|
 |
| 31/01/2005 |
|
Pesca
O interese asiático pola orella
de mar
Unhas 15 cofradías galegas presentaron
ante a Consellería de Pesca unha serie de plans para a explotación da orella de mar, mellor coñecida
como “peneira”. Os principais mercados deste molusco atópanse en Asia, especialmente Xapón. (Fonte: La Voz de Galicia).
Economía
Madeira galega busca expansión
en América Latina
Segundo o presidente do Clúster
da Madeira de Galicia, Ricardo García Borregón, as empresas galegas programan a súa expansión
a México e Brasil, tomando en conta os beneficios en canto a mobilidade xeográfica e custe. En marzo,
unha delegación destes países visitarán Galicia para comprobar a potencialidade desta industria. (Fonte: Faro de Vigo).
|
| 30/01/2005 |
|
Sociedade
Dous Premios Nobel en Santiago
A Consellería de Sanidade traerá
no mes de abril á capital galega aos premios Nobel, James Watson, descubridor da dobre hélice do
ADN, e Paul Nurse, experto en ciclos celulares, no marco do II Salón Internacional da Sáude. O evento
pretende converter a Santiago na capital mundial da innovación sanitaria, contando para iso coa participación
de científicos de Europa, Iberoamérica e EEUU.
(Fonte: El Correo Gallego).
Turismo
Galicia como exemplo turístico
para Asia
Segundo a directora da empresa Consultoría
& Formación, a alemá Nicole Hass, “os países asiáticos queren copiar as excelencias
do turismo galego”, e para iso a empresa forma directivos hoteleiros en Indonesia, Filipinas, Vietnam e China,
ademáis de América do Sur. Hass explicou que Galicia “logrou potenciar o turismo rural, termal e
cultural, sendo reclamos para os países asiáticos e sudamericanos”. (Fonte: El Correo Gallego).
Economía
Unha peme galega compite coas multinacionais
de EEUU
A empresa Hermasa, afincada en Redondela,
conta coa tecnoloxía máis rápida para envasar atún, a Tunipack 500, na que obtén
500 latas por minuto. Este índice é superior á súa competidora, fabricante en EEUU,
que consegue 300 por minuto. Ao mesmo tempo, esta envasadora logrou a súa expansión nas conserveiras
máis grandes do planeta, Starkist, Bumble, Bee Acquisition e Chiken of the Sea International, con plantas
de producción en Ghana, Porto Rico e Samoa.
(Fonte: El Correo Gallego).
|
| 29/01/2005 |
|
Portugal
Vertebrar a eurorrexión luso-galaica
O convenio asinado entre o Eixo Atlántico
e a Consellería de Política Territorial ten como obxectivo involucrar aos territorios que conforman
a eurrexión Galicia-Norte de Portugal, na posta en marcha do Sistema de Información Xeográfica,
especialmente no relativo ás infraestructuras e as conexións de alta velocidade como o AVE Ferrol-Vigo-Oporto.
Neste apartado, segundo o conselleiro Núñez Feijoo, se investirán 2,5 millóns de euros.
O plan foi elaborado dacordo coas indicacións da UE para o período 2007-2013. (Fonte: El Correo Gallego).
Marítima
Centro ferrolán líder ambiental
europeo
O Centro de Instrucción e Seguridade
Interior de Ferrol recibiu o Certificado Lloyd´s Register Quality Assurance, o máis importante en
materia medioambiental no mundo, ademáis de ser o primeiro centro militar europeo en recibir a normativa
ISO 14001, grazas ao seu sistema de contraincendios e defensa contra a guerra nuclear, biolóxica e química. (Fonte: El Correo Gallego).
Unión Europea-Fondos Estructurais
Diverxencias europeas ante o Obxectivo
1
Galicia depende das negociacións
da actual presidencia rotativa europea de Luxemburgo, para coñecer o seu status de nivel de axudas económicas
para o período 2007-2013. En xuño finaliza a presidencia luxemburguesa e os seus plans alentan un
pacto de negociación sobre as futuras perspectivas financieiras, tomando en conta o período 2000-2002,
favorábel á candidatura galega. O principal detractor é o Reino Unido, substituto luxemburgués
ata o remate do ano, quen pretende votar no segundo semestre e tomando en conta o período 2001-2003, onde
Galicia supera en riqueza o 75% da media europea, perdendo polo tanto o dereito ás axudas. (Fonte: El Correo Gallego).
Unión Europea-Economía
Plan europeo para promoción do
emprego
O Fondo Social Europeo aprobou o proxecto
Rurbanet para a promoción de novas estratexias de emprego e desenvolvemento social nos concellos de Ribeira,
Rianxo, Boiro, A Pobra do Caramiñal, Carballo, Laracha, Coristanco, Melide, Arzúa, Sobrado e Boimorto.
O proxecto foi iniciado pola Deputación de A Coruña, en colaboración con outras institucións. (Fonte: El Correo Gallego).
|
| 28/01/2005 |
|
Cultura
Santiago será capital mundial
das relixións
No marco do programa “Galicia, Camiños
da Cultura” patrocinado pola Xunta, a capital galega acollerá no 2005 un cumio mundial das relixións,
coa finalidade de expresar a súa mensaxe de tolerancia e convivencia pacífica. Do mesmo xeito, entre
abril e setembro deste ano se celebrarán unha serie de actos de nivel internacional, coa posíbel
visita de personalidades como Kofi Annan, Mikhail Gorbachov ou Daniel Baremboim, entroutros. (Fonte: El Correo Gallego).
Constitución Europea
Intensa actividade política polo
“si”
O presidente Manuel Fraga, coa participación
do secretario xeral do PP, Mariano Rajoy, desenvolverá unha presenza dosificada e divulgativa nos actos
de campaña en apoio do texto constitucional europeo. Do mesmo xeito, o secretario xeral do Partido Galeguista,
Manoel Soto, transmitirá á Xunta e o Parlamento unha declaración de intencións na que
fai constancia do seu apoio ao “sí” no referendo. En Santiago, se recibiu o “Bus da Constitución
Europea”, iniciativa divulgativa organizada pola Fundacion Juan de la Cosa, o ministerio de Asuntos Exteriores,
a Fundación Galicia Europa e as representacións do Parlamento e a Comisión europea en España. (Fonte: El Correo Gallego).
Unión Europea-Fondos Estructurais
Galicia puxa polos fondos alén
do 2007
O secretario xeral de Relacións
coa UE e director da Fundación Galicia-Europa, Jesús Gamallo, declarou que “non é seguro”
que Galicia quede excluida da categoría de Obxectivo 1 dos fondos europeos, pero esixiu ao goberno central
“que faga unha negociación o máis rápido posíbel” para poder acceder aos fondos no
período 2007-2013. Gamallo asegurou que cómpre esperar a decisión de Bruxelas e que, de facerse
hoxe, a nosa Comunidade “estaría dentro do Obxectivo 1 por unha décima”. (Fonte: La Voz de Galicia).
Sociedade
A “inmoral” débeda do Sur
O presidente do Consello nacional do BNG,
Xosé Manuel Beiras, cualificou de “inmoral” a débeda externa dos países do Terceiro Mundo,
durante a súa participación no Foro Social Mundial de Porto Alegre. O líder nacionalista galego
tamén enviou unha mensaxe de solidariedade ás víctimas do maremoto en Asia. (Fonte: El Correo Gallego).
Emigración
Concursos culturais para a Galicia Exterior
A Consellería de Emigración
promociona actividades literarias e artísticas do colectivo galego emigrante a través de concursos
nos que se investirán 25.000 euros en premios.
(Fonte: El Correo Gallego).
Inmigración
“Aula global” para a integración
No colexio santiagués “López
Ferreiro” comezaron unha serie de exposicións sobre as diferentes manifestacións culturais de diversos
povos do mundo. Neste instituto atópanse mozos de 15 países diferentes, dende o Reino Unido, Francia
e Portugal ata Etiopía. Do mesmo xeito, as consellerías de Emigración e Educación iniciaron
unhas campañas de sensibilización xunto a representantes do Foro de Inmigración titulado “Mira
cos mesmos ollos”, sobre a problemática de inmigración escolar en Santiago. (Fonte: El Correo Gallego).
Solidariedade
Donacións para as víctimas
do tsunami
Varios concellos galegos destinaron parte
dos seus fondos para a axuda das víctimas do maremoto no Surleste asiático. O concello de Negreira
destinou 1.200 euros, mentres en A Estrada e Lalín realizarán espectáculos artísticos
e culturais para recolectar fondos. A Deputación Provincial de A Coruña destinará 90.000 euros
mentres na Costa da Morte, organizacións como Cáritas de Soneira, o Clube de Balonmano de Camariñas,
e o IES de Carballo realizaron ceas, torneos e colectas.
(Fonte: El Correo Gallego).
Cooperación
Convenio CEE-Universidade Concepción
de Chile
O Hospital Virxe da Xunqueira de CEE asinará
un documento de colaboración co departamento de Psicoloxía da Universidade chilena de Concepción,
para o desenvolvemento dun proxecto financiado por Fondef, de formación de profesionais de atención
primaria en duas áreas de saúde dese país sudamericano. (Fonte: El Correo Gallego).
|
| 27/01/2005 |
|
Portugal
Presentada a Feira do Atlántico
A I Feira Industrial do Atlántico,
a celebrarse en Vigo en outubro de 2005, foi presentada pola Consellería de Industria, a Federación
de Empresarios de Pontevedra e a empresa organizadora Salóns Profesionais, como unha “ponte cara o futuro”
na innovación tecnolóxica e o afianzamento empresarial entre Galicia e o norte de Portugal. (Fonte: El Correo Gallego).
Unión Europea-Fondos Estructurais
Solbes defende a Galicia como rexión
Obxectivo 1
O vicepresidente segundo e ministro de
Economía e Facenda, Pedro Solbes, afirmou que Galicia poderá manter a súa condición
de rexión Obxectivo 1 para o período orzamental europeo 2007-2013, “si se aplican os criterios actuais”,
tomando en conta os datos completos do período 2000-2002. Solbes explicou que este mantemento dependerá
das negociacións con Bruxelas. (Fonte:
El Correo Gallego).
Unión Europea-Rexións
O ascenso económico de Galicia
Segundo datos do Eurostat, por vez primeira
desde a admisión na UE, Galicia supera en riqueza a todo o sur de Italia, a metade de Portugal e a cinco
estados federais de Alemania, entre eles Saxonia.
(Fonte: La Voz de Galicia).
Unión Europea-Pesca
Posíbel área de exclusión
pesqueira nas augas galegas
Aínda que en Bruxelas non se discutiu
a decisión final, aumentan as posibilidades de que a Comisión Europea propoña unha área
de exclusión pesqueira nas augas galegas. Neste caso, un exemplo pode ser a ría de Vigo, abundante
en cigala, aínda que a Comisión a descartara como coto en decembro pasado. (Fonte: La Voz de Galicia).
Unión Europea-Medio Ambiente
Adega desminte ao euroministro Stavros
Dimas
A Asociación pola Defensa Ecolóxica
de Galicia pediu unha entrevista co ministro europeo de Medio Ambiente, Stavros Dimas, trala anunciada visita deste
a Galicia, para amosar a súa contrariedade pola declaración do euroministro de que a Comunidade ten
poucas infraccións medioambientais. Adega considera que Galicia “está á cola” nesta materia,
e acusou á Consellería de Medio Ambiente de “pasividade” e “ocultamento” do número de infraccións
que se rexistran. (Fonte: El Correo Gallego).
Unión Europea-Turismo
Turespaña e Turgalicia promocionarán
en Europa
Durante os actos da Feira Internacional
de Turismo, FITUR, en Madrid, o secretario xeral de Turismo, Raimón Martínez Fraile, e o conselleiro
de Cultura e Turismo, Jesús Pérez Varela, asinaron un convenio polo que o Instituto de Turismo de
España e Turgalicia desenvolverán unha campaña de publicidade internacional, cun orzamento
de 1,2 millóns de euros, a distribuir nos mercados de Italia, Alemaña, Reino Unido, Francia, Portugal,
Dinamarca, Noruega e Suíza. (Fonte:
Faro de Vigo).
Constitución europea
Zapatero defenderá a Carta Magna
en Vigo
Coa finalidade de impulsar o apoio á
Constitución europea e relanzar a candidatura de Emilio Pérez Touriño á Xunta, o PSdG
traerá a Vigo ao presidente do goberno, José Luis Rodríguez Zapatero, para a participación
nun acto do partido. (Fonte: El Correo Gallego).
Cooperación
Modelo compostelán para Marrocos
O Grupo Compostela de Universidades inaugurou
no país norteafricano un curso sobre o seu modelo de oficinas de relacións internacionais. (Fonte: El Correo Gallego).
|
| 26/01/2005 |
|
Unión Europea-Pesca
UE comezará negociacións
con Marrocos
Trala súa visita a Galicia, o comisario
europeo de Pesca, Joe Börg, anunciou que manterá contactos técnicos coas autoridades marroquíes
para explorar a posibilidade de acadar un novo acordo pesqueiro, tras cinco anos de estancamento. Tamén
informou da posibilidade de introducir vedas temporais nos futuros plans de recuperación da merluza e a
cigala, tralo diálogo mantido cos empresarios galegos.
(Fonte: El Correo Gallego).
Unión Europea-Fondos Estructurais
Perigan os fondos estructurais para Galicia
Segundo cifras publicadas pola Axencia
Europea de Estatísticas, Eurostat, o PIB galego no 2002 superou os 37.000 millóns de euros, o 76,6%
da media do PIB europeo, que lle permitiu situar a súa riqueza por habitante nunha décima por riba
da barreira esixida para manterse como rexión Obxectivo 1, polo que a nosa Comunidade podería perder
a condición de receptora de fondos estructurais a partir do período 2007-2013, debido ao seu crecemento
económico. Sen embargo, o conselleiro de Economía, José Antonio Orza, considerou que estos
datos son favorábeis e que espera que Galicia continúe recibindo fondos, xa que a nova cualificación
non se decidirá ata o 2006. (Fonte:
El Correo Gallego e La Voz de Galicia).
Unión Europea-Constitución
O PP avoga polo “si”
Os “populares” de Santiago comezaron a
súa campaña a favor do texto constitucional europeo, nun acto celebrado na Aula de Cultura de Caixa
Galicia, prognosticando un aumento da influencia económica da UE en Galicia. Pola súa banda, a organización
da mocidade do BNG, Galiza Nova, iniciou en Ferrol a súa campaña en contra da Constitución
europea. (Fonte: El Correo Gallego e La
Voz de Galicia).
Unión Europea-Ambiente
Bruxelas estudiará a contaminación
de O Courel
Trala xuntanza co conselleiro de Medio
Ambiente e vicepresidente segundo da Xunta, Xosé Manuel Barreiro, o comisario europeo de Medio Ambiente,
Stavros Dimas, se comprometeu a investigar o informe da Axencia Espacial Europea que argumenta que a zona de O
Courel en Lugo posúe altos índices de contaminación por dióxido de nitróxeno.
Bruxelas utilizará tamén a investigación do Instituto de Física Medioambiental da Universidade
alemá de Heidelberg sobre a inexistencia de contaminación. Dimas asegurou tamén que Galicia
é a comunidade que menos infraccións comete en materia ambiental. (Fonte: El Correo Gallego e La Voz de Galicia).
Portugal
Touriño propón novo estatuto
para a eurorrexión
O secretario xeral do PSdG, Emilio Pérez
Touriño, propuso un novo estatuto para a eurorrexión Galicia-norte de Portugal, que aplique a “flexibilidade
e apertura” na cooperación das institucións locais e rexionais e os axentes empresariais. Tamén
afirmou a necesidade de ampliar a eurorrexión a Asturias e Castela-León. (Fonte: El Correo Gallego).
Cooperación
Potabilizadora de auga para Sudán
A empresa compostelá “Espina Obras
Hidráulicas” construiu sete potabilizadoras de auga por valor de 23 millóns de euros para o país
africano, tralo convenio asinado con varias administracións locais dese país. Do mesmo xeito, se
enviaron sete plantas cunha capacidade de 750 m3 cada unha e outra de 66.000 m3. (Fonte: La Voz de Galicia).
Política
Beiras no Foro Social Mundial
O histórico líder do nacionalismo
galego Xosé Manuel Beiras asistiu coa Fundación Galiza Sempre, ao Foro Social Mundial de Porto Alegre,
onde se reuniu con membros do Partido dos Traballadores do presidente Lula da Silva e intelectuais como José
Saramago, Adolfo Pérez Esquivel, Eduardo Galeano e Ignacio Ramonet. Beiras exclamou que desexaba que “o
BNG sexa a Galicia como Lula a Brasil”.
(Fonte: www.xornal.com).
Solidariedade
Sexto ano da Xanela Aberta ao Sur
A ONG pontevedresa Amarante iniciará
por sexto ano consecutivo o programa de formación de brigadistas Xanela Aberta ao Sur, coa intención
de achegarse á realidade dos países do Terceiro Mundo e afondar no coñecemento dos seus movementos
sociais. Nicaragua, Brasil e Ecuador serán os puntos de destino nesta edición. (Fonte: El Correo Gallego).
Sociedade
“Mar adentro” nominada ao Oscar
O filme de Alejandro Amenábar que
narra a historia do tetrapléxico galego Ramón Sampedro competirá polo Oscar ao mellor filme
estranxeiro na gala dos premios de Hollywood o próximo 27 de febreiro. (Fonte: El Correo Gallego).
|
| 25/01/2005 |
|
Unión Europea-Pesca
Anfaco teme prexuízo cara conserveiros
galegos
Por medio dun comunicado, a Asociación
Nacional de Fabricantes de Conservas expresou o seu temor de que o apoio do Consello de Ministros da Pesca da UE
aos países asiáticos, tralo maremoto de decembro, poida xerar “grandes prexuízos” cara o sector
conserveiro galego e español, xa que o sudeste asiático é o principal competidor no que se
refire a lomos de atún e conservas. Bruxelas anunciou a reducción de aranceis e apoios á reconstrucción
da frota dos países afectados. (Fonte:
El Correo Gallego e Faro de Vigo).
Unión Europea-Constitución
Sindicatos polo “Non”
A Confederación Intersindical Galega
e a organización agraria Sindicato Labrego Galego, realizarán campaña en contra da ratificación
do texto constitucional europeo. Segundo os seus respectivos secretarios xerais, Xesús Seixo e Lidia Senra,
a campaña levará dípticos informativos ás feiras comercias de agricultores e gandeiros. (Fonte: El Correo Gallego).
Unión Europea-Sociedade
Contra a obesidade e os incendios
A Comisión Europea desexa un código
de conducta para que a industria agroalimentaria desenvolva programas para protexer aos máis vulnerábeis
dos perigos do sobrepeso, que en Galicia afecta a un 15% dos menores de idade. Do mesmo xeito, a Xunta levará
a Bruxelas iniciativas para solucionar os problemas de deforestación e incendios nos bosques galegos. (Fonte: El Correo Gallego).
Pesca
Chile interesado no mexillón e
na acuicultura
O subsecretario de Pesca do país
sudamericano, Pedro Sandoval, visitou, xunto ao conselleiro de Pesca, Enrique López Veiga, o Centro de Control
do Medio Mariño, para coñecer as industrias mexilloeiras e da acuicultura e departir cos representantes
do sector pesqueiro galego. (Fonte: El Correo
Gallego).
Solidariedade
BNG noiés pide axuda para víctimas
do tsunami
Os nacionalistas de Noia pediron unha
partida orzamentaria para axudar aos afectados polo maremoto do sudeste asiático, ocurrido no pasado decembro. (Fonte: El Correo Gallego).
Inmigración
Vigo recibe a maior oleada de inmigrantes
Probablemente, o 2004 significou o ano
con maior número de altas de regularización de inmigrantes na historia de Vigo, xa que beneficiou
a uns 3.500 estranxeiros, un aumento do 32%, especialmente arxentinos, venezuelanos e uruguaios. O número
total supera os 14.000 inmigrantes, un 5% do padrón municipal, sendo a maioría deles latinoamericanos
e africanos. O censo da cidade olívica rexistra a residencia de cidadáns de 104 países distintos,
33 de Europa, 27 de África, 23 de América Latina, 17 de Asia, e o resto de Oceanía (Australia,
Nova Zelanda e Illas Fidji). (Fonte: Atlántico
Diario).
|
| 24/01/2005 |
|
Diáspora
Voos baratos para os emigrantes en Suíza
Anxo Quintana, voceiro do BNG, anunciou
en Zürich que o seu partido reclamará ante o Parlamento galego que a Xunta faga xestións para
que as compañías aéreas de baixo custe habiliten voos directos a Zürich e Xenebra, para
abaratar as viaxes dos emigrantes galegos neste país.
(Fonte: El Correo Gallego).
Acuicultura
Xaponeses á caza da peneira
A popular “orella de mar”, un molusco
mellor coñecido como a peneira ou abalón, estase a converter nun obxectivo para o mercado asiático,
especialmente o xaponés, segundo o director de producción da empresa Galician Marine Aquiculture,
o chileno Rodrigo Burgos, quen pretende ubicar en Muros un centro de distribución pioneiro, similar aos
existentes en Irlanda, Suráfrica e EEUU. Segundo a Organización das Nacións Unidas para a
Agricultura e Alimentación, FAO, no mercado nipón existe un vacío de doce mil toneladas anuais
que pode ser aproveitado por Galicia. (Fonte:
El Correo Gallego).
Marítima
Izar-Ferrol construirá buques
para Venezuela
Trala visita do presidente venezuelano,
Hugo Chávez, a España, a finais do ano pasado, a empresa naval Izar iniciou a construcción
na súa factoría de Ferrol de dúas corbetas similares á serie F30 da Mariña española,
das cales forman parte unidades como a “Cazadora” e a “Vencedora”, e que serán ofertadas á forza
naval venezuelana. Na xira do presidente José Luis Rodríguez Zapatero a América do Sur, se
esperaba unha breve escala en Caracas para finiquitar o acordo.
(Fonte: La Voz de Galicia).
|
| 23/01/2005 |
|
Unión Europea-Fondos Estructurais
Os beneficios galegos dos fondos europeos
Como membro do grupo de rexións
denominado Obxectivo 1, Galicia recibe amplos beneficios dos fondos estructurais de Bruxelas. Ata o próximo
ano recibirá 3.430 millóns de euros, uns 1.260 euros por habitante, case o dobre do que reciben Sicilia,
o norte de Portugal ou as rexións máis atrasadas de Irlanda. Entre as comunidades españolas,
tan só Andalucía recibe máis fondos que Galicia, uns 7.840 millóns de euros. (Fonte: La Voz de Galicia).
Unión Europea-Ambiente
Contaminación de O Courel tratarase
en Bruxelas
O vicepresidente segundo e conselleiro
de Medio Ambiente, Xosé Manuel Barreiro, se entrevistará co comisario europeo, Stravos Dimas, para
pedirlle explicacións pola alta concentración de óxido de nitróxeno entre O Courel
e o valle de Sil, en Lugo. (Fonte: La Voz
de Galicia).
Unión Europea-Constitución
Campañas polo Si e Non
Coa presenza do candidato Emilio Pérez
Touriño e Rosa Miguélez, o PSOE abriu en Vilagarcía de Arousa a súa campaña
en favor da ratificación do texto constitucional europeo no referendo do próximo 20 de febreiro.
Pola súa banda, a Plataforma Galega polo Non á Constitución Europea continuou a súa
campaña contraria, co reparto de folletos nos que se explica que a Constitución “consolida a Europa
dos mercaderes”. (Fonte: La Voz de Galicia).
Unión Europea-Infraestructuras
Vigo e o Arco Atlántico
A cidade olívica aspira ao ingreso
no proxecto de Autopistas do Mar no Arco Atlántico (Atmos), trala xuntanza en Santiago cos representantes
de cidades portuarias de catro países, como Xixón, Alxeciras, Douro e Leixoes (Portugal), La Rochelle
(Francia) e Cork (Irlanda), que deberán estudiar os proxectos do eixe de transporte comunitario paneuropeo
nas áreas de navegación de cabotaxe e as autopistas do mar. (Fonte: La Voz de Galicia).
Diáspora
Máis de 100.000 electores na Arxentina
Segundo a Oficina do Censo Electoral,
de cara ao referendo europeo do 20 de febreiro, no país austral se rexistraron máis de cen mil persoas
co dereito ao voto, superando no censo á provincia de Ourense. A emigración galega aportará
máis de 300.000 electores, un 11,46% do total galego, constituíndo un imparábel crecemento
con respecto aos residentes en Galicia.
(Fonte: La Voz de Galicia).
Cándido Rodríguez e as necesidades
da emigración
O senador do PSOE pola emigración
na provincia de Ourense, Cándido Rodríguez, presentou dez iniciativas vencelladas á problemática
dos emigrantes galegos e españois, como as axudas específicas para os emigrantes retornados, as solicitudes
de permiso de residencia, a implantación de agregadurías de educación nas embaixadas españolas,
etc. (Fonte: La Voz de Galicia).
Inmigración
Solidariedade coruñesa cos inmigrantes
A Asociación Equus Zebra comezou
un ciclo de cursos para os estranxeiros sen papeis, nos que se ofrece asesoramento para a súa regularización.
Ata agora, a asociación atendeu uns 6.000 interesados, pero o número crece. As principais colectividades
inmigrantes en A Coruña son a latinoamericana, a maghrebí e a africana, estas dúas últimas
contan co hándicap do idioma e enfrontan algúns problemas de racismo. (Fonte: El Correo Gallego).
Cultura
A proxección internacional da
artesanía galega
Gracias á plataforma na rede Internet
“Artesanía de Galicia” (www.artesaniadegalicia.com) creada pola Consellería de Innovación,
uns 100 obradoiros e 150 estabelecementos artesanais galegos poden promover os seus productos a nivel mundial.
O auxe do sector experimentou unha facturación de máis de 60 millóns de euros no 2004. (Fonte: El Correo Gallego).
|
| 22/01/2005 |
|
Pesca
O BNG teme a marxinación galega
no acordo con Marrocos
Segundo o deputado nacionalista, Bieto
Lobeira, a súa formación “non permitirá” que Madrid e Bruxelas “volvan a marxinar á
frota galega na sinatura dun novo acordo pesqueiro con Marrocos”. Lobeira contestou así o anuncio da ministra
Elena Espinosa sobre o comezo de negociacións con Rabat tras unha ruptura de cinco anos. Do mesmo xeito,
Lobeira acusou ao conselleiro Enrique López Veiga de “submisión brutal” ante as decisións
da UE. (Fonte: El Correo Gallego).
UE beneficia ás conservas tailandesas
Un duro golpe para a industria atuneira
galega foi a decisión dos 25 países membros da UE de respaldar unha proposta da Comisión na
que se favorece económicamente aos países asiáticos afectados polo desastre natural. Coa eliminación
dos aranceis de Sri Lanka e dos productos pesqueiros da India, Indonesia e Tailandia, Bruxelas beneficia a este
último país, tradicional competidor galego, para colocar os seus productos no mercado comunitario.
Nembargantes, a ministra Elena Espinosa asegurou que esta medida comunitaria “non terá implicacións
para o sector pesqueiro galego”. (Fonte:
La Voz de Galicia).
Sociedade
Dez países na Mostra do Encaixe
de Camariñas
Deseños e coleccións de
Bulgaria, Canadá, Francia, Italia, Bélxica, República Checa, Portugal e Dinamarca poderán
exhibirse na Mostra do Encaixe o próximo mes de marzo en Camariñas, coincidindo coa Semana Santa. (Fonte: El Correo Gallego).
As viúvas galegas, entre as máis
pobres de Europa
Con 363 euros de ingresos medios por pensión
ao mes durante o ano 2004, as viúvas galegas atópanse entre as máis pobres de España
e das máis pobres de Europa, só superadas polas portuguesas e gregas. (Fonte: La Voz de Galicia).
Inmigración
Os inmigrantes palían o descenso
demográfico compostelán
Segundo o Instituto Galego de Estatística,
a capital galega continúa a súa sangría demográfica, xa que case 1.300 persoas abandoaron
a cidade cara os concellos de Ames e Teo, principalmente. Ese descenso foi parcialmente paliado pola chegada de
inmigrantes e emigrantes retornados, case 800 desde o ano 2003.
(Fonte: La Voz de Galicia).
|
| 21/01/2005 |
|
Diáspora
Quintana cos galegos de Suíza
O voceiro do BNG, Anxo Quintana, visitará
a colectividade galega residente en Zürich e Xenebra, coa finalidade de transmitir as propostas nacionalistas
cara a emigración e as políticas de retorno. Quintana manterá xuntanzas co presidente da Federación
de Sociedades Galegas, Pedro Hombre Pombo.
(Fonte: El Correo Gallego).
Dous millóns de euros para os centros
galegos
A Consellería de Emigración
destinará 1,9 millóns de euros aos centros galegos no exterior, para acometer obras de melloramento
en infraestructura, tendo como prioridade as instalacións sanitarias, sociais e asistencias para as personas
de maior idade. Ademais, os fondos tamén se destinarán á integración da mocidade nestas
asociacións. (Fonte: El Correo Gallego).
Xacobeo
Menos turistas no 2004
Segundo datos da Enquisa de Movementos
Turísticos en Fronteiras, Frontur, no ano 2004, uns 755.717 turistas estranxeiros achegáronse a Galicia
con motivo do Ano Santo, un 0,6% menos con respecto a 2003.
(Fonte: La Voz de Galicia).
Unión Europea-Economía
Ferrol e Fene non construirá máis
buques civís
A Comisión Europea certificou definitivamente
a viabilidade do plan presentado polo goberno español sobre a privatización da estatal Izar. Despois
de 60 anos, os asteleiros de Ferrol e Fene pasarán á construcción de buques militares e non
civís. A comisaria europea de Competencia, Neelie Kroes, trasladou a súa conformidade ao ministro
español de Economía, Pedro Solbes.
(Fonte: La Voz de Galicia).
Solidariedade
Sensibilización cos saharauis
A capital ourensana foi elixida pola ONG
Solidariedade Internacional para o estreo en Galicia da súa campaña de sensibilización sobre
a situación dos 160.000 saharauis que viven no deserto alxerino da fronteira de Tindouf. Esta iniciativa
conta co apoio da Xunta e pretende amosar á cidadanía as duras condicións de vida dos refuxiados
nos campamentos. (Fonte: La Voz de Galicia).
|
| 20/01/2005 |
|
Portugal
Presentan patrimonio oral galaico-portugués
O 28 de xaneiro será presentada
en Porto a candidatura conxunta do Patrimonio Inmaterial galaico-portugués que xa fora entregada en outubro
pasado na sede da Unesco en París. Ao acto na cidade lusa asistirán o presidente Manuel Fraga e a
ministra lusa de Cultura, María Joao Bustorff.
(Fonte: El Correo Gallego).
Sociedade
Beiras participará no Foro Social
Mundial en Brasil
O presidente da Fundación Galiza
Sempre e do consello nacional do BNG, Xosé Manuel Beiras, asistirá a finais de xaneiro ao Foro Social
Mundial en Porto Alegre, Brasil, onde pronunciará unha conferencia sobre a uniformización cultural
e o déficit democrático, as nacións e os pobos ante o dilema entre política e mercado.
É a primeira vez que Beiras participa neste foro, xa que Camilo Nogueira participou hai dous anos. (Fonte: El Correo Gallego).
Diáspora
Venezuela e Suíza lideran número
de retornados
A primacía que tiña Arxentina
no número de emigrantes galegos retornados foi superada polas solicitudes realizadas por Venezuela e Suíza,
segundo o director xeral de Inmigración, Javier Álvarez Barbeito. No caso venezuelano, a situación
socio-política determina un incremento nos retornos, mentres en Suíza será no 2007 cando os
emigrantes decidan se capitalizan as súas pensións dacordo ás leis dese país. As solicitudes
de Brasil, México e Uruguai se manteñen estábeis.
(Fonte: La Voz de Galicia).
Inmigración
Inmigrantes marroquís imparten
clases de árabe
Coa finalidade de propiciar o intercambio
e a tolerancia das culturas e un mellor coñecemento da civilización islámica, os inmigrantes
de Marrocos e outros países do Maghreb asentados en Pontevedra, iniciaron cursos de ensinanza do idioma
árabe a cidadáns locais. O presidente da Asociación Marroquí de Pontevedra, Mustapha
Elabboubi, explicou a grande receptividade que tivo esta iniciativa entre os habitantes da provincia. (Fonte: El Correo Gallego).
Unión Europea-Marítima
Bruxelas aproba reestructuración
de Izar
A comisaria europea de Competencia, Nellie
Kroes, cualificou como “compatíbeis” coas regras do Tratado da UE os acordos alcanzados entre os sindicatos
e a SEPI co obxectivo de reestructurar os asteleiros en España. Deste xeito, o asteleiro de Fene en Ferrol
pasará a máns militares. (Fonte:
La Voz de Galicia).
Unión Europea-Constitución
O BNG reafírmase no “non”
Guillerme Vázquez, responsábel
da formación nacionalista en Pontevedra, revalidou o voto negativo do partido nacionalista á Constitución
europea, destacando as dificultades que terá Galicia nas axudas europeas en sectores estratéxicos
como o naval. (Fonte: La Voz de Galicia).
Unión Europea-Cultura
A USC e o Concello santiagués
optan por programa europeo
O Programa Universidade, apoiado polo
Concello de Santiago e a USC e que amosa as visitas turísticas guiadas ao patrimonio histórico máis
representativo da institución académica, optan ao programa comunitario Cultura 2000. Santiago compite
con cidades universitarias como Bolonia, Coimbra, Cracovia, Pecs e Malta. (Fonte: La Voz de Galicia).
Pesca
Buscan frear impacto das importacións
A Federación Galega de Confrarías
plantexa a necesidade de frear o impacto das importacións de peixe, para protexer o sector galego. Do mesmo
xeito, este organismo ubica a escaseza de man de obra e a deficiente seguridade do mar, como retos futuros. O ano
pasado, Galicia importou mais de 36.000 toneladas de productos pesqueiros, principalmente de Portugal, Reino Unido
e Marrocos. (Fonte: La Voz de Galicia).
|
| 19/01/2005 |
|
Unión Europea-Sociedade
Participación galega no Airbus
A380
A empresa Delta Vigo, ubicada en Redondela,
proporcionou cadernos de fibra de carbono e outros elementos, para o Airbus A380, o modelo de avión civil
máis dinámico e completo do mundo, deseñado para acabar coa competencia estadounidense. Outra
das empresas participantes, Ladden Works, ten a súa sede no Parque Tecnolóxico de Galicia en Ourense.
Considerado como “un triunfo para Europa”, o Airbus foi inaugurado polo presidente José Luis Rodríguez
Zapatero, o chanceler alemán Gerhard Schröeder, o primeiro ministro británico Tony Blair e o
presidente francés Jacques Chirac, como representantes dos catro países que participaron na súa
construcción. (Fonte: El Correo Gallego).
Unión Europea-Fondos Estructurais
Reparto de fondos europeos beneficia
a Galicia
Despois de Andalucía, a nosa Comunidade
é a mais beneficiada polas axudas estructurais da UE para o período orzamental 2000-2006, por estar
incluida nas rexións ubicadas no Obxectivo 1 de desenvolvemento prioritario con un PIB inferior ao 75% da
media comunitaria. En total, Galicia recibiu 3.430 millóns de euros desde o ano 2000. Para o próximo
período 2007-2013, España deixará de percibir estos fondos, pasando a converterse nun país
contribuidor. (Fonte: El Correo Gallego).
|
| 18/01/2005 |
|
Diáspora
Inauguran foro “Comunicación e
Diáspora”
Coa participación de profesionais
da comunicación, de orixe galego, proveñentes de Arxentina, Brasil, México, Uruguai e Venezuela,
e tamén de Galicia, este Foro contou co apoio da Secretaría Xeral para as relacións cos medios
informativos e a Consellería de Emigración. Os participantes compartiron experiencias e expectativas
cos seus colegas galegos, coa finalidade de vertebrar políticas mediáticas conxuntas. A organización
correu por conta do IGADI. (Fonte: El Correo
Gallego).
Emigración
Pontevedra abre centro para emigrantes
O programa Cidade Plus para facilitar
os trámites aos emigrantes retornados e a súa integración, abriu sede no centro Príncipe
Felipe de Pontevedra, como unha iniciativa da Consellería de Emigración e a Deputación local.
O programa conta coa colaboración económica da Unión Europea mediante os fondos Feder do Programa
Interreg III, cun custe total de 3,7 millóns de euros. Uns 62 representantes dos concellos da provincia
acompañaron ao conselleiro de Emigración, Aurelio Miras Portugal, e o presidente da Deputación,
Rafael Louzán, na apertura das instalacións.
(Fonte: El Correo Gallego).
|
| 17/01/2005 |
|
Investigación
A pegada dos científicos galegos
Universidades de prestixio en Europa e
EEUU como Queen´s University, Harvard, University College, Stanford, o Instituto de Tecnoloxía de
Massachussetts ou a Organización Europea para a Investigación Nuclear, contan coa presenza de varios
científicos galegos, os cales traballan en áreas como a Física Nuclear, a Física solar,
a Química verde, a Bioloxía ou as Matemáticas. A compostelá Mar Capeáns é
a primeira muller española en participar no staff permanente do CERN en Xenebra, a cargo do experimento
Atlas en materia nuclear. (Fonte: El Correo
Gallego).
Política
Os aliados internacionais da UPG
No marco da clausura do XI congreso da
Unión do Povo Galego en Santiago, o seu líder histórico, Bautista Álvarez, nun xesto
de solidariedade co pobo palestiniano, exhibiu unha palestina na cabeza, ofrecida por un delegado da OLP presente
nesta sesión. Na tribuna de oradores pasaron membros do Partido Comunista de Cuba, o Bloco de Esquerdas
de Portugal, o Frente Amplo de Uruguai e o seu homólogo da República Saharaui. (Fonte: El Correo Gallego).
Unión Europea-Constitución
Sindicatos galegos apoian o “si”
Delegados sindicais das CCOO en toda Galicia
organizaron na Facultade de Ciencias Políticas da USC un mitin para apoiar o proxecto constitucional europeo.
Pola súa banda, a Mesa do Parlamento galego acordou celebrar unha xornada divulgativa sobre a Constitución
europea. (Fonte: El Correo Gallego).
|
| 16/01/2005 |
|
Unión Europea-Constitución
A UPG promove o “non” á Constitución
europea
No Congreso celebrado en Santiago, o secretario
xeral da Unión do Povo Galego, Francisco Rodríguez, reafirmou a decisión deste partido de
non respaldar o proxecto de Constitución da Unión Europea, promovendo o voto negativo no referendo
do 20 de febreiro. (Fonte: Faro de Vigo).
Inmigración
Un eido de integración para os
africanos
A alcaldesa de Vigo, Corina Porro, prometiu
a Ibrahim Niang, presidente da Asociación para a Integración e o Desenvolvemento do Africano, AIDA,
que tamén funciona nesta cidade, a apertura dunha oficina de emigración destinada á atención
dos recén chegados deste continente, a través dun piso de acollida, programas interculturais e un
plan de coordinación da venda ambulante. Segundo o padrón municipal, existen 897 africanos na cidade
olívica, dun total de 2.300 na provincia de Pontevedra, sendo os senegaleses a maioría, seguidos
de marroquíes, mauritanos e nixerianos.
(Fonte: El Correo Gallego).
Cooperación
Catro veces máis no orzamento
de cooperación
Emilio Pérez Touriño, candidato
do PSdG ás eleccións autonómicas, prometiu “multiplicar por catro os recursos destinados á
cooperación, ata achegar o 0,3% do orzamento da Xunta na próxima lexislatura”. Touriño fixo
esta declaración na clausura do acto “Cooperación e Desenvolvemento” organizado polo seu partido. (Fonte: El Correo Gallego).
Solidariedade
Lousame coas víctimas do maremoto
asiático
A Corporación de Lousame acordou
a doazón das asignacións dos grupos políticos e das dietas por asistencias a plenos dos ediles
de tres meses aos afectados polo maremoto do surleste asiático.
(Fonte: El Correo Gallego).
|
| 15/01/2005 |
|
Unión Europea-Pesca
Bruxelas asegura fondos para a pesca
de baixura
Segundo o comisario europeo de Pesca,
Joe Börg, a baixura en Galicia seguirá a recibir fondos comunitarios e incluirase no próximo
Fondo Europeo de Pesca que no 2007 substituirá as axudas do Instrumento Financeiro de Orientación
da Pesca, IFOP, para a aplicación da Política Pesqueira Común. No marco dunha xuntanza en
Santiago coa ministra de Pesca, Elena Espinosa, o conselleiro Enrique López Veiga e os integrantes do Consello
Galego de Pesca, Börg recoñeceu a “necesidade de mellorar o diálogo e a comunicación
entre a Comisión e os representantes dos intereses pesqueiros”.
(Fonte: El Correo Gallego).
|
| 14/01/2005 |
|
Unión Europea-Rexións
Tensión por declaracións
do vicepresidente da Bretaña
O secretario xeral para as Relacións coa Unión
Europea, Jesús Gamallo, cualificou de “intolerábeis e fora de toda lóxica” as declaracións
do vicepresidente do Consello Rexional de Bretaña (Francia), Cristian Guyonvarc, nas que sinalaba que a
súa rexión non efectuará ningún acordo oficial con Galicia “mentres Manuel Fraga sexa
o seu presidente”. Guyonvarc fixo estas declaracións trala xuntanza mantida con membros do BNG e resaltou
que entre Galicia e Bretaña existen “similitudes económicas, culturais e sociais, mais non acordos
bilaterais”. (Fonte: El Correo Gallego).
Unión Europea-Pesca
Posíbel acordo pesqueiro con Marrocos
Durante a visita de tres días do eurocomisario
de Pesca, Joe Börg, a Galicia, o funcionario europeo salientou a importancia de alcanzar un acordo pesqueiro
entre a UE e Marrocos “nun período relativamente breve”. Börg visitou as rías de Muros, Noia,
Arousa, Pontevedra e Vigo, participou na Conferencia de Rexións Periféricas e Marítimas de
Europa, en Santiago e se reuniu coas organizacións do Consello Galego de Pesca. (Fonte: El Correo Gallego).
Unión Europea-Constitución
Nogueira a favor do Tratado
O ex deputado nacionalista Camilo Nogueira comezou a
súa campaña en Ferrol e Pontedeume a favor da ratificación do Tratado Constitucional para
Europa, a ser sometido a referendo o 20 de febreiro próximo. Deste xeito, Nogueira afástase da liña
oficial do BNG de votar “non”. (Fonte: La
Voz de Galicia).
Diáspora
Bolsas económicas para emigrantes
en Iberoamérica
Unha prestación mínima de 300 euros directa,
individual, extraordinaria, de carácter social e non periódica para aqueles emigrantes de orixe galego
residentes en Iberoamérica, presentada polo conselleiro de Emigración, Aurelio Miras Portugal, foi
aprobada polo Consello da Xunta, cun orzamento inicial de 800.000 euros.
(Fonte: El Correo Gallego).
Sociedade
Éxito en Europa e EEUU dunha bebida
enerxética galega
O compostelán Miguel Ángel Gómez,
director da empresa Enerdrinks, conseguiu un importante logro comercial ao vender 70 millóns de unidades
por ano nos mercados estadounidense e europeo, da bebida enerxética Xtrem, creada por él e o seu
irmán Uxío, hai 5 anos. A súa empresa está instalada en España, Holanda, Florida
e Chicago. Gómez coñeceu a rendabilidade das bebidas enerxéticas durante a súa estadía
en Nova Zelanda e Escocia. (Fonte: El Correo
Gallego).
Solidariedade
Grupos musicais de A Estrada, coas víctimas
do tsunami asiático
Uns 70 intérpretes e membros de grupos musicais
de A Estrada realizarán un concerto baixo o lema “Música por Asia”, coa finalidade de recolectar
fondos benéficos para as víctimas do maremoto do sureste asiático. Os beneficios serán
entregados á Cruz Vermella. (Fonte:
El Correo Gallego).
Galicia apadriña poucos nenos do Terceiro
Mundo
Segundo Intervida, a Fundación Vicente Ferrer,
Axuda en Acción e Fundación Comparte, as catro principais organizacións que se dedican ao
apadriñamento de nenos de Asia, África e América do Sur e Central, un de cada cen galegos
optan polo apadriñamento, sendo 24.000 a cifra total, inferior ás demais comunidades autónomas.
Do mesmo xeito, Galicia é unha das comunidades autónomas que menos colabora con proxectos en favor
do Terceiro Mundo. (Fonte: La Voz de Galicia).
Libros para América do Sur
O Club Rotary de Pontevedra comezou unha campaña
“Máis Cultura”, iniciativa pensada para a recollida de libros de texto e de lectura para varios países
de América do Sur. (Fonte: La Voz
de Galicia).
|
| 13/01/2005 |
|
Unión Europea-Fondos Estructurais
Fondos europeos non están garantidos
A eurocomisaria de Política Rexional, a polaca
Danuta Hübner, colocou un novo obstáculo que dificulta a continuidade dos fondos ao desenvolvemento
que percibe Galicia, e que ascenden a 800 millóns de euros anuais. Hübner propuso que o caudal de axudas
alén do 2006 sexa determinado pola contabilización dos datos do PIB relativos ao ano 2004, o cal
vai en contra dos intereses galegos. En principio, a UE tiña previsto tomar como referencia o trienio 2001-2003,
no cal Galicia supera mínimamente os requisitos previstos para manterse na zona Obxectivo 1, como beneficiaria
das axudas. (Fonte: La Voz de Galicia).
Santiago e as rexións periféricas
da UE
A capital galega foi a sede da Conferencia de Rexións
Periféricas e Marítimas de Europa, na que se discutiron as perspectivas financeiras para o período
2007-2013. O obxectivo foi alcanzar un incremento nas partidas previstas pola Comisión Europea, estipuladas
en 336,2 millóns de euros, cantidade considerada insuficiente por parte dos participantes. Do mesmo xeito,
pedíuse á Comisión e ó Parlamento un pacto territorial que propicie a cohesión
necesaria das autoridades locais e rexionais.
(Fonte: Faro de Vigo).
Unión Europea-Pesca
Joe Börg na Cofradía de Lira
O comisario europeo de Pesca visitou a localidade coruñesa,
pertencente ao concello de Carnota, acompañado da ministra Elena Espinosa e o conselleiro Enrique López
Veiga, para coñecer os proxectos de desenvolvemento con fondos europeos. Börg aproveitou para manifestar
o seu rexeitamento ao proxecto de parque éolico marino, ademais de amosar o seu apoio á futura Axencia
de Pesca europea de Vigo, cidade que visitou durante a súa estadía. (Fonte: El Correo Gallego e Faro de Vigo).
“A UE sí está no xuízo
do Estai, de forma técnica”
Ao tempo que se leva a cabo o xuízo en Canadá
polo apresamento do buque galego “Estai” en 1995, o comisario europeo Joe Börg saiu ao paso das críticas
por parte dos armadores galegos pola ausencia europea neste xuízo. Börg explicou que, se ben Bruxelas
non está presente de forma legal, “sí o está de forma técnica, aportando información
escrita”. (Fonte: Faro de Vigo).
Sanidade
O éxodo dos médicos e enfermeros
galegos
Uns 700 profesionais galegos da sanidade traballan en
Portugal ante a inestabilidade laboral na nosa Comunidade. Gran Bretaña e Italia son outros destinos elixidos
por médicos e enfermeiros, tanto homes como mulleres, principalmente das áreas de Pontevedra e Vigo,
segundo datos do Colexio de Médicos de Pontevedra. Os sindicatos calculan unha emigración dun 30%
dos facultativos nos próximos dez anos. O embaixador británico en España, Stephen Wright,
cualificou os convenios entre os dous países para o recrutamento de persoal sanitario como “exitoso e positivo”. (Fonte: El Correo Gallego).
Cooperación
A globalización das comunidades
costeiras
A Facultade de Xeografía da USC organizará
en abril, xunto á Universidade de Bergen (Noruega), un congreso en Muros sobre comunidades costeiras no
tempo da globalización, coa finalidade de explorar as alternativas socioeconómicas do litoral e a
implicación da UE e os gobernos nacionais ante o reto de modernización de flotas e infraestructuras. (Fonte: El Correo Gallego).
Marítima
Rescatados mariñeiros galegos
nas Illas Hébridas
O pesqueiro “Cibeles” de 19 tripulantes, dos cales 5
son galegos, con base en Burela, quedou á deriva nas augas da localidade de Stornoway, na illa Lewis pertencente
ás Hébridas, ao oeste de Escocia, despois de faenar no Box irlandés. Os mariñeiros
foron rescatados por un servizo de gardacostas escocés.
(Fonte: El Correo Gallego).
Economía
Vigo acolle expansión de negocios
da xaponesa Mitsui&Mol
A naviera asturiana Flota Suardíaz, afincada
desde fai 25 anos en Vigo, acordou coa multinacional nipona Mitsui&Mol Company, unha alianza para transportar
uns 300.000 coches dende Escandinavia ata Grecia e Turquía, con aspiracións de achegarse ata o extremo
occidental africano. (Fonte: La Voz de Galicia).
Inmigración
Laxe e os seus inmigrantes
A organización Cáritas Parroquiales organizou
unha charla na localidade de Laxe relativa á inmigración e a súa integración no tecido
social local. A conferencia foi realizada polo responsábel de animación comunitaria de Santiago,
José Anuncio Mouriño. (Fonte:
El Correo Gallego).
Tui inicia plan de integración de
mulleres magrebíes
Dende a Concellería de Muller, Servizos Sociais
e Educación, dirixida por José Manuel González Freiría, se leva adiante un programa
de integración dentro do Plan Municipal de Igualdade e Oportunidades, dirixido a un colectivo de dez mulleres
magrebíes de diferentes idades. O plan ten un orzamento de 6.000 euros. (Fonte: Faro de Vigo).
|
| 12/01/2005 |
|
Unión Europea-Pesca
Indignación por ausencia europea
no “caso Estai”
A ausencia de representantes da Unión Europea
no comezo do xuízo contra as autoridades canadienses na corte de Saint John´s en Terranova, polo apresamento
do buque galego “Estai” en 1995, deixou un profundo malestar nos armadores de Vigo e a Asociación de titulados
náuticos, Aetinape, tal e como explicou o director xeral da Cooperativa de Armadores vigueses, José
Ramón Fuertes. Os armadores achacaron a Bruxelas “indiferenza e falta de compromiso” por mor dos intereses
de potencias navais como Reino Unido, con fortes vencellos con Canadá. (Fonte: El Correo Gallego).
Prestige
Grecia confirma morte do único
imputado
O ministerio de Asuntos Exteriores grego anunciou o
deceso en Atenas de Michael Margetis, responsábel técnico de Universe Maritime e único imputado
na trama do Prestige, o pasado 3 de decembro de 2004. As autoridades do país helénico remitiron a
noticia ao Xulgado de Instrucción número 1 de Corcubión, que leva adiante o caso. (Fonte: El Correo Gallego).
|
| 11/01/2005 |
|
Unión Europea-Pesca
A Axencia de Vigo, prioridade para Bruxelas
A Axencia Europea para o Control Pesqueiro, que terá
como sede a partir deste ano a cidade galega, foi incluida pola Unión Europea como prioridade na normativa
do primeiro semestre, no marco da axenda provisional do Consello de Pesca a celebrarse en marzo, auspiciado pola
actual presidencia rotativa luxemburguesa.
(Fonte: El Correo Gallego).
Unión Europea-Constitución
Realzan papel das rexións na Carta
Magna europea
Con motivo do referendo do 20 de febreiro, o director
da Oficina da Comisión Europea en España, José Luis González Vallve, destacou nunha
xuntanza na Fundación Galicia-Europa, que o texto constitucional europeo observa por vez primeira “o pleno
recoñecemento funcional das rexións” e prevé unha cláusula no caso de considerar que
a súa integridade non estivese garantida. Vallve recoñeceu tamén o “escaso coñecemento”
dos cidadáns sobre o texto constitucional.
(Fonte: El Correo Gallego).
Marítima
Galicia no mapa náutico mundial
A conselleira de Deportes, Pilar Rojo, informou en Londres
que a competición Ocean Volvo Race de Volta ao Mundo en Vela, que se iniciará en Vigo en novembro
de 2005, permitirá “colocar a Galicia no mapa da náutica” e “potenciar o sector turístico”.
Rojo estivo na capital británica na presentación do certame, acompañada polo director xeral
da mesma, Glen Bourke. Será a primeira vez que esta competición náutica non parta dunha cidade
británica. (Fonte: El Correo Gallego).
Islandia interesa en Vigo
Segundo o secretario xeral da Cámara de Comercio
de Vigo, José María García Orois, o país nórdico é visto por parte das
empresas navais e pesqueiras viguesas como un “destino prioritario para a busca de colaboración”, pola ubicación
estratéxica de dous portos islandeses do Atlántico Norte e que atópanse abertos todo o ano.
Deste modo, Orois explicou que no 2005 se iniciarán contactos coas autoridades navais dese país. (Fonte: El Correo Gallego).
Solidariedade
Da Costa da Morte ao sureste asiático
O Comité de Unicef na Costa da Morte realizou
un acto artístico en Cee de recaudación de fondos para asistir ás víctimas do maremoto
no sureste asiático. Entre os donativos se logrou recaudar 2.600 euros, mais os 1.200 otorgados polo Concello. (Fonte: El Correo Gallego).
|
| 10/01/2005 |
|
Portugal
Incremento das feiras comerciais
Dos 90 certames comerciais que acollerá Galicia
no 2005, 35 corresponden a feiras comerciais de carácter internacional, especialmente as que se realizarán
nas comarcas e provincias cercanas a Portugal.
(Fonte: El Correo Gallego).
Xacobeo
Confesións en linguas estranxeiras
Debido ao auxe da peregrinación a Santiago con
motivo do Ano Santo 2004, os confesionarios da Catedral compostelá deberon proveerse de sacerdotes políglotas,
algúns deles doutros países, para poder confesar a mais da metade dos peregrinos, que foron de orixe
estranxeiro. Linguas como o árabe, xaponés ou chino, ademais do inglés, francés, italiano
e alemán, puidéronse escoitar na basílica.
(Fonte: El Correo Gallego).
|
| 09/01/2005 |
|
Unión Europea-Constitución
O PSdG promociona a Carta Magna europea
O secretario xeral, Emilio Pérez Touriño,
iniciou en A Coruña e Santiago a campaña publicitaria a favor do “sí” á Constitución
Europea, co eslogan “si Europa avanza, Galicia avanza”, enfatizando a necesidade de dar a coñecer aos galegos
o texto normativo constitucional europeo. O acto contou coa presenza do líder dos socialistas europeos,
o danés Poul Nyrup, quen afirmou que o gran inimigo para o referendo de febreiro “é a abstención”.
O secretario de Organización do partido, o galego José Blanco, criticou a todos aqueles que puxan
polo “non” no referendo. (Fonte: El Correo
Gallego).
|
| 08/01/2005 |
|
Emigración
Incentivar a creación artística
na diáspora
A consellería de Emigración aportará
34.200 euros á convocatoria de concursos artísticos e culturais dirixidos aos galegos da diáspora,
os seus descendentes ou ben os socios das entidades galegas no estranxeiro. O principal é o Concurso para
Ensaio e Traballo de Investigación, co obxectivo de incentivar á emigración galega na dinamización
e integración na vida social, artística e cultural galega.
(Fonte: El Correo Gallego).
Unión Europea-Educación
A Xunta outorga bolsas para programas
Erasmus
Un total de 517.317 euros serán destinados ás
axudas complementarias do programa de acción da UE, Sócrates Erasmus, e do programa do goberno suízo
para a facilitación da mobilidade dos estudantes durante o curso universitario 2004-2005. (Fonte: El Correo Gallego).
Sociedade
Reino Unido e Irlanda, os mais solicitados
laboralmente
Segundo a rede de mobilidade laboral Eures Galicia,
Reino Unido e Irlanda foron os destinos preferidos polos galegos para atopar traballo, seguidos por Alemaña
e Francia. A rede atendeu no 2004 case 10.000 solicitudes en Galicia para traballar no exterior. (Fonte: El Correo Gallego).
|
| 07/01/2005 |
|
Acción Exterior
O Libro Branco de Galicia
A presentación do “Libro Branco de Acción
Exterior de Galicia” permite catalogar a nosa Comunidade como pioneira en Europa na concreción dun documento
que defina a súa dimensión nas relacións internacionais. O libro foi coordinado por Xulio
Ríos, director do Igadi, e foi presentado en Santiago en presenza do presidente Manuel Fraga. (Fonte: Atlántico Diario).
Turismo
A promoción galega en Europa
A consellería de Cultura inicia o 2005 cun intenso
programa de promoción turística de Galicia nas principais feiras europeas, especialmente en Holanda
e Alemaña. No certame Vakantiebeurs, na cidade holandesa de Utrecht, o turismo galego terá un pavillón
aparte da delegación española, mentres TurGalicia participará na feira Boot 2005, Salón
Náutico Internacional na cidade alemana de Düsseldorf, tomando en conta a partida da Ocean Volvo Race
da nosa comunidade, a finais deste ano.
(Fonte: El Correo Gallego).
Educación
Bolsas coruñesas para EEUU
O concello de A Coruña é pioneiro na concesión
de solicitudes para as bolsas de estudos nos EEUU, a aqueles mozos interesados en finalizar os estudos de bacharelato
nese país. Os beneficiados quedarán hospedados cunha familia estadounidense. Nesta oportunidade saíron
beneficiados 38 mozos estudantes de Cuarto curso de ESO.
(Fonte: El Correo Gallego).
|
| 06/01/2005 |
|
Sociedade
China lidera adopcións por parte
de galegos
A Consellería de Familia informou que un total
de 240 menores estranxeiros foron adoptados por familias galegas no 2004, dos cales uns 86 menores proveñen
do país asiático. Etiopía, Rusia, Colombia, Bolivia, Perú e Hungría completan
a lista nas preferencias de adopción. Atópase tamén a adopción dun neno do Nepal e
outro da India. A provincia de A Coruña, con 121 expedientes, encabeza a lista das formalizacións
adoptivas. (Fonte: El Correo Gallego).
|
| 05/01/2005 |
|
Inmigración
Os inmigrantes palian o déficit
poboacional galego
Segundo o Instituto Nacional de Estatística,
se ben a presenza de estranxeiros legais na nosa Comunidade apenas achégase ao 1,36%, o seu impacto permitiu
mellorar a perda da poboación en provincias como Pontevedra. Mais de 37.000 estranxeiros viven en Galicia,
e cada vez é mais patente o fenómeno de “feminización” da inmigración. (Fonte: El Correo Gallego).
Piden retorno de neno ecuatoriano
Amparándose no artigo 1 do Convenio da Haia de
1980, o PPdG presentou ante a Cámara galega unha iniciativa parlamentaria para demandar ante as autoridades
políticas e xudiciais ecuatorianas o retorno ao país do neno ecuatoriano Samuel Endara Rodríguez,
retido polo seu pai no país andino, a pesar das numerosas sentenzas xudiciais a favor da tutela da nai. (Fonte: El Correo Gallego).
|
| 04/01/2005 |
|
Unión Europea-Pesca
Galicia terá forte presenza nas
augas da NAFO
Segundo a ministra de Agricultura, Pesca e Alimentación,
Elena Espinosa, a flota española, na súa maioría galega, “terá unha importante presenza
nos caladoiros das augas do Atlántico Norte”, tralo acordo alcanzado en Bruxelas polo que a Unión
Europea recoñeceu, por vez primeira, os dereitos históricos da flota española nas augas da
NAFO. Nesta xuntanza europea participou o conselleiro de Pesca, Enrique López Veiga. (Fonte: El Correo Gallego).
|
| 03/01/2005 |
|
Sociedade
Suramericanas dominan a prostitución
en Galicia
Segundo o Servizo Galego de Igualdade, pertencente á
Consellería de Familia, dunhas 400 mulleres que exerzen a prostitución na provincia de Pontevedra,
a maioría proceden de países sudamericanos como Colombia, Brasil e Ecuador, ademais de países
caribeños como República Dominicana, da Europa do Leste e países africanos. A través
do programa europeo Isadora e coa colaboración de Cáritas, se crearon centros de asesoramento xurídico,
sanitario, social, psicolóxico e laboral para estas mulleres.
(Fonte: El Correo Gallego).
Marítima
Armadora galega acusa a Canadá
por apresamento dun buque
A empresa armadora galega Pereira, calculou en 600.000
euros os danos ocasionados polas patrulleiras canadienses que apresaron o buque “Estai” en 1995, durante a súa
navegación en Saint John´s, Terranova, caso conocido como a “guerra do fletán” entre Galicia
e Canadá. O proceso xudicial iniciaráse no mes de xaneiro na Corte Federal desa localidade. (Fonte: El Correo Gallego).
|
| 02/01/2005 |
|
Unión Europea-Agricultura
As bondades do rural galego
Co apoio da Comisión Europea, o agro galego está
a desenvolver un amplo proxecto de melloramento da calidade de vida no medio rural, como parte da iniciativa comunitaria
Leader, relativa á programación 2007-2013. Neste apartado, a publicación do Boletín
Galicia-Europa por parte da Secretaría Xeral para as Relacións coa Unión Europea e Cooperación
Exterior, reflexiona principalmente sobre os eixes prioritarios de Bruxelas para o agro europeo, e destaca a particularidade
e riqueza da diversidade rural galega. (Fonte:
El Correo Gallego).
Solidariedade
Concellos coas víctimas do sureste
asiático
Algúns concellos galegos (Vigo, Mos, Porriño,
Ferrol, entre outros) expresaron a súa solidariedade coas víctimas do maremoto, ofrecendo diversas
cantidades de diñeiro para ser canalizadas a través de ONGDs especializadas en actuacións
de emerxencia. O Fondo Galego tamén emitiu un comunicado en igual sentido. (Fonte: El Correo Gallego).
|
