Texturas Internacionais nº 5Volver ó sumario
Os irmanamentos en Galicia, a ruta local do internacional
 
Os irmanamentos dos concellos en Galicia


María del Mar Gómez
 
 

Provincia de A Coruña
Municipio Irmandado con
A Coruña Brest (Francia)
Recife (Brasil)
Ames Sahara
As Pontes Lesneven (Francia)
Betanzos Pont l’Abbe (Francia)
Bergantiños New Castle (USA)
Boqueixón Cotgrave (Reino Unido)
Carballo l’Ile Jourdain (Francia)
Carnota Landeda (Francia)
Cedeira Paimpont (Francia)
Coristanco Guyonniere (Francia)
Ferrol Vila do Conde (Portugal)
Agueda (Portugal)
Viana do Castelo (Portugal)
Fisterra Avellaneda (Arxentina)
Camp Creus (Girona)
Melide Coleccio (Italia)
Burgos
Neda Algeciras
Negreira Serzedo (Portugal)
Vicente Lopez (Arxentina)
Noia Estarreja (Portugal)
Mahbes (Sáhara)
Oleiros Jenin (Palestina)
Padrón Noirmoutier (Francia)
Ponteceso Vintes (Portugal)
Rianxo Requejo de Sanabria
Ribeira New York (USA)
Santa Comba Río de Janeiro (Brasil)
Santiago Barcelona (España)
Cáceres (España)
Zaragoza (España)
Caracas (Venezuela)
Santiago de Cuba (Cuba)
Jenin (Palestina)
Vimianzo Santa Marta de Tera

Provincia de Lugo
Municipio Irmandado con
Barreiros Castrillón
Boqueixón Tutrakam (Bulgaria)
Burela San Miguel Arcanjo (Cabo Verde)
Foz Tregastel (Francia)
Lugo Dinan (Francia)
Viana do Castelo (Portugal)
Mondoñedo Treguier (Francia)
Monforte de Lemos Sáhara
O Incio Andújar
Palas de Rei Plouay (Francia)
Pantón San Adrián (Catalunya)
Pedrafita do Cebreiro Vecellai (Francia)
Portomarín Aiguafreda (Catalunya)
Icca d’Amont (Catalunya)
Ribadeo Parentis de Born (Francia)
Sarriá Cantón de Mûr de Bretagne (Francia)
Communaute de Communes de Guerlédan (Francia)
Viveiro Lannion (Francia)
La Habana Vieja (Cuba)

Provincia de Ourense
Municipio Irmandado con
A Pobra de Trives Trier (Alemania)
Trives (Francia)
A Rúa Almendralejo
Allariz Rubi (Catalunya)
Cidade Sandino (Nicaragua)
Beade Beade-Vigo
Celanova Santo Tirso (Portugal)
Rubi (Catalunya)
Mancomunidade O Carballiño Vicente López (Arxentina)
Monterrei Monterrey (México)
O Irixo Buenos Aires (Arxentina)
Ourense Vila Real (Portugal)
Tlalnepantla (México)
Plaza de la Revolución (Cuba)
Verín Bergen (Alemania)
Xinzo de Limia Ponte de Lima (Portugal)

Provincia de Pontevedra
Municipio Irmandado con
A Cañiza Los Arabos (Cuba)
A Estrada Bluefields (Nicaragua)
As Neves Legé (Francia)
Baiona Pornic (Francia)
Palos de la Frontera
Santa Fe
Andrés Freire (Cuba)
Cambados Le Vivier sur Mer (Francia)
Campolameiro Aguas Nuevas (Albacete)
Catoira Frederikssund (Dinamarca)
West Somerset (Inglaterra)
Gondomar Gondomar (Portugal)
Lalín Lalinde (Francia)
Chascomus (Arxentina)
Saint Georgen on Walden (Austria)
Marín Córdoba (Arxentina)
Moaña Pedroso (Portugal)
O Covelo Geneton (Francia)
O Grove Valadares (Portugal)
Pontevedra Gondomar (Portugal)
Barcelos (Portugal)
Vilanova de Cerveira (Portugal)
Nafpaktos (Grecia)
San José (Costa Rica)
Merlo (Arxentina)
Ponteareas Newport (Reino Unido)
Orotava (Tenerife)
Monavar (Alicante)
Silleda Morón (Arxentina)
Tomiño Vilanova de Cerveira (Portugal)
Tui Fromista (España)
Vigo Nantes (Francia)
Lorient (Francia)
Porto (Portugal)
Vila de Cruces Campana (Arxentina)
Vilanova de Arousa Cuxhaven (Alemania)
Vilagarcía de Arousa Matosinhos (Portugal)

Da relación que antecede se desprenden algunhas cifras minimamente significativas.

En primeiro lugar, o número de municipios galegos irmandados, setenta e tres en total, incluíndo unha Mancomunidade, a de O Carballiño, representa máis do vintedous por cento do conxunto de administracións locais da nosa Comunidade. Nesa porcentaxe, destacan as provincias de A Coruña e Pontevedra, que con 24 e 22 municipios, respectivamente, destacan sobre os demais. Non obstante, cómpre sinalar que Lugo, con quince municipios irmandados sostén un ritmo de atención a este asunto digno de mención, habida conta das especiais características desta provincia, sempre condicionada polos seus considerables desequilibrios en relación ás demais, especialmente as costeiras.

Por outra banda, cómpre sinalar que o principal destino xeográfico dos irmanamentos galegos é Europa Occidental, a Europa comunitaria, con máis dun cincuenta por cento do total, destacando Francia (22%) e Portugal (21%) sobre outros enclaves (Reino Unido, Italia, Dinamarca, Austria, Alemaña ou Grecia). No caso de Francia, importa destacar a sensibilidade céltica que determina unha orientación predominante cara os municipios bretóns ou, en xeral, da costa atlántica. A proximidade xeográfica é pois unha determinante substancial á hora de impulsar o establecemento de acordos de irmanamento.

Comezan a emerxer, en todo caso, as propostas de estreitamento de lazos con municipios da Europa da ampliación. Rodeiro ou Ordes, con municipios de Hungría e Romanía respectivamente, levan avanzado o seu neste camiño, que vai da man do apoio comunitario a través do Plan Leader Plus. Tamén Boqueixón con Tutrakam, en Bulgaria.

O seguinte bloque xeográfico en importancia é a propia España, case un 30 por cento, con especial significación de Catalunya –vinteseis por cento do total español–. Nesa liña, cómpre significar igualmente os estreitos vínculos establecidos na propia Galicia, entre o Beade vigués e o ourensán, ou as relacións entre Vilalba e Murás que aínda non chegaron a irmanamento pero intercambian relacións irmás. Outra volta, pois, á proximidade xeográfica como primeiro factor a ponderar, que se desprende da realidade radiográfica dos irmanamentos galegos. En suma, case un oitenta por cento dos establecidos se emprazan no entorno máis próximo.

A seguir, naturalmente, o continente americano: Estados Unidos dunha banda, con dous irmanamentos e, sobre todo, América Latina, que representa o 18 por cento do total, acaparando Arxentina –o 8 por cento– a maior parte dos irmanamentos galegos co continente americano. Importancia ten tamén Cuba, con cinco irmanamentos, superando a Brasil (con dous), México, Costa Rica e Nicaragua, todos eles cun só irmanamento.

O factor emigrante tamén está presente en África, desta vez á inversa, da man do irmanamento do municipio lugués de Burela coa Cámara de San Miguel, en Cabo Verde, en virtude desa presencia importante de caboverdianos orixinarios deste enclave no municipio lugués, brindando unha oportunidade excelente para orixinar un coñecemento doutras culturas e realidades que teñen unha expresión viva na vila a través duns individuos, os inmigrantes, a miúdo marxinados.

Dende a perspectiva galega, municipios como A Mezquita (Ourense) traballan por exemplo, na idea de irmandarse con algún pobo de Chile, xa que a colonia de orixe galega máis grande neste país procede deste Concello. Nestas decisións prima a vontade explícita de axudar aos emigrantes galegos na zona promovendo o encontro de familias separadas pola crise, a dos anos cincuenta que obrigou aos galegos a emigrar, e a actual, que dificulta as posibilidades de subsistencia e contacto dos emigrados ou os seus descendentes coas orixes.

Outro tanto acontece coa Mancomunidade de Concellos de O Carballiño (Ourense) que impulsou o irmanamento coa municipalidade de Vicente López, Olivos, na provincia de Buenos Aires, por acoller a boa parte dos fillos desta comarca na emigración.

Por último, cómpre significar o carácter estrictamente solidario dalgunhas decisións de irmanamento, como as referidas ao Sahara ou a Jenin (Palestina). No primeiro caso, Noia e Monforte de Lemos, catalizan boa parte dese sentimento de respecto e apoio que en numerosos municipios de Galicia, a través do programa “Vacacións en paz”, se explícita cada ano, acollendo a nenos saharauís.

No segundo caso, Oleiros e Santiago de Compostela, irmandados con Jenin, a motivación ten que ver co drama que está a vivir a sociedade palestina nos territorios ocupados por Israel, sempre a cabalo entre a esperanza da paz e a desesperanza da guerra.

Tamén a cultura (Catoira), múltiples simbolismos (Gondomar de Galicia e Portugal, Santiago de Compostela con outros “Santiagos” do mundo, etc) están presentes na orixe destas iniciativas.

Volver ó sumario

Volver ó principio


Ir á páxina de inicio
Instituto Galego de Análise e
Documentación Internacional
www.igadi.org

ÚLTIMA REVISIÓN: 18/12/2003
Fernando Pol