Fondo Galego fondogalego.org info@igadi.org Tel/Fax: 986 357 238

Número 48 - 10 de marzo de 2003     Sumario   Núm anteriores     Aberto o prazo para a presentación de proxectos     nº 047 - 10/02/2003 nº 046 - 13/01/2003 nº 045 - 16/12/2002 nº 044 - 07/10/2002 nº 043 - 02/09/2002 nº 042 - 28/06/2002 nº 041 - 03/06/2002 037 / 038 / 039 / 040 036 / 035 / 034 / 033 032 / 031 / 030 / 029 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001 www.confederacionfondos.org Mellorar os irmanamentos AECI e Fondo Galego Observatorio da Cooperación Descentralizada É posible unha Galicia máis solidaria Mapa de socios do Fondo Galego Aberto o prazo para a presentación de proxectos Con a penas cambios no seu contido, e sempre de carácter meramente formal, de conformidade co tratado na xuntanza do Consello Municipalista da Cooperación, o Fondo Galego aprobou o pasado día 6 de marzo, as Bases da Convocatoria de proxectos de 2003, que poden ser consultadas na páxina web do IGADI: www.igadi.org.   www.confederacionfondos.org O pasado 12 de febreiro púxose en funcionamento a páxina web da Confederación de Fondos, co obxectivo de se converter nun instrumento de divulgación no ámbito estatal, europeo e internacional, da natureza e as actividades que caracterizan á Confederación e ós Fondos que a compoñen. Por iso se pode acceder a ela nas catro linguas do estado (galego, vasco, catalán e castelán), e tamén en francés e inglés. Ademais está adaptada para garantir ó acceso das persoas con deficiencias sensoriais. Na concepción da estructura e o do deseño foi prioritaria a vontade de facilitar e axilizar o acceso á información que interesa ós potenciais visitantes, así coma transmitir de forma clara e concisa os contidos expostos. A páxina principal permite enlazar directamente cos Fondos de Cooperación que constitúen a Confederación. A páxina está estructurada en 4 bloques temáticos, cada un deles cunha cor distintiva: • Que é a Confederación (4 apartados), onde se define, se presenta ós seus membros e se describe a súa estructura organizativa, tanto de dirección coma técnica, e a participación nas institucións estatais de coordinación da cooperación descentralizada (Comisión Interterritorial). • Que é un Fondo de Cooperación (4 apartados), expón a natureza, características e modelo de Fondo de Cooperación e Solidaridade, así coma o marco legal onde se desenvolven as súas actividades durante o ano 2001 e o plan de traballo para o 2002 (en breve está prevista a súa actualización coa introducción das actividades do 2002 e o plan de traballo para o 2003). • Documentación (2 apartados), onde se recollen informes, e a lexislación estatal, autonómica, europea en materia de cooperación ó desenvolvemento, con especial incidencia na normativa referente á cooperación descentralizada. Ademais cada páxina conta cunha sección que, baixo o epígrafe información, nos remite a apartados doutros bloques que poden interesar ó usuario que está nesa páxina, axilizando así a busca de información sobre un tema determinado. No que ás imaxes se refire, ó navegar enriba delas aparecen en cor e pódese ler unha etiqueta cun concepto relacionado coa cooperación. Este xogo de palabras introduciuse pensando sobre todo nas persoas invidentes, que poden acceder ós contidos de tódalas páxinas mediante o programa de lectura JAWS.   Mellorar os irmanamentos Despois do éxito do seminario celebrado en Ourense, en Pontevedra non foi menos. Medra o interese por rendabilizar ao máximo estas iniciativas, por sustraelas de tanta inactividade e asentala como un eixe indispensable da acción exterior local. Pasados os comicios, a sesión de traballo levarase a A Coruña e Lugo, co apoio das respectivas deputacións provinciais.   AECI e Fondo Galego Na xuntanza celebrada en Madrid o pasado 18 de febreiro, AECI e Fondo Galego coincidiron no interese por promover accións de cooperación na África lusófona, en especial en Cabo Verde e Guinea Bissau. Nesta liña xa foi presentado a exame da AECI o primeiro proxecto do Fondo que podería iniciarse en xuño deste mesmo ano. En parello, instrumentarase un convenio marco de cooperación.   Observatorio da Cooperación Descentralizada Os Fondos reunidos en Eivissa acordaron impulsar esta iniciativa para seguir de preto as numerosas transformacións que se están producindo neste ámbito da cooperación, tanto no marco legal como nas súas varientes operativas e análises teóricas. O Observatorio, instalado na web da Confederación, será unha fiestra para afondar na cooperación descentralizada e para impulsar o intercambio de reflexións e de experiencias.   É posible unha Galicia máis solidaria Reproducimos a continuación do texto dunha Declaración que deberá ser obxecto de refrendo nos próximos días por parte dos principais líderes políticos de Galicia. A realidade dun mundo dividido en sociedades ricas e empobrecidas que orixina consecuencias inxustas e dramáticas para máis do 80 por cento dos seres humanos e a constatación dun agravamento imparable desas diferencias e desigualdades, fan inevitable que desde todos os ámbitos institucionais se adopten actitudes e accións coherentes para contribuir á construcción dun mundo máis xusto e solidario. Ante os próximos comicios electorais locais, convocados a instancias da Coordinadora Galega de ONGDs e do Fondo Galego de Cooperación e Solidariedade, os líderes das tres formacións políticas abaixo asinantes asumen os seguintes compromisos: 1. Incluír nos programas electorais das súas respectivas formacións, mencións específicas ás políticas de cooperación internacional ao desenvolvemento, asumidas como un capítulo indispensable da acción pública, como un método e unha estratexia para vertebrar a solidariedade cos pobos e sociedades máis desfavorecidas, comprometendo, impulsando e propiciando a creación dun tecido solidario en cada poboación. 2. Multiplicar os esforzos para sensibilizar aos seus candidatos e ao conxunto da militancia a propósito desta problemática, a fin de que se interiorice unha maior e máis unánime participación das próximas Corporacións locais e provinciais de Galicia nas dinámicas de cooperación. 3. Instar un compromiso económico estable mediante a habilitación dunha partida orzamentaria específica para cooperación internacional, promovendo unha aproximación progresiva da porcentaxe do orzamento ordinario da respectiva Corporación ó mínimo do 0,7%. 4. Pular o reforzamento das políticas de cooperación en Galicia, tanto no seo das Administracións, a través do Fondo Galego, como coas ONGDs, para fortalecer o tecido asociativo e solidario da nosa Comunidade.   Mapa de socios do Fondo Galego A Coruña Lugo Ourense Pontevedra Deputación Lugo Deputación Deputación A Coruña Mondoñedo Allariz A Cañiza A Pobra do Caramiñal Samos Ferrol A Estrada As Pontes Sarria O Barco A Guarda Arteixo   O Irixo Baiona Bergondo   Ourense Bueu Betanzos   Vilar de Santos Cangas Boiro     Cuntis Brión     Gondomar Cabanas     Moaña Carral     Nigrán Cedeira     O Porriño Cerceda     O Rosal Culleredo     Poio Fene     Pontecesures Ferrol - - Pontevedra Lousame - - Redondela Mugardos     Rodeiro Narón - - Soutomaior Neda - - Vigo Noia - - Vilagarcía de Arousa Oleiros - Outes Pontedeume Porto do Son Rianxo Santiago Vimianzo         www.fondogalego.org ÚLTIMA REVISIÓN: 08/03/2003 Fernando Pol