| Fondo Galego |
 |
 |
|
|
|
| fondogalego.org info@igadi.org |
|
| Tel/Fax: 986 357 238 |
|
Que é? / Datos básicos / Confederación
de Fondos de Cooperación e Solidariedade
MANIFESTAMOS: Primeiro. A nosa unánime satisfacción e ledicia ante a recente creación do Fondo Galego de Cooperación e Solidariedade, por consideralo un instrumento capaz de xerar unha nova dinámica nas políticas de solidariedade exercidas en Galicia e dende Galicia. Segundo. Que esta iniciativa activará sen dúbida o papel do municipalismo galego no movemento a prol da cooperación, a solidariedade e o achegamento entre as comunidades do Sur e do Norte, e contribuirá á creación dese clima favorable, ético e moral, no seo da opinión pública, para sumar esforzos á reivindicación dunha nova orde económica mundial. Terceiro. Que a creación do Fondo Galego permitirá un incremento substancial das accións e do papel do municipalismo no ámbito na cooperación descentralizada, pois ademais de configurarse con ilusión e dun xeito plural e democrático, contempla espacios o suficientemente flexibles como para acoller a especial idiosincrasia do universo local galego, posibilitando a superación das dificultades obxectivas que, ata agora, impedían a numerosas pequenas Corporacións materializar unha solidariedade grande en intención pero inevitablemente reducida en contía e efectividade. Cuarto. Que todos os Fondos en funcionamento no Estado prestamos o noso total apoio ó Fondo Galego para a plena consecución dos seus fins e obxectivos e, a través del, enviamos a nosa cordial felicitación a todos os Concellos e Deputacións de Galicia empeñados en construir, con nós e coma nós, unha sociedade máis equitativa, digna, xusta e humana. En proba de conformidade, asinamos a presente Declaración.
|
|
|
www.fondogalego.org ÚLTIMA REVISIÓN: 19/02/2001
|
