Fondo Galego fondogalego.org info@igadi.org Tel/Fax: 986 357 238

Número 31 - 5 de outubro de 2001     Sumario   Núm anteriores     Municipalismo e Solidariedade, aspectos prácticos     nº 030 - 01/08/2001 nº 029 - 04/07/2001 nº 028 - 24/05/2001 nº 027 - 19/04/2001 nº 026 - 26/03/2001 nº 025 - 13/03/2001 024 / 023 / 022 / 021 020 / 019 / 018 / 017 016 / 015 / 014 / 013 012 / 011 / 010 / 009 008 / 007 / 006 / 005 004 / 003 / 002 / 001 Actividades de sensibilización As cidades e o Fondo Galego Reunión da Comisión Interterritorial en Madrid Xuntanza da Confederación de Fondos en Lleida Conferencia sobre Cooperación Local para o Desenvolvemento Normalización de cuotas Xustificación de proxectos 2000 Oleiros e o Fondo Galego Mapa de socios do Fondo Galego Municipalismo e Solidariedade, aspectos prácticos Ese é o titulo da convocatoria que o Fondo realiza a responsables políticos e técnicos dos Concellos e Deputacións asociadas para unha xornada de traballo eminentemente práctica, co obxecto de afondar na realidade da cooperación municipalista en Galicia. Estamos no ecuador do mandato das actuais Corporacións e coidamos especialmente oportuno facer balance do tramo percorrido, debatir sobre as virtudes e carencias do actual proceso e concluír aquelas recomendacións que poden afortalar a cooperación na nosa Terra. A xornada desenvolverase o próximo día 23 de novembro, ben no Pazo de Mariñán ou, de non ser posible, na sede da propia FEGAMP. Haberá unicamente dúas ponencias: O Fondo como modelo e A práctica da cooperación; o resto do tempo centrarase no debate das cuestións máis puntuais e na elaboración das conclusións. Ademais dos asociados, poderán asistir aquelas entidades que se atopen en proceso de adhesión.   Actividades de sensibilización Xa se distribuíron as primeiras grabacións do programa radiofónico “Ondas Solidarias”. En colaboración coa rede de emisoras municipais de Galicia (EMUGA) e o patrocinio da Dirección Xeral de Relacións Parlamentarias da Xunta de Galicia, esta iniciativa permite abrir unha fiestra a un tratamento permanente, sistemático e atractivo da problemática da cooperación e da solidariedade en Galicia. Igualmente comezamos a distribución do vídeo do Fondo Galego no que, ademais de presentar a nosa asociación, reflexiónase sobre as desigualdades e a necesidade de construír un mundo máis xusto e humano. No vídeo inclúense, entre outras, entrevistas con José Saramago, Ignacio Ramonet, Federico Mayor Zaragoza ou Adolfo Pérez Esquivel. Pode ser un excelente instrumento para acompañar numerosos actos e distribuír nos centros de ensino de cada localidade. A “Guía sobre a cooperación descentralizada” debeu chegar xa tamén a todos os asociados. Trátase dun completo compendio dunhas 150 páxinas no que se aborda o concepto e razón da cooperación municipalista, os Fondos e o seu traballo, as relacións coas institucións, e un bo número de anexos, indispensables para comprender cabalmente a dimensión actual e repercusións deste tipo de cooperación. Trátase dun volume imprescindible en calquera biblioteca.   As cidades e o Fondo Galego Reuniranse o próximo día 12 de novembro en Santiago a fin intercambiar puntos de vista sobre o nivel de aplicación da Declaración conxunta e co obxecto tamén de concretar compromisos nese período actual de transición que debe servir para mellorar a relación e o entendemento entre as principais cidades galegas e o Fondo.   Reunión da Comisión Interterritorial en Madrid O presidente do Fondo Galego, Alfredo Novoa, participou na xuntanza da Comisión Interterritorial de Cooperación, celebrada o pasado día 22 na sede do Ministerio de Asuntos Exteriores en Madrid. A reunión tiña por obxecto analizar a proposta de Plan Anual 2002 no que, entre outras cousas, botouse en falla un desenvolvemento máis amplo do papel da cooperación descentralizada que realizan as Comunidades Autónomas e os entes locais, dentro do marco xeral da cooperación. Sería conveniente que o Plan Anual recollera esta realidade, en notable aumento, do que é e significa a cooperación descentralizada; se recoñecera o papel que esta ven desenvolvendo nos últimos anos e que, á súa vez, se aposte decididamente para fomentala e ofrecer o seu apoio, como últimamente xa ven acontecendo en organismos internacionais, como a Unión Europea e as Nacións Unidas. Todos os Fondos presentes na reunión concordaron en que o Plan Anual de Cooperación debería facer fronte a un desenvolvemento humano e sostible dos países empobrecidos sen ter en conta os beneficios económicos que poidan repercutir sobre a economía española.   Xuntanza da Confederación de Fondos en Lleida Será no marco da feira “Municipalia” o próximo día 17 de outubro e será unha nova oportunidade para intercambiar puntos de vista e experiencias sobre a marcha dos Fondos. Igualmente, haberá unha exposición dos traballos desenvolvidos por cada un dos Fondos e unha conferencia de Arlés Caruso, experta de Uruguai, mebro de CEAAL-REPPOL, Rede latinoamericana de poder local. No decurso dos actos previstos, serán presentados varios libros e estudios sobre a cooperación municipalista.   Conferencia sobre Cooperación Local para o Desenvolvemento Será en Donostia-San Sebastián os días 25 e 26 de outubro de 2001, a instancias de HEGOA e Euskal Fondoa. Con esta conferencia se pretende reflexionar sobre as liñas estratéxicas da cooperación ao desenvolvemento desde as entidades locais, no contexto actual da cooperación descentralizada, partindo da necesidade dunha toma de conciencia colectiva e de definir propostas e retos para o futuro traballo. Para os interesados en asistir, Secretaría da Conferencia: Amaia del Río, Carlos Askunze, Tel: 94 6017046. Fax: 94 6017040. e-mail: bhzaselc@bs.ehu.es.   Normalización de cuotas A Comisión Executiva, na xuntanza celebrada o pasado día 2 de outubro, fixo un chamamento a todas as entidades asociadas para que normalicen o pago das súas cuotas á maior brevedade posible, pois diso depende a capacidade para atender os compromisos contraídos.   Xustificación de proxectos 2000 Todas as ONGs que executan proxectos financiados con cargo ó orzamento do ano 2000 deberán presentar as correspondentes xustificacións antes do próximo día 30 de novembro.   Oleiros e o Fondo Galego A Ponencia Técnica do Fondo Galego realizará a avaliación dos proxectos presentados na Convocatoria de axudas a ONGs do Concello de Oleiros.   Mapa de socios do Fondo Galego A Coruña Lugo Ourense Pontevedra A Coruña Lugo Deputación Deputación A Pobra do Caramiñal Mondoñedo Allariz A Cañiza As Pontes O Valadouro Ferrol A Estrada Ares Quiroga Montederramo A Guarda Arteixo Samos O Barco Baiona Betanzos   O Carballiño Cangas Boiro   O Irixo Gondomar Brión   Ourense Moaña Cabanas   Vilar de Santos Nigrán Carral     O Porriño Cedeira     O Rosal Cerceda     Poio Corcubión     Pontecesures Culleredo - - Pontevedra Fene - - Redondela Ferrol - - Soutomaior Lousame - - Vigo Mugardos - - Vilagarcía de Arousa Narón - Neda Noia Oleiros Outes Pontedeume Porto do Son Rianxo Santiago Valdoviño Vimianzo   www.fondogalego.org ÚLTIMA REVISIÓN: 05/10/2001 Fernando Pol