TribunaVolver a TitularesVolver a Tribuna
Liberdade para o Papa
Xosé Luís Franco Grande, (A Nosa Terra, 24/01/2008)
 
 

  Cartel na universidade La Sapienza chamando a un acto contra a visita do Papa; clic para aumentar
Con eses antecedentes ben coñecidos, non vexo como se pode ser “sempre respectuoso coas opinións dos outros” e procurar “cun espírito libre e responsable, a verdade e o ben”, como dixo aos manifestantes. Agás, claro é, que se trate tan só da súa verdade e do seu ben, que el acostuma valorar sempre “pro domo sua”. (Foto: Cartel na universidade La Sapienza chamando a un acto contra a visita do Papa, na que estaba previsto que dese un discurso, o xoves 17 de xaneiro, na cerimonia de inicio do ano académico 2008).
 
Máis de cen mil manifestantes pediron en Roma “liberdade de palabra” para o Papa nun acto de desagravio porque estudiantes e profesores impediron que falase no acto da inauguración do ano académico na universidade La Sapienza. Algúns pensamos se sería imaxinable que un académico falase dende o Vaticano, ou sequera que fose convidado a tal fin.

Dirixíndose aos manifestantes (os datos tómoos de Le Monde do domingo 20), o Papa defendeu a tolerancia e o “amor pola liberdade e a verdade”. Unha maneira de procurar deixar en fóra de xogo aos que impediron o seu discurso en La Sapienza e que organizaron nela unha “semana anticlerical”.

Pero a verdade é que Ratzinger cando se refire á verdade só ten en conta a súa, nunca a dos outros, pois unha e outra vez nos di que a única verdade é a da súa Igrexa e que fóra dela non é posible a salvación. Estraña maneira de ser liberal e de defender a verdade.

Con eses antecedentes ben coñecidos, non vexo como se pode ser “sempre respectuoso coas opinións dos outros” e procurar “cun espírito libre e responsable, a verdade e o ben”, como dixo aos manifestantes. Agás, claro é, que se trate tan só da súa verdade e do seu ben, que el acostuma valorar sempre “pro domo sua”.

Ou sexa, que se viu forzado a facer un discurso ben hipócrita, como calquera outro político, entretecendo nel frases ocas que serven para todo e non din nada, nun esforzo manifesto para que aparecesen como intolerantes os profesores e os alumnos, non el. A miña conclusión é a de sempre: que este Papa parece moi pouco cristián.


Xosé Luís Franco Grande é escritor.

 
Volver a TitularesVolver a Tribuna



Ir á páxina de inicio
Instituto Galego de Análise e
Documentación Internacional
www.igadi.org

ÚLTIMA REVISIÓN: 01/02/2008
Fernando Pol


Subir

 

Subscríbete á lista de correo do Igadi e recibe notificación das novas
informacións, artigos, documentos, convenios, publicacións, etc, que ofrece
o Igadi na súa páxina web Igadi na Rede.


Para comprender o Mundo desde aquí ...
... para proxectar a Galicia no contexto internacional.

   

Apúntate en: http://www.elistas.net/lista/igadi/alta