Fondo Galego
Fondo Galego

fondogalego.org
info@igadi.org
Tel/Fax: 986 357 238
 
Infórmate a Fondo

VolverNúmero 22 - 2 de xaneiro de 2001
 
 

Sumario


  Núm anteriores
    Presentouse o libro “Palabras con Fondo”, un compromiso dos escritores de Galicia coa cooperación e a solidariedade internacional    
nº 021 - 15/11/2000
nº 020 - 13/10/2000
nº 019 - 28/08/2000
nº 018 - 17/06/2000
nº 017 - 15/05/2000
nº 016 - 11/04/2000
nº 015 - 27/03/2000
nº 014 - 15/03/2000
nº 013 - 11/02/2000
nº 012 - 13/01/2000
nº 011 - 09/12/1999
nº 010 - 04/11/1999
nº 009 - 16/10/1999
nº 008 - 15/09/1999
nº 007 - 01/08/1999
nº 006 - 01/07/1999
nº 005 - 15/04/1999
nº 004 - 01/04/1999
nº 003 - 01/03/1999
nº 002 - 01/02/1999
nº 001 - 15/01/1999
Os sindicatos da función pública local apoian ao Fondo Galego
Manuel Abeledo na reunión da Comisión Executiva
Cidades e Fondo máis a fondo
Altas de O Porriño, Boiro e Lugo
Mellor 2001
Mapa de socios do Fondo Galego
     
     
     
     

Volver ó sumario
Presentouse o libro “Palabras con Fondo”, un compromiso dos escritores de Galicia coa cooperación e a solidariedade internacional
Palabras con FondoNa sede da Fegamp e coa asistencia de representantes do Fondo Galego, de Caixa Galicia, da Asociación de Escritores e da Federación de Libreiros presentouse en Santiago este fermoso libro que concreta o convenio de colaboración que o Fondo asinou este ano coa Obra Social de Caixa Galicia. A iniciativa responde a unha doble motivación: xenérica, en primeiro lugar, pois é unha manifestación máis dese compromiso sensibilizador do Fondo, compromiso de carácter permanente destinado a incrementar a conciencia social arredor da necesidade de implementar a cooperación dende todas as instancias; e concreta, pois contribúe a tecer esa malla solidaria que arredor do Fondo vencella a partidos políticos, sindicatos, organizacións non gobernamentais, etc, e tamén a escritores e intelectuais, nunha arela común por que a solidariedade avance e gañe posicións nas preocupacións centrais da nosa sociedade.

O Fondo cree no valor da obra, e por iso financia proxectos de cooperación ó desenvolvemento, pero tamén na utilidade da palabra, e por iso este libro non é algo casual.

“Palabras con Fondo” constitúe unha aportación relevante por varios motivos: polo feito de reunir a vintetrés autores, tantos como letras do noso alfabeto, homes e mulleres, de diferentes xeracións, de diferentes provincias, de diferentes opcións de pensamento, conseguindo un todo plural e equilibrado; en segundo lugar, pola calidade dos textos incorporados, todos inéditos, con estilos diferentes que van dende a narrativa, a poesía ou a reflexión xornalística; e en terceiro lugar, pola énfase común manifestada para resaltar o valor da cooperación e da solidariedade coma os motores máis firmes e máis seguros da sociedade contemporánea.

O libro está a ser distribuído por diferentes vías coa preocupación única de obter a máxima difusión posible. Boa parte da edición será distribuída coa axuda da Federación de Libreiros de Galicia. Unha parte importante chegará a todas as bibliotecas do país e a todos os Concellos, en primeiro lugar, aos asociados ao Fondo Galego. En Pontevedra, no II Salón do Libro Galego, presentouse con gran acollida do público que esgotou as reservas existentes ao segundo día desta cita editorial.

Lembremos que nesta obra participan os seguintes autores: Marilar Aleixandre, An Alfaya, Fran Alonso, Camilo Franco, Sabela Álvarez, Carmen Blanco, Tucho Calvo, Xosé Carlos Caneiro, Ramón Caride, Fina Casalderrey, Antón Cortizas, Lois Diéguez, Agustín Fernández Paz, Carlos Casares, Xosé Luís Franco Grande, Antonio García Teijeiro, Silvia Gaspar, Bieito Iglesias, Manuel Seixas, Xosé Antón Neira Cruz, Víctor Fernández Freixanes, Alfonso Álvarez Cáccamo e Suso de Toro.
 
Volver ó sumario
Os sindicatos da función pública local apoian ao Fondo Galego
Nunha Declaración asinada por Comisións Obreiras, Unión Xeral de Traballadores, Central Sindical Independente de Funcionarios e a Confederación Intersindical Galega, as organizacións sindicais do ámbito local manifestan a súa “unánime disposición para contribuír, na medida das nosas posibilidades, ó fortalecemento desta iniciativa, fomentando a participación na mesma do colectivo de traballadores ao servicio das Administracións locais de Galicia”. Ademais, os asinantes sinalan que “participan da idea de fomentar, como liña de actuación propia das Corporacións locais e provincias de Galicia, a participación en proxectos e programas de cooperación, desenvolvemento e solidariedade internacional, potenciando e asumindo este eixe de actuación como un espacio de encontro para o colectivo de persoal ó servicio da Administración pública”. Dende o Fondo expresamos a satisfacción por rotundo apoio que agradecemos e que non dubidaremos en desenvolver con actuacións concretas.
 
Volver ó sumario
Manuel Abeledo na reunión da Comisión Executiva
Na xuntanza do 12 de decembro en Santiago de Compostela, a Comisión Executiva contou coa participación de Manuel Abeledo López, presidente da Deputación Provincial de Pontevedra. Durante a reunión, de carácter ordinario, tivo a oportunidade de adentrarse nun coñecemento máis a fondo das actividades deste organismo que esta Deputación contribuíu a afortalar dende o primeiro momento.
 
Volver ó sumario
Cidades e Fondo máis a fondo
As sete cidades máis grandes de Galicia e o Fondo Galego principiaron o 20 de decembro un debate arredor das posibles vías para intensificar a súa cooperación. Cada vez son máis os Concellos que realizan aportacións extraordinarias para o financiamento de proxectos concretos que contan co aval do Fondo. Recentemente, así o fixo o Concello de Oleiros quen aportou tres millóns de pesetas adicionais. O reforzamento da capacidade económica do Fondo é unha condición sine qua non para completar o enorme impulso recibido en forma de adhesións.
 
Volver ó sumario
Altas de O Porriño, Boiro e Lugo
Estes tres Concellos, cada ún da súa respectiva provincia, sumáronse nas últimas semanas ao Fondo Galego. En vías de adhesión atópanse Rianxo e Vilagarcía de Arousa, entre outros. Aproximámonos así ás 60 entidades que suman máis do 80% da poboación de Galicia.
 
Volver ó sumario
Mellor 2001
Chegados a este punto só nos queda desexar a todos un mellor 2001 cheo de ledicia e coa esperanza dun futuro máis xusto e solidario para tod@s e con tod@s.
 
Volver ó sumario
Mapa de socios do Fondo Galego
A Coruña Lugo Ourense Pontevedra
A Coruña Lugo Deputación Deputación
A Pobra do Caramiñal Mondoñedo Allariz A Cañiza
Ares O Valadouro Ferrol A Estrada
Arteixo Quiroga Montederramo A Guarda
Betanzos Samos O Carballiño Baiona
Boiro   O Irixo Cangas
Brión   Ourense Gondomar
Cabanas   Vilar de Santos Moaña
Carral     Nigrán
Cerceda     O Porriño
Corcubión     O Rosal
Culleredo - - Poio
Fene - - Pontecesures
Ferrol - - Pontevedra
Lousame - - Redondela
Mugardos - - Soutomaior
Narón - - Vigo
Neda     Vilagarcía de Arousa
Noia

Mapa de Socios do Fondo Galego

Oleiros
Outes
Pontedeume
Porto do Son
Rianxo
Santiago
Valdoviño
Vimianzo

 
Volver



Fondo Galego
www.fondogalego.org

ÚLTIMA REVISIÓN: 02/01/2001
Fernando Pol


Subir