| Fondo Galego |
 |
 |
|
|
|
| fondogalego.org info@igadi.org |
|
| Tel/Fax: 986 357 238 |
  Número
101 - maio 2008 |
|
a experiencia dos Fondos de Cooperación
O Fondo Galego convidou a un participante do programa Vacacións con Traballo, Álvaro Trillo, técnico de Infraestructuras da Deputación de A Coruña, que no ano 2007 prestou, durante un mes, asistencia técnica á Municipalidade de Sao Miguel, Ilha de Sao Tiago, en Cabo Verde. Xunto con Álvaro estivo Joao Gomes Duarte, presidente da Cámara Municipal da cidade. Previo ao Encontro, o día 16, realizouse, na sede do Fons Catalá, unha reunión técnica de avaliación do programa ART-GOLD do Programa de Nacións Unidas para o Desenvolemento (PNUD) en Sri Lanka. Asistiron os Fondos socios do programa no país: Fondo Galego, Fondo Estremeño, Fondo Andaluz e Fons Catalá. A reunión, na que tamén participaron Johamnes Krassnitzer, asesor técnico principal do programa ART en Sri Lanka, e Antonio Zurita, representante do programa ART en España, tivo como obxectivo presentar os resultados acadados trala intervención realizada no país despois do Tsunami, así como os retos e eixes de traballo que serán desenvolvidos na provincia de Matara durante o ano 2008.
Novas apostas pola Sensibilización do Fondo Galego para 2008-2009
É por isto que a educación para o desenvolvemento e os programas de sensibilización convertéronse nun área de traballo prioritaria do Fondo Galego, que este vincula directamente co seu traballo en cooperación internacional. No Fondo Galego de Cooperación e Solidariedade entendemos que debido á súa proximidade aos/ás cidadáns/ás, son os entes locais os que deben reforzar o seu papel pedagóxico-educador, e trasladar así a nosa responsabilidade nas desigualdades Norte-Sur. Consecuentemente, elaboramos o Plan bianual de Sensibilización 2008-2009 co apoio da Dirección Xeral de Cooperación Exterior da Xunta de Galicia, que ten como público obxectivo directo aos socios do Fondo Galego, e do que indirectamente tamén poderán beneficiarse a comunidade educativa, o tecido asociativo galego, ONGDs, etc. O Plan de Sensibilización estrutúrase en tres eixos temáticos:
Xa que desde este Plan queremos pensar e reflexionar desde a nosa realidade, facer e actuar no local e no global para poder ver e coñecer mellor o noso mundo e a nosa propia realidade. En canto ao contido do programa de sensibilización, destaca, en primeiro lugar, a aposta pola creación e o achegamento dunha oferta formativa básica para os/as responsables políticos e técnicos/as locais, sobre cooperación, sensibilización e educación para o desenvolvemento desde as entidades locais galegas, que se materializa na organización de oito cursos de formación continua que terán lugar no transcurso dos anos 2008 e 2009. En segundo lugar, no Plan de Sensibilización inclúese o proxecto TEATRacciÓn, teatro con fondo no que se desenvolven liñas de traballo, de creación, de formación e de investigación, vinculadas coas dimensións social, educativa e cultural da práctica do teatro. O proxecto hai que situalo no marco da educación e da animación teatral, pois ten como finalidade última a posta en marcha de procesos de desenvolvemento persoal e colectivo dos participantes e a toma de conciencia ante realidades diversas, xa sexa por parte do colectivo de creadores e artistas, xa sexa por parte da comunidade receptora das súas propostas e accións. TEATRacciÓn, teatro con fondo nace dun proceso de colaboración entre o Fondo Galego de Cooperación e Solidariedade (FOGACOSOL) e a Escola Superior de Arte Dramática de Galicia (ESAD), e coa finalidade de desenvolver unha actividade concreta, que se vincula coa promoción da sensibilización da cidadanía galega e coa necesidade de potenciar a cooperación para o desenvolvemento. Nesa dirección, o proxecto en si, e as actividades que poida desenvolver, parten dunha primeira fase de concienciación dos propios creadores en relación coas posibilidades do seu traballo como artistas: a posibilidade de traballar, desde a creación artística, a favor dun mundo mellor, máis humano e solidario. A montaxe do espectáculo realizarase durante este ano 2008. A estrea e as representacións terán lugar ao longo do ano 2009 en municipios socios do Fondo Galego das catro provincias galegas.
Implicadas no Desenvolvemento visita a Secretaría Técnica do Fondo
I. Ambalavanan e P. Bobby viaxaron dende a India ata Galicia para dar a coñecer a situación da comunidade local de Tamil Nadu, Karaikal e Salem, mostrando os beneficios e os cambios que supuxeron para a vida da comunidade as accións de cooperación ao desenvolvemento que a cooperación galega, co apoio do Fondo Galego está a levar a cabo xunto coa organización local People Development Iniatives (PDI). Ambalavanan é o director da devandita organización india, mentres que Bobby é membro do seu Consello de Administración. Na reunión mantida entre o equipo da Secretaría Técnica do FOGACOSOL e os nosos convidados, estes expuxeron os avances e os retos que plantexa a execución do proxecto de desenvolvemento que están a levar a cabo na rexión de Tamil Nadu en India. O proxecto tenta fomentar o cambio nas actitudes e prácticas das comunidades sobre a discriminación de xénero, a través de formar á comunidade sobre a desigualdade de xénero e, especialmente a mulleres embarazadas, con especial énfase nunha das súas prácticas máis extremas: o infanticidio feminino. Para acadar este obxectivo, os representantes de PDI relataron como, ademais, están capacitando ao persoal sanitario das aldeas para que contribúan ao esforzo de cambiar as prácticas animando ás mulleres a que asistan ás revisións durante o embarazo.
Resultado desta xuntanza, conformouse a Comisión Técnica de Comercio Xusto, concibida como un órgano de carácter participativo e consultivo, no que participará activamente o Fondo Galego de Cooperación e Solidariedade (FOGACOSOL). Dita Comisión xurde co fin primordial de concretar e artellar as propostas por parte das entidades que, polo seu ámbito de actuación, poden ter un peso relevante no desenvolvemento de medidas concretas cara á promoción do comercio xusto e o consumo responsable na comunidade autónoma galega. Que é o comercio xusto? A definición internacionalmente consensuada e aceptada de comercio xusto é a seguinte: “O comercio xusto é unha relación de intercambio baseada no dialogo, a transparencia e o respecto, que busca unha maior equidade no comercio internacional. Contribúe ao desenvolvemento sustentable ofrecendo mellores condicións comerciais; asegurando os dereitos dos pequenos produtores e traballadores marxinados, especialmente do Sur. As organizacións de comercio xusto, apoiadas polos compradores, están activamente comprometidas en apoiar aos produtores e a promover a práctica do comercio xusto por medio de campañas que desenvolvan conciencia e axuden a cambiar as regras do comercio convencional internacional”. O concepto de comercio xusto nace para garantir que os/as productores/as dos países empobrecidos poidan acceder a unha relación comercial xusta e reciban un prezo que reflicta custos reais de produción e de traballo, e que ademais faga posible unha produción socialmente xusta e medioambientalmente viable. Actualmente 5 millóns de persoas en África, Asia e América Latina benefícianse do comercio xusto. Trátase de gupos ou cooperativas de produtores/as e agricultores/as que producen café, cacao, té, plátanos, outras froitas tropicais, noces, mel, téxtil e complementos, papelería, xoguetes, artigos de decoración e mobiliario. Que é a compra pública ética? A compra pública responsable ten como obxectivo integrar preocupacións sociais, medioambientais e/ou éticas nas decisións de contratación pública. Practicando a compra pública responsable, as autoridades imprimen un valor engadido nas súas compras de obras, suministros e servizos. O orzamento da compra pública invírtese de tal maneira que o gasto contribúe a obxectivos políticos máis amplos. A compra pública ética representa o compromiso por parte das autoridades cos productores e outros actores económicos que cumpren coas convencións internacionais e estándares sobre condicións laborais dignas, salarios mínimos, dereitos dos/das traballadores/as, loita contra o traballo infantil (recoñecidos xeralmente como comercio xusto ou principios éticos) dando preferenza nas súas compras aos productos que apostan por criterios ou estándares éticos máis esixentes. Aplícase xeralmente a contratos de suministro (alimentos e téxtil).
Persépolis
De seguido amosamos o itinerario e as vindeiras datas nas que se poderán visitar estas exposicións: • Cangas do Morrazo, “Fondo Galego, Dez Anos con Proxectos”, do 21/04/08 ao 18/05/08, no marco das IV Xornadas Interculturais. • Corcubión, “Os Obxectivos de Desenvolvemento do Milenio”, do 01/05/08 ao 15/05/08, nas celebracións do I Festival Maio Solidario. • Salceda de Caselas, “Fondo Galego, Dez Anos con Proxectos”, do 15/05/08 ao 30/05/08, festexando a adhesión deste Concello ao Fondo. • Caldas de Reis, “A Paz Cuestión de Fondo” e “Fondo Galego, Dez Anos con Proxectos”, do 27/06/08 ao 15/07/08, participando no Festival Cultura Quente.
|
||||||||||||||||||||||||||||
  Descarga
o boletín en formato pdf. |
||||||||||||||||||||||||||||
|
||||||||||||||||||||||||||||
|
|
||||||||||||||||||||||||||||
|
||||||||||||||||||||||||||||
|
|
||||||||||||||||||||||||||||
|
www.fondogalego.org ÚLTIMA REVISIÓN: 24/05/2008
|
||||||||||||||||||||||||||||
