|
II Xornadas Anuais de Cooperación e Solidariedade
O 17 de novembro en Arteixo celebráronse as II Xornadas
Anuais de Cooperación e Solidariedade, baixo o lema “Retos e oportunidades da cooperación galega”.
O Fondo Galego reuniu, un ano máis, aos distintos actores e axentes da cooperación en Galicia para
compartir e debater, entre todos, o momento actual que vive a nosa cooperación. Para iso propuxéronse
dous temas: os recursos e a calidade.
Interviñeron nas xornadas: Fabiola Sotelo Sotelo, directora
xeral de Cooperación Exterior; Xosé Cuns Traba e Beatriz Villanueva Pena, da Dirección Xeral
de Cooperación Exterior; Xosé María Torres e Emilio Martinez Rivas, en representación
da Coordinadora Galega de ONGDs e as ONGDs; Enrique Peña Gonzalez e Nieves Lagares, en representación
das Universidades; Gianluca Vignola, director do PNUD en Roma; Xosé María Permuy, da Executiva do
Fondo Galego; e Iria Alonso Casares, da Secretaría Técnica do Fondo Galego.
A xeito de conclusións, compre salientar a valoración
positiva do compromiso do aumento dos orzamentos, sen esquecerse, sen embargo, da pertinencia da xeración
de recursos propios, da innovación e da investigación. Outro eixo foi a calidade como reto, para
a cal se precisa unha maior coordinación, profesionalización, visualización, xestión
de calidade e especialización dos distintos actores da cooperación.
ART-Tsunami: encontro con Gianluca Vignola
Un ano despois do tsunami, o Fondo Galego convidou a Gianluca
Vignola, coordinador do Programa ART-Tsunami Sri Lanka, para que coñecera o Fondo Galego e intercambiara
impresións sobre a marcha do programa ART-Tsunami. Neste programa participan aqueles concellos que contribuíron
coas súas achegas á conta de emerxencia habilitada para apoiar as víctimas do tsunami do 26
de decembro do 2004.
O Fondo Galego xunto co Fons Catalá, Fondo Andaluz, Fondo
Estremeño e a cooperación descentralizada italiana son os impulsores deste novo enfoque do PNUD.
A estratexia ART é un novo instrumento baseado na constitución de redes territoriais na que os entes
locais xogan un papel fundamental no desenvolvemento das súas comunidades.
Seminario “Enfoque de xénero na cooperación
municipalista galega”
O 24 de novembro no Concello de Caldas de Reis tivo lugar o
seminario “O Enfoque de xénero na cooperación municipalista galega”. A crecente conciencia de que
o desenvolvemento non é posible se as mulleres non participan en pé de igualdade, levounos a preparar
este seminario no que a través do análise das intervencións apoiadas polo Fondo Galego nos
últimos anos, avaliamos a incorporación dos obxectivos de empoderamento das mulleres e a mellora
de equidade cos homes.
Frei Betto: “A lóxica do mundo é
asasina e cruel”
Con estas palabras, Frei Betto abría a conferencia celebrada
no Concello de Vigo o 7 de novembro. A visita deste frade dominicano brasileiro, ex asesor de Lula e pai do Programa Fome Zero,
tivo unha excelente acollida, espertando grande interese da cidadanía galega.
Durante a súa estancia en Galicia, Frei Betto impartiu
dúas conferencias, a primeira en Vigo onde foi recibido pola alcaldesa e a concelleira de Benestar Social,
e a segunda en Santiago, na Facultade de Ciencias políticas. A súa presenza nesta cidade histórica
aproveitouse para manter diferentes encontros coa directora xeral de Cooperación Exterior, cos distintos
portavoces dos grupos parlamentarios e tamén con representantes do mundo da cultura galega.
Cunha traxectoria vital marcada polo seu compromiso social,
Frei Betto repasou as cifras da vergoña do século XXI, as cifras que a día de hoxe revelan
que a fame continúa sendo a primeira causa de morte mundial. Realidade difícil de entender cando
sabemos que sobran recursos económicos e humanos para acabar con este tipo de inxustiza social e violencia
estructural, que nega as condicións mínimas de desenvolvemento humano; como exemplo ilustrativo desta
realidade destacou que “coa metade do que gasta EEUU nun ano en armas erradicaríamos a fame no mundo”.
O Sur tamén existe
Os días 26 e 31 de outubro, visitounos Juan Alberto Castillo,
técnico social da Asociación de Municipios da poboación garifuna de Honduras, que colabora
con Solidariedade Internacional na “Mellora integral das condicións de vida das comunidades da liña
costeira oriental do Municipio de Balfate”, proxecto que na actualidade financia o Fondo Galego. Juan Alberto impartiu
dúas conferencias nos concellos de Gondomar e Noia para falar da realidade dos garifunas en Honduras e en
que medida o proxecto está contribuíndo á integración desta comunidade na sociedade
hondureña. Aproveitando a súa presenza en Galicia, foi convidado a participar na xuntanza da Rede
Municipal Solidaria que reuniu aos concellos do Fondo Galego da provincia de Lugo o 27 de outubro.
Por outra banda, tamén a mediados de outubro, contamos
coa visita de Clarice Aparecida dos Santos, coordinadora de educación do MST de Brasil, un dos movementos
sociais máis importantes de América. No 2004 o Fondo Galego apoiou economicamente o proxecto presentado
pola ONGD Amarante “Dotación de medios de transporte ás organizacións campesiñas do
MST de Piauí”, co que se pretendía contribuír e acrecentar a capacidade institucional, organizativa
e loxística do Movemento dos Traballadores Rurais Sem Terra do Estado de Piauí. Clarice visitou o
Concello de Cangas co fin de intercambiar experiencias sobre o traballo que esta muller desenvolve no Brasil.
Proxectos en Guatemala
Zonas de actuación do Fondo Galego
dende 1998: a) Departamento El Progreso, municipalidade
de San Antonio la Paz, zona do Sureste. b) Departamento Izabal, municipalidade El Estor, zona Este. c) Departamento
Alta Verapaz, municipalidade de Frai Bartolomé de las Casas, zona Centro Norte. d) Departamento de Petén,
municipalidade de San Francisco, zona Norte.
• Construción
dunha casa de acollida para menores en alto risco social.
Ano:
1998. ONG:
Arquitectos Sen Fronteiras. Contraparte
local: Fundaniños. Localización: Granxa
El Marañon, pertencente á aldea Aguacaliente do municipio de San Antonio La Paz, departamento de
El Progreso. Área sectorial de actuación: infraestruturas e servizos sociais. Proxecto: construción
dunha casa para albergar a uns 28 menores e dous adultos ao seu cargo. Obxectivo
xeral: dar aloxamento, coidado e protección a nenas
e nenos que pertencen a familias desestruturadas, en alto risco de exclusión social, así como ofrecerlles
estudos e capacitación profesional para que podan abandonar a situación de marxinalidade na que se
atopan. Montante do proxecto: 17.113.975 pta (102.857,06 euros). Aportación do Fondo:
2.336.565 pta (14.043,04 euros).
• Construción
dunha ponte. Ano: 2000. Contraparte: Incide (cooperación directa). Localización: comunidade
da Colonia Santiaguito, municipalidade de El Estor, departamento de Izabal. Área sectorial de actuación:
infraestruturas e mellora das comunicacións. Proxecto: construción dunha ponte vehicular na comunidade da Colonia de
Santiaguito. Obxectivo xeral: a construción desta infraestrutura elemental permitiu acadar
unha mellora substancial na organización e desenvolvementos das comunidades circundantes, posibilitando
a comunicación entre elas. Montante
do proxecto: 5.000.000 pta (30.050,61 euros). Aportación do Fondo:
2.500.000 pta (15.025,30 euros).
• Compra
de silos de almacenaxe de grans básicos. Ano:
2001. Contraparte: Mama Maquin (cooperación directa). Localización: comunidade
Nueva Libertad, municipio Fray Bartolomé de las Casas, departamento de Alta Verapaz. Área sectorial de actuación: infraestruturas e xénero. Proxecto: compra de silos de almacenaxe para mulleres traballadoras na Cooperativa
integral “El Nuevo Amanecer”, de tal xeito que podan almacenar os grans básicos que producen e vender aqueles
que non dirixan ao autoconsumo. Obxectivo
xeral: promover o desenvolvemento económico da comunidade
a través da comercialización do gran e, especialmente, contribuír á mellora da autonomía
das mulleres da comunidade. Montante do
proxecto: 1.344.000 pta (8.077,60 euros). Aportación do Fondo:
1.344.000 pta (8.077,60 euros).
• Construción
dun sumidoiro sanitario na aldea de San Juan de Dios.
Ano:
2002. Contraparte: Incide (Iniciativa Civil para a Democracia). Localización: aldea
San Juan de Dios, municipalidade de San Francisco, departamento de Petén. Beneficiarias/os: poboación
de 640 persoas, todas dedicadas á agricultura. Área
sectorial de actuación: infraestruturas. Proxecto:
construción dun sumidoiro sanitario en beneficio da aldea San Juan de Dios e as súas comunidades
veciñas. Obxectivo xeral: mellorar a calidade de vida e condicións hixiénicas dos
e das habitantes, reducindo un dos focos de contaminación máis frecuente nas áreas rurais
do país. Montante do proxecto: 82.373,21 euros. Aportación
do Fondo: 20.593,30 euros. Cofinanciación:
Consellería de Emigración e Cooperación Exterior da Xunta de Galicia.
Mapa de socios do Fondo Galego
| A Coruña |
Lugo |
Ourense |
Pontevedra |
| Deputación |
Castroverde |
Deputación |
Deputación |
| A Coruña |
Guitiriz |
A Teixeira |
A Cañiza |
| A Pobra do Caramiñal |
Lugo |
Allariz |
A Estrada |
| Ames |
Mondoñedo |
Castrelo do Val |
A Guarda |
| Arteixo |
Monforte |
Entrimo |
Baiona |
| As Pontes |
Samos |
Manzaneda |
Bueu |
| Bergondo |
Sarria |
O Barco |
Caldas de Reis |
| Betanzos |
Viveiro |
O Irixo |
Cambados |
| Boiro |
|
Oimbra |
Cangas |
| Brión |
|
Ourense |
Cuntis |
| Cabanas |
|
Ribadavia |
Gondomar |
| Cambre |
|
San Cibrao das Viñas |
Moaña |
| Carballo |
|
Sandiás |
Mos |
| Carral |
|
Verea |
Nigrán |
| Cedeira |
|
Verín |
O Porriño |
| Cerceda |
|
Vilar de Santos |
O Rosal |
| Culleredo |
|
|
Poio |
| Fene |
|
|
Pontecesures |
| Ferrol |
|
|
Pontevedra |
| Lousame |
|
|
Redondela |
| Mugardos |
|
|
Rodeiro |
| Narón |
|
|
Salvaterra de Miño |
| Neda |
- |
- |
Soutomaior |
| Noia |
- |
- |
Vigo |
| Oleiros |
|
|
Vilagarcía de Arousa |
| Outes |
 -
|
| Pontedeume |
| Porto do Son |
| Rianxo |
| Sada |
| Santiago |
| |
| |
| |
| |
|
Número
84 - 7 de decembro de 2005
