| Diario Exterior / novembro de 2011 |
Igadi na Rede |
|
|
| Diario Exterior é unha recopilación de noticias breves captadas dos xornais galegos relativas ás actividades que se desenvolven en Galicia e que teñen relación co exterior, servindo de feito como proxección exterior de Galicia e dos seus axentes, empresariais, políticos, etc. | |
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||
Empresarios instan a incluír a Vigo O Círculo de Empresarios de Galicia-Club Financeiro Vigo (CFV) sumouse aos apoios que está solicitando a Autoridade Portuaria de Vigo co obxectivo de reforzar a súa reivindicación para que a Rede Transeuropea de Transportes inclúa a este porto como nodal, e non de segunda categoría. (Fonte: Atlántico Diario) Xacobeo Convenio de promoción en EE.UU O Conselleiro de Cultura e Turismo da Xunta de Galicia, Roberto Varela, reuniuse con George Greenia, profesor do Departamento de Español e Portugués da William and Mary College de Virginia, para afondar nos proxectos de colaboración entre a Xunta de Galicia, a través da S.A. de Xestión do Plan Xacobeo, e o Consorcio de Universidades para a investigación das peregrinacións e o Camiño de Santiago, formado por 40 centros universitarios de EE.UU e Canadá. Este Consorcio está desenvolvendo un plan de estudos sobre o Camiño de Santiago e as peregrinacións en xeral, da que forman parte as Universidades de California, Michigan, Purdue, Florida, Washington University de Saint Louis, Minnesota e Fordham University. (Fonte: Galicia en el Mundo) México O libro galego na feira de Guadalaxara Unha delegación de editores e escritores galegos participan na Feira Internacional do Libro de Guadalaxara (México), a través da Asociación Galega de Editores (AGE) e a Xunta de Galicia, e que contan con máis de vinte empresas editoriais galegas. (Fonte: Galicia Hoxe) Portugal Fondos europeos para a cooperación transfronteiriza O conselleiro de Presidencia, Administracións Públicas e Xustiza, Alfonso Rueda, reuniuse en Lisboa co secretario de Estado portugués de economía e desenvolvemento rexional, Antonio Almeida, ao que plantexou a necesidade de multiplicar as iniciativas de colaboración transfronteiriza e formar unha fronte conxunta entre Galicia e Portugal para lograr un incremento dos fondos europeos que reciben destinados a cooperación territorial. Nesa liña, Rueda trasladou a Almeida a necesidade de traballar en común en Bruxelas para que se teñan en conta como criterio a avaliar no reparto de fondos a necesidade de desenvolver novas figuras de cooperación transfronteiriza, como son as Agrupacións Europeas de Cooperación Territorial (AECT) ou para impulsar experiencias novidosas de cooperación interrexional, como a macrorrexión entre Galicia, Castela e León e o Norte de Portugal. (Fonte: Xunta de Galicia) Arxentina Internacionalizando o audiovisual galego Co apoio do Instituto Galego de Promoción Económica (IGAPE), o Consorcio Audiovisual de Galicia promoverá a comezos de decembro a internacionalización do audiovisual galego no mercado “Ventana Sur” que se celebrará en Bos Aires. Este Consorcio encabeza a presenza galega en Arxentina a través dunha delegación de 14 empresas audiovisuais que procurarán novas iniciativas de negocio mediante o contacto con produtoras de toda a área latinoamericana. (Fonte: Xunta de Galicia)
Redúcese o déficit público galego Segundo datos anunciados pola vicepresidenta económica Elena Salgado, Galicia acumula un déficit público do 0,82% do seu PIB ata o mes de setembro de 2011, unha redución en comparación co 0,92% que adquiriu no primeiro semestre do ano. (Fonte: Atlántico Diario) Eixo Atlántico En defensa do transporte transfronteirizo Especialistas en transportes, empresarios do Norte de Portugal e do Eixo Atlántico e representantes da Xunta de Galicia proclamaron en Matosinhos (Portugal) a vocación da Eurorrexión Galicia-Norte de Portugal de ter voz propia en España e Portugal, como lobby para defender o seu sistema de transportes tanto para viaxeiros como para mercadorías. Non obstante, o secretario do Eixo Atlántico, Xoán Vázquez Mao, advertiu sobre a perda de influencia da fachada atlántica en materia turística e de transportes en comparación co Mediterráneo, especialmente da macrorrexión entre Francia e Italia. (Fonte: Atlántico Diario) Eurorrexión Bosque conxunto na eurorrexión A Eurorrexión Galicia-Norte de Portugal creará un bosque de árbores autóctonas aos dous lados do río Miño promovido pola Agrupación Europea de Cooperación Territorial (AECT) Galicia-Norte de Portugal e no marco do proxecto de eurociudade Valença-Tui. O proxecto foi presentado polo director xeral de Relacións Exteriores e coa UE da Xunta, Jesús Gamallo, e polo director xeral de Conservación dá Natureza de la Consellería de Medio Rural, Ricardo García-Borregón. (Fonte: Galicia Hoxe) Mellora da eficacia enerxética O proxecto GE2CS, financiado con fondos FEDER da Unión Europea, foi inaugurado coa intención de mellorar a eficacia enerxética dentro da eurorrexión Galicia-Norte de Portugal. (Fonte: La Voz de Galicia) Unión Europea-Galicia Promoción laboral en Santiago A través do Proxecto da rede comunitaria EURES Galicia, representantes deste organismo reuníronse en Santiago con mozos galegos para fomentar a mobilidade laboral en Noruega, Reino Unido, Portugal, Suecia, Italia e Grecia. (Fonte: La Voz de Galicia) Portugal Impulso á fachada atlántica A Comisión Europea apostou en Lisboa polo impulso ás rexións atlánticas e ás industrias marítimas como un dos alicerces da Estratexia Europa 2020. Neste senso, o presidente da Comisión Europea -José Manuel Durão Barroso- e a Comisaria Europea de Pesca -Maria Damanaki- presentaron as cinco liñas de acción da nova Estratexia da UE para o Atlántico que pode contribuír a que a rexión atlántica adquira reputación internacional pola súa excelencia marítima: respecto co medio ambiente, con especial énfase na redución da contaminación e o fomento das enerxías renovables, como a eólica ou a maremotriz; a explotación dos fondos mariños, a resposta coordinada para evitar catástrofes naturais e ante situacións de emerxencia e o fomento do emprego e o crecemento económico. (Fonte: Xunta de Galicia) Galicia Condecorado pola Muralla de Lugo na UNESCO O ex conselleiro de Cultura da Xunta de Galicia, Jesús Pérez Varela, recibiu unha homenaxe por parte da Asociación de Amigos da Muralla de Lugo, por ser o responsable das xestións para que este monumento fora declarado Patrimonio da Humanidade por parte da UNESCO. (Fonte: Atlántico Diario) Diáspora Xira da Deputación da Coruña O presidente da Deputación da Coruña, Diego Calvo, iniciou unha xira por Arxentina e Uruguai, para afinar os convenios que mantén a Deputación coruñesa coas respectivas asociacións de emigrantes galegos. (Fonte: España Exterior)
Acción de Grazas en Vigo Cinco alumnos de distintos estados de EE.UU e unha francesa que cursan en centros educativos de Vigo a través dun intercambio da asociación dos Rotarios, celebraron en Vigo o tradicional “Thanksgiving Day” ou Día de Acción de Grazas. (Fonte: Atlántico Diario) Economía Misión comercial a Qatar e Emiratos Árabes A Cámara de Comercio de Santiago promoverá unha misión comercial de 20 empresas galegas dos sectores audiovisual, eléctrico, construción, alimentación e téxtil, para Emiratos Árabes Unidos e Qatar, dentro do marco do Plan de Fomento das Exportacións Galegas (FOEXGA). Esta misión visitará as cidades de Abu Dhabi e Doha, importantes por constituír zonas francas en expansión tanto no Golfo Pérsico como en Oriente Próximo. (Fonte: El Correo Gallego) Marítima Pesca artesanal sostible en Chile Juan Maneiro, director xeral de Competitividade e Innovación Tecnolóxica da Consellería do Mar da Xunta de Galicia, participará no Seminario Internacional “Político para o Desenvolvemento Produtivo para a pesca artesanal”, a celebrarse a finais de novembro en Chile. Este seminario forma parte dun proxecto que está desenvolvemento a Subsecretaría de Pesca do goberno chileno. (Fonte: El Correo Gallego)
Discuten axudas transitorias alén do 2013 O Parlamento galego explicou que un plenario da Conferencia de Asembleas Lexislativas de Europa (CALRE) aprobou unha declaración na que reclama á Comisión Europea que garante as axudas transitorias de converxencia para os países que abandonarán en 2013 esta condición. A CALRE instou a abrir unha categoría “intermedia” que permita a rexións como Galicia manter fondos de cohesión aínda rebasen por vez primeira o obxectivo de converxencia estipulado por Bruxelas. (Fonte: Atlántico Diario) Galicia Voo A Coruña-Istambul Á espera da dispoñibilidade da súa flota aérea, a compañía turca Turkish Airlines anunciou que o aeroporto coruñés de Alvedro disporá dunha conexión directa con Istambul, a principal cidade turca xunto a súa capital Ankara. (Fonte: La Voz de Galicia)
Promoción en EE.UU Turgalicia presentará unha oferta turística do Camiño de Santiago en EE.UU, na que establecerá conexión directa coa Oficina de Turismo de España en Nova York. (Fonte: El Correo Gallego) Diáspora Apoio aos centros galegos en Sudamérica A Deputación da Coruña aprobou un fondo de 115.000 euros para apoiar a 14 centros galegos en diversos países de Sudamérica, e principalmente destinados para a mellora das súas infraestruturas. A votación contou co apoio do PPdG e o PSdG mentres o BNG presentou a súa obxección. (Fonte: La Voz de Galicia) Unión Europea-Galicia “Camiños da Solidariedade” en Santiago Representantes de nove países europeos reuníronse en Santiago no seminario internacional de voluntariado “Camiños da Solidariedade”, coa intención de elaborar un manual de boas prácticas na organización e xestión de actividades voluntarias. Os participantes proceden de Irlanda, Estonia, Noruega, Italia, Romanía, Grecia, Alemaña e Portugal. (Fonte: Xunta de Galicia)
Vigo fora da Rede Marítima Europea Segundo explicou o presidente da Autoridade Portuaria de Vigo, Ignacio López-Chaves ante o titular de Portos de Estado, Fernando González Laxe, a cidade olívica foi finalmente excluída pola Comisión Europea da Rede Marítima Europea, en detrimento de A Coruña. (Fonte: Atlántico Diario) Inmigración Xornadas sobre a normativa de estranxeiría A Secretaría Xeral da Emigración celebrou dúas xornadas sobre as Novidades da normativa en materia de estranxeiría, dirixidas ao persoal das entidades sociais da Administración local que está traballando no eido da inmigración, e que foron realizadas na Escola Galega de Administración Pública (EGAP) de Santiago. (Fonte: Xunta de Galicia)
O PP vence na emigración Os datos do Consello de Residentes Ausentes (CERA) confirman a vitoria do Partido Popular nos votos da emigración para os comicios xerais do pasado 20 de novembro, con 7.773 votos por riba do PSOE, que alcanzou 6.083 e do BNG con 792. A raíz da reforma da lei electoral que restrinxe o voto da diáspora, a participación foi do 4,21% cando nos anteriores comicios celebrados no 2008, a mesma foi do 35,14%. (Fonte: Xunta de Galicia) Economía As exportacións salvan o crecemento Segundo un informe de NovaCaixaGalicia, o notable comportamento das exportacións galegas permitiron manter un nivel de crecemento do 0,6% do seu PIB no segundo e terceiro trimestre de 2011, a pesar da desaceleración causada por unha taxa de desemprego do 17,2%. (Fonte: La Opinión) Galicia Cátedra UNESCO para a UVigo O Campus do Mar obtivo a primeira Cátedra UNESCO da Universidade de Vigo, para un proxecto de Desenvolvemento Litoral Sostible que contará cunha achega de un millón de euros. (Fonte: Atlántico Diario) Conservatorio sen ERASMUS O Conservatorio Superior de Música de Vigo denunciou que a Xunta de Galicia exclúe aos seus alumnos de ensinanzas artísticas superiores das bolsas ERASMUS da Unión Europea correspondentes a nosa Comunidade. (Fonte: Faro de Vigo)
Iniciativa forestal na AECT Promovida pola Agrupación Europea de Cooperación Territorial (AECT) Galicia-Norte de Portugal e a través da iniciativa da eurocidade Valença do Minho-Tui, un centenar de escolares levaron a cabo a plantación de especies autóctonas nun bosque de 1.500 metros cadrados en ambas ribeiras do río Miño. (Fonte: Atlántico Diario) Diáspora Reconto electoral do 20/N As catro xuntas electorais provinciais galegas iniciaron o reconto do voto dos emigrantes inscritos no Censo Electoral de Residentes Ausentes (CERA) nas eleccións xerais do pasado 20 de novembro, cunha caída significativa na participación electoral co respecto a anteriores eleccións, a raíz da modificación da Lei Orgánica de Reforma Electoral Xeral. (Fonte: Europa Press)
Decrecen os afiliados á SS Segundo datos do Ministerio de Traballo, o número de estranxeiros afiliados á Seguridade Social en Galicia situouse en 36.289 persoas en outubro pasado, o que supón un decrecemento interanual do 7,18%. (Fonte: Atlántico Diario) Unión Europea-Galicia O comisario do Emprego en Santiago A conselleira de Traballo e Benestar da Xunta de Galicia, Beatriz Mato, recibiu en Santiago ao comisario europeo de Emprego, Asuntos Sociais e Inclusión, Lázsló Andor, na que destacouse o respaldo da Unión Europea a proxectos de emprego en Galicia que contan co respaldo de fondos europeos. (Fonte: Xunta de Galicia) Cuba Desestiman recurso do PSdG A Xunta Electoral Central desestimou o recurso interposto polo PSdeG contra o acordo da Xunta Electoral Provincial, de data 14 de novembro, en relación coa entrega por parte da Xunta de Galicia de cheques asistenciais a emigrantes en Cuba. Deste xeito, a Xunta Electoral Central confirma o acordo da Xunta Electoral Provincial da Coruña que desestimaba a reclamación efectuada polo PSdeG. (Fonte: Xunta de Galicia)
Cooperación laboral con Alemaña O IES Perdouro de Burela (Lugo) leva a cabo un proxecto piloto de cooperación e inserción laboral coa empresa alemá BBZ Augsburg, do länder de Suabia-Bavaria, e que se prorrogará ata o 2013, contando coas achegas o Fondo Social Europeo e o Goberno alemán. Actualmente, cinco profesionais desta empresa alemá están en Burela a través dos convenios de cooperación. (Fonte: La Voz de Galicia) Portugal O mexillón galego nas xornadas gastronómicas Os restaurantes e comercializadoras do Norte de Portugal recibirán as II Xornadas Gastronómicas do Mexillón de Galicia, impulsadas pola Consellería do Mar da Xunta de Galicia coa Confederación de Empresarios de Hostalería de Galicia (CEHOSGA). (Fonte: Europa Press)
Vigo pendente da Canle de Panamá Tomando en conta as advertencias da comunidade portuaria respecto ás graves consecuencias que tería para Vigo a súa exclusión da rede principal de transportes marítimos da UE, a Autoridade Portuaria de Vigo presta atención ao proceso de ampliación da Canle de Panamá previsto para 2014, e que suporá un incremento do 40% no transporte marítimo que unen os Océanos Atlántico co Pacífico. A Federación de Usuarios do Porto de Vigo xa advertira á Xunta de Galicia da necesidade de mellorar algunhas infraestruturas do porto de Vigo para poder aproveitar o tráfico marítimo internacional a través da ampliación da Canle de Panamá. (Fonte: Atlántico Diario) Inmigración Máis de 3.000 asiáticos na SS Segundo datos do Observatorio Permanente da Inmigración, adscrito ao Ministerio do Traballo, para o 30 de xuño de 2011 habían en Galicia 3.533 asiáticos inscritos no Réxime Xeral da Seguridade Social, con autorización de residencia en vigor. (Fonte: La Voz de Galicia)
Axuda estatal Vigo na Autopista do Mar O ministro de Fomento, José Blanco, e o seu homólogo francés Thierry Mariani, asinaron unha declaración conxunta na que se inclúe o compromiso dos gobernos español e francés de presentar ante a Comisión Europea a autorización da axuda estatal correspondente á Autopista do Mar de Vigo, en especial a súa conexión cos portos de Le Havre e Saint-Nazaire, ademais de Alxeciras. (Fonte: Atlántico Diario) Inmigración Detido o imán musulmán de Ribeira Sidi Batt Ould Tiyib, o imán da mesquita musulmá de Ribeira, foi detido pola Policía Nacional tras presuntamente amañar contratos falsos para estranxeiros de Marrocos e Mauritania, o seu país natal, que traballan en pesqueiros desta localidade coruñesa. (Fonte: La Voz de Galicia) Galicia Aumenta o interese polo alemán O conselleiro de Educación da Xunta de Galicia, Jesús Vázquez, presentou unha serie de datos que confirman que nas Escolas Oficiais de Idiomas da provincia da Coruña experimentaron un notable aumento do alumnado para os cursos de alemá, rexistrado nun 61%, de 1.470 a 2.361 estudantes. Outras linguas que incrementan o seu interese son o xaponés (de 218 a 348 alumnos) e o portugués (de 692 a 999). (Fonte: La Voz de Galicia)
Consulado móbil dominicano en Vigo O Consulado da República Dominicana en Madrid realizou un par de xornadas en Vigo a través dun consulado móbil para atender as xestións e trámites necesarios para unha cada vez máis ascendente inmigración dominicana en Galicia. (Fonte: Atlántico Diario) Diáspora Aumentan os licenciados galegos no exterior Un estudo do Observatorio Ocupacional da Universidade da Coruña, elaborado con enquisas realizadas a licenciados en Galicia no período 2007-2008, constatou que un 2,4% dos licenciados e graduados en carreiras técnicas na nosa Comunidade están traballando nalgún país estranxeiro. (Fonte: La Voz de Galicia)
Vigo xa non é “porto nodal” A Autoridade Portuaria de Vigo criticou que na Autopista do Mar impulsada pola UE entre Francia e España dentro da Rede Transeuropea de Transportes, non se inclúa a Vigo como “porto nodal”, tras ser confirmada pola Comisión Europea a unha delegación da autoridade portuaria viguesa en Bruxelas. (Fonte: Atlántico Diario e Faro de Vigo) Diáspora O voto emigrante, ante o 20/N Os tres partidos políticos galegos emitiron os seus respectivos programas co respecto ao voto da diáspora. Para o secretario xeral de Emigración da Xunta de Galicia, Santiago Camba, o PPdG defende mecanismos que faciliten a participación electoral da diáspora, como o voto en urna ou un método telemático. Pola súa banda, Marisol Soneira, responsable de Emigración do PSdG, defende a creación dunha circunscrición electoral no exterior. Finalmente, o BNG deu prioridade á limpeza e transparencia do voto como elemento primordial da reforma da lei electoral. Os tres partidos coincidiron en adiantar unha reforma dentro do proceso de reforma da lei electoral aprobado en Madrid no 2010, principalmente ante o que considerouse como o “derrube” do voto da diáspora de cara ao 20/N. (Fonte: La Voz de Galicia) Galicia Xornadas europeas de tecnoloxía láser Vigo albergo unhas Xornadas de Procesado de Materiais con Tecnoloxía Láser que reuniu a expertos de diversas universidades e centros de investigación europeos. (Fonte: Atlántico Diario) Portugal Sostibilidade ambiental conxunta En consonancia coas relacións bilaterais a través do Eixo Atlántico e dentro da Estratexia Europa 20/20, a Xunta de Galicia e o Goberno de Portugal acordaron colaborar na elaboración de proxectos estratéxicos conxuntos en materia de sostibilidade ambiental con vistas a poder captar fondos comunitarios ao efecto. (Fonte: Xunta de Galicia) México Encontro coa gastronomía galega No marco do Encontro Millesime México, a gastronomía galega foi protagonista central da segunda xornada, na que se amosaron os produtos típicos tradicionais xunto coas innovacións gastronómicas da nova cociña galega. (Fonte: Faro de Vigo) China Un mercado para as Rías Baixas Con 23 marcas pertencentes a 12 adegas, a Denominación de Orixe Rías Baixas ofreceu no recinto feiral de Xangai unha mostra dos seus produtos vitivinícolas, en especial o viño Albariño, que comeza a xerar interese no país asiático, tanto como no mercado estadounidense. (Fonte: Faro de Vigo)
Incerteza cos fondos europeos A Comisión Europea anunciou que conxelará a partir de 2013 os fondos estruturais e as axudas asignadas para o período 2014-2020 a aqueles países que non cumpran coas condicións de estabilidade orzamentaria asignadas pola UE. Este anuncio intensifica o debate sobre a posibilidade de que Galicia sega a recibir fondos europeos despois do 2013, cando remate o actual período de axudas europeas. A mediados de 2011, Bruxelas anunciou que Galicia recibiría para o próximo período ata 2020 un total de dous terzos das axudas ata agora recibidas, uns 3.500 millóns de euros dos 5.330 millóns asignados para o actual período 2007-2013. Non obstante, o secretario de Estado para a UE, Diego López Garrido, asegurou que durante o debate en Bruxelas para o orzamento comunitario 2014-2020, ningún país da UE opúxose a que Galicia e outras rexións europeas deixen de recibir os dous terzos dos fondos europeos prometidos pola UE. López Garrido tamén informou que España formou un grupo de Amigos da Cohesión con Bulgaria, República Checa, Estonia, Grecia, Letonia, Lituania, Malta, Portugal, Romanía, Eslovaquia, Eslovenia e Hungría concibida para defender estes fondos. (Fonte: El Correo Gallego e Faro de Vigo) Galicia Outra visión de Israel O voceiro da embaixada de Israel en España, o xornalista Lior Haiat, visitou a Universidade de Vigo para ofrecer unha charla organizada pola Asociación Galega de Amizade con Israel (AGAI) na que tentou cambiar a visión e imaxe que proxecta o Estado israelí en Europa, especialmente de cara ao conflito con Palestina. O acto foi fortemente protestado por diversos colectivos radicais de esquerda opostos á presenza do funcionario israelí. (Fonte: Atlántico Diario) Cultura Centro de Estudos Galegos en Heidelberg A lingua galega consolídase nos programas académicos das universidades de Alemaña grazas ó labor do Centro de Estudos Galegos (CEG) da Universidade de Heidelberg, inaugurado polo secretario xeral de Política Lingüística, Anxo Lorenzo. O CEG de Heidelberg, que leva en activo desde 1995, forma parte dun novo departamento da universidade desde o inicio do curso académico 2011-2012, o Departamento de Tradución e Interpretación. Ademais de Heidelberg, o galego está presente actualmente nos programas académicos das universidades alemás de Kiel, Leipzig, Berlín e Tubinga. (Fonte: Xunta de Galicia)
Prórrogas para Marrocos e Gabón A ministra de Medio Ambiente e Medio Rural, Rosa Aguilar, pediu á Comisión Europea que axilice xestións para alcanzar unha prórroga nos acordos de pesca da flota comunitaria en Marrocos e Gabón, onde fana unha boa parte de flota galega. A comisaria europea de Pesca, María Damanaki, quere introducir novas cláusulas nos acordos pesqueiros con terceiros países sobre cuestións máis específicas, como o respecto á pesca sostible e aos dereitos humanos. (Fonte: Europa Press) Unión Europea-Galicia Financiamento europeo para pemes galegas A Consellería de Industria, a través de BIC Galicia e a Fundación para a Calidade Industrial e Desenvolvemento Tecnolóxico de Galicia organizarán en Vigo unha xornada na que se explicarán as posibilidades de obter financiamento comunitario para as pequenas e medianas empresas galegas a través de Eurostars, un programa financiado pola Comisión Europea. (Fonte: Xunta de Galicia) Arxentina “Galicia Mundi” coa USC A Delegación da Xunta de Galicia en Bos Aires colaborará coa USC no programa de investigación “Galicia Mundi”, que permitirá achegarse á actualidade e prospectiva do asociacionismo galego no exterior. Xunto a Bos Aires, o programa “Galicia Mundi” ten previsto realizar investigacións en Lisboa, Sevilla, Montevideo, París, Bruxelas, Londres, Xenebra e Frankfurt. (Fonte: Galicia en el Mundo e Xunta de Galicia) Proceso contra Galicia Saúde O presidente do Centro Galego de Bos Aires, Carlos Vello, explicou sobre a marcha do proceso do concurso de acredores da Fundación Galicia Saúde, disolvido en 2011, e que xestionou e administrou o hospital deste centro na capital arxentina desde 2002. (Fonte: España Exterior) Portugal Piden asistencia sanitaria en Galicia Ante a crise sanitaria en Portugal e a proximidade xeográfica coa nosa Comunidade, Rui Solheiro, presidente da asociación de concellos Vale do Minho, que agrupa a concellos do Norte de Portugal como Valença do Minho, Vila Nova, Paredes de Coura, Monçao e Melgaço, pedirán á Xunta de Galicia a posibilidade de recibir atención sanitaria a través do Servizo Galego de Saúde (SERGAS), no hospital do Complexo Hospitalario Universitario de Vigo ou o do Hospital Meixoeiro. Esta asociación agrupa a 78.000 cidadáns portugueses, o cal incrementaría a poboación de asistencia sanitaria para o SERGAS na área de Vigo e arredores, que suman máis de 600.000 persoas. (Fonte: La Voz de Galicia)
Unión Europea-Pesca
Cobro das telepeaxes A Garda Nacional Republicana anunciou que comezou a cobrar aos infractores das telepeaxes aplicadas nas autovías portuguesas desde finais de 2010. Pola súa banda, o tráfico nas autovías portuguesas rexistrou unha diminución de entre o 26 e 46%, especialmente sensible dende Galicia. (Fonte: Atlántico Diario) Galicia Xapón interesado pola castaña galega Representantes da empresa xaponesa Ena Kavakamiya participaron no magosto organizado en Ourense polo empresario José Posada, en especial ante o interese da empresa nipona por importar a castaña galega. (Fonte: La Voz de Galicia)
Acusan ao PPdG de “repartir cheques” O PSdG e o BNG esixiron no Parlamento galego a dimisión do secretario xeral de Emigración da Xunta, Santiago Camba, ao ser acusado de “repartir cheques” en Cuba durante a entrega da documentación para votar nos comicios xerais do próximo 20 de novembro. (Fonte: La Voz de Galicia) China A Coruña en misión comercial Unha decena de empresas galegas dos sectores téxtil, alimentación, construción e complementos, participa ata o 18 de novembro nunha misión comercial en Xangai, organizada pola Cámara de Comercio de A Coruña. Posteriormente, algunhas destas empresas galegas participarán a finais de novembro na Feira de Alimentación Food and Hotel que igualmente se celebrará en Xangai. (Fonte: Atlántico Diario)
Vigo na Rede Transeuropea de Transportes Tras solucionarse os “erros técnicos” na proposta presentada a mediados de outubro pola Comisión Europea, o ministerio de Fomento informou de que a Rede Transeuropea de Transportes finalmente incluíu ao porto de Vigo na liña de viaxeiros do AVE. Nesta mesma rede, Galicia está presente con catro portos nodais: A Coruña, Vigo, Ferrol e San Cibrao, na que se incluirá igualmente a variante de Cerdedo de alta velocidade ferroviaria nos mapas a elaborar a Comisión Europea, e que estarán listos para finais de novembro. (Fonte: Europa Press e La Voz de Galicia) Portugal Alerta por contrabando de tabaco dende China Tras un encontro de seguridade realizado en Pontevedra por altos mandos da Garda Nacional Republicana (GNR) portuguesa e da Garda Civil, ambos corpos abordaron a súa preocupación ante a introdución de contrabando de tabaco dende China a través da fronteira galaico-portuguesa, así como o tráfico de cobre roubado. (Fonte: Atlántico Diario) Cabo Verde Cara unha migración positiva O secretario xeral da Emigración da Xunta de Galicia, Santiago Camba, participou en Mindelo (na illa de San Vicente en Cabo Verde) nas xornadas de clausura do programa “Opción+Futuro: sensibilizar para a migración positiva”, iniciativa financiada pola Unión Europea, e na que participan asociacións de cinco países lusófonos, entre elas a galega “Ecos do Sur”. Calcúlase que nos primeiros meses da posta en marcha das accións previstas, téñense involucrado 200 participantes activos, con 2.700 beneficiarios directos. (Fonte: Xunta de Galicia)
Eficacia na cooperación ao desenvolvemento O director xeral de Relacións Exteriores e coa UE, Jesús Gamallo, representou ao Comité das Rexións na reunión de seguimento do Diálogo Estruturado por unha cooperación eficaz para o desenvolvemento, organizada pola Comisión Europea e na que participaron representantes do Parlamento Europeo, o Comité Económico e Social e o Comité das Rexións. Gamallo interveu na sesión “Diálogos entre a Sociedade Civil” en calidade de membro da comisión de Cidadanía, Gobernanza, e Asuntos Institucionais e Exteriores (CIVEX) do Comité das Rexións Europeo. (Fonte: La Voz de Galicia) Unión Europea-Marítima Plan contra a contaminación mariña Durante unha conferencia en Vigo sobre prevención de vertidos petroleiros e substancias químicas, a conselleira do Mar da Xunta de Galicia, Rosa Quintana, anunciou que o goberno galego subscribirá o plan de continxencias contra a contaminación mariña, derivado do proxecto europeo Arcopol. (Fonte: La Voz de Galicia) Téxtil Inditex abre en Sudáfrica A empresa téxtil galega abriu o seu primeiro local na nova zona comercial de Johannesburgo, a capital surafricana, unha apertura que se produce tras inaugurar a semana pasada en Taipei (Taiwán) a primeira tenda da súa marca Zara. Proximamente, Inditex abrirá outra tenda na zona comercial Zhong Xiao East Road en Taipei. (Fonte: El Correo Gallego) Brasil Convenio sanitario do SERGAS O secretario xeral de Emigración da Xunta de Galicia, Santiago Camba, asinará un convenio con tres entidades das localidades brasileiras de Salvador de Baía, Río de Xaneiro e Santos, que permitan a obtención da tarxeta sanitaria “Galicia Exterior”, emitida polo Servizo Galego de Saúde (SERGAS). Esta medida podería beneficiar a 38.000 emigrantes galegos en Brasil, segundo datos do Instituto Nacional de Estatísticas (INE). (Fonte: Galicia en el Mundo) Xacobeo Promoción en EE.UU, Corea e Holanda A S.A. de Xestión do Plan Xacobeo promoverá o Camiño de Santiago en Seúl, capital de Corea do Sur, a través da participación na conferencia International Walking & Biking City Federation, e na Conferencia Internacional sobre o Camiño de Santiago que se celebrou en Utrecht (Holanda). Paralelamente, as Asociacións do Camiño de California (EE.UU) e Sarria (Lugo) acordaron un marco de cooperación que permitirá a peregrinos estadounidenses visitar esta localidade galega, así como realizar un documental. (Fonte: La Voz de Galicia)
A Pobra, calidade ambiental No marco da Conferencia Internacional SuPorts, celebrada en Santiago, e que reuniu a expertos de Francia, Holanda, Italia, Gran Bretaña, Lituania e España, a Conselleira do Mar da Xunta de Galicia, Rosa Quintana, informou que o porto coruñés de A Pobra de Caramiñal foi elixido como porto europeo con selo de calidade ambiental. (Fonte: El Correo Gallego) Galicia Visita do alcalde de Seine-Maritime O alcalde do departamento francés de Seine-Maritime, Didier Marie, foi recibido en Santiago polo seu homólogo compostelán Xerardo Conde Roa. (Fonte: El Correo Gallego) Foro Internacional de Espazos para a Cultura Expertos procedentes dos máis importantes museos a nivel mundial reuníronse en Santiago para inaugurar o I Foro Internacional de Espazos da Cultura, eloxiando ao mesmo tempo o “prometedor” proxecto que supón a Cidade da Cultura de Galicia. (Fonte: Europa Press)
Unión Europea-Marítima Brasil
Oferta galega en Londres A Consellería de Cultura da Xunta de Galicia, a través de TurGalicia, promoverá a oferta turística galega na feira World Travel Market de Londres, un dos máis importantes de Europa. (Fonte: El Correo Gallego) Brasil Contra a explotación sexual A subdirectora xeral para o Tratamento da Violencia de Xénero da Secretaría Xeral da Igualdade da Xunta de Galicia, Belén Liste, asistiu en Recife (Brasil) a un encontro do proxecto internacional Itíneris, do que Galicia forma parte con Portugal e Brasil, e que está destinado a establecer medidas e actuacións coordinadas para protexer os dereitos das persoas inmigrantes, especialmente no ámbito da explotación e da trata sexual. Nesta xuntanza, o Ministerio de Xustiza de Brasil presentou os avances obtidos no I Plan Nacional de Enfrontamento á Trata de Persoas (PNETP). (Fonte: Xunta de Galicia)
O Camiño en Corea do Sur A Consellería de Cultura e Turismo da Xunta de Galicia promoverá o Camiño de Santiago no Congreso Internacional de Rutas de Peregrinación e Senderismo a celebrarse a comezos de novembro na Illa de Jeju, en Corea do Sur. Este certame contará ademais coa participación de representantes de Xapón, Alemaña, Canadá, Gran Bretaña, EE.UU., Nova Zelandia, Líbano, Francia, Australia, Suíza e España. (Fonte: El Correo Gallego) Solidariedade Resposta humanitaria en Centroamérica A través dun convenio coa ONG Farmamundi, a Xunta de Galicia activou unha resposta humanitaria de emerxencia no Salvador e Nicaragua, ante as intensas e prolongadas chuvias que están azoutando á rexión centroamericana, e despois que ambos países solicitaran axuda humanitaria de emerxencia. No Salvador prestarase atención a 385 familias (2000 persoas aproximadamente) do Departamento de La Paz, un dos máis afectados polas inundacións. En Nicaragua da man do Ministerio de Saúde (MINSA) intervirase para mellorar a resposta de emerxencia brindada polo Centro de Saúde Sócrates Flores del SILAIS de Managua, nos albergues para poboación afectada pola crecida do Lago Xolotlán. (Fonte: Xunta de Galicia)
Busca das orixes en Mondoñedo Un total de 400 solicitudes anuais recibe a Arquidiócese de Mondoñedo-Ferrol por parte de emigrantes galegos, principalmente dende América, que buscan rastrear as súas orixes galegas para solicitar a nacionalidade española. (Fonte: La Voz de Galicia) Inmigración Cursos de formación en Lugo A Secretaría Xeral de Emigración da Xunta de Galicia entregou os diplomas acreditativos dun total de sete cursos de formación para inmigrantes desenvolvidos en Lugo, e que foron cofinanciados polo Fondo Social Europeo. (Fonte: Xunta de Galicia)
Reformas xustificadas no Centro Lalín de Bos Aires A Secretaría Xeral de Emigración da Xunta de Galicia presentou as xustificacións das reformas e rehabilitación realizadas no Centro Lalín de Bos Aires, a través dunha partida de 5.213 euros no 2010, e que foron verificadas o pasado mes de setembro polo secretario xeral de Emigración, Santiago Camba, durante unha visita a este centro. (Fonte: La Voz de Galicia) Cooperación Exterior Orzamento 2012 O director xeral de Relacións Exteriores e coa UE, Jesús Gamallo, recibiu á Xunta Directiva da Coordinadora Galega de ONGD, para coñecer as grandes liñas do orzamento para 2012, en cooperación para o desenvolvemento. O orzamento destinado a cooperación exterior en 2012 mantense no mesmo importe total que o orzamento final do 2011, o que vai permitir seguir dando cumprimento ás actuacións previstas no II Plan Director da Cooperación Galega 2010-2013. Por outra banda, Gamallo indicou que recentemente a Comisión europea aprobou unha proposta da Xunta de Galicia para levar a cabo o proxecto titulado “Creación e reforzo de capacidades do Ara-Norte para a planificación e xestión dos recursos hídricos nas concas internas de Cabo Delgado, Mozambique”. Dito proxecto é froito da colaboración entre a Consellería de Medio Ambiente, Territorio e Infraestruturas, a través do Organismo Autónomo Augas de Galicia e da Dirección Xeral de Relacións Exteriores e coa UE. (Fonte: Xunta de Galicia) Unión Europea-Pesca O futuro da pesca, a debate A Conselleira do Mar, Rosa Quintana, participou en Bruxelas nun debate sobre as novas opcións de futuro para as áreas de pesca, na que presentou tres proxectos galegos dos Grupos de Acción Costeira como exemplo para a revitalización do resto do litoral europeo. Quintana destacou que a Xunta de Galicia aprobou un total de 133 proxectos dos Grupos de Acción Costeira, 52 deles produtivos e 81 non produtivos, por un importe total de 9,4 millóns de euros. (Fonte: Xunta de Galicia)
Unión Europea-Marítima Diáspora
Galicia representa ao Comité das Rexións O director xeral de Relacións Exteriores e coa UE da Xunta de Galicia, Jesús Gamallo, representou ao Comité das Rexións ante o Comité Executivo do Centro Norte-Sur do Consello de Europa, que celebrou a súa segunda edición en Lisboa. O Centro Norte-Sur do Consello de Europa (ou Centro para a interdependencia e solidariedade global) foi creado en 1989 co obxectivo de animar a cooperación entre as democracias europeas e os países emerxentes, mellorando a educación e a información destes últimos. Os seus proxectos buscan dar unha dimensión europea ás diferentes iniciativas multilaterais de cooperación para un desenvolvemento sustentable, actuando como nexo de unión entre Europa e os chamados países “do Sur”, en África, Asia e Iberoamérica. (Fonte: Xunta de Galicia)
Regresaron dous cooperantes de Cabo Verde No marco do programa “Vacacións con Traballo” que anualmente organiza o Fondo Galego de Cooperación e Solidariedade, regresaron a Galicia dous dos catro cooperantes enviados a Cabo Verde, ambos da Deputación de Pontevedra: María José Pérez González e Joaquín Lede, os cales colaboraron con programas de voluntariado en dous concellos caboverdianos. A mediados de novembro regresarán de Cabo Verde os outros dous cooperantes. (Fonte: La Voz de Galicia) |
||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||
| Fontes: A Peneira, AGN (Axencia Galega de Noticias), Atlántico Diario, Colexio Profesional de Xornalistas de Galicia, Diario Nova +, El Correo Gallego, El Exportador, El Ideal Gallego, El País, El Progreso, Empresa y Finanzas, Europa Press, Faro de Vigo, Galicia en el Mundo, Galicia Hoxe, Galicia Información, Galiza Nación, igadi.org, La Región, La Voz de Galicia, NoticiasGalicia, Vieiros, Xornal de Galicia. | ||||||||||||||||||||||||||||||||||||||||||||||||||||||||||||||||||||||||||||||||||||||||||
| Ver máis Diario Exterior |
|
|
|
| 2011: set |ago | xull | xuñ | mai | abr | mar | feb | xan |
|
| 2010: dec | nov | out | set | xull | xuñ | mai | abr | mar | feb | xan | |
|
| 2009: dec | nov | out | set | ago | xul | xuñ | mai | abr | mar | feb | xan | |
|
| 2008: dec | nov | out | set | ago | xul | xuñ | mai | abr | mar | feb | xan | |
|
| 2007: dec | nov | out | set | ago | xul | xuñ | mai | abr | mar | feb | xan | |
|
| 2006: dec | nov | out | set | ago | xul | xuñ | mai | abr | mar | feb | xan | |
|
| 2005: dec | nov | out | set | ago | xul | xuñ | mai | abr | mar | feb | xan | |
|
| 2004: dec | nov | out | set | ago | xul | xuñ | mai | abr | mar | feb | xan | |
|
| 2003: dec | nov | out | set | ago | xul | xuñ | mai | abr | mar | feb | xan | |
|
| 2002: dec | nov | out | set | ago | xul | 30xuñ | 14xuñ | mai | abr | mar | feb | xan | |
|
| 2001: 4ºtrimestre | 3ºtrimestre | |
|
|
|||||||||
|
 Instituto Galego de Análise e Documentación Internacional www.igadi.org ÚLTIMA REVISIÓN: 07/12/2011
|
|||||||||
|
|||||||||
