|
 |
| 30/11/2005 |
|
Pesca
Irlanda apresa pesqueiro de Marín
O buque “María Lourdes”, pertencente
á Cooperativa de Armadores de Vigo, foi apresado a principios de novembro nas augas irlandesas, por suposta
faena ilegal na zoa 7, pechada á pesca española. As autoridades levaron a embarcación ata
o porto de Galway, onde atoparon no seu interior aproximadamente 1.500 toneladas de pescada. (Fonte: El Correo Gallego e www.vieiros.com).
Unión Europea-Marítima
Bruxelas confirma fondos para o Porto
Exterior
A comisaria europea de Política
Rexional, Danuta Hübner, confirmou ao presidente da Xunta, Emilio Pérez Touriño, que o porto
exterior da Coruña, situado na zona de Punta Langosteira (Arteixo) terá unha asignación por
parte da Unión Europea de 257 millóns de euros. Asemade, Hübner confirmou que Galicia vai continuar
percibindo fondos comunitarios ate o ano 2013.
(Fonte: www.xornal.com).
Economía
Recomendan unha imaxe única de
Galicia
No marco da conferencia “Rexións
europeas que aprenden” celebrada na Zoa Franca de Vigo, catro expertos en crecemento económico, Christer
Asplund, ex director da Axencia de Desenvolvemento Económico; José María Viedma, barcelonés
experto en economía social; Sascha Haselmayer, arquitecto británico especializado en xestión
de empresas innovadoras; e Jan Annerstedt, presidente da Unesco para comunicacións na Escola de Negocios
de Copenhague, recomendaron unha estratexia destinada a fomentar a marca “made in Galicia”, naqueles sectores económicos
xeitosos da nosa Comunidade, como a pesca, o automobilístico, o téxtil e o turismo xacobeo. (Fonte: La Voz de Galicia).
|
| 29/11/2005 |
|
Unión Europea-Educación
Rede europea de mulleres científicas
Durante a clausura dun master de igualdade
de xénero na Universidade de Vigo, a conselleira de Educación, Laura Sánchez Piñón,
alagou a iniciativa europea de crear unha plataforma que reúna as redes de mulleres dedicadas ás
actividades científicas. (Fonte:
El Correo Gallego).
Turismo
Santiago, na elite turística mundial
O concelleiro de Turismo de Santiago,
Francisco Candela, asistiu á asemblea da Organización Mundial de Turismo en Dakar, na que se incluíu
á capital galega como membro afiliado deste organismo pertencente ás Nacións Unidas. O ingreso
coincide co vinte aniversario da proclamación de Santiago coma Patrimonio da Humanidade. (Fonte: El Correo Gallego).
Marítima
Chávez negocia con Rodman
Venezuela negocia co estaleiro vigués
Rodman a construción de 48 patrulleiras para o Servizo de Gardacostas de Venezuela, aínda que non
se acordaron as condicións que impón Caracas en canto á transferencia de tecnoloxía
e que as embarcacións se constrúan no país. Fontes próximas á empresa confirman
que as conversacións van por bo camiño.
(Fonte: Faro de Vigo).
Portugal
Galicia copa as conexións Portugal-España
Segundo o Observatorio Transfronteirizo
España-Portugal, a nosa Comunidade ocupa o 43% dos movementos por estrada que se producen nos pasos fronteirizos,
especialmente na vía Tui-Valença do Minho, con 20.000 vehículos por día. Nunca antes
a circulación fora tan intensa na eurorrexión.
(Fonte: La Voz de Galicia).
Cultura
Galicia na Feira de Guadalajara
As editoriais galegas Kalandraka e Nova
Galicia Edicións participan con presenza propia na Feira do Libro de Guadalajara, a mais importante en Hispanoamérica. (Fonte: La Voz de Galicia).
Galicia
O embaixador vietnamita en A Coruña
O embaixador do país asiático,
Nguyen Xuan Phong, foi recibido polo voceiro do goberno municipal, Javier Losada, con motivo da visita do diplomático
a un acto benéfico das vítimas do gas “axente laranxa”.
(Fonte: La Voz de Galicia).
Palestina
Documental por Palestina
A organización “Galiza por Palestina”
(GXP) presentou en Pontevedra o documental “Internacionais por Palestina”, premiado polo público no Ciclo
Amal 2005. O documental é un traballo hispano-palestino dirixido por Alberto Arce e María Moreno,
no que se amosan os activistas internacionais do Movemento de Solidariedade Internacional, ISM. O acto foi presentado
polo coordinador do ISM en Cataluña e refuxiado palestino, Saif Abukeshek. (Fonte: La Voz de Galicia).
|
| 28/11/2005 |
|
Unión Europea-Fondos Estruturais
Touriño defenderá os fondos
europeos
O presidente da Xunta iniciou en Bruxelas
unha serie de xuntanzas coas autoridades da UE, para defender a continuación dos fondos de cohesión
para Galicia ata o 2013. Touriño se entrevistará co presidente da Comisión Europea, Joao Manuel
Durao Barroso, a comisaria de Política Rexional, Danuta Hübner, o presidente do Parlamento europeo,
Josep Borrell, e o comisario de Asuntos Económicos e Monetarios, Joaquín Almunia. Touriño
explicará que estes fondos poden axudar a Galicia na aplicación de políticas de investigación
e desenvolvemento tecnolóxico (I+D).
(Fonte: El Correo Gallego).
Unión Europea-Lingua
Axudas ao galego, recortes ao castelán
A representación española
nas institucións europeas foi informada do recorte de tradutores do idioma castelán, a favor do galego,
éuscaro e catalá, debido aos esforzos do goberno de Zapatero por ingresar as tres linguas autonómicas
no espazo europeo. (Fonte: www.xornal.com).
Solidariedade
O Fondo Galego busca novos socios
A derradeira xuntanza da executiva do
Fondo Galego de Cooperación e Solidariedade, insistiu na necesidade de impulsar unha campaña de captación
de novos socios nos concellos do norte de Pontevedra, principalmente Marín, Sanxenxo, Vilaboa, A Illa, Catoira,
Vilanova e O Grove. Na actualidade, o Fondo consta de 80 concellos galegos e desenvolve proxectos en Nicaragua,
O Salvador, Bolivia, Perú, Brasil, Cabo Verde, Cotê d´Ivoire e Etiopía. (Fonte: La Voz de Galicia).
|
| 27/11/2005 |
|
Comercio
Políticos arxentinos visitan feira
do Atlántico
Unha delegación de altos cargos
políticos arxentinos visitou a Feira Industrial do Atlántico en Pontevedra, entre os que se atopaban
o ministro de Produción, Recursos Naturais, Forestal e Terras da provincia de Santiago del Estero, Luis
Gelid; o xerente comercial da Cámara Arxentina de Comercio, Roberto Ameijeiras; e o Defensor do Pobo de
Santiago del Estero, Darío Alarcón.
(Fonte: Faro de Vigo).
Cooperación
Científicos galegos identificarán
vítimas do tsunami
Esta investigación, financiada
pola UE cun millón de euros en na que participarán científicos do Instituto de Medicina Legal
da USC, buscará ensaiar un método que permita traballar co ADN degradado, que permita identificar
ás 2.000 vítimas europeas do tsunami asiático de decembro de 2004. (Fonte: La Voz de Galicia).
Eixo Atlántico
Defenderán a importancia da cooperación
transfronteiriza
Os alcaldes e dirixentes das 18 cidades
galegas e do Norte de Portugal que forman parte do Eixo Atlántico do Noroeste Peninsular defenderán
en Bruxelas, ante os representantes do Parlamento e a Comisión Europea, a importancia dos fondos de cooperación
transfronteiriza, dentro do Marco Comunitario de Apoio, para o período 2007-2013. A defensa será
realizada polo alcalde santiagués, Xosé Sánchez Bugallo, que ademais inaugurará a exposición
“Galicia, Norte de Portugal: dúas rexións, unha eurorrexión, construíndo a Europa dos
cidadáns”. (Fonte: La Voz de Galicia).
Portugal
Festexo a pesar da derrota
A pesar de que a Unesco rexeitou a candidatura
do Patrimonio Oral galaico-portugués, os organizadores desta candidatura celebraron unha homenaxe no Colexio
García Lorca, coa participación dun grupo de gaitas da Casa de Galicia en París, “Paiños”
e outra agrupación folclórica lusa.
(Fonte: La Voz de Galicia).
Irmanamento
A Estatua da Liberdade e a Torre de Hércules
O Servizo de Parques Nacionais de EEUU,
pediu o respaldo político español para o asinamento dun irmanamento entre a Estatua da Liberdade
e a Torre de Hércules, segundo explicou o embaixador en Nova York do Instituto de Estudos Torre de Hércules,
encargada de facer as xestións ante o Servizo de Parques e o Estado federal. (Fonte: La Voz de Galicia).
|
| 26/11/2005 |
|
Pesca
Millonaria multa ao “Monte Meixueiro”
A policía noruega impuxo unha multa
de 1,6 millóns de euros ao armador da empresa Ulia A, propietaria do buque vigués, cálculo
equivalente do valor do pescado ilegal capturado. O goberno español anunciou a súa intención
de recorrer á multa. (Fonte: El Correo
Gallego).
Comercio Exterior
Angola, maior importador dos caldos galegos
Segundo o secretario xeral da Federación
Española de Vino, Rafael Rey Salgado, o país africano é o principal comprador dos vinos galegos,
“e non precisamente vinos de denominación de orixe”. Rey Salgado participou nun simposio agroalimentario
en Lugo. (Fonte: El Correo Gallego).
Unión Europea-Fondos Estruturais
Confían na consecución
do Obxectivo 1
O secretario de Estado de Facenda e Presupostos,
Miguel Ángel Fernández Ordóñez, declarou nunhas xornadas sobre Política Económica
na Universidade de Vigo, a súa confianza en que Galicia seguirá recibindo os fondos estruturais europeos
aínda que se atopa nos límites da renda media europea.
(Fonte: La Voz de Galicia).
Irmanamento
Santiago fai as Américas
O Concello de Santiago ten previsto a
subscrición de varios irmanamentos con diversas cidades latinoamericanas que leven o nome do Apóstolo
Santiago. Tralo asinamento da unión con Santiago de los Caballeros (República Dominicana), seguirá
a de Santiago del Estero (Arxentina), ademais das xa asinadas con seis cidades en Arxentina, Cuba, México,
Panamá e República Dominicana.
(Fonte: La Voz de Galicia).
|
| 25/11/2005 |
|
Cultura
O Patrimonio oral non consegue o aval
da UNESCO
A candidatura galaico-portuguesa para
o Patrimonio Oral Inmaterial da Humanidade, outorgado pola UNESCO, non superou o recoñecemento oficial en
París, sendo a elixida a candidatura brasileira do Samba-de-Roda no Recônçavo Baiano. Os responsables
da candidatura común luso-galego prometeron que a mesma terá a súa continuidade. (Fonte: www.vieiros.com).
Modelo bretón para a educación
O presidente da Asociación Galega
de Editores, Miguel Anxo Fernán Vello, propuxo ante a conselleira de Educación, Laura Sánchez
Piñón, a adopción do modelo bretón para que as familias adquiran subvencionados os
libros escolares, dependendo da renda familiar.
(Fonte: El Correo Gallego).
Pesca
Noruega recoñece a súa
culpabilidade
O director noruego do Directorio de Pesca,
Peter Gullestad, admitiu que o seu país practicou no 2004 a sobreexplotación do fletán no
mar de Barents. A pesar disto, as autoridades dese país elevaron a un millón de euros a multa contra
o buque “Monte Meixueiro”. Pola súa banda, o secretario de Estado de Defensa de Noruega, Espen Bart Eide,
declarou en Ferrol, durante a súa visita aos estaleiros de Navantia, que o conflito pesqueiro entre Madrid
e Oslo debe resolverse “cun acordo diplomático ou legal”.
(Fonte: El Correo Gallego e Faro de Vigo).
Economía
Caixa Galicia e Willis asinan acordo
comercial
A corporación financeira galega
e o terceiro maior broker mundial de aseguradoras asinaron un acordo para o lanzamento ao mercado dunha nova liña
de seguros dirixidas ás administracións públicas e grandes empresas galegas. Aínda
resta por coñecer a aprobación da Xunta de Galicia.
(Fonte: www.xornal.com).
Solidariedade
A pobreza e o xénero
Unhas xornadas sobre Pobreza, Xénero
e Cooperación Municipalista, se levaron a cabo en Caldas de Reis, organizadas polo Fondo Galego de Cooperación
e Solidariedade e varias ONGs. Victoria Iglesias, da Marcha Mundial das Mulleres, explicou que segundo cifras da
ONU, 7 de cada 10 pobres no mundo son mulleres. O Fondo Galego coordina a cooperación ao desenvolvemento
en América Latina e África.
(Fonte: La Voz de Galicia).
Diáspora
Documental dos galegos en Cuba
O presidente da Deputación de Pontevedra,
Rafael Louzán, colaborará con 6.000 euros no financiamento dun filme documental sobre o éxodo
galego a Cuba, coa colaboración da produción cubana As Video e a cónsul cubana en Galicia,
María Sánchez. A directora do filme é Natasha Vázquez. (Fonte: La Voz de Galicia).
|
| 24/11/2005 |
|
Pesca
Conflito con Noruega podería chegar
aos tribunais
A irresolución por vías
diplomáticas do conflito pesqueiro con Noruega obrigaría ao goberno español a levar o caso
ante o Tribunal Internacional de Xustiza de A Haia, segundo fontes ministeriais. A policía xudicial da localidade
norueguesa de Trömso asegurou que o fletán ilegal capturado polo “Monte Meixueiro” e o “Garoya Segundo”
supera as 400 toneladas. Dende a Asociación Española de Titulados Náutico-Pesqueiros, AETINAPE,
se indicou que o apresamento dos pesqueiros galegos podería obedecer á pretensión norueguesa
de ampliar as súas augas de xurisdición.
(Fonte: Faro de Vigo e La Voz de Galicia).
Prestige
O xuízo será en España
A falta de confirmación por parte
do goberno francés, o organismo europeo de cooperación xudicial “Eurojust”, recomendou a realización
dun único xuízo para determinar as responsabilidades, aconsellando facelo en España. Todo
semella indicar que tanto Madrid como París respectarán as recomendacións realizadas por Eurojust. (Fonte: El Correo Gallego).
Inmigración
Novo padrón en Compostela
A concelleira Teresa Regúlez anunciou
unha campaña informativa cara aos inmigrantes, coa finalidade de renovar a súa inscrición
no padrón municipal antes do 21 de decembro. Esta situación podería afectar a 700 inmigrantes
na capital galega. Trala súa visita a Venezuela, Regúlez destacou que os emigrantes retornados que
ese país envía a Galicia xa superan aos de Arxentina e Uruguai. (Fonte: El Correo Gallego).
Programa municipal de integración
A Concellería de Benestar Social
do Concello de Ourense puxo en marcha dúas iniciativas dentro do Programa de Atención Integral a
Inmigrantes e Emigrantes Retornados, coa finalidade de facilitar a súa integración social e laboral.
Nestes programas participan, principalmente, mulleres inmigrantes de Colombia, República Dominicana, Arxentina
e o Sáhara. (Fonte: La Voz de Galicia).
Unión Europea-Ambiente
Galicia superará compromiso europeo
de enerxía renovable
O director do Instituto Enerxético
de Galicia, INEGA, Xoán Ramón Doldán, afirmou que, grazas á produción eólica,
a nosa Comunidade prevé superar no 2010 o compromiso coa UE de alcanzar o 12% do dispoñible de enerxía
interior bruta a traveso de fontes renovables.
(Fonte: Faro de Vigo).
Irmanamentos
Compostela e Santiago de los Caballeros
A capital galega alcanzou o irmanamento
coa cidade dominicana de Santiago de los Caballeros, de 600.000 habitantes, tamén coñecida como “cidade
corazón”. O alcalde Xosé Sánchez Bugallo viaxará a República Dominicana xunto
a unha comitiva compostelá, para asinar o documento de cooperación con localidades que leven o nome
do Apóstolo Santiago. (Fonte: El
Correo Gallego).
Portugal
Axuda conxunta para emerxencias
A Xunta de Galicia e as autoridades do
norte de Portugal asinaron un acordo de colaboración en casos de emerxencia e salvamento. O acordo impulsará
un programa informático común para os parques de bombeiros en ambas fronteiras, e que permitirá
a identificación vía satélite dos recursos humanos e materiales. (Fonte: El Progreso).
|
| 23/11/2005 |
|
Unión Europea-Pesca
Bruxelas esixe liberación dos
barcos vigueses
O comisario europeo de Pesca, Joe Börg,
ofreceu a súa mediación no conflito pesqueiro entre España e Noruega e esixiu ás autoridades
do país nórdico a liberación dos dous barcos vigueses apresados por suposta pesca ilegal.
En Oslo multaron ao buque “Monte Meixueiro” con 570.000 euros. Pola súa banda, a conselleira de Pesca, Carmen
Gallego, criticou a actitude dos dous barcos galegos por “pescar fletan dun xeito antirreglamentario”. (Fonte: El Correo Gallego e Faro de Vigo).
Unión Europea-Rexións
Preocupación pola crise da UE
A Declaración final de Múnich
da Conferencia de Rexións con Poder Lexislativo, REGLEG, nas que se atopa Galicia, amosou a súa pola
paralización do proxecto de Tratado da UE e defendeu a aplicación efectiva da subsidiariedade como
instrumento integrador da cidadanía coas institucións comunitarias. Este organismo representa o 45%
da poboación tal europea. (Fonte:
El Correo Gallego).
Unión Europea-Fondos Estruturais
Aseguran Obxectivo 1 para Galicia
Previo á presentación dos
datos do Instituto Nacional de Estatística e do Eurostat, o goberno estatal informou que a economía
galega non superará o 75% da renda media comunitaria, polo que continuará recibindo as axudas orzamentais
estipulada para as rexións Obxectivo 1 para o período 2007-2013. Desde xeito, dende Madrid non amosaron
preocupación polo retraso no orzamento comunitario.
(Fonte: Faro de Vigo).
Portugal
Critican o Cumio Ibérico
O alcalde de Porto, Rui Rio, cualificou
o cumio de Évora como “peor do esperado” no relativo ás conexións ferroviarias de alta velocidade.
O concello de Porto aprobou por unanimidade unha moción que permita ao primeiro ministro socialista José
Sócrates “reconsiderar o proxecto prioritario de conexión entre Portugal e Galicia”. (Fonte: El Correo Gallego).
Galicia presente en Interreg IIIA
A directora xeral de Administración
Local, Begoña Rodríguez Rumbo, participará en Porto en dúas reunións de dous
proxectos encadrados no programa europeo Interreg IIIA Galicia-Norte de Portugal nos que participan diversas entidades
galegas e portuguesas. (Fonte: www.xornal.com).
Cooperación
Misión naval marroquí en
Marín
O comandante da Escola Naval marroquí,
capitán de Navío Azelarab Touzani, visitou a Escola Naval Militar de Marín, devolvendo a visita
realizada polo seu director a Casablanca. Estes encontros forman parte dos programas de intercambio con Marrocos. (Fonte: Faro de Vigo).
Sociedade
Visita de representante etíope
de adopcións
A secretaria xeral do Benestar, María
Xesús Lago, mantivo un encontro co responsable da Oficina de Adopcións do Ministerio de Traballo
e Asuntos Sociais do Goberno de Etiopía, Haddush Halefom, dentro dunha serie de reunións con entidades
colaboradoras de adopcións internacionais con Etiopía, ADDIS. (Fonte: www.xornal.com).
Inmigración
Iniciativa de integración escolar
e axuda integral
O concello pontevedrés de Cotobade
anunciou a posta en marcha dun programa de sensibilización no ámbito escolar e de axudas destinadas
á acollida integral de inmigrantes, que conta coa participación da secretaría xeral de Emigración. (Fonte: La Voz de Galicia).
Destacan alto nivel educativo das inmigrantes
A xornada “Mulleres inmigrantes, as outras
galegas: facendo xuntas o camiño”, celebrado en Lugo, destacou a situación de vulnerabilidade da
muller inmigrante en Galicia, avivada polas redes ilegais e os empresarios. A socióloga Montserrat Golías
explicou que moitas delas posúen licenciaturas e doutorados e que a súa condición de inmigrante
e a falta de homologación dos seus titulados, as converte en non cualificadas, coa pertinente perda de prestixio
social. (Fonte: El Progreso).
|
| 22/11/2005 |
|
Pesca
Acusan a Noruega de “piratería”
Tanto responsables do goberno estatal
como da Xunta cualificaron a decisión do goberno do país nórdico de apresar nas illas de Svalbard,
aos dous pesqueiros galegos “Monte Meixoeiro” e “Garoyo Segundo”, como un acto de “piratería”, instando
a Oslo a liberar ambos buques procedentes da empresa viguesa “Vigo Molares”. O secretario de Pesca Marítima,
Juan Martín Fragueiro, explicou a posibilidade de recorrer ao Tribunal Europeo de A Haia, tomando en conta
que un tratado de 1920 considera que Noruega non ten xurisdición marítima na área onde se
apresaron os buques. (Fonte: El Correo Gallego
e Faro de Vigo).
Acción Exterior
A axenda internacional de Touriño
O mes de novembro consolidou a visión
exterior do presidente da Xunta, con miras a colocar a Galicia no escenario internacional. Cumios e xuntanzas en
Bruxelas, Évora e Múnich foron os lugares onde Touriño levou adiante a proxección exterior
galega, o cal espera continuar no 2006 cara Iberoamérica e China. No ámbito europeo, Touriño
defendeu en Múnich a necesidade de crear unha cámara de subsidiariedade no seo do Comité de
Rexións, para darlle maior peso específico ás distintas rexións europeas. (Fonte: El Correo Gallego e Faro de Vigo).
Galicia
O PP rexeita orzamento autonómico
O voceiro Xosé Manuel Barreiro
anunciou que o seu partido rexeitaba o presuposto autonómico presentado polo goberno de Touriño,
argumentando que o mesmo non permite aumentar a converxencia cara Europa, ademais de que “non responde ás
necesidades reais de Galicia”. (Fonte: El
Correo Gallego).
Turismo
Máis de 700.000 estranxeiros visitaron
Galicia
Segundo datos da Enquisa de Movementos
Turísticos en Fronteira, FRONTUR, difundido polo Ministerio de Industria, Turismo e Comercio, un total de
727.881 turistas estranxeiros visitaron a nosa Comunidade nos dez primeiros meses de 2005, superando nun 13,9%
co respecto ao 2004. Reino Unido, Alemaña, Francia e Italia seguen a ser os principais países de
orixe dos turistas que veñen a Galicia.
(Fonte: El Correo Gallego).
Inmigración
Escasos inmigrantes na Seguridade Social
Galicia observa cómo tan só
28.441 traballadores estranxeiros están afiliados á Seguridade Social, o cal corresponde tan só
ao 1,65% do total a nivel estatal. Ecuador, Marrocos, Romanía, Portugal, Arxentina, Colombia, Reino Unido,
Francia e Italia, son os principais países na lista dos afiliados estranxeiros. (Fonte: El Correo Gallego).
Unión Europea-Agricultura
“Pataca de Galicia” para toda Europa
O conselleiro de Medio Rural, Alfredo
Suárez Canal, explicou en Madrid que a indicación xeográfica protexida “Pataca de Galicia”
aspira a converterse nun referente na UE, polo que está en marcha un plan de aumento do número de
produtores adscritos. (Fonte: El Correo
Gallego).
Cultura
Comezan deliberacións na UNESCO
sobre Patrimonio Oral galego-portugués
Os 16 membros do xurado encargado pola
Unesco de decidir que candidaturas de patrimonio inmaterial serán proclamadas como Obra Mestra da Humanidade
comezaron as súas deliberacións en París. Non será ata o 25 de novembro cando o director
xeral da UNESCO, Koïchiro Matsuura, dará a coñecer se a candidatura do patrimonio inmaterial
galego-portugués é unha das elixidas.
(Fonte: www.vieiros.com).
Marítima
Detegasa amplía o seu mercado
exterior
A empresa ferrolá especializada
en fabricación de equipos de tratamento para buques, concentra a súa actividade en 40 países
de Europa, América, Australia e Asia, principalmente Alemaña, Holanda, Turquía e China. Neste
derradeiro país subscribiu un acordo para implantar unha liña de fabricación para poder expandirse
polo entorno asiático. (Fonte: La
Voz de Galicia).
Venezuela
Concelleira compostelá visita
a emigrantes
A concelleira de Emigración e Inmigración
do Concello de Santiago, Teresa Regúlez (PSOE) efectuou unha visita institucional a Venezuela, mantendo
contacto coas autoridades bolivarianas e recabando información da situación dos emigrantes galegos
nese país. (Fonte: La Voz de Galicia
e El Correo Gallego).
|
| 21/11/2005 |
|
Pesca
Conflito diplomático con Noruega
O apresamento dos pesqueiros vigueses
“Monte Meixueiro” e “Garoya Segundo”, acusado este de pescar fletán azul por riba da cota permitida nas
augas do Círculo Polar Ártico que Noruega considera do seu control exclusivo, provocou a protesta
dos gobernos galego e español, sumido agora nun conflito diplomático internacional co país
nórdico. (Fonte: La Voz de Galicia).
Economía
Incremento de empresas galegas en Dubai
Un amplo e ambicioso programa de investimentos
levarán a cabo os Emiratos Árabes Unidos no sector da construción, especialmente en hoteis
e apartamentos, polo que varias empresas galegas amosaron o seu interese en participar. Estes proxectos son os
complexos inmobiliarios The Palm e The World, nos que as empresas galegas deberán competir con firmas chinesas
e indias. En Dubai tan só funcionan dúas oficinas de empresas galegas, Televés (antenas parabólicas
e Finsa (madeira) mentres a empresa de granito abicada en O Porriño, Graninter, exporta a Dubai o 80% do
granito español. (Fonte: El Correo
Gallego).
Marítima
Regata internacional de A Coruña
O congreso Sail Training International
rematou a súa celebración en A Coruña, co anuncio de que a cidade galega formará parte
da Regata de Grandes Veleiros en agosto de 2006. O presidente do organismo, Nigel Rowe, destacou a potencialidade
da cidade herculina en materia de competicións marítimas.
(Fonte: La Voz de Galicia).
Cultura
Festival de Ourense podería internacionalizarse
Segundo César Silva, director participante
no X Festival Internacional de Cinema Independente de Ourense, a organización recibiu a invitación
para colaborar con dous festivais en Francia e Italia, coma parte dun proxecto concibido pola Coordinadora Europea
de Festivais. (Fonte: La Voz de Galicia).
|
| 20/11/2005 |
|
Unión Europea-Galicia
Touriño pedirá maior poder
rexional
O presidente da Xunta participará
en Múnich na VI Conferencia de Presidentes de Rexións Europeas con Poder Lexislativo (REGLEG) na
que pedirá un papel mais relevante para Galicia no proceso de construción da UE. É a primeira
vez que un presidente galego participa nesta xuntanza europea.
(Fonte: El Correo Gallego).
Xuntanza europea sobre cascos históricos
Santiago foi a sede dunha xuntanza de
expertos europeos do programa Pagus, destinado á rehabilitación e conservación dos cascos
históricos. O proxecto se financia cun 75% de fondos comunitarios e fomenta tamén a mobilidade cidadán
aos servizos, a traveso das novas tecnoloxías.
(Fonte: El Correo Gallego).
Portugal
Sen acordo para o AVE Vigo-Porto
O Cumio hispano-luso de Évora rematou
sen acordarse as datas para a finalización da liña de alta velocidade, aínda que o goberno
portugués de José Sócrates anunciou o seu compromiso para o seu impulso. O cumio estipulou
a creación dun grupo específico de traballo para o AVE. Do mesmo xeito, se anunciou que o catedrático
da USC, José Rivas, dirixirá un centro hispano-luso de nanotecnoloxía en Braga. (Fonte: El Correo Gallego).
Inmigración
A evitar o “efecto francés”
A Xunta aposta por reforzar as medidas
de acollida e integración social dos inmigrantes e refuxiados, coa finalidade de evitar os disturbios sucedidos
en Francia ao longo do mes de novembro. O goberno bipartito anunciou a creación dun Consello Galego da Inmigración,
o cal comezará a funcionar no 2006. Segundo datos oficiais, en Galicia residen 45.224 inmigrantes cos papeis
en regra. (Fonte: La Voz de Galicia).
Exterior
Galegos especulan co dinar iraquí
Un grupo de empresarios de Sarria actúan
como axentes dunha multinacional estadounidense, Freedinar, para a compra da actual moeda iraquí, o dinar,
que entrara en vigor trala caída do réxime de Saddam Hussein. Os billetes se imprimen en Inglaterra.
A páxina web da multinacional explica que esta operación pode ser catalogada de “investimento de
alto risco”. (Fonte: La Voz de Galicia).
|
| 19/11/2005 |
|
Portugal
A Xunta preme polo AVE Vigo-Porto
No marco do Cumio hispano-luso de Évora,
a conselleira de Política Territorial, María José Caride, expuxo o punto de vista do executivo
galego ao propoñer considerar a liña ferroviaria como un “proxecto estratéxico” entre ambos
países, pedindo polo tanto que reciba o mesmo trato que os restantes enlaces. Outros participantes no cumio
instaron a Madrid e Lisboa a impulsar as infraestruturas dentro da Eurorrexión Galicia-Norte de Portugal,
a fin de “deixar de ser a periferia de Europa para converterse na súa porta”. (Fonte: El Correo Gallego).
Encontro empresarial luso-galaico
Lisboa acolleu o II Encontro Empresarial
Luso-Galaico, no que participaron 500 entidades organizadas polas Cámaras de Comercio de A Coruña
e Vigo. As empresas participantes foron dos sectores da construción, confección e agroalimentaria. (Fonte: La Voz de Galicia).
Sociedade
Científica galega, na Fundación
Bill Gates
A catedrática da USC, María
José Alonso, será a única representante española que participará nunha xuntanza
con científicos e investigadores da Fundación Bill e Melinda Gates, onde se desenvolverá unha
nova versión da vacina contra a hepatites B. A xuntanza é a partida do programa de Grandes Desafíos
na Saúde Mundial, desenvolvida pola fundación.
(Fonte: El Correo Gallego).
Economía
Empresarios estudan o mercado alxerino
Os responsables de 21 empresas galegas
se reuniron na Cámara de Comercio de Santiago para estudar os atractivos do mercado de Alxeria, xa que este
país anunciou un plan de investimentos, valorado en 55.000 millóns de dólares, destinados
á modernización. (Fonte: El
Correo Gallego).
Unión Europea-Fondos Estruturais
Madrid asegura o Obxectivo 1 para Galicia
O secretario de Estado para Asuntos Europeos,
Alberto Navarro, asegurou que Galicia seguirá contando cos fondos europeos para o período 2007-2013
“aínda que non se alcance acordo ao fin deste ano e se teña que ir a negociacións con Bruxelas
no 2006”. Navarro observa que, para o 2019, Galicia podería estar no Obxectivo 2, correspondente ás
rexións mais prósperas da UE.
(Fonte: El Correo Gallego).
Galicia
A lingua galega copa a Bretaña
O Salón Multilingüe Xuvenil
de Pluguffan, na Bretaña francesa, especializado en literatura xuvenil e comprometido coa promoción
da diversidade lingüística, contou na súa XIII edición coa presentación central
de Galicia, a traveso da Consellería de Cultura e Deporte, e a exposición de 200 obras de novos autores
e unha selección en galego de obras clásicas para a infancia e a mocidade. (Fonte: El Correo Gallego).
|
| 18/11/2005 |
|
Portugal
Confusión co AVE Vigo-Porto
Trala xuntanza en Lisboa entre o alcalde
de Santiago, Xosé Sánchez Bugallo, e a secretaria de Estado de Transportes de Portugal, Ana Paula
Victorino, quedaron sen concretar certos aspectos do tren de alta velocidade. Dende Portugal se estima que as datas
aínda non están pechadas, nin definidas as características técnicas e as velocidades
da liña. Sen embargo, Bugallo declarou saír “moderadamente optimista” da xuntanza. (Fonte: Faro de Vigo).
París coñece o patrimonio inmaterial
A comisión promotora da candidatura
do Patrimonio Inmaterial galaico-portugués estivo na capital francesa para promover esta iniciativa. Anteriormente,
esta candidatura fora presentada noutras cidades como Bruxelas, Madrid, Santiago e Ourense. París é
a última cidade antes de coñecerse a resolución da UNESCO, o próximo 25 de novembro. (Fonte: www.vieiros.com).
Acción Exterior
Iberoamérica e China, prioridade
para a Xunta
Trala xuntanza co Consello da Xunta, o
presidente Emilio Pérez Touriño anunciou que no 2006 dará prioridade ao papel internacional
de Galicia na acción do seu goberno. Touriño explicou que despregará “iniciativas en todas
as esferas da presenza de Galicia na UE” e, de “maneira determinante” con Iberoamérica”. Do mesmo xeito,
afirmou que buscará “novos eixes de relación e presenza” en mercados emerxentes na sociedade global
actual, citando principalmente a China.
(Fonte: www.xornal.com).
Galicia
Arsenio e Vázquez, seleccionadores
galegos
A selección galega de fútbol
que xogará o seu primeiro partido internacional con Uruguai o 29 de decembro, xa ten dupla seleccionadora.
O ex adestrador do Deportivo de A Coruña, Arsenio Iglesias, e o actual técnico do Celta de Vigo,
Fernando Vázquez, dirixirán a bancada galega no estadio de San Lázaro. Ámbolos dous
comezaron a perfilar a primeira convocatoria de xogadores.
Inmigración
Denuncian prexuízos en Ourense
No marco da celebración do Día
Mundial da Tolerancia, organizada polo colectivo ecoloxista “Amigos da Terra”, os grupos de inmigrantes na provincia
de Ourense explicaron que a súa situación empeora debido aos prexuízos locais cara a colectividade
inmigrante, principalmente tralo 11-M. Neste sentido, e segundo Montse Pérez, encargada do Centro de Información
a Traballadores Estranxeiros, CITE, de CCOO, a comunidade marroquí é a que sufre as principais consecuencias.
Outros casos se presentan cos colectivos colombiano e senegalés, aos que se asocian con delincuencia, prostitución
e incultura. (Fonte: La Voz de Galicia).
|
| 17/11/2005 |
|
Unión Europea-Galicia
O galego fálase en Bruxelas
Por vez primeira nunha institución
europea, o presidente da Xunta, Emilio Pérez Touriño, realizou o seu discurso en galego ante o pleno
do Comité das Rexións da Unión Europea. No seu discurso, Touriño resaltou este momento
histórico e reafirmou a “irrenunciable vocación europeísta” de Galicia. Sen embargo, non se
volverá a falar galego no comité europeo salvo que a súa utilización sexa anunciada
con 7 semanas de anticipación. (Fonte:
El Correo Gallego e www.vieiros.com).
Unión Europea-Fondos Estruturais
A cohesión dos fondos europeos
O conselleiro da Presidencia José
Luis Méndez Romeu, explicou que Galicia podería asentarse no grupo das autonomías “con capacidade
de incidir en Europa en termos económicos e sociais”, no caso de que os fondos estruturais europeos sexan
recibidos ata o 2013. Méndez sinalou que a sociedade galega é “fortemente dependente e menos competitiva
do que sería desexable”. (Fonte:
El Correo Gallego).
Portugal
Prioridade á liñas que
se autofinancien
O ministro portugués de Obras Públicas,
Mario Lino, afirmou que o Parlamento do seu país dará prioridade ás liñas do AVE que
alcance o seu autofinanciamento, en clara alusión ao tren Lisboa-Madrid. Con respecto ao AVE Vigo-Porto,
garantiu a súa construción, aínda que o tema sexa discutido no cumio hispano-portugués
de Évora. (Fonte: El Correo Gallego).
China
O sector madeireiro apunta ao mercado
chinés
O medio centenar de empresas forestais
e fabricantes do moble galego, incluídos no Clúster da Madeira de Galicia, comezaron a xestionar
a súa expansión cara o mercado chinés, co envío dunha misión comercial á
provincia de Guangdong, onde se fabrica un terzo da produción dese país e se exporta a metade do
total. Ángel Hermida, presidente do clúster, coñece a dificultade dun mercado que emprega
5 millóns de traballadores e conta con 50.000 empresas no sector mobiliario. (Fonte: El Correo Gallego).
Santiago entre os destinos turísticos
chineses
O organismo China Business Network, dependente
do ministerio de Turismo do país asiático, incluíu á capital galega entre os destinos
“autorizados”, tralo asinamento dun acordo en Londres con Concello santiagués en ocasión da feira
internacional de turismo. Santiago ocupará este lugar xunto a Roma e Xerusalén dentro da promoción
dunha rede de Cidades Santas. (Fonte: La
Voz de Galicia).
Inmigración
A colonia estranxeira en Santiago
Segundo o Instituto Nacional de Estatística,
tomando en consideración datos de 2004, os inmigrantes de América do Sur ocupan a maior colectividade
entre os residentes estranxeiros na capital galega. Arxentina lidera esta lista con 152 persoas, na que lle seguen
os inmigrantes de Colombia (147), Venezuela (86), Cuba (65) e Brasil (56). Tamén se inclúen nesta
lista os estranxeiros orixinarios de Portugal (113), Marrocos (67) e China (35). Nestas estatísticas non
se inclúen os inmigrantes beneficiados do proceso de regularización iniciado polo goberno de Zapatero. (Fonte: La Voz de Galicia).
|
| 16/11/2005 |
|
Portugal
Intelectuais europeos apoian patrimonio
oral
O ex director xeral da Unesco, Federico
Mayor Zaragoza; o Premio Príncipe de Asturias das Letras de 2005, Nélida Piñón, José
Saramago, os escritores galegos Suso de Toro e Manuel Rivas, os portugueses Vasco Graça Moura e Mario Claudio
e personalidades do xornalismo e a música como Ramon Chao, Manu Chao, Uxía Senlle, Jose García
e Manuel Dios Diz, asinaron en Tui un manifesto a prol da candidatura do Patrimonio Inmaterial Galego-Portugués,
que opta a ser recoñecido coma Obra Mestra da Humanidade pola UNESCO o próximo 25 de novembro en
París. O acordo tamén favorece o intercambio e a cooperación sociocultural entre Galicia e
Portugal. (Fonte: La Voz de Galicia e Faro
de Vigo).
Proxecto para a ensinanza do portugués
A conselleira Laura Sánchez Piñón
está traballando na implantación da lingua, a literatura e a cultura portuguesas nos centros educativos
galego,s como iniciativa para afondar nas relacións na eurorrexión Galicia-norte de Portugal. Na
actualidade, o portugués se imparte en sete das once escolas oficiais de idiomas operativas en Galicia,
con posibilidades de ampliación desta oferta.
(Fonte: La Voz de Galicia).
Médicos galegos en Portugal
Tomando en conta o déficit médico
en España e Portugal, dos 3.000 médicos españois que traballan no veciño país,
entre un 30 e 40% proceden da comunidade galega, segundo estimacións de CESM-Galicia, presente nun cumio
en Lisboa sobre colexios e sindicatos médicos.
(Fonte: El Correo Gallego).
Unión Europea-Educación
A USC convoca as bolsas Erasmus
Grazas ás bolsas Erasmus convocadas
pola USC, un total de 1.400 mozos galegos e españois poderán estudar no próximo curso en universidades
de países como Portugal, Holanda, Italia, Alemaña, Francia, Hungría, Noruega, Austria, Reino
Unido, Irlanda, Dinamarca, Bélxica, Grecia, República Checa, Islandia, Malta, Suecia, Lituania, Estonia,
Eslovenia, Finlandia, Polonia, Turquía, Bulgaria e Romanía. (Fonte: La Voz de Galicia).
|
| 15/11/2005 |
|
Diáspora
Buscan crear o “lobby” empresarial galego
Tomando coma exemplo os casos das diásporas
irlandesa, xudeu e xaponesa, os empresarios galegos en Cataluña lideran a creación dun “lobby” empresarial,
adaptado ás necesidades do empresariado galego e a súa expansión exterior. Esta noticia foi
confirmada en Vigo polo presidente da Asociación de Empresarios Galegos en Cataluña, Julio Fernández
Rodríguez. (Fonte: Faro de Vigo).
Pesca
Pesqueiros vigueses parten a Marrocos
As embarcacións “Novo Farruco”,
da empresa Freiremar, e o “Myrdona” da empresa Pesca Miñor, partiron dende Vigo ata o país magrebí,
para iniciar unha acción piloto de pesca experimental nas augas comprendidas entre Casablanca e Agadir.
Os pesqueiros galegos están aínda pendentes das negociacións entre Bruxelas e Rabat para abrir
os caladoiros dese país. (Fonte:
Faro de Vigo).
Unión Europea-Fondos Estruturais
Touriño ve positivo o Obxectivo
1
Ante unha xuntanza de empresarios en A
Coruña, o presidente da Xunta amosou a súa confianza de que Bruxelas confirme neste mesmo mes a continuidade
galega como rexión Obxectivo 1 da UE, mantendo os fondos estruturais ata o 2013. Touriño confirmou
que a conxuntura económica e a captación de investimentos permiten anticipar un período de
crecemento. (Fonte: La Voz de Galicia).
Turismo
Turgalicia en Londres
A Consellería de Innovación
e Industria, a traveso de Turgalicia, presentou na capital británica a oferta turística galega, no
marco da World Travel Market, unha feira reservada ao sector profesional do turismo e unha das mais importantes
do mundo. O acto estivo representado polo director xeral de Turismo, Rubén Lois González. (Fonte: La Voz de Galicia).
Portugal
Expansión das construtoras galegas
Durante unhas xornadas celebradas en Valença
do Minho, o presidente da Asociación Provincial de Empresarios da Construción de Pontevedra, APEC,
Ángel Fernández Presas, defendeu a internacionalización do sector cara o norte de Portugal,
coa finalidade de potenciar as empresas construtoras galegas.
(Fonte: La Voz de Galicia).
|
| 14/11/2005 |
|
Inmigración
Os “guetos” aumentan en Galicia
As principais cidades galegas comezan
a observar o crecemento de zonas de residencia de inmigrantes, afastados do centro das urbes, onde son percibidos
como colectivos marxinais, debido á presenza da precariedade, os baixos salarios, o desemprego e as actividades
ilegais. Os colectivos sociais consideran que existe un receo social en torno á chegada de inmigrantes,
debido a que constitúe un fenómeno recente.
(Fonte: La Voz de Galicia).
Cultura
Tosar, o primeiro galego galardoado en
Cineuropa
O acto galego Luís Tosar recibirá
en Santiago o Premio Cineuropa 2005, pola súa participación no filme “Galatasaray-Depor (One day
in Europe)”, do director alemán Hannes Stöhs, ademais da súa carreira profesional a favor do
cinema galego. Tosar é o primeiro actor galego en recibir este galardón. (Fonte: La Voz de Galicia).
|
| 13/11/2005 |
|
Volvo Ocean Race
Vigo inaugura a competición
A familia real española e as principais
autoridades galegas, así como unhas 2.000 embarcacións, asistiron á partida dos sete veleiros
que realizarán a Volta ao Mondo en Vela, mellor coñecida como Ocean Volvo Race, a maior competición
náutica mundial. A saída foi realizada en Vigo e se achegará rumbo a Cidade do Cabo, en África
do Sur. (Fonte: El Correo Gallego).
Diáspora
A presenza galega en Panamá
O embaixador panameño Humberto
López Tirone, fillo dun emigrante de O Carballiño, explicou que o 80% da emigración existente
no país centroamericano é galega e un 50% desa emigración provén da provincia de Ourense.
O diplomático anunciou a visita do presidente panameño Omar Torrijos a Galicia para o 2006. (Fonte: El Correo Gallego).
Unión Europea-Linguas
Touriño falará en galego
en Bruxelas
O pleno do Comité das Rexións
da UE a mediados de novembro será a primeira institución europea onde se escoitará a lingua
galega, debido á intervención que terá o presidente da Xunta, Emilio Pérez Touriño.
Os presidentes da Generalitat catalana, Pascual Maragall, e a Comunidade Valenciana, Francisco Camps, tamén
utilizarán as linguas cooficiais.
(Fonte: El Correo Gallego).
Acción Exterior
Estratexia de internacionalización
das pemes
O Instituto Galego de Promoción
Económica, IGAPE, anunciou unha serie de presentacións nas principais cidades galegas, sobre as estratexias
de internacionalización das pemes galegas e as ferramentas de apoio con que conta este organismo. (Fonte: El Correo Gallego).
Inmigración
Campaña de integración
cos estranxeiros
A Consellería da Presidencia e
o Concello de Santiago promoven o programa “Ola, son o teu veciño”, coa finalidade de integrar socialmente
ao colectivo inmigrante, principalmente de orixe latinoamericano, magrebí ou ruso. Esta campaña conta
con charlas, obradoiros e exhibición de filmes, nos que colabora a organización Médicos sen
Fronteiras. (Fonte: La Voz de Galicia).
|
| 12/11/2005 |
|
Unión Europea-Educación
Elevado índice de fracaso escolar
Segundo datos da consellería de
Educación e Ordenación Universitaria, en Galicia os índices de deserción escolar no
nivel de Ensinanza Secundaria Obrigatoria, ESO, dobran a media europea, abicándose no 31%, só superado
por Malta e Portugal. A Comisión Europea advertiu da necesidade de ampliar o índice de alumnos que
finalicen a ESO. (Fonte: El Correo Gallego).
Unión Europea-Agricultura
Simposio internacional en Lugo
Expertos europeos participarán
a finais de novembro, nun simposio sobre Centros Tecnolóxicos e de Agroalimentación, nun acto que
estará presidido polo presidente da Xunta, Emilio Pérez Touriño. (Fonte: El Correo Gallego).
Solidariedade
Cumio indíxena en Santiago
Representantes das mulleres indíxenas
de Venezuela, Colombia, Perú, Ecuador, México, Chile e Bolivia, participarán nunha serie de
conferencias sobre a realidade indíxena, organizada por Cosal-Galicia. (Fonte: El Correo Gallego).
Portugal
Touriño garante o AVE Vigo-Porto
O presidente da Xunta ignorou as declaracións
do primeiro ministro portugués José Sócrates de construír un tren de baixo custe, e
expresou a súa vontade de levalo a cabo, de cara ao cumio hispano-luso de Évora, a mediados de novembro.
O alcalde de Santiago, Xosé Sánchez Bugallo, tamén amosou o seu optimismo. (Fonte: Faro de Vigo).
Unión Europea-Linguas
Confusión europea en torno ao
galego
A vicepresidenta da Comisión e
comisaria de comunicación e relacións institucionais, Margot Wallström, explicou que a Comisión
Europea vén de recoñecer que tivo “un descoido” cando ignorou ao galego no seu informe “Os europeos
e as súas linguas”, un estudo sobre a situación dos idiomas nacionais e rexionais na UE no que si
aparecían o éuscaro e o catalán. Wallström sostivo que o informe recoñecía
que o galego só se falaba en Galicia mentres o éuscaro e o catalán o facían no sur
de Francia. (Fonte: La Voz de Galicia).
|
| 11/11/2005 |
|
Portugal
Lisboa sentencia o AVE Vigo-Porto
A pesar das promesas realizadas polo primeiro
ministro portugués José Sócrates ao presidente da Xunta, Emilio Pérez Touriño,
a secretaria de Estado de Transportes de Portugal, Ana Paula Vitorino, asegurou que só se construirá
o tren de alta velocidade baixo criterios de vantaxes económicas. A ministra anunciou en Porto que as condicións
actuais non son favorables e amosouse partidaria dunha alternativa “de baixo custe”. (Fonte: Faro de Vigo).
Estaleiro en Valença do Minho
A empresa galega Rodman construirá
un estaleiro neste localidade portuguesa, operativo a partir de setembro de 2006, e que contará con medio
millar de operarios, ademais de absorber parte da actividade que se desenvolve nos obradoiros de Meira-Moaña
(Pontevedra). (Fonte: El Correo Gallego).
Economía
Os riscos de investimento en China
Expertos en estratexias de marketing explicaron
en Vigo, nunha charla sobre “Compras e Relación cos Provedores en China”, que existen determinados riscos
nos investimentos en China, sen o debido asesoramento económico e xurídico. Á charla asistiron
uns 80 empresarios galegos interesados en concretar negocios co país asiático. (Fonte: Faro de Vigo).
México
Detido galego en México acusado
de crime
Un xuíz mexicano ordenou a detención
do galego José Alonso Murada, pola súa presunta participación no asasinato do empresario ourensán
Camilo Guerra Rodríguez, ocorrido en agosto, tras 30 días de secuestro. Murada, de 46 anos, permanecía
no Centro Nacional de Arraigo, onde as autoridades detectaron diversas contradicións nas súas declaracións
sobre o paradoiro do empresario. (Fonte:
La Voz de Galicia).
Unión Europea-Marítima
Decisión europea afectará
transporte de pasaxeiros
O servizo regular de transporte de pasaxeiros
entre Cangas, Moaña e Vigo corre perigo no caso de que o Tribunal de Xustiza da Comisión Europea
obrigue ao goberno estatal a liberalizalo. Neste sentido, o avogado xeral Antonio Tizzano insta aos xuíces
europeos a condenar a España por vulnerar a normativa comunitaria e pretende adxudicar este transporte a
unha empresa privada por un período de 20 anos.
(Fonte: La Voz de Galicia).
|
| 10/11/2005 |
|
Diáspora
Galegos observan os disturbios de París
Os violentos disturbios que durante dúas
semanas asolan os suburbios de inmigrantes en torno á capital francesa e outras cidades dese país,
son observados con preocupación polos emigrantes galegos alí residentes. A maior parte deles, emigrados
a Francia na década dos sesenta, consideran que a inxustiza social está na orixe da violencia desatada. (Fonte: La Voz de Galicia).
Eixo Atlántico
O AVE Vigo-Porto é “irrenunciable”
A comisión executiva do Eixo Atlántico,
na que participaron o alcalde de Santiago, Xosé Sánchez Bugallo, e os de Ourense, Vilagarcía,
Chaves, Guimarâes e Vila Real, defenderon a conexión ferroviaria entre Vigo e Porto e demandaron un
tren mixto que alcance os 200 km/h entre ambas cidades, co obxectivo de comunicar A Coruña e Porto en dúas
horas. Pola súa banda, o alcalde de Porto, Rui Rio, asistirá a unha xuntanza co presidente da Xunta,
Emilio Pérez Touriño, e tamén co presidente luso José Sócrates, para apoiar
a vía de alta velocidade. (Fonte:
La Voz de Galicia).
Cultura
Avances dos estudos galegos en EEUU
A Universidade de Milwaukee acollerá
acollerá a 47 edición do congreso da Midwest Modern Language Association, unha das divisións
da asociación de linguas máis importantes do país norteamericano, na que por primeira vez,
aceptouse incluír un panel sobre o galego, baixo o título de “Estudos galegos no século XXI:
dimensións nacionais e transnacionais”, no que se inclúen intervencións sobre a inmigración
galega, a súa lingua e a historia e memoria do exilio galego trala Guerra Civil. (Fonte: La Voz de Galicia).
Venezuela
Unha ollada ao mercado venezolano
A Cámara de Comercio de Ferrol
acolleu a xuntanza dunha ducia de empresas galegas, organizada polo Instituto Español de Comercio Exterior,
para dar a coñecer as posibilidades de negocio que ofrece o mercado venezolano para Galicia. A exposición
estivo a cargo de Javier Pareja, conselleiro da Oficina Económica e Comercial da Embaixada española
en Caracas. (Fonte: La Voz de Galicia).
Cooperación
A USC impartirá curso en Angola
O programa de doutorado “Educación
e Desenvolvemento humano. Perspectivas teóricas, históricas e sociais”, será presentado pola
USC para o curso 2006-2007 na Universidade Jean Piaget de Angola, tralo convenio asinado polo reitor da USC, Senén
Barro, o presidente do Instituto portugués Piaget, Antonio Oliveira Cruz, e o reitor da universidade Jean
Piaget-Angola, Pedro Domingo Petersonn.
(Fonte: La Voz de Galicia).
Inmigración
Vigo podería perder 3.000 habitantes
A aplicación da nova Lei de Estranxeiría
podería provocar unha perda de 3.000 habitantes para Vigo, debido á lentitude dos inmigrantes na
inscrición no patrón municipal. En total, uns 5.671 residentes estranxeiros deberían pasar
polas oficinas municipais antes do 22 de decembro pero, ata estes momentos, só o fixeran unhas 800 persoas. (Fonte: La Voz de Galicia).
Pesca
Promoción galega en China
O secretario xeral da Asociación
Nacional de Fabricantes de Conservas do Peixe e Mariscos, ANFACO, Juan Manuel Vieites, se desprazou ao país
asiático, xunto a unha delegación española, para dar a coñecer os produtos galegos
do mar dentro da feira internacional “Fisheries & Seafood”. Vieites subscribirá dous convenios coa Universidade
dos Océanos de China e a empresa Qingdao Fusheng Co. en materia acuícola e pesqueira. (Fonte: La Voz de Galicia).
Brasil
Contactos empresariais entre Vigo e Bahía
A visita do gobernador de Bahía,
Paulo Souto, e o empresario galego nesa cidade, José Faro Rúa, á cidade olívica, permitirá
fomentar contactos e acordos con empresarios galegos, especialmente no sector graniteiro, trala xuntanza co presidente
da Asociación Galega de Graniteiros, AGG, Gumersindo Alonso. Tras África do Sur, Brasil é
o segundo exportador de granito ás empresas transformadoras galegas. (Fonte: Faro de Vigo).
|
| 09/11/2005 |
|
Cooperación
Políticos galegos se reúnen
con Frei Betto
O ex asesor de Lula da Silva e dirixente
do Partido dos Traballadores, se reuniu con Fabiola Sotelo, directora xeral de Cooperación Exterior da Xunta,
así como con representantes responsables políticos do PP, PSdG e BNG. Betto pediu que a axuda para
os pobres non pase soamente polas decisións dos gobernos senón que é necesario “revalorizar
o protagonismo social e económicos dos mais pobres”.
(Fonte: El Correo Gallego).
Marítima
O exemplo de Baltimore para A Coruña
Os estadounidenses Andrew Frank, vicepresidente
de Baltimore Development Corporation, BDC e coordinador do porto interior desa cidade, e Gay Legg, director de
márketing do BDC, estiveron na cidade herculina para explicar a experiencia do porto de Baltimore como exemplo
para as obras do porto exterior coruñés. Expertos locais apostaron pola apertura de rutas marítimas
directas entre Galicia e EEUU, sen pasar por Amberes ou Rotterdam.
(Fonte: El Correo Gallego).
Portugal
Alcaldes lusos piden asistencia sanitaria
en Vigo
Os alcaldes de Caminha, Vilanova de Cerveira,
Valença do Minho, Paredes de Coura, Monçao e Melgaço, solicitaron ao primeiro ministro portugués
José Sócrates que negocie un acordo co goberno español para que os 80.000 habitantes destes
concellos podan ser atendidos no novo hospital que se proxecta en Vigo. Tamén pediron que a seguridade social
portuguesa asuma os custes da atención sanitaria na cidade olívica. (Fonte: La Voz de Galicia).
Palestina
Solidariedade sanitaria galega
Os médicos palestinos Jamal El
Hawajri e Youssef Moussa, os cales traballan na franxa de Gaza, explicaron en Pontevedra os proxectos sanitarios
que levan a cabo Solidariedade Internacional e Caixa Galicia nos campamentos e as cidades palestinas. (Fonte: La Voz de Galicia).
Diáspora
Crearán o Valedor do Emigrante
O goberno bipartito da Xunta anunciou
a creación da figura do Valedor do Emigrante, como Comisionado do Parlamento de Galicia para a “defensa
dos dereitos e liberdades” dos residentes da diáspora. O presidente Emilio Pérez Touriño,
que fixo este anuncio durante unha reunión con 140 emigrantes galegos que participan no programa “Reencontros”,
expresou o seu desexo de viaxar con frecuencia aos países da emigración galega para “tender pontes
máis estreitos de colaboración” e “levar o cambio á emigración”. (Fonte: El Correo Gallego).
Inmigración
Formación frigorífica para
estranxeiros
A Fundación Galicia Emigración
e o Grupo Eulen, especializado na instalación de equipos de aire acondicionado, colaborarán na formación
de frigoristas entre a poboación inmigrante, coa finalidade de contribuír a súa integración
social. (Fonte: www.xornal.com).
|
| 08/11/2005 |
|
Portugal
Os nenos exaltan o patrimonio común
O Teatro Fraga Caixa Galicia de Vigo foi
abarrotado onte por 50 nenos das escolas de Salvaterra e Caminha, ademais de mozos, mestres, músicos e artistas
galegos e portugueses para exaltar o Patrimonio Inmaterial galaico-portugués. coa presentación do
traballo "Meniños cantores", o cal se presenta en libro, CD e DVD. (Fonte: Faro de Vigo).
Sócrates asegura autovía sen
peaxe
Coma un intento por paliar os retrasos
no AVE Vigo-Porto pola crise económica portuguesa, o primeiro ministro do país veciño, José
Sócrates, confirmou, durante a inauguración do tramo que une Viana do Castelo con Vilar de Mouros,
que a autovía IC-1 que percorre a costa norte ata a fronteira con Galicia estará libre de peaxe. (Fonte: La Voz de Galicia).
Marítima
Cooperación entre Vigo e Uruguai
Tras reunirse con representantes do sector
financeiro do país suramericano, o presidente da Autoridade Portuaria, Abel Caballero, afirmou a súa
proposta de converter ao Porto de Vigo como a principal entrada ao tráfico marítimo de produtos procedentes
de Uruguai, así como tamén dende Brasil e Arxentina.
(Fonte: Faro de Vigo).
Unión Europea-Lingua
O galego poderá falarse en Bruxelas
O ministro de Exteriores español,
Miguel Ángel Moratinos, e o presidente do Consello da UE, Jack Straw, asinaron en Bruxelas un acordo administrativo
que permitirá, nun prazo de dúas semanas, o uso das linguas cooficiais do Estado español,
nesta institución europea. O goberno de Zapatero se comprometerá á instalación do mecanismo
de tradución correspondente. (Fonte:
La Voz de Galicia).
Solidariedade
Frei Betto e o combate á pobreza
Invitado polo Fondo Galego de Cooperación
e Solidariedade, o ex asesor do goberno brasileiro de Lula da Silva estivo en Vigo para conceder unha conferencia
sobre a loita contra a pobreza e os Obxectivos do Milenio e atender aos medios de comunicación locais. Convertido
nun icona da loita social en Brasil, Betto explicou que “coa metade do que gasta nun ano os EEUU en armamento,
erradicaríamos a fame no mundo”.
(Fonte: La Voz de Galicia).
Economía
Terras Gauda e o mercado venezolano
Augusto Álvarez, xerente das bodegas
Terras Gauda, expuxo ante a Cámara de Comercio de Ferrol a súa experiencia como exportador a Venezuela,
país que rexistrou exportacións galegas cun valor de 25,72 millóns de euros, mentres as importacións
se achegaron aos 21,22 millóns de euros. Un 60% dos produtos galegos vendidos en Venezuela pertencen ao
sector téxtil, ademais de grafito, granito e conservas.
(Fonte: La Voz de Galicia).
|
| 07/11/2005 |
|
Unión Europea-Fondos Estructurais
Bruxelas decide orzamento comunitario
Unha xuntanza clave sobre o orzamento
comunitario para os próximos sete anos, mantén a súa atención en Galicia, xa que se
decide a súa condición de perceptora de fondos estruturais. Os ministros de Economía e Finanzas
europeos estudan a posibilidade de seguir outorgando á nosa Comunidade a súa condición de
Obxectivo 1. (Fonte: La Voz de Galicia).
Solidariedade
Frei Betto en Galicia
O ex asesor do presidente brasileiro Lula
da Silva e coordinador do programa Mobilización Social “Fame Cero”, estivo en Vigo e Santiago, invitado
polo Fondo Galego de Cooperación e Solidariedade, para realizar sendas conferencias sobre a “Loita contra
a Pobreza e os Obxectivos do Milenio”. (Fonte:
www.xornal.com).
Cultura
“Luar na Lubre” coa diáspora
A nova produción musical do grupo
galego, titulada “Saudade”, rescata un repertorio de poemas de autores galegos da emigración, nos que contan
coa axuda do compositor cubano Pablo Milanés, a mexicana Lila Downs, Cida Airam (Brasil), Adriana Varela
(Arxentina) e o ministro de Cultura venezolano Farruco Sesto.
(Fonte: La Voz de Galicia).
|
| 06/11/2005 |
|
Eixo Atlántico
Piden AVE para o 2015
Os alcaldes das 18 cidades galegas e do
norte de Portugal, que conforman o Eixo Atlántico do Noroeste Peninsular, realizarán unha xuntanza
en Santiago para expoñer ante a presidencia da Xunta, a súa defensa do AVE Vigo-Porto para o 2015. (Fonte: El Correo Gallego).
Sociedade
“Ericsson” arranca vitorioso na Ocean
Volvo Race
O equipo sueco realizou en Sanxenxo a
mellor saída na primeira toma de contacto da Volta ao Mundo en Vela 2005-2006, competición coñecida
como a Ocean Volvo Race. Na competición participou tamén a Familia Real Española, e foi inaugurada
por autoridades da Xunta de Galicia e o goberno estatal ante milleiros de persoas. O 13 de novembro comezará
oficialmente a Ocean Volvo Race, coa súa saída inaugural dende Vigo. (Fonte: El Correo Gallego).
Portugal
Saramago sobre galegos e portugueses
De visita en Vigo no marco do Congreso
de Literatura Comparada, o Premio Nobel de Literatura José Saramago se amosou sumamente crítico coa
realidade nas relacións entre galegos e portugueses, ao declarar que “vivimos nunha ilusión de que
nos comunicamos moito e, en realidade, non o facemos nada. Hai empresas, negocios comúns no norte pero ao
sur do río Duero empeza outro país. Non hai vontade política e todo aquelo dos pobos irmáns
é pura retórica”. (Fonte:
Faro de Vigo).
Inmigración
Estranxeiros compensan a taxa demográfica
Segundo o Instituto Galego de Estatística,
no 2004 foronse 20.200 galegos a outras partes do Estado e do estranxeiro, pero a chegada de 15.000 inmigrantes,
principalmente de Arxentina, Uruguai e Brasil, posibilitou un saldo poboacional positivo. (Fonte: La Voz de Galicia).
Marítima
Cumio do polbo en Vigo
O Instituto Oceanográfico da cidade
olívica convocou a dez expertos internacionais en investigación dos polbo, procedentes de Xapón,
Brasil, Italia, Bélxica e Noruega, así como especialistas en nutrición, fisioloxía
e bioquímica, para relatar as súas experiencias no cultivo do polbo. (Fonte: La Voz de Galicia).
|
| 05/11/2005 |
|
Portugal
Prioridade ao AVE Lisboa-Madrid
No marco do Cumio Ibérico en Valença
do Minho, o primeiro ministro portugués José Sócrates declarou ao presidente galego Emilio
Pérez Touriño, que o seu goberno espera cumprir os seus compromisos no AVE Vigo-Porto, pero que os
prazos acordados cara o 2009 son “irrealizables”. Sócrates explicou que a prioridade do seu gabinete é
o AVE Lisboa-Madrid. Sócrates e Touriño asinaron a constitución da Comunidade de Intermunicipios
do Minho e de Galicia, desenvolvido pola Deputación de Pontevedra e a Comunidade Intermunicipal do Val do
Minho. (Fonte: El Correo Gallego).
Emigración
Tres mil retornados en Compostela
Segundo Manuel Domínguez, presidente
da asociación Marusía, desde o ano 2000, Galicia experimenta un éxodo laboral anual de 20.000
mozos, mentres a cifra de emigrantes retornados ascende a tres mil persoas. Domínguez explica que a súa
asociación espera frear esta tendencia emigratoria.
(Fonte: El Correo Gallego).
Inmigración
Galicia reclama traspaso das competencias
A Xunta espera deseñar e planificar
as súas propias políticas de inmigración, polo que pediu ao goberno central o traspaso das
competencias. O vicepresidente da Xunta, Anxo Quintana, trasladará esta petición ao Ministerio de
Administracións Públicas.
(Fonte: Faro de Vigo).
Diáspora
Videoconferencia con Arxentina
Os veciños de San Xurxo de Vea
estrearon o sis |
