|
 |
| 31/07/2006 |
|
Turismo
Acordo de colaboración
O Instituto de Desenvolvemento Ourensán,
INORDE e a Axencia de Desenvolvemento Turístico de Polonia acordaron desenvolver proxectos conxuntos en
materia transfronteiriza, en colaboración con outras entidades de Portugal e Irlanda, coa finalidade de
acceder aos fondos europeos para o período 2007-2013.
(Fonte: La Voz de Galicia).
Pesca
O IGAPE axuda aos armadores vigueses
Unha resolución do Instituto Galego
de Promoción Económica, IGAPE, permitirá aos armadores vigueses con flota no caladoiro do
Gran Sol, contar coas axudas oficiais para a compra de mais dereitos de pesca e incluso embarcacións nesta
zona comunitaria, a fin de evitar a súa marcha a outras rexións como América Latina e África. (Fonte: La Voz de Galicia).
Inmigración
Crecen inmigrantes en Vigo
As derradeiras estatísticas do
INE amosan cómo a comunidade inmigrante en Vigo ascendeu de 4.485 no 2001 ata os 11.571 no último
padrón do 2006. Os inmigrantes arxentinos constitúen a maioría, seguidos de colombianos, peruanos,
ecuatorianos e bolivianos. Tamén se atopan cidadáns europeos de Italia, Reino Unido, Alemania e Francia. (Fonte: Faro de Vigo).
|
| 30/07/2006 |
|
Portugal
Memoria urbana lusa
O Colexio de Arquitectos de Santiago acolleu
unha exposición de 6.000 obras de arquitectos portugueses do século XX, concibido pola Ordem de Arquitectos
de Portugal co apoio da UE dentro do proxecto “IAP XX Inquérito à Arquitectura do Século XX
em Portugal”. (Fonte: Faro de Vigo).
Inmigración
Integración para nenos inmigrantes
Un Programa de Integración organizado
polo concello de Santiago permitirá a 20 nenos de Arxentina, Romanía, Uruguai e Venezuela participar
nunha serie de actividades culturais que lles permitan afondar na súa integración coa sociedade galega. (Fonte: El Correo Gallego).
Galicia
Critican a Cidade da Cultura
O diario alemán “Süddeutsche
Zeitung” publicou na súa edición do 7 de xullo un amplo reportaxe sobre a utilidade da Cidade da
Cultura, complexo iniciado no período de Manuel Fraga e baixo a dirección do arquitecto Peter Eisenman,
a quen o diario bávaro xa dirixira as súas críticas pola súa obra do Museo do Holocausto.
O artigo escrito polo xornalista Merten Worthmann se titula “A ambición é unha obra” e sinalada que
a Cidade da Cultura “é demasiado grande, demasiado cara e demasiado falta de contido”. (Fonte: La Voz de Galicia).
Inmigración
Portugal domina en Ourense
Portugal segue a ser o país con
maior continxente de inmigrantes na provincia de Ourense, ocupando a terceira parte dos 12.018 estranxeiros. Colombia,
Brasil, Venezuela, Arxentina, Romanía, Italia e Francia seguen na lista, na que se engaden China e Australia
como os de menor cantidade. (Fonte: La Voz
de Galicia).
|
| 29/07/2006 |
|
Fondo Galego de Cooperación
Solidariedade co Sur
Catro empregados dos concellos de Noia,
Culleredo, Neda e o Consorcio das Mariñas viaxarán en agosto a Nicaragua e Cabo Verde para promover
actividades de colaboración en sensibilización, dentro do programa “Vacacións con Traballo”,
presentado en Santiago polo Fondo Galego de Cooperación e Solidariedade, co apoio do IGADI e a Federación
Galega de Municipios e Provincias, FEGAMP.
(Fonte: El Correo Gallego).
Pesca
Pescanova compra grupo francés
A empresa galega comprou a totalidade
das accións do grupo galo Ceabel SAS, líder no seu mercado de lagostino e marisco. Esta operación
podería supoñer ao grupo galego superar a barreira dos mil millóns de euros de facturación,
así como aumentar a súa cota de mercado en Francia.
(Fonte: La Voz de Galicia).
Galicia
Estranxeiros con cursos de galego
A Facultade de Filosofía da USC
foi o escenario da entrega de diplomas correspondentes aos Cursos de Lingua e Cultura Galega para Estranxeiros,
onde 1.800 persoas de 23 países tanto en Europa e América Latina como en lugares tan distantes como
India, Corea do Sur e Xapón. (Fonte:
La Voz de Galicia).
|
| 28/07/2006 |
|
Inmigración
Creado o Consello da Inmigración
A Xunta aprobou a constitución
do Consello Galego de Inmigración, órgano colexiado e consultivo que dará voz aos inmigrantes
e promoverá políticas de convivencia para facilitar a integración das comunidades inmigrantes
en Galicia. Este organismo estará constituído por unha presidencia, vicepresidencia, secretario e
34 vocais, 16 por parte da administración e 18 das asociacións de inmigrantes. (Fonte: El Correo Gallego).
Galicia
Aprender novos idiomas
Un total de 294 alumnos do cuarto curso
de ESO viaxarán a Francia, Gran Bretaña e Irlanda para o perfeccionamento das linguas estranxeiras,
grazas ás axudas convocadas pola Consellería de Educación e Ordenación Universitaria.
Os lugares de destino serán Chambéry e Burdeos (Francia), Dublín e Pace (Irlanda) e Worthing
(Reino Unido). (Fonte: El Correo Gallego).
Pesca
Noruega reduce multa
O xuíz da localidade noruega de
Trömso decidiu reducir a multa de 9 a 3,6 millóns de euros aplicada á empresa galega Transpesca,
pola presunta pesca ilegal dos tres barcos galegos nas augas do caladoiro de Svälbard. (Fonte: El Correo Gallego).
|
| 27/07/2006 |
|
República Dominicana
Ratifican irmanamento
O alcalde da cidade dominicana de Santiago
de los Caballeros, José Henríquez Sued, se reuniu no pazo de Raxoi co seu homólogo compostelán,
Xosé Sánchez Bugallo, para ratificar o acordo de irmanamento entre ambas cidades subscrito en novembro
de 2005. O convenio contén aspectos culturais, económicos, turísticos e patrimoniais. (Fonte: El Correo Gallego).
Galicia
Técnica italiana para restaurar
Os expertos do Opificio de le Pietre Duce
de Florencia, un dos máis prestixiosos institutos mundiais en materia de restauración, estarán
en Compostela para traballar nos nove retablos da capela das Ánimas, supervisado pola Dirección Xeral
de Patrimonio e cun orzamento de 15.000 euros.
(Fonte: El Correo Gallego).
|
| 26/07/2006 |
|
Pesca
Noruega multa a barcos galegos
Un tribunal do país nórdico
aplicou unha multa de 9 millóns de euros á empresa galega Transpesca, propietaria dos buques detidos
Arosa Nueve, Arosa Doce e Arosa Quince. Representantes da empresa consideran esaxerada a multa e aseguran que a
policía noruega non demostrou a sobrepesca e que existe un desfase de corenta toneladas. (Fonte: El Correo Gallego).
Uruguai
Cooperación enerxética
Galicia e Uruguai asinaron un protocolo
de cooperación en materia enerxética e comercial, na que o goberno do país suramericano recibirá
a experiencia do Instituto Enerxético de Galicia, INEGA, en canto ao fomento de recursos enerxéticos
renovables. O acordo foi asinado polo conselleiro de Innovación e Industria, Fernando Blanco, e o ministro
de Industria, Enerxía e Minas de Uruguai, Jorge Lepra. No mesmo sentido, se espera que este convenio permita
unha maior sincronización entre os empresarios galegos e uruguaios. (Fonte: El Correo Gallego).
|
| 25/07/2006 |
|
Inmigración
Inmigrantes nivelan o índice de
poboación
Un 2,6% dos cidadáns de Galicia
son inmigrantes, moi por debaixo da media estatal localizada en 8,7%, segundo datos do Instituto Nacional de Estatística,
INE. A maioría desta inmigración ven de Portugal, compensando o baixo índice de natalidade
en Galicia, cuxa cifra está en 0,07%. Pontevedra lidera o incremento da poboación mentes Lugo e Ourense
seguen a despoboarse. (Fonte: www.vieiros.com).
Galicia
Conmemoran o I Congreso da Emigración
No marco do Día Nacional de Galicia,
a secretaría Xeral de Emigración e a de Comunicación conmemoraron no Museo do Pobo Galego
en Santiago o cincuenta aniversario do I Congreso Galego da Emigración, celebrado en Bos Aires, onde brotaron
os ideais galeguistas, progresistas e democráticos. No acto estivo presente Xosé Neira Vilas, un
dos principais organizadores do congreso en 1956.
(Fonte: El Correo Gallego).
|
| 24/07/2006 |
|
Galicia
Festival de Danza multicultural
Unha media ducia de agrupacións
de Filipinas, Serbia, Galicia, Asturias e Cataluña participarán en agosto na vixésima edición
do Festival Internacional de Danza a celebrarse en Monterroso, por parte da Asociación Cultural Falcatrueiros. (Fonte: La Voz de Galicia).
Diáspora
Unha web para unir familias
A asociación cultural Fillos de
Galicia ofrece na súa páxina web (www.fillos.org) permitiu desde 1997 o reencontro dunhas 40 familias
da emigración galega, grazas aos esforzos do seu fundador, Manuel Casal Lodeiro. A iniciativa permite á
web constituírse como o maior centro galego virtual.
(Fonte: El Correo Gallego).
|
| 23/07/2006 |
|
Pesca
Recorte para a frota en Mauritania
Os 39 buques galegos que fanan nas augas
do país africano verán recortados nun 30% as posibilidades de capturas de cefalópodos, segundo
o acordo asinado polo goberno mauritano e a UE. Este acordo terá unha duración de seis anos e entrará
en vigor o 1 de agosto. (Fonte: La Voz de
Galicia).
Pesca
Denuncian estratexia contra a pesca galega
O presidente da Asociación Española
de Titulados Náutico-Pesqueiros, Aetinape, José Manuel Muñiz Ríos, denunciou en Vigo
que Noruega e Rusia formulan unha estratexia para expulsar aos buques galegos do caladoiro de Svälbard e “repartirse
o botín do bacalao”. (Fonte: El Correo
Gallego).
Venezuela
Canle para títulos de conducir
O senador socialista Cándido Rodríguez
anunciou en Ourense a entrada en vigor do convenio subscrito entre Venezuela e España para o canle dos permisos
de conducir, unha das principais demandas realizadas polos emigrantes venezolanos en Galicia e outras partes do
Estado español. (Fonte: La Voz de
Galicia).
Galicia
Pereiro, segundo no Tour de Francia
O ciclista galego Óscar Pereiro,
alcanzou o segundo lugar no prestixioso Tour de Francia, por detrás do estadounidense Floyd Landis. A localidade
pontevedresa de Mos, onde é natural Pereiro, recibiu ao ciclista coa presenza das principais autoridades
galegas. (Fonte: El Correo Gallego).
|
| 22/07/2006 |
|
Galicia
A necesidade de médicos estranxeiros
A pesares de contar con 10.000 médicos
no sistema de sanidade, a emigración de varios deles de Galicia propicia a chegada de profesionais de países
como República, Checa, Polonia, Arxentina, México ou Portugal. A razón da fuga de médicos
galegos débese á falta de emprego estable e as precarias condicións de traballo. (Fonte: La Voz de Galicia).
Unión Europea-Pesca
Galicia e o acordo con Marrocos
Só 22 embarcacións galegas
das 70 que solicitaron acollerse ao novo pacto se beneficiarán do novo acordo de pesca entre Bruxelas e
Marrocos. O BNG denunciou que este acordo é insuficiente para a pesca galega. (Fonte: La Voz de Galicia).
Diáspora
“A Voz do Emigrante”
O autor e editor galego Olegario Sotelo
Blanco presentou en Ourense o seu libro “A Voz do Emigrante”, no que se resume unha serie de entrevistas con emigrantes
galegos, principalmente de América. O autor explicou que este esforzo intenta converter o libro nunha especie
de “voceiro dos emigrantes galegos espallados polo mundo”.
(Fonte: La Voz de Galicia).
Palestina
Solidariedade con Palestina e o Líbano
A Confederación Intersindical Galega,
CIG, realizou unha concentración na praza de Galicia en Santiago para apoiar aos pobos palestino e libanés
“da agresión armada que están a sufrir” por parte do Estado israelí e “esixir o cese inmediato
das hostilidades”. (Fonte: La Voz de Galicia).
|
| 21/07/2006 |
|
Galicia
Rexeitan apertura de As Cancelas
Os propietarios comerciais do casco histórico
de Santiago e a organización Compostela Monumental enviaron unha carta ao Parlamento europeo, solicitando
a súa axuda para evitar a apertura da gran superficie de As Cancelas, por considerar que provocará
un grave dano medioambiental e socioeconómico.
(Fonte: El Correo Gallego).
Galicia
Bandas criminais se citan en Galicia
Segundo fontes do recen creado Grupo de
Localización de Fuxitivos, diversos capos das mafias estranxeiras realizan numerosos contactos en cidades
galegas como Vigo, Pontevedra, Lugo e A Coruña, especialmente de orixe portugués, albanokosovar italiano,
latinoamericano e de Europa do Leste. O caso máis emblemático foi a captura en Sitges do capo da
camorra napolitana, Rispoli, quen vivía luxosamente en Vigo.
(Fonte: La Voz de Galicia).
Marítima
Regresan mariñeiros galegos dende
Noruega
Nove dos oitenta tripulantes dos tres
barcos galegos apresados no país nórdico por presunta pesca ilegal regresaron a Galicia, a traveso
do aeroporto de Peinador en Vigo. Os mariñeiros consideraron sentirse abandonados por parte do goberno español.
Pola súa banda, o PpdG acusou ao BNG de “falta de sensibilidade” de cara aos barcos galegos apresados en
Noruega. (Fonte: Faro de Vigo e www.xornal.com).
Unión Europea-Galicia
Piden que se aclaren os Fondos Europeos
O deputado do BNG no Congreso, Francisco
Rodríguez, pediu ao goberno estatal que aclare e explique o volume de Fondos de Cohesión Europeos
que percibirá Galicia durante o período 2007-2013.
(Fonte: Axencia Galega de Noticias).
Uruguai
Promoción da Galicia turística
O conselleiro de Innovación e Industria,
Fernando Blanco, estivo de visita oficial no Uruguai na presentación da exposición 'Galiza en cartel.
A imaxe de Galiza na cartelería turísica', dentro da campaña de promoción turística
de 'Galiza 2006'. O ministro tamén realizou encontros coas autoridades e representantes dos operadores turísticos,
comerciais e industriais do país suramericano.
(Fonte: www.vieiros.com).
|
| 20/07/2006 |
|
Unión Europea-Galicia
A xuventude española, en mas galegas
A nosa Comunidade asumiu ante o Consello
Europeo a representación das autonomías estatais en materia de Xuventude, trala xuntanza do director
xeral de Xuventude, Rubén Cela, co seu homólogo catalán e antecesor neste cargo comunitario,
Olivié Bayón. Despois de Cataluña e Madrid, Galicia é a terceira comunidade en asumir
esta función. (Fonte: El Correo Gallego).
Uruguai
Campaña para censar
O consulado en Santiago deste país
suramericano anunciou unha campaña para que os seus cidadáns residentes en Galicia se inscriban no
censo coa finalidade de crear un consello consultivo. Pola súa banda, a concellería de Inmigración
santiaguesa recordou aos estranxeiros que deben renovar a súa inscrición no padrón cada dous
anos. (Fonte: El Correo Gallego).
Marítima
Protesta ante embaixada noruega
Medio centenar de familiares dos tripulantes
dos tres barcos galegos “Arosa 9”, “Arosa 12” e “Arosa 15”, apresados pola Mariña do país nórdico
por presunta pesca ilegal, protestaron fronte á empresa propiedade do seu cónsul honorario en Vigo. (Fonte: La Voz de Galicia).
EEUU
Estrearán filme galego
A finais de xullo, o filme de produción
galega “La casa de mi abuela”, se converterá no primeiro documental en comercializarse nos EEUU, a exhibirse
no Music Hall de Os Ánxeles e unha serie de proxeccións en varias cidades deste país durante
os próximos catro meses. (Fonte:
La Voz de Galicia).
Brasil
Interese polo modelo urbano santiagués
Os responsables de urbanismo das cidades
brasileiras de Olinda e Juiz de Fora, amosaron o seu interese polo modelo de rehabilitación do centro histórico
de Santiago, tralo encontro mantido pola concelleira de Casco Histórico, Mercedes Rosón, e o arquitecto
municipal compostelá, Javier Fernández.
(Fonte: La Voz de Galicia).
|
| 19/07/2006 |
|
Diáspora
Descubre a túa orixe
O presidente da Xunta, Emilio Pérez
Touriño, recibiu a un primeiro grupo de fillos e netos de emigrantes galegos no Parque Natural de Corrubedo
(Ribeira), como parte do programa “Descubre a túa orixe”. Este plan organizado pola Dirección Xeral
de Xuventude e a Secretaría Xeral de Emigración, permitirá a 320 mozos de países de
Europa e América Latina, principalmente Arxentina, Uruguai e Brasil, realizar unha estadía temporal
en Galicia e, incluso, animarlles a participar no programa de bolsas universitarias’. (Fonte: El Correo Gallego).
Téxtil
Inditex enfoca ao exterior
A Xunta de accionistas da multinacional
coruñesa presentou o seu balance 2005, coa finalidade de orientar a súa superficie comercial cara
o exterior, especialmente Asia, Europa e América. O sector exportador rexistra o 43% da dos beneficios de
Inditex e se espera incrementar nun 70% a súa presenza na rexión de Asia-Pacífico, así
como consolidar a súa posición en países como Italia. (Fonte: El Correo Gallego).
Noruega
Inician descarga de barcos galegos
As autoridades do país nórdico
procederon a realizar no porto de Trömso a descarga do pescado almacenado nos barcos galegos “Arosa Quince”
e “Arosa Doce”, apresados por presunta pesca ilegal nas súas augas. A armadora viguesa Transpesca, propietaria
dos barcos, pediu apoio urxente a Madrid.
(Fonte: El Correo Gallego).
Pesca
Medidas contra Libia e Grecia
O deputado do BNG, Manuel Parga, presentou
unha iniciativa ao Parlamento galego para aplicar medidas do bonito importado de países como Libia e Grecia,
ante la caída dos prezos por parte das produtoras galegas deste peixe. (Fonte: El Correo Gallego).
|
| 18/07/2006 |
|
Diáspora
Superioridade dos retornados europeos
Por vez primeira, no 2005 os emigrantes
galegos retornados de países europeos como Suíza, Alemania, Francia e o Reino Unido superan aos seus
similares suramericanos, principalmente porque a recuperación económica de países como Uruguai
e Arxentina logrou frear este éxodo emigrante. Segundo estatísticas presentadas polo secretario xeral
de Emigración Manuel Luís Rodríguez, este retorno de emigrantes dende países europeos
se localizou en 56,32% co respecto ao 36,58% dos países latinoamericanos. (Fonte: El Correo Gallego).
Galicia
Google e o “Ferrol del Caudillo”
O deputado do BNG, Francisco Rodríguez,
denunciou que a multinacional informática Google aínda emprega o toponímico “El Ferrol del
Caudillo” no seu programa Google Earth, consultado por millóns de persoas no mundo e que se utiliza para
localizar núcleos de poboación.
(Fonte: El Correo Gallego).
Galicia
China domina as adopcións
O país asiático puntea o
número de adopcións realizadas en Galicia no 2005. Das 291 adopcións, 137 chegaron dende China
e cara este país se dirixen a maior parte das solicitudes de adopción, segundo Marisa Vázquez,
da axencia de intermediación coruñesa ACI.
(Fonte: La Voz de Galicia).
|
| 17/07/2006 |
|
Arxentina
Mes de Galicia
Durante todo o mes de xullo, e por vez
primeira, todas as institucións das que forma parte a colectividade galega en Bos Aires celebrarán
unha homenaxe á súa terra de orixe. Neste evento participan o Centro Gallego, a Federación
de Sociedades Gallegas, a Unión Federación de Sociedades Gallegas, o Centro Galicia, e outras entidades
culturais e sociais. (Fonte: El Correo Gallego).
|
| 16/07/2006 |
|
Marítima
Apresan barco galego con inmigrantes
ilegais
As autoridades de Malta arrestaron ao
pesqueiro Francisca Catalina, con base en Alacante e tripulantes galegos, o cal rescatou a 51 inmigrantes e sen
deixalos acercarse á terra. (Fonte:
El Correo Gallego).
|
| 15/07/2006 |
|
Pesca
Noruega apresa dous barcos galegos
Os pesqueiros Arosa Doce e Arosa Nove
foron apresados pola garda costeira do país nórdico, dentro da zoa de protección de Svälbard,
por suposta pesca ilegal. Este suceso se engade á detención do Arosa Quince a principios de xullo. (Fonte: El Correo Gallego).
Mercosur
A pesca no tratado comercial
Dentro do futuro tratado comercial entre
a Unión Europea e o Mercosur, os deputados socialistas galegos Antolín Sánchez Presedo e Javier
Moreno Sánchez, membros da Comisión de Comercio Internacional, defenderon a posibilidade de incluír
unhas 17 emendas dentro do novo acordo comercial, tales como a pesca galega. (Fonte: El Correo Gallego).
Brasil
Un libro sobre a emigración galega
A editorial 3C3 publicará o libro
de Erica Sarmiento “O outro Río. A emigración galega a Río de Xaneiro”, gañador do
premio Vicente Risco de Ciencias Sociais, onde se realiza un percorrido pola emigración galega, principalmente
da Terra de Xallas, a esta cidade brasileira.
(Fonte: El Correo Gallego).
|
| 14/07/2006 |
|
Sáhara
Ames e Cee reciben aos nenos saharauís
A Corporación Municipal de Ames
recibiu a dous nenos saharauís e unha nena rusa da zoa de Chernobil, como parte do programa Vacacións
en Paz. Os rapaces foron recibidos polos seus familiares de acollida. Mentres, o concello de Cee recibiu a nove
nenos saharauís. (Fonte: El Correo
Gallego).
|
| 13/07/2006 |
|
Venezuela
As patrulleiras se farán en Vigo
O grupo vigués Rodman-Polyships
pechou a venda á República Bolivariana de Venezuela de 31 patrulleiras para seguridade marítima,
vixilancia e salvamento por un importe de 157 millóns de euros ata o 2010. Este contrato forma parte das
negociacións entre os gobernos de Madrid e Caracas realizadas en novembro de 2005 e estivo salpicada de
polémica polo veto dunha compañía estadounidense.
(Fonte: Faro de Vigo).
Italia
ADR Ulla-Amia estará en foro europeo
A firma pontevedresa enviará representantes
políticos e técnicos á localidade de Foligno, para a primeira reunión transnacional,
na que participarán 19 grupos de Grecia, España, Italia e Francia, dentro dos proxectos comunitarios
Leader Plus. (Fonte: La Voz de Galicia).
Galicia
A USC chega ao Himalaia
Un equipo de investigadores da USC partirá
en agosto para o Tíbet, como parte dunha fase inicial do proxecto “Nas Portas do Ceo”, destinada a afondar
no coñecemento das formas de vida e cultura dos sherpas, os habitantes dos Himalaias. (Fonte: La Voz de Galicia).
Galicia
Vigo acolle Festival Folclórico
internacional
A localidade viguesa de Beade acollerá
a doceava edición dun festival que contará coa participación dos grupos Sbandieratori Ducato
Caetani de Italia, Kassuomaye de Senegal, e o ruso Khasavyurt, así como outras agrupación autonómicas
estatais. (Fonte: La Voz de Galicia).
|
| 12/07/2006 |
|
Unión Europea-Galicia
Galicia será a voz das autonomías
O próximo Consello de Ministros
da UE sobre Emprego, Política Social, Saúde e Consumidores a finais de novembro, permitirá
a Galicia estrearse como a comunidade responsable de coordinar ás autonomías estatais. O vicepresidente
da Xunta, Anxo Quintana, será o responsable dunha delegación que utilizará o galego nas súas
intervencións en Bruxelas. (Fonte:
El Correo Gallego).
Diáspora
50 anos do Congreso da Emigración
O Consello da Cultura Galega iniciou unhas
xornadas de análise do fenómeno da diáspora galega, cunha lembranza do I Congreso da Emigración
Galega realizado en Bos Aires en 1956. Nestas xornadas participaron o escritor Xosé Neira Vilas, o historiador
Ramón Villares, o presidente da Xunta, Emilio Pérez Touriño, e varios representantes do exilio
e a diáspora. (Fonte: El Correo Gallego).
Palestina
Esixen a Israel fin da ofensiva en Gaza
Amnistía Internacional organizou
en A Coruña unha concentración para denunciar o “castigo” que está a sufrir a poboación
civil palestina ante a invasión militar israelí a Gaza. Pola súa banda, o voceiro do grupo
Unión da Esquerda Galega, Lois Pérez Leira, anunciou en Vigo a creación dun comité
de apoio ao pobo palestino, ante a situación de “xenocidio” que está a vivir a mans do exército
israelí. (Fontes: La Voz de Galicia
e Axencia Galega de Noticias).
Inmigración
Baixa no empadroamento
A concelleira de Emigración e Inmigración,
Teresa Regúlez, anunciou que o Concello santiagués fixo todo o posible por avisar aos inmigrantes
da necesidade de renovar os seus empadroamentos. Regúlez explicou que desde decembro de 2005 se realizou
unha activa campaña publicitaria pero que só renovaron uns 600 dos 1.500 facultados para facelo. (Fonte: La Voz de Galicia).
Pesca
Piden explicacións por restricións
na NAFO
A deputada do BNG, Olaia Fernández
Dávila, pediu á ministra de Pesca, Elena Espinosa, a súa comparecencia no Congreso para que
explique a política estatal de aceptar manter as actuais restricións nas augas da NAFO para a pesca
do fletán negro. (Fonte: Axencia
Galega de Noticias).
|
| 11/07/2006 |
|
México
Fadesa construirá resort
A inmobiliaria coruñesa construirá
na localidade mexicana de Nayarit, próximo a Puerto Vallarta, un complexo turístico residencial de
170 hectárea enfocado cara a costa do océano Pacífico. O complexo terá o nome de Cip
Nayarit e un custe estimado en 27 millóns de euros.
(Fonte: El Correo Gallego).
Téxtil
Apertura de Inditex en Grecia
O grupo téxtil galego abriu unha
tenda para nenos na cidade de Karditsa, baixo o nome de Skhuaban, e coa finalidade de poñer un práctica
un formato comercial que se reproducirá posteriormente en Francia e Italia. (Fonte: El Correo Gallego).
Brasil
O maior parque eólico de América
do Sur
O grupo galego Enerfin-Enervento, coa
participación de Caixanova e o Banco Gallego, remataron a construción cerca da localidade brasileira
de Porto Alegre do maior parque eólico rexional, constituídos por 25 aeroxeradores en 80 km. O investimento
se calcula en 240 millóns de euros e as previsións consideran na posibilidade de xerar enerxía
para o consumo de 650.000 persoas. (Fonte:
La Voz de Galicia).
Portugal
Expourense afianza a súa posición
O organismo empresarial participou nunha
feira en Lamego, localizado na rexión de Douro, coa participación do vicepresidente da Deputación
de Ourense e o presidente da Cámara de Comercio.
(Fonte: La Voz de Galicia).
Marítima
Primeira factoría en Galicia
A Xunta e a empresa norueguesa Stolt Sea
Farm achegaron a un acordo que prevé arredor de cen millóns de euros de investimento en cinco anos,
nun conxunto de proxectos que inclúen a primeira factoría que en Galiza se adicará ao cultivo
do linguado e que se pretendía instalar no contorno de Corrubedo.
(Fonte: www.vieiros.com).
|
| 10/07/2006 |
|
Arxentina
Investigan violacións de dereitos
humanos
O xuíz federal de Bos Aires, que
investiga as violacións de dereitos humanos contra doce galegos cometidos durante a ditadura de Augusto
Pinochet en Chile (1973-1989), recibiu a unha delegación de ex altos cargos do goberno e personaxes do Exército
arxentino en tempos da ditadura (1976-1983), e que colaboraron con esas desaparicións. Neste sentido, se
estima que o ex ministro de Economía José Alfredo Martínez de Hoz, podería ser investigado
pola desaparición do galego Juan Carlos Casariego de Bel, suceso recentemente destapado polo diario austral
“Clarín”. (Fonte: La Voz de Galicia).
|
| 09/07/2006 |
|
Asia
Relacións entre Vietnam e Galicia
O vicepresidente da Asociación
de Amizade Galicia-Vietnam, Pham Trung Tin, estivo en Santiago para intercambiar experiencias turísticas,
deportivas e culturais con funcionarios do goberno galego, e pedir axuda para a reestruturación económica
e social do país asiático.
(Fonte: La Voz de Galicia).
|
| 08/07/2006 |
|
Brasil
Santiago explica o seu desenvolvemento
urbano
A concelleira de Rehabilitación
e Casco Histórico, Mercedes Rosón, e o arquitecto responsable da Oficina Municipal de Conservación
e Rehabilitación da Cidade Histórica, Javier Fernández, estarán na localidade brasileira
de Olinda, para levar a cabo o proxecto de cooperación Pagus-12, destinado á rehabilitación
do casco histórico das súas cidades pertencentes: Nani (Italia), Amave-Guimaraes (Portugal), Juiz
de Fora (Brasil), San Rafael e Cidade de Santa Fe (Arxentina), Colonia (Uruguai), Valparaíso (Chile), Compostela
e Olinda. Nesta ocasión, se discutirá a transformación urbana de Compostela. (Fonte: El Correo Gallego).
Pesca
A Xunta protesta detención do
buque galego
A conselleira de Pesca, Carmen Gallego,
cualificou ao goberno noruego de “exceso de competencias e incumprimento do tratado de 1920”, polo apresamento
do buque galego “Arousa 15”. Gallego confirmou o envío ao país nórdico dun inspector para
a comprobación da veracidade dos cargos de pesca ilegal contra o buque. (Fonte: La Voz de Galicia).
|
| 07/07/2006 |
|
Galicia
Estranxeiros aprenden o galego
O XIX curso sobre Lingua e Cultura Galegas
impartido pola USC para os estudos de verán comezou cunha matrícula de 120 estudantes estranxeiros,
principalmente europeos e asiáticos.
(Fonte: El Correo Gallego).
Pesca
Apresado buque en Noruega
A Garda Costeira do país nórdico
confirmou ao ministerio de Pesca español a detención do barco galego “Arousa 15” por suposta pesca
ilegal na zona de Svälbard. O barco, con base en A Coruña pero normalmente operativo dende Vigo, tiña
27 tripulantes, todos de orixe galego, e se dirixían ao porto de Trömso. (Fonte: El Correo Gallego).
|
| 06/07/2006 |
|
Unión Europea-Galicia
Financiamento para I+D
O presidente da Xunta, Emilio Pérez
Touriño, reuniuse en Santiago co Director Xeral de Investigación da Comisión Europea, José
Manuel Silva Rodríguez, para analizar a posibilidade de financiamento comunitario para proxectos galegos
de I+D+i. O Goberno galego marcouse o obxectivo de duplicar os investimentos no horizonte desta lexislatura e que
ten previsto destinar para esta finalidade 800 millóns de euros no período 2006-2010. (Fonte: www.xornal.com).
Portugal
Piden orzamento para o AVE Vigo-Porto
O voceiro do BNG no Congreso, Francisco
Rodríguez, presentou unha iniciativa parlamentaria na que pide ao goberno estatal a inclusión de
partidas económicas nos próximos orzamentos xerais do Estado para o AVE Vigo-Porto. (Fonte: La Voz de Galicia).
Portugal
O Eixo Atlántico, na TV
Unha serie televisiva promovida polo Eixo
Atlántico e Caixanova e financiada polos Fondos Interreg III da UE permitirá emitir un documental
que promoverá entre a poboación de Galicia e do Norte de Portugal o coñecemento dos respectivos
territorios e as relacións de cooperación que manteñen como eurorrexión atlántica. (Fonte: La Voz de Galicia).
Portugal
Portugal como opción laboral
Titulados farmacéuticos en paro
buscan traballo en farmacias do norte de Portugal, ante a apertura de licencias por parte de Lisboa a 350 oficinas,
a partir de xaneiro de 2007. (Fonte: La
Voz de Galicia).
|
| 05/07/2006 |
|
Portugal
Cavaco visitará Galicia
Trala xuntanza entre o presidente da Xunta,
Emilio Pérez Touriño, e o mandatario portugués Aníbal Cavaco Silva, se informou que
este último visitará a nosa Comunidade no mes de setembro de 2006. Touriño e Cavaco acordaron
informar publicamente en novembro, durante o cumio hispano-luso de Badaxoz, que o AVE Vigo-Porto será mixto,
terá unha velocidade de 200-250 km/h e que permitirá a conexión nunha hora. (Fonte: El Correo Gallego).
Portugal
Cooperación empresarial
A Confederación de Empresarios
de Pontevedra, CEP, e a Axencia de Inversión Portuguesa, AIP, pecharon un acordo de colaboración
no que se pretende abrir unha fachada atlántica entre Porto, Lisboa e Vigo. (Fonte: La Voz de Galicia).
Unión Europea-Galicia
Aproban fondos para Galicia
O Parlamento Europeo aprobou novas axudas,
rebautizadas de "obxectivo 1" a comunidades " de converxencia", valoradas en 3.400 millóns
de euros para Galicia co respecto ao período 2007-2013. Os fondos estruturais e de cohesión terán
un valor total de 308 mil millóns, máis do 35% do orzamento total da UE, sendo Polonia o país
máis beneficiado con 59 mil millóns.
(Fonte: www.vieiros.com).
Venezuela
Aniversario da independencia
O Consulado da República Bolivariana
de Venezuela celebrou en Vigo o 195 aniversario da independencia do país suramericano, coa presenza das
autoridades autonómicas e locais, o persoal consular e a comunidade venezolana residente en Galicia. (Fonte: La Voz de Galicia).
Galicia
Greenpeace denuncia agresión ao
litoral
No seu informe “Destrución a toda
costa 2006”, a ONG ecoloxista denunciou que a nosa Comunidade acumulou máis agresións ao seu litoral,
coa construción a futuro de 283.000 novas vivendas, 17 campos de golf e 15 proxectos de construción
ou ampliación de portos deportivos.
(Fonte: La Voz de Galicia).
Cultura
Filme galego rodará en Chile
A produtora galega “Aldea Films” rodará
unha película titulada “Santos” na capital chilena, dentro dun proxecto valorado en cinco millóns
de euros. As gravacións xa comezaran en cidades como Tokio e A Coruña. (Fonte: La Voz de Galicia).
|
| 04/07/2006 |
|
Portugal
O AVE para o 2013
Trala súa xuntanza co primeiro
ministro portugués José Sócrates, o presidente da Xunta, Emilio Pérez Touriño,
declarou que o AVE Vigo-Porto constitúe unha prioridade para o goberno lusitano, polo que amosou a súa
confianza de que se rematará no período estipulado cara o 2013. Touriño tamén afirmou
que a principal fonte de financiamento será pública.
(Fonte: El Correo Gallego).
Portugal
Mobilidade estudantil
Un proxecto entre as tres universidades
galegas e as súas homólogas do norte de Portugal permitirá a creación dun distrito
compartido que fomente a mobilidade estudantil, así como o Centro Internacional de Nanotecnoloxía
en Braga, previsto para os próximos anos. Estes anuncios foron realizados por Touriño como resultados
da súa xuntanza cos líderes portugueses.
(Fonte: El Correo Gallego).
Portugal
Alianza Caixa Galicia-EDP
A entidade financeira galega subscribiu
en Vigo unha alianza coa principal empresa enerxética lusitana para participar na segunda emisión
de bonos eólicos, a realizarse no próximo outono, cun valor inicial de 7 millóns de euros.
A empresa portuguesa desenvolve en Galicia cinco parque eólicos e catro en proxecto, cun plan de investimento
valorado en 300 millóns de euros.
(Fonte: El Correo Gallego e Faro de Vigo).
Unión Europea-Galicia
Comunicacións escritas en galego
Grazas ao voto de calidade do presidente
do Parlamento europeo Josep Borrell, esta institución comunitaria permitirá o uso do galego, euskera
e catalán/valenciano nas comunicacións escritas dos cidadáns. (Fonte: El Correo Gallego).
Rusia
Premiado científico galego
O profesor de Física de Partículas
na USC, Gonzalo Parente Bermúdez, obtivo o premio anual de investigación do Laboratorio Joint Institute
of Nuclear Research, JINR, de Dubno, Rusia, correspondente ao ano 2005, polo seu traballo na categoría de
Física Teórica, produto da colaboración da USC con varias universidades e centros de investigación
rusos. (Fonte: El Correo Gallego).
Galicia
Tres candidaturas para a UNESCO
A Consellería de Cultura e Deportes
logrou incluír o Camiño Primitivo do norte de Galicia, o Ferrol da Ilustración e a Torre de
Hércules en A Coruña como parte da Lista Indicativa A para ser declarados Patrimonio da Humanidade
por parte da UNESCO. A elección se realizará a finais de xuño. (Fonte: El Correo Gallego).
Galicia
Voos da CIA “non son ilegais”
O xefe do Centro Nacional de Intelixencia,
Alberto Saiz, informou ao Congreso que non atopa indicios de delito nos voos utilizados pola CIA en aeroportos
españois, incluído o de Peinador en Vigo. Saiz informou tamén que o CNI non pediu á
central norteamericana as informacións necesarias para elaborar o seu informe ao Congreso. (Fonte: Faro de Vigo).
|
| 03/07/2006 |
|
Galicia
Piden explicacións por presunto
voo da CIA
O deputado do BNG no Congreso, Francisco
Rodríguez, esixiu explicacións ao director do Centro Nacional de Intelixencia, Alberto Sainz, sobre
o presunto voo da CIA no aeroporto de Peinador en Vigo o pasado mes de agosto de 2005. (Fonte: La Voz de Galicia).
Unión Europea-Galicia
Galicia beneficiada de fondos europeos
Segundo Juan Martín Fragueiro,
responsable de Pesca Marítima do Ministerio de Agricultura e Pesca, MAPA, a nosa Comunidade será
a “gran beneficiada” entre as rexións de converxencia pola súa percepción de máis do
40% do Fondo Europeo de Pesca asignado a España.
(Fonte: La Voz de Galicia).
México
Ourense participa en feira vitícola
Máis de 30 empresas vitícolas
de Ourense participan na Misión Inversa de importacións de México, apoiados pola Cámara
de Comercio ourensá. (Fonte: La Voz
de Galicia).
Portugal
Touriño visita Lisboa
O presidente da Xunta iniciou a súa
visita á capital portuguesa cunha reunión con presidente Aníbal Cavaco Silva e o primeiro
ministro José Sócrates, coa finalidade de avanzar na cooperación de infraestruturas, o desenvolvemento
tecnolóxico, os intercambios comerciais e o fluxo migratorio.
(Fonte: Axencia Galega de Noticias).
Marítima
Máis de cen mariñeiros
abandonados
Desde o ano 2000, o sindicato internacional
ITF contabilizou máis de cen mariñeiros de países como Togo, Polonia, Ucraína e Panamá,
que foron abandonados nos portos galegos, principalmente Vigo, polos seus respectivos armadores. Segundo esta organización,
os mariñeiros sobreviven grazas á caridade local ou acción de ONGs como Cruz Vermella ou Cáritas. (Fonte: El Correo Gallego).
|
| 02/07/2006 |
|
Unión Europea-Galicia
Piden reconsiderar o uso do galego
O presidente da Xunta, Emilio Pérez
Touriño, enviou unha carta ao presidente do Parlamento europeo, Josep Borrel, para pedir a reconsideración
do seu voto na utilización do galego e outras linguas cooficiais nas institucións europeas. (Fonte: La Voz de Galicia).
Acción Exterior
Urbanismo galego en Islandia
O vicerreitor de Infraestruturas e Xestión
Ambiental da UDC, Xosé Lois Martínez, foi invitado á XXI edición da European Conference
on Operational Research no país nórdico, para expoñer a planificación urbana en campus
universitarios como A Coruña e Ferrol.
(Fonte: La Voz de Galicia).
Diáspora
Diálogos itinerantes coa emigración
No encontro cos inmigrantes e emigrantes
galegos celebrado en Ourense, no marco do ciclo Diálogos itinerantes promovido polo Parlamento nos actos
do seu 25 aniversario, a presidenta desta institución Dolores Vilarino expresou “a sensibilidade da sociedade
galega co drama da emigración”, tomando en conta que hoxe existen descendentes de segunda e terceira xeración
dos emigrantes orixinais así como diversos colectivos inmigrantes se achegan a Galicia. (Fonte: La Voz de Galicia).
|
| 01/07/2006 |
|
Portugal
Madrid aclara a solicitude para o AVE
A eurodeputada socialista Rosa Miguélez
advertiu que o goberno español solicitou a Bruxelas todos os fondos necesarios, valorados en 2,1 millóns
de euros, para ter acceso no período 2001-2006 para financiar o proxecto do AVE Vigo-Porto, contestando
así á interpelación realizada polo eurodeputado do PP Daniel Varela. (Fonte: La Voz de Galicia).
Unión Europea-Pesca
Desacordo con Senegal
O fracaso nas negociacións entre
a UE e o país africano para permitir que os barcos comunitarios poidan fanar nas augas senegalesas constitúe
un duro golpe para a frota galega, tal e como sinalou Senén Touza, presidente da Organización Nacional
de Asociacións Pesqueiras, ONAPE.
(Fonte: La Voz de Galicia).
Sáhara
Os nenos saharauís visitan Raxoi
Dentro do programa de Vacacións
en Paz, as decenas de nenos do Sáhara occidental que pasan o seu asueto en Santiago visitaron o palacio
de Raxoi, coa presenza de varios concelleiros.
(Fonte: La Voz de Galicia).
Emigración
50 aniversario do Congreso da Emigración
A Consellería de Emigración
e a secretaría xeral de Comunicación anunciaron para o próximo 24 de xullo en Bos Aires a
celebración do 50 aniversario do I Congreso da Emigración Galega, realizado na capital arxentina. (Fonte: El Correo Gallego).
Economía
Galicia, pouco atractiva
Durante a súa comparecencia na
Comisión de Economía, Aureliano García, director xeral de Planificación Económica
e dos Fondos Comunitarios, recoñeceu a perda de atractivo da nosa Comunidade para os investimentos estranxeiros
nos derradeiros 12 anos, en comparación con países como Irlanda. (Fonte: El Correo Gallego).
|
