|
 |
| 31/07/2005 |
|
Portugal
Pontevedra e Braga buscan apoio europeo
Coa finalidade de recuperar os seus cascos históricos como espazo público de encontro dos cidadáns,
e baixo o título “Cidade: Futuro da Historia”, os concellos de Pontevedra e Braga buscan o apoio económico
da UE a través do programa Interreg III.
(Fonte: El Correo Gallego).
Solidariedade
Manos Unidas pide axuda para o Níxer
Segundo Ángela Jaureguizar, delegada da ONG “Manos Unidas” en Santiago, esta organización abriu unha
conta bancaria de Emerxencia para axudar a paliar a crise humanitaria que se está a vivir no Níxer,
produto da fame. (Fonte: El Correo Gallego).
|
| 30/07/2005 |
|
Pesca
Vigo aposta polo convenio con Indonesia
A través das contratacións
da empresa Fishing Work Corporation, os armadores vigueses amosan a súa satisfacción pola contratación
de persoal procedente do país asiático. Desde marzo de 2004, a empresa de contratación ven
facendo os contactos entre Vigo e as autoridades e empresas pesqueiras indonesias, un país con gran potencial
mariño debido ao seu arquipélago con 13.000 illotes e unha poboación de 12 millóns
de mariñeiros. (Fonte: El Correo
Gallego).
|
| 29/07/2005 |
|
Unión Europea-Pesca
Palangreiros galegos volven ás
augas marroquís
O acordo alcanzado por Bruxelas e Rabat,
e que comezará a aplicarse en marzo de 2006, permitirá a cen barcos españois, aproximadamente
trinta deles galegos, fanar nas augas marroquís. O acordo permite o retorno dos palangreiros galegos, mais
non inclúe a captura de cefalópodos (polbos, calamares), crustáceos (cigalas, gambas) e camarón,
por estar o caladoiro sobreexplotado. (Fonte:
El Correo Gallego).
Sáhara
Polisario condena acordo UE-Marrocos
A inclusión das augas do Sáhara
Occidental no acordo pesqueiro entre a UE e Marrocos, provocou a protesta do representante da Fronte Polisario
en Galicia, Brahim Gali, quen cualificou o acordo de “ilegal”, porque “concede a Marrocos a explotación
dos recuros. (Fonte: El Correo Gallego).
|
| 27/07/2005 |
|
Unión Europea-Interreg
Pontevedra aspira recibir fondos europeos
A Deputación de Pontevedra aspira
recibir uns doce millóns e medio de euros en fondos FEDER da UE, para acometer seis proxectos de infraestrutura
do programa Interreg, cos concellos e os seus homólogos portugueses. Estes proxectos, nos que participan
tamén universidades galegas, son o Eco-Miño-Minho (recuperación do río Miño);
o Eco-Logistic (polígono industrial de Meis-Barro); o programa Ademais (utilización eficiente da
enerxía); e o programa Redesana (saneamento municipal).
Unión Europea-Pesca
Critican posición galega ante
pacto UE-Marrocos
Ante as críticas feitas polos armadores
galegos de quedar marxinados do acordo pesqueiro entre Bruxelas e Rabat, o director de Relacións Internacionais
da Dirección de Pesca da UE, César Debén, reprochoulles non coñecer os contidos da
negociación e de non intentar poñerse en contacto coas autoridades europeas. Non obstante, Bruxelas
considerou que a negociación con Marrocos será longa.
(Fonte: El Correo Gallego).
|
| 26/07/2005 |
|
Emigración
Preocupación na Arxentina polo
novo rango de Emigración
Arturo González Gil, presidente
do PP no país suramericano, amosou a súa preocupación polo futuro da consellería de
Emigración ante o cambio de goberno na Xunta. González Gil, quen se reuniu en Santiago co presidente
en funcións, Manuel Fraga, explicou que non ve xustificación na eliminación dese departamento
como consellería porque “é importantísimo ser solidario coa xente necesitada”. (Fonte: El Correo Gallego).
Educación
Embaixador de EEUU na USC
Eduardo Aguirre, máximo representante
diplomático estadounidense en España, visitou a Facultade de Xornalismo, onde compartiu cos estudantes
e participou na mostra dun documental multimedia desenvolvido por un grupo de alumnos norteamericanos, chilenos
e galegos sobre a vida en Galicia. (Fonte:
El Correo Gallego).
|
| 25/07/2005 |
|
Cultura
O mes da cultura galega en Nova York
Dúas exposicións e un ciclo
de cinema galego compoñen as I Xornadas sobre Literatura Galega no Instituto Cervantes de Nova York, sendo
este o primeiro evento no que se dedica un mes a Galicia nesta cidade norteamericana, onde as estatísticas
sinalan a presenza de 30.000 galegos. Do mesmo xeito, o escritor e promotor cultural Francisco Álvarez,
Koki, presentará unha mostra cultural galega para o 2006.
(Fonte: El Correo Gallego).
|
| 24/07/2005 |
|
Inmigración
Inmigrantes e traballadores autónomos
Segundo un informe da Federación
Nacional de Traballadores Autónomos, uns 3.250 inmigrantes laboran como autónomos en Galicia, o cal
representa un 2,34% do nivel estatal, situando a nosa Comunidade no décimo lugar. (Fonte: El Correo Gallego).
|
| 22/07/2005 |
|
Unión Europea-Marítima
Cuestionan subvencións da Xunta
á construcción naval galega
O Tribunal de Xustiza da UE ditaminou
que a Xunta debería ter notificado á Comisión Europea o novo réxime de axudas á
construción naval desde 1994 e pediu aos tribunais nacionais a determinación da validez desas axudas
e a súa posible devolución.
(Fonte: El Correo Gallego).
|
| 21/07/2005 |
|
Turismo
Mais de 300 mil estranxeiros visitaron
Galicia
A enquisa elaborada por Frontur para o
Ministerio de Fomento resalta a chegada á nosa Comunidade de 306.520 turistas no primeiro semestre do ano,
o que supón un aumento do 3,5%. Ademais das outras comunidades estatais, os principais países de
orixe dos turistas estranxeiros son o Reino Unido como principal emisor, Francia, Alemaña, Italia e Holanda. (Fonte: El Correo Gallego).
|
| 20/07/2005 |
|
Pesca
Armadores vigueses piden menos presión
á NAFO
O xerente da Cooperativa de Armadores
de Vigo, José Ramón Fuertes, pediu a Bruxelas e Canadá unha diminución na presión
que manteñen coa flota española, galega e portuguesa que fanan nas augas da NAFO. Fuertes lembrou
que desde o 2003 a actividade nos caladoiros da NAFO se reduciu un 40%.Tamén informou que, a consecuencia
da subida nos prezos do gasóleo na UE, as lonxas e a flota galega poderían parar en sinal de protesta. (Fonte: El Correo Gallego).
Portugal-Ambiente
Planta de Ence podería ir a Viana
do Castelo
O grupo papeleiro Ence estuda a posibilidade
de trasladar a súa factoría de Lourizán (Pontevedra) á localidade portuguesa de Viana
do Castelo, como consecuencia dos pactos políticos no novo goberno galego, que se inclinan polo cambio de
localización. A concesión de Ence en Lourizán non remata ata o 2008. (Fonte: El Correo Gallego).
|
| 19/07/2005 |
|
Cooperación
Caixanova forma empresarios en América
Latina
A Escola de Negocios de Caixanova, con
iniciativa da Fundación Galicia Emigración, formará a quince directivos latinoamericanos de
orixe galega na xestión internacional a favor das empresas galegas. (Fonte: El Correo Gallego).
|
| 18/07/2005 |
|
Portugal
Vigo lidera proxecto enerxético
europeo
O concello vigués, en sociedade
cos municipios portugueses de Chaves, Braga e Monçao, presentou un proxecto líder en Europa para
crear a primeira área recreativa enerxética de Galicia e o Norte de Portugal e un centro de divulgación
das tecnoloxías ambientais non contaminantes, enerxías renovables e aforro enerxético. Cun
orzamento de un millóns 300 mil euros, o proxecto opta para os fondos da Interreg III. (Fonte: El Correo Gallego).
|
| 17/07/2005 |
|
Eixo Atlántico
Santiago, sede dos VI Xogos atlánticos
A capital galega reuniu a 1.300 mozos
de Galicia e o Norte de Portugal, que comezaron na praza de Obradorio os VI Xogos do Eixo Atlántico, nun
acto que contou coa presenza dos secretarios de Estado para o Deporte de España e Portugal, Jorge Lissavetzky
e Laurentino Dias, ademais das autoridades galegas.
(Fonte: El Correo Gallego).
|
| 16/07/2005 |
|
Unión Europea- Fondos Estructurais
Incertezas ante o Obxectivo 1
A petición do deputado do BNG Francisco
Rodríguez, o goberno galego en funcións respondeu que Bruxelas “está aínda por determinar”
os requisitos polos que se saberá si Galicia continúa sendo parte da rexión Obxectivo 1. Rodríguez
demandou “vixilancia” á Xunta dos indicadores do Eurostat para saber qué período se conta
para facer a medición do PIB galego.
(Fonte: El Correo Gallego).
Emigración
Amplían cursos de formación
para emigrantes
A Fundación Galicia Emigración
desenvolverá en Bos Aires, un terceiro curso de Formación e Desenvolvemento Empresarial, ante a ampla
demanda rexistrada nas convocatorias de abril e maio na capital arxentina. Os programas do 2005 contaron coa matriculación
de 630 persoas. (Fonte: El Correo Gallego).
|
| 15/07/2005 |
|
Ambiente
Arxentina pretende demandar a Ence
A planta de celulosa que Ence espera construír
en Uruguai foi motivo dunha polémica co goberno arxentino, quen anunciou que existen roces co goberno uruguaio
e que demandará por danos ambientais á empresa española Ence pola localización da papeleira.
A polémica con Uruguai é tamén parte do conflito que mantén Ence pola planta en Lourizán
(Pontevedra). (Fonte: El Correo Gallego).
|
| 14/07/2005 |
|
Unión Europea-Fondos Estructuráis
Bruxelas insiste no risco de perda do
Obxectivo 1
No marco da súa visita a Santiago,
o presidente da Comisión de Desenvolvemento Rexional do Parlamento Europeo, Eduardo Galeote, advertiu da
posibilidade de que Galicia perda a súa condición de Obxectivo 1 para o período 2007-2013.
Na súa xuntanza, o presidente Manuel Fraga demandou un período transitorio para non perder inicialmente
os fondos estruturais. (Fonte: El Correo
Gallego).
Marítima
Galicia como centro europeo do transporte
marítimo
O conselleiro de Pesca, Enrique López
Veiga, propuxo ante o Comité de Rexións da UE que os portos galegos sexan un “enclave central” no
transporte marítimo e un protagonista principal da política marítima comunitaria. Ante a ministra
española de Pesca, Elena Espinosa, López Veiga amosou o seu pesimismo polo futuro da flota galega
ante a negociación europea con Marrocos dun novo acordo pesqueiro. (Fonte: El Correo Gallego).
|
| 13/07/2005 |
|
Portugal
Proxecto conxunto para a Mocidade
A conselleira en funcións de Xuventude,
Pilar Rojo, e o secretario de Estado portugués para a Xuventude, Laurentino Dias, asinaron un acordo no
que Galicia e o norte de Portugal realizarán actividades conxuntas en materia de asociacionismo, emprego
e voluntariado, dirixido á mocidade. Noutra orde de ideas, a Fundación da Xuventude de Porto acolleu
a exposición fotográfica “Camiño de Santiago. Luz e vida”, que xa estivera presente desde
o 2003 en Bruxelas, Toulouse, Munich e Nápoles.
(Fonte: El Correo Gallego).
|
| 12/07/2005 |
|
Cooperación
Convenio entre Caixanova e a Universidade
de Gales
Unha promoción de 40 mozos na diplomatura
de Bachelor in Business Administration recibiron o seu diploma nas instalacións do Centro Cultural Caixanova
en Vigo, coa presenza do presidente da Xunta, Manuel Fraga, o secretario da Universidade de Gales, Lynn Williams,
e a alcaldesa local Corina Porro. A Universidade de Gales e a Escola de Negocios de Caixanova contan con once promocións
conxuntas deste convenio de colaboración, destinado a formación universitaria e con validez na Unión
Europea. (Fonte: El Correo Gallego).
Unión Europea-Marítima
Reivindicada a “comisión Prestige”
Pese ao veto de Chipre, Malta e Grecia,
a Comisión Europea aprobou unha lexislación común válida a partir do 2007, onde se
castiga con multas de 1,5 millón de euros aos vertidos mariños intencionados e os “sentinazos”. Dous
anos despois das presións por parte da “comisión Prestige”, a lexislación europea logra penalizar
estas prácticas. (Fonte: La Voz de
Galicia).
|
| 11/07/2005 |
|
Téxtil
Polonia no ámbito das empresas
galegas
As firmas do téxtil e corsetería
galega, Araújo Piel, Charoa, Toypes, Mafecco, María Mariño e Selmark, comezaron a súa
andadura polo mercado polaco, cunha mostra das súas coleccións 2005-2006. Galicia constitúe
o principal exportador téxtil ao país do Leste e un 60% das exportacións téxtiles españolas
a Polonia son de confección galega.
(Fonte: El Correo Gallego).
|
| 10/07/2005 |
|
Turismo
Galicia pasea polas rúas de Milán
As rúas e prazas da cidade italiana
acollerán, ata a metade do mes de xullo, información turística sobre Galicia nos aspectos
náutico, saúde, cultura, natureza e de cidade, nunha presentación organizada por Turgalicia
con espectáculos e montaxes. (Fonte:
El Correo Gallego).
Unión Europea-Orzamento
Delegación europea comprobará
uso dos fondos a Galicia
Cunha visita oficial e ás diferentes
obras e proxectos europeos en Galicia, unha comitiva da Comisión de Desenvolvemento Rexional do Parlamento
Europeo, encabezada polo español Gerardo Galeote, visitará Santiago para comprobar a canalización
dos investimentos comunitarios. (Fonte:
El Correo Gallego).
Inmigración
Asilos galegos contan coa axuda inmigrante
Segundo datos de Cáritas Interparroquial
de Santiago, unha vez concluído o proceso de regularización, entre un 60-70% das mulleres estranxeiras
que chegan á nosa Comunidade atopan traballo nas casas particulares e nos asilos. Os países de orixe
deste inmigrantes son, principalmente, latinoamericanos de Colombia, Ecuador, Arxentina, Venezuela, Uruguai e Bolivia,
aínda que tamén se atopan persoas de Romanía, Marrocos e África do Sur. (Fonte: El Correo Gallego).
|
| 09/07/2005 |
|
Unión Europea-Pesca
López Veiga critica negociación
comunitaria
O conselleiro en funcións de Pesca,
Enrique López Veiga, amosou o seu descontento coas negociacións que leva a cabo o goberno de Zapatero
con Bruxelas con respecto á negociación do orzamento comunitario, considerando “complicado” que Galicia
continúe dentro do “Obxectivo 1”. Do mesmo xeito, sobre as declaracións da ONG Greenpeace, sobre
a agresión ambiental no litoral galego, López Veiga considerou que esta postura “carece de estudos
científicos”. (Fonte: El Correo Gallego).
Terrorismo
Galicia solidaria con Londres
Unhas 500 persoas, entre políticos
e cidadáns, fixeron unha concentración na praza de Obradoiro en Santiago para manifestar en silencio
a súa solidariedade coas vítimas do atentado terrorista do 7 de xullo en Londres. No concello de
Vigo e na Praza Maior de Ourense se fixeron actos similares.
(Fonte: El Correo Gallego).
|
| 08/07/2005 |
|
Inmigración
Venezuelanos de A Estrada
Trala inauguración, a finais do ano pasado, da Irmandade Venezolana de A Estrada, os grupo de venezolanos
retornados inauguraron na escola de Guimarei, a sede social. Enrique Nogueira preside esta asociación que
agrupa a 25 familias e conta con máis de 50 socios. Imparten asesoramento en temas como as axudas e a convalidación
do carné de conducir. (Fonte: El
Correo Gallego).
Sáhara
Nenos saharauis chegan a Santiago
Uns 15 rapaces do Sáhara Occidental foron recibidos na capital galega pola Asociación de Solidariedade
co Pobo Saharauí, realizando unha manifestación na praza de Obradoiro como protesta pola opresión
de Marrocos e a súa negativa de acceder á independencia ao pobo saharauí. (Fonte: El Correo Gallego).
Unión Europea-Tecnoloxía
Galicia impulsa a investigación
nuclear europea
O Centro de Supercomputación de Galicia, Cesga, participará no proceso de expansión de procesadores
informáticos cara América Latina, impulsado polo Centro Europeo de Investigación Nuclear.
O obxectivo consiste en lograr para o 2007 o funcionamento da fusión nuclear como enerxía alternativa. (Fonte: El Correo Gallego).
|
| 07/07/2005 |
|
Unión Europea-Orzamento
Galicia fóra do Obxectivo 1
A comisaria europea para a Política Rexional, a polaca Danuta Hübner, advertiu das dificultades para
España e Galicia no retraso das aprobacións financieras 2007-2013. Hübner explicou que, tomando
como referencia o período 2001-2003, Galicia quedaría fora das axudas europeas dos fondos estruturais
contempladas no Obxectivo 1. Para o período 2000-2006, Galicia recibiu 5.091 millón de euros. (Fonte: El Correo Gallego).
Diáspora
Madrid depurará censo electoral
da emigración
O Goberno Central asegurou que realizará melloras no Censo Electoral de Residentes Ausentes, CERA, cunha
actualización mensual. (Fonte: El
Correo Gallego).
|
| 06/07/2005 |
|
Foros Bilaterais
Medio millón de euros na Arxentina
No marco do Foro Bilateral Galicia-Arxentina, realizado pola Consellería de Emigración e o Instituto
Galego de Análise e Documentación Internacional, IGADI, asinouse un convenio en Bos Aires polo que
a Fundación Galicia Emigración outorgará axudas cercanas aos 400.000 euros aos responsables
das entidades galegas no país suramericano: Asociación Centro Partido de Carballiño, Centro
Galego, Centro Galicia de Bos Aires e Hogar Gallego para Ancianos Domsellar. (Fonte: El Correo Gallego).
Portugal
Lisboa retrasa o AVE Porto-Vigo
Segundo o ministro de Obras Públicas Mario Lino, a crise económica portuguesa provocou un recorte
orzamental de 12.500 millóns de euros nas obras ferroviarias, o cal retrasa en dous anos a finalización
do enlace norte de alta velocidade entre Porto e Vigo. A prioridade en Lisboa é o eixe ferroviario con Madrid,
polo que o AVE Porto- Vigo será inaugurado no 2011, e non no 2009 como estaba pautado tralo recente cumio
de Santiago. (Fonte: La Voz de Galicia).
Inmigración
140 polisóns entre o 2000 e 2003
Segundo datos de Amnistía Internacional, entre os anos 2000 e 2003 ingresaron nos portos de Vilagarcía
de Arousa, Marín e Vigo uns 140 polisóns, dos cales só 10 puideron ser atendidos nas súas
demandas de asilo. O organismo considerou que o dereito de asilo corre perigo de extinción en España
xa que só se atenderon 166 solicitudes no 2004.
(Fonte: La Voz de Galicia).
Ambiente
Greenpeace denuncia deterioro da costa
galega
O informe “Destrucción a toda costa 2005” alerta sobre un crecemento do 12% da superficie urbanizada nas
costas galegas, cunha perda de 6.000 hectáreas en espazos naturais. (Fonte: El Correo Gallego).
Galeguidade
A difusión do galego no mundo
A Real Academia Galega, o Instituto da Lingua Galega e a Consellería de Educación inauguraron cursos
de Lingua e Cultura Galega na que participan alumnos de 30 países, e tamén estudantes dos máis
de 40 centros galegos en 18 países.
(Fonte: El Correo Gallego).
|
| 05/07/2005 |
|
Eleccións-Voto Exterior
Revelan axuda de Kirchner a Touriño
O xornal arxentino “Clarín” informou da suposta “Axuda segreda da Casa Rosada ao triunfo dos socialista
en Galicia”. A informacion, asinada polo xornalista Julio Blanck, revela unha chamada do presidente Zapatero ao
seu homólogo arxentino Néstor Kirchner para que lle dera audiencia a Emilio Pérez Touriño
durante a súa última viaxe ao país suramericano. O xornal tamén revela a suposta axuda
oficial na loxística e desprazamento dos votantes no Gran Bos Aires. (Fonte: El Correo Gallego).
Moratinos defende a Cortizo
Ante as acusacións realizadas polo deputado do PP, Gustavo De Arístegui, contra o galego Miguel Cortizo,
embaixador en misión especial para as Relacións coas Comunidades Españolas en Iberoamérica,
dunha suposta influencia de Cortizo en diversos países suramericanos a favor do PSOE ante as eleccións
autonómicas galegas, o ministro de Asuntos Exteriores, Miguel Ángel Moratinos, saíu na súa
defensa, alegando que Cortizo ocúpase de atender as demandas dos emigrantes españois en América
Latina. (Fonte: El Correo Gallego).
|
| 04/07/2005 |
|
Afganistán
A Brilat vixiará as eleccións
afganas
A Brigada de Infantería Lixeira Aerotransportable, Brilat, con base en Pontevedra, irá a Afganistán
para reforzar a seguridade nas eleccións lexislativas de setembro próximo. A misión terá
un custe de 26 millóns de euros.
(Fonte: El Correo Gallego).
Cultura
Defensa do patrimonio oral galaico-portugués
Pontevedra acolleu un encontro de escolas asociadas á UNESCO, coa participación de institucións
de Portugal, Cuba e Andorra, e que serviu para a difusión da candidatura do patrimonio oral galaico-portugués
como Patrimonio da Humanidade, en votación que se realizará en París na sede da UNESCO o próximo
25 de novembro. (Fonte: El Correo Gallego).
Economía
Ribeira Sacra a EEUU
O viño tinto Algueira 2003 da bodega galega, elaborado por Fernando González, foi seleccionado pola
empresa estadounidense Daphne Glorian, como parte dun plan de expansión nese país. (Fonte: El Correo Gallego).
|
| 03/07/2005 |
|
Pesca
Reducirán a frota galega da NAFO
José Ramón Fuertes, xerente da Cooperativa de Armadores de Vigo, advertiu que a flota pesqueira galega
terá que reducirse á metade no 2007 se antes non atopa caladoiros alternativos aos do océano
Atlántico norte. Fuertes explicou que esta situación será discutida en Bruxelas. (Fonte: El Correo Gallego).
Taiwán
Xornadas comerciais taiwanesas
A Cámara de Vigo e o Instituto Español de Comercio Exterior (ICEX) organizaron na cidade olívica
o programa Galicia nos Mercados Exteriores, cunha especial atención ao mercado de Taiwán e o sureste
asiático e as posibilidades de investimento e negocios para o empresariado galego. (Fonte: El Correo Gallego).
Economía
Aluminio galego en Inglaterra
A firma de Padrón Exlabesa controla o 5% do mercado británico de aluminio, trala súa incursión
en 2001 coa compra da factoría Kaye Aluminium. No 2004, a empresa facturou 30 millóns de euros. (Fonte: El Correo Gallego).
|
| 02/07/2005 |
|
Unión Europea-Agricultura
Contra a política agraria de Tony
Blair
A organización agraria Xóvenes Agricultores (XXAA) criticou a proposta realizada polo primeiro ministro
británico e presidente rotativo da UE, Tony Blair, sobre a reforma da Política Agraria Común.
O secretario xeral da organización, Juan Pérez Miramontes, considerou que o sector galego veríase
prexudicado si prospera a oferta británica.
(Fonte: El Correo Gallego).
Emigración
Menos retornados a Galicia
Segundo o Instituto Nacional de Estatística, Galicia rexistrou un saldo migratorio negativo, onde 75.643
estranxeiros viñeron á nosa Comunidade mentres 77.520 galegos saíron a outras comunidades
estatais ou ao estranxeiro. A procedencia dos retornados é de países como Arxentina, Venezuela, Suíza,
Alemaña e Francia. (Fonte: El Correo
Gallego).
|
| 01/07/2005 |
|
Téxtil
Inditex compra franquicias no exterior
Xapón, México e Italia son os principais obxectivos da empresa téxtil coruñesa para
a compra de franquicias nun período de cinco anos, o que podería elevar as vendas en 10.000 millóns
de euros nas 4.000 tendas en 70 países. No mercado bursátil en Madrid, as accións de Inditex
caeron un 1,3% unha vez se coñecera a nova.
(Fonte: El Correo Gallego).
Emigración
Fomento do emprego entre os retornados
A Consellería de Emigración recibiu a aprobación dun orzamento de 1.346.397 euros polo Fondo
Social Europeo para o perfeccionamento do proxecto Equal Convive +, nas áreas de migración, autoemprego
e integración social. Deste xeito, esperan incentivar unha nova oferta laboral entre o colectivo dos emigrantes
retornados, os cales constitúen un 0,37% da poboación galega, e inmigrantes. (Fonte: El Correo Gallego).
|
