|
 |
| 30/11/2007 |
|
Unión Europea-Galicia
Desprotección cara as “mareas
negras”
A derradeira adxudicación da Axencia Europea
de Seguridade Marítima (AESM), na súa sede en Lisboa, decidiu deixar a Galicia fóra das bases
das embarcacións anticontaminación contra os vertidos mariños. Deste xeito, Galicia é
a única zona europea xunto aos países do Mar Negro, que quedan desasistidos neste sentido por parte
de Bruxelas. (Fonte: La Voz de Galicia).
Galicia
Finaliza Pobre Mundo Rico
O Simposio Internacional “Pobre Mundo Rico” celebrado
en Galicia baixo a organización de Carmen Carballo, do Clube Internacional de Prensa de Santiago, rematou
os seus dous meses de exposicións, foros e conferencias, que permitiron a asistencia en Galicia de personalidades
internacionais como Samir Amin, Frei Betto, François Houtart, Marcos Arruda, Mbuyi Kabunda así como
de Galicia e España, para falar sobre a pobreza, a globalización e as desigualdades socioeconómicas. (Fonte: El Correo Gallego).
|
| 29/11/2007 |
|
Galicia
Concentración contra Chávez
Os venezolanos residentes en Galicia realizaron en A
Coruña unha concentración contra a reforma da actual Constitución Bolivariana de Venezuela,
impulsada polo presidente Hugo Chávez. Diversos portavoces destas asociacións de emigrantes venezolanos
amosaron o seu descontento polo que consideran “o réxime personalista e ditatorial” de Chávez. (Fonte: El Correo Gallego).
Diáspora
Estreitar os lazos empresariais
O conselleiro de Economía, José Ramón
Fernández Antonio, e o presidente da Confederación de Empresarios de Galicia (CEG), Antonio Fontenla,
subscribiron un acordo que aspira a estreitar lazos entre os empresarios instalados en Galicia e os emigrantes
galegos que son empresarios, co fin de establecer unha "axuda mutua" que favoreza e incentive a internacionalización
da empresa galega. Esta acordo conta co impulso do Instituto Galego de Promoción Económica (IGAPE). (Fonte: Galicia Hoxe).
|
| 28/11/2007 |
|
Uruguai
Anuario 2007 da cultura galega
O profesor Carlos Zubillaga, director do Centro de Estudios
Gallegos de Montevideo, presentou no Consello da Cultura Galega o Anuario 2007 da institución, que recolle
os relatorios do Coloquio de Cultura Gallega celebrado o pasado mes de agosto en Montevideo. Entre eles figuran
traballos de Pilar Cagiao (Mujeres en la inmigración gallega en Uruguay) e Ramón Villares (Transición
democrática e autonomía en Galicia: uns anos decisivos). O Centro de Estudios Gallegos foi creado
en 1996 como resultado do convenio de cooperación entre a Universidade da República e a Dirección
Xeral de Política Lingüística da Xunta de Galicia.
(Fonte: www.vieiros.com).
Diáspora
O voto emigrante ao Senado
O senador do BNG, Francisco Jorquera, defendeu na Comisión
Constitucional do Senado unha emenda á Lei da Memoria Histórica para que os netos dos emigrantes
só poidan exercer o dereito a voto no Estado Español unha vez que se modifique a Lei Orgánica
de Réxime Electoral Xeral. (Fonte:
Galiza Nación).
Inmigración
Integración afro-latina
A Asociación Afrolatina de Ourense foi presentada
publicamente polos seus dirixentes Henrique García e Hasan Mohamed-Salem Abdelhadi, para traballar e apoiar
a integración dos diversos colectivos inmigrantes na provincia ourensá e atender as súas demandas
profesionais, sanitarias e administrativas.
(Fonte: La Voz de Galicia).
|
| 27/11/2007 |
|
Unión Europea-Galicia
Protesta sindical galega
Unha delegación do Sindicato Labrego, encabezada
por Xosé Ramón Cendán, Isabel Vilalba e Marcos Louzao, participou en Bruxelas nunha manifestación
na defensa da agricultura labrega europea e dunha Política Agraria Común (PAC) feita "á
medida das persoas”. A protesta coincidiu coa primeira sesión dos debates sobre a revisión da PAC,
onde países como Francia e España criticaron a proposta oficial de recortar as axudas directas ós
agricultores para reforzar con eses recursos as políticas de desenvolvemento rural. (Fonte: Galicia Hoxe).
Galicia
Contra as mafias criminais
A profesora da universidade de Leeds, Jennifer Sands,
presentou na USC unha tese doutoral sobre os grupos de criminalidade organizada en España e a rexión
mediterránea, considerando que a súa é “unha ameaza infravalorada” e que “é tan grande
para a seguridade como o terrorismo islamita”.
(Fonte: www.xornal.com).
Cuba
A difusión cultural galega
Durante a súa estadía en México
para tentar asegurar a presenza cultural galega na Feira do Libro de Guadalajara, a conselleira de Cultura e Deporte,
Ánxela Bugallo, deu a coñecer os referentes da actividade de Galicia a partir da súa participación
da Feira do Libro de La Habana, prevista para febreiro de 2008. A difusión da cultura, música e literatura
galega será a prioridade do seu departamento, especialmente coa presenza das editoriais, autores, autoras
e grupos musicais e folclóricos nos actos a realizar.
(Fonte: www.xornal.com).
China
Fabricación metal en Tianjin
A Asociación Galega de Industriais Metalúrxicos
(ASIME) e varias empresas galegas asinaron acordos de colaboración con empresas da localidade chinesa de
Tianjin para a fabricación conxunta de pezas de metal. Os acordos permitirán ás empresas galegas
a expansión da súa produción, sen valor engadido e con aforro de custes. (Fonte: La Voz de Galicia).
Venezuela
Preocupación polo referendo
As noventa grandes empresas galegas con investimentos
en Venezuela amosaron a preocupación da comunidade emigrante galega nese país pola situación
que podería propiciar a aprobación do referendo para a reforma constitucional previsto para o 2 de
decembro, no referente ás propiedades privadas. O presidente da Asociación de Empresarios Galegos
en Venezuela (AEGV), Cándido Rodríguez, pediu “calma e tranquilidade”. Desde o ano 2000, un total
de 10.000 emigrantes regresaron a Galicia procedentes de Venezuela, atemorizados pola confrontación sociopolítica,
a evolución das reformas de Hugo Chávez e a inseguridade cidadán. (Fonte: El Correo Gallego).
|
| 26/11/2007 |
|
México
Cara a Feira do Libro de 2011
A conselleira de Cultura e Deporte, Ánxela Bugallo,
anunciou que presentará a candidatura de Galicia como país convidado na Feira Internacional do Libro
de Guadalajara en 2011. A titular de Cultura fixo este anuncio despois de reunirse coa directora da Feira Internacional
do Libro, Nubia Macías, con quen negociou unha maior presenza da literatura galega neste escaparate. (Fonte: www.xornal.com).
|
| 25/11/2007 |
|
Cabo Verde
Investimento en pesca
De visita en Galicia, o ministro de Economía
de Cabo Verde, José Brito, transmitiu ás autoridades e empresarios pesqueiros galegos a vontade do
seu goberno de construír un centro de pesca na illa de San Vicente que permita servir de apoio loxístico
para as flotas galega e caboverdiana, así como a construción dunha planta desalinizadora na capital,
Praia. Pola súa banda, o ministro de Relacións Exteriores caboverdiano, Vítor Borges, transmitiu
ás autoridades galegas o seu agradecemento polo apoio ao partenariado Especial UE-Cabo Verde. (Fonte: El Correo Gallego).
Venezuela
Mil galegos emigran por ano
Desde a chegada de Hugo Chávez ao poder en 1999,
unha media de mil emigrantes galegos e os seus descendentes deixan Venezuela, en total 10.000 dende entón,
principalmente por motivos de inseguridade cidadán e polo clima de confrontación e incerteza política.
Non obstante, esta cifra ven decrecendo desde o 2004, ano en que Chávez gañou o referendo revogatorio.
En Galicia, dos 75.000 estranxeiros censados, mais de 2.500 proveñen de Venezuela. (Fonte: La Voz de Galicia).
|
| 24/11/2007 |
|
Galicia
Reos estranxeiros
Segundo datos da Central Sindical Independente e de
Funcionarios (CSI-CSIF), nas cinco cárceres galegas están recluídos 1.075 presos estranxeiros,
un 25,4% do total, sendo maioría os provenientes do Magreb (37% do total dos reclusos). Outros proveñen
da África subsahariana, Colombia, Venezuela e Brasil.
(Fonte: El Correo Gallego).
Brasil
Asociación de Médicos Galegos
O presidente da Asociación de Médicos
Galegos (ASOMEGA), Francisco Ruza, anunciou a próxima apertura en Brasil dunha sección desta organización
de médicos galegos en América, que permitirá o “camiño de integración de ASOMEGA
cos médicos descendentes de galegos con desexos de vinculación con Galicia”. (Fonte: El Correo Gallego).
|
| 23/11/2007 |
|
Cuba
Primeira viaxe de Touriño
O presidente da Xunta, Emilio Pérez
Touriño, realizará a súa primeira viaxe á illa caribeña para conmemorar, o próximo
7 de decembro, o centenario do Himno Galego composto na Habana en 1907. O presidente convidou a representantes
das diversas forzas políticas. A invitación contou coa aprobación de Carlos Aymerich (BNG)
e Ismael Rego (PSdG) pero aínda non conta coa aprobación do PPdG. A axenda exterior incluirá
tamén a visita de Touriño a México.
(Fonte: El Correo Gallego).
Galicia
Calidade de transplante para Iberoamérica
O Servizo Galego de Saúde (SERGAS)
recibiu o encargo de elaborar unha guía de calidade e seguridade das células e tecidos de transplante
para países membros do Consello Iberoamericano de Doazón e Transplante, un organismo de 22 países
de fala castelán e portuguesa. (Fonte:
El Correo Gallego).
Paraguai
As similitudes do galego e o guaraní
Dende Paraguai tratan de coñecer
a realidade do idioma galego para buscar solucións e propostas no seu país para a lingua guaraní.
Neste sentido, Perla Álvarez, do Movemento Campesiño paraguaio, e Eva Mansfield, directora da licenciatura
de guaraní da Universidade Nacional de Asunción, estiveron en Compostela convidadas pola Fundación
Galiza Sempre e dirixentes da Mesa pola Normalización Lingüística, a fin de atopar semellanzas
entre o uso do galego e do guaraní, unha lingua amerindia falada tamén no Brasil, Arxentina e Bolivia. (Fonte: La Voz de Galicia).
Portugal
Piden recepción das TV portuguesas
Os medios de comunicación portugueses
están a amosar un grande interese polo feito de que as súas televisións se poidan recibir
en Galicia. A proposta da Fundación Vía Galego, que traduciu en iniciativa no Congreso dos Deputados
o parlamentario do BNG Francisco Rodríguez, achou eco na práctica totalidade da prensa portuguesa.
Estas informacións reflicten o interese da poboación galega en poder acceder ás emisións
en portugués. A Carta Europea de Linguas Rexionais ou Minoritarias pide que se garanta a recepción
dos medios de comunicación de países veciños nunha lingua idéntica ou próxima. (Fonte: www.vieiros.com).
|
| 22/11/2007 |
|
Galicia
Irmanamento con L´Herbegement
Unha representación da Corporación
e veciños do concello de Tordoia visitaron a localidade francesa de L´Herbegement, coa que formalizarán
un irmanamento na próxima primavera.
(Fonte: El Correo Gallego).
Pesca
Cooperación con Cabo Verde
Durante a visita a A Coruña do
primeiro ministro caboverdiano José María Pereira Neves e o cónsul en Galicia, Francisco Canabal
López, explorouse a necesidade de activar un convenio para a cooperación pesqueira e para as próximas
reformas portuarias en Mindelo e Boavista. O convenio de cooperación inclúe tamén a formación
de mozos caboverdianos a través da Xunta e as tres universidades galegas. (Fonte: El Correo Gallego).
EEUU
Nena galega no ballet de Nova York
Verónica Siaba, de 8 anos, filla
de emigrantes galegos que padece unha parálise cerebral, debutou no Ballet de Nova York, recibindo un titular
de primeira páxina no diario “The New York Times”, así como a felicitación persoal da primeira
dama Laura Bush. Os pais de Verónica son emigrantes de Muros e Ribeira. (Fonte: La Voz de Galicia).
Cooperación
Piden incrementar as achegas orzamentais
O Presidente da Coordinadora Galega de
ONGs para o Desenvolvemento, Xosé María Torres, criticou ao goberno actual na Xunta por incumprir
o compromiso de incrementar a porcentaxe que, segundo asegurara, estaba previsto no 0,4% do orzamento no 2009,
argumentando que sentirá “vergoña” durante a próxima asemblea da entidade. Torres explicou
que para o 2008 o incremento fixouse no 0,09%, un aumento do 13%.
(Fonte: La Voz de Galicia).
Panamá
Incautada droga cara Vigo
A policía panameña incautou
no porto atlántico de Coco Solo, a 70 km de Cidade de Panamá, un alixo de 209 quilos de cocaína
dentro dun contedor que ía con destino ao porto de Vigo.
(Fonte: La Voz de Galicia).
Unión Europea-Galicia
Fondos europeos para o AVE Vigo-Porto
A Comisión Europea ofrece un investimento
de 244 millóns de euros para os próximos sete anos, a fin de finalizar o AVE Vigo-Porto, un eixe
ferroviario que cualificou como “prioritario” para a rede transeuropea de vías de comunicación. O
comisario de Transportes, o francés Jacques Barrot, anunciou que o Parlamento europeo ten plans de investir
5.100 millóns de euros para as redes transeuropeas, confirmando que o AVE Vigo-Porto é o segundo
proxecto español en importancia.
(Fonte: La Voz de Galicia).
|
| 21/11/2007 |
|
Portugal
A supremacía do Sá Carneiro
O aeroporto da cidade portuguesa de Porto
superou os tres millóns de usuarios no que vai de 2007, cifra similar á que suman os tres aeroportos
galegos de Lavacolla, Peinador e Alvedro.
(Fonte: El Correo Gallego).
Portugal
Cadea escolar polo patrimonio inmaterial
Máis de 2.000 alumnos de escolas de ambas marxes do río Miño formarán cordóns
humanos nas pontes que unen as localidades lusas de Cerveira, Valença, Monçao e Melgaço coas
galegas de Goian, Tui, Salvaterra e Arbo, respectivamente, para así solicitar aos gobernos español
e portugués que presenten a candidatura da cultura galaico-portuguesa como Patrimonio Inmaterial da UNESCO. (Fonte: Galiza Nación).
Brasil
O MST en Santiago
No marco do Simposio Internacional “Pobre
Mundo Rico”, estivo na capital galega Idalice Rodríguez Nunes, a integrante do Movemento dos Sen Terra (MST)
e presidenta da súa Cooperativa en Mato Grosso. Rodríguez Nunes falou sobre a soberanía alimentaria,
o coidado do medio ambiente e o papel da muller no MST, aproveitando para denunciar o asasinato dun compañeiro
deste organismo e criticar as políticas macroeconómicas do goberno de Lula da Silva. (Fonte: www.vieiros.com).
Galicia
Solidariedade con Oriente Medio
A Fundación Araguaney colaborou
coa Plataforma de Mulleres Artistas contra a Violencia de Xénero e o Movemento pola Paz para realizar unha
viaxe a Oriente Medio a finais de decembro de 2007, baixo o lema “Sinfonía de Mulleres pola Paz de Oriente
Medio”. A delegación contará con 100 persoas entre escritores, cantantes e actrices. (Fonte: El Correo Gallego).
Europa do Leste
O Banco de Terras en Hungría
O conselleiro de Medio Rural, Alfredo
Suárez Canal, deu a coñecer na localidade húngara de Farland o proxecto do Banco de Terras,
que pretende poñer en cultivo unhas 10.000 hectáreas abandonadas en réxime de aluguer, e tamén
as Unidades de Xestión Forestal, que entrarán en vigor no 2008. (Fonte: El Correo Gallego).
Europa do Leste
Debate sobre os mercados emerxentes
Expertos en materia xurídica e
económica e directivos empresariais galegos debateron en Santiago sobre experiencia e oportunidades de negocios
en países emerxentes de Europa do Leste. O foro foi organizado pola Asociación para o Progreso da
Dirección (APD) e o IGAPE. (Fonte:
El Correo Gallego).
|
| 20/11/2007 |
|
Inmigración
Aumentan afiliados á Seguridade
Social
O número medio de afiliados estranxeiros
á Seguridade Social en Galicia ascendeu en outubro ás 41.058 persoas, cun crecemento interanual do
20,9%. Estas estatísticas inclúen aos afiliados estranxeiros autónomos por sectores de produción. (Fonte: www.xornal.com).
Inmigración
Plan de integración escolar
As concellerías de Educación
e Benestar Social do concello de Santiago, xunto ao Foro de Inmigración, comezaron un programa de convivencia
intercultural nos centros escolares de primaria e secundaria coa finalidade de familiarizar aos estudantes galegos
co fenómeno da inmigración, a realidade dos colectivos inmigrantes e o afastamento dos prexuízos
e estereotipos contra eles. (Fonte: La Voz
de Galicia).
Galicia
Polémica polo apoio a Chávez
Con motivo da polémica carta do
presidente da Federación de Asociacións Galegas na Arxentina (FAGA) e portavoz local do BNG, Francisco
Lores, de apoiar ao presidente venezolano Hugo Chávez mentres acusaba ao Rei Juan Carlos I de “fascista”
e “golpista”, o ex voceiro nacional do BNG, Xosé Manuel Beiras, amosou o seu apoio á FAGA e a Lores
sen que comparta publicamente as súas palabras contra o monarca español. Esta carta provocou unha
forte polémica política entre os tres principais partidos galegos. (Fonte: El Correo Gallego).
Galicia
Os retos do galego e o guaraní
A Mesa pola Normalización Lingüística
estableceu os “retos comúns” entre as linguas galega e guaraní, esta última lingua cooficial
no Paraguai, onde un 87% da súa poboación coñécea e fálana. No acto en Santiago
participaron a profesora do Ateneo da Lingua Guaraní e membro do Movemento Campesiño Paraguai, Perla
Álvarez, e a directora da Licenciatura en Lingua Guaraní da Universidade Nacional de Asunción,
Eva Mansfield. (Fonte: www.vieiros.com).
Portugal
Volve a candidatura á UNESCO
O colectivo “Ponte nas Ondas” volve a
impulsar a candidatura do patrimonio inmaterial galaico-portugués como Obra Mestra da Humanidade, tal e
como ocorrera na edición do 2005. Neste sentido, e coa entrada en vigor da Convención do Patrimonio
Inmaterial por parte da UNESCO, o colectivo galego preme aos gobernos español e portugués a apoiar
esta candidatura para a edición do 2009.
(Fonte: www.vieiros.com).
|
| 19/11/2007 |
|
Diáspora
Piden non restrinxir o voto emigrante
Durante unha entrevista radial, o conselleiro
da Presidencia, José Luis Méndez Romeu, referiuse á reforma do voto emigrante, considerando
que "as restricións dos dereitos dos votantes nunca foron obxecto de debate", outorgándolle
prioridade a resolver o voto en urna para os votantes emigrantes, para evitar a "desconfianza" dos cidadáns
sobre a limpeza das eleccións. (Fonte:
Galicia Hoxe).
|
| 18/11/2007 |
|
Alemaña
Defenden o galego en Berlín
Representantes de Política Lingüística
de Galicia, País Vasco e Catalunya avogaron pola diversidade lingüística en Europa durante a
clausura da 'Expolingua Berlín 2007', feira na que estiveron presentes 32 países e 60 linguas. A
presenza galega estivo da man da secretaria xeral de Política Lingüística, Marisol López,
quen alentou o fomento de estratexias destinadas á difusión internacional dos produtos culturais
e dos seus creadores para incrementar a presenza do galego, o euskera e o catalán máis aló
das súas fronteiras. (Fonte: Galiza
Nación).
Inmigración
Foro intercultural en Lalín
Un total de cincuenta inmigrantes provenientes
de Brasil, Arxentina, Alxeria, Venezuela e Marrocos, así como emigrantes retornados, participaron en Lalín
na realización dun foro intercultural organizado polo concello e a asociación Cirla, a fin de compartir
experiencias relacionadas coa acollida, integración e aspiracións deste colectivo. (Fonte: La Voz de Galicia).
|
| 17/11/2007 |
|
Unión Europea-Galicia
Detectan anomalías nos fondos
europeos
Ante as irregularidades detectadas dende
Bruxelas na utilización de 1.2 millóns de euros de subvencións europeas, o grupo de “Independentes
por Ferrol”, que gobernara no anterior mandato en coalición co PPdG, aclarou publicamente que a adquisición
dos terreos en A Malata para construír un parque e unha urbanización na Praza da Ilustración
foron decisións do anterior goberno conformado pola coalición BNG-PSdG. (Fonte: La Voz de Galicia).
Arxentina
Polémico apoio a Chávez
Francisco Lores Mascato, presidente da
Federación de Asociacións Galegas na Arxentina e representante do BNG nese país, remitiu unha
carta de apoio ao presidente venezolano Hugo Chávez tralo polémico altercado co Rei Juan Carlos I
no pasado Cumio Iberoamericano. O comunicado acusa ao monarca español de “golpista e fascista” e ao ex presidente
José María Aznar de estar “ao servizo do Imperio do Norte”. Esta misiva causou un gran malestar nalgunhas
forzas políticas galegas. (Fonte:
El Correo Gallego).
China
Vigo promove o seu naval
Dez empresas do naval vigués acudirán
á feira Marintec, o maior evento marítimo e naval de Asia, a celebrar en Shanghai a finais de novembro.
A presenza viguesa está organizada pola Cámara de Comercio de Vigo, a través do seu presidente
José García Costas, e polo Instituto Galego de Promoción Económica (IGAPE). China é
o maior construtor de barcos no mundo, cun notable avance na capacidade de construción dos seus estaleiros. (Fonte: La Voz de Galicia).
|
| 16/11/2007 |
|
Diáspora
Quintana toma posición no voto
emigrante
Durante unha entrevista radial, o vicepresidente
da Xunta, Anxo Quintana, considerou que o tema do voto emigrante “é máis grave” do que se pensa xa
que “primeiro hai que decidir quen pode votar". Para xustificar a súa postura, o vicepresidente da
Xunta informou que “cando estiven en Arxentina e Uruguai escoitei aos netos de emigrantes pedir a nacionalidade
pero ningún falou do dereito a votar no Parlamento galego ou nas eleccións municipais. Esa non é
a súa reclamación”. O vicepresidente da Xunta considerou que “están máis interesados
algunhas forzas políticas no voto dos emigrantes que moitos deles. (Fonte: www.xornal.com e Galiza Nación).
Suíza
Unha galega preside o parlamento de Xenebra
A emigrante galega Dolores Cruz Cousillas,
que en Suíza chámase Loly Bolay tras adoptar o apelido do seu marido, foi elixida como a primeira
inmigrante en acceder á presidencia do parlamento cantonal de Xenebra polo partido Socialista. Bolay obtivo
68 votos a favor da súa candidatura, con 15 abstencións e cinco votos en branco. (Fonte: La Voz de Galicia).
Eixo Atlántico
Retos do comercio e o turismo
Máis de trinta expertos de España
e Portugal reuníronse en Santiago no III Congreso Supranacional de Pemes de Comercio e Turismo do Eixe Atlántico,
para analizaren as estratexias e oportunidades para o desenvolvemento competitivo e sostible do comercio e o turismo
no noroeste peninsular. (Fonte: El Correo
Gallego).
Inmigración
Un 2% de afiliados sindicais
Os sindicatos CIG, UGT e CCOO posúen
en Galicia un 2% de afiliados entre a comunidade inmigrantes, especialmente latinoamericanos, considerando como
“alta” esta cifra de afiliación, tomando en conta que a nosa Comunidade é unha das zonas do Estado
que posúen menos traballadores estranxeiros legalizados. A información foi subministrada por Messaoud
El-Omari, responsable do Centro de Información de Traballadores Estranxeiros (CITE) de CCOO. (Fonte: Diario Nova +).
|
| 15/11/2007 |
|
Marítima
Salvan a inmigrantes tunesinos
Os tripulantes do pesqueiro “Nuestra Madre
de Loreto” de Santa Pola (Alicante), a maioría orixinarios de Muxía, Camariñas e Fisterra,
salvaron a catro inmigrantes de Tunicia a 85 km. das costas da illa de Malta, tal e como sucedera anteriormente
fronte ás costas de Libia con 26 inmigrantes.
(Fonte: El Correo Gallego).
Irlanda
Décimo aniversario dos estudos
galegos
Con 39 alumnos, o Centro Irlandés
de Estudos Galegos, creado e dirixido por David Mackenzie, e incluído no Departamento de Estudos Hispánicos
da Universidade de Cork (UCC), celebrou o seu décimo aniversario. Mckenzie, escocés de orixe e galego
de adopción, xa creara tamén o centro de estudos galegos de Birmingham (Reino Unido) a finais dos
oitenta. (Fonte: www.vieiros.com).
Diáspora
Recepción para “Volver á
Terra”
O secretario xeral de Emigración,
Manuel Luís Rodríguez, ofreceu unha recepción aos 131 emigrantes de orixe galega procedentes
de Arxentina, Uruguai, Venezuela, Brasil e Cuba, que participaron no programa “Volver á Terra”, a través
do cal poderán permanecer en Galicia durante un período de tres meses. (Fonte: www.xornal.com).
Arxentina
En coma político de orixe galega
Jorge Rivas, vicexefe de gabinete de ministros
do goberno de Néstor Kirchner e fillo de emigrantes galegos, permanece inconsciente cun derrame cerebral
tralos golpes recibidos por un atraco sufrido na localidade de Lomas de Zamora, ás aforas de Bos Aires. (Fonte: La Voz de Galicia).
Venezuela
Tensión máxima entre empresarios
galegos
O voceiro dos empresarios galegos neste país e senador polo PSOE na emigración, Cándido Rodríguez,
confesou a existencia dunha “tensión máxima” e “preocupación” entre o sector empresarial galego,
a raíz das declaracións do presidente Hugo Chávez de “revisar a fondo” os investimentos das
empresas españolas en Venezuela. O peso da emigración galega na economía venezolana é
considerable, xa que existen máis de 10.000 empresas que dan emprego a 200.000 persoas. A Asociación
de Empresarios Galegos en Venezuela (AEGV) agrupa a 300 desas empresas.
(Fonte: Faro de Vigo).
|
| 14/11/2007 |
|
Portugal
Literatura galaico-portuguesa
O escritor e director do Instituto Cervantes
de Lisboa, Ramiro Fonte, e o conselleiro cultural da Embaixada de Portugal, Joao de Melo, participaron en Santiago
nun encontro sobre literatura lusa e galega que se desenvolve dentro da V Mostra Portuguesa, baixo o título
“Portugal na literatura galega. España e Galicia na literatura portuguesa”. (Fonte: Galiza Nación).
Suíza
Unha galega no parlamento de Xenebra
A emigrante galega Dolores Bolay Cruz,
natural de Corme, no municipio bergantiñán de Ponteceso, e residente en Suíza dende 1968,
converteuse na primeira estranxeira que opta á presidencia do parlamento do cantón de Xenebra. Bolay
Cruz foi xefa de persoal nunha multinacional francesa especializada en produtos químicos ata dedicarse á
política, cando saíu elixida como deputada polo Partido Socialista no cantón suízo
onde reside. Tras tres lexislaturas como deputada, poderíase converterse en presidenta da Cámara
de Xenebra, malia que os grupos de esquerda só contan cos 17 escanos dos socialistas e os 15 dos ecoloxistas
dun total de 100 deputados, negociándose o apoio co resto dos grupos. (Fonte: www.vieiros.com).
Galicia
Centro europeo para rehabilitar edificios
Santiago será a sede dun centro
europeo de restauración e rehabilitación de edificios, que contará coa colaboración
do Consorcio de Santiago, a Scuola Proffesssionale Edile de Florencia, a Féderation Compagnonnique de Métiers
du Batiment, o Instituto Gaudí da Construción e a Fundación Laboral da Construción. (Fonte: El Correo Gallego).
|
| 13/11/2007 |
|
Venezuela
Preocupación empresarial
A inestabilidade política e xurídica
en Venezuela e o “medo ás nacionalizacións” persuaden ás asociacións de empresarios
galegos a investir neste país suramericano. Trala polémica verbal entre presidente do goberno español
Zapatero, o rei Juan Carlos I e o mandatario venezolano Hugo Chávez, a preocupación pola situación
nese país vai en aumento. O maior investimento galego en Venezuela nos derradeiros anos se realizou no 2003,
con 13,9 millóns de euros, reducíndose a só 28.860 en 2004. Pola súa banda, o presidente
da Asociación de Empresarios Galegos en Venezuela (AEGV) e senador polo PSOE, Cándido Rodríguez,
asegurou que “a crise actual vaise superar”.
(Fonte: Faro de Vigo e El Correo Gallego).
Diáspora
O BNG aproba unha reforma do voto emigrante
A Executiva Nacional do BNG aprobou por
unanimidade unha proposta de reforma da lexislación electoral relativa aos residentes ausentes, que estipula
o voto en urna e só para eleccións xerais en España e as europeas. Esta proposta será
agora trasladada aos grupos parlamentares do PP e do PSdeG-PSOE, coa intención de elaborar conxuntamente
unha proposición de lei de reforma da Lei Orgánica do Réxime Eleitoral Xeral, que sería
enviada para o seu debate ás Cortes Xerais do Estado.
(Fonte: www.xornal.com).
Solidariedade
Colaboración con escola boliviana
O Instituto “Carlos Casares” de Viana
(Ourense) colaborará na formación de profesores de secundaria nunha escola rural na aldea de Bermejo,
na provincia boliviana de Florida, en plena selva do Alboró. Neste proxecto tamén se contempla a
construción doutra escola de secundaria.
(Fonte: La Voz de Galicia).
Portugal
Interconexión eléctrica
O director xeral de Industria, Carlos
Calvo, os directivos da Rede Eléctrica de España e da Rede Eléctrica Nacional de Portugal,
espuxeron en Santiago a necesidade de concretar proxectos de interconexión eléctrica entre Galicia
e Portugal para o 2016, ao abeiro da construción do AVE entre Vigo e Porto. (Fonte: El Correo Gallego).
|
| 12/11/2007 |
|
Venezuela
Os galegos de Venezuela apoian ao rei
Trala confrontación verbal entre
o presidente venezolano Hugo Chávez e o rei Juan Carlos I no Cumio Iberoamericano de Santiago de Chile,
a comunidade galega residente en Venezuela amosou o seu total apoio ás palabras do monarca español.
Non obstante, os emigrantes galegos, así como a patronal que agrupa a varios dos empresarios galegos residentes
neste país, temen posibles represalias por parte do goberno venezolano tras esta forte polémica. (Fonte: El Correo Gallego e Faro de Vigo).
Portugal
Cooperación en Servizos Sociais
A secretaria xeral de Benestar, María
Xesús Lago, presentou en Santiago o congreso “Galiza, Portugal e Europa polos vieiros do estado do benestar”,
que se celebrará os vindeiros días 14 e 15 de novembro en Vigo. Este encontro de profesionais pretende
ser un foro de análise da situación actual e das perspectivas de futuro na xestión dos servizos
sociais. (Fonte: www.xornal.com).
Arxentina
Diáspora galega con Zapatero
Trala súa participación
no Foro Iberoamericano de Santiago de Chile, a visita do presidente do goberno español José Luis
Rodriguez Zapatero á Casa de Galicia de Bos Aires permitiu unha toma de contacto coa emigración galega
neste país, onde Zapatero espuxo a súa intención de que os netos de emigrantes poidan acceder
á nacionalidade española.
(Fonte: El Correo Gallego).
Arxentina
Rajoy a Arxentina e Uruguai
O líder do PP, Mariano Rajoy, tamén
realizará unha xira por América do Sur a fin de buscar os votos da emigración galega e española
para os próximos comicios xerais de marzo de 2008.
(Fonte: El Correo Gallego).
|
| 11/11/2007 |
|
México
Atopan cadáver de filla de emigrante
O cadáver de Ana Belén Fortes
Rodríguez, de 31 anos, foi atopado na localidade de San Andrés, na serra de Petatlán, estado
de Guerrero, trala súa desaparición o pasado 12 de agosto por mor dun accidente de avioneta, propiedade
do empresario hostaleiro ourensán Teolindo Fortes López, radicado en México. (Fonte: El Correo Gallego).
|
| 10/11/2007 |
|
Arxentina
Eloxios á delegación da
Xunta
O ministro de Cultura, César Antonio
Molina, asegurou na súa visita á Delegación Exterior da Xunta en Bos Aires, que esta oficina
“axudará moito á presenza de Galicia na Arxentina”.
(Fonte: El Correo Gallego).
Arxentina
Asasinada empresaria de orixe galega
Mónica Beatriz Vázquez,
de 49 anos, empresaria filla de emigrantes ourensáns, foi presuntamente asasinada polo reposteiro arxentino
Eduardo Becerra, de 66 anos, debido a diferenzas no aluguer dunha finca. Becerra tentou ocultar o asasinato mediante
unha chamada á familia de Vázquez para asegurar que foi un secuestro, polo que pedía un millón
de dólares. (Fonte: El Correo Gallego).
|
| 09/11/2007 |
|
Venezuela
Filme galego no Festival dos Pobos do
Sur
O filme De profundis, do galego Miguelanxo
Prado, foi seleccionado para competir no I Festival de Cine dos Pobos do Sur, que terá lugar do 15 ao 22
de novembro na illa de Margarita, en Venezuela. O evento está organizado polo Ministerio do Poder Popular
para a Cultura, a través da Fundación Distribuidora Nacional de Cine Amazonia Films e co apoio da
Fundación Cinemateca Nacional de Venezuela. Neste evento, participarán longametraxes de Alxeria,
Arxentina, Bolivia, Brasil, Burkina Faso, Chad, China, Colombia, España, Etiopía, Filipinas, Gabón,
Ghana, Israel, Xapón, Marrocos, México, Mozambique, Palestina, Paraguai, Senegal, Sudáfrica
e Venezuela. A película gañadora recibirá 20.000 dólares. (Fonte: Galiza Nación).
Francia
Irmanamento municipal
O concello coruñés de Tordoia
propiciará en abril de 2008 un irmanamento co seu similar francés de L´Herbergement, localizado
ao oeste dese país. Este concello francés posúe aproximadamente 3.000 habitantes e a súa
economía baséase na agricultura e gandería. Para propiciar este irmanamento, Tordoia achegará
un total de 18.000 euros, dos que 12.000 forman parte dunha subvención da consellería de Traballo. (Fonte: El Correo Gallego).
Galicia
A visión rómana do Medio
Ambiente
A profesora da Universidade de Timisoara,
Adina Dumitru, abriu na Facultade de Ciencias da Educación da Universidade de A Coruña, a segunda
xornada sobre “Sostibilidade, Valores e Medio Ambiente”.
(Fonte: La Voz de Galicia).
|
| 08/11/2007 |
|
China
Troita galega en Dalian
O grupo galego “Tres Mares”, que lidera
en Europa a produción de troita, participou na Feira Fisheries and Seafoo Expo na cidade chinesa de Dalian,
o encontro mais importante do sector pesqueiro en Asia. O grupo galego posúe unha notable presenza en Alemaña,
Gran Bretaña e Rusia. (Fonte: www.xornal.com).
Galicia
MSF busca maior impacto social
En palabras da directora en Galicia da
ONG francesa “Médicos Sen Fronteiras” (MSF), Marie Castro Leal, a súa labor afondará na necesidade
de implicar a máis galegos nas labores humanitarias desta ONG, presente en máis de 70 países. (Fonte: La Voz de Galicia).
Galicia
Presenza galega na física nuclear
A USC participa no centro de física
nuclear europea FAIR na cidade alemán de Darmstadt, na que traballan 2.500 físicos de 14 países
como Alemaña, Austria, China, Rusia, Francia e Reino Unido.
(Fonte: El Correo Gallego).
Unión Europea-Galicia
Os mais baixos en morosidade
O conselleiro de Economía e Facenda,
José Fernández Antonio, declarou que o sistema financeiro galego posúe o nivel máis
baixo de morosidade no entorno europeo, cun índice de 0,6%, fronte ao 5,6% de Italia, o 4% de Alemaña
e o 3,2% de Francia. (Fonte: El Correo Gallego).
|
| 07/11/2007 |
|
Pesca
Os riscos do libre comercio
Segundo explicou Juan Manuel Vieites,
director xeral da Asociación Nacional de Fabricantes de Conservas (ANFACO), a liberalización comercial
que están levando a cabo a UE e a Organización Mundial do Comercio (OMC) para os próximos
anos, permitirá a entrada de produtos asiáticos a baixo custe que afectará ao sector conserveiro
galego. Vieites afirmou que dentro da UE existen posicións encontradas sobre as vantaxes da liberalización.
As empresas conserveiras galegas investiron 300 millóns de euros en África e América Latina. (Fonte: El Correo Gallego).
Emigración
Na busca das raíces galegas
Marcelo Amor, un galego emigrante na Arxentina,
está realizando unha investigación sobre a historia da súa familia, que se remonta á
emigración de finais do século XIX, contando coa colaboración do concello de Lalín.
Paralelamente, o concello da Estrada adiante desde 1999 un Servizo de Atención ao Emigrante que permite
a identificación dos antepasados de emigrantes galegos, como no caso de Marcelo Amor. (Fonte: El Correo Gallego).
Galicia
Camerún, rival da selección
galega
Finalmente, será a representación
africana de Camerún o rival da selección galega de fútbol, en encontro a celebrarse o 27 de
decembro no estadio de Balaídos en Vigo, asegurándose a participación de xogadores cameruneses
da Liga Española como Samuel Eto´o, Kameni e Wobe. Será o terceiro partido internacional da
selección galega, tras Uruguai no 2005 e Ecuador no 2006.
(Fonte: La Voz de Galicia).
Galicia
Entrada do narcotráfico
A Fundación Galega contra o Narcotráfico
informou que Galicia e Portugal seguen a ser a porta de entrada da droga a Europa, incluíndo un novo tipo
de estupefaciente, a “droga negra”, proveniente de América do Sur. (Fonte: La Voz de Galicia).
Inmigración
Integración feminina
A ONG coruñesa “Ecos do Sur” presentou
o seu Plan Afrodita destinado a desenvolver ata o próximo 31 de decembro un programa de integración
laboral e social das mulleres inmigrantes, tales como acollida, acompañamento social, asesoramento xurídico,
atención socio-sanitaria e formación laboral.
(Fonte: La Voz de Galicia).
Cuba
Piden axuda regular aos barcaleses
Trala súa estadía na illa
caribeña, o alcalde de Negreira, Juan García Fuentes (PSOE) destacou a importancia de manter unha
estreita colaboración cos descendentes de emigrantes barcaleses mediante o envío regular de axuda
humanitaria, fundamentalmente medicamentos, que escasean en Cuba. Do mesmo xeito, asegurou comprometer unha partida
anual de 1.500 euros para a centenaria Unión Barcalesa de La Habana. (Fonte: La Voz de Galicia).
|
| 06/11/2007 |
|
Galicia
Alianza europea dos pobos
A rede “Alianza Europea pola autodeterminación
dos Pobos”, conformada por representantes de Alemaña, Flandres, Irlanda, Escocia, Italia, Andalucía,
Dinamarca, Córsega, os Països Catalans, Euskadi e Galiza, reuníronse en Euskadi para organizar
a primeira asemblea desta rede. (Fonte:
www.vieiros.com).
México
Liberado galego secuestrado
O empresario de orixe ourensá Edelmiro
Manuel Pérez Merelles foi liberado en Cidade de México. Segundo o embaixador español en México,
Carmelo Angulo, e o presidente da Xunta, Emilio Pérez Touriño, o empresario galego atópase
en bo estado de saúde. (Fonte: La
Voz de Galicia).
Solidariedade
Desenvolvemento en Nicaragua
A ONG “Amigos da Terra” presentou en Ourense
os resultados do seu proxecto de desenvolvemento económico sostible no concello nicaragüense de Villa
El Carmen no 2006. Esta ONG buscou alternativas á produción de carbón vexetal da que vive
a maior parte desa poboación, impulsando a creación dunha microempresa que ofrece servizos ambientais. (Fonte: La Voz de Galicia).
|
| 05/11/2007 |
|
Galicia
Aula iberoamericana de dereito
A Aula Iberoamericana do Poder Xudicial
2007 foi inaugurada en A Coruña , dedicada á Especialización Xudicial, Xurisdición
Social e Novo Dereito do Traballo, nunha iniciativa na que colabora a Xunta, a Fundación Caixa Galicia e
a Deputación de A Coruña.
(Fonte: El Correo Gallego).
Diáspora Galicia
Núñez Feijóo en
Londres
O presidente do PPdeG, Alberto Núñez
Feijóo, desprazouse a Londres, para reunirse con empresarios galegos; visitar o Centro galego nesta cidade
e entregar arredor de 150 carnets do PP a galegos residentes no Reino Unido. Nesta visita, Núñez
Feijóo denunciou que "non se lle permitiu a visita ao Club de xubilados español, centro cofinanciado
polo goberno central e no que estivo, non hai moito tempo, o ministro Caldera". En Inglaterra viven arredor
de 15.000 galegos, o que supón máis do 20% da poboación española residentes neste país. (Fonte: www.xornal.com).
Unión Europea-Pesca
Vigo reuniu a comité europeo
Unha conferencia de pesca do Comité
Social e Económico da UE reuniuse en Vigo, con medio cento de funcionarios que abordaron asuntos de Política
Pesqueira Común e desenvolvemento dos orzamentos 2007-2013.
(Fonte: La Voz de Galicia).
|
| 04/11/2007 |
|
Galicia
Visita de técnicos de Cabo Verde
O director rexional de Sotavento do Instituto
de Desenvolvemento de Pescas, Alcides Sánchez, e o técnico Manuel Andrade, foron recibidos en Burela
para coñecer experiencias e proxectos ligados ao sector pesqueiro. (Fonte: La Voz de Galicia).
|
| 03/11/2007 |
|
Inmigración
Tolerancia dende a escola
No marco do II Simposio sobre “Escolarización
do Alumno Inmigrante, Emigrante e Retornado”, o secretario xeral de Emigración, Manuel Luís Rodríguez,
defendeu á escola como vehículo para fomentar os valores de tolerancia necesarios para propiciar
a diversidade e a riqueza cultural. Rodríguez explicou como estes preceptos están contidos no Plan
Galego de Inmigración, a ser aprobado polo Consello da Xunta.
(Fonte: El Correo Gallego).
México
Abrirán voos de baixo custe
Os aeroportos galegos de Peinador e Lavacolla
se disputarán a preferencia para ser a referencia dos voos de baixo custe da firma mexicana Avolar, trala
presentación do seu proxecto ás autoridades galegas na busca de apoio oficial. (Fonte: La Voz de Galicia).
|
| 02/11/2007 |
|
México
Secuestran a empresario ourensán
Edelmiro Manuel Pérez Merelles,
de 46 anos, natural do concello ourensán de Avión, empresario de estacións de gasolina en
México, foi secuestrado na localidade de México D. F o pasado 22 de outubro. No rapto foi asasinado
o seu chofer, ao amosar resistencia. (Fonte:
El Correo Gallego).
Educación
Prácticas en 19 países
Co apoio da consellería de Educación,
un total de 1.900 alumnos e profesores de Formación Profesional (FP) poderán realizar estancias e
intercambios de aprendizaxe de idiomas en Portugal, Suíza, Francia, Irlanda, Italia, Romanía, Alemaña,
India, Xordania, Turquía, Xapón, Canadá, EEUU, Finlandia, Estonia, Malta, Reino Unido, China
e Dinamarca. O orzamento destinado é de 270.000 euros e tamén espérase a inclusión
do programa europeo Erasmus para estudantes de FP.
(Fonte: El Correo Gallego).
Arxentina
Primeira misión da Delegación
da Xunta
A delegada da Xunta en Bos Aires, María
Xosé Porteiro, recibiu ao alcalde de Lugo, Xosé Clemente López Orozco, no marco dunha misión
comercial pola capital arxentina e a cidade de Rosario, que supón o evento de apertura da Delegación
Exterior da Xunta. Porteiro reafirmou a vontade da Xunta de intensificar as relacións institucionais, comerciais
e culturais entre Galicia, Arxentina e Uruguai.
(Fonte: El Correo Gallego).
Cuba
Vicepresidente visita a delegación
barcalesa
O vicepresidente da República de
Cuba, José Ramón Fernández, de 83 anos, acudiu ao Hotel Plaza de La Habana, para visitar á
delegación de Negreira, A Baña e Val do Dubra, de visita na illa caribeña con motivo do aniversario
da Unión Barcalesa. Fernández agradeceu a axuda galega cara o pobo cubano mentres asegurou que o
“comandante Fidel Castro está recuperándose”, aínda que “será sometido a outra operación
cirúrxica”. (Fonte: El Correo Gallego).
Galicia
“Olympus” entra no Guinness
A orquestra de Negreira “Olympus” estableceu
un récord que lle permitirá acceder ao Libro Guinness tras tocar consecutivamente durante 24 horas
nas festas de Negreira, con 560 cancións do seu repertorio.
(Fonte: El Correo Gallego).
|
| 01/11/2007 |
|
Galicia
Residencia de xubilación
Son cada vez máis os estranxeiros,
principalmente do norte de Europa, que elixen a Galicia como residencia de descanso e xubilación, especialmente
nas Rías Baixas. Un clima benévolo, a gastronomía, a súa xente e a calidade das construcións
son os factores mais apetecidos, o cal propicia a creación de inmobiliarias dedicadas exclusivamente a este
tipo de clientes. (Fonte: La Voz de Galicia).
Diáspora
Voto emigrante para o 2009
O PSOE, BNG e PPdG expresaron no Parlamento
galego a súa disposición para formular conxuntamente unha reforma legal que posibilite que os emigrantes
poidan votar en urna nas próximas eleccións autonómicas, previstas para o 2009. Esta reunión
foi convocada polo conselleiro da Presidencia, Xosé Luís Méndez, comisionado polo presidente
Touriño para buscar o consenso sobre este asunto.
(Fonte: El Correo Gallego).
Xacobeo
Interese xaponés
Unha delegación do Camiño
xaponés de Kumano, ruta de peregrinación irmanada coa de Santiago, visitará Galicia a comezos
de novembro para intercambiar experiencias sobre turismo, estudar accións de cooperación e para coñecer
cómo se solucionaron os problemas idiomáticos nas zonas rurais. (Fonte: El Correo Gallego).
|
