| |
| |
Solidariedade coas víctimas do maremoto |
 |
|
A Asemblea de socios que celebramos o 21 de xaneiro na sede
da FEGAMP en Santiago expresou unanimemente a solidariedade coas víctimas do maremoto acontecido en Asia
e definiu os fundamentos esenciais da política de emerxencias do Fondo Galego. Nesa perspectiva:
• Constatáronse as dificultades existentes para demostrar
unha mínima capacidade de resposta e coordinada para afrontar as accións de emerxencia cun mínimo
de eficacia.
• O Fondo ratifícase na súa vontade de actuar
nas zonas de catástrofe a través do financiamento de proxectos de prevención ou reconstrución,
unha vez pasou o primeiro momento onde a rapidez na resposta é requisito básico para a súa
efectividade. O Fondo aínda hoxe financia proxectos na área do Mitch, cando xa ninguén se
lembra dos damnificados mentres os problemas, hoxe ignorados polos medios de comunicación, subsisten a moreas.
• O Fondo Galego ofrece a todos os concellos e deputacións
de Galicia a súa conta para emerxencias a fin de canalizar as contribucións do poder local. A existencia
desa conta impide a descoordinación e a actuación individualizada e garante en maior medida o posterior
control dos recursos acadados.
• O Fondo invita aos concellos e deputacións de Galicia
a facer contribucións extraordinarias que non minguen as febles achegas que ordinariamente se destinan ás
políticas de cooperación internacional.
• Todos debemos ter en conta que as accións que agora
desenvolvamos non estarán impregnadas dunha vontade específica de permanecer en Asia, rexión
do mundo que non é prioritaria para a cooperación galega, en función do recollido no Plan
Director a piques de aprobarse, nin tampouco para a cooperación española.
• O Fondo Galego expresa o seu apoio ás ONGs galegas
que tradicionalmente veñen actuando nesa parte do planeta.
• A fin de garantir accións mais coordinadas, suxirese
a creación dun mecanismo de resposta ás emerxencias onde poidan participar a Xunta Galicia, a Coordinadora
Galega de ONGDs e o Fondo Galego, ofrecendo ó conxunto da sociedade unha única referencia que aglutine
os esforzos de todos, evite dispersións, propicie un efecto multiplicador e posibilite unha posterior coordinación
con outros actores estatais (AECI, Confederación de Fondos) ou internacionais (gobernos dos países
afectados, Nacións Unidas, instancias multilaterais).
|
| |
| |
Ratificadas as novas adhesións ao Fondo
Galego |
|
|
Os concellos de Caldas de Reis, Monforte, Carballo, Guitiriz,
Cambre, Mos e Ribadavia foron ratificados como membros do Fondo Galego de Cooperación e Solidariedade, que
supera xa a barreira dos setenta asociados e representa a máis do sesenta por cento da poboación
galega.
|
| |
| |
Maior ambición |
|
|
Con esas dúas palabras podemos resumir o pouso esencial
desta Asamblea ordinaria do 21 de xaneiro. Esa maior ambición ven determinada polo previsible auxe doutros
actores públicos, Administración do Estado e Administración autonómica, e pola probable
implicación neste mesmo exercicio da Administración comunitaria. Esa circunstancia obriga a un exercicio
de reflexión en cada entidade asociada sobre o seu compromiso co Fondo e coa cooperación de xeito
que sexamos capaces de incrementar os vínculos, tanto no eido asociativo como no económico. Sabido
é que a Administración galega está situada no 0,07% dos orzamentos da Comunidade, pero os
concellos están moi por detrás desa cifra, e se ben non se considera agora o momento de alentar un
incremento das cotas, si o pode ser de incrementar as achegas a través de mecanismos alternativos, convenios,
etc. Nesa mesma liña é substancial aumentar a implicación nas actividades de sensibilización
a desenvolver durante 2005.
|
| |
| |
Sensibilización no local, cooperación
no global |
|
|
Aspiramos a que esa delimitación de espazos se poida
consolidar neste ano. A cooperación, para ser eficaz e eficiente, debe priorizar a concentración
de recursos, xestionados democraticamente a través de mecanismos que garantan a participación de
todos. Así enriqueceremos a calidade da nosa cooperación e aseguraremos un maior control do destino
e emprego dos recursos públicos. A sensibilización, pola contra, ten como ámbito preferente
de realización o eido local, e a oferta que se poida formular dende o Fondo debe imaxinar dende o seu inicio
esa orientación clave.
|
| |
| |
Xornadas do PSdeG-PSOE sobre cooperación
municipal |
|
|
Representantes do Fondo Galego e da Coordinadora de ONGDs participaron
nas Xornadas sobre cooperación municipal e desenvolvemento que o PSdeG-PSOE celebrou o 15 de xaneiro en
Santiago para alentar unha maior implicación dos municipios gobernados por esta forza política nas
políticas de cooperación e no Fondo. Representantes de varios concellos destacaron a importancia
do Fondo. Emilio Pérez Touriño, candidato desta formación á Presidencia da Xunta de
Galicia, comprometeuse a multiplicar por catro os recursos destinados a cooperación na próxima lexislatura.
|
| |
| |
Jesús Gamallo co Fondo Galego |
|
|
O secretario xeral de Relacións coa Unión Europea
e Cooperación Exterior da Xunta de Galicia, Jesús Gamallo, reunirase no próximo mes de febreiro
coa Comisión Executiva do Fondo Galego a fin de intercambiar impresións sobre o momento da cooperación
en Galicia e reforzar a colaboración existente entre as dúas Administracións.
|
| |
| |
Plan de Sensibilización 2005 |
|
|
Información, formación e difusión serán
os tres eixes arredor dos que xirará o Plan de Sensibilización 2005, conveniado coa Xunta de Galicia,
e que inclúe numerosas iniciativas con propostas de actividades, publicacións e seminarios de formación.
|
| |
| |
Aportacións de 2005 |
|
|
A partir de febreiro iniciarase o envío aos asociados
da información relativa ás achegas deste 2005, rogando a máxima colaboración no seu
abono para non dificultar o funcionamento do Fondo nin retrasar os pagos ás ONGs e contrapartes que están
a executar proxectos financiados pola cooperación local galega. Mes a mes, nesta folla informativa, darase
conta da evolución nesta materia.
|
| |
| |
Mapa de socios do Fondo Galego |
|
| A Coruña |
Lugo |
Ourense |
Pontevedra |
| Deputación |
Guitiriz |
Deputación |
Deputación |
| A Coruña |
Lugo |
Allariz |
A Cañiza |
| A Pobra do Caramiñal |
Mondoñedo |
O Barco |
A Estrada |
| Ames |
Monforte |
O Irixo |
A Guarda |
| Arteixo |
Samos |
Ourense |
Baiona |
| As Pontes |
Sarria |
Ribadavia |
Bueu |
| Bergondo |
|
Vilar de Santos |
Caldas de Reis |
| Betanzos |
|
|
Cangas |
| Boiro |
|
|
Cuntis |
| Brión |
|
|
Gondomar |
| Cabanas |
|
|
Moaña |
| Cambre |
|
|
Mos |
| Carballo |
|
|
Nigrán |
| Carral |
|
|
O Porriño |
| Cedeira |
|
|
O Rosal |
| Cerceda |
|
|
Poio |
| Culleredo |
|
|
Pontecesures |
| Fene |
|
|
Pontevedra |
| Ferrol |
|
|
Redondela |
| Lousame |
|
|
Rodeiro |
| Mugardos |
- |
- |
Soutomaior |
| Narón |
- |
- |
Vigo |
| Neda |
|
|
Vilagarcía de Arousa |
| Noia |
 -
|
| Oleiros |
| Outes |
| Pontedeume |
| Porto do Son |
| Rianxo |
| Sada |
| Santiago |
| |
| |
|
| |
|
|
|
| |
Número
71 - 24 de xaneiro de 2005
