|
Balance 2005: máis cooperación, máis
Fondo Galego
Conscientes da importancia do presente ano, por ser o ecuador
da lexislatura municipal e por estarmos a dous anos do X Aniversario da constitución do Fondo Galego, comezamos
o 2005 fixándonos novos retos e un plan de traballo capaz de fortalecernos en todos os sentidos. Este compromiso
co traballo e coa cooperación dos entes locais galegos reflectiuse en varias dimensións: en primeiro
lugar, nun considerable aumento do noso tecido asociativo, dando un importante paso cara os 100 socios, fixados
no Plan Estratéxico 2003-2007; en segundo lugar, deseñamos e executamos un programa de sensibilización
ambicioso e; finalmente, estreitamos relacións entre os diversos actores da cooperación, coas ONGDs,
con axencias internacionais, ou impulsamos, como no caso de Portugal, un debate acerca da cooperación descentralizada.
O tecido asociativo do Fondo Galego
Actualmente participan no Fondo Galego un total de 78 concellos
e as deputacións de A Coruña, Ourense e Pontevedra. No presente ano incorporáronse 12 concellos:
9 da provincia de Ourense, Castrelo do Val, Entrimo, Manzaneda, Oímbra, Verín, San Cibrao das Viñas,
Sandiás, Teixeira e Verea; 2 da provincia de Lugo, Castroverde e Viveiro, establecendo contactos con Monterroso,
As Nogais, Pedrafita do Cebreiro, Triacastela, e Cervantes; e 1 na provincia de Pontevedra, Salvaterra de Miño.
Proxectos 2005
Participar cooperando. E para iso, no ano 2005 aprobamos un
total de 15 proxectos, afondando na cooperación coas ONGDs, cos nosos parceiros do Sur, e apostando pola
África de expresión portuguesa. O Plan de Acción para Cabo Verde, ou a colaboración
cos proxectos de formación e capacitación municipal en Perú, expresan ese intento por mellorar
a calidade da nosa cooperación e afondar nun modelo que teña en conta a singularidade municipal.
Asemade, coordinamos a solidariedade dos concellos galegos coas víctimas do Tsunami a través da conta
de emerxencia do Fondo, posibilitando a nosa participación no proxecto Art-Tsunami Sri Lanka, en colaboración
coa Confederación de Fondos e o Programa de Nacións Unidas para o Desenvolvemento.
Programa Sensibilización 2005
Dinamizar a Rede Municipalista Solidaria, identificar os camiños
posíbeis para afortalala foi un dos eixes do noso traballo en sensibilización, constituíndose
a Comisión de Sensibilización que pretende asentar un esforzo máis colectivo e con maior participación
na definición dos liñamentos básicos deste traballo, decisivo para gañar máis
complicidades para a nosa tarefa.
Cuestións como a paz, a nova axenda do desenvolvemento
que son Os Obxectivos do Milenio, as diferenzas entre os homes e mulleres nos distintos países do mundo,
estiveron presentes nas tres exposicións que este ano circularon polos concellos socios do Fondo.
Neste senso, o intercambio de experiencias e a constitución
dun espazo para o debate foi posible un ano máis coa celebración das Xornadas Anuais da Cooperación,
baixo o lema “Retos e oportunidades da cooperación galega”.
Achegarnos á comunidade educativa, incorporar aos nenos
e as nenas na visión dun mundo diferente tivo a súa plasmación na II Convocatoria do concurso
de redacción “Por un mundo máis xusto faite solidario/a”.
Este ano comezamos a avaliar a nosa cooperación e centrámonos
en Nicaragua. Novos temas coma o Codesenvolvemento e outros non tan novos como o xénero foron o eixo de
dous seminarios dirixidos á Rede Municipalista Solidaria, a persoal técnico dos concellos, a ONGDS,
etc.
Visitas dende o Sur
Este ano tivemos a oportunidade de coñecer as realidades
e as experiencias dos protagonistas do Sur. Persoeiros como Frei Betto, Gladys Cáceres de Inprhu Somoto
(Nicaragua), Juan Alberto Castillo da comunidade garífuna do Salvador ou o ministro de Xustiza do Pobo Saharauí
visitáronos no 2005.
Publicacións
Somos conscientes da importancia da visualización e da
difusión do noso traballo, da reflexión permanente sobre os seus perfís e orientacións,
a partir dunha premisa básica: os concellos galegos somos solidarios e estamos a impulsar políticas
de cooperación propias, cun enfoque baseado no desenvolvemento humano e da importancia das comunidades do
sur. Publicamos os novos estatutos do Fondo, a memoria 2004, o Infórmate a Fondo nº 71-85, o Caderno
no Fondo nº 3: A Nosa Cooperación; as viñetas A Paz cuestión de Fondo, a Declaración
prográmatica do Fondo e a Declaración Institucional do Parlamento de Galicia a propósito dos
Obxectivos do Milenio.
Asemblea Xeral de Socios: 2 de febreiro
O día 2 de febreiro de 2006 celebraremos a primeira Asemblea
xeral de socios do ano. A importancia do período que se abre é fundamental, a pouco máis dun
ano da celebración do X Aniversario.
Cooperación galega
O cambio político na Xunta de Galicia acontecido no mes
de xuño materializouse nun acordo de goberno que en cooperación aspira a concretar un incremento
considerable dos orzamentos. Neste senso, a directora xeral da Cooperación, Fabiola Sotelo Sotelo, revalidou
o compromiso de destinar o 0,4 % dos orzamentos á cooperación exterior, e a asumir un rol activo
en relación á coordinación, dinamización e apoio aos actores da cooperación.
Apoio ao comercio xusto
Está a disposición de todos os asociados unha
Moción Plenaria de apoio ao comercio xusto. Esta iniciativa, consecuencia do apoio que o Fondo Galego ven
de expresar ao programa do “Bo café” que impulsa a ONGD “Amarante”, pode contribuír á formación
de cidadáns máis comprometidos coa defensa da produción das comunidades dos países
do Sur.
Convocatoria de Proxectos 2006
As bases da convocatoria de proxectos 2006 incluirán
como modificación máis salientable en relación a outras anteriores a consideración
explícita do codesenvolvemento como un eixe a estimular e tamén o apoio ás organizacións
de inmigrantes asentadas en Galicia.
Incremento orzamentario para cooperación
no Concello de A Coruña
Dende o Fondo Galego saudamos o notable incremento que o Concello
de A Coruña ven de concretar en relación á cooperación internacional. Desde María
Pita sinálase un novo camiño para que o municipalismo galego actualice e acompañe o incremento
substancial que as principais Administracións públicas están a adoptar nesta materia. Ogallá
que o exemplo cunda e o balance final que presentemos en 2007, cando celebremos o noso X aniversario, amose a plena
vitalidade non soamente dunha cooperación transformada, senón tamén en si mesma transformada.
Sería o mellor indicativo de que o esforzo liderado polo Fondo non cae en saco roto.
Mapa de socios do Fondo Galego
| A Coruña |
Lugo |
Ourense |
Pontevedra |
| Deputación |
Castroverde |
Deputación |
Deputación |
| A Coruña |
Guitiriz |
A Teixeira |
A Cañiza |
| A Pobra do Caramiñal |
Lugo |
Allariz |
A Estrada |
| Ames |
Mondoñedo |
Castrelo do Val |
A Guarda |
| Arteixo |
Monforte |
Entrimo |
Baiona |
| As Pontes |
Samos |
Manzaneda |
Bueu |
| Bergondo |
Sarria |
O Barco |
Caldas de Reis |
| Betanzos |
Viveiro |
O Irixo |
Cambados |
| Boiro |
|
Oimbra |
Cangas |
| Brión |
|
Ourense |
Cuntis |
| Cabanas |
|
Ribadavia |
Gondomar |
| Cambre |
|
San Cibrao das Viñas |
Moaña |
| Carballo |
|
Sandiás |
Mos |
| Carral |
|
Verea |
Nigrán |
| Cedeira |
|
Verín |
O Porriño |
| Cerceda |
|
Vilar de Santos |
O Rosal |
| Culleredo |
|
|
Poio |
| Fene |
|
|
Pontecesures |
| Ferrol |
|
|
Pontevedra |
| Lousame |
|
|
Redondela |
| Mugardos |
|
|
Rodeiro |
| Narón |
|
|
Salvaterra de Miño |
| Neda |
- |
- |
Soutomaior |
| Noia |
- |
- |
Vigo |
| Oleiros |
|
|
Vilagarcía de Arousa |
| Outes |
 -
|
| Pontedeume |
| Porto do Son |
| Rianxo |
| Sada |
| Santiago |
| |
| |
| |
| |
|
Número
85 - 26 de decembro de 2005
