Fondo Galego de Cooperación e Solidariedade / Actividades

Terremoto en Marrocos, ¿como actuar?

Ante a catástrofe provocada polo terremoto que sacudiu, na madrugada do pasado martes, o norte de Marrocos, o Fondo Galego de Cooperación e Solidariedade, como entidade asociativa do municipalismo galego, pon os seus medios a disposición de todos os Concellos e Deputacións para canalizar a axuda directa ós damnificados. A nosa conta de emerxencias é a seguinte: Caixa Galicia Fene: 2091.0209.10.3040019000 Pregamos ás corporacións locais e provinciais que canalicen as axudas propias, dos seus corporativos, dos seus funcionarios e dos seus traballadores, a traveso desta conta. Deste xeito evitaremos a improvisación e a dispersión de recursos, facilitaremos a entrega directa e máis rápida, melloraremos a súa xestión e reforzaremos o Fondo Galego como instrumento de referencia na vida municipal para impulsar as accións de solidariedade. En Santiago de Compostela, a 26 de febreiro de 2004. Máis Información: Secretaría do Fondo Galego de Cooperación e Solidariedade 986 357 238.

Instituto Galego de Análise e Documentación Internacional www.igadi.org ÚLTIMA REVISIÓN: 29/02/2004 Fernando Pol