|
 |
| 30/04/2005 |
|
Portugal
Eurorrexión entra na fase tecnolóxica
O secretario xeral de Relacións coa Unión Europea e Cooperación Exterior, Jesús Gamallo
Aller, anunciou a implementación dun novo plan estratéxico para a eurorrexión Galicia-Norte
de Portugal, onde se enfatizará a innovación tecnolóxica e unha maior implicación das
cidades en materia de cooperación. Gamallo fixo estas declaracións durante o foro político
da Asociación de Rexións Transfronterizas Europeas, ARFE, en Mérida. (Fonte: El Correo Gallego).
Marítima
Galicia e Indonesia cooperarán
en acuicultura
A visita a Santiago do ministro de Asuntos
Marítimos e Pesca do país asiático, Fredy Numbery, permitiu asinar un memorando de entendemento
co conselleiro de Pesca, Enrique López Veiga, para aumentar a produción pesqueira e a colaboración
de pescadores e acuicultores entre ambos países, así como a implementación do control de calidade
e a celebración de feiras e exposicións.
(Fonte: El Correo Gallego).
|
| 29/04/2005 |
|
Sociedade
Un Papa “xacobeo”
O novo Papa Bieito XVI incorporou no seu
escudo heráldico unha vieira como referencia “ao emblema dos peregrinos”, segundo especialistas do Vaticano.
Sendo cardeal, Joseph Ratzinger visitou seis veces España, pero en ningunha ocasión estivo en Santiago. (Fonte: El Correo Gallego).
Irmanamento
Santiago e Montevideo renovan lazos
No marco da xira dos alcaldes da Mancomunidade
de Santiago, Xosé Bugallo e a concelleira de Emigración, Teresa Regúlez, se reuniron co presidente
Tabaré Vázquez, descendente de galegos, e o intendente municipal da capital uruguaia, Adolfo Pérez,
coa finalidade de revitalizar o convenio de irmanamento entre Santiago e Montevideo, asinado en 1996. (Fonte: El Correo Gallego).
Unión Europea-Pesca
Anfaco pide a Bruxelas apertura de expediente
a Tailandia
O secretario xeral de Anfaco, Juan Vieites,
esixiu á UE a apertura dun expediente a este país e outros do sudeste asiático, para comprobar
si cumpre co regulamento de materias primas, relativas ás súas orixes. Esta iniciativa de Anfaco
é apoiada por outras empresas francesas e italianas.
(Fonte: El Correo Gallego).
Marítima
Incerteza polas patrulleiras de Venezuela
O goberno socialista anunciou que será
a empresa Navantia a que decida qué plantas se ocuparán da fabricación das patrulleiras pedidas
polo goberno venezuelano, unha vez asinado o contrato. Esta afirmación é a resposta ás críticas
do deputado do BNG, Francisco Rodríguez, ante a “falta de equidade á hora de repartir os pedidos”. (Fonte: La Voz de Galicia).
|
| 28/04/2005 |
|
Inmigración
Dez mil estranxeiros frean a caída
poboacional galega
Segundo o derradeiro censo realizado polo
Instituto Nacional de Estatística, o número de inmigrantes empadroados en Galicia aumentou no último
ano un 18,21%, alcanzando un total de 69.000 estranxeiros nunha poboación de 2,75 millóns de persoas.
Uns dez mil inmigrantes se achegaron no 2004, evitando así un balance demográfico negativo para a
nosa Comunidade. Sen embargo, Galicia segue a estar entre as comunidades estatais con menos aportación de
inmigrantes. (Fonte: El Correo Gallego).
Emigración
Bolsas para fillos de emigrantes
Durante a súa visita ao centro
educativo Santiago Apóstol de Bos Aires, a Mancomunidade de alcaldes de Santiago asinou un documento onde
se compromete a destinar un total de 4.500 euros anuais para bolsas de transporte para fillos de emigrantes galegos
que vivan afastados do instituto. (Fonte:
El Correo Gallego).
Unión Europea-Pesca
Acusan a Madrid de recorte de fondos
pesqueiros
O conselleiro de Pesca, Enrique López
Veiga, acusou ao goberno central do recorte dos fondos europeos para a pesca galega, trala posición adoptada
por España con respecto a Alemaña e Francia sobre a negociación dun novo orzamento europeo.
López Veiga declarou que esta actitude “nos vai a custar caro aos galegos que dependemos da pesca”. (Fonte: El Correo Gallego).
Unión Europea-Ecoloxía
Conciencia estudiantil co cambio climático
Un grupo de alumnos de institutos de Noia
e Moaña participan nun certame europeo sobre 100 vídeos realizados a favor da conservación
do medio ambiente e a concienciación ante o cambio climático, para ser presentado en xuño,
durante a Semana Verde a celebrarse en Bruxelas.
(Fonte: El Correo Gallego).
Pesca
Frota galega beneficiada por decisión
angolana
O goberno de Luanda anunciou a súa
disposición de abrir os seus caladoiros aos barcos atuneiros e espadeiros europeos. A flota galega é
a única que ten posibilidades para volver a faenar nas augas angolanas. (Fonte: La Voz de Galicia).
Solidariedade
Cooperación e desenvolvemento
dende Galicia
Hoxe se constituiron os órganos
que darán vida á cooperación en Galicia: a comisión interterritorial, a comisión
interdepartamental e o consello galego de cooperación ó desenvolvemento. Por unanimidade foron aprobadas
as propostas de Plan Director cuatrienal e o Plan Anual de 2005.
Portugal
Galicia aumenta a súa balanza
comercial
Segundo datos da embaixada española
en Lisboa, Galicia exportou a Portugal produtos por valor de 1.804 millóns de euros e importou 1.336 millóns
de euros no 2004, un volume superior ao 2003, cando as exportacións se situaron en 1.694 millóns
de euros. (Fonte: La Voz de Galicia).
Sáhara
Solidariedade entre copa e copa
“A noite máis solidaria do ano”,
é unha iniciativa da ONG Solidariedade Internacional de Galicia, que buscou a aportación de 20 céntimos
por cada consumición realizada en 300 locais nocturnos galegos, coa finalidade de mercar 36.600 galiñas
e recuperar a actividade dunha granxa instalada por Acnur nos campamentos de refuxiados saharauís en Arxelia. (Fonte: El Correo Gallego).
|
| 27/04/2005 |
|
Diáspora
Ascenso dos votos da emigración
Un total de 305.218 galegos no exterior
terán dereito a votar nas eleccións autonómicas de xuño, case tanto como o padrón
electoral da provincia de Lugo. Arxentina lidera con máis de 100.000 votantes o censo electoral emigrante,
que inclúe aos galegos residentes en 121 países dos cinco continentes. Tras Arxentina se sitúan
Suíza, Venezuela, Uruguai e Brasil.
(Fonte: El Correo Gallego).
Portugal
A realidade galega en Portugal
Un convenio da Secretaría Xeral
para as Relacións coa UE e a Universidade de Lisboa permite a inclusión dentro da asignatura de Xeografía
Rexional dunha materia dedicada ao estudo de Galicia como autonomía, rexión periférica e comunidade
cunha relación privilexiada con América. Un total de 35 alumnos lusos desta universidade visitaron
a nosa Comunidade para realizar traballos de investigación.
(Fonte: El Correo Gallego).
Mafia luso-cigana de explotación laboral
A Policía Xudicial de Porto e a
Inspección de Vila Real e Braga detiveron a 22 persoas da etnia cigana responsábeis dunha rede de
trafico de persoas que enviaba a España a deficientes para ser explotados laboralmente en Galicia e Castela
e León. (Fonte: El Correo Gallego).
Pesca
Calvo expande a súa potencialidade
Coa adquisición de Gomes da Costa,
o maior grupo conserveiro de sardiña e atún en Brasil e América Latina, o grupo galego Calvo
consolidou a súa posición no mercado latinoamericano, prevendo tamén a súa expansión
cara EEUU e Europa do Leste e o mantemento do seu liderazgo en Italia e Portugal. O ano pasado as súas vendas
se incrementaron un 19,5%. (Fonte: El Correo
Gallego).
|
| 26/04/2005 |
|
Unión Europea-Educación
Galicia ingresa no programa Leonardo
Docentes e especialistas en orientación
profesional educativa de Reino Unido, Noruega e Francia reuníronse con representantes da Consellería
de Emigración para estudar a posibilidade dun intercambio docente e servizos de orientación educativa
no marco do proxecto Academia, uns dos vértices do programa europeo Leonardo. (Fonte: El Correo Gallego).
Unión Europea-Fondos Europeos
Bruxelas analiza expediente do Porto
Exterior
Representantes dos fondos rexionais da
Unión Europea e do Banco Europeo viaxarán a Coruña para coñecer o proxecto do Porto
Exterior. A Xunta espera que sexan os fondos rexionais e non os Feder os finalmente destinados ao Porto Exterior
coruñés. (Fonte: El Correo
Gallego).
Unión Europea-Pesca
Regulamento europeo para a Axencia de
Pesca
O Consello de Agricultura e Pesca da UE
aprobou en Luxemburgo o regulamento comunitario definitivo para a creación da Axencia Europea de Pesca de
Vigo, que comezará a aplicarse a partir de maio, segundo o comisario europeo de Pesca, Joe Börg. Do
mesmo xeito, a ministra de Agricultura e Pesca, Elena Espinosa, informou do comezo dos contactos con Marrocos para
o asinamento dun novo acordo pesqueiro con Bruxelas.
(Fonte: El Correo Gallego).
Galicia presente na Seafood
A exposición pesqueira European
Seafood en Bruxelas servirá para promover Acui2005, a primeira feira internacional de acuicultura a celebrarse
en setembro en Vilagarcía. Do mesmo xeito, a Asociación Nacional de Fabricantes de Conservas de Peixes
e Mariscos, Anfaco, tamén participa na feira europea.
(Fonte: La Voz de Galicia).
Cultura
Laura Alonso debuta en EEUU
A soprano compostelá afincada en
Berlín actuará no verán en Houston, Hollywood, Los Angeles e Nova York, como avance da súa
introdución nese mercado. Alonso ten unha ampla experiencia en actuacións en Alemaña, Suíza,
Irlanda, Italia, Holanda e Austria. (Fonte:
El Correo Gallego).
Téxtil
A ameaza china para os textís
galegos
A supresión das cotas arancelarias
cos países da OMC en xaneiro pasado está a propiciar a expansión dos produtos textís
chinos, debido aos seus baixos custes. En Galicia xa se sinte o impacto desta medida, xa que varios obradoiros
pecharon en Ourense, A Coruña e Pontevedra. Outras empresas se trasladaron a Marrocos ou o Leste de Europa. (Fonte: La Voz de Galicia).
Inmigración
Internet para inmigrantes
A ONG ourensá “Galicia Terra de
Acollida” preparou a segunda edición do curso de Internet para inmigrantes residentes na capital, coa finalidade
de que os participantes poidan recibir a formación necesaria para comunicarse na rede cos seus familiares
no país de orixe. (Fonte: La Voz
de Galicia).
|
| 25/04/2005 |
|
Emigración
Ampliación da rede de apoio aos
inmigrantes e retornados
A Consellería de Emigración
realizará a apertura de seis novas oficinas nas principais cidades galegas, para a ampliación da
rede de apoio aos inmigrantes e emigrantes retornados, tralo acordo asinado con 38 concellos de dúas provincias.
O orzamento rolda os 640.000 euros para o 2005, case tres veces máis co ano anterior. (Fonte: El Correo Gallego).
Diáspora
Un estradense preside a Irmandade Galega
de Venezuela
Luis Couto Nogueira, natural da localidade
estradense de Arnois e candidato polo Grupo Unión, foi elixido como presidente da Irmandade Galega de Caracas
tras derrotar ao candidato Francisco González, abandeirado da Agrupación Galaica. A Irmandade Galega
de Caracas é o segundo centro galego máis numeroso, despois de Bos Aires, e conta con 10.000 socios. (Fonte: El Correo Gallego).
|
| 24/04/2005 |
|
Mundo chinés
Taiwán presente no Igadi
O representante de Taiwán en España,
Lan Chi min, visitou en Baiona a sede do Instituto Galego de Análise e Documentación Internacional,
Igadi, en compañía do director deste centro, Xulio Ríos. O diplomático realizou tamén
unha visita ao presidente Manuel Fraga e dictou unha conferencia en Santiago sobre as relacións entre a
illa e China, como parte do curso universitario “O rexurdir de China”, sobre Información e Relacións
Internacionais. (Fonte: La Voz de Galicia).
Sociedade
Aliados atacaron barcos galegos na II
Guerra Mundial
Ao menos dez buques galegos foron bombardeados
e afundidos pola Royal Navy británica e a Armada canadense en 1943, durante a batalla do Atlántico
contra a Mariña da Alemania nazi. Segundo documentos británicos e canadenses, a frota pesqueira galega
foi “obxectivo de guerra” por pensar que podían actuar como espías para os alemáns. (Fonte: Faro de Vigo).
Economía
Obras Hidráulicas compostelás
para Bagdad
A firma compostelá Espina Obras
Hidráulicas, a través da marca internacional General Waters, instalou equipos de filtración,
depuración e potabilización de auga na capital iraquí, así como en Quenia, Marrocos,
Sudán e Ruanda. No país árabe comezaron a operar no 2000, dentro do marco do programa da ONU
“Petróleo por alimentos”, axudando a máis de cinco millóns de persoas ante a escaseza do líquido. (Fonte: El Correo Gallego).
|
| 23/04/2005 |
|
Portugal
Polígonos industriais baixo modelo
luso
Os empresarios pontevedreses están
estudando o modelo Parque Invest, adoptado en 1998 pola Asociación de Empresarios de Portugal e a Axencia
Portuguesa de Investimento, para a creación de polígonos industriais baixo o modelo das sociedades
privadas. Nos derradeiros anos, esta asociación creou decenas de polígonos na metade norte do país,
onde están asentadas medio cento de empresas galegas.
(Fonte: La Voz de Galicia).
|
| 22/04/2005 |
|
Unión Europea-Fondos Estruturais
Orza garantiza a Galicia como Obxectivo
1
Trala xuntanza co director xeral de Eurostat,
Günter Hanreich, o conselleiro de Economía e Facenda, José Antonio Orza, expresou a súa
satisfacción pola rectificación estatística da porcentaxe do PIB galego, situándoo
no 74,7% por debaixo da media europea, o que garantirá a Galicia a continuidade dos fondos europeos ata
o 2013. Do mesmo xeito, Bruxelas anunciou que esixirá unha reorientación dos criterios orzamentais
que obrigará á nosa Comunidade a intensificar os investimentos en formación e innovación
tecnolóxica. (Fonte: Faro de Vigo
e La Voz de Galicia).
Pesca
Namibia recorta os cotas de pescada
Nunha medida que afecta á frota
galega, a mais numerosa das que faenan nas augas do país africano, o goberno namibio recortará nun
7% os cotas de pescada durante un ano. Esta medida afecta tamén a empresas galegas como Novaman (Pescanova),
Tunacor (Pescapuerta), Calidu Fishing (Vieirasa) e Mascato (Lloves).
(Fonte: Faro de Vigo).
Economía
Misión comercial a Brasil
A Cámara de Comercio pontevedresa
e o Instituto de Comercio Exterior, ICEX, comezaron unha serie de xuntanzas informativas para os investidores galegos
interesados no mercado brasileiro. Segundo datos do ICEX, a balanza comercial entre Galicia e Brasil é deficitaria
para a nosa Comunidade, xa que as vendas galegas no país suramericano só corresponde ao 30% das importacións
dende Brasil. (Fonte: La Voz de Galicia).
Inmigración
Integración en Tui
Os 578 estranxeiros e emigrantes retornados
censados nesta localidade para xaneiro de 2004, terán á súa disposición unha unidade
de información e asesoramento xurídico e sociolaboral, en colaboración co Concello e a Xunta,
para facilitar a integración social deste colectivo.
(Fonte: La Voz de Galicia).
Portugal
Empresarios analizan solo transfronterizo
Representantes de polígonos industriais
de Pontevedra e do norte de Portugal analizaron en Vigo a oferta de solo industrial transfronterizo, coa finalidade
de asinar un convenio de asociación.
(Fonte: El Correo Gallego).
|
| 21/04/2005 |
|
Diáspora
Bolsas de estudos para galegos no exterior
Para negociar bolsas de estudos para os
fillos de galegos no exterior que sexan de orixe compostelán, e o asesoramento e información dos
trámites para a nacionalidade e reclamación de pensións e axudas, os alcaldes da Mancomunidade
de Santiago volverán a Arxentina e Uruguai, onde xa inauguraron sendas oficinas de traballo. (Fonte: El Correo Gallego).
Polémica polo Museo da Emigración
Galega na Arxentina
No seo da Federación das Sociedades
Galegas da República Arxentina existe unha forte disputa pola creación do Museo da Emigración
Galega. A visita do presidente Manuel Fraga á institución en 2003 foi rexeitada pola Tendencia Republicana
14 de abril, o que reabriu algunhas feridas dentro da Federación. O seu presidente e representante do BNG,
Francisco Lores, afirmou a conveniencia de levar adiante o Museo co apoio da Xunta. Ante a inauguración
da exposición “Galegos, de Galiza a Bos Aires, 1860-1960” en abril deste ano, as antigas disputas políticas
volven a axitarse. (Fonte: www.vieiros.com).
Turismo
Decrece afluenza de turistas
A afluenza de turistas estranxeiros no
primeiro trimestre do 2005 rexistrou unha baixa do 2,4% con respecto ao mesmo período do ano anterior, correspondendo
a un total de 3.000 persoas menos. Tralo éxito alcanzado polo Xacobeo 2004, os expertos do sector tamén
culpan ás condicións meteorolóxicas galegas na Semana Santa. (Fonte: La Voz de Galicia).
Política
Fraga adianta xira suramericana
Ante o anuncio de realizar as eleccións
autonómicas o próximo 19 de xuño, o presidente Manuel Fraga anunciou tamén o adianto
ao mes de maio da viaxe a Arxentina e Uruguai, prevista anteriormente para finais de xuño o comezos de xullo,
para reunirse coa comunidade galega. (Fonte:
La Voz de Galicia).
Portugal
Falamos entre nós
A realización da segunda edición
do encontro literario “Falamos entre nós”, promovido polo clube de lectores Biblos, contou coa presenza
do escritor portugués Gonçalo M. Tavares, gañador do Premio Ler Millenium, e do coeditor Emídio
Ribeiro. (Fonte: La Voz de Galicia).
|
| 20/04/2005 |
|
Acción Exterior
Analizan relacións cubano-galegas
O presidente Manuel Fraga recibiu ao embaixador
cubano en España, Alberto Velazco San José, no marco dun encontro onde se analizaron as relacións
bilaterais e a situación dos máis de sete mil trescentos galegos residentes na illa caribeña.
O embaixador Velazco asinou no Libro de Ouro de Galicia.
(Fonte: El Correo Gallego).
Inmigración
Máis de tres mil peticións
de regularización
As oficinas da Seguridade Social en Galicia
recibiron 3.384 peticións de regularizacións para traballadores estranxeiros, dos cales 1.090 deles
foron presentadas só na provincia de A Coruña. Sen embargo, o ritmo de presentación das solicitudes
rexistrou un leve descenso no mes de abril.
(Fonte: El Correo Gallego e La Voz de Galicia).
Emigración
Presionan no Congreso para facilitar
o voto emigrante
O BNG, PP e Coalición Canaria,
presionaron no Congreso de Deputados pola creación dunha subcomisión para o estudo das reformas legais
e reglamentarias necesarias para facilitalo sufraxio emigrante.
(Fonte: El Correo Gallego).
Unión Europea-Pesca
Libro Branco de Política Marítima
galega
O conselleiro de Pesca, Enrique López
Veiga, presentou a páxina web do Libro Branco sobre Política Marítima co obxectivo de que
Galicia conte cun plan de política marítima “antes que a Unión Europea remate a redacción
do seu plan director sobre a mesma materia”. Este plan contemplará “os investimentos e o financiamento necesarios
para atraer o tráfico marítimo europeos aos portos galegos”. (Fonte: www.vieiros.com).
Textil
Asia domina as importacións galegas
Desde o ingreso de China na OMC no 2001,
as importacións textís galegas reforzaron a tendencia alcista, ata o punto de que un 55,6% da ropa
confeccionada que chega a Galicia provén de Asia, especialmente China, Paquistán e a India. (Fonte: La Voz de Galicia).
Solidariedade
Moda solidaria co Terceiro Mundo
O colectivo Compromiso e Solidariedade
celebrou en Santiago unha pasarela de moda interétnica e solidaria, onde mozos de España, Corea do
Sur e Guinea Ecuatorial, desfilaron con traxes típicos de India, Paquistán, Nepal, Senegal, Togo,
Mali e América Latina. Do mesmo xeito, a ONG Mans Unidas abriu en Lugo unha feira para recadar fondos destinados
ao desenvolvemento de proxectos en India, Etiopía e Guinea Ecuatorial. (Fonte: El Correo Gallego e La Voz de Galicia).
|
| 19/04/2005 |
|
Solidariedade
Vigo acolle poucos nenos saharauis
O voceiro do Partido Galeguista, Manoel
Soto, presentou unha moción para chamar a atención sobre a escasez de nenos saharauis en Vigo no
pasado verán, explicando que outras localidades con menos recursos como Arteixo, Ares, Ames, Marín
ou Ribeira, igualan á cidade olívica, mentres Redondela, Ponteareas, Ourense e A Coruña a
superan. (Fonte: La Voz de Galicia).
Unión Europea-Pesca
A presenza galega nos Consellos de Ministros
en Bruxelas
O conselleiro de Pesca, Enrique López
Vega, afirmou dende Mallorca, no marco dunha conferencia sectorial, que Galicia reforzará as súas
demandas para participar nos Consellos de Ministros na UE, sempre que se debatan cuestións pesqueiras de
especial interese para a comunidade. (Fonte:
La Voz de Galicia).
Téxtil
Aumentan vendas chinas en Galicia
Segundo datos do Instituto de Comercio
Exterior, ICEX, as vendas textís do país asiático en Galicia foron de 28,53 millóns
de euros no 2004, un aumento do 26,29% con respecto ao ano anterior. Isto se debe, principalmente, á supresión
das cotas ás importacións dos países da OMC, das cales se beneficiou China. Os obradoiros
da área de Shanghai foron os máis demandados dende Europa.
(Fonte: La Voz de Galicia).
Investigación
Zeltia presenta en EEUU estudios sobre
o cancro
No marco do congreso anual da Asociación
Americana de Investigación contra o Cancro, AACR, a empresa farmacéutica galega presentou en California
o resultado das súas últimas investigacións en seis dos seus produtos contra o cancro: Yondelis,
Aplidin, ES-285, Zalypsis, Lamellarins e Variolins. Zeltia intenta obter licencia de comercialización de
Yondelis no mercado estadounidense. (Fonte:
La Voz de Galicia).
|
| 18/04/2005 |
|
Emigración
“Operación vista” en Cuba
O conselleiro de Emigración e presidente
executivo da Fundación Galicia Emigración, Aurelio Miras Portugal, estivo en Cuba para a entrega
de lentes graduadas e de protección para un centenar de galegos residentes na illa caribeña, no marco
do programa “Operación vista”. (Fonte:
La Voz de Galicia).
Economía
Galicia, máis caro co Leste europeo
Segundo fontes da UE, os custes laborais
na nosa Comunidade son entre dúas e tres veces máis caros que nos países do Leste europeo,
especialmente República Checa e Hungría, coa excepción de Eslovenia, e aínda maior
con respecto a Estonia, Lituania, Letonia e Eslovaquia, o cal alenta a deslocalización industrial. Isto
motivou unha alerta por parte da OCDE e do Banco de España.
(Fonte: La Voz de Galicia).
|
| 17/04/2005 |
|
Política
Fraga acusa ao PSOE de “manipular” o
voto emigrante
No marco da Convención do PP en
Santiago, o presidente da Xunta, Manuel Fraga, afirmou ter informacións de que a viaxe do ministro de Traballo,
Jesús Caldera, e do candidato do PSdG, Emilio Pérez Touriño, á Arxentina, “foi para
ver cómo se pode manipular o voto emigrante”. Desta acusación tampouco se salvou o embaixador para
a Emigración, Miguel Cortizo. (Fonte:
El Correo Gallego).
Solidariedade
Comercio para axudar ao Sur
Alberto G. Cerviño, da ONG “Solidariedade
Internacional en Galicia”, e Lilian Vega, da Universidade de El Salvador, presentaron en Combarro e Poio, a campaña
“Nace un comercio máis humano”, para analizar as relacións entre o comercio mundial e o desenvolvemento
humano, amosando os exemplos da producción do anacardo no país centroamericano e o cultivo de flores
nunha localidade colombiana. (Fonte: El
Correo Gallego).
Telecomunicacións
Televés se consolida en Iraq
Trala caída do réxime de
Saddam Hussein, a empresa compostelá Televés conseguiu implementar as súas primeiras antenas
parabólicas no país árabe, sendo pioneiro nesta área nese país. Dous anos despois,
Televés opera solidamente dende os Emiratos Árabes cunha cota de mercado importante en 33 países
de Medio Oriente, ademais de 82 países do resto do mundo, especialmente no sureste asiático. A empresa
compostelá espera agora aumentar os seus negocios en América Latina, Europa e EEUU. (Fonte: El Correo Gallego).
|
| 16/04/2005 |
|
Sucesos
Asasinados tres irmáns galegos
na Arxentina
Os irmáns Xosefa, Xosé e
Agustín, con idades comprendidas entre os 79 e 88 anos, e oriundos da localidade lucense de Mondoñedo,
foron brutalmente asasinados a golpes na cidade de Junín no país austral, por tres delincuentes.
Os irmáns vivían das rendas obtidas polo alugamento de propiedades e terrenos. As autoridades lograron
capturar a un dos tres presuntos criminais.
(Fonte: El Correo Gallego).
Emigración
Periplo compostelán polo Cono
Sur
Arxentina e Uruguai volverán a
ser visitados pola Mancomunidade de concellos da área de Compostela, para asinar un acordo de bolsas no
colexio Santiago Apóstol en Bos Aires e outros en Montevideo. Nestes países se estima unha poboación
de sete mil persoas orixinarias da comarca compostelá.
(Fonte: El Correo Gallego).
Inmigración
Sensibilización cos estranxeiros
A Concellalía de Educación
de Ames, en colaboración con Cáritas Milladoiro e o Foro de Inmigración de Santiago, presentaron
a I Campaña de Sensibilización “Mira cos Mesmos Ollos”, dirixido principalmente á gran cantidade
de poboación inmigrante residente en Milladoiro. Do mesmo xeito, o Foro de Inmigración realizou en
Santiago unha concentración a favor da regularización do colectivo inmigrante e a igualdade de dereitos. (Fonte: El Correo Gallego).
|
| 15/04/2005 |
|
Téxtil
China inunda o mercado téxtil
galego
Segundo fontes do sector téxtil galego, a supresión das cuotas de aranceis por parte da OMC o pasado
1 de xaneiro, permitiu o proceso de peche de obradoiros e acelerou o ingreso dos produtos chineses, amparados polo
baixo custe dos mesmos. Dende hai tres anos, esta tendencia deu paso ao traslado das empresas textís galegas
a Europa do Leste e Marrocos. Só na provincia de Ourense se pecharon vinte plantas de confección
no derradeiro semestre do 2004. (Fonte:
La Voz de Galicia).
Inditex amplía o seu mercado polaco
O grupo Inditex SA, de Amancio Ortega,
chegou a un acordo de compra do 51% das operacións da marca Zara en Polonia, que se ampliará no 2008
ao 80% da participación mínima. Este país do Leste europeo é un mercado importante
para o grupo coruñés, onde xa ten sete tendas e espera abrir outras cinco no curso deste ano. (Fonte: La Voz de Galicia).
Acción Exterior
Mancomunidade santiaguesa con Arxentina
Os sete alcaldes da comarca de Santiago
viaxarán a finais de abril a Bos Aires para a apertura oficial da Oficina de Emigración da mancomunidade
de Santiago na capital arxentina, mantendo contactos con colectivos galegos e autoridades locais. (Fonte: La Voz de Galicia).
Cultura
Compostela en Hollywood
Unha representación da Santiago
de Compostela Film Commission, SCFC, visitou California para promocionar a capital galega, amparándose nos
sectores de localizacións, infraestruturas e o compromiso institucional. O organismo participou na feira
anual Locations Trade Show, LTS, organizada pola International Association Film Commissioners, IAFC. (Fonte: El Correo Gallego).
Economía
Monbus explora o mercado marroquí
O grupo de transporte galego Monbus estudia
seguir os pasos da inmobiliaria coruñesa Fadesa e comezou a contactar coas autoridades e empresas de Marrocos
para ocuparse das liñas urbáns e das principais rutas entre as cidades dese país. O presidente
do grupo, Raúl López, explicou que a compra por parte de Monbus da multinacional alemá Deutsche
Touring GmbH, DTG, permitiu o acercamento a Marrocos e fortaleceu a imaxe do grupo no mercado internacional. (Fonte: El Correo Gallego).
|
| 14/04/2005 |
|
Unión Europea-Fondos Estructurais
Presións polos fondos europeos
para o 2007-2013
Ao tempo que as CC AA españolas
reclamaban en Bruxelas unha máxima orzamental en torno ao 1,24% do PIB da UE e un período transitorio
para non perder os fondos europeos, o Comité das Rexións aprobou un ditame no que se afirma que as
rexións como Galicia deben recibir financiamento comunitario para lograr a converxencia no período
2007-2013. (Fonte: El Correo Gallego).
Inmigración
Documentan a prostitución estranxeira
O volume “Outras voces, outros mundos:
mulleres inmigrantes e a prostitución en Galicia”, foi presentado pola concelleira de Emigración
e Inmigración de Santiago de Compostela, Teresa Regúlez, coa finalidade de dar a coñecer as
testemuñas destas mulleres, principalmente latinoamericanas, e tamén revisar os posicionamentos feministas
sobre a prostitución. Nun sorpresivo dato revelador, Regúlez explicou que o 94% das prostitutas en
Galicia exercen “sen coaccións nin engano das mafias” e que a tradicional asociación de inmigración
con persoas de baixo nivel educativo e económico e da prostitución con mafias e coaccións
“non amosa a verdadeira realidade”. (Fonte:
El Correo Gallego).
Cultura
Primeiro foro da Conferencia Mundial
para a Paz
O foro “A Violencia e os seus contextos”
comezou en Santiago como o primeiro evento da “Conferencia Mundial para a Paz, a Solidariedade e o Desenvolvemento”,
que entre abril e maio se realizará na capital galega. O foro contou coa presenza de sociólogos e
psicólogos de universidades estadounidenses e españolas.
(Fonte: La Voz de Galicia).
Sociedade
Prestixio mundial para o Abadía
de San Campio
O viño albariño Abadía
de San Campio 2004, das Bodegas Terras Gauda, alcanzou a medalla de prata no concurso Starwine International Wine
Competition 2005, celebrado en Filadelfia. A finais de marzo, a marca galega obtivo unha medalla de prata no Concurso
Internacional de Tesalónica, Grecia e outra presea de prata no XV Vinealies Internationales, en París. (Fonte: La Voz de Galicia).
|
| 13/04/2005 |
|
Portugal
AVE Porto-Vigo para o 2009
Os presidentes de España e Portugal,
José Luis Rodríguez Zapatero e José Sócrates, acordaron a continuación dos compromisos
adquiridos polos seus antecesores para a finalización do tren de alta velocidade Porto-Vigo para o 2009,
e Madrid-Lisboa para o 2010. (Fonte: Faro
de Vigo).
Pesca
Destruída unha filial de Jealsa-Rianxeira
en Chile
A conserveira Robinson Crusoe ubicada
en Puerto Montt, propiedade do grupo galego, quedou destruida tras un incendio, presumiblemente provocado por un
cortocircuito. Estiman en máis de dous millóns de euros as perdas do accidente desta conserveira
que cubre o 50% do mercado chileno. (Fonte:
El Correo Gallego).
Freno ás exportacións asiáticas
O sector conserveiro europeo reclamou
en Bilbao ante os representantes da Comisión Europea un aumento das cláusulas de salvagarda que impidan
aumentar as exportacións de conservas de atún dende Tailandia, Filipinas e Indonesia cara o mercado
comunitario. Este cumio do atún decidiu designar a Vigo como sede da xuntanza bilateral do 2006. (Fonte: La Voz de Galicia).
Anfaco en Marrocos
A Asociación Nacional de Fabricantes
de Conservas de Peixes e Mariscos, Anfaco, acudirá á Feira Agadir Fish Morocco a mediados de abril,
co obxectivo de fortalecer os vencellos coas industrias transformadora e conserveiras do país magrebí. (Fonte: La Voz de Galicia).
Ciencia
Científicos ferroláns descubren
novas especies en África
Formando parte dun equipo de investigadores
internacionais, tres científicos da Estación de Bioloxía Mariña de Ferrol descubriron
novas especies de esponxas, peixes, crustáceos, moluscos e anémonas nas fosas abisais de Cabo Verde,
Angola e o golfo de Guinea. O equipo, dirixido por científicos alemáns, enviou as mostras a Cabo
Verde e Alemaña. (Fonte: El Correo
Gallego).
Sociedade
Un galego no arquivo do Vaticano
O padre ourensán Luis Manuel Cuña
traballa desde 1996 na custodia dos arquivos da Congregación dos Evanxelización dos Pobos no Vaticano,
nomeado polo propio Papa Xoán Pablo II. Neste arquivo se recopila a historia da cristianización en
África, Asia, a Europa protestante e do Leste e do norte de América. (Fonte: La Voz de Galicia).
|
| 12/04/2005 |
|
Emigración
Galicia, a terceira comunidade con máis
emigrantes
Segundo o Instituto Nacional de Estatística,
dos 15.990 españois que abandoaron o país no 2003, uns 2.118 foron galegos, principalmente da provincia
de A Coruña, colocando a Galicia como a terceira comunidade estatal, tras Madrid e Cataluña, en número
de emigrantes. América é o principal destiño dos emigrantes galegos, con 884 persoas, seguido
dos países que conforman a Unión Europea.
(Fonte: La Voz de Galicia).
Inmigración
Festa dos estranxeiros en Teo
No marco dunha xornada de convivencia
intercultural en Teo, os estranxeiros residentes na poboación de Os Tilos realizaron unha festa gastronómica
e cultural, organizada pola Asociación Recreativa e Cultural Os Tilos. Esta xuntanza contou coa participación
de nacionais de Australia, Brasil, Costa Rica, Alemaña, Francia, Italia, Arxentina, Bolivia, Colombia e
Chile, ademáis doutras comunidades autónomas.
(Fonte: El Correo Gallego).
Unión Europea-Pesca
Máis fondos para Axencia de Vigo
A ministra de Agricultura e Pesca, Elena
Espinosa, asegurou que Bruxelas está debatindo a posible ampliación do orzamento comunitario para
a Axencia de Pesca de Vigo, a inaugurarse no 2006. Espinosa tamén informou que as axudas europeas aprobadas
no 2004 comezarán a pagarse no mes de maio.
(Fonte: El Correo Gallego).
Economía
Misión pontevedresa cara América
Latina
Unha delegación da Cámara
de Comercio de Pontevedra, organizada polo plan Foexga da Consellería de Industria e Comercio, visitará
Venezuela e República Dominicana para potenciar iniciativas comerciais e industriais nas áreas de
manufactura, agrícola, química e comercial.
(Fonte: La Voz de Galicia).
Solidariedade
O Fondo Galego e os países do
Sur
A primeira xuntanza do 2005 da Rede Municipal
do Fondo Galego de Cooperación e Solidariedade, integrada por máis de 70 concellos, se celebrou en
Lugo coa finalidade de impulsar o programa de vacacións ao servizo dos países do Sur, dirixido a
funcionarios públicos locais. (Fonte:
La Voz de Galicia).
Artistas galegos cos nenos Masai
A exposición benéfica Artistas
Solidarios con África, a celebrarse en maio en Santiago, pretende recaudar fondos destinados ao melloramento
das condicións de vida dos nenos da etnia Masai en Tanzania.
(Fonte: El Correo Gallego).
Cultura
Francia interesada no Cigarrón
de Verín
A máscara típica do Entroido
na localidade ourensá de Verín é motivo de interese para un festival en Francia, polo que
os seus organizadores puséronse en contacto co Concello de Verín para solicitar a presenza dunha
representación de Cigarróns no festival a celebrarse en maio. (Fonte: La Voz de Galicia).
|
| 11/04/2005 |
|
Cultura
As Rías Baixas na “National Geographic”
Coa colaboración da Consellería
de Cultura e Turgalicia, a publicación “Viaxes de National Geographic” dedicou un amplo reportaxe a Sanxenxo,
O Grove, A Lanzada, A Toxa, Corrubedo ou Illas Cíes e outros lugares turísticos das Rías Baixas,
ademáis de centros considerados como patrimonio histórico e artístico local, como o mosteiro
de Poio. (Fonte: El Correo Gallego).
Unión Europea-Agricultura
Novo reparto das axudas europeas
A ministra de Agricultura, Pesca e Alimentación,
Elena Espinosa, anunciou que se prepara un novo reparto das axudas europeas a fin de favorecer as pequenas explotacións
e o mantemento das rendas, coa finalidade de evitar que o 1% dos perceptores de fondos acaparen a cuarta parte
dos pagos. (Fonte: El Correo Gallego).
Unión Europea-Marítima
Galicia puxa por manter centro de control
de biotoxinas
A pesar das críticas de Bruxelas,
Galicia busca consolidar a súa posición de referencia europea en materia de control de biotoxinas
marinas, a través do Laboratorio de Biotoxinas Marinas de Vigo. En xuño deberá someterse a
unha auditoría da Entidade Nacional de Acreditación, Enac, na que se comprobará se as súas
técnicas de control se realizan con arreglo á normativa específica para os laboratorios que
participen no control alimentario. (Fonte:
La Voz de Galicia).
Sociedade
O éxodo migratorio segue a crecer
en Galicia
Segundo o estudo do profesor da USC, Chantada
Acosta, “Galicia do século XX ao XXI. Atlas da dinámica demográfica e os seus compoñentes”,
anualmente, un promedio de máis de 60.000 persoas emigraron por motivos persoais ou laborais, da nosa Comunidade,
nos derradeiros cinco anos. O profesor Acosta conclúe que difícilmente a chegada de inmigrantes permitirá
equilibrar o crecemento vexetativo negativo de Galicia.
(Fonte: La Voz de Galicia).
|
| 10/04/2005 |
|
Unión Europea-Educación
Alumnos coruñeses coñecen
a UE
Un grupo de 800 mozos de distintos concellos
coruñeses que conforman o programa “Vivir Europa” da Deputación de A Coruña, viaxaron a Bruxelas
para visitar a sede do Parlamento europeo e outras institucións da UE. (Fonte: El Correo Gallego).
Diáspora
Primeira oficina de retornados no exterior
No marco da visita do conselleiro de Emigración,
Aurelio Miras Portugal, foi inaugurada na sede do Centro Galicia de Bos Aires, a primeira Oficina de atención
ao Retorno no exterior, unha rede que se espera ampliar por Iberoamérica. O convenio foi asinado pola Consellería
de Emigración, a Fundación Galicia Emigración, o Centro Galicia de Bos Aires e a Unión
de Sociedades Galegas na República Arxentina. A oficina terá como responsabilidade o asesoramento
en materia de visados, nacionalidade, permisos de traballo e residencia e posíbeis prestacións económicas. (Fonte: El Correo Gallego).
Inmigración
Forza laboral lusa e rumana
Fontes municipais aseguraron que o 30%
dos traballadores no sector da construción en Santiago son de orixe estranxeira, especialmente portugués
e rumano, ademáis de nacionais da ex Iugoslavia. Tamén se observa a presenza de latinoamericanos
descendentes de galegos. Segundo estas fontes, as prestacións destes traballadores estranxeiros permitiron
paliar a falta de persoal laboral no Plan Xeral de Ordenación Municipal e manter o ritmo da construcción. (Fonte: El Correo Gallego).
Emigración
Denuncia prexuizos sanitarios para galegos
na Arxentina
O conselleiro de Sanidade, José
Manuel González, denunciou en Bos Aires que o convenio asinado polo goberno español e o arxentino
para financiar o gasto sanitario da comunidade española residente nese país “supón un prexuizo
para a comunidade galega emigrada”. Segundo se recollen nos informes elaborados pola Fundación Galicia Saúde,
encargada da xestión do Hospital Galego na capital arxentina, o acordo “é discriminatorio, arbitrario
e moi difuso”, ademais de ser unha medida “meramente electoralista”.
(Fonte: La Voz de Galicia).
Pesca
Afundido arrastreiro galego nas augas
surafricanas
O arrastreiro de capital galego “Yes Sir”
afundiuse a 30 millas do Este do porto surafricano de Durban, con 17 tripulantes rescatados, entre os que se atopaban
dous galegos, e sen coñecerse as causas do accidente.
(Fonte: La Voz de Galicia).
Portugal
Galicia presente en feira de alimentación
lusa
Unhas quince empresas galegas participaron
no Salón da Alimentación de Lisboa, o máis importante do sector no veciño país.
A feira acolleu a 1.400 empresas de 40 países cunha participación de 40.000 profesionais. (Fonte: La Voz de Galicia).
|
| 09/04/2005 |
|
Diáspora
O máis austral dos centros galegos
O conselleiro de Emigración, Aurelio
Miras Portugal, visitou a provincia arxentina de Ushuaia, a máis austral do país suramericano, onde
se atopa un centro galego, o Centro Galicia de Residentes Españois, con 300 membros. Miras Portugal explicou
a necesidade de vertebrar os mecanismos de relación e intercambio cultural e de asistencia social. (Fonte: El Correo Gallego).
Unión Europea-Pesca
Xuntanza Anfaco-UE
A xuntanza sectorial do grupo do atún
da Comisión Europea se realizou en Bilbao coa participación da conserveira galega Anfaco, para tratar
os temas que condicionarán as futuras políticas europeas da industria transformadora do atún
e a frota atuneira da UE. (Fonte: La Voz
de Galicia).
|
| 08/04/2005 |
|
Unión Europea-Fondos Estructurais
Eurostat confirma a Galicia no Obxectivo
1
Segundo a Oficina comunitaria de Estatísticas,
Eurostat, o PIB galego por habitante non superou a media europea do 75% no período 2000-2002 (exactamente
o 73,36%), polo que a nosa Comunidade continuará gozando das axudas prioritarias contidas no Obxectivo 1
para o lapso 2007-2013. Eurostat explicou que Galicia só perderá esta condición en caso de
que a Comisión non alcance un acordo político sobre o marco financeiro antes de xuño de 2005.
No suposto de retraso, se utilizará como referencia o período 2002-2003, onde Galicia sí supera
o límite porcentual. (Fonte: El Correo
Gallego).
Unión Europea-Porto Exterior
Porto coruñés espera por
decisión de Bruxelas
O presidente da Autoridade Portuaria,
Guillermo Grandío, informou que o organismo espera coñecer nun prazo de catro meses a decisión
da Comisión Europea sobre os fondos solicitados para a construcción da dársena exterior en
Punta Langosteira. Tamén explicou que están pendentes dos 280 millóns de euros asignados polo
goberno estatal. (Fonte: La Voz de Galicia).
Diáspora
Apertura da primeira Oficina do Retorno
O conselleiro de Emigración, Aurelio
Miras Portugal, iniciou unha viaxe a Arxentina, onde visitará 19 entidades galegas e asinará convenios
de colaboración en materia asistencial e alimentaria. Igualmente será inaugurada a primeira Oficina
de Atención ó Retorno no exterior, na sede do Centro Galego de Bos Aires. Este servizo espera extenderse
por Iberoamérica. (Fonte: El Correo
Gallego).
Turismo
Marrocos volcado con Fadesa
Un total de seis ministros do goberno
marroquí asistiron en Rabat ao acto de presentación do proxecto Mediterránia-Saïdia que
a inmobiliaria galega Fadesa construirá para xuño 2006. Tanto os directivos da empresa como os representantes
marroquís esperan que o proxecto turístico atraia a máis dun millón e medio de turistas
anuais. (Fonte: El Correo Gallego).
Cooperación
A USC e Noruega, unidas pola globalización
Un congreso conxunto sobre os efectos
da globalización será inaugurado pola USC e a Universidade noruega de Bergen, organizado polo decano
da Facultade de Xeografía, Rubén Lois González, e que contará coa presenza do conselleiro
de Pesca e o cónsul de Noruega en Galicia.
(Fonte: El Correo Gallego).
Solidariedade
Apoio para presos cubanos en EEUU
A Asociación de Amizade Galego-Cubana
e os familiares de cinco presos cubanos en EEUU comezaron en Compostela unha campaña de apoio a favor de
Gerardo Hernández, Ramón Labañino, René González, Fernando Gonzáles e
Antonio Guerrero, acusados de conspiración, espionaxe e utilización de identidades falsas. Os familiares
cren desmesuradas as acusacións e ilexítimo o proceso xudicial. (Fonte: La Voz de Galicia).
Inmigración
Critican proceso de regularización
en Vigo
Os dez organismos que forman o colectivo
de inmigrantes e emigrantes retornados na cidade olívica trasladaron á concelleira de Participación
Cidadá, Réxime Interior e Benestar Social, Marta Iglesias, as súas críticas polos retrasos
e obstáculos no proceso de regularización aberto polo goberno estatal. (Fonte: Faro de Vigo).
|
| 07/04/2005 |
|
Solidariedade
Apoio galego para unha nena brasileira
Cos contactos da ONG “Madreselva”, radicada
en Caldas, a nena brasileira de dez anos Deiriane poderá ser operada dun tumor ocular en Santiago, e tamén
gozará de aloxamento gratuito na capital galega outorgado polo propietario hotelero José Lago. Deiriane
será operada polo Dr. José Pérez Moreiras, a través dunha microciruxía que evite
a progresión do tumor. (Fonte: El
Correo Gallego).
Téxtil
Zara se consolida en Suecia
A marca do grupo Inditex abrirá
en outono unha nova tenda na capital sueca, Estocolmo, onde xa posúe dous establecementos máis. Este
novo local conta con 1.700 m2 con tres plantas do centro comercial Sturegallerian. Zara é o principal competidor
da marca sueca H&M. (Fonte: El Correo
Gallego).
Unión Europea-Fondos Estructurais
Galicia manterá a maior parte
das axudas
A Comisión Europea propuso un novo
marco financeiro para a UE no período 2007-2013, cun gasto aproximado de 1,14% do PIB europeo para as axudas
comunitarias. Esta medida favorece as pretensións galegas de conservar os fondos estruturais neste período. (Fonte: La Voz de Galicia).
Unión Europea-Pesca
Veda europea da cigala para as Rías
Baixas
A Comisión Europea decidiu que
as cinco zoas de vedas propostas inicialmente no plan de recuperación da merluza e a cigala na costa atlántica,
só deberían aplicarse ás costas situadas nas Rías Baixas, trala xuntanza mantida polo
funcionario galego Ernesto Peñas e membros da CE.
(Fonte: La Voz de Galicia).
Armadores vigueses pendentes de decisión
de Bruxelas
A medida tomada na capital europea para
que os armadores e mariñeros teñan o seu porto base en cidades con máis de 100.000 habitantes,
o que afecta a Vigo, permitiu que a Cooperativa de Armadores do Porto de Vigo, Arvi, estudiara a posibilidade de
rexistrar os seus buques en portos con menos densidade poboacional, como Moaña, Cangas, Redondela e Vilaboa,
cunha distancia de 7-8 km. con respecto a Vigo.
(Fonte: La Voz de Galicia).
|
| 06/04/2005 |
|
Inmigración
Denuncian baixa regularización
en Galicia
Segundo a Xunta, as estatísticas,
a nivel galego, de inmigrantes regularizados achéganse ao 8,3%, 2.108 persoas, dunha poboación estranxeira
de 25.402, o que fai de Galicia “unha das comunidades máis modestas no proceso”. (Fonte: El Correo Gallego).
Emigración
A maior comunidade con retornados
Desde 1999 ata o 2003, Galicia recibiu
41.369 emigrantes retornados, representando o 18,58% dos que chegaron a España no 2004, a comunidade con
maior recepción de retornados a nivel estatal. Suíza, Arxentina, Venezuela e Uruguai encabezan a
lista dos países de procedencia.
(Fonte: La Voz de Galicia).
Unión Europea-Pesca
Bruxelas propón incremento orzamentario
da Axencia de Pesca
A Comisión Europea propuso o incremento
no orzamento comunitario para a Axencia Europea para o Control da Pesca con sede en Vigo, no período 2007-2013.
Do mesmo xeito, se decidiu que o organismo concentrará a recollida de datos e investigación sobre
os recursos e as capturas. (Fonte: El Correo
Gallego).
Vigo non terá subvencións europeas
Segundo un informe do Consello Económico
e Social, a política de subvencións do Fondo Europeo da Pesca prevista para o período 2007-2013,
non acollerá á ría de Vigo no que se refire aos incentivos para abandoar a actividade de captura
ou para que os mariñeiros e armadores poidan dedicarse ás actividades comerciais. A razón
se debe a que estas axudas non se darán a portos con máis de 100.000 habitantes, polo que poboacións
como as do Morrazo, Redondela ou Baiona sí poderán seguir beneficiándose das axudas europeas. (Fonte: La Voz de Galicia).
Sociedade
O voto latinoamericano para Rouco Varela
As opcións papais do arcebispo
galego, Antonio María Rouco Varela, aumentan tralo anuncio do seu homólogo costarricense Hugo Barrentos
de que unha boa parte dos votos dos cardenais latinoamericanos estarían a favor de Rouco Varela. Barrentos
tamén sinalou ao cardeal de Viena, Christoph Schoenborn, e de Honduras, Óscar Rodríguez de
Madariaga, como óptimos candidatos.
(Fonte: www.xornal.com).
Cultura
Encontro audiovisual galego-latinoamericano
A Consellería de Cultura, Comunicación
Social e Turismo organizaráno I Encontro Audiovisual Galaico-Latinoamericano, coa participación do
Consorcio Audiovisual de Galicia, a TVG e diversas emisoras e televisoras latinoamericanas. (Fonte: El Correo Gallego).
Cumio editorial contra a piratería
Santiago acolleu unha xuntanza internacional
sobre os dereitos de autor e contra a piratería coa presenza de Peter Fábri, presidente do Consello
Internacional de autores de obras dramáticas, literarias e audiovisuais, e Eric Baptiste, representante
da confederación de sociedades de autor.
(Fonte: La Voz de Galicia).
Turismo
Exemplo turístico galego en El
Cairo
A capital exipcia acolleu o Seminario
de Xestión da Calidade Turística, promovido pola Organización Mundial do Turismo, onde o xerente
de Incolsa-Turismo de Santiago, Iñaki Gaztelumendi, expuso a experiencia da capital galega en materia de
turismo e competitividade. (Fonte: La Voz
de Galicia).
|
| 05/04/2005 |
|
Unión Europea-Pesca
Anfaco pide máis axudas europeas
Juan Vieites, secretario xeral da Asociación
Nacional de Fabricantes de Conservas de Pescados, Anfaco, pediu ao ministerio de Agricultura que desenvolva xestións
ante a Comisión Europea para que manteña as axudas na producción de aceite de oliva para fabricar
conservas, ante a decisión de Bruxelas de non prorrogalas.
(Fonte: El Correo Gallego).
Gandería
“Revolución Kempen” para Corea
Unha delegación da compañía
surcoreana Sunjin, líder na fabricación de piensos no país asiático, visitou as instalacións
da firma Nanta en Lalín e A Golada, para coñecer as vantaxes do novedoso sistema alimentario Kempen. (Fonte: El Correo Gallego).
Ciencia
Zeltia obtén permiso en EEUU
A compañía galega obtivo
a autorización sanitaria da US Food and Drug Administration para incluir o antitumoral Yondelis na quimioterapia
de ensaio contra o cancro de ovario. Os ensaios, financiados pola multinacional norteamericana Johnson&Johnson,
se realizarán en 650 pacientes de 110 hospitais oncolóxicos de 16 países. (Fonte: La Voz de Galicia).
Política
Navantia e as patrulleiras para Venezuela
O deputado do BNG, Francisco Rodríguez,
preguntou ao ministro de Industria, José Montilla, para saber en qué asteleiros de Navantia se fabricarán
os patrulleiros que mercou o goberno venezuelano. O partido nacionalista tamén espera conseguir o compromiso
gobernamental de que os asteleiros da ría ferrolán non se dediquen en exclusiva á construcción
militar naval. (Fonte: La Voz de Galicia).
Sanidade
Ofertas laborais no estranxeiro
Uns sesenta profesionais da Enfermería
se deron de baixa nos derradeiros tres anos no Colexio Oficial de Enfermería de Pontevedra, atraídos
polas mellores ofertas laborais e salariais de Francia, Portugal, Italia e EEUU. (Fonte: La Voz de Galicia).
Marítima
As vantaxes marítimas de Vigo
Un estudo realizado pola pesquería
de Columbia, EEUU, publicado na revista Marine Publicy, revela que a adopción do sistema de cuotas individuais
transferíbeis, ITQ, que defenden os armadores vigueses para garantir unha actividade pesqueira sostíbel
no tempo en augas da UE, permitirá unha mellora na xestión económico-medioambiental dun caladoiro. (Fonte: La Voz de Galicia).
Denuncian agresións no medio mariño
vigués
Representantes da Plataforma pola Defensa
da Ría de Vigo, da Plataforma pola Defensa da Ensenada de San Simón e da Confraría de Pescadores
de Cangas, desprazáronse a Bruxelas para alertar ante o Parlamento europeo “das constantes agresións
que está a padecer impunemente o medio mariño da ría de Vigo”. (Fonte: www.vieiros.com).
|
| 04/04/2005 |
|
Sociedade
Cumio monástico en Santiago
A capital galega acollerá a principios
de abril o simposio internacional Opus Monasticorum, onde se analizará a trascendencia que tivo o monacato,
especialmente o benedictino, no desenvolvemento da cultura occidental. O evento será organizado pola Consellería
de Cultura e terá lugar no Centro Galego de Arte Contemporánea. (Fonte: La Voz de Galicia).
Economía
Repuntan investimentos foráneos
en Galicia
O período 2002-2003 experimentou
un considerable aumento nos investimentos estranxeiros na nosa Comunidade, cunha sumatoria de 363 millóns
de euros, segundo datos do Rexistro de Investimentos Exteriores do Ministerio de Industria, Turismo e Comercio.
No balance do primeiro trimestre do 2004, Galicia atópase como a terceira comunidade estatal máis
atractiva para as empresas estranxeiras.
(Fonte: Faro de Vigo).
Sociedade
Loito pola morte do Papa
A Xunta de Galicia decretou tres días
de loito oficial na Comunidade desde o 4 ao 6 de abril, polo deceso do Sumo Pontífice Karol Joszef Wojtyla. (Fonte: www.xornal.com).
Universidade
Curso sobre China
Ion de la Riva, director xeral de Casa
Asia, inaugurou hoxe en Santiago o IV Curso sobre Información e Relacións Internacionais, que organizan
a USC e o IGADI. No acto de apertura, que contou coa presenza dos decanos das Facultades de Xornalismo e de Ciencias
Políticas, o director do IGADI, Xulio Ríos, salientou o feito de ser este o primeiro curso desta
significación que se realiza en Galicia para analizar o proceso de modernización chinés. (Fonte: www.europapress.es).
|
| 03/04/2005 |
|
Sociedade
As opcións papables de Rouco Varela
Ante o deceso do Papa Juan Pablo II, para
elixir ao seu sucesor no Consello Cardenalicio algunhas fontes sitúan na carreira ao cardenal de Madrid,
o galego Antonio Rouco Varela, aínda que con opcións lonxanas. Os analistas vaticanos consideran
que Rouco Varela reúne unha gran formación e certo consenso, ademáis dos posibles votos dos
cardenais latinoamericanos e alemáns.
(Fonte: El Correo Gallego).
Marítima
A Coruña como o “Rotterdam galego”
A colocación da primeira pedra
do Porto Exterior coruñés, que contou coa presenza do presidente Manuel Fraga, as autoridades da
Xunta e a ministra de Pesca, Elena Espinosa, foi considerada como “unha das operacións de relación
porto-cidade máis importantes de Europa”, cunhas perspectivas de mercado “que non ten ninguén excepto
o porto holandés de Rotterdam”. O proxecto leva investidos 106 millóns de euros. (Fonte: El Correo Gallego).
Inmigración
Poucos estranxeiros en Galicia
Cun 2,12% do padrón da poboación
estranxeira en España, segundo o Instituto Nacional de Estatística, a nosa Comunidade é, xunto
a Asturias e Estremadura, unha das que menos poboación inmigrante presenta a nivel estatal no ano 2004. (Fonte: El Correo Gallego).
|
| 02/04/2005 |
|
Diáspora
GaliciaAberta en Londres
A visita do conselleiro de Emigración,
Aurelio Miras Portugal, ao Centro Galego da capital británica, permitiu a inauguración do portal
da emigración GaliciaAberta, a traveso dunha videoconferencia. Miras Portugal se reuniu co presidente da
xunta directiva, Nicolás Miño, para revisar as instalacións rehabilitadas pola Xunta. (Fonte: El Correo Gallego).
Sociedade
Químico galego premiado internacionalmente
A Human Frontier Science Program premiou
a Eugenio Vázquez, químico da USC, cun dos premios da Career Development Award deste ano, no proxecto
sobre novos sensores fluorescentes para o estudo de sistemas biolóxicos complexos, especialmente no que
concerne aos procesos celulares que se dan nos casos de cancro. O proxecto dispón dunha subvención
de 180.000 euros e tres anos para desenvolvelo.
(Fonte: El Correo Gallego).
Confucio en Santiago
O alcalde da cidade chinesa de Qu-Fu,
Jiang Cheng, xunto a unha delegación municipal de Urbanismo, Turismo e Construcción, iniciou unha
visita á capital galega para a implementación dun proxecto para a protección, conservación
e valorización do patrimonio histórico desta cidade onde naceu o filósofo Confucio e coñecer
a experiencia compostelá neste sentido. No denominado Asia Urbs Heritage 2005-2007, Santiago participa xunto
á cidade francesa de Rennes. (Fonte:
El Correo Gallego).
Portugal
Santiago acolle presenza luso-galaica
Representantes da Asociación Galaico-Portuguesa
foron recibidos no Pazo de Raxoi polo alcalde Xosé Bugallo e outras autoridades municipais. Previamente,
no Concello recibiuse aos participantes do XVI Encontro da Asociación Española James Joyce, presentes
en Compostela no evento “Joyce e a literatura irlandesa”.
(Fonte: El Correo Gallego).
|
| 01/04/2005 |
|
Diáspora
Foros Bilaterais renovados
A Xunta aprobou a renovación dun
convenio entre a consellería de Emigración e o Instituto Galego de Análise e Documentación
Internacional, Igadi, para o investimento de 400.000 euros na continuación dos Foros Bilaterais coa diáspora
galega relevante en México, Brasil e Venezuela, ademais da apertura dos foros en Arxentina e Uruguai para
mediados do 2005. (Fonte: El Correo Gallego).
Sociedade
Mafias inmigrantes invaden Galicia
Segundo Carlos Botrán, comisario
xefe da Brigada Central de Redes de Inmigración Ilegais na Dirección Xeral de Policía, a proliferación
de mafias delictivas internacionais converteuse nun “problema grave” para Galicia. Neste sentido, unha cidade como
Vigo é nun punto de saída de coches robados, especialmente cara Lituania, Estonia e Letonia, por
mor da actuación de mafias búlgaras e albanokosovares. Do mesmo xeito, o negocio da prostitución,
explotación sexual e narcotráfico corre a cargo de mafias rumanas e colombianas, cun elevado aumento
nos secuestros e a violencia. (Fonte: Faro
de Vigo e El Correo Gallego).
Cooperación
Proxecto de I+D en República Dominicana
A Xunta destinará 130.000 euros
a un plan de I+D no país caribeño, como continuación do proxecto Inpoltec realizado entre
2001 e 2004, coa colaboración da Fundación Universidade da Coruña e a Secretaría Xeral
de Relacións coa Unión Europea e Cooperación Exterior. (Fonte: El Correo Gallego).
Inmigración
Arteixo e Ponteareas favorecen a integración
social
Os dous concellos colaboran coa Consellería
de Emigración en dous convenios para o desenvolvemento de programas de atención e integración
social cara os inmigrantes e retornados, con vixencia ata 2006. Do mesmo xeito, se crearán dúas unidades
de información e asesoramento xurídico e sociolaboral. Arteixo, onde habitan 850 estranxeiros, recibirá
tamén apoio educativo. (Fonte: El
Correo Gallego).
Eixo Atlántico
Desigualdades territorias e tecnolóxicas
A eurorrexión Galicia-Norte de
Portugal adoece de desigualdades territoriais e tecnolóxicas con respecto a Europa, especialmente no apartado
da sociedade de información, segundo se desprende das xornadas de estudos estratéxicos do Eixo Atlántico
celebradas en Ourense, coa participación de 320 expertos de distintas áreas. O secretario xeral de
Relacións coa UE e Cooperación Exterior, Jesús Gamallo, explicou que o Eixo Atlántico
traballa nun plan estratéxico ata o 2013.
(Fonte: El Correo Gallego).
Portugal
Búsqueda de socios lusos para
o Interreg III
Responsables dos concellos de O Carballiño,
Ribadavia, Leiro e Boborás viaxaron a Portugal coa finalidade de concretar acordos con socios portugueses
para optar ao programa europeo Interreg III e obter os fondos necesarios para recuperalo patrimonio turístico. (Fonte: La Voz de Galicia).
|
