|
 |
| 31/08/2005 |
|
Pesca
Armadores coruñeses con proxección
europea
Dúas das principais asociacións de armadores
do porto de A Coruña, PescaGalicia-Arpesco e Obarco, decidiron fusionarse para crear unha nova entidade
con maior peso para defender os intereses da pesca galega. Na nova asociación estarán incluídos
pesqueiros de España, Irlanda, Escocia e Francia.
(Fonte: La Voz de Galicia).
|
| 30/08/2005 |
|
Cooperación
Galicia e Polonia pola innovación
Materias como innovación, investigación,
desenvolvemento e turismo serán as principais liñas de cooperación entre Galicia e Polonia,
segundo resultou da xuntanza entre o conselleiro de Innovación e Industria, Fernando Blanco, e a embaixadora
polaca Grazyna Bernatowicz. Asemade, Polonia amosou o seu interese en coñecer a experiencia galega na xestión
dos fondos europeos. (Fonte: El Correo Gallego).
Sociedade
Europa do Leste coñece o viño
ourensán
Un grupo de xornalistas de Hungría, República
Checa e Polonia, especialistas no sector vinícola, visitaron os centros vitivinícolas de Ourense,
no marco dunha misión comercial organizada pola Cámara de Comercio de Lugo. (Fonte: El Correo Gallego).
|
| 29/08/2005 |
|
Pesca
Licencias por 25 anos para Galicia
As autoridades das Malvinas presentaron unha oferta
inédita á flota galega que fana nesas augas, de conceder licencias por 25 anos aos pesqueiros estranxeiros,
entre eles unha vintena de buques conxeladores galegos. A medida pretende modificar toda a política pesqueira
da colonia británica. (Fonte: La
Voz de Galicia).
|
| 28/08/2005 |
|
Economía
Galicia oriéntase a Portugal e
América Latina
Entre o 2000 e o 2004, un 61% dos investimentos galegos
no exterior van para Portugal e países de América Latina como Arxentina, México, O Salvador
e Brasil. Outros países como Xapón, Holanda, Turquía e EEUU tamén ingresan nesa lista
como destinos principais. O capital galego total investido nese período se achega aos 1.326 millóns
de euros, unha cuarta parte do acumulado en toda a historia para Galicia. (Fonte: La Voz de Galicia).
Pesca
A pesca galega e os competidores externos
Segundo responsables das principais lonxas, a chegada
de produtos pesqueiros de Reino Unido, Francia, Irlanda e Italia está provocando unha merma nas finanzas
dos mariscadores e pescadores galegos. Os baixos prezos de especies locais como a ameixa, centolo ou a nécora
ten a súa explicación pola chegada de mariscos estranxeiros, inferior en calidade e mais competitivos
en prezo. (Fonte: La Voz de Galicia).
|
| 27/08/2005 |
|
Unión Europea-Gandería
Bruxelas apraza cobro de multa láctea
O sector lácteo galego recibiu unha boa noticia
co aprazamento por un ano, por parte da Unión Europea, no cobro do pago por sanción por supertaxa
láctea. Este era un dos requerimentos das agrupacións Xóvenes Agricultores, Unións
Agrarias e Sindicato Labrego Galego. (Fonte:
El Correo Gallego).
Téxtil
Bloque ao téxtil chino favorece
a Galicia
Os obradoiros galegos recibiron un aumento nos seus
pedidos por parte das grandes compañías de moda, debido ao conflito entre a Unión Europea
e China. Os principais beneficiadas serán os obradoiros ourensáns. (Fonte: El Correo Gallego).
|
| 26/08/2005 |
|
Deporte
A selección galega contra un rival
internacional
O director xeral de Deportes da Xunta, Santiago Domínguez,
e o presidente da Federación Galega de Fútbol, Julio Meana, mantiveron a súa primeira xuntanza
na que dialogaron sobre a creación da selección galega de fútbol. Domínguez e Meana
manifestaron que o primeiro partido será no estado santiagués de San Lázaro, na capital de
Galicia. (Fonte: El Correo Gallego).
|
| 25/08/2005 |
|
Téxtil
Inditex tranquiliza ante o conflito UE-China
A empresa coruñesa asegurou que o bloqueo por
parte de Bruxelas ás categorías de produtos téxtiles procedentes de China non está
afectando a produción e mercantilización das súas marcas, xa que a multinacional galega importa
un 70% de Europa e as compras a China apenas superan o 15%.
(Fonte: El Correo Gallego).
Portugal
Nova pedagoxía entre galegos e
lusos
As XXIX Xornadas do Ensino en Galicia e Portugal reuniu
a un centenar de docentes galegos e portugueses para aprender novos métodos pedagóxicos así
como outros temas como a inmigración e a violencias nas aulas.
(Fonte: El Correo Gallego).
|
| 24/08/2005 |
|
México
Exculpan a bandas organizadas no asasinato
de Guerra
O Procurador do Distrito Federal de Cidade de México,
Bernardo Bátiz, asegurou que non existen ningún indicio de que bandas organizadas torturaran e asasinaran
ao empresario galego Camilo Guerra Rodríguez. Bátíz negou a entrada nese país das bandas
delitivas centroamericanas “Zetas” e “Mara Salvatrucha”, e informou da detención de José Jurado,
unha persoa próxima ao empresario galego, por informar con retraso do secuestro do empresario. (Fonte: El Correo Gallego).
|
| 23/08/2005 |
|
Pesca
Armadores europeos contrarios a pechar
a NAFO
As asociacións pesqueiras galegas Anamer e Anavar
criticaron que Bruxelas impoña os seus criterios sen procurar o consenso co sector. No relativo ao peche
dos caladoiros da NAFO a finais de agosto, os armadores europeos amosaron o seu descontento ante a Comisión
Europea. (Fonte: El Correo Gallego).
|
| 22/08/2005 |
|
Portugal
Os incendios afectan a fronteira común
O fogo activo en diversas localidades fronteirizas de
Portugal continuou coa súa expansión a Galicia, especialmente nas localidades ourensás. Alemaña,
Francia, Italia e España anunciaron o envío de avións antiincendios a Portugal, para extinguir
35 fogos activos. (Fonte: El Correo Gallego).
|
| 21/08/2005 |
|
Téxtil
Aumentan cadeas de Zara en EEUU
A inauguración dun establecemento de Zara en
San Francisco amplía a 17 as tendas da marca principal da empresa galega Inditex en EEUU. Nova York, Houston,
Miami e Las Vegas son as principais cidades con presenza de Zara.
(Fonte: El Correo Gallego).
Portugal
Máis apoios para a candidatura
oral luso-galaica
O conselleiro de Innovación e Turismo, Fernando
Blanco, informou en Lugo do apoio institucional á candidatura do patrimonio oral e inmaterial galaico-portugués
na Unesco, e expresou o seu desexo de que esta candidatura obteña un recoñecemento similar á
Muralla de Lugo como Patrimonio da Humanidade.
(Fonte: El Correo Gallego).
|
| 20/08/2005 |
|
Inmigración
Elevada poboación estranxeira
nos cárceres
Un informe da Asociación dos Corpos da Administración
e Institucións Penitenciarias, Acaip, revelou que un 34,7% da poboación penitenciaria galega é
de orixe estranxeira. A nivel estatal, Galicia ocupa o cuarto lugar en canto á poboación penitenciaria
estranxeira. (Fonte: El Correo Gallego).
Sociedade
Alí Lmrabet en Galicia
O coñecido escritor e disidente marroquí
estivo na localidade de Camariñas, como parte dunha visita a Galicia, onde recibirá o premio José
Couso do Colexio de Xornalistas de Galicia. Lmrabet afirmou que realizará o Camiño de Santiago en
novembro. (Fonte: El Correo Gallego).
|
| 19/08/2005 |
|
Diáspora
Atopan cadáver de empresario galego
O empresario Camilo Guerra Rodríguez, de 75 anos
e natural do concello ourensán de Avión, foi atopado morto pola policía mexicana nunha alcantarilla,
atado e con tres disparos na cabeza e co claros síntomas de tortura. Rodríguez levaba 42 días
de secuestro e a súa familia pagara uns 754.000 euros dos 905.000 pedidos polos secuestradores. (Fonte: El Correo Gallego).
|
| 18/08/2005 |
|
Téxtil
Inditex ingresa no mercado asiático
A empresa téxtil coruñesa abrirá
100 novas tendas da marca Zara, enfocada á mocidade, en Indonesia, Filipinas, Taiwán, Corea do Sur
e China, segundo unha información aparecida no diario Business Times de Singapur. Inditex xa posúe
21 tendas en Xapón, Hong Kong, Singapur, Tailandia e Malaisia.
(Fonte: El Correo Gallego).
Pesca
Golpe á flota galega da NAFO
O acordo entre o goberno estatal e a Comisión
Europea sobre o final dos permisos para fanar nos caladoiros da NAFO no Atlántico Norte, pautados para o
31 de agosto, afectará o emprego de trinta barcos e mil tripulantes galegos, os cales demandaron medidas
ante a Aetinape e o goberno de Zapatero. A Cooperativa de Armadores do Porto de Vigo, ARVI, declarou que o acordo
entre Bruxelas e Madrid foi realizado sen ter e conta os intereses e demandas dos pesqueiros galegos e españois. (Fonte: El Correo Gallego).
|
| 17/08/2005 |
|
Afganistán
Dez galegos mortos en accidente aéreo
Os dez militares galegos mortos no accidente de helicóptero
na localidade afgana de Shindand, pertencían á división da Brilat “Galicia VII”, que apenas
levaba catro días no país centroasiático. No accidente faleceron 7 militares mais, dos cales
dous eran residentes na nosa Comunidade.
(Fonte: El Correo Gallego).
|
| 16/08/2005 |
|
Economía
Galicia aposta pola calidade e valor
engadido
O conselleiro de Traballo Fernando Varela cualificou
como un “suicidio” unha política económica baseada na captación de investimentos estranxeiros
pola vía dos salarios baixos. Varela destacou que a súa xestión apostará pola “calidade
en investigación en valor engadido” para competir nos mercados internacionais e atraer os investimentos
estranxeiros. (Fonte: El Correo Gallego).
|
| 15/08/2005 |
|
Cooperación
Baixa aportación galega para o
Terceiro Mundo
Un informe revela que Galicia continúa nos niveis
máis baixos de solidariedade co Terceiro Mundo en España. A achega do 2004 alcanzou o 0,07% do PIB
galego, mentres a media estatal estaba no 0,25%, a súa vez unha das máis baixas de Europa. Co cambio
de goberno na Xunta, o PSdG e o BNG salientaron o seu obxectivo de incrementar estas achegas aos países
subdesenvolvidos ata cuadriplicar o nivel actual.
(Fonte: La Voz de Galicia).
|
| 14/08/2005 |
|
Pesca
Acusan a Canadá de influír
no peche do caladoiro da NAFO
A Asociación Española de Titulados Náutico-Pesqueiros,
Aetinape, considerou que Canadá estaría detrás da decisión de Bruxelas de pechar en
setembro o caladoiro da NAFO, o cal afectaría a 34 buques galegos, 1.000 tripulantes e 7.000 empregados
indirectos. (Fonte: El Correo Gallego).
Portugal
Aumentan nun 55% as exportacións
galegas
Segundo a consultora viguesa Torres e Carrera, as exportacións
galegas a Portugal aumentaron un 55% nos derradeiros dez anos, achegándose a 1.676 millóns no 2003. (Fonte: El Correo Gallego).
|
| 13/08/2005 |
|
Unión Europea-Pesca
CIG denuncia acordo Bruxelas-Rabat
O secretario xeral de CIG-Mar, Xabier Aboi, denunciou
que o acordo pesqueiro entre a UE e Marrocos é “nefasto” porque “só beneficia á flota andaluza
xa que a galega non poderá entrar neses caladoiros”, coa excepción de oito barcos que fanan en Mauritania.
Noutras informacións, a Comisión Europea e o goberno español resolveron pechar en setembro
o caladoiro da NAFO. (Fonte: El Correo Gallego).
|
| 12/08/2005 |
|
Portugal
Intercambio cultural luso-galaico
A mostra “VI Bienal de Pintura 2004-2005 Eixo Atlántico”,
presentou no Museo do Pobo Galego unha exposición conxunta de 29 artistas portugueses e galegos, na que
o Eixo Atlántico contribúe á difusión e o acercamento do acervo cultural dos pobos
galegos e do norte de Portugal e á divulgación de novos talentos artísticos. (Fonte: El Correo Gallego).
|
| 11/08/2005 |
|
Sucesos
Cárcere en Brasil para empresario
galego
O empresario santiagués Francisco Chico Recarey,
de 63 anos, coñecido polos seus negocios de entretemento, foi arrestado trala súa condena de catro
anos de prisión por delitos fiscais, acusado de apropiación indebida de recursos destinados á
Seguridade Social. (Fonte: El Correo Gallego).
Cultura
Festival Folclórico Internacional
en Baiona
Os grupos galegos Meiramar e Axóuxeres, o Collegium
Folklorum de Serbia, e a agrupación Aidyn Dogan Andolu Lisesi, de Turquía, participaron nun festival
organizado polo Concello de Baiona. (Fonte:
Faro de Vigo).
|
| 10/08/2005 |
|
Ecoloxía
Greenpeace preme na flota galega
Desde o 26 de xullo, cando abordara ao barco galego
“Playa de Tambo” no Atlántico Norte, a ONG Greenpeace comezou unha campaña de acoso contra os barcos
que fanan no caladoiro da NAFO. Aetinape pediu ao goberno de Zapatero e da UE que interceda para evitar o acoso
da organización ecoloxista contra a flota galega.
(Fonte: El Correo Gallego).
|
| 09/08/2005 |
|
Diáspora
Homenaxe arxentina á diáspora
galega
A Cámara de Deputados da Nación arxentina
acollerá en setembro, no emblemático salón dos Pasos Perdidos do palacio lexislativo, un acto
de homenaxe á contribución realizada a ese país por parte da emigración galega e os
seus descendentes. Fabián Fernández Pérez, promotor deste acto, asegurou que a clase política
e os deputados arxentinos, aprobaron por unanimidade esta iniciativa.
(Fonte: El Correo Gallego).
|
| 08/08/2005 |
|
Agricultura
Unións Agrarias defende política
común coa UE
O secretario xeral do sindicato Unións Agrarias,
Roberto García, expresou a súa confianza en que o novo conselleiro de Agricultura, Alfredo Suárez
Canal, canalice as políticas agrarias galegas acorde coas esixencias da estratexia comunitaria europea,
alterando así os pronunciamentos “ideoloxizados” da anterior administración. (Fonte: El Correo Gallego).
Cultura
A presenza galega na independencia americana
Segundo a Sociedade Nacional dos Fillos da Revolución
Americana (National Society of the Sons of American Revolution), integrada por descendentes directos e indirectos,
unha media ducia de galegos participaron na guerra de independencia dos EEUU, entre 1775 e 1783. Son: o capitán
José Martínez, natural de Padrón; o capitán Yldefonso de Larrauri, de A Coruña;
os tenentes Vicente Matos e José Fonte y Bermúdez, tamén coruñeses; o cabo Miguel Augusto,
de Mugardos; e o soldado Pedro López, de Santiago.
(Fonte: El Correo Gallego).
|
| 07/08/2005 |
|
Turismo
Asia coñece a oferta viguesa
A través dos portais de Internet, especialmente a do Padroado das Rías Baixas, turistas de Taiwán,
Xapón, China e Hong Kong achéganse ata a cidade olívica, completando o interese turístico
que xa era tradicional en países como Francia, Portugal, Italia e Bélxica. (Fonte: Atlántico Diario).
Portugal
O Asociacionismo como estratexia común
A Federación Luso-Galaica de Industriais
Metalúrxicos, Feluga, constituíuse grazas á participación da Asociación de Empresarios
Metalúrxicos de Galicia e a portuguesa Aimmap. Segundo os seus creadores, a Feluga é a primeira iniciativa
neste sentido dentro da Unión Europea.
(Fonte: Atlántico Diario).
|
| 06/08/2005 |
|
Inmigración
Folclore multirracial en Ferrol
A Quinta Edición do Festival das
Comunidades celebrouse na ferrolá Praza das Armas, coa participación de grupos autóctonos
de América Latina, coa especial actuación da agrupación Koeti de Paraguai, e o Cáucaso,
coa participación do grupo das Xuventudes do Daguestán. Tamén participaron grupos folclóricos
españois. (Fonte: El Correo Gallego).
Sáhara
Nenos saharauís en Galicia
Como parte do programa Vacacións
en Paz organizado pola Asociación de Amigos do Pobo Saharauí e dos Amigos da República Árabe
Saharauí Democrática, un total de seiscentos nenos serán acollidos por familias galegas este
verán. (Fonte: El Correo Gallego).
|
| 05/08/2005 |
|
Emigración
Portas organizará II Encontro
coa Emigración
O presidente da Deputación de Pontevedra,
Rafael Louzán, inaugurará a mediados de agosto en Portas (Caldas de Reis), o II Encontro da Emigración,
no que se reunirá con presidentes dos centros galegos de todo o mundo. (Fonte: El Correo Gallego).
|
| 04/08/2005 |
|
Unión Europea-Agropecuaria
Multa europea afecta ao campo galego
A organización Unións Agrarias,
UA, recorrerá a decisión da UE de multar a España con 22 millóns de euros por sobreprodución
láctea, mentres Xóvenes Agricultores e Sindicato Labrego Galego critican a insuficiente defensa de
Madrid ante unha decisión comunitaria que prexudica a Galicia. Segundo UA, un 65% dos produtores galegos
deberán pagar a multa. (Fonte: El
Correo Gallego).
|
| 03/08/2005 |
|
Emigración
Preocupan secuestros de galegos en México
O secuestro do empresario galego Camilo
Guerra Rodríguez, de 70 anos, amosa sinais de preocupación para os industriais e empresarios galegos,
a maioría de orixe ourensán, que habitan no país latinoamericano. Dende 1998, foron secuestrados
un total de 12 empresarios galegos residentes en México.
(Fonte: El Correo Gallego).
Cultura
Santiago acolle festival internacional
de curtametraxes
En outubro, a capital galega será
a sede do II Festival Internacional CurtoCircuito 2005, coa participación de producións de Italia,
Alemaña, India, Perú, Arxentina e Inglaterra. En total se estrearán preto de cen curtametraxes. (Fonte: El Correo Gallego).
|
| 02/08/2005 |
|
Emigración
Aumenta partida sanitaria para emigrantes
americanos
Cun monto superior aos 4 millón
de euros, o goberno de Zapatero anunciou un aumento do 33% do orzamento en sanidade destinado aos emigrantes en
Iberoamérica. Entre outros aspectos, subscribiuse un convenio coa empresa Polimed Ltda. para prestar asistencia
farmacéutica en Brasil. (Fonte: El
Correo Gallego).
|
| 01/08/2005 |
|
Acción Exterior
Segundo contixente da Brilat para Afganistán
A zona de Herat, ao oeste do país
centroasiático, será o destino do segundo continxente de 200 soldados da Brigada Lixeira Aerotransportable,
Brilat, que parte desde Galicia a primeiros de agosto. Xunto aos máis de 200 enviados un mes antes, esta
brigada terá a responsabilidade de velar pola seguridade ante as eleccións lexislativas de setembro
nese país. (Fonte: El Correo Gallego).
|
