Fondo Galego
Fondo Galego

fondogalego.org
info@igadi.org
Tel/Fax: 986 357 238
 
Sensibilización / Exposicións Volver
A Paz Cuestión de Fondo
 
 

  A Paz Cuestión de Fondo, clic para aumentar
A Paz Cuestión de Fondo. Contra o racismo, a violencia e a pobreza. (Ver viñetas).
 
Exposición de viñetas
A Paz Cuestión de Fondo

Contra o racismo, a violencia e a pobreza


1. Ficha técnica

A exposición consta de 16 láminas de 80x120 cm a toda cor en lona de 3 mm de espesor. O sistema de colocación é similar ao dos calendarios.

Dende o Fondo Galego queremos achegarvos coa presente exposición a 28 autores procedentes de 16 países. En clave visual, as caricaturas móstrannos os prexuízos que operan acerca dos diferentes, da idea da paz, do racismo, das diferenzas sociais, da guerra, etc. Verdades en miniaturas é a proposta desta exposición colectiva internacional. Retratos da sociedade contemporánea que nacen cargados de humor, de sátira social, de realismo e de crueza.


2. Contido

A Pobreza é unha forma de inxustiza social e violencia estrutural que nega as condicións mínimas de desenvolvemento humano e xera situacións de exclusión, racismo e violencia. Debuxa un mapa de continuos conflitos entre os seres humanos que nos afastan dunha desexada convivencia pacífica. A falta de oportunidades impide á sociedade medrar en condicións de dignidade. Máis da cuarta parte da poboación mundial vive en situación de pobreza, e os países industrializados a sofren de forma crecente. O abismo entre pobres e ricos medra día a día.

No prologo do libro Palabras con Fondo, José Luís Méndez López, director de Caixa Galicia, di que “erradica-la pobreza do mundo non é só unha obriga moral é unha posibilidade real (...) no mundo existen os recursos e os coñecementos para acadar un mundo sen pobreza.

O Fondo Galego de Cooperación e Solidariedade entende que o desenvolvemento sostible non é posible nun contexto de pobreza, violencia e racismo. Con esta exposición quere contribuír a crear un clima de opinión favorable á promoción dunha nova orde económica internacional, sen excluídos, nin perdedores.


3. Suxestións de actividades complementarias

É importante acompañar a exposición de distintos actos culturais (seminarios, conferencias, charlas, teatro, cine, música, deporte, feiras, etc) que podan concienciar e sensibilizar a sociedade na convivencia na diversidade e na loita contra a discriminación, a pobreza e a violencia, sensibilizar sobre os aspectos positivos da diversidade cultural, co propósito de favorecer a convivencia pacífica, nunha sociedade aberta ao diferente e solidaria.


Acto de inauguración

Interesa preparar especialmente o acto de inauguración e/ou de clausura, cursando invitacións a través do mailing que se faga habitualmente e presentando a iniciativa ante os medios de comunicación.

En función das posibilidades, pode contemplarse a presenza dalgún debuxante da localidade, ou dos debuxantes que participan na exposición como Pepe Carreiro, Hortas, Carlos Silvar ou Xaquín Marín. A Secretaría do Fondo pode facilitar os contactos que se precisen.

Mediado o período da exposición pode celebrarse algunha mesa redonda, convidando algunha persoa relevante, permitindo que unha segunda onda de información poida chegar á cidadanía a través da repercusión pública desa visita. Se existe radio municipal é interesante aproveitar para entrevistar a determinadas persoas, explicar que é o Fondo, etc...


Talleres de contos e músicas do mundo

Dentro dun ambiente festivo pódense desenvolver todo tipo de actividades divulgativas e de entretemento que propicien valores de tolerancia e respecto á diferenza, organizar xogos e talleres para nenos, actividades orientadas a sensibilizar e dar a coñecer aos rapaces culturas e realidades diferentes a través da musica, dos contos e os xogos de rapaces de distintos lugares do planeta.


Carreira popular contra o racismo

Pódense organizar actos nos que participe toda a cidadanía, como unha carreira popular contra o racismo, encabezada por algún deportista coñecido do lugar. O deporte contribúe á socialización de tódalas persoas, a través dos valores de respecto, participación e xogo.

O acto podería terminar coa lectura dun manifesto a favor da convivencia das diferenzas.


Vídeo-fórum

A sesión pode estruturarse en tres partes:

  • Introdución do tema e presentación da película. Presentación do vídeo-fórum con algún membro de ONGDs da localidade. Contarase cun experto/a no tema.
  • Visionado.
  • Debate.

Proxección do curto “Lalia”.

Este curto permítenos unha aproximación á problemática do Sáhara Occidental. Nel se reflicten as vivencias, dramas e as esperanzas de todo un pobo que tenta conseguir a súa soberanía. A protagonista e directora é Silvia Munt. Hai unidades na Secretaría do Fondo.


Charla de ONGs sobre proxectos financiados polo Fondo

As ONGs están dispostas a explicar o seu traballo no campo da cooperación internacional. É importante amosar á cidadanía os proxectos que executamos, cal é a súa utilidade, que pensan os/as beneficiarios/as, e así avanzar no reforzamento dunha conciencia máis solidaria atenta ás inxustizas e desigualdades.


Almanaque solidario

Días solidarios relacionadas co tema da exposición:

30 de xaneiro Día escolar da non violencia e a paz
21 de marzo Día mundial contra o racismo
21 de setembro Día mundial da paz
17 de outubro Día mundial da loita contra a pobreza
16 de novembro Día mundial para a tolerancia
18 de decembro Día mundial do emigrante
19 de decembro Día mundial dos dereitos humanos


 
 
SubirExposición A Paz Cuestión de Fondo
Fotos: Fondo Galego
     
Arístides Hernández (Ares); clic para aumentar Arturo Kemchs; clic para aumentar Mehemet Kahraman; clic para aumentar
Panel 1a
Arístides Hernández (Ares), La Habana (Cuba).
Panel 1b
Arturo Kemchs, México.
Panel 2a
Mehemet Kahraman, Turquía.
Martyn Turner; clic para aumentar Mónica Máscolo; clic para aumentar Miguel Betanis (Betanzos); clic para aumentar
Panel 2b
Martyn Turner, Irlanda.
Panel 3a
Mónica Máscolo, Montevideo (Uruguai).
Panel 3b
Miguel Betanis (Betanzos), La Habana (Cuba).
Francisco Blanco Ávila; clic para aumentar Francisco Villamil; clic para aumentar Halim Kutlu; clic para aumentar
Panel 4a
Francisco Blanco Ávila, La Habana (Cuba).
Panel 4b
Francisco Villamil, La Habana (Cuba).
Panel 5a
Halim Kutlu, Istambul (Turquía).
Hortas; clic para aumentar Juan Acevedo; clic para aumentar Hüsellyn Çakmak; clic para aumentar
Panel 5b
Hortas, Galiza.
Panel 6a
Juan Acevedo, Lima (Perú).
Panel 6b
Hüsellyn Çakmak, Turquía.
Manuel Hernández; clic para aumentar Luís Poças; clic para aumentar Roa; clic para aumentar
Panel 7a
Manuel Hernández, Matanzas (Cuba).
Panel 7b
Luís Poças, Portugal.
Panel 8a
Roa, Colombia.
Effat; clic para aumentar Bahgory; clic para aumentar Carlos Silvar; clic para aumentar
Panel 8b
Effat, Exipto.
Panel 9a
Bahgory, Evry (Francia).
Panel 9b
Carlos Silvar, Galiza.
Musa Kayra; clic para aumentar Nelson Romero; clic para aumentar Onofre Varela; clic para aumentar
Panel 10a
Musa Kayra, Chipre.
Panel 10b
Nelson Romero, San José (Uruguai).
Panel 11a
Onofre Varela, Portugal.
Óscar Sierra Quintero (Oki); clic para aumentar Oti; clic para aumentar Pepe Carreiro; clic para aumentar
Panel 11b
Óscar Sierra Quintero (Oki), Costa Rica.
Panel 12a
Oti, Galiza.
Panel 12b
Pepe Carreiro, Galiza.
Perich; clic para aumentar Peter Nieuwendijk (Endyk); clic para aumentar Rainer Hachfeld; clic para aumentar
Panel 13a
Perich, Barcelona (Cataluña).
Panel 13b
Peter Nieuwendijk (Endyk), Holanda.
Panel 14a
Rainer Hachfeld, Berlín (Alemaña).
Rui Pimentel; clic para aumentar Sahil Balikçi; clic para aumentar Valeriu Kurtu; clic para aumentar
Panel 14b
Rui Pimentel, Lisboa (Portugal).
Panel 15a
Sahil Balikçi, Bergama (Turquía).
Panel 15b
Valeriu Kurtu, Alemaña.
Xaquín Marín; clic para aumentar Wonsoo; clic para aumentar  
Panel 16a
Xaquín Marín, Galiza.
Panel 16b
Wonsoo, Corea.
 
 
Volver



Fondo Galego
www.fondogalego.org

ÚLTIMA REVISIÓN: 19/09/2007
Fernando Pol


Subir