internacionais (principalmente europeas) á hora de verificar a transparencia do proceso electoral, Erdoĝan avanza decidido a preservar a súa hexemonía a través dun proxecto absolutista laminado por unha enorme polarización social, que pode resultar contraproducente a mediano e longo prazo por mor da crise socioeconómica e da frustración das expectativas políticas. Así e todo, e tras este referendo, pódese falar da asunción dunha república “erdoĝiana” e do eventual final da república “atatürka” herdeira do seu fundador, Mustafá Kemal Atatürk?

10/04/2017
10/04/2017
IGADI

Unha análise de Alexandre Rey Parrado, estudante en prácticas da USC

O próximo 23 de abril, Francia celebrará unhas eleccións presidenciais, con segunda volta prevista para o 7 de maio, que se presentan cruciais no panorama político europeo. As enquisas sitúan a candidata da extrema dereita e euroescéptica Marine Le Pen, con serias opcións de vitoria na primeira volta, o que resulta un claro reflexo da crise institucional e da hecatombe do “establishment” político tradicional. Pese a que as mesmas enquisas sinalan unha derrota máis ou menos clara ante o “centrista” Emmanuel Macron, o escenario non resulta nada claro ante o contexto actual e dende logo dista moito da experiencia vivida no 2002, cando Jacques Chirac arrollou na segunda volta ao noutrora líder da Fronte Nacional (82% fronte ao 18%) e pai da actual candidata, Jean Marie Le Pen.

07/04/2017
07/04/2017
IGADI

“The article 50 process is now under way” Estas foron as primeiras verbas coas que a Primeira Ministra do Reino Unido activou solemnemente na Cámara dos Comúns o artigo cincuenta do Tratado da Unión Europea iniciando o proceso de saída do Reino da estrutura comunitaria.

21/03/2017
21/03/2017
Praza Pública (Galicia)

No antigo calendario romano, as Idus de Marzo (Iduus Martiae) anunciaban os días de bo augurio, precedidos por festividades relixiosas en honor a Marte, deus da guerra. En perspectiva histórica, esta onomástica corresponde tamén ao asasinato do cónsul Xulio César, un punto de inflexión que deu paso á transición da República romana cara o Imperio. Pode que, dun xeito subxectivo, esta referencia histórica serva de precedente á hora de observar a decidida pretensión do presidente turco Recep Tayyip Erdoĝan de afianzar un sistema de cesarismo vitalicio, lexitimado a través do referendo constitucional pautado para o próximo 16 de abril.

10/03/2017
10/03/2017
IGADI

Vivimos nuns tempos onde o discurso da unidade europea é repetido constantemente polos líderes políticos e onde se pon en valor o camiño percorrido mediante institucións como o euro. Mais tamén é agora cando isto mesmo semella un canto ao ceo por atoparnos nun contexto onde a fragmentación estase a pór en valor tanto dentro das fronteiras comunitarias – por exemplo cos nacionalismos como o británico ou, noutro senso, co catalán - como nas da veciñanza máis próxima, como o conflito ucraíno.

16/02/2017
16/02/2017
IGADI

O pasado 5 de febreiro, os electores do Principado de Liechtenstein foron ás urnas para elixir un novo parlamento. Como noutras democracias occidentais, as forzas denominadas correntemente como “populistas” teñen gañado posicións neste pequeno país alpino: a agrupación Die Unabhängigen (“Independentes”) cumpriu a meta de aumentar a súa cota actual de 4 dos 25 escanos parlamentarios, pasando a 5 e aumentando un 3,1 na porcentaxe de votos ata acadar o 18,4% do total, minando aínda máis o poder dos dous partidos tradicionais que, xuntos, teñen rexido Liechtenstein dende a Segunda Guerra Mundial.

Tempo exterior: Revista de análise e estudos internacionais