Fondo Galego de Cooperación e Solidariedade

“É intentando o imposible como se realiza o posible”
Henri Barbusse (escritor francés, 1873-1935)

PRESENTACIÓN

Pretendemos con esta información ofrecer a socios e colaboradores unha primeira radiografía do Fondo Galego de Cooperación e Solidariedade, dous anos despois do inicio da súa andaina; un tempo efectivamente breve para un proxecto destas características, pero suficiente para definir e asentar principios de actuación. Nesa perspectiva, a rendición anual de contas da súa actividade, do nivel de xestión dos recursos aportados polas entidades asociadas, pretende ser norma de obrigado cumprimento e non excepción ocasional.

O relato que achegamos é unha aproximación de síntese que revela esa preocupación do Fondo Galego por xestionar o máis eficazmente posible as políticas de cooperación e solidariedade do noso municipalismo. Os asociados poden contactar co Fondo Galego para organizar actividades complementarias que permitan á cidadanía coñecer máis en detalle cómo gasta o Fondo.

Alfredo Novoa,
presidente do Fondo Galego.

FONDO GALEGO DE COOPERACIÓN E SOLIDARIEDADE

Presiedente		Concello de Oleiros		Alfredo Novoa
Vicepresidente		Concello de Allariz		Ramón Bouzas
Secretario		Igadi		Xulio Ríos
Tesoureiro		Concello de Fene		Xosé Mª Permuy
Vocais		Concello de A Pobra do Caramiñal		Concepción Daporta
		Concello Culleredo		Lourdes Suárez
		Concello Santiago de Compostela		Mar Bernal
		Concello Quiroga		Sofía López
		Deputación Pontevedra		Juan Corral

Elixida por unanimidade na Asemblea Xeral do Fondo Galego, clebrada en Santiago de Compostela o 15/10/1999.

Socios fundacionais

Concellos		A Pobra do Caramiñal
		Allariz
		Arteixo
		Brión
		Culleredo
		Fene
		Moaña
		Nigrán
		Oleiros
		Porto do Son
Institucións		IGADI (Instituto Galego de Análise e Documentación Internacional)

Adhesións

Ano 1998   Deputacións   Pontevedra Concellos   A Cañiza   A Coruña   Ares   Baiona   Betanzos   Cangas   Corcubión   Gondomar   Lousame   Mondoñedo   Montederramo   Mugardos   Narón   Neda   O Irixo   O Valadouro   Ourense   Pontedeume   Quiroga   Samos   Vigo   Vilar de Santos

Ano 1999   Deputacións   Ourense Concellos   A Guarda   Cabanas   Ferrol   Noia   O Carballiño   Outes   Poio   Santiago de Compostela   Valdoviño

Distribución dos Concellos Socios segundo a poboación municipal

Nº Habitantes		Concellos Socios		Proporción
Ata 3.000		5		11,62%
de 3.001 a 5.000		5		11,62%
de 5.001 a 10.000		11		25,58%
de 10.001 a 15.000		7		16,30%
de 15.001 a 20.000		4		09,30%
de 20.001 a 50.000		4		09,30%
de 50.001 a 100.000		2		04,65%
de 100.001 a 300.000		3		06,98%
Máis de 300.001		2		04,65%
Total		43		100,00%

Novo sistema de cuotas

Aprobado por unanimidade na Asemblea Xeral do 15 de outubro de 1999.

O sistema establece a cuota por unha suma de cuota fixa en función dun baremo de poboación e unha cuota por habitante-ano (segundo o padrón vixente).

As Deputacións están diferenciadas entre A Coruña e Pontevedra (1.500.000 pts) e as de Ourense e Lugo (1.000.000 pts).

Baremo para adeterminación da cuota total:

Nº Habitantes		Cuota
Ata 3.000		30.000 pta + 2 por hab/ano
de 3.001 a 5.000		40.000 pta + 2 por hab/ano
de 5.001 a 10.000		65.000 pta + 2 por hab/ano
de 10.001 a 15.000		85.000 pta + 2 por hab/ano
de 15.001 a 20.000		105.000 pta + 2 por hab/ano
de 20.001 a 50.000		125.000 pta + 2 por hab/ano
de 50.001 a 100.000		145.000 pta + 2 por hab/ano
de 100.001 a 300.000		165.000 pta + 2 por hab/ano
Máis de 300.001		185.000 pta + 2 por hab/ano

MEMORIA DE PROXECTOS SUBVENCIONADOS POLO FONDO GALEGO DE COOPERACIÓN E SOLIDARIEDADE NO ANO 1998

Dun total de 23 proxectos presentados á Convocatoria Anual do Fondo Galego, a súa Asemblea decidiu financiar os seguintes:

Instalación de auga potable

País	Perú.
Localidade	Caserío Chulangate. Cutervo - Cajamarca. Marañón.
ONG	Amigos Escaes-Perú.
Descrición	Millorala calidade de vida dos campesiños e contribuir á planificación do país millorando os servicios e infraestructuras, abastecendo de auga potable á poboación, axudando así a evitala transmisión de enfermidades tales como diarrea, cólera, fiebre tifoidea, sarna...
Dificultades na execución	Non se presentaron.
Montante do proxecto	1.230.000 pta.
Aportación FOGACOSO	750.000 pta.

Módulos básicos para servicios hixiénicos e lavandería comunitarios

País	Perú.
Localidade
ONG	INTI.
Descrición	Habendo familias que viven nun só cuarto, carecendo de servicios hixiénicos mínimos, se constrúen tres módulos básicos consistentes cada un deles en ducha, retrete e unha tina para lavar.
Dificultades na execución
Montante do proxecto	1.064.000 pta.
Aportación FOGACOSO	836.000 pta.

Proxecto de construcción dunha casa de acollida para menores en alto risco social

País	Guatemala.
Localidade	Granxa "El Marañón". Aguacaliente. San Antonio. La Paz - El Progreso.
ONG	Arquitectos sen Fronteiras.
Descrición	Dar aloxamento, coidados e protección a menores que pertenecen a familias desestructuradas, víctimas de malos tratos, abandono, abusos sexuais, drogadicción, orfos... Ofrecerlles a posibilidade de acercalos ó mundo do traballo.
Dificultades na execución	Inclemencias meteorolóxicas, as choivas.
Montante do proxecto	17.113.975 pta.
Aportación FOGACOSO	2.336.565 pta.

A través da oficina de Seguimento de Managua, o Fondo Galego conseguiu contrastar e complementar os informes de execución dos proxectos presentados polas ONGDs. Esta opción constitúe unha garantía importantísima, certamente inasequible para moitos Concellos que xestionan individualmente a cooperación e unha razón máis para participar no Fondo Galego.

Á convocatoria de proxectos de 1999 concorreron 15 propostas. A Asemblea de asociados acordou financiar catro que importan un total de 6.754.876 pts, un 72.2% superior ó nivel de financiamento de 1998. Estes proxectos atópanse actualmente en fase de execución.




CAMPAÑAS, ACTIVIDADES E SENSIBILIZACIÓN

Actividades

• Difusión permanente da identidade, naturaleza e obxectivos do Fondo Galego, a fin de ampliar o seu soporte asociativo.

• Creación de espacios propios na rede Internet que poden ser visitados: www.fegamp.es e www.iaga.com/igadi

• Creación do Consello Municipalista da Cooperación, como instrumento para viabilizar a participación e o compromiso das Organizacións non Gubernamentais.

• Multiplicación das complicidades e adhesións ó proxecto, a través de diferentes fórmulas: convenio de colaboración coa Fegamp; elaboración dun Bando institucional por parte de Carlos Casares, Presidente do Consello da Cultura Galega; elaboración dun logotipo para o Fondo, obra de Pepe Carreiro; escritores como Antón Cortizas, doaron ó Fondo os dereitos de autor dalgunha das súas obras. Manuel Fraga, Presidente da Xunta de Galicia, remitiu unha carta de apoio ó Fondo Galego.

• Participación no Seminario Taller "Construyendo democracia y poder local", celebrado en Antigua (Guatemala).

• Participación activa nas reunións e actividades da Confederación de Fondos do Estado Español.

• Participación nunhas Xornadas sobre Fondos de cooperación, celebradas en León.

• Sesión de traballo con unha delegación do "Instituto para el Desarrollo de la Democracia" de Nicaragua.

Sensibilización

• Conferencia, en Santiago de Compostela, de Joan Aguado, Presidente da Confederación de fondos do Estado Español.

• Exposición “¿Solidariedade? A Fondo”.

• Percorreu os Concellos de Nigrán, Fene, Allariz, Culleredo, Arteixo, Moaña, Porto do Son, A Pobra do Caramiñal, Lousame e Noia. Ademáis estivo presente en “Voz Natura” de La Voz de Galicia e na Asemblea da FEGAMP.

• A cuestión do Sahara, seguida polo Fondo con unha viaxe ós campos de refuxiados, será apoiada a través da Asociación de apoio á causa saharaui sem implicación directa do fondo como tal.

Campañas

O Fondo Galego prioriza a cooperación ó desenvolvemento sobre a axuda de emerxencia. A pesar diso, participou tamén nese amplo movemento social de solidariedade que xurdiu como consecuencia dos efectos devastadores do furacán Mitch, do terremoto en Colombia, a guerra por Kosovo ou, máis recentemente, o apoio á causa maubere en Timor-Leste.




CONCLUSIÓN

O Fondo Galego ten depositadas unhas enormes esperanzas no novo século que agora comenza. Estamos convencidos da utilidade e da razón de ser deste proxecto e animamos a todos os Concelos e Deputacións de Galicia a participar nel coa mesma ilusión e empeño.

Parafraseando a Castelao agora que conmemoramos o cincuenta aniversario do seu pasamento, “non lle poñades chatas á obra antes de estar rematada; colaborade nela para millorala”.

Instituto Galego de Análise e
Documentación Internacional