|
Frei Betto en Galicia
O que fora asesor especial do presidente da República
Brasileña, Lula da Silva, e coordinador de Mobilización Social do Programa “Fome Cero” visitará
Galicia do 7 ao 10 de novembro. Carlos Alberto Libanio Christo, frade dominico, é un dos intelectuais brasileiros
de referencia a nivel mundial. Escritor prolífico, educador, xornalista, antropólogo, filósofo.
Nacido en Belo Horizonte no seo dunha familia de clase media, estudou xornalismo, ademais de antropoloxía,
filosofía e teoloxía, converténdose nun referente para a Teoloxía da Liberación
en Brasil, movemento católico de loita contra a pobreza e as inxustizas. Frei Betto será recibido
o luns día 7 de novembro pola alcaldesa de Vigo, Corina Porro, e participará como relator na conferencia:
“A loita contra a pobreza e os obxectivos do Milenio”.
A voz que ven dende o Sur
No mes de outubro recibiremos dúas visitas de representantes
de organizacións do Sur.
Por unha banda contaremos coa presenza de Clarice Aparecida
dos Santos, coordinadora de educación do MST de Brasil, un dos movementos sociais máis importante
de América Latina. O ano pasado o Fondo Galego respaldou economicamente o proxecto presentado pola ONGD
Amarante “Dotación de medios de transporte ás organizacións campesiñas do MST de Piauí”,
co que pretendiamos contribuír a acrecentar a capacidade institucional, organizativa e loxística
do Movemento dos Traballadores Rurais Sem Terra do Estado de Piauí.
Tamén nos visitará Juan Alberto Castillo, técnico
social da Asociación de Municipios da poboación garifuna de Honduras. Neste caso, no presente ano,
o Fondo aprobou o financiamento do proxecto “Mellora integral das condicións de vida das comunidades da
liña costeira oriental do Municipio de Balfate” impulsado por Solidariedade Internacional en Honduras. Este
proxecto implementará un plan de capacitación dos líderes comunitarios así como o afortalamento
das organizacións produtivas na súa constitución, xestión e funcionamento para o acceso
e ingreso dos grupos das mulleres de Río Esteban.
| |
 |
 |
| Seminario de Codesenvolvemento en O Porriño. |
| |
Conclusións das Xornadas de Codesenvolvemento
No marco das Xornadas celebradas en O Porriño o pasado
7 de outubro, acordouse a adopción dunha serie de medidas dirixidas aos concellos en materia de codesenvolvemento
entre as que compre salientar as seguintes: aposta por modelos de codesenvolvemento centrados na cooperación
en proxectos de desenvolvemento consensuados cos países emisores e cofinanciados polos países de
acollida; formación dos inmigrantes e incentivación da participación en ditos procesos, incluíndo
o financiamento de estancias temporais e voluntarias nos seus propios países de orixe para responsabilizarse
dos proxectos; formación dos inmigrantes e incentivación da participación en ditos procesos,
etc.
Renovación do Convenio coa FEGAMP
O Fondo Galego acaba de renovar o convenio de colaboración
coa Federación Galega de Municipios (FEGAMP). Neste acordo recoméndase aos concellos galegos e ás
deputacións a súa adhesión ao Fondo, e maniféstase o apoio da FEGAMP ás iniciativas
de cooperación e solidariedade internacional que coordinamos dende a nosa entidade.
Novas adhesións
Dous novos concellos acaban de entrar no Fondo Galego: Salvaterra
de Miño, concello da provincia de Pontevedra (8.109 habitantes) e Castroverde, concello da provincia de
Lugo (3.286 habitantes).
Cooperación Galega
Fabiola Sotelo: directora xeral de Cooperación
Exterior
Fabiola Sotelo Blanco foi nomeada directora xeral de Cooperación
Exterior da Xunta de Galicia no Consello da Xunta de Galicia do 29 de setembro. Nacida en Castro Caldelas (Ourense),
foi directora da Editorial Sotelo Blanco desde o ano 1994 ate o 2005. No ano 2000 foi elixida presidenta da Asociación
Galega de Editores. Desde xaneiro de 2004 dirixe a Fundación Iniciativas 21.
Actualidade Internacional
Tráxico panorama internacional
Centroamérica e México están vivindo as
graves consecuencias do paso do furacán Stan polo Golfo de México a primeiros deste mes e que continuou
azoutando a zona varios días en forma de tormenta tropical. As fortes choivas provocaron graves inundacións
e desprazamentos de terra, co saldo final dunhas 2.000 vítimas e uns 3,5 millóns de persoas afectadas.
As dimensións da traxedia fan que se compare xa co furacán Mitch que asolara esta área en
1998.
O Fondo Galego conta con varios proxectos na área afectada,
especialmente en Guatemala, país onde a crise humanitaria se presenta máis grave. Como noutras ocasións,
o Fondo pon a disposición das persoas que queiran solidarizarse coa crise e contribuír á reconstrución
destas zonas o número de conta do seu fondo de emerxencias: 2091.0209.10.3040019000; a axuda xestionarase
de forma coordinada coa Axencia Humanitaria de Galicia para garantir a súa utilidade e evitar a dispersión.
Axenda
Outubro
• Día 17.
Xuntanza da RMS: Concello de Moaña. Representantes da Rede Municipal Solidaria da Provincia de Pontevedra.
• Día 18.
Xuntanza da RMS: Concello de Carballo: Representantes da Rede Municipal Solidaria da Provincia de A Coruña.
• Día 25.
Xuntanza da RMS: Concello de Ourense. Representantes da Rede Municipal Solidaria da Provincia de Ourense.
• Día 27.
Xuntanza da RMS: Concello de Lugo. Representantes da Rede Municipal Solidaria da Provincia de Lugo.
Novembro
• Día 7.
Frei Betto no Concello de Vigo.
• Día 8.
Frei Betto no Concello de Santiago de Compostela.
• Día 17.
II Xornadas Anuais de Cooperación. Concello de Arteixo.
• Día 24.
Seminario sobre “O enfoque de Xénero na Cooperación”. Concello de Caldas de Reis.
Proxectos: Bolivia
Ata o momento, a presenza do Fondo Galego no país andino
ten sido puntual e dispersa xeograficamente. Catro foron os proxectos implementados ata agora e foron executados
nos anos 1999, 2002 e 2004. Das catro ONGDs ás que o Fondo financiou proxectos tres son galegas: Asociación
Natura Hispánica, Bicis pola Paz e o Seminario de Educación pola Paz. Intermón foi outra das
ONGDs coas que traballou o Fondo Galego no ano 2004 en Bolivia.
Da dotación de infraestructuras como foi no caso do primeiro
proxecto “Accións para o desenvolvemento sostible no Beni”, no que se construíu un edificio que favorecera
o ecoturismo e a celebración de actividades en materia de conservación da natureza, apostouse xa
no ano 2004 por un proxecto de “Alfabetización, formación, promoción e elevación da
poboación feminina rural na comunidade de Yamparáez” no que o Fondo Galego aportou un monto de 33.030
€. Asemade, o desenvolvemento sostible foi centro da axenda no ano 2002 grazas a Intermón e o proxecto de
“Apoio ao desenvolvemento sostible das comunidades indíxenas andinas de Chuma”. Bicis pola paz posibilitou
o acceso aos promotores comunitarios do Departamento de Cochabamba a medios de transporte, facilitando deste xeito
o desempeño do seu traballo.
Bolivia precisa dunha especial atención en canto ao xurdir
de novas redes comunitarias no proceso de fortalecemento institucional e da sociedade civil que se está
a debuxar, e que poden ser identificadas como contrapartes e como destino da cooperación municipalista galega.
Mapa de socios do Fondo Galego
| A Coruña |
Lugo |
Ourense |
Pontevedra |
| Deputación |
Castroverde |
Deputación |
Deputación |
| A Coruña |
Guitiriz |
A Teixeira |
A Cañiza |
| A Pobra do Caramiñal |
Lugo |
Allariz |
A Estrada |
| Ames |
Mondoñedo |
Castrelo do Val |
A Guarda |
| Arteixo |
Monforte |
Entrimo |
Baiona |
| As Pontes |
Samos |
Manzaneda |
Bueu |
| Bergondo |
Sarria |
O Barco |
Caldas de Reis |
| Betanzos |
Viveiro |
O Irixo |
Cambados |
| Boiro |
|
Oimbra |
Cangas |
| Brión |
|
Ourense |
Cuntis |
| Cabanas |
|
Ribadavia |
Gondomar |
| Cambre |
|
San Cibrao das Viñas |
Moaña |
| Carballo |
|
Sandiás |
Mos |
| Carral |
|
Verea |
Nigrán |
| Cedeira |
|
Verín |
O Porriño |
| Cerceda |
|
Vilar de Santos |
O Rosal |
| Culleredo |
|
|
Poio |
| Fene |
|
|
Pontecesures |
| Ferrol |
|
|
Pontevedra |
| Lousame |
|
|
Redondela |
| Mugardos |
|
|
Rodeiro |
| Narón |
|
|
Salvaterra de Miño |
| Neda |
- |
- |
Soutomaior |
| Noia |
- |
- |
Vigo |
| Oleiros |
|
|
Vilagarcía de Arousa |
| Outes |
 -
|
| Pontedeume |
| Porto do Son |
| Rianxo |
| Sada |
| Santiago |
| |
| |
| |
| |
|
Número
83 - 17 de outubro de 2005
