Fondo Galego fondogalego.org info@igadi.org Tel/Fax: 986 357 238

Publicacións / Cadernos Cadernos do Fondo Galego nº 1 - verán 2000     O Fondo Galego: Preguntas e respostas Que ideas expresa a “Declaración Programática” do Fondo? Esta especie de manifesto fundacional reivindica o papel que poden e deben desempeñar as Corporacións Locais nun mundo efectivamente globalizado, pero que se obstina en marxinar do progreso a todos aqueles que non son capaces de seguir o vertixinoso ritmo imposto polos máis avanzados e poderosos. A cooperación constitúe hoxe un campo máis de actividade da acción pública local. Fronte á idea de crecemento a calquer prezo, insístese na importancia de moderala atendendo a razóns de equilibrio, distribución e solidariedade, para crear unha sociedade internacional máis xusta e humana. A Declaración Programática pretende ser a base mínima de entendemento para o exercicio das políticas de cooperación e solidariedade por parte das administracións locais galegas, o nexo filosófico que dé sentido á coordinación, interlocuión e aprendizaxe mutua, sen merma do máis escrupuloso respecto á autonomía de cada Corporación para asumir compromisos de maior envergadura.   www.fondogalego.org ÚLTIMA REVISIÓN: 19/06/2000 Fernando Pol