|
 |
| 28/02/2006 |
|
Solidariedade
Unha ollada a África
A campaña “Tan lonxe, tan preto...
África”, se inaugurou en Santiago coa colaboración da ONG “Mozos do Terceiro Mundo” e a Oficina de
Voluntariado da USC, coa organización do contos, concertos e cursos divulgativos. (Fonte: El Correo Gallego).
Pesca
Cooperación con Indonesia
No marco dunha xuntanza entre o presidente
da Xunta, Emilio Pérez Touriño, e o embaixador do país asiático en Madrid, Slamet S.
Mustafá, se acordaron impulsar as relacións pesqueiras entre Galicia e Indonesia, así como
colaboración para frear a piratería marítima no estreito de Malaca, onde transitan pesqueiros
galegos e melloras na infraestrutura do porto de Iakarta.
(Fonte: El Correo Gallego).
|
| 27/02/2006 |
|
Kurdistán
Un embaixador kurdo en Galicia
Irfan Güler, avogado kurdo natural
de Diyarbakir, cidade kurda ao sureste de Turquía, residente en Santiago desde fai tres anos, desenvolve
un proxecto cultural en colaboración co Concello de Santiago, para manter un intercambio de grupos folclóricos,
a edición de libros en kurdo e o apoio santiagués á candidatura de Diyarbakir como Patrimonio
da Humanidade e a restauración do casco histórica da cidade kurda. A finais de marzo, Güler
organizará a Semana Cultural Kurda en Santiago.
(Fonte: La Voz de Galicia).
|
| 26/02/2006 |
|
Turismo
Balnearios galegos en Alemania
Turgalicia e a Asociación de Balnearios
de Galicia asinaron un convenio por valor de 27.000 euros para elaborar unha guía de calidade que permita
promover en Alemania os balnearios galegos, como alternativa ás illas Baleares. Esta iniciativa se levará
a cabo a traveso da empresa Schemetterling Reisen, operador turístico que controla o 11% das axencias alemás. (Fonte: El Correo Gallego).
Inmigración
Galegos temen auxe delictivo
Unha enquisadora privada revelou cun 31%
dos galegos entrevistados temen un aumento dos índices delictivos por parte dos colectivos inmigrantes,
citando á presenza de mafias rómanas e rusas, así como suramericanos implicados en bandas
como os Latin Kings. (Fonte: El Correo Gallego).
Pesca
Cooperación en Cabo Verde
Tralo convenio asinado coas autoridades
de Cabo Verde, o sector palangreiro vigués construirá o porto de Mindelo, na illa de San Vicente,
centro de operacións da frota galega que fana no océano Atlántico. O principal grupo de construtores
provén de A Guarda. (Fonte: La Voz
de Galicia).
|
| 25/02/2006 |
|
Diáspora
Crece o índice de pensionistas
No próximo mes de abril, a consellería
de Emigración espera un aumento dun 70% na cotización das pensións da diáspora, principalmente
dende Arxentina e Venezuela. Velaí o énfase do conselleiro Manuel Luis Rodríguez en levar
a cabo un Plan Estratéxico de Emigración 2006-2009 para a cobertura sociosanitaria, melloras lexislativas
e apertura de oficinas no exterior. (Fonte:
El Correo Gallego).
Portugal
Dificultades no AVE Vigo-Porto
A xuntanza en Santiago entre a ministra
portuguesa de Transporte, Ana Paula Vitorino, e o presidente da Xunta, Emilio Pérez Touriño, con
motivo da transferencia presidencial da Comunidade de Traballo Galicia-Norte de Portugal, confirmou as dificultades
de Lisboa para rematar o AVE no 2009. No seu lugar, se construirá entre Porto e a fronteira galega un tren
de altas prestacións de 250 km/h, cun custe de 3.000 millóns de euros. Por outra banda, se anunciou
para xuño a celebración do I Encontro Científico-Tecnolóxico Galicia-Norte de Portugal. (Fonte: El Correo Gallego).
Venezuela
Catro exiliados descoñecidos
O ferrolán Xurxo Martínez
e Crespo publicou un libro que reúne as biografías de catro galegos exiliados en Venezuela desde
1948, lembrando que a etapa do exilio neste país é unha historia “practicamente descoñecida”
para Galicia. A obra, publicada pola Asociación de Emigrantes Retornados e a CIGA, ofrece as historias de
Alejandro Tejero Cuenca, desaparecidos desde fai 36 anos; Mario F. Granell; José María Mosquera Manso
e Alberto Puente García, quen formara parte do PCE en París, xunto a Santiago Carrillo. (Fonte: La Voz de Galicia).
|
| 24/02/2006 |
|
Portugal
Se realizará estudo do AVE Vigo-Porto
O presidente da Xunta, Emilio Pérez
Touriño, asumiu a presidencia da Comunidade de Traballo Galicia-Norte de Portugal, onde se realizará
un plan estratéxico 2007-2013, na que se elaborará un amplo estudo sobre o enlace do AVE Vigo-Porto,
trala denuncia realizada polo embaixador portugués José Filipo Morais de ausencia de dito estudo. (Fonte: El Correo Gallego).
China
Sucursal de Zara en Shanghai
Inditex e a súa marca Zara abriron
unha sucursal en Shanghai, na avenida Nanjing, unha das mais transitadas a nivel mundial. A marca téxtil
galega espera aumentar as súas ganancias nun mercado potencial que supera os 1.000 millóns de clientes. (Fonte: La Voz de Galicia).
Solidariedade
A mirada dos indíxenas andinos
O fotógrafo e xornalista Ramón
Capotillo inaugura a mostra “Indíxenas nos Andes”, a cal expón aos pobos aymara e quechua de Perú
e Bolivia, nunha exposición que forma parte da campaña de sensibilización da ONG Solidariedade
Internacional e que conta co financiamento da Dirección Xeral de Cooperación da Xunta. (Fonte: La Voz de Galicia).
|
| 23/02/2006 |
|
Galicia
A ONU e o IGADI afinan programas conxuntos
Angels Mataró, directora xeral
de Asociación para a ONU en España, e Xulio Ríos, director do Instituto Galego de Análise
e Documentación Internacional, IGADI, están concretando unha serie de actividades como exposicións
sobre a desertificación, a divulgación dos Obxectivos do Milenio da ONU e a formación en dereitos
humanos para policías locais, no Centro de Estudos Xudiciais e de Seguridade Pública de Galicia,
CEXESGA. (Fonte: El Correo Gallego).
Galicia
A USC recibe estudantes norteamericanos
A traveso do programa ISEP, International
Students Exchange Program, un grupo de estudantes estadounidenses que cursarán durante un semestre na USC
foron recibidos polo reitor, Senén Barro, e autoridades universitarias, nunha charla informativa. (Fonte: El Correo Gallego).
|
| 22/02/2006 |
|
Portugal
Escaseza de estudos sobre o AVE Vigo-Porto
Tras entrevistarse coa alcaldesa de Vigo,
Corina Porro, o embaixador portugués José Filipe Mendes Morais, explicou que a ausencia de estudos
sobre a complexidade do tren de alta velocidade, especialmente en materia medioambiental, viabilidade económica
e deseño da infraestrutura, afectan a súa posterior finalización e financiamento, que aumentan
coa crise económica que vive Portugal.
(Fonte: El Correo Gallego).
Unión Europea-Fondos Estruturais
Plans para aproveitar os fondos
O conselleiro de Economía, José
Ramón Fernández Antonio, e o director de Planificación Económica dos Fondos Comunitarios,
Aureliano García Suárez-Llanos, anunciaron que a Xunta iniciará un plan estratéxico
para optimizar o uso dos fondos que proveñan da UE, coa finalidade de acelerar o desenvolvemento rural e
pesqueiro. (Fonte: El Correo Gallego).
Unión Europea-Economía
En defensa da viticultura galega
O Sindicato Labrego Galego pediu ao Ministerio
de Agricultura, Pesca e Alimentación, MAPA, que defenda os intereses dos sector viticultor nos debates dentro
da Organización Común do Mercado do Viño, principalmente á conservación dos
mercados locais e a diferenciación ecolóxica.
(Fonte: El Correo Gallego).
Turismo
Xaneiro aumenta o turismo en Galicia
Segundo un estudo da Enquisa de Movementos
Turísticos en Fronteira, Frontur, Galicia recibiu en xaneiro a visita de 46.050 turistas estranxeiros, o
cal permite calcular un aumento do 3.1%, cifra superior á alcanzada en xaneiro de 2005. (Fonte: El Correo Gallego).
|
| 21/02/2006 |
|
Diáspora
Empresarios de xira con Touriño
A visita do presidente da Xunta a Arxentina
e Uruguai se realizará con vinte empresarios galegos e catro conselleiros (Saúde, Economía,
Interior e Educación), nunha axenda onde se realizarán entrevistas cos presidentes Néstor
Kirchner e Tabaré Vázquez, así como altos niveis gobernamentais de ámbolos dous países
suramericanos. (Fonte: El Correo Gallego).
|
| 20/02/2006 |
|
Unión Europea-Galicia
Un vigués fomenta a mobilidade
laboral europea
O vicedirector de Relacións Institucionais
da Universidade de Vigo, Javier Martínez Cobas, participa en el comité europeo da mobilidade laboral,
o cal permite aos titulados universitarios un mellor acceso ao mercado laboral europeo sen demasiadas trabas burocráticas.
Isto forma parte do programa europeo Europass o pasaporte curricular, que facilita as prácticas en empresas
da UE. (Fonte: El Correo Gallego).
Unión Europea-Medio Ambiente
Plan para sanear a ría de Vigo
A Xunta enviará a Bruxelas un primeiro
plan de saneamento para mellorar a calidade da auga do litoral vigués e evitar así unha multa comunitaria
estimada en 20 millóns de euros. A sentencia condenatoria data de decembro de 2005, polo que Galicia ten
un período de seis meses para presentar o plan ante a UE.
(Fonte: Faro de Vigo).
|
| 19/02/2006 |
|
Economía
Produtos galegos na Alemania
Desde carne de vacún, setas, queixos,
castañas, viños e esencias ecolóxicas foron presentados polo Consello Regulador de Agricultura
Ecolóxica de Galicia, na feira de Biofach en Nüremberg. Especialmente interesaron os viños de
Valdeorras, Rías Baixas e Ribeira Sacra.
(Fonte: La Voz de Galicia).
Unión Europea-Medio Ambiente
Galicia e a Rede Natura 2000
Bruxelas aprobou o ingreso de Galicia
na Rede Natura 2000, a maior iniciativa mundial para a conservación de hábitats e especies. Neste
sentido, foron aprobados a maior parte dos 59 lugares de Importancia Comunitaria e as 14 Zoas de Especial Protección
das Aves, propostos pola nosa Comunidade.
(Fonte: La Voz de Galicia).
|
| 18/02/2006 |
|
Portugal
EmprendeRexión a nivel universitario
A USC e a Universidade de Minho, en Braga,
impulsarán unha rede de cooperación tecnolóxica, a EmprendeRexión, para afondar o desenvolvemento
económico na eurorrexión Galicia-norte de Portugal. No horizonte está o ano 2010, data marcada
por Bruxelas para converterse en potencia global do I+D.
(Fonte: El Correo Gallego).
Interesados en proxecto do porto seco
O presidente da Autoridade Portuaria de
Vigo, Abel Caballero, recibiu a unha delegación de alcaldes da rexión centro de Portugal, interesados
no proxecto do porto seco vigués. Un dos mais interesados foi o rexidor de Figueira da Foz, Antonio Duarte,
quen explicou o seu interese en impulsar unha plataforma loxística de similares características. (Fonte: La Voz de Galicia).
Inmigración
92 millóns para programas de integración
O Fondo de Apoio á Acollida e Integración
dos Inmigrantes, cun orzamento para o 2006 calculado en 182,4 millóns de euros, destinará uns 92
millóns de euros para accións de acollida, integración e escolarización dos inmigrantes,
segundo explicou a secretaria de Estado de Inmigración e Emigración, Consuelo Rumí. (Fonte: El Correo Gallego).
Pesca
Vigo reúne foro do Arco Atlántico
A cidade olívica acollerá
a próxima xuntanza do grupo de pesca do Arco Atlántico, un foro de rexións periféricas
de Europa onde se analiza a futura política marítima. O anuncio o realizou o conselleiro de Pesca,
Miguel López Siero, ante o comisario europeo Joe Börg, e representantes de rexións como Bretaña,
Devon (Gran Bretaña), e Lisboa. (Fonte:
La Voz de Galicia).
|
| 17/02/2006 |
|
Unión Europea-Pesca
Galicia sairía prexudicada en
Marrocos
Segundo o Grupo Popular Europeo, a nosa
Comunidade sería a gran prexudicada no reparto da distribución de permisos de pesca para fanar en
Marrocos, xa que consideran que só están outorgados 12 permisos. O caso sobre o pacto pesqueiro será
discutido na Comisión de Pesca da Eurocámara.
(Fonte: La Voz de Galicia).
Sáhara
Rois se suma á solidariedade
O Concello coruñés de Rois,
xunto a diversas organizacións e familias locais, se sumaron ao programa Vacacións en Paz, promovida
pola delegación saharauí en Galicia e a Asociación Galega co Pobo Saharauí, para axudar
ás doce mil familias de refuxiados do campo de Tinduf, asolados polas recentes inundacións. (Fonte: El Correo Gallego).
|
| 16/02/2006 |
|
Portugal
Feira de construción luso-galaica
A Feira da Construción Sico 2006,
que se celebrará en xuño en Vigo, presentará as novidades no sector inmobiliario das empresas
construtoras galegas e portuguesas. O acto de presentación do evento contou coa participación da
conselleira de Vivenda, Teresa Táboas, a alcaldesa de Vigo, Corina Porro, o presidente da Deputación
de Pontevedra, Rafael Louzán, e o director de Caixanova, Julio Fernández Gayoso. (Fonte: El Correo Gallego).
Unión Europea-Lingua
Defensa do galego en Bruxelas
O eurodeputado socialista Antolín
Sánchez Presedo realizou ante o Parlamento europeo unha aberta defensa do uso do galego como lingua comunitaria,
coa finalidade de que esta institución europea acepte o acordo proposto polo goberno de Zapatero de utilizar
o galego, eusquera e catalán en Bruxelas.
(Fonte: El Correo Gallego).
Solidariedade
Amarante enfoca cara América Latina
Xoán Hermida e Belén Rey
presentaron a sétima edición de “Xanela Aberta ao Sur”, un programa de formación e sensibilización
que levará mozos a Brasil, para convivir nos campamentos do MST; Nicaragua, na selva dos indios Guatuzos;
e Ecuador, para convivir nas cooperativas agrícolas da Fundación Maquita. (Fonte: La Voz de Galicia).
Galicia
Adeus ao consulado alemá
Trala morte do cónsul honorario
Martin Esser en xaneiro pasado, e a dificultade para atopar un substituto, o consulado de Alemania en Vigo, o único
dese país existente nunha comunidade autónoma, pechará as súas portas en marzo de 2006,
tras 40 anos de funcionamento. (Fonte: La
Voz de Galicia).
|
| 15/02/2006 |
|
Pesca
UE non garante seguridade en Somalia
Debido a unha interrogante do deputado
galego do PP, Daniel Varela, a Comisión Europea, en voz do comisario de Desenvolvemento da UE, Louis Michel,
recoñeceu non estar en condiciones de garantir a seguridade dos buques galegos e europeos que fanen nas
augas somalís, principalmente para os vinte atuneiros galegos que se ven acosados por patrulleiras armadas. (Fonte: La Voz de Galicia).
Sáhara
Axudas para os refuxiados das choivas
Debido ás torrenciais choivas que
arrasaron os campos de refuxiados saharauís en Tinduf, diversas ongs pontevedresas e a organización
Solidariedade Galega co Pobo Saharauí, abriron diversas contas bancarias para enviar os donativos e axudas. (Fonte: La Voz de Galicia).
Kurdistán
Martorell expón a diversidade
de Oriente Medio
O periodista navarro Manuel Martorell,
especializado no Kurdistán e Oriente Medio, realizou unha conferencia sobre a Diversidade e o Pluralismo
en Oriente Medio, nun acto organizado polo IGADI e o Clube Internacional de Prensa en Santiago. Neste acto participou
o avogado kurdo Irfán Güler, residente en Compostela e director dun proxecto de rehabilitación
do casco histórico da cidade kurda de Diyarbakir.
(Fonte: La Voz de Galicia).
|
| 14/02/2006 |
|
Pesca
Expoñen a situación do
sector atuneiro
A Asociación Europea do Atún,
Euroatún, presidida polo galego Juan Manuel Vieites, así como polo italiano Sergio Luoni e o francés
Philippe Gourel, realizará consultas coa Comisión Europea e a OMC para expoñer a situación
do sector atuneiro. Do mesmo xeito, empresas do sector pesqueiro vigués participaron na feira internacional
do pescado en Bremen (Alemania). (Fonte:
La Voz de Galicia).
Portugal
Vigo-Portugal para o 2009
O ministerio de Fomento respondeu unha
interrogante do deputado do BNG no Congreso, Francisco Rodríguez, sobre a apertura do trama Vigo-fronteira
portuguesa do Eixe Atlántico, a cal se mantén no 2009. Rodríguez formulara a pregunta ante
a decisión de Lisboa de non considerar prioritaria a construción do AVE Vigo-Porto, en principio
estipulada para o 2012. (Fonte: La Voz de
Galicia).
|
| 13/02/2006 |
|
Unión Europea-Fondos Estruturais
Quintana denuncia perda de 600 millóns
de euros
O vicepresidente da Xunta, Anxo Quintana,
informou ante o Consello da Xunta que a nosa Comunidade perdeu uns 600 millóns de euros debido aos fondos
de cohesión negociados para o período 2000-2006 porque o “Estado español non tivo en conta
criterios mais redistributivos como o nivel de desenvolvemento económico”. Quintana alertou de maiores reducións
por parte de Bruxelas nos fondos de cohesión a recibir no próximo período. (Fonte: El Correo Gallego).
Diáspora
Unha emigración que abre mercados
Ampliando as súas funcións
asistenciais, a Fundación Galicia Emigración iniciou unha nova etapa na que, segundo a súa
presidenta Pilar Pin, “intenta enfocar unha labor sociocultural e de impulso ao papel do empresariado no exterior”
para “a apertura de novos mercados para as empresas galegas”. No acto tamén estivo presente o presidente
da Xunta, Emilio Pérez Touriño.
(Fonte: El Correo Gallego).
Inmigración
ONGs pola integración
Unhas cincuenta ongs galegas traballan
na nosa Comunidade en tarefas de apoio ao inmigrante, sexa como persoal voluntario ou prestando servizos que, en
moitos casos, deberían asumir as administracións.
(Fonte: La Voz de Galicia).
|
| 12/02/2006 |
|
Portugal
Cooperativismo transfronteirizo
A consellería de Traballo participará
nun proxecto conxunto, denominado Desenvolvemento Rural Transfronteirizo de Base Cooperativa Galicia-Norte de Portugal,
con carácter plurianual e un orzamento de 630.000 euros. A consellería terá como socios á
Universidade de Vigo, a Asociación Galega de Cooperativas Agrarias, AGACA, a Federación de Empresas
Cooperativas Sinerxia, a Unión de Cooperativas de Traballo Asociado e catro mais de parte portuguesa. (Fonte: El Correo Gallego).
Téxtil
Galicia supera balanza comercial con
China
Segundo datos do Instituto de Comercio
Exterior, ICEX, no 2005 Galicia superou en exportacións a China as propias importacións dende o país
asiático, cun ha balanza comercial de 407 millóns favorables á industria téxtil galega. (Fonte: La Voz de Galicia).
Portugal
Destino turístico galaico-portugués
A presidenta do Parlamento galego, Dolores
Vilarino, cualificou dunha “grande oportunidade” a creación dun destino conxunto entre Galicia e a rexión
do Norte de Portugal, durante os actos do Día de Portugal en Ourense. (Fonte: La Voz de Galicia).
Pesca
Galicia domina o mercado atuneiro europeo
O balance 2005 elaborado pola Asociación
Nacional de Fabricantes de Conservas, Anfaco, informou da sólida presenza galega nun 50% mercado atuneiro
europeo, sorteando incluso a competencia asiática. Anfaco tivo vendas por valor de 1.158 millóns
de euros no 2005. (Fonte: La Voz de Galicia).
|
| 11/02/2006 |
|
Inmigración
Normalización de estranxeiros
Das 1.240 solicitudes de regularización
presentadas ante a Subdelegación de goberno, unhas 1.016 pertencentes a inmigrantes residentes en Pontevedra
xa foron aceptadas, o cal constitúe o 82% das autorizacións nos derradeiros tres meses. (Fonte: La Voz de Galicia).
Unión Europea-Galicia
Consellerías buscan eliminar débeda
europea
As consellerías de Presidencia,
Economía, Política Territorial, Sanidade, Pesca, Medio Ambiente e Vivenda, se uniron para evitar
o pago dunha multa, que pode ascender aos 20 millóns de euros, estipulada polo Tribunal de Xustiza da Comisión
Europea o pasado 15 de decembro de 2005, e que condena ao Estado español por non adoitar un programa de
recondución da contaminación na ría de Vigo.
(Fonte: El Correo Gallego).
Diáspora
Touriño coa xira empresarial
O presidente da Xunta, Emilio Pérez
Touriño, realizará a mediados de marzo unha xira por Arxentina e Uruguai, xunto a unha delegación
empresarial galega dos sectores da pedra, granito e madeira, dentro do marco da acción exterior enfocada
a América Latina, Europa e Portugal. Touriño se entrevistará cos presidentes Néstor
Kirchner e Tabaré Vázquez.
(Fonte: El Correo Gallego).
Solidariedade
Amarante enfoca cara Brasil e Mozambique
O director da ONG pontevedresa Amarante,
Xoán Hermida, anunciou que dentro do orzamento de 180.000 euros para o ano 2006, a organización espera
impulsar granxas avícolas en Mozambique e unha iniciativa educativa de formación profesional no estado
brasileiro de Piaui. Do mesmo xeito, Amarante seguirá apostando polo Café de Comercio Xusto co Terceiro
Mundo. (Fonte: El Correo Gallego).
|
| 10/02/2006 |
|
Pesca
Galicia obterá contratos rusos
A recente visita do presidente ruso Vladímir
Putin a España permitiu a concreción de acordos de construción de buques que beneficiarán
á industria naval galega. A subscrición dun convenio entre Pymar, sociedade de pequenos e medianos
estaleiros españois á que pertence o 80% dos construtores navais galegos, e o Vnesheconombank, un
dos principais bancos rusos, terá un valor aproximado de 313 millóns de euros. (Fonte: La Voz de Galicia).
Cultura
O libro galego en A Habana
A Asociación Galega de Editores,
co patrocinio da Consellería de Cultura, e as 35 empresas editoras galegas, participaron na Feira Internacional
do Libro na capital cubana, presentando unha variada oferta de autores galegos. (Fonte: La Voz de Galicia).
|
| 09/02/2006 |
|
Unión Europea-Ambiente
Cooperación ecolóxica para
o Camiño de Santiago
A Fundación Biodiversidad e o Fondo
Social Europeo aprobaron dous proxectos presentados pola Cámara de Comercio de Santiago para que as pequenas
e medianas empresas localizadas ao longo das distintas rutas xacobeas mellores as súas prácticas
medioambientais e os itinerarios dos peregrinos.
(Fonte: La Voz de Galicia).
Investigación
Expertos europeos na Universidade de
Vigo
Coa finalidade de analizar as novas tecnoloxías
da información e comunicación, catro expertos de Suecia, Finlandia e o Reino Unido visitaron a Universidade
de Vigo e os programas de investigación a desenvolver en centros municipais de administración e comercio
electrónico nas empresas.
Portugal
Instituto de Braga para o 2008
José Rivas, catedrático
de Electromagnetismo na USC, dirixirá o Instituto de investigación en nanotecnoloxía na Universidade
de Minho en Braga, tralo asinamento dun acordo en Madrid entre os gobernos español e portugués. Se
espera que o instituto entre en funcionamento no 2008.
|
| 08/02/2006 |
|
Unión Europea-Sociedade
Baixa criminalidade en Galicia
Unha taxa de criminalidade calculada en
27,7 infraccións por cada 1.000 habitantes coloca a Galicia nos índices máis baixos a nivel
europeo (42,3 puntos), sendo igualmente unha taxa moi inferior ao nivel estatal (49,5). No 2005, estas taxas diminuíron
un 1,58%. Gran Bretaña, Bélxica, Dinamarca, Holanda, Alemania e Francia comandan a táboa europea
de criminalidade. (Fonte: El Correo Gallego).
Marítima
Formación pesqueira para peruanas
e brasileiras
Un proxecto presentado polo secretario
xeral de Pesca Marítima, Juan Carlos Martín Fragueiro, e o director xeral do Centro Internacional
de Formación da Organización Internacional do Traballo, OIT, François Tremeaud, permitirá
a mulleres brasileiras e peruanas beneficiarse na formación pesqueira no Instituto Social da Mariña
en Bamio (Vilagarcía). O investimento se achega aos 320.000 euros. (Fonte: La Voz de Galicia).
Uruguai
Solidariedade co río Uruguai
Unha protesta fronte ao consulado de Uruguai
en Vigo, organizada pola Asociación Pola Defensa da Ría (APDR), e a Plataforma Solidaria co Movemento
Antipapeleiras no Río Uruguai, enfocou na necesidade de preservar o medio ambiental da localidade uruguaia
afectada pola construción das papeleiras de Ence e Botnia.
(Fonte: La Voz de Galicia).
|
| 07/02/2006 |
|
Unión Europea-Ambiente
Galicia incumpre normativa comunitaria
A nosa Comunidade incumpre desde fai cinco
anos a letra da directiva europea 91/2717CEE, que estipula desde o 1 de xaneiro o tratamento de todos os vertidos
en poboacións de 2.000 a 15.000 habitantes antes da súa chegada a ríos e rías. En Galicia
tamén se incumpre esta medida nos concellos con poboacións superiores a 15.000 habitantes. (Fonte: La Voz de Galicia).
Inmigración
Santiago terá Consello Municipal
de Migracións
O Concello santiagués aprobou o
regulamento para a futura constitución, probablemente no mes de xuño, do Consello Municipal de Migracións,
órgano de participación cidadán para o debate e a formulación de propostas sobre as
políticas municipais de cara aos 3.600 inmigrantes e emigrantes retornados que habitan nesta comunidade. (Fonte: La Voz de Galicia).
|
| 06/02/2006 |
|
Inmigración
Pontevedra e a cultura musulmán
Unha serie de cursos promovidos pola Asociación
Marroquí de Pontevedra e a concellería de Benestar Social, permite aos habitantes desta comunidade
acercarse á cultura e gastronomía árabe, como un elemento que permita a integración
social. Neste sentido, o curso estivo impartido pola profesora tunesina Hédia Aroua. (Fonte: El Correo Gallego).
Unión Europea-Pesca
Armadores vigueses avalan representación
da Axencia Europea
O sector de empresarios e armadores pesqueiros
de Vigo cualificou positivamente a Fernando Curcio e José Navarro, representantes designados polo goberno
español para o consello de administración da Axencia Europea do Control da Pesca. Sen embargo, o
sector pesqueiro local considerou que a UE perdeu unha oportunidade para ampliar as competencias da institución
comunitaria. (Fonte: La Voz de Galicia).
|
| 05/02/2006 |
|
Galicia
Nanotecnoloxía galega á
vangarda mundial
As universidades galegas, grazas ao apoio
da Axencia Espacial Europea e a colaboración de diversas universidades e centros científicos mundiais,
está a desenvolver proxectos de avanzada en nanotecnoloxía, deseñados para a detección
precoz de enfermidades como a hepatites B. A Fundación Bill Gates amosou o seu interese polos traballos
destes investigadores galegos. (Fonte: La
Voz de Galicia).
Diáspora
Traballo pioneiro sobre a emigración
en Brasil
Erica Sarmiento da Silva, estudante de
doutoramento na Facultade de Xeografía e Historia da USC e filla de emigrantes galegos a Brasil, obtivo
o máximo premio da undécima edición do Premio Vicente Risco de Ciencias Sociais, polo seu
traballo A emigración galega no Brasil. Este supón o primeiro traballo que se fai sobre e emigración
galega no Brasil. (Fonte: La Voz de Galicia).
Inmigración
Facilidades laborais para os inmigrantes
Tras Cataluña, Madrid e Euskadi,
Galicia constitúe unha das principais comunidades autónomas en ofrecer postos de traballo aos estranxeiros,
cun copo de 1.156 empregos e posibilidades de outorgar permisos de residencia. (Fonte: La Voz de Galicia).
|
| 04/02/2006 |
|
Portugal
Doutores galegos buscan contrato en Portugal
Ante as dificultades para outorgar contratos
estables por parte do Servizo Galego de Saúde, Sergas, uns 50 mozos galegos iniciaron trámites en
Portugal para obter a estabilidade laboral, tras dous anos de substitucións por horas. (Fonte: La Voz de Galicia).
Solidariedade
Sensibilización a traveso dos
curtametraxes
Os estudantes da Escola de Comunicación
Audiovisual da Facultade de Ciencias Sociais do campus de Pontevedra comezaron a rodar unha curtametraxe gañador
dun concurso de guións, convocado pola ONG Solidariedade Internacional de Galicia. O guión busca
dar a coñecer á mocidade galega a vida dos mozos palestinos, os refuxiados saharauís e os
indíxenas latinoamericanos. (Fonte:
La Voz de Galicia).
|
| 03/02/2006 |
|
Venezuela
Empresarios galegos esixen indemnizacións
As autoridades venezolanas informaron
que “evaluarán os danos” causados a propietarios de terras de orixe galego, afectados polas posibles invasións
de simpatizantes do goberno de Hugo Chávez. Todo isto pola aplicación da Lei de Terras cara territorios
considerados “ociosos”. En Madrid, consideraron como “insatisfactorias” as xestións do goberno de Chávez
para solucionar o problema. (Fonte: El Correo
Gallego).
Marítima
Vigo como principal base atlántica
Un proxecto do ministerio de Educación
e da Xunta prevé conformar en Vigo unha base internacional de buques oceanográficos no Atlántico
central. Neste sentido, se espera converter á antiga Escola de Transmisións e Electrónica
da Armada en Rande como un subcentro de operacións de unidades avanzadas de Francia, Gran Bretaña,
Noruega e Portugal, cun custe valorado en 150 millóns de euros. Este proxecto conta co apoio da consellería
de Pesca, a traveso do Centro Tecnolóxico do Mar, Cetmar.
(Fonte: Faro de Vigo e El Correo Gallego).
|
| 02/02/2006 |
|
Unión Europea-Pesca
Un portugués para a Axencia de
Pesca
A Comisión Europea designou a Marcelo
Vasconcelos como presidente do consello de administración da Axencia Europea para o control da Pesca, que
comezará a funcionar en Vigo, aínda que iniciará as súas funcións en Bruxelas
en xuño de 2006. O representante español será Fernando Curcio. (Fonte: Atlántico Diario).
Diáspora
O Igadi debate o voto emigrante
Unha mesa redonda coa participación
dos parlamentarios Aurelio Miras Portugal (PP), Ana Miranda (BNG) e Abel Losada (PSOE), foi organizada en Vigo
polo Instituto Galego de Análise e Documentación Internacional, plasmou un consenso sobre a necesidade
do voto nas urnas para a diáspora, a fin de evitar fraudes.
(Fonte: Faro de Vigo e Atlántico Diario).
Cultura
O libro galego se coñecerá
en América Latina
A consellería de Cultura e Deporte
promoverá o libro galego nas feiras editoriais de Sao Paulo e Guadalajara, as dúas máis importantes
do continente. A estas feiras se engadirán ás de Bos Aires e A Habana. (Fonte: El Correo Gallego).
Unión Europea-Fondos Estruturais
O gasto galego dos fondos europeos
Segundo datos do Ministerio de Economía
e Facenda, a nosa Comunidade tan só gastou un 65% das axudas de Bruxelas para o período 2000-2006,
indicando que Galicia dispón actualmente dun fondo comunitario de 1.841 millóns de euros, só
aplicable a programas aprobados pola Comisión Europea antes do remate do 2006. (Fonte: La Voz de Galicia).
Téxtil
Inditex compra sociedade finlandesa
A empresa galega acordou co grupo finlandés de distribución Stockmann, a adquisición por valor
de 41,5 millóns de euros de Zao Stockmann Krasnoselskaya, unha franquicia de Zara en Rusia encargada de
xestionar o desenvolvemento da cadea nese país.
(Fonte: La Voz de Galicia).
|
| 01/02/2006 |
|
Portugal
Bugallo alerta sobre retraso no AVE Vigo-Porto
Durante a asemblea xeral do Eixo Atlántico,
o presidente deste organismo e alcalde de Santiago, Xosé Luís Sánchez Bugallo, advertiu á
ministra de Medio Ambiente, Cristina Narbona, sobre o negativo impacto económico para Galicia ante a posibilidade
de que se paralicen as obras do AVE e as infraestruturas entre Galicia e o norte de Portugal. A ministra Narbona
persuadiu ante os 18 alcaldes galegos e portugueses pertencentes ao Eixo Atlántico sobre a necesidade de
subscribir a Carta de Aalborg sobre desenvolvemento sostible.
(Fonte: El Correo Gallego).
Unión Europea-Educación
Plan galego para converxer con Europa
A conselleira de Educación, Laura
Sánchez Piñón, avanzou na consolidación do II Plan Galego de Formación Profesional
2007-2010, cuxa finalidade é afondar as estratexias “para avanzar no camiño da nosa conversión
con Europa no horizonte do 2010”. (Fonte:
El Correo Gallego).
Unión Europea-Linguas
O debate interno das linguas cooficiais
O informe do secretario xeral do Parlamento
Europeo sobre a súa negativa a admitir ao galego, catalán e euskera como linguas de traballo en Bruxelas,
provocou unha división entre os eurodeputados Daniel Varela (PP), Antolín Sánchez Presedo
(PSOE), Iganis Guardáns (CiU) e Francisco Rodríguez (BNG), con posturas diverxentes sobre o uso das
tres linguas nas institucións europeas.
(Fonte: La Voz de Galicia).
Inmigración
Piden empadroamento aos estranxeiros
A concelleira de Emigración e Inmigración
de Santiago, Teresa Regúlez, pediu aos inmigrantes e emigrantes na capital galega que inicien os seus trámites
de empadroamento para poder levar a cabo diversos plans de axuda e integración aos inmigrantes. O concello
de Santiago realizará un censo socioeconómico entre os 6.000 inmigrantes que habitan na capital,
comezando polos orixinarios de Arxentina, Uruguai e Venezuela.
(Fonte: El Correo Gallego).
A inmigración africana en Galicia
Mbaye Lo, presidente do Colectivo Senegalés
de A Coruña, e Anthonhya Okenue, de Guinea Ecuatorial, realizaron sendas charlas no IEA de Sar sobre a realidade
da inmigración africana en Galicia, os problemas de integración e as vías de comunicación
coas súas familias nos países de orixe.
(Fonte: La Voz de Galicia).
Marítima
Destacan auxe do sector naval galego
Segundo o comité organizador da Feira Internacional da Industria Naval, Navalia, que se celebrará
en Vigo a finais de maio, o evento servirá para destacar o impulso e potenciación do sector marítimo
galego a nivel mundial, especialmente no apartado das exposicións do estaleiros galegos. (Fonte: El Correo Gallego).
Venezuela
Chávez advirte a Navantia sobre
acordos asinados
O presidente venezolano Hugo Chávez
advertiu á empresa Navantia que se obedece o veto de EEUU pola contratación, por parte de Caracas,
na construción de oito barcos, algúns deles en estaleiros galegos, o seu goberno adquirirá
esta flotilla noutro país, “como pode ser China, Rusia, Irán, India ou mesmo Brasil”. (Fonte: La Voz de Galicia).
|
