|
Traballando a solidariedade
Xa temos traballador@s solidari@s! O pasado 11 de maio tivo
lugar a resolución do Programa de Vacacións con Traballo, ao cal se presentaron dez persoas con moi
bos currículos e, aínda mellor, motivación. Ante a calidade das solicitudes recibidas, foi
realmente complexo o proceso de baremo e resolución, adoptando como criterio principal o achegamento aos
perfís requiridos polos nosos parceiros en Nicaragua e Cabo Verde.
A decisión tomada na Comisión Executiva do 11
de maio en relación ás persoas seleccionadas para viaxar ao Sur foi a seguinte:
A Nicaragua:
• María del Carmen López Avendaño, educadora
social do Concello de Neda.
• David Saavedra Pino, traballador social no Concello de Noia
(suplente).
A Cabo Verde:
• Inés Peleteiro López, coordinadora de xestión
ambiental do Consorcio de As Mariñas.
• José Ricardo Pérez Rodríguez, arquitecto
municipal e xefe do Servizo de Arquitectura e Urbanismo no Concello de Culleredo (suplente).
Parabéns @s seleccionad@s e ánimos @s que quedaron
fóra desta vez, pero que poden presentarse en vindeiras ocasións. Entendemos que pór a traballar
a solidariedade nun camiño de ida e volta baseado no intercambio e a aprendizaxe mutua, é, quizais,
a mellor forma de cooperar.
Asemblea Xeral de Socios: imprescindible participar
O próximo 2 de xuño terá lugar a segunda
Asemblea Xeral de Socios do presente ano. É esta unha cita imprescindible para todos os socios, concellos
e deputacións, que, a través dos seus responsables políticos, teñen neste foro a súa
máxima capacidade e oportunidade de expresión e decisión.
Deste xeito, o Fondo Galego, ano tras ano, engraxa o seu esqueleto
organizativo e se pon a andar polo camiño da cooperación municipalista, non faltos de fendas e curvas,
pero sempre cara diante cando a traxectoria está ben definida.
O aumento das cotas, que xa se comezou a debater na asemblea
anterior, a resolución dos proxectos de cooperación para o 2006… son algúns dos puntos fortes
do encontro. A Asemblea Xeral é o momento do debate e da participación, a mellor ocasión para
sumar vontades; que a do teu concello non quede fóra!
| |
 |
| Recepción de Gladys Cáceres na
Deputación de Ourense coa presenza dos concellos socios da provincia. |
| |
Nicaragua de novo en Galicia
Por terceiro ano consecutivo, o Fondo Galego contou coa visita
de Gladys Cáceres, directora da organización nicaragüense INPRHU-Somoto, coa que o Fondo Galego
leva en contacto dende o 2002. Nesta ocasión, foron as provincias de Ourense e Pontevedra as súas
anfitrioas principais.
A súa axenda contou cunha recepción no Concello
e na Deputación de Ourense, onde os proxectos financiados polo Fondo Galego a través das cotas pagadas
polos Concellos, chegaron con nomes propios @s distint@s responsables polític@s da provincia, presentes
na xuntanza. Tamén o Concello de Allariz contou coa súa mirada do Sur, a través dunha charla
no IES e unha visita ao Concello.
En Pontevedra, Gladys foi recibida no Concello que dá
nome a provincia polo alcalde e a concelleira de Benestar Social e Muller, responsable política do Fondo
Galego na cidade. No Concello de Vigo, a alcaldesa e a correspondente responsable política do Fondo Galego,
a concelleira de Participación Cidadá e Benestar Social, contaron tamén coa súa presenza
e experiencias.
A Dirección Xeral de Cooperación foi outra porta
que se abriu aos proxectos de INPRHU-Somoto e ao intercambio de experiencias coa súa emisora.
Nun plano máis divulgativo, aproveitando o amplo caudal
de coñecementos e experiencias desta muller comprometida durante xa moitos anos co traballo comunitario,
tivo lugar unha charla en Vigo, no Centro Crisol, baixo o título “Os retos da cooperación en Nicaragua”.
Do mesmo xeito, na facultade de Ciencias Políticas de Santiago, o alumnado do Máster de Cooperación
tivo a oportunidade de escoitar a Gladys e aprender da cooperación que se fai directamente dende o Sur.
Como último porto en Galicia, o Concello de Cambre contou
con Gladys como invitada especial durante toda unha tarde e aproveitou a ocasión para facer a presentación
da exposición “A Paz Cuestión de Fondo”.
Galicia de novo en Nicaragua
Na convocatoria do 2005 se levaron adiante os seguintes proxectos
en Nicaragua:
• Proxecto: Proxecto de Educación Alternativa Rural Técnica Integral
para Adolescentes e Mozos Rurais no Municipio de Las Sabanas. ONGD: INPRHU-Somoto, Instituto de Promoción Humana. Orzamento:
119.027,20€. Cantidade solicitada ao Fondo: 42.742€. Cantidade aportada polo Fondo: 42.742€. Resumo:
Mellora da calidade de vida dos mozos rurais aportando ao desenvolvemento integral, autoxestionario e sostible
das súas familias e as súas comunidades a adquisición de coñecementos grazas aos programas
de formación técnica e do ciclo básico de secundaria. Observacións:
No financiamento previsto polo Fondo Galego, achegarase unha aportación do Concello de Oleiros por valor
de 30.000€.
• Proxecto: Instalación dun muíño comunal. ONGD:
INPRHU-Somoto, Instituto de Promoción Humana. Orzamento: 2.936,25€. Cantidade solicitada ao Fondo: 1.200 €. Cantidade aportada
polo Fondo: 1.200€. Cantidade aportada pola Comunidade: 626,96€. Cantidade aportada pola Alcaldía: 1.109,29€.
Resumo:
Instalación dun muíño comunal que funcionará a base de enerxía eléctrica.
O proxecto inclúe a compra dun muíño con capacidade de 150 Lbs/h, instalación eléctrica,
construción de caseta, equipamento de caseta con mesas e bancos.
• Proxecto: Creación da Unidade Clínico Docente en Ciudad Sandino.
ONGD:
Fundación SEMG-Solidaria. Orzamento: 446.260,49€. Cantidade solicitada ao Fondo: 60.000€. Cantidade aportada
polo Fondo: 30.000€. Cantidade aportada pola ONGD: 131.260€. Resumo: Construción e funcionamento dunha unidade clínico docente
co fin de superar o seu nivel científico-técnico. Prestar atención médica con calidade
á poboación. Observacións: Cidade Sandino está irmandada co Concello de Allariz, que aporta
12.000 euros. Asúmese o compromiso orzamentario desagregado en dous anos.
Mapa de socios do Fondo Galego
| A Coruña |
Lugo |
Ourense |
Pontevedra |
| Deputación |
Castroverde |
Deputación |
Deputación |
| A Coruña |
Guitiriz |
A Teixeira |
A Cañiza |
| A Pobra do Caramiñal |
Lugo |
Allariz |
A Estrada |
| Ames |
Mondoñedo |
Castrelo de Miño |
A Guarda |
| Arteixo |
Monforte |
Castrelo do Val |
Baiona |
| As Pontes |
Monterroso |
Entrimo |
Bueu |
| Bergondo |
Samos |
Gomesende |
Caldas de Reis |
| Betanzos |
Sarria |
Manzaneda |
Cambados |
| Boiro |
Triacastela |
O Barco |
Cangas |
| Brión |
Viveiro |
O Irixo |
Cuntis |
| Cabanas |
|
Oimbra |
Gondomar |
| Cambre |
|
Ourense |
Moaña |
| Carballo |
|
Ribadavia |
Mos |
| Carral |
|
San Cibrao das Viñas |
Nigrán |
| Cedeira |
|
Sandiás |
O Porriño |
| Cerceda |
|
Verea |
O Rosal |
| Corcubión |
|
Verín |
Poio |
| Culleredo |
|
Vilar de Santos |
Pontecesures |
| Fene |
|
|
Pontevedra |
| Ferrol |
|
|
Redondela |
| Lousame |
|
|
Rodeiro |
| Mugardos |
|
|
Salvaterra de Miño |
| Narón |
|
|
Soutomaior |
| Neda |
- |
- |
Vigo |
| Noia |
- |
- |
Vilagarcía de Arousa |
| Oleiros |
 |
| Outes |
| Pontedeume |
| Porto do Son |
| Rianxo |
| Sada |
| Santiago |
| |
| |
| |
|
Número
90 - 18 de maio de 2006
