Fondo Galego de Cooperación e Solidariedade /
Actividades 
|
| Emerxencia no Sahara A solidariedade do municipalismo galego |
|
Se nunha anterior e recente información dábamos conta das necesidades existentes nos campamentos saharauís en materia de alimentación básica, agora, os danos producidos polas chuvias torrenciais caídas nos últimos días, tanto en vivendas como en escolas, hospitais e outras infraestruturas básicas, agravaron a precariedade e as dificultades humanitarias, afectando a varios milleiros de familias que perderon os enseres elementais, incluídas medicinas e alimentos. O Fondo Galego, como axencia municipal para a cooperación e a solidariedade internacional, que sempre amosou a súa comprensión e apoio á causa saharauí, apela ao conxunto dos municipios galegos e, en concreto aos seus asociados, para recabar axudas específicas destinadas á reconstrución das infraestruturas dos campamentos e en apoio dos damnificados polas choivas. Os Concellos e Deputacións galegas poden facer os seus ingresos na conta de emerxencia do Fondo, indicando “Emerxencia no Sahara”. O número da conta é: Caixa Galicia Fene: 2091-0209-10-3040019000. Para información complementaria e outras aclaracións: 986 357 238, Secretaría do Fondo Galego. |
|
|
|
 Instituto Galego de Análise e Documentación Internacional www.igadi.org ÚLTIMA REVISIÓN: 14/02/2006
|
