|
 |
| 31/12/2004 |
|
Xacobeo
Un Ano Santo con récord turístico
Uns sete millóns de turistas e
doce millóns de visitantes achegáronse a Compostela durante o 2004, con motivo das festividades do
Xacobeo. A repercusión do Ano Santo convertiuse nunha referencia internacional con mais de 200 actos, entre
acontecementos culturais, musicais e deportivos.
(Fonte: El Correo Gallego).
|
| 30/12/2004 |
|
Economía
Galicia enfronta a competencia china
no téxtil
A decisión da Organización
Mundial do Comercio, OMC, de levantar no 2005 as cuotas de importación da confección a nivel internacional,
permitirá a abrumadora entrada dos productos texteis do país asiático, o que afectará
á industria galega, adoecida tamén pola súa atomización e a falta de visión
estratéxica. Deste xeito, empresarios galegos do sector uníronse a Caixanova para propor unha maior
colaboración entre as empresas a fin de reforza-la innovación e a imaxe de marca dos téxteis
galegos. (Fonte: El Correo Gallego).
Unión Europea-Economía
En suspenso as cuotas lácteas
europeas
O responsábel da secretaría
xeral da Consellería de Agricultura, José Antonio Álvarez Vidal, manifestou que a posibilidade
do incremento da cuota láctea por parte de Bruxelas a Galicia “non se ve no horizonte inmediato”. Agregou
que observa unha “clara vocación compradora da cuota” por parte dos gandeiros galegos. (Fonte: El Correo Gallego).
Unión Europea-Educación
A USC afianza a súa proxección
europea
A Universidade de Santiago lidera o ranking
das universidades españolas con mais prácticas laborais en países europeos. Uns 2.212 estudiantes
beneficiáronse de 115 bolsas en empresas estranxeiras para titulados a través do Consello Social
da Xunta, un incremento do 16% co respecto ao 2003.
(Fonte: El Correo Gallego).
Unión Europea-Constitución
O BNG afirma a súa disconformidade
coa Constitución europea
Segundo Francisco Rodríguez, voceiro
do partido nacionalista galego, a Carta Magna europea que será votada en referendo en España en febreiro
de 2005, “sigue o modelo americano, moi restrictivo”. Rodríguez afirmou que o voto negativo do seu partido
non significa “dicirlle non a Europa, senón á posibilidade de aprobar unha Constitución onde
non se contemple o principio de autodeterminación dos pobos”.
(Fonte: Faro de Vigo).
Cooperación
Creados tres órganos galegos de
cooperación
O Consello da Xunta aprobou un decreto
no que se regula a creación de tres órganos de coordinación e asesoramento en materia de cooperación
ao desenvolvemento e un rexistro dos axentes de cooperación que contribuirán a unha mellor xestión
dos recursos destinados por Galicia aos países mais desfavorecidos. Polo tanto, a Comunidade terá
comisións interterritorial e interdepartamental, e un Consello Galego de Cooperación para o Desenvolvemento,
con funcións de asesoramento e coordinación nos diferentes niveis. (Fonte: El Correo Gallego).
Turismo
Promoción das Rías Baixas
nas feiras internacionais
O organismo Turismo Rías Baixas,
pertencente á Deputación de Pontevedra, estivo presente no 2004 en diversas feiras internacionais,
destacando principalmente nas de Londres e Xénova. Para o primeiro trimestre do próximo ano, se espera
participe en concursos a celebrarse en Lisboa, Milán, Berlín e París. (Fonte: El Correo Gallego).
|
| 29/12/2004 |
|
Acción Exterior
Baiona, capital galega de América
Latina
Trala presentación pública,
co respaldo do presidente Manuel Fraga, do Libro Branco de Acción Exterior de Galicia, o director do Instituto
Galego de Análise e Documentación Internacional, Xulio Ríos, propuso a creación en
Baiona dun Foro Iberoamericano que permita recoñecer o papel de Galicia no encontro dos dous Mundos, o cal
lle daría a Baiona un interesante compoñente cultural e institucional. Segundo Ríos, esta
iniciativa vense manifestando desde 1996 e permitiría a creación dun centro de estudos de América
Latina, que posibilite a organización de seminarios e encontros entre personalidades de ambos continentes,
como o previsto Seminario Iberoamericano de Formación Parlamentaria, que traería a Baiona a deputados
e senadores de 19 países latinoamericanos.
(Fonte: Faro de Vigo).
Pesca
Angola coloca trabas á pesca galega
O goberno de Luanda pretende forzar a
empresas galegas e españolas a realizar investimentos no país africano mediante a fórmula
de sociedades mixtas que garante a maioría das accións ao Estado angolano. O país africano
rompeu negociacións coa UE por non ter interese en perpetuar un acordo comercial que permitiría faenar
nas súas augas a varios buques marisqueiros, atuneiros, palangreiros e arrastreiros con base en Galicia
ou ben de capital galego. (Fonte: La Voz
de Galicia).
Unión Europea-Economía
Bruxelas moderniza o comercio pontevedrés
O Fondo Social Europeo aprobou o programa
Mercurio para a modernización do comercio na provincia de Pontevedra, cun investimento valorado en 1,8 millóns
de euros, e cun prazo de realización de dous anos. No programa participan tamén o Concello pontevedrés,
Caixanova, a CEP, a Asociación de Mulleres Empresarias de Pontevedra, e as cámaras de comercio de
Vigo, Pontevedra, Vilagarcía e Tui.
(Fonte: La Voz de Galicia).
Abandono do obxectivo 1 da UE
Segundo o catedrático de Economía
Aplicada da Universidade de Vigo, Xosé Luis Outes, no 2005, a provincia de Pontevedra terá como principal
reto abandoar os indicadores que a convirtan en obxectivo 1 da Unión Europea. A proposta forma parte do
Plan Estratéxico Provincial 2010 liderado pola Deputación destinado á modernización
e o desenvolvemento da provincia. (Fonte:
Faro de Vigo).
Cooperación
“O Eterno Feminino” en Cee
O concello de Cee inaugurou a exposición
fotográfica “O Eterno Feminino”, cedida polo Fondo Galego de Cooperación e Solidariedade ao CIM e
o departamento de Servizos Sociais do concello.
(Fonte: El Correo Gallego).
Sociedade
Galegos no cine estadounidense
A película “Darkness”, da empresa
Filmax do productor galego Julio Fernández, dirixida por Jaume Balagueró, fixo o seu estreo en 1.700
salas de EEUU, cunha recadación inicial de seis millóns de dólares. O filme, que ten como
protagonista á actriz galega Anna Paquín, ademais de actores como Lena Olin, Iain Glen, Fele Martínez
e Fermí Reixach, ubicouse no sexto lugar do ránking de taquilla de estreos. (Fonte: El Correo Gallego).
|
| 28/12/2004 |
|
Sociedade
A USC chega á Antártida
Tres doutores e un catedrático
da USC partiron á rexión da Antártida para colaborar no estudo da vida mariña nesas
augas. A expedición percorrerá 13.000 km entre a Península Ibérica e as illas Livingstone
e Decepción e vivirán na base científica Juan Carlos I e Gabriel de Castilla durante dous
meses con temperaturas entre os 0,5 e os –0,5 graos que poderían chegar aos –50º. (Fonte: El Correo Gallego).
|
| 27/12/2004 |
|
Portugal
Cooperación no voluntariado luso-galaico
O proxecto comunitario Provolgapor, liderado
pola Dirección Xeral de Voluntariado para a promoción da cultura solidaria nos territorios fronteirizos
de Galicia e o norte de Portugal, finaliza o 31 de decembro, trala apertura de 16 oficinas de voluntariado nas
que traballaron 18 técnicos. (Fonte:
El Correo Gallego).
Sociedade
Medra a adopción de nenos estranxeiros
Galicia está experimentando un
claro crecemento na adopción de nenos estranxeiros. Segundo a directora xeral de Familia, Teresa Rey, ata
principios de decembro, recibíronse 199 preasignacións por parte dos países de orixe dos nenos
e tramitáronse un total de 334 adopcións. Os principais países de orixe son China, Etiopía,
Rusia, Colombia e Bulgaria. (Fonte: Faro
de Vigo).
|
| 26/12/2004 |
|
Solidariedade
Pontenadal para os necesitados do Sur
A ONG pontevedresa Solidariedade Internacional
iniciou unha feira artesanal de Nadal con productos dunha ducia de cooperativas e organizacións baixo a
modalidade de prezo xusto, destinada ás axudas aos mais necesitados de África, América Latina
e Asia. Os beneficios investiránse na formación de mulleres indíxenas na poboación
de Nebaj, en Guatemala. (Fonte: El Correo
Gallego).
Ambiente
A ría Muros-Noia coma reserva
da biósfera
A Fundación Germán Estévez
para a Protección da Natureza e a Defensa do Medio Ambiente, remitiu un informe á Unesco para solicitar
a declaración da ría Muros-Noia coma reserva da biósfera, debido á diversidade da fauna,
flora, cultura, os valores naturais e ecolóxicos.
(Fonte: El Correo Gallego).
Unión Europea-Marítima
Interese en Bruxelas polo acordo sobre
Izar
O ministro de Economía, Pedro Solbes,
e a comisaria de Competencia da UE, Neelie Kroes, iniciaron un cruce de cartas relativas aos acordos dos sindicatos
e a Sociedade Estatal de Participacións Industriais, SEPI, con respecto á reestructuración
do naval público Izar. No acordo marco decidiuse a segregación dos centros militares e a prexubilación
de 1.400 traballadores galegos. (Fonte:
El Correo Gallego).
Unión Europea-Marítima
Proxecto europeo para Portos de Galicia
Bruxelas elixiu ao ente público
galego para a coordinación e dirección dun proxecto de autoestradas do mar no arco Atlántico
e no marco do programa Interreg III-B, que ten como finalidade a análise dos problemas da conexión
de navegación de curta distancia e as autoestradas do mar. O proxecto conta cun valor estimado de 1,8 millóns
de euros e nel participan as autoridades portuarias de Xixón, Algeciras, Sines, Douro e Leixoes (Portugal),
La Rochelle (Francia) e Cork (Irlanda).
(Fonte: La Voz de Galicia).
Economía
Recoñecemento exterior para as
caixas galegas
A axencia internacional de calificación
de risco Fitch alabou a solvencia de Caixa Galicia e Caixanova, catalogando a súa rendabilidade e perspectivas
como “estabéis”, con “sólidos beneficios e boa calidade de activos”. Caixanova anunciou un plan de
expansión fora de Galicia para o período 2005-2008.
(Fonte: El Correo Gallego).
|
| 24/12/2004 |
|
Unión Europea-Pesca
Galicia respira coas novas cuotas pesqueiras
Os armadores galegos terán no 2005
as mesmas cuotas pesqueiras deste ano, trala xuntanza mantida polo consello de ministros de Pesca da UE. A diferencia
neste último curso anual será a finalización das axudas que durante anos Bruxelas enviou á
nosa Comunidade para a renovación da frota marítima. A consellería de Pesca recibiu mais de
300 solicitudes de renovación de embarcacións, o que equivale a un investimento de mais de 76 millóns
de euros. (Fonte: La Voz de Galicia).
Economía
Masivo desembarco de Toyota en Vigo
A multinacional nipona enviará
25.000 vehículos ao porto de Vigo a partir do 2005, tralo acordo realizado coa Autoridade Portuaria. Vigo
espera para o próximo ano un tráfico de mercancías polo peirao de Bouzas calculado en 4,5
millóns de toneladas. (Fonte: La
Voz de Galicia).
Inmigración
O Nadal da comunidade islámica
galega
En Galicia residen legalmente uns 3.000
musulmáns, maiormente procedentes de Marrocos, Senegal, Túnez e Alxeria, polo que as festividades
do Nadal celebráronse en localidades como a Asociación Mesquita Aboubaker de Arteixo, unha das mais
importantes da comunidade musulmana galega. A comunidade maghrebí e musulmana afirmou que o efecto pernicioso
cara a súa colectividade tralo 11-M foi superado en Galicia.
(Fonte: El Correo Gallego).
Infraestructuras
A conexión vial entre Galicia
e Europa
O Plan Estratéxico de Infraestructuras
do Transporte, no que se inclúen actuacións do Plan Galicia, valorado en case 250.000 millóns
de euros e que ten no horizonte o ano 2020, foi presentado ao goberno de Zapatero pola ministra de Fomento Magdalena
Álvarez. No plan se enfatiza a necesidade de conectar a Galicia coas principais redes europeas de transporte,
especialmente en materia ferroviaria. (Fonte:
El Correo Gallego).
Cultura
Un galego seleccionado nun premio europeo
de novela
A III edición do Premio Novela
Europea Casino de Compostela incluiu as obras “Tristano Muerte”, do italiano Tabucchi; “Juntos nada más”
da tamén italiana Anna Gavalda; “La expulsión del infierno” do francés Robert Menasse; “La
historia de Lucy Gault” do inglés William Trevor; “El camino de los ingleses” do español Antonio
Soler e a obra “Era por setembro” do galego Xavier Quiroga.
(Fonte: El Correo Gallego).
|
| 23/12/2004 |
|
Inmigración
A integración laboral dos inmigrantes
O I Foro Galego de Inmigración
e Xénero realizado en Santiago co apoio das consellerías de Emigración e Familia e organizado
pola asociación Forin para a integración de mulleres inmigrantes, enfatizou a necesidade de ofrecer
maiores contratos laborais e formación especializada a todos aqueles inmigrantes e mulleres que ingresen
no mercado laboral. O foro contou coa participación de representantes de 14 nacionalidades. (Fonte: El Correo Gallego).
Diáspora
Aumenta o orzamento para galegos retornados
A Consellería de Emigración
contará no orzamento do 2005 cun importe de 450.000 euros, un 37% máis en comparación co 2004,
para o programa de axudas extraordinarias a emigrantes galegos retornados. (Fonte: El Correo Gallego).
Unión Europea-Pesca
Galicia beneficiada por novas cuotas
europeas
O último Consello de Ministros
da Comisión Europea do presente ano en Bruxelas foi beneficioso para Galicia, na distribución das
novas cuotas pesqueiras en atún, rape, patudo, merluza, galo, peixe espada, bacaladilla e gallineta. Ademais,
a frota galega conserva os 22 días de faena nos caladoiros das augas do Cantábrico e Portugal. Neste
Consello participaron o conselleiro de Pesca, Enrique López Veiga e os diversos armadores galegos, quen
manifestaron a súa satisfacción pola “simpatía” da Comisión Europea cara Galicia. (Fonte: El Correo Gallego).
Pesca
Zapatero destaca participación
galega en Bruxelas
O presidente José Luis Rodríguez
Zapatero felicitou ao presidente Manuel Fraga pola participación do conselleiro de Pesca, Enrique López
Veiga, no Consello de Ministros da UE, o que calificou como o cumprimento dunha vella demanda de Fraga para asentar
a Galicia no contexto decisorio comunitario.
(Fonte: La Voz de Galicia).
Jealsa-Rianxeira comprou a principal conserveira
chilena
A empresa conserveira de Boiro pechou
a mediados de decembro a compra de Transantartic, a división que a compañía chilena Robinson
Crusoe, líder no mercado austral en peixes e mariscos, reserva para o sector das conservas. Deste xeito,
o grupo galego presidido por Jesús Alonso Fernández avanza na súa política de expansión
e consolidación en América Latina.
(Fonte: La Voz de Galicia).
|
| 22/12/2004 |
|
Unión Europea-Pesca
López Veiga representa a Galicia
en Bruxelas
Por primeira vez, un representante galego
asiste xunto á delegación española, a unha xuntanza do Consello de ministros da UE. O conselleiro
de Pesca, Enrique López Veiga, acompañou á ministra española, Elena Espinosa, na discusión
das medidas europeas relativas ás cuotas pesqueiras no 2005, a pesca de arrastre, as capturas de cigala
e merluza, e a situación da pesca nas augas da NAFO, onde se dirimen os intereses pesqueiros de España,
Francia, Bélxica, Reino Unido e os países bálticos. López Veiga cualificou de “positiva”
a asistencia ao cumio europeo. (Fonte: El
Correo Gallego).
Liberan de obrigas á frota galega
No Consello de ministros de Pesca da UE,
anuláronse algúns dos aspectos mais restrictivos que afectaban á frota galega, tales como
a súa liberación na obriga de reducir a súa actividade en dous días máis ao
mes. Outra das medidas foi a derogación das cinco vedas da cigala, que ameazaba con entorpecer a actividade
dos buques arrastreiros. (Fonte: La Voz
de Galicia).
Unión Europea-Educación
Sar-Barbanza concursará en proxecto
europeo
O proxecto de atención infantil
da comarca de Sar-Barbanza, realizado pola Agrupación Deloa-Equal, pertencente á Fundación
Paideia, foi elixido xunto a outros tres proxectos europeos, para participar nun seminario en Varsovia sobre a
difusión de iniciativas exitosas que poderían aplicarse en países de Europa do Leste. O proxecto
de Deloa concursará con un irlandés, outro grego e outro holandés. (Fonte: El Correo Gallego).
Unión Europea-Cooperación
Proxecto ambiental europeo para a Costa
da Morte
No marco do programa europeo Interreg,
o proxecto Turmas para a recuperación do patrimonio ambiental, recibirá un financiamento de 1.900.000
euros de Bruxelas. Neste proxecto están integrados os 21 concellos da Costa da Morte e Barbanza, ademais
dos socios portugueses de Interreg III, as cámaras municipais de Caminha, Esposende e Viana do Castelo. (Fonte: El Correo Gallego).
Unión Europea-Ambiente
Galicia líder europeo en programa
forestal
Co proxecto forestal Silvanus, financiado
polo Fondo Social Europeo, Galicia convírtese en pioneiro en Europa dun proxecto tecnolóxico que
permitirá coñecer datos do tempo real nos montes, os recursos dispoñíbeis para a explotación,
o diñeiro a obter pola venda de materia prima, etc. A web do proxecto foi utilizada por 15.000 propietarios
forestais españois nos derradeiros dez meses.
(Fonte: La Voz de Galicia).
Economía
Claroscuros económicos para Vigo
A empresa internacional de avaliación
de risco, Fitch Rating, prognostiocou un período de estabilidade económica para a cidade olívica,
polo seu “bon comportamento orzamental”. Nembargantes, esta auditora detectou algunhas debilidades como a “forte
presión sobre os investimentos en infraestructuras derivada da falta de consenso político” e a “excesiva
concentración do emprego cara o sector automobilístico”. A súa cualificación ubícase
similar a Madrid e A Coruña e un pouco por debaixo de Bilbao e Barcelona. (Fonte: La Voz de Galicia).
Turismo
Bolsas para promocionar Galicia no estranxeiro
A USC abriu un período ata xaneiro
de 2005, para a recepción das solicitudes de bolsas de formación para expertos en mercados emisores
nas oficinas de promoción turística galega en Frankfurt, Milán, Londres e Bos Aires. (Fonte: El Correo Gallego).
Sociedade
Galicia impresiona á Volvo Ocean
O director de regatas da Volvo Ocean Race,
Jeremy Troughton, realizou unha viaxe desde Sanxenxo ata Vigo, para inspeccionar a ruta de partida da regata que
comezará en novembro de 2005. Troughton amosouse impresionado e gratamente sorprendido pola súa primeira
visita a Galicia. (Fonte: El Correo Gallego).
|
| 21/12/2004 |
|
Unión Europea-Infraestructuras
A prioridade de cumprir con Bruxelas
Ante a adxudicación, con voto condicionado,
do porto exterior coruñés á Unión Temporal de Empresas, encabezada por Dragados, o
ministerio de Fomento explicou da necesidade do cumprimento das obrigas financieiras coa Unión Europea.
Segundo fontes ministeriais, o proxecto do porto exterior coruñés “non cumple” coas esixencias da
Comisión Europea de Política Rexional, que pedirá unha reprogramación das anualidades
deste proxecto para acceder legalmente aos fondos comunitarios.
(Fonte: El Correo Gallego).
Unión Europea-Constitución
O PP alenta o SI
No marco do cumio en Santiago do Partido
Popular sobre a Constitución europea, a dirixencia do partido acusou ao goberno de Zapatero de “non facer
nada” para activar o voto afirmativo cara o referendo sobre a aprobación ou non da Carta Magna europea,
previsto para febreiro de 2005, e de cometer “unha tropelía” co Plan Galicia. O presidente do PP, Mariano
Rajoy, a cúpula do partido e o presidente da Xunta, Manuel Fraga, asinaron a Declaración de Santiago
onde se pronuncian sobre “o futuro de España en Europa” e o compromiso nunha campaña a favor do Si
á Constitución europea. (Fonte:
El Correo Gallego).
Unión Europea-Fondos Estructurais
Axudas europeas alén do 2007
A xuntanza en Bruxelas entre a conselleira
de Asuntos Sociais, Belén Prado, e o comisario europeo de Emprego e Asuntos Sociais, Vladimir Spidla, permitiu
concretar o mantemento dos 350 millóns de euros que recibe Galicia en concepto de fondos estructurais, alén
do ano 2007, coa finalidade de acadar a converxencia con Europa e o pleno emprego para o 2010. Spidla explicou
que os fondos que Galicia poida perder serán “en torno ao 10% segundo a proposta de Bruxelas” e serán
contrarrestados con novos mecanismos. (Fonte:
El Correo Gallego).
Unión Europea-Agricultura
Proxecto Equal para o agro galego
Con financiamento do Fondo Social Europeo
e realizado pola Axencia Galega de Desenvolvemento Rural, Agader, ademais de varias organizacións agrarias,
o proxecto Equal permitiu a participación de 5.000 persoas vencelladas aos programas e estudos desenvolvidos
durante todo o ano, promovendo mais de 150 actividades de formación e información, ás que
asistiron 2.000 persoas, ademais do asesoramento de vinte proxectos de creación de empresas. (Fonte: La Voz de Galicia).
Unión Europea-Pesca
Piden reduccións pesqueiras inferiores
ao 15%
Os armadores europeos, nos que se atopaban
o vigués José Ramón Fuertes en calidade de representante de Cogeca (Comité Xeral de
Cooperativas do Mar de Europa) e o presidente de Europêche, Niels Wishcman, pediron ao ministro de Pesca
holandés e presidente do Consello de Ministros de Pesca da UE, Cees Veerman, unha reducción nas capturas
pesqueiras inferior ao 15%, previo á realización do consello de fin de ano dos ministros de Pesca
da UE, no que participará o conselleiro galego Enrique López Veiga, e onde se discutirán os
Totais Admisíbeis de Capturas e as cuotas pesqueiras para o 2005.
(Fonte: Faro de Vigo).
Unión Europea-Marítima
Bruxelas esixe tramitación dos
acordos de Izar
A comisaria europea de Competencia, Neelie
Kroes, esixiu ao ministro de Economía Pedro Solbes, unha resposta por escrito dos termos do acordo sobre
o futuro do grupo asteleiro Izar. No que respecta ás factorías de Fene e Ferrol, atribuidas ao sector
militar, se prevé a construcción de dúas fragatas tipo F-100. (Fonte: El Correo Gallego).
Marítima
Australia impide retorno de mariñeiros
galegos
O Tribunal Supremo do Estado de Australia
Occidental rexeitou unha petición para que os tres mariñeiros galegos do pesqueiro Viarsa I, retido
neste país acusado de pesca ilegal, poidan retornar ás súas casas polo Nadal á espera
dunha data para o xuízo. O primeiro foi anulado en novembro por considerar que non había unha sentenza
unánime. (Fonte: La Voz de Galicia).
Solidariedade
Fashion por Bangladesh
O Hostal dos Reis Católicos de
Santiago foi o escenario do desfile da deseñadora Bibi Russell, coa presentación dunha colección
de moda tradicional realizada por mulleres artesanas de Bangladesh, no marco do programa Fashion for Development.
O obxectivo foi axudar ás aldeas deste país asiático, azoutado polas inundacións. (Fonte: El Correo Gallego).
Cultura
Sensualidade árabe en Galicia
Tralo éxito en Bruxelas, o espectáculo
“Ghazal: música en liberdade”, ambientado na historia das Mil e unha noites, foi presentado pola Fundación
Araguaney coa actuación da cantante tunecina Ghalia Benali, a percusionista sirio-exipcia Sabrine, e a bailarina
franco-húngara Myrima Szabo. O espectáculo contou coa participación do gaiteiro Xosé
Manuel Budiño, e tivo como finalidade, en palabras do presidente da Fundación, Ghabel Jaber Ibrahim,
“a creación dunha ponte entre o mundo oriental e Europa”.
(Fonte: El Correo Gallego).
|
| 20/12/2004 |
|
Unión Europea-Constitución
Os nacionalistas piden outra Constitución
Europea
Segundo Encarna Otero, integrante da dirección
do BNG, o seu partido pide outra Constitución europea que aposte por unha Europa social, e vaticinou que
moitos galegos non votarán a favor no referendo de febreiro. Pola súa banda, o Partido Galeguista
apostou polo “sí” na convocatoria refrendaria, a pesar de recoñecer que o texto atópase “á
marxe” das “realidades e dereitos históricos dun amplo número de pobos europeos”. (Fonte: El Correo Gallego).
Diáspora
Homenaxe a Blanco Amor na Arxentina
Un homenaxe á memoria do escritor
ourensán Eduardo Blanco Amor (1897-1979) foi organizado pola Consellería de Emigración no
Centro Galego de Bos Aires, con motivo do seu 25 cabodano. O acto enfatizou os vencellos do escritor coa diáspora,
moi particularmente coa capital arxentina, onde viviu durante medio século. (Fonte: El Correo Gallego).
|
| 19/12/2004 |
|
Diáspora
A Coruña e Pontevedra, principais
destinos dos inmigrantes
Segundo un informe sobre inmigración
da Consellería de Emigración, as provincias de A Coruña e Pontevedra son os destinos mais
escollidos polos inmigrantes e emigrantes retornados e os seus descendentes, especialmente os provenientes da Arxentina
e Venezuela. Do mesmo xeito, o carácter xeracional desta inmigración, ubicada entre os 20 e os 44
anos, e o seu alto nivel de formación educativa, compensan a caída demográfica de Galicia
e diferenciase do nivel educativo dos retornados, ubicado principalmente en estudios primarios. (Fonte: El Correo Gallego).
Touriño augura o “fin do monopolio”
nas relacións cos emigrantes
No marco da súa visita a Arxentina
e Uruguai, o secretario xeral e candidato á presidencia da Xunta polo PSOE, Emilio Pérez Touriño,
advertiu ao PPdG do “fin do seu monopolio” nas relacións cos emigrantes e acusou ao presidente Manuel Fraga
de quedar “ancorado no pasado” e de gobernar en función de intereses electorais. (Fonte: El Correo Gallego).
Galegos de Suíza retornarán
no 2007
A maioría dos case 35.000 galegos
que superan os 50 anos, e que traballan e residen no país helvético, retornarán a Galicia
no 2007, pola entrada en vigor dunha disposición legal en materia de inmigración, froito de acordos
bilaterais entre a Confederación Helvética e a Unión Europea, e que obriga a capitalizar as
aportacións privadas ao sistema de pensións.
(Fonte: La Voz de Galicia).
Inmigración
Un 60% dos inmigrantes non teñen
traballo continuado
Unha mesa redonda sobre a inmigración,
organizada polo PPdG, a Fundación Cáritas, a Fundación Araguaney, a Asociación de Amas
de Casa, o programa Amigas da Infancia de Unicef e a Cruz Vermella Emigración, concluiu que o 60% dos inmigrantes
residentes na nosa Comunidade non teñen traballo continuado e un 40% obteñen os seus productos de
consumo nos servizos sociais. (Fonte: La
Voz de Galicia).
|
| 18/12/2004 |
|
Unión Europea-Marítima
Bruxelas da “luz verde” ao porto exterior
coruñés
Tras mes e medio de paralización
das negociacións, a Unión Europea remitiu ao ministro de Economía, Pedro Solbes, a súa
disposición para financiar parte da infraestructura do porto exterior de Punta Langosteira, un total de
279 millóns de euros. O consello de administración da Autoridade Portuaria de A Coruña realizou
unha xuntanza especial para proceder á adxudicación do porto exterior. (Fonte: El Correo Gallego).
Preocupación europea ante o peche
do asteleiro de Fene
O voceiro de Competencia da UE, Jonathan
Tood, afirmou a súa preocupación por non acordarse unha data de peche do asteleiro de Fene e a existencia
da rama militar en máis asteleiros dos previstos na reconversión iniciada pola empresa Izar. Bruxelas
criticou o plan de Izar por paralizar o peche de Fene.
(Fonte: El Correo Gallego e La Voz de Galicia).
Unión Europea-Constitución
Apoio decidido á Carta Magna europea
O Tratado Constitucional da Unión
Europea foi ben valorado nunha conferencia da Asociación Galega de Estudios Europeos, na que participaron
expertos constitucionais e o subdirector xeral da Xunta nas Relacións coa UE, Manuel José Morán
García. Os analistas coincidiron na importancia que o texto aplica á dimensión rexional da
UE, que outorga ao Comité das Rexións a capacidade de interpoñer recursos ante o Tribunal
de Xustiza cando considere que non se respecta o principio de subsidiariedade. (Fonte: El Correo Gallego).
No BNG, “non” abrumador á Constitución
europea
O Consello nacional da formación
nacionalista aprobou nun 86%, o seu rexeitamento ao referendo sobre a Constitución europea de febreiro do
2005, ratificada por un 68% dos seus militantes. O documento oficial explica que o Bng “está a favor de
Europa” pero que non apoian esta Carta Magna, tal e como está redactada. Pola súa banda, Esquerda
Nacionalista e o ex eurodeputado Camilo Nogueira apoian o voto afirmativo. (Fonte: El Correo Gallego).
Unión Europea-Cooperación
O Plan Deloa recibe fondos europeos
Os concellos de Ribeira, Rianxo, Rois
e Padrón, incluidos no Plan Deloa, recibiron do Fondo Social Europeo unha subvención dun millón
e medio de euros para a xestión do programa Equal-II, que dará continuidade ao primeiro proxecto
de formación de persoas desempregadas e a eliminación das desigualdades sociais. (Fonte: El Correo Gallego).
Portugal
Proxecto luso-galaicio para os desfavorecidos
A creación dun centro de atención
integral para minusválidos, no edificio “Camiño do Miño”, Cami, é un proxecto para
atender aos colectivos desfavorecidos patrocinado polo Concello vigués en forma conxunta cos de Vilanova
de Gaia e Melgaço, no norte de Portugal. O obxectivo é a posta en marcha de rutas turísticas
e outras actividades solidarias. (Fonte:
La Voz de Galicia).
Acción exterior
Libro Branco da Acción exterior
de Galicia
A presentación do Libro Branco
da Acción exterior de Galicia culmina dous anos de reflexión e debate no seo da sociedade galega
para definir unha estratexia que poida ser compartida por todos os actores sociais. Segundo Xulio Ríos,
coordinador do Libro, Galicia necesita un impulso exterior que necesita asentarse no desenvolvemento das nosas
singularidades e nunha alianza cívica que explicite a comprensión da importancia de estarmos fora,
no mundo. Manuel Fraga destacou o carácter pioneiro desta iniciativa. (Fonte: El Correo Gallego).
Solidariedade
Axuda aos refuxiados do Sáhara
Voluntarios da ONG Solidariedade Internacional
habilitaron a estación viguesa de Renfe para vender billetes ficticios de solidariedade cos refuxiados saharauis
dos campamentos de Tinduf, en Arxelia. A recaudación irá destinada á compra de 1.080 camas. (Fonte: La Voz de Galicia).
|
| 17/12/2004 |
|
Unión Europea-Pesca
Polémica cuota pesqueira no Cantábrico
A proposta da Comisión Europea,
por parte do comisario Joe Borg, dun incremento en 0,3% nas capturas de merluza no caladoiro do mar Cantábrico,
provocou as queixas dos armadores galegos. O stock deste caladoiro atópase ao borde do colapso e Bruxelas
suxire crear cinco áreas de veda no Cantábrico e o océano Atlántico para recupera-la
pesquería da cigala. Nembargantes, os armadores están traballando co goberno estatal e a Xunta nun
programa de recuperación da cigala e a merluza.
(Fonte: La Voz de Galicia).
Agamar e a pesca artesanal mundial
A Asociación Galega de Mariscadores,
Agamar, será a representante europea no Comité de Coordinación do Fórum Mundial da
Pesca Artesanal, en Kisumu, Quenia. Neste encontro onde se debate o desenvolvemento da pesca artesanal, participarán
países como Francia, India, Canadá, Honduras, Quenia, Mauritania e Suráfrica. (Fonte: La Voz de Galicia).
Unión Europea-Fondos de Cohesión
Desbloqueo aos fondos europeos para o
Porto Exterior
O secretario xeral de Organización
do PSOE, José Blanco, garantiu que Bruxelas concederá os fondos para a construcción do Porto
Exterior en Punta Langosteira (Arteixo), trala comunicación enviada dende a capital europea ao ministro
de Economía, Pedro Solbes. (Fonte:
El Correo Gallego).
Diáspora
Touriño e Tabaré reúnense
en Montevideo
O secretario xeral do PSdG, Emilio Pérez
Touriño, reuníuse co presidente electo uruguaio Tabaré Vázquez, coa finalidade de estudiar
un acordo sanitario que beneficie á emigración neste país e a posibilidade de respaldar iniciativas
empresariais. Touriño tamén afirmou o beneficio que a Constitución europea traerá aos
países iberoamericanos e aos membros do Mercosur, no que se atopan Uruguai e Arxentina. (Fonte: El Correo Gallego).
Solidariedade
Mercadillo solidario con Bolivia
A Asociación Recreativa Cultural
Pepa a Loba de Muros organizou un mercadillo artesanal solidario coa finalidade de adquirir menciñas para
os habitantes da cidade boliviana de Yura-Potosí. O sacerdote-misioneiro Francisco Dubert será o
encargado de levar a recaudación á poboación do país andino. (Fonte: El Correo Gallego).
Cooperación
Ecuador busca fondos en Carballo
O alcalde da localidade ecuatoriana de
Esmeralda, Ernesto Estupiñán, visitou ao seu homólogo de Carballo, Evencio Ferrero, para a
consecución de fondos para construir alcantarillado, subministro de auga e recollida de basura no seu concello,
ademais dun intercambio cultural e a posibilidade dun irmanamento. O contacto fíxose gracias á ONG
Anishe. (Fonte: El Correo Gallego).
|
| 16/12/2004 |
|
Diáspora
Abrir o Senado á emigración
Ante o pleno do IV Mandato do Consello
Xeral da Emigración, o secretario xeral de organización do PSOE, José Blanco, e a secretaria
executiva de Política Social do PP, Ana Pastor, coincidiron na necesidade de otorgar aos emigrantes españois
presencia parlamentaria no Senado, previa reforma constitucional.
(Fonte: El Correo Gallego).
Touriño avoga pola asociación
empresarial na diáspora
No marco da súa visita a Uruguai,
o secretario xeral do PSdG, Emilio Pérez Touriño, propuso en Montevideo nunha xuntanza coa asociación
de empresarios galegos, a creación dunha rede galega de cooperación exterior para promover o estabelecemento
de convenios de colaboración entre as asociacións de empresarios galegos no país suramericano.
Entre os temas que abordaría esta rede, ademais do emprego, a pesca e o turismo, estaría tamén
a rehabilitación de cascos históricos.
(Fonte: El Correo Gallego).
Luar na Lubre coa diáspora
Apenas regresando da súa xira por
América Latina, onde visitou Uruguai, Arxentina e Venezuela, Luar Na Lubre informou que o seu próximo
disco estará vencellado coa emigración, centrado na poesía do emigrante galego. (Fonte: La Voz de Galicia).
Unión Europea-Fondos
Galicia manterá axudas europeas
O goberno estatal asegurou que a Comunidade
manterá os fondos europeos estimados en 5.000 millóns de euros, para o período orzamental
2007-2013, segundo manifestou en Santiago o secretario de Estado para a Unión Europea, Alberto Navarro no
marco da xuntanza de traballo da Comisión para Asuntos Europeos, no Parlamento galego. (Fonte: La Voz de Galicia).
Unión Europea-Pesca
Frente común contra políticas
de Bruxelas
Galicia, País Vasco, Asturias e
Cantabria conformaron un frente común contra as polémicas propostas europeas de recuperación
dos stocks de cigala e merluza no caladoiro Cantábrico noroeste, así como os recortes doutras especies.
España, Portugal e Francia resultaron ser os países mais afectados polas restrictivas medidas auspiciadas
dende Bruxelas, polo que articularon posicións para facer fronte ás negociacións no Consello
de Pesca da UE onde se fixarán cuotas de captura para o 2005.
(Fonte: La Voz de Galicia).
Inmigración
Cáritas Interparroquial denuncia
explotación laboral
Segundo esta ONG, en Santiago existe un
alto porcentaxe de inmigrantes explotados por empresarios que saben que non serán denunciados. A maioría
destos inmigrantes proveñen de países como Colombia, Ecuador, Uruguai, Arxentina, Chile, México,
Panamá, Rusia, Ucraína, Bulgaria, Marrocos, países subsaharianos e Senegal. (Fonte: El Correo Gallego).
Turismo
As Rías Baixas como destino turístico
mundial
A empresa Quator presentou oito prioridades
ante o Padroado de Turismo Rías Baixas, dependente da Deputación de Pontevedra, para que nun prazo
de tres anos convértase en destino turístico mundial. Entre as prioridades sinalase a creación
dunha imaxe corporativa, a participación en feiras internacionais, a mellora na sinalización vial
e a implicación dos concellos no proxecto.
(Fonte: El Correo Gallego).
Dende Santiago e a baixo custe
A partir da próxima primavera,
as compañías aéreas Ryanair (irlandesa) e EasyJet (británica) operarán dende
o aeroporto de Labacolla en voos a baixo custe, unha demanda formulada hai xa dous anos. A capital galega espera
recuperar a presenza perdida fronte a cidade portuguesa de Porto.
(Fonte: La Voz de Galicia).
Prestige
Non existe constancia de demanda en EEUU
O goberno estatal confirmou a inexistencia
dunha constancia documental do suposto acordo co que anterior goberno do PP presentou unha demanda civil en EEUU
contra a empresa que avalou o estado do buque, a clasificadora American Bureau of Shipping. O Tribunal Supremo
solicitou á administración o expediente tralo recurso de nulidade presentado polos avogados de ABS
que pretende anular a iniciativa legal no país norteamericano.
(Fonte: La Voz de Galicia).
|
| 15/12/2004 |
|
Diáspora
Rede sanitaria para galegos de Suíza
O conselleiro de Emigración, Aurelio
Miras Portugal, destacou que a Xunta conseguiu que os emigrantes galegos en Suíza poidan cotizar no “réxime
especial de autónomos” para asistencia social e sanitaria no caso de retorno, sen que signifique a perda
das súas cotizacións nese país. Miras Portugal afirmou que a problemática dos galegos
emigrados a Suíza é “moi distinto” aos de Iberoamérica. (Fonte: El Correo Gallego).
Os centros galegos como bens de interese
cultural
No marco da súa visita en Arxentina,
o secretario xeral do PSdG, Emilio Pérez Touriño, propuso en Mar del Plata que os centros galegos
con mais de 25 anos sexan declarados “bens de interese cultural” e que se consideren como entidades colaboradoras
da Administración autonómica, para que dispoñan de axudas económicas, sociais, administrativas
e culturais. (Fonte: El Correo Gallego).
Unión Europea-Política
Unha UE con voz propia na escea mundial
A coalición nacionalista Galeusca
reuníuse en Santiago para demandar “un rol cada vez mais relevante dunha Europa que ten que falar cunha
soa voz na escea mundial” e defender o “multilateralismo e o papel da ONU”. Esta petición foi elaborada
pola comisión de Relacións Internacionais e Política Internacional conformada por Carles Llorens
(CDC), Gorka Aguirre (PNV) e Encarna Otero (BNG), quen tamén demandaron ao goberno estatal a resolución
do recoñecemento como circunscrición electoral das “tres nacionalidades sen Estado: Galicia, Euskadi
e Cataluña” para os próximos comicios ao Parlamento europeo. Galeusca non ten unha posición
uniforme cara a Constitución europea.
(Fonte: El Correo Gallego).
Unión Europea-Constitución
Campaña informativa pola Constitución
europea
A Fundación Galicia Europa iniciou
a edición en galego de 3.000 exemplares do Tratado Constitucional da UE, ademais de organizar unha campaña
informativa para a divulgación do seu contido con charlas e seminarios, coa finalidade de “revertir as enquisas”
que revelan o escaso interese que o tema ten na sociedade galega.
(Fonte: El Correo Gallego).
Unión Europea-Pesca
López Veiga irá a Bruxelas
cheo de “razóns e argumentos”
O conselleiro de Pesca Enrique López
Veiga confesou a súa satisfacción pola decisión europea de outorgar unha voz as autonomías
no Consello de Ministros de Pesca en Bruxelas, a afirmou que agora irá á capital europea “cheo de
razóns e argumentos” para discutir o reparto das cuotas pesqueiras. (Fonte: El Correo Gallego).
Un millón de euros para a Axencia
Europea de Pesca
O conselleiro de Pesca, Enrique López
Veiga, anunciou que a Axencia Europea para o Control da Pesca que se ubicará en Vigo disporá dun
orzamento valorado nun millón de euros, cantidade que figura nos orzamentos comunitarios do 2005 aprobados
polo Parlamento Europeo. (Fonte: Faro de
Vigo).
Pesca
Namibia multa a pesqueiro galego
O patrón do palangreiro “Maral”,
Jorge Alonso Martínez, natural de A Guarda, foi multado polas autoridades do país africano coa cantidade
de 43.000 euros, acusado por faenar ilegalmente nas augas de Luderitz. Nembargantes, esta sanción foi a
mais reducida, xa que o patrón corría o risco de pagar sumas mais elevadas e a confiscación
do pesqueiro. (Fonte: La Voz de Galicia).
Cooperación
Amarante e a realidade do Sur
No marco das Xornadas de Achegamento ao
Movemento sen Terra de Brasil, organizada pola ONG Amarante, se presentaron en Santiago dous documentais: “Os sem
terra”, dirixido polo galego Miguel Barros, e un sobre a matanza de ElDorado dos Carajas, coa finalidade de recoller
asinamentos para esixir xustiza ante a derradeira masacre ocurrida no Brasil. (Fonte: El Correo Gallego).
Sociedade
Vigo, sexta cidade hípica europea
Unha enquisa realizada polos mellores
xinetes internacionais outorga á cidade galega o sexto posto como mellor competición hípica
europea do 2004, por debaixo de Xenebra, Göteborg, Londres, Leipzig e Maastricht. (Fonte: La Voz de Galicia).
|
| 14/12/2004 |
|
Unión Europea-Política
Galicia con voz propia en Europa
A partir do 21 de decembro, Galicia fará
historia ao converterse na primeira comunidade autónoma que participará con voz propia no Consello
de Ministros da Unión Europea. O debú galego, que coincide coa negociación das cuotas pesqueiras,
desatou os receos do goberno vasco, quen se considera con maior capacidade para a representación autonómica
en Bruxelas. (Fonte: La Voz de Galicia).
Unión Europea-Pesca
Armadores vigueses pendientes de política
europea
No caso de que Bruxelas realizara a apertura
do mercado dos cupos entre empresas e países comunitarios, unha parte das mais grandes empresas armadoras
viguesas con intereses en terceiros países e non na UE, realizarían investimentos na compra de dereitos
de pesca europeos, tal e como contempla o texto da Nova Política Común de Pesca. (Fonte: La Voz de Galicia).
Portugal
Galicia podería quedar atrás
no AVE europeo
O voceiro do partido nacionalista, Anxo
Quintana, alertou ao goberno Zapatero ante a posibilidade de que Portugal adiante a Galicia na súa conexión
coa rede europea de alta velocidade, ante os vaivéns do goberno estatal a respecto do Plan Galicia. Do mesmo
xeito, as delegacións de goberno de Castela-León, Asturias e Galicia acordaron darlle prioridade
á conexión do noroeste peninsular con Portugal e o resto de Europa no 2008. (Fonte: El Correo Gallego).
Diáspora
Oficina para retornados en Galicia
O secretario xeral do PSdG-PSOE, Emilio
Pérez Touriño, asegurou no barrio bonaerene de Avellaneda, o seu compromiso de inaugurar unha oficina
de atención aos emigrantes retornados en Galicia, no caso de gañar as eleccións autonómicas
do próximo ano. Por outra banda, o Consello de Ministros estatal aprobou o anteproxecto de Estatuto dos
Cidadáns Españois no mundo, para garantir os dereitos e a protección dos emigrantes. (Fonte: El Correo Gallego).
De Cuba para Galicia
Unha exposición con este nome recolle
en Santiago o papel desenvolvido polos galegos emigrados a Cuba na educación de varias xeracións
de mozos e mozas de tantas comarcas galegas no primeiro terzo do século XX a través das Sociedades
de Instrucción. (Fonte: La Voz de
Galicia).
Solidariedade
Contra a cegueira no Terceiro Mundo
O Clube dos Leóns de Pontevedra
realizou unha campaña de recollida de gafas usadas que serán enviadas a países coma Albania,
Sri Lanka, Líbano, Mozambique, Mali, Cuba, Perú e Arxentina, para combatir a cegueira. (Fonte: El Correo Gallego).
Cooperación
Axuda europea ás empresas universitarias
O Banco Europeo de Investimentos terá
unha participación no primeiro fondo de capital risco universitario a nivel estatal, I+D Unifondo, plataforma
impulsada orixinalmente pola USC. Representantes da universidade galega reuniranse en Luxemburgo con membros da
entidade financeira europea coa finalidade de ampliar esta plataforma no continente. (Fonte: El Correo Gallego).
Economía
Empresas Möller se amplían
en Ourense
O máximo responsábel do
grupo alemán da automoción, Peter von Möller, reuniuse co presidente Fraga para comunicarlle
os plans de expansión en Galicia, especialmente na factoría de Ourense. A Xunta se comprometeu a
outorgar axudas económicas no centro de producción.
(Fonte: La Voz de Galicia).
|
| 13/12/2004 |
|
Economía
O potencial exportador da alimentación
galega
Segundo un informe da Consellería
de Innovación, o sector alimenticio galego, especialmente as industrias pesqueiras e das conservas, exportou
nos primeiros oito meses do ano mil millóns de euros, converténdose no segundo rubro en importancia
trala automoción e por riba do sector graniteiro. Os principais importadores foron países da UE,
como Italia, Francia e Portugal, e o mercado asiático, principalmente Hong Kong, China e Xapón. Outros
países como México, Arxelia, Croacia, Libia e Ucraína foron tamén destacados importadores
de productos galegos. (Fonte: El Correo
Gallego).
Marítima
Salvados tripulantes do buque galego
encallado no Pacífico
Os 16 tripulantes do palangreiro de A
Guarda “Novo Balueiro Terceiro”, atopáronse vivos e a salvo tralo encallamento a 231 millas de Suva, capital
das Illas Fidji. A tripulación realizaba unha prospección científica de pesca nas augas do
Pacífico. (Fonte: Faro de Vigo).
Diáspora
Touriño presenta o Estatuto dos
emigrantes na Arxentina
O secretario xeral do PSdG-PSOE, Emilio
Pérez Touriño, de xira por Arxentina e Uruguai, presentou en Bos Aires o Estatuto dos Emigrantes
españois, o cal, sinalou, mellorará a coordinación entre as autonomías e o Estado e
os dereitos dos emigrantes. Touriño enfatizou na proposta de facilitar o retorno e a sistematización
dos dereitos e garantías dos emigrantes.
(Fonte: El Correo Gallego).
Inmigración
O idioma e os alumnos estranxeiros
Na provincia de Lugo existe un total de
195 alumnos estranxeiros escolarizados, un terzo da poboación escolar, con problemas co idioma, sexa este
o galego ou o castelán. Na provincia existe unha matrícula de setecentos alumnos estranxeiros, a
maioría de Colombia, Marrocos, Arxentina, República Dominicana, China, Filipinas, Paquistán,
Bosnia e Ucraína, e principalmente ubicados nos niveis de Educación Infantil e Primaria. (Fonte: El Correo Gallego).
Unión Europea-Lingua
Moratinos presenta memorando do galego
na UE
O ministro español de Asuntos Exteriores
e Cooperación, Miguel Ángel Moratinos, entregou en Bruxelas aos representantes da UE a proposta estatal
para a modificación do regulamento lingüístico nas institucións europeas, coa finalidade
de que as linguas cooficiais de España, o euskera, o catalán e o galego, teñan cabida nos
documentos de traballo europeos. (Fonte:
La Voz de Galicia).
Sociedade
Os detectives galegos, os mellores de
Europa
A Universidade de Vigo está a converterse
nun dos principais centros de profesionalización dos detectives, coa implementación dunha diplomatura
de tres anos, harmonizada en toda a UE. Segundo afirmou o afamado detective británico Tony Imossi, durante
o IV Congreso Internacional de Detectives en Baiona, o exemplo español e, concretamente o galego, demostra
ser o mellor de Europa porque “coñecen a lei e a metodoloxía”. (Fonte: La Voz de Galicia).
|
| 12/12/2004 |
|
Unión Europea-Pesca
O BNG contra a proposta de recortes da
Comisión
A formación nacionalista rexeitou
en Vigo os recortes de capturas de 2005, propostos polo comisario de Pesca Joe Borg. Segundo o deputado Bieto Lobeira,
a iniciativa “non recoñece a realidade pesqueira galega” e non está amparada por estudos científicos
e técnicos, polo que propuso unha estratexia galega propia.
(Fonte: El Correo Gallego).
Solidariedade
Bicicletas para as nenas bolivianas
A Dirección Xeral do Voluntariado
donou á asociación ourensá Primeiro de Maio, sete bicicletas e 50 mochilas que serán
outorgadas ás nenas bolivianas da poboación de Yamparaez, no marco do programa Xacovol, para o desprazamento
ás escolas. Do mesmo xeito, está a implementarse un proxecto dun novo laboratorio para un hospital
construído na cidade de Santa Cruz.
(Fonte: El Correo Gallego).
Diáspora
Os mozos e a Galicia Exterior
A Comisión Delegada das Comunidades
Galegas finalizou a súa xuntanza coa presenza do conselleiro de Emigración, Aurelio Miras Portugal.
Nesta ocasión, enfatizouse a necesidade dunha maior implicación dos mozos para garantir a supervivencia
do tecido asociativo das comunidades galegas no exterior. A xuntanza reuniu a 14 representacións dos centros
galegos no mundo. (Fonte: El Correo Gallego).
Touriño aposta pola atención
sanitaria na Arxentina
O secretario xeral do PSdG, Emilio Pérez
Touriño, anunciou en Bos Aires a sinatura en xaneiro próximo dun convenio marco de colaboración
entre España e Arxentina para un programa integral de asistencia a mais de 30.000 emigrantes, os cales poderán
acceder ás pensións, asistencia sanitaria e xeriátrica. Touriño tamén visitará
Uruguai, onde se entrevistará co presidente electo Tabaré Vázquez. (Fonte: El Correo Gallego).
|
| 11/12/2004 |
|
Diáspora
Unha nova aproximación á
Galicia Exterior
O conselleiro de Emigración, Aurelio
Miras Portugal, propuso na xuntanza da comisión delegada do Consello das Comunidades Galegas reunida en
Lisboa, a celebración de encontros coa emigración galega en puntos significativos na historia da
emigración. O primeiro encontro fíxose en Bos Aires e agora tocou o turno á capital lusa. (Fonte: El Correo Gallego).
Unión Europea-Economía
A Pedra Natural Europea
A xuntanza en Vigo dos profesionais europeos
do sector graniteiro permitiu apostar pola creación dun lobby comunitario, así como a creación
da marca Pedra Natural Europea, coa finalidade de unificar o sector fronte á competencia de países
como China, India e Brasil. (Fonte: El Correo
Gallego).
Unión Europea-Pesca
López Veiga, voceiro autonómico
en Bruxelas
Será en xaneiro cando se oficialice
o nomeamento do conselleiro de Pesca, Enrique López Veiga, como representante autonómico do litoral
español nos consellos de ministros da Unión Europea, no referente aos temas pesqueiros. (Fonte: El Correo Gallego).
A negociación as competencias da Axencia
Pesqueira de Vigo
O comisario europeo de Pesca, Joe Borg,
confía que no verán de 2005 quede aprobada a normativa da Axencia Europea para o Control da Pesca,
que se ubicará en Vigo. Os ministros europeos da Pesca deberán pronunciarse sobre as propostas da
Comisión Europea para a nova axencia. En canto á iniciativa da Comisión sobre os recortes
pesqueiros, Borg enfatizou a necesidade de evitar medidas drásticas e avogou por plans mais duradeiros nas
discusións sobre os Totais Admisíbeis de Capturas e as cuotas para o 2005. (Fonte: El Correo Gallego).
Inmigración
Romaneses buscan empadroarse
O colectivo de inmigrantes romaneses de
Negreira acudiu ao Concello para amosar a súa disposición de empadroarse, pero algúns problemas
formais impediron o rexistro. O principal ten que ver coa indicación dun domicilio único de todo
o colectivo, calculado entre 15 e 30 persoas, e diversas acusacións de violacións da orde pública. (Fonte: El Correo Gallego).
|
| 10/12/2004 |
|
Unión Europea-Rexións
Galicia terá participación
nos Consellos de Ministros europeos
Os conselleiros de Pesca, Enrique López
Veiga, e Agricultura, José Antonio Santiso, poderán participar nas deliberacións dos Consellos
de Ministros europeos a partir do 2005, trala aprobación en Bruxelas da inclusión de conselleiros
autonómicos na delegación estatal.
(Fonte: El Correo Gallego).
Unión Europea-Prestige
Bruxelas non imporá penas de prisión
a buques contaminantes
A Comisión Europea anunciou un
acordo para establecer un marco común de sancións penais a buques contaminantes, que elimina a obriga
de impoñer penas de prisión e só contempla multas mínimas de un millón e medio
de euros para os casos mais graves. (Fonte:
El Correo Gallego).
Emigración
Inserción laboral para os retornados
A Fundación Galicia Emigración
e a Consellería de Emigración, desenvolverán nos próximos dous anos un programa de
formación e inserción socio-laboral dirixidos aos colectivos inmigrantes e emigrantes retornados.
O orzamento alcanza o millón de euros e tamén contempla a posibilidade de habilitar microcréditos
para proxectos empresariais viábels.
(Fonte: El Correo Gallego).
|
| 09/12/2004 |
|
Unión Europea-Rexións
Unha galega representante en Bruxelas
Sagrario Pérez Castellanos foi
comisionada polo secretario xeral de Relacións coa UE, Jesús Gamallo, como coordinadora da representación
autonómica en Bruxelas. Este é unha das novedades da reforma na participación das rexións
nos consellos de ministros europeos, xa que anteriormente era nomeado pola administración estatal un diplomático
de carreira para este posto. (Fonte: El
Correo Gallego).
Unión Europea-Fondos estructurais
O PP critica ao goberno por non negociar
os fondos europeos
O eurodeputado do PP, Gerardo Galeote,
criticou a “pasividade” e “falta de estratexia” do ministro de Economía, Pedro Solbes, á hora de
negociar a recepción dos fondos europeos no marco do orzamento 2007-2013. Os “populares” xa anunciaron un
acto público onde presentarán unha estratexia ao goberno Zapatero, e recalcaron a demanda de non
retrasar o acordo alén o 2005. (Fonte:
El Correo Gallego).
Unión Europea-Ambiente
Bruxelas apoia a Rede Natura 2000
A Comisión Europea aumentou en
sete mil os espazos naturais protexidos nas rexións atlántica e continental, como marco do programa
de protección da diversidade biolóxica Rede Natura 2000. Por outra banda, a Mancomunidade Turística
das comarcas ourensás de O Ribeiro e O Carballiño recibirán dous millóns de euros a
través do plan europeo Equal, para a creación de iniciativas empresariais turísticas nestas
localidades. (Fonte: El Correo Gallego).
Turismo
O Ribeiro interesa en EEUU
Unha ducia de profesionais estadounidenses
do sector turístico visitarán a comarca ourensá do Ribeiro para coñecer as súas
bodegas e balnearios, especialmente na comarca de Ribadavia.
(Fonte: El Correo Gallego).
Universidade
Observatorio galego en Rusia
O equipo do centro astronómico
compostelán Ramón García Aller se trasladará ao Special Astrophysical Observatory en
Rusia, para ter acceso a unha mellor tecnoloxía punta para a exploración das áreas da galaxia
inalcanzábeis para o centro astronómico galego. Nun próximo proxecto, o centro poderá
disfrutar dun exame do espazo exterior no Max-Plank-Institut für Astronomie, grazas ao permiso concedido polo
centro hispano-alemán Calar Alto.
(Fonte: El Correo Gallego).
|
| 08/12/2004 |
|
Diáspora
Galicia Saúde cos emigrantes na
Arxentina
A Consellería de Sanidade da Xunta
aportou un millón 800 mil euros á Fundación Galicia Saúde para a asistencia sociosanitaria,
farmacéutica, de hemodonación e drogodependencias, dos emigrantes galegos na Arxentina. (Fonte: El Correo Gallego).
Xuntanza do Consello da Emigración
O Centro Galego da capital lusa, Lisboa,
acollerá unha reunión da comisión delegada do Consello da Emigración que representa
ás comunidades galegas, na que participará o conselleiro de Emigración, Aurelio Miras Portugal,
xunto a representantes de diversas asociacións e comunidades galegas no exterior. (Fonte: El Correo Gallego).
Pesca
Respaldo ao plan de recuperación
da merluza
O conselleiro de Pesca, Enrique López
Veiga, anunciou o respaldo galego ás negociacións que leva a cabo o goberno Zapatero coa Comisión
de Pesca da UE en Bruxelas, para o plan de recuperación da merluza e a cigala. (Fonte: El Correo Gallego).
|
| 07/12/2004 |
|
Unión Europea-Política
A voz galega en Bruxelas
Galicia e Andalucía dispútanse
un dos dous postos da delegación española na Representación Permanente ante a UE, unha proposta
que busca articular a participación das autonomías nas institucións europeas. O secretario
xeral de Relacións coa UE, Jesús Gamallo, xa acordara a representación autonómica nos
consellos de ministros da UE en catro áreas: Emprego, Asuntos Sociais, Sanidade e Consumidores. (Fonte: El Correo Gallego).
Diáspora
O PSOE fai pre-campaña coa emigración
O secretario xeral do PSdG e candidato
á presidencia da Xunta, Emilio Pérez Touriño, comezará unha visita á comunidade
galega de Arxentina e Uruguai, como parte da pre-campaña ás eleccións galegas do 2005. Touriño
tamén se entrevistará co presidente electo uruguaio, Tabaré Vázquez, e o ministro de
Interior arxentino, Aníbal Fernández. Tamén participará en Montevideo nunha xornada
sobre a Constitución europea e os vencellos UE-Mercosur.
(Fonte: El Correo Gallego).
|
| 06/12/2004 |
|
Economía
O desembarco galego en Brasil
Trala celebración do foro Bilateral
Galicia-Brasil, organizado pola Consellería de Emigración e o Instituto Galego de Análise
e Documentación Internacional, Igadi, as expectativas dos empresarios galegos cara o xigante suramericano
aumentan considerablemente. Do mesmo xeito, o papel relevante da diáspora galega en Brasil na vida social
e económica alenta a chegada de novos investidores.
(Fonte: La Voz de Galicia).
Diáspora
Axudas sanitarias para os galegos na
Arxentina
A visita ao país suramericano do
conselleiro de Sanidade, José Manuel González Álvarez, permitiu o asinamento dun programa
de asistencia sanitaria aos galegos emigrantes e os seus descendentes residentes nese país, así como
o compromiso de asistencia en formación de persoal e xestión económica e administrativa do
Centro de Transfusión de Galicia ao Instituto de Hemoterapia de Bos Aires. (Fonte: El Correo Gallego).
Solidariedade
Cooperación galega en Guatemala
O país centroamericano, especialmente
as poboacións indíxenas de Jocotán e Jutiapa no departamento de Jalapa, recibe unha importante
cantidade de fondos da Xunta en proxectos de cooperación, especialmente nas áreas agrícolas,
para o combate da pobreza e a fame. (Fonte:
La Voz de Galicia).
|
| 05/12/2004 |
|
Solidariedade
Deseño galego para Santiago de
Cuba
O vicepresidente cubano, José Ramón
Fernández, agradeceu en La Habana ante o secretario xeral de Relacións coa UE e Cooperación
Exterior, Jesús Gamallo, o apoio da Xunta nos proxectos de implantación de sistemas de calidade e
o plan de revitalización do núcleo histórico de Santiago de Cuba, no que tamén participa
o concello compostelán e o Fondo Galego de Cooperación e Solidariedade. Este proxecto é dirixido
por técnicos galegos cunha aportación de 168.000 euros para a restauración urbanística
da cidade caribeña. (Fonte: El Correo
Gallego).
Marítima
Australia anula o xuízo contra
Viarsa
O pesqueiro galego obtivo da xustiza australiana
a anulación dun xuízo por faenar ilegalmente na zona económica exclusiva dese país,
trala súa detención en agosto pasado, logo dunha intensa persecución de 3.900 millas polo
océano Atlántico.
Diáspora
Galego e Cidadán Baiano
O empresario galego radicado en Brasil,
José Faro Rúa, foi galardonado co título de Cidadán Baiano polas autoridades de Salvador
de Bahía, pola súa traxectoria de case medio século no país suramericano. Faro, de
62 anos e natural de Mondariz, chegou ao Brasil en 1957 e é o propietario da rede de supermercados Perini,
que da traballo a mais de 800 persoas, facturando 20 millóns de euros anuais. Tamén é propietario
dunha fábrica de granito en O Porriño, que importa de Brasil, Libia e Suráfrica. (Fonte: El Correo Gallego).
Xacobeo
O espíritu do Camiño nos
EEUU
Expertos hostaleiros realizaron un congreso
en Santiago para afirmar a potencialidade da promoción do Camiño santiagués en países
como EEUU e Francia, onde a demanda de información aumentou nos derradeiros anos. Os hostaleiros realizaron
cursillos en California sobre a Ruta Xacobea. Por outra banda, mais de 150 diáconos de España, Alemaña,
Italia, Francia e Portugal realizaron na capital galega o Encontro Internacional de Diáconos Permanentes. (Fonte: El Correo Gallego).
Cooperación
Noruega busca financiar portos deportivos
O país nórdico quer destinar
boa parte dos 9,1 millóns de euros anuais que aporta ao Estado español para a construcción
de cinco portos deportivos na Costa da Morte, segundo o representante en Europa da Fundación Semana Verde,
o noruego Tejer Engel. Para iso, pensa activar o lobby de que dispón na Universidade de Vigo e o consulado
noruego nesta cidade. (Fonte: El Correo
Gallego).
Portugal
A unidade cultural luso-galaica
A firma portuguesa In Memoria compila
nun programa as tradicións comúns dun e outro lado do río Miño para reforzar a candidatura
da tradición oral luso-galega como patrimonio inmaterial da UNESCO, un recoñecemento que espera obter
en xullo próximo. (Fonte: La Voz
de Galicia).
|
| 04/12/2004 |
|
Emigración
Os últimos gaiteiros de La Habana
Este documental, realizado por cubanos
e financiado pola Xunta a través da Consellería de Emigración, foi galardonado co Premio Iberoamericano
de Periodismo Rey de España, como unha mostra da relación de dous pobos irmanados por medio dun instrumento
musical. Este filme, que narra a historia do nonaxenario emigrante galego Eduardo Lorenzo, obtivo tamén
galardóns en Cuba, México e o Festival de Cinema de Ourense. (Fonte: El Correo Gallego).
Xuntanza dos galegos de Norteamérica
O conselleiro de Emigración, Aurelio
Miras Portugal, viaxou a EEUU, para a I Xuntanza das Comunidades Galegas en Norteamérica, que tivo lugar
na sede da Casa da Unidade Galega en Nova York.
(Fonte: El Correo Gallego).
Unión Europea-Constitución
En contra da Constitución europea
O Partido Nacionalista Galego, liderado
por Xosé Henrique Rodríguez Peña, rexeitou a ratificación da Carta Magna europea por
considera-la, en palabras dun dos seus dirixentes, Alberte Brenlla, “un mero Tratado Constitutivo da UE”. Segundo
Brenlla, a decisión xustificase por “non recoñe |
