Fondo Galego
Fondo Galego

fondogalego.org
info@igadi.org
Tel/Fax: 986 357 238
 
Sensibilización / Exposicións Volver
Fondo Galego, Dez Anos con Proxectos
 
 

  Fondo Galego, Dez Anos con Proxectos, clic para aumentar
Fondo Galego, Dez Anos con Proxectos. (Ver paneis).
 
Presentación e obxectivos

Con esta exposición pretendemos dar visibilidade ao traballo desenvolto polo Fondo Galego de Cooperación e Solidariedade durante estes seus primeiros dez anos de andadura.

Queremos dar a coñecer ao grande público os esforzos nos que, en materia de cooperación ao desenvolvemento, están envoltos os Concellos e Deputacións provinciais que forman parte do Fondo Galego.

Dividida en trece paneis, a exposición dá conta das diferentes áreas de traballo nas que o Fondo está involucrado, e inclúe exemplos de proxectos de cooperación ao desenvolvemento aos que o Fondo destinou os seus esforzos, tanto económicos como humanos.


Contidos

A exposición consta de doce paneis informativos e un panel que fai as veces de portada/introdución á exposición.

O contido específico de cada un dos paneis é o seguinte:

• Panel número 1. O Fondo Galego. Datos básicos sobre a orixe, o funcionamento e os obxectivos do Fondo.

• Panel número 2. Convocatorias do Fondo e contrapartes máis destacadas.

• Panel número 3. A problemática da auga no mundo e un exemplo dos proxectos nos que o Fondo está implicado.

• Panel número 4. A problemática da vivenda no mundo. Proxecto para a rehabilitación de vivendas promovido polo Fondo en Cabo Verde.

• Panel número 5. O acceso a unha correcta alimentación como factor de desenvolvemento. Proxecto de formación en soberanía alimentaria desenvolto en Guatemala.

• Panel número 6. A saúde comunitaria como factor de desenvolvemento. Problemas derivados da falta de recursos sanitarios. Proxecto de saúde comunitaria en El Salvador.

• Panel número 7. O fortalecemento institucional como elemento do desenvolvemento humano. Proxecto capacitación e empoderamento levado a cabo en Honduras.

• Panel número 8. A problemática de xénero nos países do Sur. Proxecto de empoderamento feminino posto en marcha en Perú.

• Panel número 9. O medio ambiente e o desenvolvemento sostible. Proxecto de explotación sostible dos recursos en Nicaragua.

• Panel número 10. O Fondo de Emerxencia. A importancia das axudas puntuais de emerxencia. Programa de axuda alimentaria nos campamentos de refuxiados saharauís no deserto alxeriano.

• Panel número 11. A importancia da axuda e do traballo individual no desenvolvemento global. Pouco é moito. Proxectos de Bicicletas para a Paz.

• Panel número 12. Grandes apostas do Fondo Galego. Programas de implantación de infraestruturas básicas non países do Sur. A colaboración entre administracións. Plan Maestro para a recuperación do casco histórico de Santiago de Cuba.


Ficha Técnica

Número de paneis: 13, incluíndo portada ou panel de presentación.

Peso:

  • Por panel: 4 kg.
  • Total: 52 kg.

Dimensións da estrutura (despregados): 124 cm (ancho) x 210 cm (alto) x 40 cm (fondo).

Caixa de envío (pregados): 125 cm (longo) x 11 cm (ancho) x 11 cm (fondo).


Instalación de distribución dos paneis

A montaxe e almacenaxe dos paneis é moi sinxela. Cada panel vai enrolado no interior dun tubo de aluminio do que se extrae facilmente tirando dos dous ganchos metálicos que sobresaen dunha das extremidades.

O tubo de aluminio do que se extrae vai servir de pé do panel grazas a dúas barras móbiles que permiten que manteña o equilibro. Mentres, a extremidade superior irá ancorada en dous tubos telescópicos de aluminio que se asentarán sobre o pé do panel.

A orde de colocación dos paneis é flexible, e pode ser adaptada ás condicións específicas da sala onde se instale. A pesares de contar con trece paneis, non ocupa demasiado espazo, xa que permite ser colocada en liña, formando un círculo, en zigzag, etc, adaptándose ao espazo dispoñible en cada caso.


Material complementario

Carteis

Semellantes ao primeiro panel da exposición, serven como presentación da mesma.

Dimensións: 48 cm x 63 cm.


Trípticos

Conteñen textos explicativos sobre o Fondo Galego de Cooperación e Solidariedade e sobre a exposición Fondo Galego, Dez Anos con Proxectos.

Dimensións: 15 cm x 15 cm (pregados).


CD Multimedia

Inclúe:

  • Galería fotográfica cos paneis da exposición en formato jpg.
  • Guía de recursos:
    • Textos vencellados á temática da exposición
    • Documentos sobre o Fondo Galego de Cooperación e Solidariedade.
    • Ligazóns de interese.
  • Actividades dirixidas a centros de ensino (Institutos de Ensino Secundario).
    • Catro unidades didácticas relacionadas coa cooperación e a exposición.


 
 
SubirExposición: Fondo Galego, Dez Anos con Proxectos
Fotos: Fondo Galego
     
O Fondo Galego de Cooperación e Solidariedade; clic para aumentar O Fondo Galego, Dez Anos con Proxectos; clic para aumentar A solidariedade gota a gota; clic para aumentar
Panel 1
O Fondo Galego de Cooperación e Solidariedade.
Panel 2
O Fondo Galego, Dez Anos con Proxectos.
Panel 3
A solidariedade gota a gota.
Alicerces do desenvolvemento: construción e rehabilitación; clic para aumentar Alimentando dereitos: agricultura, gandería e desenvolvemento rural; clic para aumentar Saudade da saúde: saúde comunitaria; clic para aumentar
Panel 4
Alicerces do desenvolvemento: construción e rehabilitación,
Panel 5
Alimentando dereitos: agricultura, gandería e desenvolvemento rural.
Panel 6
Saudade da saúde: saúde comunitaria.
Sen tod@s non é posible; clic para aumentar Desenvolvemento en feminino; clic para aumentar Cultivando sostenibilidade: medio ambiente; clic para aumentar
Panel 7
Sen tod@s non é posible: capacitación, empoderamento e fortalecemento institucional.
Panel 8
Desenvolvemento en feminino: a transversalidade do xénero.
Panel 9
Cultivando sostenibilidade: medio ambiente.
Axuda de emerxencia: arroz para o Sahara; clic para aumentar Bicis pola Paz: moito con pouco; clic para aumentar Grandes apostas: Plan Maestro Santiago de Cuba; clic para aumentar
Panel 10
Axuda de emerxencia: arroz para o Sahara.
Panel 11
Bicis pola Paz: moito con pouco.
Panel 12
Grandes apostas: Plan Maestro Santiago de Cuba.
 
Volver



Fondo Galego
www.fondogalego.org

ÚLTIMA REVISIÓN: 28/09/2007
Fernando Pol


Subir