Fondo Galego fondogalego.org info@igadi.org Tel/Fax: 986 357 238

Número 42 - 28 de xuño de 2002     Sumario   Núm anteriores     Vigo, capital da cooperación descentralizada     nº 041 - 03/06/2002 nº 040 - 22/05/2002 nº 039 - 01/05/2002 nº 038 - 09/04/2002 nº 037 - 18/03/2002 036 / 035 / 034 / 033 032 / 031 / 030 / 029 028 / 027 / 026 / 025 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001 Reunións cos partidos políticos Rede de servidores públicos da cooperación Lei de cooperación ao desenvolvemento de Galicia Curso de capacitación en cooperación ao desenvolvemento Mapa de socios do Fondo Galego     Vigo, capital da cooperación descentralizada A celebración do noso quinto aniversario tivo como acto central a xuntanza que a Confederación de Fondos celebrou en Vigo. Ante representantes de todos os Fondos (Catalá, Euskal Fondoa, Mallorquí, Menorquí, de Eivissa, País Valenciá e Andaluz), Alfredo Novoa, presidente do Fondo Galego, salientou a importancia que a creación do Fondo Galego supuso para o fomento da cooperación descentralizada en Galicia e a transcendencia do apoio que en todo momento se recibiu da Confederación de Fondos para soster a iniciativa nas situacións de maior precariedade. O agradecemento de Alfredo Novoa foi correspondido por Joan Aguado, presidente da Confederación de Fondos e alcalde de Vilafranca del Penedés, ao poñer de manifesto a especificidade do proceso galego e as súas valiosas aportacións á consolidación do modelo municipalista de cooperación que representan os Fondos. Na xuntanza, que se desenvolveu nas dependencias do Concello de Vigo, analizouse moi especialmente o funcionamento da Oficina de Seguimento de proxectos que a Confederación mantén en Managua, a fin de rendabilizar ao máximo as súas actividades e funcións. Os asistentes foron recibidos por Santiago Domínguez, concelleiro responsable da Área de Cooperación, e polo alcalde da cidade olívica, Lois Pérez Castrillo, quen destacou o feito de ser a primeira cidade galega que delega no Fondo a xestión da cooperación, animando ás demais urbes e municipios a seguir este mesmo impulso.   Reunións cos partidos políticos Mantivéronse nas últimas semanas entrevistas con Xesús Palmou, secretario xeral do Partido Popular de Galicia; con Francisco Candela, responsable de política municipal do Partido Socialista de Galicia-PSOE; e con Cecilia Pérez Orge, responsable da mesma área no Bloque Nacionalista Galego. Con todos eles se detallou o especial momento que vive o Fondo, a cinco anos cumpridos, co obxecto de incentivar un maior compromiso coa cooperación a un ano vista das próximas eleccións municipais. Como na anterior convocatoria, todas as forzas políticas recollerán no seu Programa Marco un apoio explicito a esta iniciativa.   Rede de servidores públicos da cooperación Coa formación desta Rede o que se pretende é provocar un punto de inflexión no ámbito das administracións locais e provinciais de Galicia, impulsando un maior compromiso, máis estable e permanente, das respectivas corporacións, atendendo á formación dunha malla de servidores públicos que afortalaría os vínculos existentes e proporcionaría unha maior visibilidade ao Fondo e á orientación da axuda prestada pola respectiva entidade, apreciando en maior medida, a súa utilidade e valor. A Rede contribuiría a fomentar a participación activa dos asociados nos debates xerais e nas decisións concretas; facilitaría o traslado ás corporacións asociadas da información precisa; permitiría impulsar actividades de divulgación e sensibilización que impliquen ao conxunto da cidadanía; e, ademais, asentar a idea da cooperación no ámbito local, impulsando a creación de tecido asociativo. Nesa liña, durante as últimas semanas celebramos xuntanzas co director xeral de Fomento do Emprego, Justo de Benito Basanta, e coa xefa do Servicio Galego do Voluntariado, Felicitas Rodríguez González, a fin de avanzar ideas e suxestións que nos permitan asentar plenamente este proxecto nos próximos meses.   Lei de cooperación ao desenvolvemento de Galicia Dende o Fondo Galego celebramos que finalmente se avance esta primeira formulación dun Anteproxecto de Lei de Cooperación, na medida en que supón unha acertada valoración da necesidade de establecer un marco legal propio en materia de cooperación. Nesa liña, a Lei debuxa un marco normativo no que se contemplan os obxectivos e prioridades comúns da cooperación ao desenvolvemento, unha realidade complexa e difícil en Galicia pero situada nunha tendencia globalmente positiva dende hai uns anos nos que se implementa a participación de numerosos axentes, tanto do ámbito público como privado. É neste sentido que consideramos tamén importante destacar a necesidade de que este Anteproxecto avance na súa tramitación avalada por un amplo consenso de toda a sociedade e moi especialmente de todos os axentes interesados e involucrados na cooperación, entre os que cómpre sinalar tanto as ONGs como os concellos e deputacións e institucións locais supramunicipais solidarias. O feito de que esta formulación apareza nun momento tan inicial da actual lexislatura autonómica pero tardía na municipal, debe convidarnos a propiciar un equilibrio que alente a dinamización, o debate e o incremento da sensibilización dos actores públicos, municipais e provinciais no que ao Fondo atinxe, dos que poida derivarse un maior compromiso operativo das entidades locais coas políticas de cooperación ao desenvolvemento e unha maior aportación dos pareceres de todos. Coidamos que, en xeral, o texto responde á dimensión actual do mundo da cooperación ao desenvolvemento en Galicia. A opción por un articulado modesto nas súas definicións (especialmente o Título I), pero detallado nas estructuras e compromisos, seméllanos o máis acaído ás circunstancias actuais nas que precisamos de accións decididas para enriquecer o panorama da cooperación ao desenvolvemento na nosa Comunidade. O Fondo Galego participa activamente no proceso de diálogo auspiciado polo conselleiro de Emigración e Cooperación Exterior, Aurelio Miras Portugal, e xa lle fixo chegar as súas suxestións a este respecto, que están a disposición de todos os asociados na Secretaría do Fondo.   Curso de capacitación en cooperación ao desenvolvemento Dirixido a funcionarios das administracións autonómica e municipal, así como a persoal de ONGs. O número de prazas está limitado a 25 persoas. Chegado o caso realizaríase unha preselección de candidatos, a fin de asegurar un equilibrio na participación dos colectivos citados e primando a orde de inscrición. As solicitudes de preinscrición deben formalizarse no IGADI entre o 24 de xuño e o 31 de xullo. A matrícula pecharase unha semana antes do inicio do curso, previsto inicialmente para o 23 de setembro. Os/as alumnos/as terán á súa disposición o Centro de Documentación do IGADI.   Mapa de socios do Fondo Galego A Coruña Lugo Ourense Pontevedra Deputación Lugo Deputación Deputación A Coruña Mondoñedo Allariz A Cañiza A Pobra do Caramiñal O Valadouro Ferrol A Estrada As Pontes Quiroga Montederramo A Guarda Arteixo Samos O Barco Baiona Bergondo Sarria O Carballiño Bueu Betanzos   O Irixo Cangas Boiro   Ourense Cuntis Brión   Vilar de Santos Gondomar Cabanas     Moaña Carral     Nigrán Cedeira     O Porriño Cerceda     O Rosal Corcubión     Poio Culleredo     Pontecesures Fene - - Pontevedra Ferrol - - Redondela Lousame     Rodeiro Mugardos - - Soutomaior Narón - - Vigo Neda - - Vilagarcía de Arousa Noia - Oleiros Outes Pontedeume Porto do Son Rianxo Santiago Vimianzo       www.fondogalego.org ÚLTIMA REVISIÓN: 28/06/2002 Fernando Pol