Fondo Galego
Fondo Galego

fondogalego.org
info@igadi.org
Tel/Fax: 986 357 238
 
Comunicación Volver a Comunicación
Novas do Fondo Galego
 
 
Abril 2008 

[Índice Novas][Arquivo Novas]

 

Cooperación ao Desenvolvemento e Antropoloxía

Baiona, 10 de abril de 2008.

A Facultade de Humanidades de Ferrol celebra estes días un congreso no que se profundiza na Antropoloxía no marco da Cooperación ao Desenvolvemento. A Asociación Luso-Galega de Antropoloxía Aplicada organiza o evento que comezou o pasado martes día 8 e se prolongará ata o día 11 de abril.

O presidente do Fondo Galego, Alfredo Novoa Gil, participou no congreso o pasado día 9 aportando unha visión global sobre a cooperación descentralizada, centrándose na situación, problemática e retos actuais das ONGs. Ademais das diversas ponencias e debates, o programa do evento se completa coa difusión dunha serie de documentais nos que se achega á realidade das sociedades tribais.



O presidente do Fondo participará nun seminario sobre a importancia da conservación da biodiversidade na Cooperación

Baiona, 1 de abril de 2008.

O seminario Retos e Desafíos da Cooperación Internacional na Conservación da Biodiversidade tratará de promover a integración da conservación da naturaza nos programas e proxectos que se levan a cabo no marco da cooperación internacional para o desenvolvemento. O presidente do Fondo Galego, Alfredo Novoa Gil, participará nunha mesa redonda onde se falará da cooperación galega no ámbito da conservación.

O seminario celebrarase no Castelo de Santa Cruz en Oleiros o próximo día 10 de abril. O encontro comezará ás 9:30 horas e na súa inauguración contará coa participación do director xeral de Desenolvemento Sostible, Emilio M. Fernández Suárez. A xornada prolongarase ata as 18:30 horas e contará coa asistencia de diferentes expertos. O acto servirá como unha plataforma de diálogo e intercambio de coñecementos e experiencias no ámbito da cooperación para a conservación da naturaza.

baixar arquivopdfDescarga o programa do seminario para a conservación da biodiversidade.



A planificación anual centrou o encontro da Comisión Executiva

Baiona, 1 de abril de 2008.

O pasado día 28 de marzo, os membros da Comisión Executiva do Fondo Galego reuníronse en Santiago de Compostela para dar conta da situación actual e proceder á planificación das accións que se levarán a cabo ao longo de este ano. Así mesmo, os representantes do órgano decisor da entidade municipalista realizaron un seguimento das accións en proxectos de cooperación internacional e sensibilización postos en marcha polo Fondo Galego.



O teatro como ferramenta de sensibilización

Baiona, 1 de abril de 2008.

O Fondo Galego promoverá actividades de sensibilización coa colaboración da Escola Superior de Arte Dramático (ESAD) de Vigo. O teatro convertirase nunha eficaz ferramenta para chamar a atención da cidadanía na necesidade de colaborar en proxectos de cooperación que repercutan nunha sociedade global máis igualitaria.

Membros da Secretaría Técnica do Fondo manterán unha reunión, o día 2 de abril, co director da ESAD, Manuel Vieites. O encontro terá como obxectivo o deseño dunha acción do Plan de Sensibilización do Fondo a través do arte dramático.

 
 
 Subir
 
Arquivo de Novas do Fondo Galego
 
Ano 2008: 03, 02 | Ano 2007: 12, 11, 10, 09, 08, 07, 06, 05, 04.
 
Volver a Comunicación



Fondo Galego
www.fondogalego.org

ÚLTIMA REVISIÓN: 16/11/2008
Fernando Pol


Subir