Fondo Galego fondogalego.org info@igadi.org Tel/Fax: 986 357 238

Que é? / Datos básicos / Confederación de Fondos de Cooperación e Solidariedade Fondo Galego de Cooperación e Solidariedade Presidente Alfredo Novoa. Director Xulio Ríos Paredes. Enderezo Avenida Joselín, 7. Portal 3-4ºB. Localidade 36300 Baiona (Pontevedra). Tel-Fax (34) 986 357238. e-mail igadi@arrakis.es Orixe Dos Fondos que integran a Confederación, o Fondo Galego é o de máis recente creación. Naceu en decembro de 1997. Atopase no seu período inicial, que chegará ó seu fin coa celebración das eleccións municipais de 1999. O proceso de xestación iniciouse a instancias do IGADI (Instituto Galego de Análise e Documentación Internacional), unha asociación sen ánimo de lucro que realiza a súa actividade entre outros campos no da cooperación internacional, mediante unha convocatoria aberta realizada o día 30 de novembro de 1996 e que contou co apoio da FEMP, da FEGAMP, do Centro de Información de Nacións Unidas en Madrid, dos Concellos de Nigrán e de Oleiros e da Dirección Xeral de Relacións Institucionais da Xunta de Galicia, asi como coa participación de numerosas ONGs e técnicos municipais. Dende o primeiro momento, a Confederación de Fondos apoiou eficaz e xenerosamente esta etapa constituinte. Obxectivos Inicia-lo financiamento de programas concretos de cooperación. Promover campañas de sensibilización social. Desenvolver unha actuación permanente de sensibilización institucional para a captación de socios. Organización interna Ó ser 1997 o ano da súa constitución, o Fondo Galego atópase nun período de organización, polo que as actividades tiveron proxección fundamentalmente interna: reunións de traballo, rexistros administrativos, etc. Área de Xestión Habilitaronse as estructuras internas e elementais co obxectivo de funcionar como Fondo, tanto a nivel humano (Secretarías) como en materia de actuacións. Neste sentido cómpre destacar a primeira convocatoria de financiamento de proxectos e a creación do Consello Municipalista da Cooperación, de naturaleza consultiva, para canalizar a participación das ONGs. Área de Sensibilización Solidariedade? A Fondo Exposición itinerante para promove-la sensibilización da cidadanía e dar a coñecer a identidade, naturaleza e obxectivos do Fondo. Inclúe a programación de actividades complementarias. Igualmente conta cunha sección propia en “Territorios”, revista mensual editada pola FEGAMP (Federación Galega de Municipios e Provincias). Retos de futuro Conseguir unha ampla representatividade, en termos de presencia cuantitativa e cualitativa, de tódolos partidos políticos con presencia no municipalismo. Influír de maneira eficaz e non testemuñal no campo da solidariedade e da cooperación a través dun ambicioso orzamento no que teñan cabida as expectativas das ONG e da sociedade galega en xeral. A posta en marcha de proxectos propios. Socios do Fondo Galego A novembro de 1988, os municipios integrados no Fondo Galego superan o 10% do conxunto das entidades locais, abarcando máis do 33% da poboación total de Galicia. A pluralidade e a diversidade a todos os niveis (territorial, política, demográfica, etc) son as notas características do compromiso municipalista co Fondo Galego. Concellos   A Cañiza   A Coruña   A Póboa do Caramiñal   Allariz   Ares   Arteixo   Baiona   Brión   Cangas do Morrazo   Corcubión   Culleredo   Fene   Gondomar   Lousame   Moaña   Mondoñedo   Montederramo   Mugardos   Narón   Neda   Nigrán   O Irixo   O Valadouro   Oleiros   Ourense   Pontedeume   Porto do Son   Quiroga   Samos   Vigo   Vilar de Santos Outras institucións e entidades   Deputación de Pontevedra IGADI (Instituto Galego de Análise e Documentación Internacional)   www.fondogalego.org ÚLTIMA REVISIÓN: 19/02/2001 Fernando Pol