|
 |
| 31/01/2006 |
|
Unión Europea-Galicia
Golpe ao galego por parte do Parlamento
europeo
Un informe da secretaría xeral
do Parlamento europeo considera que a utilización do galego, euskera e catalán como linguas de traballo
“ocasionaría problemas administrativos e sentaría un perigoso precedente”. A pesar de que un anterior
informe do Consello Europeo e do Comité das Rexións lle outorgaron certo status ás tres linguas,
o informe do Parlamento concorda que elas están vetadas no Congreso e o Senado español. (Fonte: La Voz de Galicia).
Portugal
Integración educativa luso-galaica
A USC tomará en xuño de
2006 o relevo na presidencia do Centro de Estudos Eurorrexionais, CEER, que conforman as tres universidades galegas
e as tres do norte de Portugal, Minho, Tras os Montes e Porto. En total, as seis universidades suman 150.000 alumnos
e dez mil profesores que realizan un gran labor investigador no desenvolvemento rural, turismo e sociedade da información.
Este organismo conta con fondos europeos a través do Interreg.
(Fonte: El Correo Gallego).
|
| 30/01/2006 |
|
Eixo Atlántico
Asinan a Carta de Aalborg
As 18 cidades do noroeste peninsular,
pertencentes ao Eixo Atlántico, asinaron en Santiago este documento clave para a constitución dun
desenvolvemento urbano sostible co respecto ao Medio Ambiente. Neste ano, o Eixo Atlántico espera poñer
en marcha tres novos programas europeos con financiamento dos fondos Feder. (Fonte: El Correo Gallego).
Solidariedade
Amarante domina o comercio xusto
A ONG pontevedresa consolidou a súa
primacía en Galicia en canto as vendas de comercio xusto e sensibilización, o cal coloca á
nosa Comunidade como a terceira a nivel estatal en apertura de tendas e de espazos comerciais estables para esta
actividade. Amarante colabora co Fondo Galego de Cooperación e o Instituto Galego de Análise e Documentación
Internacional, Igadi, nas tarefas de sensibilización da cooperación internacional galega. (Fonte: La Voz de Galicia).
|
| 29/01/2006 |
|
Sociedade
Exposición do Holocausto en A
Coruña
A cidade galega será sede en novembro
de 2006 dunha gran exposición internacional sobre o Holocausto, a primeira desta magnitude en España.
Esta exposición será posible grazas ao acordo entre o Museo de Historia Alemana de Berlín,
o Museo Imperial da Guerra de Londres e o Museo Memorial do Holocausto de Washington. (Fonte: La Voz de Galicia).
Economía
Aumentan importacións de madeira
Uruguai e Brasil son os principais socios
comerciais da madeira de Galicia, cun aumento das importacións dun 23%, especialmente co respecto ás
descargas na factoría de Lourizán.
(Fonte: La Voz de Galicia).
|
| 28/01/2006 |
|
Sáhara
Parlamento galego apoia referendo saharauí
A presidenta do Parlamento, Dolores Villarino,
o vicepresidente da Xunta, Anxo Quintana, e os representantes dos grupos parlamentarios recibiron á delegación
saharauí, encabezada polo presidente da República Árabe Saharauí, Mohamed Abdelaziz,
á que lle amosaron o seu apoio a favor dun referendo de autodeterminación do Sáhara occidental.
Tamén se formularon posibles programas de colaboración en materia de vivenda, rural e educación. (Fonte: La Voz de Galicia).
Prestige
Piden proceso xudicial aberto
Xuíces e fiscais franceses e españois
se reuniron na Coruña para atopar unha fórmula xurídica que permita que as dúas causas
penais abertas nos dous países polo caso Prestige poidan rematar nun proceso xudicial aberto no Xulgado
de Instrución Nº 1 de Corcubión, tal e como recomendara o órgano europeo de coordinación
xudicial, Eurojust. (Fonte: La Voz de Galicia).
|
| 27/01/2006 |
|
Sáhara
Presidente saharauí en Vigo
Mohamed Abdelaziz, presidente da República
Árabe Saharauí, iniciou en Vigo unha visita de tres días a Galicia, invitado polas institucións
oficiais galegas, coa finalidade de dar a coñecer a situación no Sáhara occidental. (Fonte: La Voz de Galicia).
Portugal
Identificarán as fortalezas galaico-portuguesas
O delegado da entidade cultural Icomos,
Juan Antonio Rodríguez-Villasante, procederá á catalogación e dixitalización
das fortalezas froteirizas entre Galicia e o norte de Portugal, grazas a unha achega de 300.000 euros por parte
do programa europeo Interreg III. Se revalorizarán os catro conxuntos do sistema de fortificacións
do río Miño, principalmente Monçao, Salvaterra do Minho, Valença, Tui, Vila Nova de
Cerveira, Goián, Insua de Caminha e A Guarda.
(Fonte: El Correo Gallego).
|
| 26/01/2006 |
|
Diáspora
Ampliarán prestacións aos
emigrantes na Arxentina
A conselleira de Sanidade, María
José Rubio Vidal, asegurou en Bos Aires, que se nomeará un novo director para o hospital do Centro
Gallego e que se “estenderán paulatinamente as prestacións asistenciais aos emigrantes galegos para
garantir a cobertura sociosanitaria”. (Fonte:
El Correo Gallego).
|
| 25/01/2006 |
|
Prestige
Presentarán demanda xudicial contra
directiva da UE
Un grupo de empresarios internacionais
do sector marítimo decidiu presentar unha batalla xudicial contra a nova directiva aprobada pola UE a raíz
do accidente do Prestige, que castiga con duras sanciones aos vertidos deliberados e involuntarios onde se demostre
dolo e neglixencia. Este grupo iniciou o pleito no Tribunal Superior de Londres contra a denominada “directiva
Prestige”. (Fonte: La Voz de Galicia).
|
| 24/01/2006 |
|
Cuba
Ampliarán asistencia alimentaria
O secretario xeral de Emigración,
Manuel Luis Rodríguez, se despediu do colectivo galego de Cuba revisando o programa “Solidaridad”, que levará
alimentos de primeira necesidade e outros produtos considerados caros e inaccesibles para os galegos residentes
na illa caribeña. (Fonte: La Voz
de Galicia).
|
| 23/01/2006 |
|
Venezuela
Cultura de Paz en Caracas
O presidente do Seminario Galego de Educación
para a Paz, Manuel Dios Diz, representou á Fundación Cultura de Paz, presidida por Federico Mayor
Zaragoza, no Foro Mundial de Educación de Caracas, no marco da celebración do Foro Social Mundial
na capital venezolana. Pola súa banda, a responsable de Emigración e Asuntos Europeos do BNG, Ana
Miranda, tamén acudiu ao evento internacional.
(Fonte: El Correo Gallego).
Marrocos
Fadesa aspira a un novo proxecto inmobiliario
O complexo turístico e residencial
de Thazagazout, nas proximidades da costa atlántica de Agadir, aspira a converterse no terceiro proxecto
inmobiliario da empresa coruñesa Fadesa. Outras sete empresas compiten pola operación no país
magrebí. (Fonte: El Correo Gallego).
China
Galicia debe dirixir a súa vista
a Asia
Mónica Li, experta en mercados
asiáticos e xerente da consultora Monli Asia International S.L, advertiu aos empresarios galegos a necesidade
de enfocar as súas estratexias económicas na zona de Asia Oriental e, especialmente, China, pola
súa capacidade para condicionar a economía global.
(Fonte: La Voz de Galicia).
|
| 22/01/2006 |
|
Galicia
Científica coruñesa dirixe
centro en EEUU
Susana Martínez dirixe o Instituto
Neurolóxico Barrow en Phoenix (EEUU), centro de investigación no que se descubriu, tras medio século
de polémica, o movemento ocular responsable do 80% da experiencia visual e a importancia das microsacadas,
pequenos tics nerviosos necesarios para que as imaxes non se desvanezan.
(Fonte: El Correo Gallego).
Portugal
Buscan evitar o traslado de Poligal
O voceiro do BNG, Francisco Rodríguez,
alertou sobre a posibilidade de que a empresa Polipropileno de Galicia, Poligal, sexa trasladada da súa
factoría en Narón (A Coruña), a Portugal, baixo o pretexto de “falta de infraestruturas na
comarca e o seu afastamento dos mercados”.
(Fonte: El Correo Gallego).
Candidatos lusos evitan o AVE Vigo-Porto
Nin o conservador Aníbal Cavaco
Sil, nin o independente Manuel Alegre ou o socialista Mario Soares, realizaron algunha referencia ao tren de alta
velocidade entre Vigo e Porto nas súas campañas electorais. (Fonte: La Voz de Galicia).
|
| 21/01/2006 |
|
Turismo
Santiago busca promoción exterior
O concelleiro de Turismo, Francisco Candela,
presentou un programa de promoción turística municipal, coa finalidade de expandir o atractivo de
Santiago en EEUU, China e Europa central, así como na próxima Feira Internacional de Turismo. Candela
tamén anunciou da futura creación dun Grupo de Cidades do Camiño de Santiago, xunto a Pamplona,
Logroño, Burgos e León. (Fonte:
El Correo Gallego).
Portugal
Os fondos do AVE Vigo-Porto
O comisario de Transportes, Joe Börg,
confirmou diante do eurodeputado do PP, Daniel Varela, que o goberno español aínda non solicitou
á Comisión Europea os fondos necesarios para o AVE Vigo-Porto, a pesar de estar incluído no
programa transfronteirizo e de constituír unha “importante aportación á cohesión e
interoperatividade ferroviaria”. (Fonte:
La Voz de Galicia).
Arxentina
Aumenta o conflito con Ence e Botnia
O gobernador da provincia de Entre Ríos,
Jorge Busti, presentou unha demanda penal contra Ence e Botnia, polo “delito de contaminación en grao tentativa
da auga, solo e aire, con riscos para a saúde”. Esta provincia arxentina é fronteiriza coa marxe
do río Uruguai onde se atopan as plantas de celulosa.
(Fonte: La Voz de Galicia).
Unión Europea-Fondos Estruturais
Piden compensacións para Galicia
O BNG pediu diante o Parlamento galego que Bruxelas outorgue compensacións financeiras a Galicia diante
do forte recorte dos fondos europeos. (Fonte:
La Voz de Galicia).
Cooperación
Bolsas da USC para Porto Rico e EEUU
O próximo curso permitirá
a USC ofrecer oito bolsas de estudos para alumnos das universidades de Porto Rico e EEUU, exceptuando na carreira
de Ciencias da Saúde. (Fonte: La
Voz de Galicia).
Portugal
Portugueses votan en Galicia
Con motivo das eleccións presidenciais
portuguesas, os 750 residentes lusitanos na nosa Comunidade puideron exercer o seu voto no Consulado dese país
en Vigo, así como nunha oficina dependente en Ourense.
(Fonte: La Voz de Galicia).
|
| 20/01/2006 |
|
Inmigración
Vigo domina a presenza estranxeira
Utilizando os recentes datos do INE, o
responsable de CIG-Migración, Lois Pérez Leira, explicou que na cidade olívica e a súa
área de influencia residen 18.350 inmigrantes e que, pese a esta circunstancia, non se presentan guettos
de inmigrantes. Isto facilita a integración social, principalmente dos inmigrantes suramericanos. Vigo posúe
o 26,5% do total de inmigrantes en Galicia.
(Fonte: La Voz de Galicia).
Cursos de inserción para inmigrantes
Santiago, Vigo e Ourense acollerán
seis dos 53 seminarios organizados pola Oficina de Correos e a Cruz Vermella, con participación financeira
do Fondo Social Europeo, concibidos para axudar á inserción laboral do colectivo inmigrante. (Fonte: El Correo Gallego).
Cuba
Idega organizou conferencia enerxética
O Instituto de Desenvolvemento de Galicia,
Idega, da USC, realizou na Habana unha conferencia sobre enerxía e innovación tecnolóxica,
coa presenza de membros do Ministerio de Educación Superior de Cuba. (Fonte: El Correo Gallego).
Uruguai
Interese polo modelo pesqueiro galego
O primeiro senador da República
Oriental do Uruguai, Eleuterio Fernández Huidobro, anunciou na súa visita á Cooperativa de
Armadores de Vigo que o seu país pretende importar de Galicia a súa experiencia pesqueira e de alternativas
enerxéticas, como a eólica. Huidobro destacou a forte presenza galega na industria pesqueira do seu
país. Anteriormente, en Allariz, Huidobro amosou o seu interese polo modelo de xestión municipal
aplicado polo BNG. (Fonte: La Voz de Galicia).
|
| 19/01/2006 |
|
Cultura
Promoción do galego en París
e Bruxelas
A secretaria xeral de Política
Lingüística, Marisol López, estivo no salón Expolangue da capital francesa, para promover
a lingua e cultura galega, así como nas institucións da UE en Bruxelas, para “facilitar as intervencións
en galego dos membros do Goberno e dos deputados galegos e a proxección exterior da lingua galega. (Fonte: La Voz de Galicia).
Portugal
O turismo galego na feira de Lisboa
A Feira Internacional de Turismo de Lisboa
presentou a diversidade turística da Ribeira Sacra, as súas cidades, os balnearios e os seus centros
turísticos dedicados á saúde, que ofrece Galicia. Portugal constitúe o principal mercado
turístico galego e, no 2005, un 16,7% de portugueses visitaron a nosa Comunidade. (Fonte: La Voz de Galicia).
Diáspora
Núñez Feijoo visitará
América do Sur
Arxentina, Uruguai e Venezuela serán
os países destinatarios da xira que realizará no primeiro trimestre do 2006 o novo líder do
PPdG, Alberto Núñez Feijoo. Esta xira se enfocará no contacto directo cos emigrantes galegos,
principalmente para acometer os temas da nacionalidade, cobertura sanitaria e o apoio aos retornados. (Fonte: El Correo Gallego).
Téxtil
Desembarco galego en Hong Kong
Cinco firmas do téxtil galego participaron
na feira Fashion Week de Hong Kong, cunha promoción especial realizada pola Cámara de Comercio e
Industria de Ourense con financiamento da Consellería de Innovación. (Fonte: El Correo Gallego).
|
| 18/01/2006 |
|
Unión Europea-Fondos de Cohesión
Bruxelas excluirá a Galicia
O futuro reparto do Fondo de Cohesión
da UE para o período 2007-2013 será prexudicial para a nosa Comunidade. O Estado español recibirá
3.250 millóns de euros principalmente para axudas estruturais destinadas a Andalucía, Castela e León,
Extremadura, Murcia, Asturias e Valencia.
(Fonte: La Voz de Galicia).
Cuba
As “jabas” finalmente chegarán
a A Habana
Segundo o secretario xeral de Emigración,
Manuel Luis Rodríguez, xa foi superada a polémica pola entrega das tradicionais bolsas de Nadal á
comunidade galega en Cuba, durante un encontro con 50 representantes das sociedades galegas e o ministro de Xustiza
cubano, José Ramón Fernández. En decembro de 2005, as “jabas” non foran enviadas. (Fonte: La Voz de Galicia).
Inmigración
Estranxeiros aumentan a poboación
galega
O Instituto Nacional de Estatística
informou que, dos 11.213 novos habitantes de Galicia, uns 10.976 son de orixe estranxeiro, principalmente brasileiros,
portugueses, uruguaios, colombianos, venezolanos e arxentinos. Sen embargo, os 69.363 estranxeiros que viven na
nosa Comunidade só representan o 2,5% do censo de poboación. Tamén é patente o escaso
peso demográfico galego a respeito de España.
(Fonte: La Voz de Galicia).
Economía
Santiago acolle a cooperativas europeas
Un encontro europeo de cooperativas galegas,
italianas e polacas, se reuniu na capital galega para explorar a promoción e fomento do cooperativismo e
a súa adaptabilidade na nosa Comunidade. A Asociación Galega de Cooperativas, AGACA, se reuniu con
membros de Equalitá (Italia) e Mozemy (Polonia) para presentar a Iniciativa Comunitaria Equal e a Nexus
Rede. (Fonte: El Correo Gallego).
|
| 17/01/2006 |
|
Política
O BNG critica ataque da CIA en Paquistán
O coordinador da executiva do bloque nacionalista,
Francisco Jorquera, amosou o seu “total rexeite” e “condena rotunda” ao bombardeo realizado por forzas estadounidenses
en coordinación coa CIA, nas aldeas da rexión paquistaní de Waziristán, na que morreron
18 civís, no marco dunha suposta operación antiterrorista.
(Fonte: El Correo Gallego).
Inmigración
Crearán oficinas para estranxeiros
A Xunta prevé crear, a partir do
2007, unha Oficina Única de Estranxeiros en Vigo e outra en Pontevedra, coa finalidade de tramitar os permisos
de traballo e de residencia. (Fonte: La
Voz de Galicia).
|
| 16/01/2006 |
|
México
Confirman asasinato de empresario galego
Unha vez atoparan o seu cadáver,
as autoridades mexicanas confirmaron o asasinato do empresario Manuel Vázquez Ruiz, natural de O Carballiño,
secuestrado desde abril de 2005 na rexión de Culiacán. A policía mexicana analiza a posibilidade
de que Vázquez Ruiz fora asasinado en xullo pasado, tralas investigacións realizadas cando capturaran
unha banda de delincuentes en Tijuana. (Fonte:
La Voz de Galicia).
Pesca
Barcos galegos piden faenar en Marrocos
O ministerio de Pesca recibiu doce solicitudes
para que embarcacións galegas podan fanar no caladoiro marroquí, tras do acordo subscrito entre este
país magrebí e a UE. Unha deputada do BNG indicou que Bruxelas non asignou o número final
de licencias para os diferentes Estados membros.
(Fonte: El Correo Gallego).
|
| 15/01/2006 |
|
Uruguai
En ascenso a crise das celulosas de ENCE
Os grupos arxentinos opositores á
construción das dúas fábricas papeleiras de Ence e a finlandesa Botnia en Uruguai pecharon
as tres pontes que unen por terra a ambos os dous países, tomando varias cidades das provincias de Entre
Ríos e Fray Bentos. (Fonte: La Voz
de Galicia).
Portugal
Villarino visitou Parlamento luso
A presidenta do Parlamento galego, Dolores
Villarino, foi recibida en Lisboa polo presidente da Assembleia da República portuguesa, Jaime José
Matos da Gama, para establecer contactos institucionais “do máis alto nivel”. (Fonte: El Correo Gallego).
|
| 14/01/2006 |
|
Portugal
Insisten na construción do AVE
A Comunidade de Traballo Galicia-Norte
de Portugal acordou encargar un estudio para determinar as características técnicas e de demanda
do proxecto de comunicación ferroviaria de alta velocidade entre Vigo e Porto. Este anuncio se realizou
tras da xuntanza na cidade lusa do presidente da Xunta, Emilio Pérez Touriño, co presidente da Comisión
de Coordinación de Desenvolvemento Rexional do Norte, Carlos Lage. (Fonte: El Correo Gallego).
Diáspora
Galegos beneficiados polo novo estatuto
Uns 927.000 galegos residentes no exterior
se beneficiarán do novo Estatuto dos Cidadáns Españois no Exterior, aprobado no Consello de
Ministros, no que se equipararán os seus dereitos aos dos residentes no Estado español, principalmente
no acceso á sanidade e educación e a poder exercer o sufraxio nas urnas. (Fonte: La Voz de Galicia).
|
| 13/01/2006 |
|
Portugal
Propoñen incluír a Asturias
e Castela
O presidente da Xunta, Emilio Pérez
Touriño, propuxo en Porto a ampliación a Asturias e Castela á Eurorrexión Galicia-norte
de Portugal, especialmente no relativo á ampliación do AVE e a rede viaria “como ferramenta fundamental
do desenvolvemento socio-económico”.
(Fonte: El Correo Gallego).
Uruguai
Senador do Fronte Amplo visita Galicia
Eleuterio Fernández Huidobro, senador
e membro do partido gobernamental Fronte Amplo, que levara a Tabaré Vázquez á presidencia,
realizou unha conferencia en Santiago, convidado pola Fundación Galiza Sempre e o BNG. Na conferencia estivo
presente Daniel Larrosa, coordinador de Enerxía do Centro Artiguista polos dereitos económicos, sociais
e culturais. (Fonte: El Correo Gallego).
|
| 12/01/2006 |
|
Portugal
Piden referendo para o AVE Vigo-Porto
Un grupo de empresarios, xuristas, economistas,
profesores universitarios e representantes das asociacións de Porto reclamaron diante do Parlamento portugués
a celebración dun referendo sobre a construción do AVE Vigo-Porto, manifestando a súa posición
contraria a estes proxectos e alertando aos deputados lusos por non ter feito consultas coa sociedade civil. (Fonte: La Voz de Galicia).
|
| 11/01/2006 |
|
China
Tecnoloxía galega para Beijing
A empresa santiaguesa Intelsis entregou
ás autoridades chinesas unha estación móbil de TV valorada en 2,4 millóns de euros,
para a cobertura dos Xogos Olímpicos de Beijing do 2008. Esta iniciativa contou co apoio do Instituto Galego
de Promoción Económica, IGAPE, que lle concedeu á empresa avais por 1,2 millóns de
euros. (Fonte: La Voz de Galicia).
Portugal
Promoverán o Camiño Portugués
Tras da súa inclusión no
proxecto Traslatio II dentro do programa Interreg III, pertencente aos Fondos Europeos do Desenvolvemento Rexional,
Feder; o Camiño Portugués será promovido como itinerario cultural europeo dentro da Eurorrexión
Galicia-Norte de Portugal. O orzamento destinado supera o millón e medio de euros e os seus socios serán
a Sociedade para o Desenvolvemento da Comarca do Baixo Miño e de Santiago, a Consellería de Cultura
e Deporte e, por parte portuguesa, a Cámara Municipal de Barcelos, Cámara Municipal de Valença
e a Cámara Municipal de Paredes de Coura.
(Fonte: La Voz de Galicia).
|
| 10/01/2006 |
|
Galicia
Suprimen o Foro Iberoamericano da Saúde
A conselleira de Sanidade, María
José Rubio Vidal, iniciou os trámites de extinción da Fundación Foro Permanente Galego
Iberoamericano, por “solapamento de funcións”, xa que as mesmas son atribución do Servizo Galego
de Saúde e da propia Consellería. O foro viña funcionando desde 1997. (Fonte: El Correo Gallego).
Emigración
Rodríguez de xira por Arxentina,
Brasil e Cuba
O secretario xeral de Emigración
e Inmigración, Manuel Luis Rodríguez, iniciou unha xira latinoamericana, na que informará
ás colectividades emigrantes galegas os novos programas do seu departamento. Rodríguez tamén
anunciou “transparencia” na entrega dos presentes de Nadal aos galegos en Cuba. (Fonte: El Correo Gallego).
|
| 09/01/2006 |
|
Unión Europea-Galicia
Críticas por eventual modelo urbano
galego
Tras recibir unhas 15.000 queixas no Parlamento
europeo sobre un modelo de urbanización onde as promotoras inmobiliarias presentan os seus proxectos sobre
terreos non adquiridos, a Xunta asegurou manter a vixilancia para evitar que se produzan abusos diante da posible
aplicación deste tipo de proxectos inmobiliarios.
(Fonte: El Correo Gallego).
Cooperación
Sotelo defende a cooperación galega
co exterior
Durante unha xuntanza na sede da Axencia
Española de Cooperación Internacional AEICI, en Madrid, Fabiola Sotelo, directora xeral de Cooperación
Exterior da Xunta de Galicia, defendeu a “calidade e eficacia nas axudas ao desenvolvemento” que está a
realizar a cooperación galega coas demais autonomías do Estado español. Sotelo informou que
a Xunta espera conseguir un 0.4% do seu orzamento para asuntos de cooperación. (Fonte: El Correo Gallego).
|
| 08/01/2006 |
|
Emigración
Una Bienal dedicada á emigración
A Deputación Provincial organizará
no verán a 29 Bienal de Pontevedra, dedicada á perspectiva histórica de Galicia coa súa
emigración ao Cono Sur. Nesta ocasión participarán creadores galegos, de Arxentina, Chile,
Uruguai e outros radicados en Nova York.
(Fonte: La Voz de Galicia).
Inmigración
Plan Galego para a Inmigración
A Xunta creará no primeiro trimestre
do 2006, un Consello Galego da Inmigración, na que se dotará dunha serie de axudas en materia sanitaria,
laboral, educativa e de vivenda aos cerca de 53.000 inmigrantes censados que habitan na nosa Comunidade. Este plan
se realizará conxuntamente coas 40 asociacións de estranxeiros existentes en Galicia. (Fonte: El Correo Gallego).
|
| 06/01/2006 |
|
Portugal
O son da Lusofonía
En colaboración con concello de
Pontevedra e a Fundación Caixa Galicia, o selo Nordesía editou un CD especial no que se recollen
as voces de Brasil, Guinné-Bissau, Cabo Verde, Mozambique e Portugal, principalmente Chico César,
Uxía Filipa Pais, Manecas Cosa, Xavier Díaz, Astra Harris, Jon Luz e a agrupación galaico-caboverdiana
Batuko Tabanka. Os beneficios se destinarán ao desenvolvemento humano do Instituto Cultural Casa de Beradêro,
estado brasileiro de Paraíba. (Fonte:
El Correo Gallego).
|
| 05/01/2006 |
|
Portugal
Libro, CD e DVD do patrimonio galaico-portugués
A candidatura conxunta galaico-portuguesa
para o patrimonio inmaterial presentada ante a Unesco, presentou en Santiago un libro de 98 páxinas, así
como un CD con 28 temas musicais e un DVD documental denominado “Un patrimonio para o futuro”, impulsada pola asociación
patrocinadora “Ponte nas Ondas”. (Fonte:
La Voz de Galicia).
Tomiño defende o AVE Vigo-Porto
A corporación local reivindicou
a necesidade de impulsar a construción da liña de alta velocidade Vigo-Porto, trala aprobación
por unanimidade dunha moción sobre os “camiños do ferro”. Este decisión se realizou tomando
en conta as preocupacións das Cámaras Municipais do Norte de Portugal e das necesidades de crecemento
da rexión do Baixo Miño para a súa adaptación cos principais núcleos de formación
laboral da Eurorrexión. (Fonte: La
Voz de Galicia).
|
| 04/01/2006 |
|
Unión Europea-Galicia
Un galego ao fronte da investigación
europea
José Manuel Silva, natural de Chantada,
foi nomeado como director xeral de Investigación e Desenvolvemento, substituíndo ao grego Achilleas
Mitsos. Silva, anteriormente director xeral de Agricultura da Comisión Europea, terá na súa
responsabilidade o desenvolvemento de novas tecnoloxías que permitan a Europa concorrer con EEUU e Xapón. (Fonte: El Correo Gallego).
|
| 03/01/2006 |
|
Afganistán
A Brilat podería retornar en misión
de paz
José María Prieto Martínez,
novo xeneral da Brigada Lixeira Aerotransportable de Figueirido (Pontevedra), anunciou a posibilidade de que unha
misión de tres unidades lixeiras do Exército regresen ao país centroasiático a principios
do 2007 para labores de pacificación.
(Fonte: El Correo Gallego).
|
| 02/01/2006 |
|
Portugal
Empresa galega compra firma lusa
A firma Unvi, pertencente ao grupo Pérez
Rumbao, comprou a empresa Camo, fabricante de carrozaría con sede en Vilanova de Gaia (Porto), por un valor
de dez millóns de euros na que participa a empresa de capital risco da Xunta, Xesgalicia. A firma portuguesa
ten presenza nas principais cidades lusas e tamén no ámbito europeo. (Fonte: El Correo Gallego).
Unión Europea-Galicia
Bruxelas celebra iniciativa galega
O Fondo Social Europeo felicito á
Cámara de Comercio de A Coruña pola activación do programa “Antenas, servizos de proximidade
para a pequena empresa”, pola súa oferta en asesorías a emprendedores e empresarios a través
dunha rede de observatorios económicos locais.
(Fonte: La Voz de Galicia).
|
| 01/01/2006 |
|
Marítima
Piden liña de axudas externa para
a frota galega
Segundo o Ministerio de Pesca español,
os gobernos de Francia, Alemaña e Inglaterra poderían abrir unha liña de axudas a favor dos
72 pesqueiros galegos afectados pola veda das volantas e os rascos, pautada para o 1 de xaneiro de 2006. O cargo
desta liña de axudas se realizará aos IFOP, os fondos comunitarios para a pesca. (Fonte: La Voz de Galicia).
Inmigración
Alumnos estranxeiros aumentan en centros
privados
Na área de Santiago, os centros
privados que acollen a nenos inmigrantes aumentaron nunha proporción de 171 fronte a 158, o cal contrasta
co resto da nosa Comunidade, onde se manifesta unha relación desigual. Sen embargo, en termos globais, Galicia
experimentou un aumento do 33% no alumnado inmigrante. Arxentina, Colombia e Venezuela son os tres principais países
de procedencia destes nenos inmigrantes.
(Fonte: La Voz de Galicia).
|
