Fondo Galego fondogalego.org info@igadi.org Tel/Fax: 986 357 238

Publicacións / Cadernos Cadernos do Fondo Galego nº 1 - verán 2000     O Fondo Galego: Preguntas e respostas Cales son os gastos de funcionamento do Fondo? Toda entidade xenera unha burocracia. Dende o Fondo pretendemos que esta sexa a mínima imprescindible para garantir un digno e eficaz funcionamento. Actualmente o nivel de gasto deste capítulo sitúase por debaixo do cinco por cento do noso orzamento anual. Con esa porcentaxe atendemos todos os custes de xestión. Esto é posible en virtude do esforzo que se efectúa dende a Secretaría do Fondo, auténtica columna vertebral da nosa estructura, pero tamén é consecuencia dos apoios loxísticos e materiais que de procedencia diversa, contribúen a aliviar sensiblemente esta carga. Cómpre ter en conta que o Fondo trata igual a todos os socios con independencia do seu tamaño ou aportación e dado o perfil do municipalismo galego, son moitos os Concellos que aportan cantidades baixas que sen embargo aspiran lexitimamente a estar informados das iniciativas do Fondo e a participar e beneficiarse das actividades programadas. A autorestricción no gasto burocrático obedece á idea de concentrar a maior parte posible dos recursos propios no financiamento de proxectos de desenvolvemento.   www.fondogalego.org ÚLTIMA REVISIÓN: 19/06/2000 Fernando Pol