|
 |
| 30/09/2007 |
|
Galicia
400 alumnos estranxeiros na UDC
A Universidade de A Coruña recibirá
no curso 2007-2008 a 400 alumnos estranxeiros, segundo cifras do seu departamento de Relacións Internacionais,
por 335 do curso anterior. A gran maioría destes alumnos proceden do programa Erasmus. (Fonte: La Voz de Galicia).
Economía
As claves do empresario galego
O profesor de Dirección Estratéxica
no Instituto de Empresas, Pascual Montañés, destacou a “axilidade e flexibilidade” do empresariado
galego como ferramentas para propiciar diferentes estratexias de internacionalización da empresa galega. (Fonte: El Correo Gallego).
Cabo Verde
Protagonista de Galeguia
Cabo Verde será no 2007 o protagonista
das xornadas Galeguia, organizadas pola Fundación Via Galego para achegar cada ano ao público de
Galicia un país de fala galego-portuguesa. O turismo, a pesca e a cultura serán os eixos temáticos
sobre os que xirarán as actividades preparadas para esta primeira edición de Galeguia, que se celebrará
en outubro, nas cidades de Santiago, A Coruña e Vigo. A información foi subministrada por Susana
Romero, vicepresidenta da Fundación Via Galego, o escritor Xavier Alcalá, patrón da mesma,
e Ângelo Gonçalves, director de actividades.
(Fonte: Galiza Nación).
|
| 29/09/2007 |
|
Galicia
Alumnos de Asia Central
O novo curso universitario da USC contará
por vez primeira con tres alumnos da república centroasiática ex soviética de Kirguizistán,
Tadxiquistán e Uzbequistán, no marco do programa “Erasmus Mundus External Cooperation Window”, impulsado
pola Comisión Europea. Un total de doce alumnos destes tres países estudarán no curso 2007-2008,
que se engadirán aos 1.700 alumnos de Asia, Australia, Oriente Medio, África, América Latina
e Europa, como parte dos intercambios universitarios con que conta a USC no exterior. (Fonte: El Correo Gallego).
Galicia
Adopcións caninas dende Holanda
A ONG holandesa “SOS Strays” adoptou cinco
cans do refuxio santiagués de Bando, nun intento por ampliar as vías de colaboración con outras
asociacións defensoras de animais na UE.
(Fonte: El Correo Gallego).
Unión Europea-Galicia
Pedirán aumento da cota láctea
O conselleiro de Medio Rural, Alfredo
Suárez Canal, anunciou que a Xunta pedirá a Bruxelas un aumento da cota láctea a partir do
2008, para corrixir o déficit de produción galega. A Xunta demanda que a UE revise o actual sistema
e que prime a función social das explotacións.
(Fonte: La Voz de Galicia).
Economía
Urbanización en Dubai
O estudo de arquitectura e urbanismo A-Cero
de A Coruña resultou gañador dun concurso internacional de ideas para a construción dunha
urbanización residencial de luxo en Madinat Al Araba, na costa de Dubai, incluíndo a construción
de dúas torres de cincuenta plantas.
(Fonte: La Voz de Galicia).
|
| 28/09/2007 |
|
Venezuela
Farruco Sesto en Galicia
O ministro do Poder Popular para a Cultura
da República Bolivariana de Venezuela, Francisco “Farruco” Sesto Novás, estivo de visita en Galicia,
para participar nos V Encontros “América Latina e o futuro” da Fundación Carlos Casares en Mondariz-Balneario,
así como para entrevistarse en Santiago coa conselleira de Cultura e Deporte, Ánxela Bugallo. (Fonte: www.vieiros.com).
Eixo Atlántico
Cátedra da Eurorrexión
O reitor da Universidade de Vigo, Alberto
Gago, e o director de Caixanova, Julio Fernández Gayoso, presentaron a cátedra da eurorrexión,
un proxecto que espera contar co apoio do Parlamento galego para crear un programa oficial de posgrao de políticas
comunitarias e cooperación territorial.
(Fonte: El Correo Gallego).
Cultura
Narf triúnfa en Inglaterra
O cantautor galego Narf presentou a súa
música en Newcastle, Londres e Brighton, con interesantes actuacións que amosaron a súa nova
produción musical. (Fonte: www.vieiros.com).
Emigración
Novo director en Galicia Emigración
A xerencia da Fundación Galicia
Emigración terá novo responsable, a partir de outubro. Será Juan Carlos Pérez Santiago,
de 42 anos, licenciado en Ciencias da Educación pola UNED. A súa carreira profesional tense desenvolvido
no ámbito dos servizos sociais, acreditando unha dilatada experiencia en distintos postos de responsabilidade
en Cruz Vermella Española. (Fonte:
www.xornal.com).
Unión Europea-Galicia
Marín recibirá Fondos Feder
A Autoridade Portuaria de Marín
contará para o período 2007-2001 co maior presuposto da súa historia, 48 millóns de
euros, en gran medida grazas á achega dos Fondos Feder da UE, cun incremento do 50% das subvencións
comunitarias, para acometer obras de ampliación do porto.
(Fonte: La Voz de Galicia).
EEUU
Villares ditará conferencia en
Nova York
O catedrático de Historia Contemporánea
da USC e presidente do Consello da Cultura Galega (CCG), Ramón Villares, pronunciará na universidade
de Nova York unha conferencia sobre “A Galicia de Emilio González López (1903-1936)”, figura da Segunda
República e exiliado en EEUU a partir de 1939, país onde desenvolveu unha importante labor docente
e investigadora. (Fonte: La Voz de Galicia).
Galicia
Filosofía tibetana en Milladoiro
O concello de Ames recibiu ao director
espiritual Lama Gueshe Tenzing Tamding, quen impartirá conferencias sobre filosofía tibetana. Discípulo
do Dalai Lama, Tamding foi director de centros budistas en Xapón, Singapur, Taiwán, EEUU e España. (Fonte: La Voz de Galicia).
|
| 27/09/2007 |
|
Inmigrantes
Camariñas ofrece apoio escolar
O departamento de Servizos Sociais do
concello de Camariñas creará un programa de apoio escolar para nenos inmigrantes e emigrantes retornados,
así como outras actividades culturais, dirixidos a fortalecer a integración social destes colectivos. (Fonte: El Correo Gallego).
Galicia
A necesidade de “aprender China”
O ex cónsul de España en
Shanghai, o vigués Alejandro Alvargonzález, ofreceu a conferencia “Aprender China” na sede da Confederación
de Empresarios de Galicia (CEG) en Santiago, na que avogou por crear un “lobby” empresarial e político español
e galego neste país asiático, especialmente destinado á ensinanza da lingua e a cultura chinesas
como factor de comprensión do mercado deste país.
(Fonte: El Correo Gallego).
Galicia
Rede lusófona de mulleres
A secretaria xeral de Igualdade, Carme
Adán, reuniuse en Santiago con 15 mulleres con responsabilidades de goberno, investigadoras e activistas
no eido medioambiental da área lusófona, especificamente de Brasil, Mozambique, Cabo Verde e Portugal,
coas que debateu a posta en marcha dunha Rede de Mulleres na Lusofonía. A Rede tería por obxecto
intercambiar experiencias sobre o empoderamento das mulleres, a súa contribución no eido medioambiental
e avaliar o alcance do mainstreaming nas políticas públicas. (Fonte: Galiza Nación).
Unión Europea-Galicia
O galego aínda non é oficial
O BNG denunciou no Parlamento europeo
que a lingua galega aínda non é oficial xa que nesta institución comunitaria se impide que
as linguas galega, basca e catalá poidan ser usadas polos eurodeputados e eurodeputadas de Galicia, Euskadi
e Cataluña, amparándose na cooficialidade das nosas linguas nos respectivos países. Esta reivindicación,
defendida polo BNG dende 1999 coa súa entrada na Eurocámara, vese apoiada pola coalición Galeuscat. (Fonte: www.xornal.com).
Unión Europea-Galicia
Fondos FEDER para o porto ferrolán
A Unión Europea destinará
nove millóns de euros máis do previsto inicialmente para financiar con fondos FEDER as obras de ampliación
do porto exterior de Ferrol en Cabo Prioriño, tal e como explicou o seu presidente, Amable Dopico. (Fonte: La Voz de Galicia).
Uruguai
Galicia participa na Feira do Libro de
Montevideo
A Consellería de Cultura da Xunta
e o Padroado da Cultura Galega participarán en Montevideo por vez primeira en representación de Galicia
na 30 edición da Feira Internacional do Libro de Uruguai a comezos de outubro. Galicia será o único
país non americano con stand propio, onde se presentarán as últimas obras editoriais galegas,
realizándose unha lectura pública das obras de Castelao.
(Fonte: Galicia Hoxe).
|
| 26/09/2007 |
|
Galicia
América Latina e o futuro
A Fundación Carlos Casares celebrou
en Mondariz os seus V Encontros no que se debateu o tema “América Latina e o futuro”. Nestes encontros participaron
o ministro de Cultura de Venezuela, Francisco “Farruco” Sesto, a investigadora chiapaneca Araceli Burguete Cal
y Mayor, os politólogos galegos Carlos Taibo e Ramón Maiz, o investigador Carlos Malamud, o analista
do IGADI Roberto Mansilla Blanco e o politólogo arxentino Marcelo Cavarrozi Mouriño. (Fonte: www.igadi.org).
Venezuela
Técnico galego en Cooperación
A directora xeral de Cooperación
Exterior, Fabiola Sotelo, reuniuse con representantes das Comunidades Galegas en Venezuela, na sede da Irmandade
Galega en Caracas, onde anunciou os proxectos de cooperación dende Galicia para países de renda media
como Venezuela, Uruguai e Arxentina, previstos no I Plan Director de Cooperación Galega 2006-2009. Neste
sentido, Sotelo anunciou a contratación dun técnico que traballará na Oficina da Axencia Española
de Cooperación Internacional en Caracas, que estará ao servizo da Cooperación Galega. (Fonte: www.xornal.com).
Portugal
Cuestionan o AVE Vigo-Porto
A secretaria de Estado de Transportes
de Portugal, Ana Paula Vitorino, realizou no parlamento portugués un chamamento ás forzas políticas
e sociais do seu país para que acepten reducir o nivel de esixencia respecto ás prestacións
do AVE que unirá a Porto con Vigo, para que finalmente se realice a 250 km/h e combinado coa utilización
de pasaxeiros e mercancías, por considerar que sería mais beneficioso financeiramente, e non a 350
km/h como estaba contemplado. (Fonte: La
Voz de Galicia).
Cultura
Sinfónica galega a América
do Sur
A xira sudamericana da Orquestra Sinfónica
de Galicia (OSG) incluirá Arxentina, Brasil, Uruguai e Chile, e realizará un concerto na maior favela
da cidade brasileira de Heliópolis.
(Fonte: El Correo Gallego).
|
| 25/09/2007 |
|
Galicia
O galego para os estudantes estranxeiros
Alumnos galegos axudarán aos estudantes
estranxeiros dos distintos programas de intercambio nos que participa a USC (Erasmus, Séneca, intercambios
bilaterais...) a integrarse na lingua e cultura galegas, grazas ao Programa de Acompañamento de Estudantes
(PAE), como parte dunha iniciativa da Mesa pola Normalización Lingüística. (Fonte: www.xornal.com).
Galicia
Santiago, referencia chinesa
Once xornalistas da China International
Radio visitaron a capita galega para reunirse co concelleiro de Promoción Económica, Emprego, Comercio
e Turismo, Xosé Manuel Iglesias, e coñecer a política turística santiaguesa. Os xornalistas
confirmaron que Compostela é un dos destinos máis atractivos do mercado español para China. (Fonte: La Voz de Galicia).
Portugal
Imposto afecta a profesionais galegos
O novo imposto de matriculación
portugués que entrou en vigor en xullo pasado que obriga a todas as persoas que traballan nese país
a circular cos seus automóbiles con placas portuguesas, con sancións entre 300 e 400 euros, afectou
a uns trinta vehículos de profesionais galegos da medicina que cruzan a fronteira diariamente con placas
españolas, multados pola Brigada Fiscal da Garda Nacional Republicana portuguesa. A denuncia foi realizada
pola Asociación de Profesionais Españois da Saúde en Portugal (APSEP), presidida polo galego
Xoán Xosé Gómez. (Fonte:
La Voz de Galicia).
|
| 24/09/2007 |
|
Arxentina
Unha directora para a primeira delegación
da Xunta
A deputada socialista viguesa María
Xosé Porteiro será encargada de dirixir a nova delegación da Xunta na Arxentina, que comezará
a funcionar o próximo 5 de outubro. Porteiro será designada delegada no próximo Consello da
Xunta e terá un rango similar ao de subdirectora xeral, dependente da secretaría xeral de Relacións
Exteriores que ocupará Julio Fernández Mato a partir do 1 de outubro. O seu nomeamento provocou protestas
no PPdG, por parte do seu voceiro de Emigración, José Manuel Castelao Bragaña, por considerar
que constitúe “un novo paso do Executivo galego para tratar de manipular á emigración galega
en busca de réditos políticos”.
(Fonte: La Voz de Galicia e www.xornal.com).
Siria
Equipo galego descobre civilización
antiga
O Equipo do Proxecto Arqueolóxico
Medio Éufrates Sirio (PAMES) impulsado pola Universidade de A Coruña, descubriu o xacemento Tall
Humeida neste país árabe, cun asentamento que data de 4.500 anos antes de Cristo, pertencente á
civilización de Obeid. Este descubrimento está preto do asentamento urbano da civilización
mesopotámica Uruk, de 3.500 anos a.d.C, descuberto por este mesmo equipo galego no 2006. (Fonte: La Voz de Galicia).
Galicia
I Congreso lusófono de educación
ambiental
Santiago acolleu a máis de 400
expertos de Angola, Guinea Bissau, Mozambique, Brasil, Timor Leste, Santo Tomé e Príncipe, Cabo Verde
e Portugal que participaron no I Congreso Internacional de Educación Ambiental dos Países Lusófonos
e Galicia, co obxectivo de sentar as bases dunha cooperación internacional en áreas como o turismo,
o cambio climático, a xestión ambiental municipal ou a conservación da biodiversidade. (Fonte: Galiza Nación).
|
| 23/09/2007 |
|
Galicia
Irmanamento entre Monforte e Nápoles
O concello de Monforte de Lemos iniciou
os trámites para levar a cabo o seu irmanamento coa localidade de Cabe, pertencente á cidade italiana
de Nápoles.
O rexedor do BNG, Severino Rodríguez, considerou que entre Monforte e Nápoles existen vínculos
culturais desde o século XVII. Monforte só tiña un irmanamento coa localidade de Mhabes, localizada
no campo de refuxiados saharauís de Tinduf (Alxeria).
(Fonte: El Correo Gallego).
Galicia
Galicia, referente mundial na xenómica
Con dez anos de funcionamento, a Fundación
Pública Galega de Xenómica, dependente da Consellería de Sanidade, converteuse nun centro
mundial de referencia para a detección de enfermidades de base xenética, con 250 tipos de patoloxías.
Os principais interesados en seguir os coñecementos deste centro son hospitais de países europeos,
EEUU e Australia. (Fonte: La Voz de Galicia).
|
| 22/09/2007 |
|
Galicia
Xaponés gaña premio compostelán
O escritor Kazuo Ishiguro visitará
Compostela para recibir o premio Novela Europea “Casino de Santiago”, pola súa obra “Nunca me abandones”,
que será traducida ao galego. Ishiguro recibirá o premio nun acto que contará coa participación
do edil de Cultura do concello santiagués, Néstor Rego, o director da editorial Galaxia, Víctor
Freixanes, e a directiva do Casino. (Fonte:
El Correo Gallego).
Galicia
Visita escolar a Irlanda
Un total de 26 alumnos do instituto “Rosalía
de Castro” de Santiago estarán en Irlanda durante tres semanas para propiciar un maior coñecemento
da lingua inglesa, experiencia que espera repetirse con institutos de Francia e Alemaña. (Fonte: El Correo Gallego).
Fondo Galego de Cooperación
Noia coa paz mundial
O concello de Noia celebrou o Día
Mundial da Paz cunha serie de actos que contou coa presentación da exposición “A Paz, cuestión
de fondo”, organizada polo Fondo Galego de Cooperación e Solidariedade. (Fonte: El Correo Gallego).
|
| 21/09/2007 |
|
Diáspora
Estudo para o voto en urna
O presidente da Xunta, Emilio Pérez
Touriño, anunciou que se presentará ante o Consello da Cidadanía Española no Exterior
un estudo técnico e lexislativo para iniciar a reforma que permitirá implantar definitivamente o
voto de urna no exterior. Touriño tamén anunciou a presentación dos proxectos de Lei de Galeguidade
e da creación dun Consello da Galicia Exterior.
(Fonte: El Correo Gallego).
Diáspora
Emigrantes piden voto en urna
Ramiro Vieito, do Centro Galego de Nüremberg
(Alemaña) e Luis Couto, da Hermandad Gallega de Venezuela, compareceron ante a Comisión parlamentaria
de Emigración, para reivindicar a implantación do sistema de voto en urna nos consulados, tal e como
prometera o goberno estatal. (Fonte: La
Voz de Galicia).
Unión Europea-Galicia
“Europa é o camiño empresarial
galego”
O secretario xeral de Relacións
Exteriores da Xunta, Santiago Gómez-Reino, rexeitou o hipotético cambio de estratexia de acción
exterior cara América Latina, explicando que “os intereses empresariais galegos están en Europa,
en Portugal, no resto de España e no marco económico da UE”, explicando que no 2006, apenas un 3%
das exportacións galegas foron a América Latina. Gómez-Reino, quen deixará o seu cargo
a finais de setembro, será substituído por Julio Fernández Mato, diplomático que exercía
na embaixada española en Brasil.
(Fonte: El Correo Gallego).
Marítima
Navantia amplía mercados
Tras subscribir un convenio con Australia,
considerado o pedido máis grande na historia dos estaleiros públicos militares en España,
a empresa Navantia e a súa factoría en Ferrol orientan a súa expansión exterior con
novos contratos cara países como África do Sur, Grecia, Malaisia e Turquía. (Fonte: La Voz de Galicia).
Palestina
Noia recibiu a delegado da OLP
O grupo comarcal do BNG en Noia organizou
unha charla-coloquio na que participou un representante da Organización para a Liberación de Palestina
(OLP), Mohammed Safa, para explicar a situación actual do pobo palestino. (Fonte: El Correo Gallego).
China
Irmanamento entre murallas
O próximo 6 de outubro, Lugo celebrará
o “Día de China”, dentro dun irmanamento simbólico entre a muralla romana lucense e a Muralla chinesa,
a través da localidade de Qinhuangdao. O embaixador chinés en España, Qiu Xiaoqi, e o seu
conselleiro cultural, Zhuang Lixiao, certificarán o irmanamento coa súa presenza. (Fonte: El Correo Gallego).
Galicia
En chinés e xaponés
A Escola Oficial de Idiomas de Vigo ampliou
a súa oferta de idiomas coa implantación do chinés e xaponés, que se engade ao alemán,
árabe, francés, inglés, italiano, portugués, ruso, galego e español como linguas
estranxeiras. (Fonte: La Voz de Galicia).
|
| 20/09/2007 |
|
Unión Europea-Galicia
Autorizan comercialización de
Yondelis
A Comisión Europea decidiu outorgar
a autorización para que PharmaMar, biofarmacéutica do Grupo Zeltia, poida comercializar nos 27 países
da UE, o fármaco Yondelis para o tratamento do sarcoma nos tecidos brandos. Esta autorización chega
dous meses despois da súa aprobación polo comité da Axencia Europea do Medicamento (EMEA)
e o comezo da súa comercialización en Reino Unido e Alemaña. (Fonte: www.xornal.com).
Galicia
A USC impulsa a cooperación internacional
O Grupo Compostela de Universidades celebrou
unha asemblea xeral na que se aprobou a colaboración en cooperación, mobilidade e proxectos conxuntos
entre as 24 universidades estranxeiras que pertencen a esta entidade. Nesta asemblea deuse o traspaso de poder
do actual presidente Michael Cooper a favor de Maurits van Rooijen, da universidade de Westminster. (Fonte: El Correo Gallego).
Cooperación
Financiamento para proxectos no exterior
A Dirección Xeral de Cooperación
Exterior adxudicou 5.170.454 euros ao financiamento de 83 proxectos de cooperación no exterior e de sensibilización
e fortalecemento, cun incremento do 20% con respecto ao 2006. O obxectivo destas axudas, que beneficiarán
de forma directa e indirecta a máis dun millón de persoas, é contribuír ao desenvolvemento
integral e a mellora das condicións de vida de distintos países de África, Centroamérica
e América do Sur. Neste sentido, a Directora Xeral de Cooperación Exterior, Fabiola Sotelo, reuniuse
coa presidenta da organización Movimiento por la Paz, Francisca Sauquillo, para estudar a posibilidade de
abrir novas vías de cooperación, principalmente en Cuba e Senegal. (Fonte: www.xornal.com).
Inmigración
Pontevedra lidera os alumnos estranxeiros
A provincia de Pontevedra encabeza a lista
de escolares inmigrantes en Galicia, con 41% do seu alumnado, segundo o informe sobre o estado do sistema educativo
en Galicia presentado en Santiago pola vicepresidente do Consello Escolar, Milagros Blanco Pardo. Vigo é
a cidade galega con maiores inmigrantes nas súas escolas, con 1.206 rapaces, seguida de Pontevedra (410),
Vilagarcia de Arousa (188), e Marín, Redondela, O Porriño e Tui, cun centenar. A maioría dos
inmigrantes proceden de Colombia (1.230), Arxentina (1.118), Uruguai, Venezuela e Brasil, así como de países
europeos como Portugal e Suíza, Marrocos e outros países africanos e China. (Fonte: La Voz de Galicia).
Uruguai
Galicia na feira internacional do Libro
Entre finais de setembro e comezos de
outubro se celebrará en Montevideo a trixésima edición da Feira Internacional do Libro de
Uruguai, na que Galicia será o único país non americano, xunto a Rusia, que disporá
dun espazo propio para a súa produción editorial.
(Fonte: Galiza Nación).
|
| 19/09/2007 |
|
Nicaragua
“Día Solidario” de Fenosa
A empresa eléctrica de capital
galego Fenosa anunciou unha convocatoria de subvencións a asociacións, entidades e institucións
educativas, denominada “Día Solidario”, para realizar proxectos sociais e educativos en Nicaragua en 2008.
O límite do fondo destinado será de 300.000 dólares. (Fonte: www.xornal.com).
México
Expourense na feira de Guadalajara
A entidade turística ourensán
presentou no marco da Feira Internacional Gastronómica de Guadalajara, no estado de Jalisco, México,
a novena edición de “Xantar. Salón de Gastronomía e Turismo”, que se celebrará entre
febreiro e marzo de 2008. O director de Xantar, Alejandro Rubín, e o xefe de prensa de Turgalicia, Xosé
Manuel Merelles, realizaron o acto de presentación.
(Fonte: La Voz de Galicia).
Alemaña
Galicia no festival Popkomm
Cinco grupos e sete empresas do sector
musical galego se presentarán a finais de setembro no festival Popkomm de Berlín, baixo a marca “Galician
Tunes”, promovida pola Consellería de Cultura e o Instituto Galego de Artes Escénicas e Musicais
(IGAEM). Os grupos que actuarán son Catpeople, Lamatumbá, Faltriqueira, Berrogüeto e Delux,
mentres as sete empresas que buscarán contactos musicais son A Fábrica de Chocolate, Abada, Berrogüetto
Producións, Falcatruada, Kamikaze, Nordesía, Promocións Sen Fronteiras e Zouma. (Fonte: Galiza Nación).
Uruguai
Touriño reunirase con Tabaré
O presidente da Xunta, Emilio Pérez
Touriño, foi invitado a unha recepción no Palacio Real de Madrid, en honor ao presidente uruguaio
Tabaré Vázquez, de visita en España. Tabaré iniciou unha visita para tratar asuntos
como as relacións bilaterais e as negociacións sobre o acordo de libre comercio entre a Unión
Europea e o MERCOSUR. (Fonte: El Correo
Gallego).
Suíza
Caixanova abre sede para a diáspora
O presidente de Caixanova, Julio Fernández
Gayoso, inaugurou unha nova sede da entidade financeira galega en Xenebra, no mesmo edificio onde funciona o Consello
de Europa e a chancelería do Estado de Xenebra. Esta sede estará orientada a ofrecer os seus servizos
á diáspora galega no país helvético. Caixanova xa conta cunha oficina en Zürich,
e os seus clientes neste país ascenden a máis de 4.000 persoas, un 40% do total dos clientes que
posúe en Europa. (Fonte: El Correo
Gallego).
|
| 18/09/2007 |
|
Economía
Impulso económico galego
O conselleiro de Economía e Facenda
e presidente do Instituto Galego de Promoción Económica (IGAPE), José Ramón Fernández
Antonio, salientou o importante nivel de internacionalización da economía galega, a quinta máis
exportadora a nivel estatal, cun peso do 9,3% do comercio exterior español. No primeiro semestre de 2007,
as exportacións galegas creceron un 20%, ao tempo que anunciou a participación galega nas feiras
de Sial China (Shanghai), BioBoston (Estados Unidos) e Enerxías Renovables (Alemaña), como parte
do proceso de internacionalización da empresa galega.
(Fonte: www.xornal.com).
Marítima
Listos contratos con Australia
O goberno australiano anunciou a súa
disposición de asinar dous contratos coa empresa Navantia para o deseño e construción nos
estaleiros de Ferrol de dous Buques de Proxección Estratéxica e tres fragatas F-100. Ambos pedidos
supoñen investimentos por valor de 1.200 millóns de euros, o maior encargo realizado nos estaleiros
militares españois. (Fonte: La Voz
de Galicia).
|
| 17/09/2007 |
|
República Dominicana
Un galego impulsa a zona franca dominicana
O empresario galego Mario Pérez,
presidente do Australia Investment Group e embaixador honorífico do goberno dominicano, impulsa un proxecto
industrial na bahía de Ocoa, provincia de Azua de Compostela, a cen km. da capital Santo Domingo. Nesta
zona de 20 millóns de m2 se construirá para o 2008 un novo porto comercial e unha zoa franca, que
permitirá a creación de 30.000 empregos e fará de Azua de Compostela un importante centro
comercial cara os mercados de EEUU, América Central, o Caribe, Taiwán e Europa. Pérez declarou
a súa intención de facer de Galicia unha porta de entrada comercial para Europa, República
Dominicana e EEUU, mentres activa unha serie de convenios coa USC e outras universidades para a capacitación
profesional da poboación local. (Fonte:
El Correo Gallego).
Portugal
Galicia no cumio da mocidade
O director xeral de Xuventude e Solidariedade,
Rubén Cela, participou en Lisboa no SPOT, Feira da Xuventude, ao abeiro do Cumio da Xuventude organizado
en Portugal, en calidade de presidente da Comisión Europea. Arroupados por máis dun milleiro de mozos
e mozas de varios países europeos, os 27 directores de Xuventude de varios países trataron da importancia
de potenciar o voluntariado por parte da mocidade europea.
(Fonte: www.xornal.com).
Deporte-China
Gómez Noia asegura o campionato
O vixente campión da Copa do Mundo
de tríatlon, o galego Javier Gómez Noia, revalidou o seu título ao vencer na proba celebrada
no circuíto olímpico de Beijing, proba na que outro talento galego do tríatlon, Iván
Raña, chegou en sexto lugar. (Fonte:
Galiza Nación).
|
| 16/09/2007 |
|
Portugal
Irmanamento con Negreira
Unha delegación oficial da localidade
portuguesa de Serzedo visitou esta vila coruñesa, coa finalidade de concretar un proceso de irmanamento
conxunto e visitar a rúa que se dedicará a Serzedo na vila galega. (Fonte: El Correo Gallego).
|
| 15/09/2007 |
|
Inmigración
Aumenta o alumnado estranxeiro
Segundo a consellería de Educación,
o inicio do ano escolar 2007-2008 en Galicia rexistrou un 11% de alumnado inmigrante, en total 11.685 alumnos,
dos cales 6.500 mozos se incorporan á educación infantil e primaria. Pola orde de procedencia, América
Latina ocupa o primeiro lugar, con pouco máis de cinco mil alumnos, seguido da Unión Europea e África. (Fonte: La Voz de Galicia).
|
| 14/09/2007 |
|
Xapón
Galicia na feira turística de
Toquio
O conselleiro de Innovación e Industria,
Fernando Blanco, acompañado do director xeral de Turismo, Rubén Lois, e do xerente da SA de Xestión
do Plan Xacobeo, visitaron a Feira Internacional do Turismo de JATA, a principal feira turística do Xapón,
organizada pola Japan Association of Travel Agents. Galicia presentouse cunha oferta individualizada, dentro do
recinto reservado de Turespaña, con dous stands que informaron integramente sobre o Camiño de Santiago
e a súa oferta turística asociada.
(Fonte: www.xornal.com).
Unión Europea-Galicia
Comisión para vixiar os fondos
O Consello da Xunta aprobou a creación
dunha Comisión de Coordinación de Fondos Comunitarios como instrumento para que a Xunta coordine
os fondos estruturais e sectoriais da UE, atendendo ao esixido polo Marco Estratéxico de Converxencia Económica
de Galicia 2007-2013. Esta comisión, que velará pola coherencia dos fondos coas actividades e políticas
da UE e os instrumentos financeiros da Xunta, terá carácter consultivo e dependerá da consellería
de Economía e Facenda, contando con membros das consellerías de Medio Rural, Traballo e Pesca. (Fonte: www.vieiros.com).
Pesca
Estonia se interesa pola pesca galega
Unha delegación gobernamental deste
país báltico visitou a cofradía de Lira (Carnota), acompañados polo secretario xeral
de Pesca, para coñecer os seus proxectos e os investimentos de fondos europeos en infraestruturas pesqueiras
e de acuicultura. (Fonte: El Correo Gallego).
Francia
As “puntillas” de Camariñas
Unha delegación da Mostra do Encaixe
de Camariñas levou a súa exposición de “puntillas” da vila de Vilán, a unha feira de
cultura galega, artesanía e encaixes na cidade francesa de Toulouse. (Fonte: El Correo Gallego).
|
| 13/09/2007 |
|
Xapón
Colaboración turística
con Galicia
A colaboración en materia de promoción
turística centrou o encontro de traballo que o conselleiro de Innovación e Industria, Fernando X.
Blanco, celebrou en Kyoto con autoridades institucionais desta cidade declarada Patrimonio da Humanidade. O conselleiro,
que estivo acompañado polo director xeral de Turismo, Rubén Lois, e o xerente da SA de Xestión
do Plan Xacobeo, Ignacio Eguíbar, foi recibido polo director da Casa da Comunidade Internacional de Kyoto
e secretario xeral da Liga de Cidades Históricas do Mundo, Hisakazu Takagi. (Fonte: www.xornal.com).
Xapón
De Lugo a Xapón
No marco da visita institucional galega
polo país asiático, acordouse a celebración dun congreso extraordinario en Lugo en outubro
de 2008, co propósito de abordar o desenvolvemento turístico das cidades patrimoniais e monumentais
recoñecidas pola ONU. Neste sentido, Galicia ofrecería aos cidadáns nipóns unha oferta
turística que inclúe a Santiago e os seus camiños, así como algunhas zonas de importante
patrimonio histórico. (Fonte: www.xornal.com).
Unión Europea-Galicia
Rexistrada a marca “Mexillón de
Galicia”
A Comisión Europea anunciou a inclusión
de “Mexillón de Galicia” como marca de garantía no rexistro das denominacións de orixe, tomando
en conta que a transformación e elaboración dese produto se realiza na área xeográfica
desa denominación. Este sector en Galicia factura 400 millóns de euros e ofrece emprego a 11.000
persoas en 3.300 bateas onde se cultiva o molusco.
(Fonte: El Correo Gallego).
Diáspora
Fondo para crises socioeconómicas
A secretaría xeral de Emigración
abriu un fondo de 400.000 euros de axudas extraordinarias para facilitar o retorno de emigrantes de países
con grandes crises socioeconómicas, cunha cantidade máxima a percibir de 2.650 euros por persoa.
En principio, este fondo estaría dirixido a países iberoamericanos aínda que suxeito a unha
posible ampliación. (Fonte: La Voz
de Galicia).
Inmigración
Asesoramento xurídico e social
A mancomunidade de Ordes, en colaboración
coa secretaría xeral de Emigración, iniciará un programa de asesoramento xurídico e
social para inmigrantes e emigrantes retornados nos sete concellos que forman parte deste organismo: Cerceda, Ordes,
Oroso, Trazo, Tordoia, Mesía e Frades.
(Fonte: El Correo Gallego).
Portugal
Agrupación europea de cooperación
territorial
A Deputación Provincial de Pontevedra
e os concellos portugueses de Melgaço, Monçao, Paredes de Coura, Valença do Minho e Vila Nova
de Cerveira constituirán a primeira Agrupación Europea de Cooperación Territorial que se forma
en Galicia. Este novo organismo, que complementa ao xa formado entre estas institucións na asociación
Uniminho, será posible trala reunión en Bruxelas entre o presidente da Deputación, Rafael
Louzán, os representantes dos cinco concellos portugueses e o director xeral de Desenvolvemento Rexional
da Comisaría de Política Rexional da UE, Dirk Ahner.
(Fonte: La Voz de Galicia).
|
| 12/09/2007 |
|
Xapón
A atracción turística galega
A consellería de Innovación
e Industria, os responsables do Plan Xacobeo e das direccións xerais de Turismo e Industria, celebraron
en Toquio unha reunión con autoridades turísticas e comerciais niponas, para promover a oferta turística,
cultural, histórica, natural e gastronómica do Camiño de Santiago e de Galicia en xeral. Segundo
datos do Instituto Nacional de Estatística (INE), no 2005 Galicia rexistrou 12.312 visitantes nipóns. (Fonte: El Correo Gallego).
Unión Europea-Galicia
En defensa das linguas minoritarias
O Observatorio de Dereitos Lingüísticos,
promovido pola Mesa pola Normalización Lingüística, mantivo un encontro co Comité de
Expertos do Consello de Europa encargado de avaliar o cumprimento da Carta Europea das Linguas Rexionais ou Minoritarias,
aprobado polo Congreso dos Deputados no 2001. O Comité de Expertos proporá unha serie de medidas
para conseguir que este tratado internacional se cumpra en Galicia.
(Fonte: www.xornal.com).
Polonia
AFAES irá a congreso das familias
A Asociación de Familiares e Amigos
de Enfermos Mentais (AFAES), con sede en Narón, participará na localidade polaca de Torún,
a mediados de setembro, no cuarto congreso da Federación Europea de Asociacións de Familiares de
Enfermos Mentais, onde se debaterán as políticas sociais en Europa. (Fonte: La Voz de Galicia).
Solidariedade
Axuda a Nicaragua
A Unidade de Emerxencia e Catástrofes
(UEPAS) de Vigo, enviou entre 150 e 200 kilos de material sanitario, auga e comida de emerxencia como axuda ás
vítimas do furacán de Nicaragua. Anteriormente, esta unidade enviou axuda ao Amazonas (Brasil), para
un proxecto en Paquistán e para o terremoto de Perú. Nesta axuda participan as ONGs “Mano a Mano”
e “Bomberos Unidos Sin Fronteras”. (Fonte:
La Voz de Galicia).
|
| 11/09/2007 |
|
EEUU
Premio a Lingu@net
A rede educativa estadounidense MERLOT,
que inclúe tamén a Canadá, dedicada ao desenvolvemento de materiais educativos en Internet,
concedeu o seu premio 2007 ao proxecto europeo Lingu@net, impulsado polo Instituto Cervantes e outras institucións
europeas, para a promoción das linguas cooficiais como o galego, o euskera e o catalán. (Fonte: www.xornal.com).
Galicia
Fomento das linguas cooficiais
O Congreso dos Deputados aprobou, co apoio
de todos os grupos parlamentarios menos o PP, unha moción na que se insta ao goberno estatal a fomentar
o uso das linguas cooficiais na Unión Europea, así como promover partidas nos orzamentos xerais do
Estado para a promoción do ensino en galego, catalán e euskera. Esta moción foi promovida
por Esquerra Republicana de Catalunya (ERC) e o PSOE.
(Fonte: Galiza Nación).
Europa do Leste
Vivendas para Polonia e Romanía
A construtora lucense Cinur construirá
400 vivendas en Bucarest e outras 400 en Varsovia, con investimentos superiores aos 40 millóns de euros.
Só seis empresas lucenses (Cinur, Onte, Allpas, Ingapan, Las Candelas e Laboratorios Nupel) dispoñen
de algunha representación comercial no exterior, principalmente en Romanía, Bulgaria, Eslovaquia,
Hungría, Polonia, Portugal, Francia, Arabia Saudita, Marrocos e Cabo Verde. (Fonte: El Progreso).
|
| 10/09/2007 |
|
Unión Europea-Galicia
A necesidade de educar á cidadanía
A conselleira de Educación, Laura
Sánchez Piñón, defendeu en Madrid a aplicación en Galicia, a partir do 2008, da materia
“Educación para a Cidadanía”, que forma parte da estratexia educativa da UE. Sánchez Piñón,
que participará nunha reunión coa presidenta do Grupo Asesor de Educación para a Cidadanía
e Dereitos Humanos do Consello de Europa, a alemá Otte Reinhild, destacou que esta materia posúe
un importante espazo de atención en EEUU, Canadá e Suecia.
(Fonte: El Correo Gallego).
|
| 09/09/2007 |
|
Portugal
Confían no AVE para o 2013
O presidente da Xunta, Emilio Pérez
Touriño, a conselleira de Política Territorial, María José Caride, e os presidente
e vicepresidente da Comisión de Coordinación e Desenvolvemento Rexional do Norte de Portugal, ratificaron
o seu compromiso para alcanzar o tren de alta velocidade Vigo-Porto para o 2013. A Comunidade de Traballo Galicia-Norte
de Portugal considera que o AVE absorberá o 30% do tráfico de viaxeiros e o 15% do transporte de
mercancías. (Fonte: El Correo Gallego).
Emigración
Acción social para os emigrados
A Xunta de Galicia e o Principado de Asturias
subscribiron un documento de colaboración para impulsar o desenvolvemento de iniciativas que permitan optimizar
recursos e mellorar as prestacións de servizos en materia de acción social para os emigrantes galegos
e asturianos. Este convenio, estipulado no marco do Estatuto para a Cidadanía Española no Exterior,
prevé tamén a posible colaboración da Fundación Galicia-Emigración e da Axencia
Asturiana de Emigración. (Fonte:
El Correo Gallego).
|
| 08/09/2007 |
|
Portugal
Un AVE para vertebrar a eurorrexión
Dende a localidade portuguesa de Vila
Nova de Gaia, o presidente da Xunta, Emilio Pérez Touriño apostou por converter o tren de alta velocidade
(AVE) “no instrumento mais prezado para impulsar a Eurorrexión Galicia-Norte de Portugal” e instou a realizar
unha ordenación territorial en ambos espazos fronteirizos. Touriño participou na II Universidade
de Verán organizada polo Partido Socialista portugués, onde trazou determinados eixes para a eurorrexión,
como o respecto medioambiental, unha redución da dependencia enerxética a través da utilización
de enerxías alternativas e a cooperación aérea e portuaria. (Fonte: El Correo Gallego).
Canadá
A acuicultura para combater a sobrepesca
O ministro de Pesca e Océanos de
Canadá, Loyola Hearn, destacou durante a súa visita a Santiago que a “acuicultura é unha das
mellores alternativas para combater a sobrepesca” e para completar a extracción directa dos recursos mariños.
Acompañado pola conselleira de Pesca, Carmen Gallego, Hearn invitou á Xunta e aos empresarios pesqueiros
galegos, especialmente aqueles asentados en Vigo, a visitar a localidade canadense de Terranova, para aproveitar
as súas oportunidades de negocios.
(Fonte: El Correo Gallego).
Canadá
Piden a Canadá que participe en
INTERREG
A conselleira de Pesca da Xunta, Carmen
Gallego propuxo ao ministro canadense de Pesca e Océanos, Loyola Hearn, a participación do seu país
no marco do Programa Operativo Plurianual de Cooperación Interrexional Europeo (INTERREG), así como
o compromiso canadense para manter no 2008 as cotas de fletán negro nas augas da Organización de
Pesca do Atlántico Noroccidental (NAFO polas súas siglas en inglés). Gallego e Hearn coincidiron
no compromiso de cooperar nos ámbitos de comercialización e investigación pesqueira. (Fonte: El Correo Gallego).
|
| 07/09/2007 |
|
Economía
Fenosa entra no mercado libio
Unión Fenosa, xunto a Repsol YPF,
logrou clasificarse na cuarta rolda de negociacións de bloques de depósitos para exportar gas natural
en Libia. Nesta lista, a empresa española con capital galego comparte posición de investidor no mercado
libio xunto ás compañías asiáticas Japan Petroleum, Mitsubishi, Korean Gas, Mitsui,
Oil India Corporation, Nippon Oil Corporation, a italiana Edison, a británica Centrica e a alemá
E.ON. Paralelamente, Fenosa ingresou no índice europeo do Dow Jones de sostibilidade. (Fonte: www.galiciahoxe.com e El Correo Gallego).
Galicia
Líder europeo en coches intelixentes
O conselleiro de Industria, Fernando Blanco,
e o director da fábrica de PSA Peugeot Citröen de Vigo, Pierre Ianni, acordaron destinar 14 millóns
de euros á construción de “coches intelixentes” con caixa de cambio automática, para facer
de Galicia o líder europeo neste ramo do automóbil para finais do 2009. (Fonte: El Correo Gallego).
|
| 06/09/2007 |
|
Galicia
“Pobre Mundo Rico” en Galicia
Organizado polo Clube Internacional de
Prensa, o simposio internacional “Pobre Mundo Rico” arrancará o 2 de outubro en Vigo ata o 29 de novembro,
facendo énfase nos problemas de pobreza e desigualdade no mundo actual. O director xeral de Comunicación
Audiovisual, Manuel Fernández Iglesias, declarou que espera converter a Galicia nun referente mundial na
divulgación destes temas, coa presenza de mais de 80 expertos nacionais e internacionais con charlas en
sete cidades galegas. O Instituto Galego de Análise e Documentación Internacional (IGADI) participará
neste simposio con dous poñentes.
(Fonte: El Correo Gallego e www.vieiros.com).
Pesca
Ministro canadense visita Galicia
Loyola Hearn, ministro de Pesca e Océanos
de Canadá, iniciará unha visita a Galicia cunha reunión co presidente da Xunta, Emilio Pérez
Touriño e a conselleira de Pesca, Carmen Gallego. Na súa posterior visita a Madrid, o representante
canadense asinará coa ministra de Pesca, Elena Espinosa, un Memorando de entendemento sobre cooperación
pesqueira. (Fonte: El Correo Gallego).
Emigración
Retornados prefiren Galicia
A Oficina de Retorno da dirección
xeral de Emigración informou que mais da metade dos emigrantes españois interesados na posibilidade
de regresar a España prefiren facelo a Galicia. Os países de orixe destes emigrantes españois
que desexan regresa á nosa Comunidade son de Suíza, Holanda, Brasil, Cuba, Arxentina, México,
Alemaña, Inglaterra e Francia. (Fonte:
La Voz de Galicia).
Inmigración
Escolaridade para nenos inmigrantes
Segundo un estudo sobre os colexios concertados,
se sinala a “A Grande Obra de Atocha” en A Coruña, o “Zorelle” en Ourense, “Nuestra Señora del Remedio”
en Santiago e “La Milagrosa” en Lugo, como os de maior nivel de escolaridade de nenos inmigrantes, cunha porcentaxe
de catro e cinco nenos inmigrantes nas súas respectivas aulas.
(Fonte: La Voz de Galicia).
|
| 05/09/2007 |
|
Cooperación
Impulso académico cara América
Latina
O vicerreitor de Relacións Institucionais
da USC, Lourenzo Fernández Prieto, viaxará a Arxentina e Brasil para participar nas reunións
e conferencias informativas sobre as ofertas das tres universidades galegas en materia académica cara universidades,
centros galegos e outras institucións educativas e culturais. Este proxecto, apoiado pola consellería
de Educación, integrará a Arxentina, Brasil, Uruguai e Venezuela na finalidade de fomentar os convenios
de intercambio e cooperación en materia docente, administrativa e de investigación. (Fonte: La Voz de Galicia).
Galicia
Pintura e audiovisual árabe
A Fundación Araguanei acollerá
a mediados de outubro a exposición do pintor de orixe iraquí Jaber Awal, con obras que forman parte
do proceso artístico da película “Colorist in wartime”, de Kadhim Saleh Faraj, seleccionada para
a próxima edición do Festival de Cine Euro-Árabe AMAL 2007. A exposición de Awal tenta
fomentar unha reflexión da arte en tempos de guerra.
(Fonte: AGN).
Brasil
O eixe empresarial con Bahía
O presidente da Confederación de
Empresarios de Galicia (CEG), Antonio Fontenla, reuniuse cunha delegación de empresarios brasileiros de
orixe galega provenientes de Salvador de Bahía, pertencentes á Asociación Comercial de Bahía,
para crear vínculos de colaboración que sirvan de impulso aos investimentos galegos neste país
suramericano. (Fonte: El Correo Gallego).
|
| 04/09/2007 |
|
Portugal
Audiovisual galaico-portugués
O programa de proxecións “Curtas
Minhotas” comezou a presentar as novas creacións audiovisuais que se fan en Galicia e no norte de Portugal,
con actividades en Vilanova da Cerveira e Tomiño. Son oito curtametraxes, 4 galegas e 4 portuguesas, que
se presentaron nesta iniciativa da consellería de Cultura, a través da Axencia Audiovisual Galega,
o Proxecto Eixo Norte/Galiza, a asociación portuguesa Audiência Zero e a produtora Mr.Misto. (Fonte: www.xornal.com).
Portugal
Masiva afluencia de estudantes portugueses
Os xornais portugueses “Diário
de Notícias”, “Correio da Manhã” e “Jornal Digital” informaron sobre a masiva afluencia de estudantes
portugueses na carreira de Medicina na USC, cun total de 51 alumnos. Algúns diarios denunciaron posibles
represalias idiomáticas cara estes estudantes en Galicia.
(Fonte: La Voz de Galicia).
Pesca
Vigo, centro mundial das conservas
A mediados de setembro se celebrará
nas instalacións da Asociación Nacional de Fabricantes de Conservas de Pescado y Mariscos (ANFACO)
a II Conferencia Mundial de Conservas de Pescas y Mariscos Vigo 2007, que pretende reunir a máis de 300
directivos das grandes empresas e expertos neste sector, principalmente de España, Portugal, Francia, Italia,
Marrocos, Tailandia, China, Xapón, Taiwán, Ecuador, Chile, Perú e EEUU, os cales supoñen
o 90% da produción mundial de conservas.
(Fonte: El Correo Gallego).
|
| 03/09/2007 |
|
Emigración
20.000 galegos emigran ao ano
Segundo datos do Instituto Nacional de
Estatística, no 2006 máis de 20.000 galegos, na súa maioría mozos, deixaron a nosa
Comunidade en busca dunha situación laboral máis beneficiosa, e, pese á liberalización
dos fluxos migratorios en Europa, o 90% segue a escoller outros territorios do Estado español, principalmente
Canarias, Madrid, Cataluña, Baleares, Valencia e Andalucía. (Fonte: Galiza Nación).
Diáspora
Sistema universitario galego no exterior
A partir de setembro, a Xunta desenvolverá
en Brasil, Arxentina, Venezuela e Uruguai un programa de información e difusión do Sistema Universitario
de Galicia (SUG) e as súa bolsas de estudo, dirixido a galegos e os seus descendentes no exterior, ao amparo
dun convenio entre a secretaría xeral de Emigración, a consellería de Educación e as
universidades de A Coruña, Vigo e Santiago. Caracas, Bos Aires, Río de Xaneiro, Sao Paulo, Salvador
de Bahía e Montevideo foron as cidades elixidas para as charlas. (Fonte: AGN).
Inmigración
Se triplican os contratos laborais
O número de contratos de traballo
para inmigrantes en Galicia se triplicou nos derradeiros catro anos, segundo estatísticas da secretaría
xeral de Emigración e o Observatorio Ocupacional da Consellería de Traballo. No 2006 se contrataron
63.464 persoas procedentes de países extracomunitarios, especialmente en oficios da construción,
hostalería e industrias de manufaturas, sendo maioría as mulleres (50,3%). (Fonte: El Correo Gallego).
|
| 02/09/2007 |
|
Galicia
Un cubano que canta en galego
O cantautor de orixe cubana Yhosvany Palma,
foi o gañador do segundo certame “Utopía Son”, celebrado no café vigués Uf, na categoría
de canción en galego. Palma presentou o tema “Irse”, demostrando que hai algo de utopía no feito
de que un cubano que vive en Galiza cante no idioma en que milleiros de emigrantes falaron en Cuba. O certame permitiu
celebrar diversos concertos durante catro meses ata elixir o gañador. (Fonte: www.vieiros.com).
Galicia
Pesca e acuicultura internacional
A illa da Toxa en Pontevedra celebrará
a mediados de outubro un congreso de expertos internacionais en acuicultura e pesca, organizado polo Foro de Recursos
Mariños e da Acuicultura das Rías Baixas. Pola súa banda, Santiago organizará a comezos
de outubro o I Congreso Internacional de Prevención e Seguridade na Pesca de Baixura, organizado polas consellerías
de Pesca e Traballo da Xunta e a Federación Galega de Confrarías de Pescadores. (Fonte: El Correo Gallego).
Turismo
Case catro millóns chegaron a
Galicia
Un total de 3.993.184, visitaron Galiza
no que levamos de ano 2007, segundo informou en Santiago o conselleiro de Innovación e Industria, Fernando
Blanco, durante a presentación do balance turístico deste ano 2007. Esta cifra de visitantes supón
un crecemento do 8,6% con respecto ao mesmo período de 2006.
(Fonte: www.xornal.com).
Economía
Telemo envía cabinas a Sudán
A empresa galega de cabinas telefónicas
“Telemo” enviará os seus produtos a Sudán, país africano que sofre as secuelas dunha guerra
e a carencia de infraestruturas de comunicación. Telemo xa lograra introducirse con éxito noutro
país africano, Cabo Verde, así como en Francia e Portugal.
(Fonte: El Correo Gallego).
|
| 01/09/2007 |
|
Acción Exterior
Touriño prepara xira latinoamericana
O presidente Emilio Pérez Touriño
visitará Arxentina, México e Cuba antes de finalizar o 2007, coa posibilidade de ampliar a acción
exterior galega cara EEUU e China para o 2008, seguindo os pasos estipulados na Estratexia de Acción Exterior
de Galicia. A comezos de outubro na capital arxentina, Touriño inaugurará a primeira delegación
exterior do goberno galego na diáspora e participará nos actos de conmemoración do centenario
do Centro Gallego de Bos Aires. A viaxe a Cuba está prevista para comezos de decembro e México para
o final de 2007. (Fonte: El Correo Gallego).
Acción Exterior
Cortizo na embaixada de Paraguai
O Consello de Ministros aprobou a designación
do diplomático galego Miguel Cortizo como novo embaixador español en Paraguai. Desde novembro de
2004, Cortizo actuaba como embaixador en Misión Especial para a Coordinación das Relacións
coas Comunidades Españolas en Iberoamérica, cargo que provocou fortes polémicas entre o goberno
de Zapatero e a oposición do Partido Popular.
(Fonte: El Correo Gallego).
Galicia
Bello Janeiro presenta libro en Colombia
O catedrático de Dereito Civil
da Universidade de A Coruña, Domingo Bello Janeiro, foi o único representante español nos
congresos internacionais de arbitraxe celebrados en Lima (Perú) e Cartagena de Indias (Colombia). Nesta
cidade, Bello Janeiro presentou o seu libro “Tratado de Responsabilidade Médica”, elaborado conxuntamente
co catedrático francés Le Tourneau e os latinoamericanos Santos Ballesteros, Carrillo Fabela, Daniel
Cesano e López Mesa. (Fonte: El Correo
Gallego).
|
