| Fondo Galego |
 |
 |
|
|
|
| fondogalego.org info@igadi.org |
|
| Tel/Fax: 986 357 238 |
|
Sensibilización / Campañas
O motor de arranque da campaña foi o Manifesto polo necesario cumprimento dos Obxectivos do Milenio, redactado por Isaac Díaz Pardo e presentado en persoa ante os socios na Asamblea Xeral do 2 de xuño. É neste momento no que arranca a campaña de adhesións ao manifesto, dirixida tanto ás administracións municipais como a outras entidades e a persoas individualmente. Moitas foron as persoas, as organizacións e os concellos e deputacións, a maioría mediante acordo plenario, que se adheriron á campaña que estivo aberta ata o mes de decembro na páxina web do Igadi, www.igadi.org. A Campaña, que se levou a cabo en colaboración coa Dirección Xeral de Cooperación Exterior, desenvolveuse dende o mes de xuño a novembro, realizando un itinerario por distintos Concellos socios, abarcando as catro provincias. En cada parada, tiveron lugar as Reviravoltas por cada un dos Obxectivos do Milenio, conferencias a cargo de expertas/os que levan tempo traballando os distintos aspectos do desenvolvemento que se recollen nos Obxectivos. E en cada unha das activiadades estivo presente un/unha representante de sectores da cultura galega: música, teatro, ilustración, cine, comunicación… que acompañaron as charlas coa súa arte.
Reviravolta pola Equidade de Xénero Cláudia Sofía Rodrígues, presidenta do Instituto da Condiçao Feminina de Cabo Verde, e Talina Pereira, técnica do mesmo e coordinadora do 3º ODM, nos contaron que a maior parte das persoas pobres son mulleres, que só contan cun 1% das propiedades, e que, sen embargo son as protagonista do desenvolvemento das súas familias e comunidades. A equidade de xénero é, polo tanto, unha loita imprescindible que atravesa todos e cada un dos Obxectivos do Milenio, coa educación a ferramenta clave, pero que queda recollido especialemente no ODM 3: Promover a igualdade entre os xéneros e a autonomía da muller. A voz galega que envolveu o acto foi a de Ugía Pedreira, música galega de ampla traxectoria que actualmente encabeza o grupo Marful. A Fundación Caixa Galicia foi o escenario onde converxeu a voz caboverdiana e a galega ao redor dunha mesma denuncia: a crecente feminización da pobreza. Contou coa presentación de Lourdes Suárez, técnica do Concello de Arteixo e representante do Fondo Galego no seu Concello. Tamén en Santiago, as nosa convidadas caboverdianas tiveron diversos encontros: coa directora xeral de Cooperación Exterior, e coa directora xeral do Servizo Galego de Igualdade, coa concelleira de Benestar Social do Concello de Santiago e con diveras organizacións de mulleres (Marcha Mundial de Mulheres, Implicadas no Desenvolvemento, Secretaría da Muller do Sindicato Labrego Galego, Asociación de Mulleres Alba e Médicos do Mundo). Nela, Ana María Pizarro, directora de Servicios Integrales para la Mujer, SI Mujer, e integrante do Consello Directivo da Rede de Saúde das Mulleres Latinoamericanas e do Caribe, falounos dos ODM relacionados coa saúde, mentres Pepe Carreiro, debuxante e humorista galego, a compañaba cos seus trazos. Tivo lugar no Café Moderno ás 20:00h, coa presentación de Margarita Castejón, concelleira de Benestar Social e representante política do Fondo Galego no Concello de Pontevedra; contouse tamén con Juan Antonio Martín Tejedor, delegado en Pontevedra da Consellería de Sanidade. Ana María Pizarro contou, ademais, cunha reopción no Concello de Pontevedra e cun encontro de traballo con distintas organizacións vinculadas á saúde (Marcha Mundial de Mulheres, Mámoa, Área de Saúde de CCOO). Roberto Bissio, xornalista uruguaio especialista en desenvolvemento, director executivo do Instituto do Terceiro Mundo e secretario da rede internacional Social Watch (Control Cidadán), estivo en Allariz falando do ODM 7: Garantir a sostenibilidade do medio ambiente. Falounos dos seus retos e desafíos, e estivo acompañado por Cándido Pazó, representante da escena galega, que a través do contos arracou sorrisos solidarios. Celebrouse no Centro Social O Portelo ás 20:30h, coa presentación de Ramón Bouzas, concelleiro de Facenda, Persoal e Transporte do Concello de Allariz, membro da Comisión Executiva do Fondo Galego. Roberto Bissio foi tamén recibido no Concello de Allariz, e participou nun encontro con organizacións vinculadas ao medio ambiente (Amigos da Terra, Cidadanía, Verdegaia, Área Medio Ambiente do SGL). Rafael Moreno Rojas, profesor do Departamento de Tecnoloxía dos Alimentos da Universidade de Córdoba e membro da Cátedra de Estudos sobre Fame e Pobreza (CEHAP), expricou as implicacións do ODM 1: Erradicar a pobreza e a fame extremas, obxectivo imprescindible nun mundo no que 852 millóns de persoas sofren fame e desnutrición. Manuel Manquiñas, actor galego, amenizou a conferencia cos seus recordos dunha estancia en Nicaragua. Tivo lugar no Centro Social A Fábrica, en Santa Cristina, Perillo-Oleiros, ás 20:00h, coa presentación de Alfredo Novoa, tenente alcalde de Oleiros e presidente do Fondo Galego. Co último dos ODM como panel de fondo: Crear unha asociación mundial para o desenvolvemento, contamos coa experiencia de Rafael Grasa, profesor titular de Relacións Internacionais na Universidade Autónoma de Barcelona, experto en Cooperación para o Desenvolvemento e asesor da Axencia Catalana de Cooperación. Durante a súa intervención, fixo unha análise da cooperación ao desenvolvemento dende diferentes perspectivas, resaltando tanto os seus logros como as súas carencias, e sempre mantendo a súa necesidade para achegarse aos principais problemas do noso mundo e construír alternativas dende o ser humano. Jesús Portela, subdirector do Faro de Vigo, guiou a charla coas súas preguntas. Esta última Reviravolta, que serviu como feche da campaña Voces de Aquí e de Alá Revirando o Milenio, tivo lugar no Museo de Arte Contemporáneo de Vigo, ás 20:00h, e contou coa presentación de Marta Iglesias, concelleira de Participación Cidadá e representante política do Fondo Galego no Concello de Vigo.
Reducir á metade a proporción de poboación que vive en situación de extrema pobreza de aquí a 2015; asegurar a educación primaria universal; deter a propagación da SIDA e outras enfermidades... non hai un entre os oito Obxectivos do Milenio que poida dicirse que non constitúe unha prioridade para a humanidade. Por iso, non se trata xa de clamar a xustiza duns obxectivos que todo o mundo aplaude, pero si de denunciar, alto e claro, que no primeiro lustro deste empeño, a realización dos Obxectivos do Milenio camiña a paso frouxo e oscilante, e se as cousas seguen así, en 2015, a maioría dos Estados comprometidos con este nobre propósito, darannos, unha vez máis, outra decepción. Precísase un gran esforzo para dotar a individuos, a familias e a economías enteiras das infraestruturas de servizos de saúde e de ensino máis elementais. Non se poden satisfacer estes dereitos universais e loitar contra a fame sen combinar formación e capacitación coa mellora do acceso aos recursos produtivos, sen a mellora das rutas e dos servizos de transporte, sen xestionar adecuadamente e de xeito sostible os recursos hidráulicos e naturais, etc. Os Obxectivos do Milenio son iso, un ambicioso conxunto de intervencións e de programas que demanda considerables esforzos de numerosos sectores e en múltiples campos. Trátase de obxectivos alcanzables cos niveis de desenvolvemento e riqueza que logrou a humanidade e compatibles coa esixencia da adopción de estratexias claras de desenvolvemento por parte dos beneficiarios que permitan un investimento ben orientado, de forma que máis axuda signifique tamén máis eficacia. Para os países ricos, as sumas da axuda (0,54% do PIB en 2015) son irrisorias; pola contra, o seu efecto no conxunto de países pobres pode ser amplamente enriquecedor. As sociedades civís do norte e do sur teñen un importante papel a cumprir. Nun caso, para reclamar dos poderes públicos o cumprimento, en tempo e forma, dos compromisos contraídos, e mesmo involucrándose directamente no acompañamento dos procesos de desenvolvemento; noutro, fiscalizando a súa evolución para que os recursos sexan utilizados de maneira que permita a transformación anhelada e asegurando o recúo dese escepticismo que moitos albergan respecto da posibilidade de eliminar a miseria, mellorar a situación da muller ou ampliar as posibilidades educativas desa ampla franxa da humanidade que vive pendurada do planeta. Se nos poñemos, é posible. Isaac Díaz Pardo. Adhesión totáis: 279. Vista a proposta do “Fondo Galego de Cooperación e Solidariedade”, orientada a contribuír dende o noso propio ámbito ao desenvolvemento dos países do Terceiro Mundo, e ao cumprimento dos Obxectivos do Milenio aprobados na Asemblea Xeral de Nacións Unidas no ano 2000, O PLENO do Concello / Deputación de _____________________________ decide adoptar o seguinte ACORDO Primeiro. Manifestar a adhesión desta Corporación á iniciativa do Fondo Galego de Cooperación e Solidariedade de apoiar e velar polo cumprimento dos Obxectivos do Milenio. Segundo. Asumir o compromiso de tomar tódalas medidas posibles para apoiar os Obxectivos de Desenvolvemento do Milenio de Nacións Unidas, dende o seu ámbito competencial. Terceiro. Impulsar e facilitar as actividades a favor da Declaración do Milenio, que o Fondo Galego organice. Cuarto. Impulsar as campañas de difusión dos Obxectivos do Milenio, mediante carteis, folletos... Quinto. Notificar estes acordos ao Fondo Galego de Cooperación e Solidariedade. |
|
|
www.fondogalego.org ÚLTIMA REVISIÓN: 06/09/2007
|
