| Fondo Galego |
 |
 |
|
|
|
| fondogalego.org info@igadi.org |
|
| Tel/Fax: 986 357 238 |
|
Que é? / Datos básicos / Confederación
de Fondos de Cooperación e Solidariedade
O lonxano eco da Declaración de Colonia (1985) e o máis próximo da creación de fondos de cooperación no Estado español, unidos á impotencia pola pasividade das institucións estatais e internacionais para erradica-la pobreza, impulsaron o nacemento do Fons Menorquí en 1993. A creación do Fons estivo acompañada dende a súa orixe polos esforzos conxuntos de administracións públicas, ONGs, arcebispado, entidades cidadás e sociedade civil, coa finalidade común de favorecer unha cooperación descentralizada.
Os proxectos financiados polo Fons responden a uns criterios aprobados pola Asemblea e propostos por unha comisión paritaria de ONGs e administracións públicas.
Con estes criterios preténdese que o financiamento sexa unha ferramenta para potenciar procesos de participación ciudadá no Sur. Procesos que tamén se darán no Norte na medida en que se descentralicen as decisións referentes á cooperación. Durante 1997 financiaronse 8 proxectos de cooperación, 1 de emerxencia e 1 de inmigrantes.
Desde o Fons promóvese a sensibilización a través de duas vías: o financiamento de proxectos de sensibilización presentados por diferentes ONGs e a xestión de actividades propias consensuadas polos socios a partir das liñas de traballo que se establecen anualmente na Asemblea. Unha das actuacións desta área é a organización dunha campaña de sensibilización, dirixida tanto ós centros educativos como ás redes asociativas dos municipios, e na que participan conxuntamente administracións públicas, ONGs e entidades cidadás. En 1997 os socios acordaron como tema da campaña o referendo do Sahara no marco do 50 aniversario da Declaración dos Dereitos Humanos. O motivo desta campaña estivo presente na festa anual do Fons, na propia revista da asociación, en charlas, etc. Ademais, fíxose unha campaña de recollida de material, en colaboración co Fons Mallorquí e a Associació d'Amics e Amigues do Poble Saharauí. Presión política Respondendo ó obxectivo da presión política conxunta, coordinanse diversas campañas de denuncia, como a realizada en 1997 ante a situación de violencia no Estado de Chiapas. Convenios Convenio entre o Fons Menorquí e a Rede de Bibliotecas de Menorca polo que a rede cede anualmente os libros obsoletos ó Fons Menorquí para que os poña á venda e os beneficios se destinen a proxectos de cooperación. Cercant el sud, hem perdut el Nord? (Buscando o Sur, perdemo-lo Norte?) Anualmente celebranse unhas Xornadas sobre cooperación descentralizada que parten da posta en común da reflexión feita polos representantes das ONGs e os concellos a partir do contido das Xornadas anteriores. Os temas tratados en 1997 xiraron arredor da cuestión "¿Que é ser solidario? Revisión dos nosos obxectivos". Os relatorios dos invitados serviron para programar as liñas de acción conxunta para 1998. Cooperación interinstitucional Na mesma liña organizanse xornadas de formación específicas para as ONGs o as institucións públicas. En 1997, diversos membros da Confederación participaron nestas xornadas para explicar a tódolos concellos de Menorca os obxectivos e actividades da cooperación descentralizada.
Desde a súa creación, o Fons Menorquí conta co 100% dos municipios da Illa e o 90% das ONGD. Este alto nivel de participación vese confirmado polo constante aumento do orzamento da entidade.
|
|||||||||||||||||||||||||||||||||
|
|||||||||||||||||||||||||||||||||
|
www.fondogalego.org ÚLTIMA REVISIÓN: 19/02/2001
|
|||||||||||||||||||||||||||||||||
