|
Negociacións coa AECI
Unha representación da Confederación de Fondos
reuniuse recentemente coa secretaria de Estado de Cooperación Internacional, Leire Pajín, para avanzar
na formalización dos vínculos existentes entre a AECI e os Fondos. No encontro, o primeiro que se
mantén no que vai de lexislatura, acordouse instrumentar esas relacións mediante un convenio, na
actualidade en fase de elaboración e que podería resultar finalmente asinado pasado o verán.
O Fondo Galego concede unha gran importancia ás relacións
coa AECI, pois sempre apostou por fortalecer as dinámicas de colaboración entre as diferentes administracións
públicas.
Pasado o ecuador do mandato das actuais Corporacións
Locais
No que queda de lexislatura, que rematará xustamente
en 2007, cando o Fondo Galego celebrará o seu X Aniversario, as prioridades do Fondo Galego céntranse
na necesidade de asentar e ampliar a base asociativa, incrementar os recursos económicos propios, mellorar
a calidade da nosa cooperación e intensificar a nosa proposta de sensibilización.
Os dous anos que quedan constitúen unha oportunidade
excelente para consolidar o IMPULSO do municipalismo galego no ámbito das políticas de cooperación
internacional ao desenvolvemento. Nos orzamentos de 2006 debe concretarse un salto adiante importante tanto no
aumento das cantidades a comprometer como tamén na clarificación dos asentos formais na estrutura
orzamentaria, de xeito que a cooperación dispoña dun reflexo contable preciso na documentación
económica dos entes locais e provinciais.
O poder local en Galicia ten ante si un reto importante, por
dúas razóns. Primeira, se, como sabe esperar, o novo goberno galego cumpre as súas promesas,
incrementaranse os recursos para cooperación e iso repercutirá nas posibilidades económicas
do Fondo. Segunda, se a AECI respalda tamén esta política, igualmente traducirase en maiores recursos.
Pero se todo isto acontece, ambos feitos positivos, a porcentaxe de recursos propiamente locais do Fondo tenderán
a ser menos da terceira parte do total. Hoxe representan xa a metade. É por iso esencial que se acompañe
o esforzo, tamén no local, que están a facer as demais administracións.
Sen novidades da FEGAMP
Hai máis dun ano que o Fondo Galego trasladou á
FEGAMP a súa proposta de actualización do convenio asinado. Por unhas cousas e por outras, o tema
foi aparcado. Cómpre, non obstante, recuperalo novamente para asentar formalmente a fluidez das relacións
existentes entre ambas entidades, na perspectiva de conformación do Fondo como unha autentica axencia local
para a cooperación internacional.
| |
 |
 |
| Coloquio sobre Cooperaçao Descentralizada
e Associativismo Municipal, en Palmela (Portugal). |
| |
Portugal sopesa a idea de crear un Fondo
O pasado 17 de xuño, na localidade de Palmela, nas proximidades
de Lisboa, celebráronse unhas Xornadas sobre Cooperación Descentralizada e Asociacionismo Municipal,
nas que participaron máis dun cento de persoas, entre representantes de ONGDs, de municipios, de embaixadas
e outros actores da cooperación ao desenvolvemento.
A actividade tiña como dobre obxectivo reflexionar sobre
o estado da cooperación descentralizada en Portugal e sobre a idoneidade de dar pasos para establecer unha
rede de municipios cooperantes. A proposta, que lidera a Cámara de Palmela, formularase, por primeira vez,
na reunión de municipios galegos e portugueses, celebrada en Baiona o 1 de outubro de 2004 e nunhas xornadas
sobre “Os desafíos da cooperación e o desenvolvemento local”, que tiveron lugar o 24 de novembro
pasado en Loures, Portugal.
Neste encontro intercambiáronse impresións sobre
a identidade, características e evolución da cooperación descentralizada no rectángulo
peninsular, avanzando no diagnóstico do momento presente, nun tempo de cambio político en Portugal
trala vitoria do Partido Socialista, en a véspera dunhas eleccións locais que terán lugar
en outubro deste ano. Foi por iso especialmente importante a presenza nestas xornadas do director xeral do Instituto
Portugués de Axuda ao Desenvolvemento, quen expresou o seu parecer favorable á implicación
local na cooperación internacional e o apoio á formación dunha rede de municipios cooperantes.
O director do Fondo Galego, Xulio Ríos, informou aos
asistentes do momento da cooperación descentralizada en España, deténdose na caracterización
do marco legal, aspecto que revestía un especial interese para os inscritos na sesión. A disertación
sobre as singularidades dos Fondos e o seu modelo, foi acompañada dunha exposición detallada sobre
o proceso de creación do Fondo Galego, mostrando os asistentes un notable asentimento coa nosa experiencia,
considerando a posibilidade de dar pasos nesa dirección unha vez se celebren os comicios locais.
Todas estas iniciativas están contribuíndo de
modo claro e decisivo a asentar unha profunda reflexión en Portugal sobre a adopción do modelo de
Fondo, como mecanismo máis apropiado para fortalecer as dinámicas de cooperación ao desenvolvemento
instrumentadas dende o ámbito local, hoxe executadas de forma totalmente illada e arredor das parcerías
ou irmanamentos, en especial cos países africanos de lingua oficial portuguesa, e Timor.
Números que falan por si mesmos
Segundo datos da Coordinadora de ONGD-España, se en 1991
os fondos procedentes da cooperación descentralizada representaba o 10% dos fondos totais das ONGD integradas
na Coordinadora (6,76 millóns de euros), en 1999 sumaban 106,95 millóns (24%) e no ano 2003 alcanzaban
a cifra de 160,57 millóns (o 31% dos fondos totais), e o 55% dos fondos públicos captados. Un incremento
en 12 anos do 2.300%. Do monto da cooperación descentralizada reseñado, 58,56 millóns de euros,
o 36%, proviña de concellos e deputacións.
Mapa de socios do Fondo Galego
| A Coruña |
Lugo |
Ourense |
Pontevedra |
| Deputación |
Guitiriz |
Deputación |
Deputación |
| A Coruña |
Lugo |
A Teixeira |
A Cañiza |
| A Pobra do Caramiñal |
Mondoñedo |
Allariz |
A Estrada |
| Ames |
Monforte |
Castrelo do Val |
A Guarda |
| Arteixo |
Samos |
Entrimo |
Baiona |
| As Pontes |
Sarria |
Manzaneda |
Bueu |
| Bergondo |
Viveiro |
O Barco |
Caldas de Reis |
| Betanzos |
|
O Irixo |
Cambados |
| Boiro |
|
Oimbra |
Cangas |
| Brión |
|
Ourense |
Cuntis |
| Cabanas |
|
Ribadavia |
Gondomar |
| Cambre |
|
San Cibrao das Viñas |
Moaña |
| Carballo |
|
Sandiás |
Mos |
| Carral |
|
Verea |
Nigrán |
| Cedeira |
|
Verín |
O Porriño |
| Cerceda |
|
Vilar de Santos |
O Rosal |
| Culleredo |
|
|
Poio |
| Fene |
|
|
Pontecesures |
| Ferrol |
|
|
Pontevedra |
| Lousame |
|
|
Redondela |
| Mugardos |
|
|
Rodeiro |
| Narón |
- |
- |
Soutomaior |
| Neda |
- |
- |
Vigo |
| Noia |
|
|
Vilagarcía de Arousa |
| Oleiros |
 -
|
| Outes |
| Pontedeume |
| Porto do Son |
| Rianxo |
| Sada |
| Santiago |
| |
| |
| |
|
Número
79 - 20 de xullo de 2005
