| Fondo Galego |
 |
 |
|
|
|
| fondogalego.org info@igadi.org |
|
| Tel/Fax: 986 357 238 |
|
Que é? / Datos básicos / Confederación
de Fondos de Cooperación e Solidariedade
Aínda que cada Fondo nace a partir dunhas orixes que son distintas en cada ámbito territorial e que polo tanto lle proporcionan unha identidade propia, existe unha ampla coincidencia de postulados entre os Fondos polo que en 1995 acordouse, dende a total independencia, constituír a Confederación de Fondos de Cooperación e Solidariedade como marco de coordinación e de representación conxunta en aquelas temáticas que pola súa importancia afecten ós intereses comúns. Son tarefas propias da Confederación contribuír a impulsa-la cooperación descentralizada dentro e fora dos ámbitos territoriais dos seus membros, así como propiciar a súa vertebración en redes. Neste sentido, dende entón está colaborando en sistematizar e difundi-las experiencias de cooperación intermunicipal e en colaborar activamente nos procesos emerxentes de xeración de novos fondos e outras redes de cooperación municipal. A Confederación asume tamén o ser interlocutor común ante as institucións estatais, europeas e mundiais con presentacións coincidentes. Neste sentido, participouse activamente no proceso de debate da primeira Lei de Cooperación do Estado Español expresando colectivamente ante tódolos Grupos Parlamentarios nosas opinións. A recén creada Comisión Interterritorial debe ser un bo marco de coordinación e concertación con outros niveis da administración pública. A nivel europeo, esta aínda pendente o establecemento de vías estables de interlocución directa coa Unión Europea. Co apoio da Dirección Xeral de Cooperación Descentralizada e ante as reformas anunciadas, agora, pode ser un bo momento para establecelas. Un dos retos nos que a Confederación está conseguindo maiores resultados é no apartado de coordinar as accións para conseguir unha aprendizaxe mutua e no establecemento de criterios comúns de análise, avaliación, control e seguimento. Neste sentido, dende 1997 dispoñemos dunha oficina técnica de seguimento sobre o terreo para a Area de Centroamérica, México e Caribe. Dado o importante papel que ó noso entender debe tela sensibilización do Norte para xerar un clima na opinión pública favorable á promoción dunha nova orde económica internacional, traballamos coordinadamente en propostas de sensibilización compartidas, como é a nova edición da Guía Municipal para a Cooperación e outras iniciativas en colaboración coas coordinadoras de ONG. En último lugar cabería definir que aínda non sendo un obxectivo prioritario a cofinanciación de proxectos de cooperación no marco da Confederación de Fondos, cando se produciu foi en programas de compoñente municipalista.
Un Fondo de Cooperación e Solidariedade é un organismo sen ánimo de lucro que reúne a Concellos e outras institucións públicas e privadas cos seguintes obxectivos:
Como características intrínsecas á creación dun Fondo se poderían destacar:
Na I Conferencia Europea sobre Cidades e Desenvolvemento, celebrada en Colonia en setembro de 1985, co tema “Da caridade á xustiza”, facíase un chamamento á acción conxunta das ONG e as comunidades locais para unha cooperación ó desenvolvemento Norte-Sur. En posteriores edicións da Conferencia, Bulawayo (1990) e Berlin (1992), se insistía en promover “iniciativas locais e rexionais para un desenvolvemento sostible”. No Estado español –e contrariamente a outros países– viuse denominando “cooperación descentralizada” ó conxunto da cooperación que non corresponde ás instancias do Goberno central, é dicir, tanto a cooperación das administracións públicas rexionais e locais como a das Organizacións Non Gobernamentais de Desenvolvemento (ONGD). Cabe sinalar adicionalmente que a principal función das administracións públicas subestatais en canto á cooperación foi a cofinanciación de proxectos de ONGD. Ó igual que a Cooperación Oficial ó Desenvolvemento español (bilateral, europea e multilateral), a cooperación descentralizada española é xove. Coa excepción dunhas poucas ONGD que existían anteriormente, podese fechar os seus inicios máis remotos alá por 1985-86. Os principais actores da cooperación descentralizada española son:
Cabe sinalar en canto a outros actores:
Para que unha cooperación sexa efectiva é necesaria a participación directa da comunidade beneficiaria. Por iso, a cooperación descentralizada permite atopar, en cada caso, ós interlocutores máis adecuados. Un dos exempos máis claros desta cooperación é o irmanamento entre poboacións do Norte e poboacións dos países en desenvolvemento, e a cooperación entre homólogos. Constanos que dende as coordinadoras de ONGD se está facendo un esforzo por regula-lo sector mediante, entre outras medidas, a aprobación dun código ético. Dende a Confederación e dende cada un dos Fondos debemos traballar activamente para contribuír a vertebra-la cooperación descentralizada establecendo criterios comúns de actuación, facilitando o seguimento e control dos proxectos realizados e reducindo os custes de xestión. O boom que experimentou nos últimos anos a cooperación descentralizada ten, sen dúbida, un amplo abanico de consecuencias positivas, ademais das puramente económicas:
Todos estes cambios que, maioritariamente, resultaron positivos tamén suscitan algúns retos que se deben ter en conta:
Guía Municipal de Cooperación A edición da Guía Municipal para a Cooperación-A Solidariedade Norte-Sur, un reto para as institucións locais (1991), en colaboración conxunta entre IEPALA, Euskal Fondoa e Fons Català, supuxo o primeiro instrumento ó servicio de corporativos e técnicos municipais no importante camiño da cooperación internacional. Proximamente publicarase unha segunda edición completamente actualizada da Guía Municipal, editada pola Confederación de Fondos e IEPALA. Xornadas de Cooperación Descentralizada En xuño de 1996 organizouse, de forma conxunta entre a Confederación de Fondos e a Coordinadora de ONG para o Desenvolvemento, a 1ª Xornada de Cooperación Descentralizada, en Getafe, coa participación de máis de 140 representantes de municipios cooperantes e ONG. Os relatorios e conclusións destas xornadas foron editadas en 1997. Lei de Cooperación O Congreso dos Deputados aprobou en abril de 1998 o Proxecto de Lei de Cooperación ó Desenvolvemento que regulará a axuda do Estado Español ós países menos desenvolvidos. O novo texto aprobado recolle algunhas das emendas presentadas pola Confederación de Fondos a os diferentes grupos parlamentarios, nas que se facía fincapé na importancia da cooperación descentralizada como vía de participación dos diferentes organismos locais (administracións locais, sociedade civil...) na cooperación ó desenvolvemento. A Confederación de Fondos dispón actualmente dunha oficina conxunta que cubre as áreas de Centroamérica, Caribe e México e onde traballan dúas técnicas cooperantes. Os obxectivos da oficina son a representación individual e conxunta dos fondos nestas áreas xeográficas e levar a cabo o seguimento e avaliación dos proxectos en curso. A oficina permite un maior coñecemento da situación sobre o terreo e poder dispoñer de información actualizada a un baixo custe de xestión, cousa que sería inasumible desde un único fondo e, menos aínda, desde un único concello. A dirección da oficina do Fons en Centroamérica e Caribe é:
Durante 1997, a oficina de seguimento levou a cabo 135 proxectos de cooperación distribuídos da forma seguinte:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
www.fondogalego.org ÚLTIMA REVISIÓN: 08/03/2003
|
