|
Que é? / Datos básicos / Confederación
de Fondos de Cooperación e Solidariedade 
Fons Mallorquí de Solidaritat i Cooperació
| Presidente |
Sebasti Cerdà. |
| Directora |
Catalina Socíes. |
| Enderezo |
General Riera, 113. |
| Localidade |
07010-Palma de Mallorca. |
| Tel-Fax |
(34) 971 297053 - 971 203130. |
| e-mail |
fmsc@pangea.org |
Orixe
O Fons Mallorquí creouse en 1993 co obxectivo
de coordina-las axudas das administracións públicas e as entidades privadas de Mallorca ó
Terceiro Mundo, coa finalidade de facer máis eficaz a cooperación co Sur.
Obxectivos
- Xestiona-los fondos económicos entregados
ó Consorcio para contribuír ó desenvolvemento dos países do Terceiro Mundo e organizar
campañas de sensibilización propostas polas ONG, Concellos e outras entidades.
- Apoia-los esforzos das institucións e
entidades de Mallorca para crear un clima de opinión pública favorable a unha nova orde económica
internacional.
- Estimula-la participación cidadá,
mediante campañas e informacións adecuadas sobre os proxectos de cooperación co Terceiro Mundo.
- Colaborar para que sexa unha realidade a aportación
mínima do 0,7% del PNB ós países menos desenvolvidos.
- Promover que as institucións e entidades
públicas e privadas mallorquinas colaboren na cooperación e destinen unha porcentaxe que se aproxime
ó 0,7%.
O Fons está organizado en dúas áreas de traballo:
1. Xestión e organización: proxectos
e outras alternativas de cooperación.
2. Sensibilización e difusión.
Xestión e organización
Na elección dos proxectos teñen
prioridade os que tomen en consideración criterios referentes a:
a) Proxectos
- Deben contribuír a mellora-las condicións
de vida dos grupos máis desfavorecidos.
- Fomenta-la participación dos beneficiarios
na concepción, realización, xestión e avaliación do proxecto.
- Deben ter perspectivas de futuro, no sentido
de continuar con responsables locais cando a axuda exterior remate (autosuficiencia económica).
- Deben apoiar ás organizacións de
base.
- As accións productivas deben axudar á
constitución de recursos financeiros (fondos de rotación, préstamos, etc.) que poidan utilizarse
para outras actividades ou proxectos.
- Deben presentar obxectivos concretos, claros,
avaliables e posibles de conseguir nun prazo razoable.
- Deben respectar o medio ambiente.
- Deben ser promovidos por ONG ou entidades do
país beneficiario, que ofrezan a garantía dun equipo responsable.
- Deben ser, preferentemente, de duración
plurianual e deben estar integrados nunha planificación máis ampla.
- Deben axudar á creación de novas
infraestructuras na zona onde se desenvolvan, e/ou á adquisición de bens de equipo, e/ou á
creación de microempresas comunitarias, e/ou á formación.
- Deben ser cuantificables mediante presupostos
detallados e fidedignos.
b) ONG solicitantes
- Deben estar constituídas legalmente e
traballar en Mallorca, cun ano de antigüidade.
- A entidade solicitante actúa en nome dunha
entidade do Sur e faise responsable da execución e seguimento do proxecto, entregando ó Fons cada
seis meses unha memoria acompañada dunha xustificación económica.
- A entidade solicitante, do Norte o do Sur, participa
na financiamento do proxecto cun porcentaxe do custe que, como mínimo, é do 10%, xa sexa en diñeiro
ou en servicios.
Proxectos 1997
Durante 1997 financiáronse 39 proxectos
distribuídos xeograficamente da seguinte maneira:
| Área xeográfica |
Nº Proxectos
|
%
|
| Asia |
6
|
16,5
|
| Europa |
3
|
6,3
|
| África |
7
|
20,6
|
| Norteamérica (México) |
3
|
5,4
|
| Caribe |
4
|
11,5
|
| Sudamérica |
12
|
33,7
|
| Centroamérica |
4
|
6,0
|
Dos 39 proxectos, 5 eran de desenvolvemento comunitario,
10 de desenvolvemento económico, 4 de infraestructura, 3 de educación, 2 de capacitación,
8 de equipamento, 1 de medio ambiente e 6 de sanidade.
Axudas de emerxencia
O Fons Mallorquí dispón anualmente
dunha partida presupostaria (o 10% do total do orzamento) para actuacións de urxencia orixinadas por causas
diversas. Desta maneira os Concellos de Mallorca socios do Fons poden dar unha resposta inmediata ás situacións
de urxencia.
Ata agora, estes recursos foron destinados a Liberia,
Ghana, Serra Leona, Tanzania, Bosnia, Burundi, Nicaragua e Cuba.
Irmanamentos
O Fons Mallorquí quere participar nos irmanamentos
que se establezan cos Concellos socios, para que os acordos supoñan un compromiso de traballo permanente
mediante proxectos que proporcionen un sentido real ó irmanamento, abrindo a posibilidade de participación
ás ONG do Norte e do Sur que traballan na zona.
Debese garantir que os acordos sexan efectivos
e supoñan un compromiso de traballo permanente mediante proxectos que proporcionen un sentido real ó
irmanamento.
Convenios de colaboración
- Medicamentos: O Consell Insular de Mallorca, o Collegi d'Apotecaris, a Cooperativa d'Apotecaris
e a ONG Apotecaris Solidaris estableceron un convenio co Fons Mallorquí para financiar o envío de
medicamentos ó Sur. Apotecaris Solidaris encargase da recollida e selección dos medicamentos, o Consell
Insular faise cargo do proceso de reciclaxe e o Fons Mallorquí custea os gastos de envío do medicamento
a países do Terceiro Mundo.
- Federució d'Entitats Locals de les
llles Baleurs (FELIB): Convenio para traballar
conxuntamente, recoñecendo ó Fons como instrumento para levar á cabo as accións de
cooperación. Pola súa parte, a FELIB adquire o compromiso de recomendar ós Concellos de Mallorca
a adhesión ó Fons e difundi-la súa labor.
- Bombeiros: Convenio entre o Consell Insular de Mallorca, a ONG Bombers sense Fronteres e
o Fons co obxectivo de que o material de bombeiros que xa non cumpre a normativa, pero que se atopa en bo estado,
sexa destinado ós países do Terceiro Mundo.
- Caixa de Balears “Sa Nostra”: Convenio que supón a aportación ó
Fons Mallorquí do 0,7% do presuposto da Obra Social e Cultural de Sa Nostra, para destinar a proxectos de
cooperación. Este convenio é unha primeira experiencia de colaboración con entidades privadas.
- Universitat de les Illes Balears: Convenio entre o Fons e a UIB para traballar conxuntamente
en cooperación e dar apoio ó Centro de Formación para a Cooperación.
Campañas específicas
- Caravana ó Sahara. En 1997 e 1998, o Fons Mallorquí, coa colaboración
da Associació d'Amics del Poble Sahraui de les Illes, organizou as caravanas de axuda ó Sahara, enviando
vehículos novos e usados, toneladas de alimentos e medicinas, como mostra de solidariedade do pobo de Mallorca
co pobo saharauí.
- Participaron case tódolos concellos
da illa e numerosas entidades cívicas,
así como milleiros de cidadáns solidarios coa causa saharauí.
- Viaxe ós campamentos de refuxiados
saharauís en Tindouf (Argelia).
Organizado polo Fons Mallorquí e a Associació d'Amics del Poble Saharaui de les Illes. Participaron
representantes de institucións de Mallorca, Menorca e Ibiza, así como outras persoas solidarias.
Puídose ve-lo traballo realizado co financiamento dos Concellos socios do Fons.
- Campaña pola Paz na zona dos Grandes
Lagos. O Fons, xunto a varias ONG, fixose
eco da grave situación da zona a través de conferencias. Promoveronse concentracións cidadás
e recollida de recursos económicos para a compra de axuda humanitaria para os campos de refuxiados de Kigoma
(Tanzania) e o envío de medicamentos.
Área de sensibilización
- Coloquios sobre cooperación nos diferentes
pobos da illa e na capital.
- Ofrecese unha actividade ós concellos
que consiste na exposición de proxectos e coloquios trimestrais a cargo do Fons Mallorquí e dunha
ONG diferente en cada coloquio que explica en que consiste o seu traballo. Trabállase desde a interrelación
entre o concello, os grupos sociais do pobo e as escolas.
- Publicación dun boletín informativo
do Fons Mallorquí, de periodicidade trimestral, iniciado durante 1998, para dar a coñecer as actividades
de solidariedade e cooperación que se desenvolven en Mallorca, desde o Fons e desde o Centro de Formación.
Centro de Formación para a Cooperación
Creado polo Fons Mallorquí conxuntamente
con 25 ONGs de Mallorca como espacio de colaboración entre as ONGs e o Fons, para desenvolver iniciativas
das entidades locais, representadas polo Fons, e da sociedade civil, representadas por as ONGs, coa finalidade
de ampliar o impacto social de valores como a paz, a solidariedade e o respecto ós dereitos humanos. Traballase
en tres eixes: formación, sensibilización e documentación.
Socios de Fons Menorquí
O Fons Mallorquí ten 49 socios, dos que
46 corresponden a municipios da illa integrados dentro do Fons (o 86,79% do total de concellos de Mallorca).
|
Concellos
|
|
Alaró
Alchdia
Algaida
Ariany
Attà
Banyalbufar
Binissalem
Búger
Bunyola
Calvià
Campanet
Capdepera
Cardassar
Consell
Costitx
Deià
Escorca
Esporles
Estellencs
Felanitx
Fornalutx
Inca
Lloret de Vistalegre
Llubí
Llucmajor
Loseta
Mancar da Vall
Maria da Salut
Marratxí
Muro
Palma
Petra
Pollenca
Puigpunyent
Sa Pobla
Sant Llorenc des
Santa Eugènia
Santa Margalida
Santa Maria del Camí
Santanyí
Selva
Sencelles
Ses Salines
Sineu
Sóller
Son Servera
Villafranca de Bonany |
|
|
Outras institucións
e entidades
|
|
Consell Insular de Mallorca
Justícia i Pau de Mallorca
Universitat de les Illes Balears |
|
|
Socios
colaboradores
|
|
Área de Paui Solidaritat d'Esquerra Unida
Col.legi Oficial de Psicòlegs de Balears
Fundación s'olivar d'Estellencs
GOB (Grup Balear d'ornitologia i Defensa de la Naturalesa)
Govern Balear
Obra Cultural Balear
PSM-Nacionalistes de Mallorca |
|
