Fondo Galego fondogalego.org info@igadi.org Tel/Fax: 986 357 238

Que é? / Datos básicos / Confederación de Fondos de Cooperación e Solidariedade Euskal Fondoa Presidente José Ángel Cuerda. Director Juan Manuel Balerdi. Enderezo Goikoa Jauregia Ijentea, 6. Localidade 20003-Donostia/San Sebastián. Tel-Fax (34) 943 428508 - 943 429385. e-mail euskalfond@euskalnet.net Orixe Os seus primeiros promotores formalizaron este organismo como unha fundación privada co nome de Fondo Vasco de Cooperación con Centroamérica en 1988. O propósito era establecer un fondo para a realización de proxectos de desenvolvemento con diversas aportacións, entre as que figuraron as dunha serie de Concellos. A ampliación da área xeográfica e a confirmación da súa vocación municipalista marcaron as primeiras pautas de evolución, pasando a configurar un organismo mixto -Fundación e ONGD-. Durante 1994 e 1995 levouse a cabo un debate que conduciu á readecuación de Euskal Fondoa e ó cambio de réxime xurídico, superando o seu carácter mixto e priorizando definitivamente a vocación municipalista no campo da Cooperación Internacional ó Desenvolvemento. Así, en 1996 constitúese a actual Asociación de Entidades Locais Vascas Cooperantes -Euskal Fondoa. Obxectivos e áreas de actuación Son varios os obxectivos xerais: lograr unha cooperación local máis eficiente, apoiar e orientar ás corporacións que se acaban de incorporar á cooperación, e lograr un recoñecemento da asociación por outras institucións e entidades. Todo iso traducese en tres obxectivos, coas suas correspondentes áreas de actuación, moito máis concretas: 1. Fomento da Cooperación ó Desenvolvemento Sendo a potenciación e canalización da Cooperación ó Desenvolvemento de base local a fundamental razón de ser de Euskal Fondoa, a maior parte dos seus esforzos están dirixidos cara ese obxectivo. Son os seguintes: Ofrecer un sistema de asesoría a corporacións locais na que se lles informa con respecto ás vertentes política, económica e técnica da actuación cooperante. Conseguir unha homoxeneización das bases das convocatorias locais. Desenvolver proxectos intermunicipalistas. Unha das maiores virtualidades das asociacións é a súa capacidade para a posta en común da xestión e cofinanciamento de proxectos. Con ese enfoque concretase unha carteira de proxectos a abordar por varias entidades locais e preve-la captación dos cofinanciamentos necesarios. Este tipo de plans posibilita a definición de programas de carácter amplo coma os xa existentes do Sahara e Centroamérica. O labor de formación dirixida a responsables políticos e técnicos da cooperación en cada entidade a través de seminarios de formación, sesións de traballo e intercambio de experiencias monográficas, encontros con representantes de institucións locais e organizacións sociais do Sur. 2. Sensibilización cidadá Sendo os Concellos as institucións máis próximas á poboación, considerase que aqueles, en colaboración coa Coordinadora de ONGD e comités de solidariedade, son capaces de crear espacios idóneos para a realización de importantes campañas de información, de denuncia ante a vulneración de DDHH, de intercambio intercultural e de participación cidadá en tarefas de sensibilización. Dende a Asociación véñense promovendo ou apoiando distintas iniciativas divulgativas a través de diferentes soportes editoriais, audiovisuais, ... que tratan de difundir os principios da cooperación solidaria entre os cidadáns vascos. En resume, a meta que persigue esta Asociación é lograr SENSIBILIZAR á cidadanía sobre as causas e consecuencias da situación de abismal desigualdade entre os pobos e transmiti-la necesidade de COOPERAR no establecemento dunha nova orde mundial máis xusta e solidaria. 3. Coordinación interinstitucional A opción por unha fórmula asociativa pretende establecer e fomentar relacións de coordinación e colaboración entre institucións cooperantes de ámbito vasco, estatal e internacional para o desenvolvemento de accións conxuntas en materia de cooperación ó desenvolvemento e sensibilización. Eventualmente, tamén para intervencións en axuda de emerxencia ou en axuda humanitaria. Xestión de proxectos A reestructuración de Euskal Fondoa, o aumento dos seus membros integrantes, o incremento do seu presuposto, ... impuxeron que a Asociación debe precisar todo o apartado fundamental da recepción e selección de proxectos e a labor clave da xestión e seguimento dos mesmos. As propostas que chegan pasan unha fase de tramitación, na que se efectúa un estudio previo, valorando a Oficina Técnica de Euskal Fondoa o seu descarte, a súa derivación cara a outras institucións ou ONG, ou a súa elevación ós órganos de goberno aconsellando o tipo de respaldo que se cree adecuado e a modalidade de xestión (parcial ou completa). Segundo a súa decisión asinase o correspondente convenio coa contraparte. Para a recepción dos proxectos decidíuse que os propoñentes poidan ser: En Euskadi: entidades membros da Asociación. Desde o ámbito estatal ou europeo: fondos de cooperación, institucións locais europeas ou institucións de cooperación descentralizada. Desde os países do Sur: institucións locais, asociacións e ONG do Sur. Estas disposicións baséanse en razóns prácticas, tratando de evitar unha chegada masiva e indiscriminada de proxectos, e propiciar unha preselección en consonancia coa fiosofía de Euskal Fondoa. Os criterios barallados para a xestión completa son: avaliación positiva de preestudio técnico de viabilidade: interese dos actores implicados (relacións bilaterais consolidadas, participación de institucións locais do Sur,...); existencia de programas-proxectos centrados no desenvolvemento local (no ámbito de directa implicación das entidades locais como tratamento de residuos, urbanismo, ordenación territorial, servicios sociais locais, medio ambiente, desenvolvemento económico...); programas municipalistas formulados no marco de procesos democratizadores, de descentralización administrativa, capacitación de dirixentes locais, etc.; prioridades xeográficas (Centroamérica, Caribe e Sahara); e posibilidades de seguimento e control directo dos proxectos a executar. Neste sentido, é de destacar a importancia da nosa presencia en Centroamérica a través da Oficina de Seguimento de proxectos, xunto ó Fons Catalá e o Fons Mallorquí. Funcionamento A Asemblea Xeral é o órgano supremo de Euskal Fondoa; está constituída por tódolos representantes das mesmas que a integren e pode ser de carácter ordinario e extraordinario. A xestión ordinaria da Asociación corre a cargo da Xunta Directiva, encargada de dirixir e administrar a asociación dacordo ás directrices da Asemblea e baixo o seu control. Esta formada por os cargos de Presidente, Vicepresidente, Secretario, Tesoureiro e de 9 vocais. A Xunta Directiva conformase seguindo criterios demográficos, territoriais e políticos representativos da pluralidade do conxunto de entidades locais vascas. Socios de Euskal Fondoa Evolución da Asociación en nº de socios: Ano   Nº socios 1994 28 entidades locais 1995 33 entidades locais 1996 44 entidades locais 1997 55 entidades locais 1998   58 entidades locais 57 membros pertencen á Comunidade Autónoma Vasca (22,6% dos municipios, representando a máis do 80% da poboación da CAV). Inclúense as tres capitais dos territorios históricos e unha Deputación Foral (Álava). 1 membro da Comunidade Foral de Navarra Concellos   Abadiño Adunha Aia Aiara Alegria-Dulantzi Altzo Amurrio Anoeta Arrasate Arrazua-Ubarrundia Asteasu Baños-Mainueta Barrundia Berriz Bilbao Billabona Donostia-San Sebastián Elburgo Elvillar Erandio Ermua Galdakao Gatika Güeñes Hernani Hernialde Hondarribi Ibarra Ikaztegieta Irun Irura Iruraiz-Gaunha Lantaron Lasarte-Oria Leitza Lezo Lizartza Oiartzun Ordizia Orexa Pasaia Renteria Trapagaran Usurbil Vitoria-Gasteiz Zaldibar Zaldibia Zigoitia Zizurkil Xuntas administrativas   Antoñana Diputación Foral de Álava Eosu Izarra Manzanos Maturana Mendiola Onraita Troconiz   www.fondogalego.org ÚLTIMA REVISIÓN: 19/02/2001 Fernando Pol