---

Minkang Zhou

Semella que os nosos devanceiros non nos queren deixar entrar no novo milenio sen que teñamos resoltos algúns dos problemas que eles deixaron sen resolver, como a cuestión da soberanía da Canle de Panamá, na actualidade baixo control dos estadounidenses, ou o da gobernación da península de Macau, hoxe en mans dos portugueses.

Macau é a derradeira colonia portuguesa en Asia. Nos últimos 486 anos os portugueses converteron esta península, practicamente deshabitada á súa chegada, nun punto de encontro entre Oriente e Occidente, nunha cidade na que se mestura a cultura chinesa e a europea, nun paraíso de diversión e recreo, nunha xoia brillante no extremo Oriente que logrou convivir durante moitos anos coa outra perla, Hong Kong.

Macau, nome e lugar seguramente descoñecido para moitos galegos, vai seguir o camiño que Hong Kong rematou de percorrer hai dous anos. Vai abandonar a soberanía de Lisboa para pasar á de Beijing. Isto acontecerá o 20 de decembro de 1999. Mais, ¿por que?

---