Guía de Recursos / Acción Exterior de Galicia

 Igadi na Rede 

Volver a Guía de Recursos
   

A acollida da primeira edición desta Guía de Recursos de Acción Exterior de Galicia foi excelente. Persoas e institucións eloxiaron a iniciativa tanto pola súa oportunidade como tamén polo seu rigor e amplitude.

Certamente, por primeira vez, resumíase nun único instrumento as diferentes manifestacións da proxección exterior que dende Galicia podiamos impulsar e vertebrar. Esta segunda edición, revisada e aumentada, incorpora notables melloras e precisións e, por iso mesmo, a súa utilidade directa vai ser maior. Ademais de incorporar novos axentes e escenarios, profundiza na información facilitada, de xeito que calquer usuario poderá optar pola comunicación que prefira (correspondencia, teléfono, fax, e-mail).

Ese fomento da comunicación constitúe un dos principios fundamentais que animan este proxecto. Porque o diálogo, o encontro, a posta en común é unha necesidade imperiosa nas sociedades modernas. De igual modo, esa secuencia de múltiples datos que a Guía incorpora responde á convicción de que Galicia debe proxectarse no mundo actual implementando, a todos os niveis, estratexias de acción exterior. E o primeiro instrumento é unha información apropiada.

Estamos seguros de que todos os axentes da sociedade galega implicados nesta ilusionante tarea saberán tirar un abondoso proveito desta segunda edición que agora chega ás súas mans.


Juan Rodríguez Yuste
Director da Fundación Galicia-Europa
Secretario Xeral de Relacións coa Unión Europea e
Acción Exterior

Volver a Guía de Recursos



Ir á páxina de inicio
Instituto Galego de Análise e
Documentación Internacional
www.igadi.org

ÚLTIMA REVISIÓN: 08/12/2006
Fernando Pol


Subir

 

Subscríbete á lista de correo do Igadi e recibe notificación das novas
informacións, artigos, documentos, convenios, publicacións, etc, que ofrece
o Igadi na súa páxina web Igadi na Rede.


Para comprender o Mundo desde aquí ...
... para proxectar a Galicia no contexto internacional.

 

Apúntate en: http://www.elistas.net/lista/igadi/alta