Fondo Galego fondogalego.org info@igadi.org Tel/Fax: 986 357 238

Publicacións / Cadernos Cadernos do Fondo Galego nº 1 - verán 2000     O Fondo Galego: Preguntas e respostas Que relación hai entre o Fondo e as ONGs? As organizacións non gobernamentais (ONGs) constitúen un referente importante no mundo da cooperación. Sen dúbida, gañaron a pulso un considerable respecto social, proporcional ó seu nivel de compromiso e adicación. Dende o inicio das súas actividades, o Fondo considerou a necesidade de crear un Consello Municipalista da Cooperación que facilitaría a libre e voluntaria participación de todas elas nas dinámicas municipalistas de cooperación. As finalidades principais deste Consello son as seguintes: actuar como órgano consultivo do Fondo nalgunhas materias; participar na elaboración das bases reguladoras para a concesión de axudas a proxectos de cooperación; participar no seguemento, control, supervisión e avaliación da eficacia con que se utilizaron os fondos asignados a cada proxecto; promover iniciativas de cooperación e solidariedade en Galicia, etc. O Consello conta con un Regulamento de funcionamento que foi aprobado por unanimidade na sesión constitutiva celebrada o 17 de decembro de 1998. Na actualidade, forman parte do Consello un total de catorce ONGs, pero todas poden participar se así o solicitan.   www.fondogalego.org ÚLTIMA REVISIÓN: 19/06/2000 Fernando Pol