 Diario
Exterior / xuño de 2004 |
|
|
|
| Diario Exterior é unha recopilación de noticias breves captadas dos xornais galegos relativas ás actividades que se desenvolven en Galicia e que teñen relación co exterior, servindo de feito como proxección exterior de Galicia e dos seus axentes, empresariais, políticos, etc. | |
Pavarotti engalana Santiago No marco dos espectáculos do Xacobeo 2004, o tenor italiano Luciano Pavarotti ofreceu o que foi o seu derradeiro concerto en España, elixindo a capital de Galicia como escenario ante a presenza de 7.000 persoas. Pavarotti inaugurou así a sexta edición do Festival Internacional da Música de Galicia. (Fonte: El Correo Gallego). Economía EEUU respalda fármaco galego O presidente da compañía galega Zeltia, José María Fernández Sousa Faro, anunciou durante a reunión da xunta de accionistas, o respaldo outorgado pola US Food and Drug Administration de EEUU ao fármaco Aplidin para a leucemia aguda linfoblástica e a autorización da entrada en fase II do composto contra o mieloma múltiple e o cancro de próstata. Esta é a segunda vez que un organismo oficial norteamericano reconoce a Zeltia os seus méritos en proxectos de investigación e desenvolvemento. (Fonte: El Correo Gallego). Unión Europea-Economía A UE asegura non buscar a bancarrota de Izar A Comisión Europea anunciou que tivo “moito coidado” en que os termos da decisión adoitada en torno ás axudas públicas declaradas ilegais en Izar non acarrexen a creba dos asteleiros públicos. O organismo comunitario esixe a Izar a devolución de 308,3 millóns de euros en axudas recibidas entre 1999 e 2000. (Fonte: El Correo Gallego). Unión Europea-Eleccións BNG queda sen parlamentario europeo A Xunta Electoral Central deixou sen escano europeo ao BNG, outorgando o posto número 24 á eurodeputada rioxana candidata do PP, María Esther Herranz García. A coalición Galeusca terá participación europea con represantantes de CiU e do PNV, mais non do nacionalismo galego. (Fonte: El Correo Gallego). Diáspora Respaldo ao voto emigrante O Parlamento galego aprobou por unanimidade unha iniciativa para pedirlle ao goberno central que antes que finalice o ano 2004, adoite iniciativas e modificacións lexislativas que aseguren o voto emigrante en tódolos procesos electorais e así aumente a participación de Galicia no Congreso de Deputados e o Senado. Tamén se pediu, a iniciativa do BNG e do PP, que a emigración conte no reparto dos recursos do Estado destinados ás corporacións locais e comunidades que teñan en conta o criterio de poboación. (Fonte: El Correo Gallego). A diáspora feminina e relevante debate as súas relacións coon Galicia Co respaldo do Servicio Galego de Igualdade e o IGADI, celebrouse en Santiago unha reunión de mulleres galegas que ocupan postos de responsabilidade en distintos países de América Latina, como Brasil, México e Venezuela, no marco do Foro “Xénero e Diáspora”. O acto contou coa participación da conselleira de Familia, Pilar Rojo. (Fonte: El Correo Gallego).
Vigo, principal porto do mundo Segundo a Autoridade Portuaria, o porto de Vigo foi a primeira terminal do mundo en movemento de peixe para o consumo humano no ano 2003. Segundo datos de Nacións Unidas, o material descargado nesta terminal superou a metade das capturas españolas en augas propias, no caladoiro da UE, en terceiros países e en augas internacionais, cun volume total de 1.198 millóns de toneladas. Tamén se salienta que as empresas pesqueiras viguesas contribuíron a reducir a dependencia española dos productos do exterior. (Fonte: La Voz de Galicia). Renovación da frota artesanal en Europa Trala xira por Canadá, o conselleiro de Pesca e Asuntos Marítimos, Enrique López Veiga, reuníuse en Bruxelas co comisario europeo de Pesca, Franz Fischler, para discutir a posibilidade de renovar a frota artesanal galega, así como outros temas referidos ao control de biotoxinas marinas, a clasificación das zonas de producción de moluscos bivalvos e outros asuntos sanitarios. (Fonte: El Correo Gallego). Francia aborda buque de armador galego A patrulleira da Armada francesa Albatros, interceptou o buque Apache, un palangreiro de bandera provisional hondureña pero de armador galego, a pesar de que xa fora autorizado a navegar por augas das illas Kerguelen, baixo administración da illa francesa de Reunión. Francia afirma que este buque era un pesqueiro pirata e acusa ó seu capitán de non acatar as ordes de detención. O Apache levaba 60 toneladas de merluza negra. (Fonte: La Voz de Galicia). Portugal Portugal, terceiro socio comercial de Galicia Segundo cifras das Cámaras de Comercio, Galicia é a terceira comunidade autónoma en importancia nas súas relacións comerciais con Portugal, cun importe que ascende a 1.676 millóns de euros. No que se refire ás compras, Galicia é o segundo socio comercial de Portugal, con 1.070 millóns de euros. Portugal convertiuse no segundo socio comercial de España no ano 2003, só detrás de Gran Bretaña. (Fonte: El Correo Gallego). Unión Europea-Agricultura Desenvolver o agro en Europa O director xeral de Agricultura da Comisión Europea, o galego Juan Manuel Silva Rodríguez, analizou en Santiago de Compostela o novo marco comunitario de desenvolvemento do agro previsto para o orzamento 2007-2013 da Unión Europea. Silva presentou a súa exposición durante unha conferencia organizada pola Fundación Juana de Vega e o colectivo profesional Agro XXI. (Fonte: El Correo Gallego). Inmigración Menos nenos estranxeiros Segundo datos do Instituto Nacional de Estadística, o aporte das nais estranxeiras á natalidade galega foi menor no 2003, rexistrándose só 992 nacementos de nai foránea, o 1,86% do total estatal. Unha das razóns é o desprazamento de varios inmigrantes a outras partes da xeografía española, debido á falta de perspectivas laborais. O ano pasado, chegaron a Galicia 5.384 estranxeiros, pero se foron 6.455. (Fonte: La Voz de Galicia). Economía Plan Galicia e as inversións estranxeiras No foro organizado en Santiago pola Asociación para o Progreso da Dirección (APD), diversos empresarios e membros do sector financeiro expresaron as súas inquietudes acerca da posibilidade de que as inversións estranxeiras se reduzan na nosa Comunidade se o goberno falla na aplicación do Plan Galicia, especialmente no referente ás infraestructuras de alta velocidade. Tamén se detallou que os menores custos laborais dos países da Europa do Leste e o novo reparto dos fondos europeos supoñen unha ameaza para Galicia, agravando as deficiencias en infraestructuras. (Fonte: La Voz de Galicia). Turismo Peregrinaxe aéreo desde Francia No marco da XXVIII Vuelta Aérea de España-XXI Trofeo de su Majestad El Rey, tres paramotores que sairon desde a localidade francesa de Pau sobrevoaron o casco histórico de Santiago, descendendo no campo de Santa Isabel. Nesta oportunidade, a competencia fixo do Camiño de Santiago e a Ruta Xacobea unha referencia, facendo o percorrido do Camiño Francés en catro etapas, comezando en Pau, Pamplona, León, Burgos e remate en Compostela. (Fonte: El Correo Gallego). Prestige Mangouras non se vai A Audiencia Provincial da Coruña rexeitou a petición da Embaixada de Grecia e o recurso formulado polo avogado do capitán Apóstolos Mangouras, para que se lle permitira a saída do país. Asi mesmo, delegacións de Francia, Portugal e España analizaron en Madrid a evolución da crise do Prestige. (Fonte: El Correo Gallego).
Galicia firme na explotación do caladoiro da NAFO O conselleiro de Pesca e Asuntos Marítimos, Enrique López Veiga, manifestou ante o ministro de Pesca e Océanos canadense, Geoff Regan, e outras autoridades pesqueiras dese país, a firme vontade de Galicia de levar a cabo unha explotación sostible e responsable do caladoiro da NAFO, no que faenan 30 buques galegos, e garantir a presenza da actividade dos pescadores a medio e longo prazo. Do mesmo xeito, os empresarios galegos fixeron contactos cos seus homólogos canadienses nas áreas de procesamento do peixe e acuicultura. (Fonte: La Voz de Galicia).
Brasil terá o Cruceiro mais grande Un cruceiro feito pola Escola de Canteiros de Poio exhibirase na remodelada praza de Santiago de Barra, na cidade brasileira de Fortaleza, trala visita do conselleiro de Emigración, Aurelio Miras Portugal, ao estado de Ceará. O cruceiro que se levará a Fortaleza será o mais grande feito nunca pola Xunta de Galicia e é unha manifestación da vinculación da nosa Terra con Fortaleza, xa que nesta localidade brasileira estableceuse a Confraría do Apóstolo Santiago no Ceará, a mais antiga cofradía xacobea do mundo. (Fonte: El Correo Gallego). Solidariedade Por un mundo mais xusto O I Premio de Redacción Por un mundo mais xusto, faite solidario/a entregarase o luns 28 no pazo de Raxoi en Santiago, coa presenza da conselleira de Servizos Sociais, Adelaida Negreira, o presidente do Fondo Galego de Cooperación, Alfredo Novoa, e o presidente do xurado, Miguel Anxo Fernán-Vello. (Fonte: El Correo Gallego). Pesca Acercamento Galicia-Canadá Coa inauguración do Coastal Zone 2004, un seminario científico internacional do uso do litoral, en Saint Johnn, localidade da provincia canadense de Terranova, o conselleiro de Pesca Enrique López Veiga e o ministro de Pesca e Acuicultura desa provincia, Trevon Taylor, sellaron un acercamento entre as dúas comunidades nas áreas da investigación e a pesca sostible para garantir o futuro da frota que faena na NAFO. Tamén o grupo de empresarios galegos que acompaña ao conselleiro reuníuse con empresarios locais e visitaron as instalacións da granxa Millbrook Greenhouse, xestionada pola comunidade indíxena Frist Nation en Truro. (Fonte: El Correo Gallego). Enerxía Galicia líder das enerxías renovables Trala reunión co presidente da Xunta, Manuel Fraga, o presidente executivo e conselleiro delegado de Iberdrola, Ignacio Sánchez Galán, afirmou o liderado de Galicia na producción de enerxía renovable a nivel nacional, e informou das negociacións a corto prazo para profundizar a sua proxección internacional, adiantándose aos requisitos da Comisión Europea. (Fonte: El Correo Gallego). Seminario conxunto Repsol-Harvard na Coruña Coa asistencia de medio centenar de expertos e autoridades mundiales do sector enerxético, o XIV seminario Repsol YPF-Universidade de Harvard celebrouse na Coruña mostrando as principais tendencias no mundo petroleiro, destacándose o alto crecemento da demanda de consumo en China e India coma principal factor da suba dos prezos do crú. (Fonte: El Correo Gallego).
AVE Vigo-Porto en discusión Durante o cumio hispano-portugués celebrado en Córdoba, os ministros das áreas de Infraestructuras, Medio ambiente e Transporte discutiron a posibilidade de concretar a rede ferroviaria do tren de alta velocidade entre Vigo e Porto para o ano 2009. Este proxecto será discutido no próximo cumio bilateral a celebrarse en novembro en Santiago de Compostela. (Fonte: El Correo Gallego). Sociedade Santiago, centro de referencia na ciruxía ocular Mais de 170 especialistas de Europa e América Latina participaron en tres congresos na facultade de Medicina de Santiago sobre ciruxía plástica ocular e orbitaria, coa finalidade de analizar as novas técnicas de vangarda nestes sectores. Os expertos reunidos destacaron a importancia de Santiago coma “centro de referencia” en Europa e España sobre estes temas. (Fonte: El Correo Gallego). Inmigración Inmigrantes superan aos retornados Por primeira vez, a chegada de inmigrantes estranxeiros a Galicia superou a chegada de emigrantes retornados, sendo esta cifra dun 305% en catro anos, situándose en 9.571 inmigrantes fronte aos 8.435 españois retornados. Estas informacións despréndense do estudio sobre a Inmigración en Galicia presentado na Coruña polo Conselleiro de Emigración, Aurelio Miras Portugal. O estudio tamén informa da diferencia na idade dos inmigrantes estranxeiros cara os emigrantes retornados, sendo os primeiros os que veñen con idades comprendidas entre os 25 e os 39 anos, correspondente aos anos de búsqueda de emprego, mentres os emigrantes retornados ubícanse entre os 55 e os 69 anos, na idade da xubilación. (Fonte: El Correo Gallego). Inmigración-Emigración Programas para os inmigrantes e emigrantes retornados A Consellería de Emigración e Cáritas de Santiago asinarán un convenio para o financiamento dunha iniciativa de 185.000 euros destinada a ofertar 8 pisos de acollida e 50 ofertas de emprego en dereito, educación e traballo social dirixidos aos inmigrantes e emigrantes retornados nas localidades de Santiago, Ames, A Coruña, Pontevedra e Vilanova de Arousa. Do mesmo xeito, se informará aos inmigrantes e emigrantes retornados sobre a súa situación xurídica e os trámites administrativos necesarios para obter os permisos de residencia, traballo, visados, nacionalidade, etc, así coma servizos para construir redes sociais de vida comunitaria. (Fonte: La Voz de Galicia). Cooperación ONG galega cooperará en América Latina Un total de 17 mozos galegos membros da ONG “Amarante” realizarán traballos de cooperación en proxectos de axuda ao desenvolvemento en Brasil, Nicaragua e Ecuador nos meses de xullo e agosto, vinculados aos campos da sanidade, o traballo social e a educación. No Brasil viaxarán a campamentos do Movemento dos Sen Terra, MST, ademais de Sao Paulo e Salvador de Bahía. En Nicaragua estarán na cidade de Río San Xoan e en Ecuador viaxarán a Quito para traballar nunha cooperativa agrícola. (Fonte: El Correo Gallego). Solidariedade Material escolar para os nenos arxentinos O coruñés Carlos Salas, colaborador de Radio Voz, entregou mais de oitenta quilos de material escolar coma donativo de diversas empresas coruñesas para un colexio da localidade arxentina de Coronel Suárez. Salas xa realizou unha acción similar no ano 2002 en Côte d’Ivoire e o ano pasado no Sáhara. (Fonte: La Voz de Galicia). Unión Europea-Marítima UE financia proxecto da Plataforma Salvaterra-As Neves O proxecto da Plataforma Loxística Industrial de Salvaterra-As Neves recibiu tres millóns de euros de Bruxelas para a realización de estudios e proxectos de infraestructura da área industrial. O proxecto conta coa colaboración e a promoción da Autoridade Portuaria e Consorcio da Zona Franca de Vigo, ademais da Xunta e o goberno central. (Fonte: El Correo Gallego). Demografía Santiago, crecemento negativo Segundo a Oficina de Estatística da UE, Santiago de Compostela experimenta un crecemento poboacional negativo do 0,1%, converténdose nunha das cidades europeas onde mais habitantes se perden. Dende o ano 2001, Santiago perdeu 1.200 persoas. As razóns concéntranse na ausencia dun tecido industrial potente, o elevado número das defuncións, o aumento da emigración e o encarecemento da vivenda. (Fonte: El Correo Gallego).
O escepticismo domina a crise da naval Izar Fene No seo do comité de empresa da naval Izar Fene, o escepticismo impónse en torno ao futuro da empresa, despois da avaliación feita polo comité interministerial ante as queixas de Bruxelas sobre a devolución que a empresa debe facer dos fondos europeos ilegais. Segundo o informe, a viabilidade dos asteleiros depende dunha forte demanda militar e da capacidade de captación de oportunidades no mercado civil. Informacións coñecidas aseguran que a OECD prevé unha crise no sector naval a longo prazo xa que no mundo existen máis asteleiros dos necesarios. Do mesmo xeito, asegúrase que dende Bruxelas se esixiu a España a reducción da producción dos asteleiros como condición para a entrada na CEE en 1986. Por outra banda, o voceiro do BNG, Francisco Rodríguez, pediu explicacións ao goberno sobre a posibilidade de que no plan que elaborase sobre Izar esté contemplada a posibilidade de privatización da empresa. (Fonte: El Correo Gallego). Pesca A NAFO pide baixar o tope de fletán Os científicos da NAFO (Organización de Pesquerías do Atlántico Norte) fixeron a súa última revisión da biomasa do fletán e chegaron á conclusión de que non existe melloría nos stocks da especie, que sigue en niveis moi baixos, polo que é necesario reducir o total admisible de capturas nunhas 19.000 toneladas. Esta medida afecta dun xeito considerable á producción galega e ás súas capturas. (Fonte: La Voz de Galicia). Cultura Intercambio musical Galicia-Rusia O rector da universidade Estatal Aberta Pedagóxica Scholojov de Moscova, Yuri Krouglov, visitou Galicia coa finalidade de desenvolver os contactos establecidos coa Academia Superior de Música Komitas, que dirixe en Santiago de Compostela a armenia Marina Shamagian. Neste apartado, esperan contar coa colaboración da Consellería de Emigración, durante a reunión que manterá co secretario xeral dese organismo, Antonio Díaz Otero. (Fonte: El Correo Gallego). Educación Homologación de títulos universitarios con América Latina A reunión do consello asesor internacional de Universia na Universidade de Santiago de Compostela, reuniu a máis de 20 rectores de España e América Latina, onde discutiron a necesidade de avanzar na homologación de títulos universitarios a ambolos lados do océano Atlántico. Na reunión tamén estivo presente o presidente do Grupo Santander, Emilio Botín. Universia é unha rede que agrupa a 750 universidades en España, Portugal, México, Venezuela, Porto Rico, Perú, Brasil, Chile, Arxentina e Colombia. As universidades galegas son titulares do 3,5% do capital social de Universia. (Fonte: El Correo Gallego). Portugal Loita transfronteriza contra o narcotráfico O director xeral nacional adxunto do departamento de estupefacientes de Portugal, Xosé Braz, visitou Ferrol para reunirse co comisario xeral da Policía Xudicial, Juan Antonio González, coa finalidade de acelerar a cooperación transfronteriza na loita contra os xefes do narcotráfico, ante a chegada do iate “Revoleo”, atrapado con 570 quilos de cocaína. (Fonte: La Voz de Galicia). Sociedad Europa galardona o plan galego de cancro de mama. Segundo Xoaquín Mosquera Osés, coordinador do programa galego de detección precoz do cancro de mama, este plan será o primeiro en España en obter a acreditación europea de calidade. Mosquera Osés fixo esta declaración no marco das xornadas “Cancro de mama, presente e futuro”, organizadas pola Fundación María Xosé Xove. (Fonte: La Voz de Galicia). Economía Galicia reduce a súa presenza en Alemaña Segundo María Lourdes Loureda, delegada do Instituto de Comercio Exterior de Galicia, a presenza das empresas galegas en Alemaña reduciuse nun 38% dende o ano 2002, no que existían 71 empresas galegas naquel país, ata chegar ás 44 que se rexistraron no 2003. Nembargantes, as exportacións galegas ao país xermano foron en aumento, cifrándose no 2003 en 662 millóns de euros, 40 millóns máis que o ano anterior, mentres que as importacións baixaron, calculándose en 466 millóns de euros no 2003, 60 millóns menos que en 2002. A balanza comercial é favorable a Galicia cunha taxa de cobertura do 141%. Alemaña é o quinto mercado mais importante para a economía galega, e os productos galegos de exportación limítanse á industria do automóbil e accesorios, carne e hortalizas, electrodomésticos, conservas e granito. (Fonte: La Voz de Galicia).
Modelo do voluntariado para Brasil A Xunta de Galicia levará a Brasil o seu modelo de voluntariado en catástrofes ambientais que xa aplicara durante a crise do Prestige, como un exemplo de cooperación nun país onde, segundo a directora xeral de Voluntariado María Xosé Bravo, “non existe a figura do concepto de voluntario”, xa que “son as empresas químicas e petroleiras as que crean o seu propio persoal de emerxencia para catástrofes”. (Fonte: El Correo Gallego). Inmigración Aumenta alumnado inmigrante en Galicia Segundo o informe do Consello Escolar de Galicia Inmigración e escola, o alumnado inmigrante aumentará no próximo curso escolar e chegará a sumar 7.000 alumnos procedentes de países estranxeiros, a maioría de Iberoamérica. Outros proceden de países do Leste de Europa e África, constituíndo o 12% do alumnado. Segundo o conselleiro de Educación, Celso Currás, esta realidade creará certos problemas nos centros educativos “facendo recaer neles as crecentes demandas sociais derivadas da diversidade cultural e incrementando o risco de formación de guetos escolares”, polo que pediu maiores políticas educativas interculturais. (Fonte: El Correo Gallego). Cultura Xacobeo made in USA Anselmo Millán Castelo, un emigrante galego nos EEUU orixinario de Palmeira (Riberia) e primeiro conselleiro hispano na cidade de Harrison, está a organizar unha expedición para gañar o Xubileo desde Viana do Castelo. Millán Castelo creou en 1999 a asociación Xacobeo USA, xunto a unha coalición de catorce asociacións de emigrantes hispanos e portugueses, para promocionar o Xubileo nos EEUU e axudar aos emigrantes hispanos en cuestións legais. Estímanse que uns 90.000 hispanos, o 80% deles galegos, viven en Nova York, Nova Jersey, Washington e Carterete. (Fonte: El Correo Gallego). Negocios Caixanova internacional O director xeral da entidade bancaria, Julio Fernández Gayoso, explicou as liñas básicas do proxecto de traballo futuro de Caixanova, na que continuará a súa expansión non só noutras comunidades españolas senón no exterior. É por iso que Caixanova xa decidiu a apertura das oficinas en Sao Paulo, Santiago de Chile e París. (Fonte: La Voz de Galicia). Economía Acusan ao goberno de Aznar de entorpecer crisis de Izar Segundo varios documentos oficiais, utilizados polo BNG, o gabinete presidido polo ex presidente José María Aznar, desestimou varias peticións, recordatorios e requerimentos de información formulados desde Bruxelas a principios do 2000 e finais do 2002, sobre os fondos ilegais utilizados pola empresa naval Izar, polo que os dirixentes comunitarios sospeitaban da actuación do goberno español. (Fonte: La Voz de Galicia).
Incerteza no euroescano do BNG Dúas semanas despois das eleccións europeas, a incerteza domina a situación sobre o euroescano de Camilo Nogueira e o seu partido, o BNG, que podería converterse no número 24 da lista do PP. Á espera de que a Xunta Electoral Central eleve a definitivos os resultados do escrutinio dos votos, o BNG insiste na denuncia sobre as "manobras de despacho" que está realizando o PP, sobre todo naquelas Xuntas Electorais Provinciais onde o BNG non dispón de interventores que poidan contrarrestar os recursos dos "populares". (Fonte: www.vieiros.com). Economía Salarios galegos por debaixo da media da UE Segundo un estudio das profesoras Ánxela Troitiño, Xulia Guntín e Carmela Sánchez, facendo uso das estatísticas do Panel de Fogares que utiliza a Comisión Europea para coñecer os datos do mercado de traballo, detéctase un desprazamento dos salarios percibidos polos traballadores galegos que se sitúan por baixo da media da UE e España. De feito, o ano 1994, o salario anual neto dos traballadores galegos era o 75,82% da media comunitaria, no 2001 supón o 64,39%. Segundo a renda dispoñible equivalente en paridades no ano 2001, o poder de compra dos fogares da rexión do Noroeste é un 15% inferior ao do conxunto dos fogares españois e un 26% inferior ao do conxunto da UE. (Fonte: www.vieiros.com). Menos inversión sen fondos europeos Unha enquisa do profesor Alfonso Utrilla de la Hoz, da Universidade Complutense, publicado polo Ministerio de Economía e Facenda, señala que a Xunta de Galicia reducirá nun 56% a súa inversión no caso de quedarse sen fondos europeos. Utrilla explica que Galicia, a partir do 2007, quedará na fronteira das rexións europeas que perderán fondos estructurais, con perdas na inversión autonómica superiores a 3.000 millóns de euros. (Fonte: La Voz de Galicia). Prudencia respecto dos fondos europeos O conselleiro de Economía, José Antonio Orza, explicou que sería “precipitado” que a Xunta de Galicia adoptase algunha posición cara a posible reducción dos fondos estructurais europeos, previsto alén do ano 2007. O conselleiro asegurou que aínda non hai nada confirmado ao respecto. (Fonte: El Correo Gallego). Modelo europeo para a Pesca As decisións políticas da Consellería de Pesca contarán co aval científico trala creación do Comité Científico Galego de Pesca, integrado por once investigadores baixo o mando da directora xeral de Innovación e Desenvolvemento Pesqueiro. O novo centro semella ao Comité Científico, Técnico e Económico da Pesca (STECF) da Comisión Europea. (Fonte: La Voz de Galicia). Portugal Vía rápida Ourense-Portugal O conselleiro de Política Territorial, Núñez Feijoo, presentou en Celanova o proxecto de vía que unirá Ourense con Portugal en 50 minutos a partir do 2007. A obra, denominada Rías Baixas-Celanova-fronteira portuguesa, executarase en catro fases e terá un custo de inversión de 61 millóns de euros. (Fonte: El Correo Gallego e La Voz de Galicia). Ciencia A Ribeira coma experiencia biolóxica Catro científicos procedentes de EEUU, Suiza e Holanda instalaronse na localidade de Palmeira, en Ribeira, para iniciar estudios biolóxicos sobre os lagartos da illa dos Ratos, coa finalidade de estudiar a relación entre a copulación e a agresividade humana. (Fonte: El Correo Gallego).
A UE limita as competencias da futura Axencia de Control Pesqueiro Na reunión levada a cabo en Luxemburgo entre os ministros de Agricultura e Pesca de Unión Europea, se aprobou a iniciativa do comisario Franz Fischler de crear a Axencia de Control Pesqueiro que terá coma sede Vigo. Nembargantes, a pesar de que a Axencia terá coma responsabilidade a coordinación dos plans de inspección de tódolos Estados membros, a maioría dos países insistiron en limitar as funcións da Axencia, advertindo que a mesma non podería violar a súa soberanía. Tamén se acordou que a frota galega poderá faenar na zona das augas irlandesas do “Irish box”, aumentando nun 60% o esforzo pesqueiro de Galicia. (Fonte: El Correo Gallego e La Voz de Galicia). Pesca Cooperación Galicia-Canadá Nun esforzo por acercar posicións, a delegación galega encabezada polo Conselleiro de Pesca, Enrique López Veiga, iniciou unha visita a Québec, Nova Escocia e Terranova en Canadá, coa finalidade de iniciar negociacións pesqueiras. Na primeira sesión os delegados galegos reuníronse co director xeral de Relacións Internacionais, Guy Beaupre, e responsable rexional de Québec do Ministerio de Pesca, Daniel Carón. (Fonte: El Correo Gallego). Apreixado palangreiro galego en Namibia por pesca ilegal O palangreiro galego Jorge Alonso Martínez, de 24 anos e patrón do buque de pesca Maral, foi apreixado polas autoridades namibias baixo acusación de pescar ilegalmente nas augas xuridiccionais do país africano. Martínez deberá permanecer detido ata o 1 de xullo, data na que foi fixada a vista oral do caso, tralo aprazamento do xuízo pedido polo fiscal. (Fonte: La Voz de Galicia). Ambiente A Xunta aplicará Protocolo de Kyoto A partir de xaneiro de 2005, a Xunta de Galicia xestionará os permisos de emisión de dióxido de carbono nas industrias contaminantes de Galicia, unha medida destinada a afianzar a aplicación do protocolo de Kyoto. A medida afecta a dúas factorías: a de xeración eléctrica de carbón de Endesa-As Pontes e a factoría de producción de cemento Corporación Noroeste-Cosmos en Sarria. (Fonte: La Voz de Galicia). Economía Estratexia urxente para devolver fondos europeos a Izar Nun intento por solucionar a crise do grupo do sector naval e asteleiro Izar, que afecta á súa factoría en Ferrol, unha comisión delegada do goberno para Asuntos Económicos está a estudiar un informe sobre a nova estratexia que o goberno adoptará para poder recuperar as axudas europeas recibidas polos asteleiros públicos entre 1999 e 2000, consideradas ilegais por Bruxelas. (Fonte: El Correo Gallego). Prestige Grecia repatriará ao capitán Mangouras O capitán do Prestige, o grego Apóstolos Mangouras, podería voltar ao seu país de orixe, tras ano e medio de cárcere e liberdade condicional, xa que os seus avogados presentaron un compromiso por escrito do Goberno grego ante a Audiencia Provincial de A Coruña, no que se responsabilizarían da situación procesal de Mangouras ata que deba voltar a España cando se fixe a data do xuízo oral. (Fonte: La Voz de Galicia). Inmigración Marroquís senten rechazo tralo 11-M Nun acto de convivencia entre marroquís e galegos auspiciado pola Asociación Cultural de Amizade Galego-Marroquí, a Fundación Paz e Solidariedade, de CC OO, e o Centro para Traballadores Estranxeiros do sindicato, no que participaron tamén Nora El Amrani e Isabel Quintáns, o colectivo inmigrante fixo saber a súa inquietude pola crecente reacción de “receo e desconfianza” que se está creando na opinión pública tralos atentados de Madrid do 11-M, e que tamén se reflicte na súa dificultade para o aluguer de vivendas. (Fonte: La Voz de Galicia). Cultura Un galego entre os mellores editores en Psicoloxía Industrial O profesor Jesús F. Salgado, do Departamento de Psicoloxía Social e Básica da Universidade de Santiago, e director da revista International Journal of Selection and Assesment, foi cualificado polo ISI Journal of Citation Reports 2003, como a segunda mellor publicación de Psicoloxía Industrial e Organizacional a nivel mundial. A revista é tamén editada pola Universidade de Oxford. (Fonte: El Correo Gallego). Premio Nobel de Medicina en Galicia O xaponés Susumu Tonegawa, Premio Nobel de Fisioloxía e Medicina, visitou A Coruña para participar nas xornadas sobre museos científicos dirixidas polo profesor Ramón Núñez. Na súa exposición, Tonegawa asegurou que o fármaco que logre mitigar o mal de Alzheimer podería chegar en dez ou vinte anos. (Fonte: El Correo Gallego).
Vigo na reunión da UE sobre Pesca A reunión dos ministros de Pesca da UE en Luxemburgo buscará a fórmula para aplicar as novas normativas sobre o acceso ás augas do noroeste europeo, e tamén sobre a creación da futura Axencia Europea de Control Pesqueiro en Vigo. A ministra española de Pesca, Elena Espinosa, declarou que a sua intención é que o novo organismo teña máis funcións cas xa propostas pola Comisión Europea, no relacionado co orzamento (5 millóns de euros para o seu primer ano) e de persoal. (Fonte: El Correo Gallego). Emigración Emigración galega en franca caída Unha notoria diminución da emigración de cidadáns galegos ao exterior estase a experimentar nestes momentos. Tan só 2.118 galegos, 509 deles da provincia de Pontevedra, emigraron ao estranxeiro, sendo principalmente países da Unión Europea o seu destino, seguido de EEUU, África, Oceanía e Asia. Nembargantes, o aumento da inmigración estranxeira a Galicia aumentou considerablemente, converténdose nun dos principais fenómenos de maior incidencia na sociedade galega. O ano pasado chegaron a Galicia 9.422 estranxeiros, dos que 3.672 instaláronse na provincia de Pontevedra, principalmente Vigo. Uns 2.500 deles son sudamericanos, o que fai deles a comunidade inmigrante maioritaria. O 30% proveñen de Europa e África. Tamén existen uns 6.000 estranxeiros ilegais só en Vigo. (Fonte: La Voz de Galicia). Cultura O fútbol galego, protagonista dun filme europeo Nunha coproducción da Televisión de Galicia, coa colaboración da productora galega Filmanova e a alemá Moneypenny Filmproduktion, finalizou en Santiago de Compostela a filmación de Galatasaray-Depor, un filme que narra as peripecias dunha muller de negocios en Moscova, un excursionista en Istambul, un peregrino húngaro en Santiago e unha parella francesa en Berlín. O fio conductor destas personaxes é o fútbol, daí a referencia aos equipos do Galatasaray turco e o Deportivo galego. O filme contou coa participación do célebre actor galego Luis Tosar. (Fonte: El Correo Gallego).
Pesca galega contribúe a fortalecer o liderazgo europeo Segundo estimacións da FAO, a Unión Europea lidera os mercados mundiais de rodaballo e merluza gracias ás súas granxas instaladas en Galicia, o que contribúe ao aumento da producción pesqueira europea ata o 2010, data na que se considera que a UE atinxirá o seu máximo de producción. (Fonte: La Voz de Galicia). Pesca Piden pechar pesquería de merluza na Arxentina Varios buques de capital galego poderíanse ver afectados pola declaración formal solicitada pola Cámara de Deputados da Provincia de Buenos Aires de pechar unha pesquería de merluza na área de norte do paralelo 48, alegando os riscos que isto tería na sustentabilidade dos bancos de merluza hubbsi. (Fonte: La Voz de Galicia). Inmigración Obradoiros de emprego para inmigrantes A Casa Latinoamericana de Galicia, co apoio da Xunta, organizará na sua sede en Santiago de Compostela uns obradoiros de busca de emprego dirixidos aos inmigrantes, coa finalidade de facilitar a súa inserción no mercado de traballo. A Casa Latinoamericana tamén ten programas de axuda para emigrantes retornados a fin de favorecer a sua integración social. (Fonte: La Voz de Galicia). Cultura O Arcebispo Rouco Varela, enviado especial da Peregrinación europea dos mozos O Arcebispo de Madrid e Presidente da Conferencia Episcopal, o galego Antonio María Rouco Varela, foi elixido polo Vaticano como enviado especial nas celebracións finais da Peregrinación Europea dos Mozos, que terá lugar en agosto en Santiago de Compostela. A Peregrinación, que reunirá a uns 50.000 xóvenes, ten como finalidade reafirmar as raíces cristiás europeas. (Fonte: La Voz de Galicia). Órgano de Santa Clara recupérase en Inglaterra Gracias aos traballos de restauración dos organeiros Martin Goetze e Dominic Gwynn no seu taller en Welbeck, Inglaterra, o tradicional órgano do convento de Santa Clara estase a recuperar con vistas a regresar en breve a Galicia. O popular instrumento foi construido a fins do século XVII e para a súa restauración a comunidade de Santa Clara realizou pedidos a catro empresas europeas. (Fonte: El Correo Gallego).
Galicia e Canadá reforzan relacións pesqueiras O conselleiro de Pesca e Asuntos Marítimos, Enrique López Veiga, o director xeral de Estructuras e Mercados da Pesca, Andrés Hermida, e o subdirector xeral de Cooperación Pesqueira Internacional, Xosé Molares, viaxaron a Canadá coa finalidade de profundizar os contactos coas autoridades pesqueiras daquel país e evitar futuros conflictos nas augas da NAFO, en especial o que corresponde coa frota galega do fletán. López Veiga informou que non cree que este conflicto quede solucionado a finais de ano e manifestou a súa intención de renegociar un aumento das cotas de capturas galegas para o 2006. Noutra orde de ideas, o director xeral Hermida manifestou que as posibilidades de Galicia de faenar nas augas de Islandia aínda son poucas. (Fonte: El Correo Gallego e La Voz de Galicia). Cooperación Experiencia sanitaria galega para Latinoamérica Galicia exportará o modelo sanitario do SERGAS a diversos países latinoamericanos, segundo o conselleiro de Sanidade, Xosé María Hernández Cochón, quen informou desde Washington, onde dictou unha conferencia sobre o modelo sanitario galego. Por outra banda, o conselleiro de Sanidade e o director xeral de Saúde Pública, Jorge Suanzes, reuníronse coa directora da Organización Panamericana da Saúde, OPS, Mirta Roses, para ultimar o contido do novo convenio asinado pola Xunta de Galicia coa OPS, que terá vixencia de catro anos. (Fonte: El Correo Gallego). Cultura Baiona será sede dun curso sobre América Latina O Instituto Galego de Análise e Documentación Internacional, IGADI, e a Universidade Internacional Menéndez Pelayo, celebrarán entre o 13 e o 15 de setembro en Baiona un curso sobre o renacer económico e político de América Latina, coa participación de Joaquín Estefanía, Guillermo de la Dehesa e Fernando González Laxe. O acto de presentación contou coa participación do alcalde de Baiona, Luis Carlos de la Peña, o director do IGADI, Xulio Ríos, e o delegado da Universidade Menéndez Pelayo, Xosé Fortes Bouzán. O coste de protexer a Galicia das mareas negras No marco da presentación do libro “Efectos económicos, sociais e ambientais das mareas negras de Prestige”, o profesor de Economía Aplicada da Universidade de Vigo, Albino Prada, explicou que protexer a Galicia e o resto das costas europeas de futuras mareas negras “tería un impacto final no prezo do carburante dun 2%, quince veces menos do que as gasolinas subiron neste ano polo efecto da guerra de Iraq”. O libro, editado polo Consello de Cultura Galega e a Asociación Hispano Portuguesa de Economía de Recursos Naturais e Ambientais, tamén conta coa participación dun equipo de seis economistas norteamericanos encabezados polo profesor da Universidade de San Diego de California, Richard T. Carson. (Fonte: La Voz de Galicia). Inmigración Vigo, imán de atracción inmigrante Segundo o padrón municipal de Vigo, a orixe do 3,6% da poboación que convive na maior cidade galega procede de mais de 100 países desde EEUU ata Australia. No que se refire a inmigración latinoamericana, esta aumentou nun 20% en cinco anos, mais de 6.000 persoas no último lustro, a maioría procedentes de Arxentina, Colombia, Uruguai, Venezuela e Brasil. Nembargantes, os demógrafos estiman que a partir do 2005 o fenómeno inmigratorio comezará a diminuir. (Fonte: La Voz de Galicia).
O BNG conserva o seu escano europeo Tralo reconto de votos no Censo de Residentes Ausentes, CERA, o candidato polo BNG, Camilo Nogueira, logrou conservar o seu desputado escano no Parlamento europeo en Estrasburgo, ao obter a coalición Galeusca uns 7.000 votos mais dos necesarios. O reconto de votos confirmou a supremacía do PSOE no voto emigrante nas eleccións europeas. (Fonte: El Correo Gallego). Unión Europea-Política Lingüística O galego só queda nun “compromiso” en Europa O artigo IV.10 do bosquexo de Constitución Europea, aprobado pola presidencia irlandesa da UE, deixou fóra o dereito a dirixírense os cidadáns en galego ás institucións europeas, pero decidiu asumir un compromiso político para que a partir de agora a Unión Europea sexa máis sensíbel coas linguas subestatais. No artigo deste bosquexo dánselles plenos dereitos ás 20 linguas oficiais -incluído o gaélico- e, nun segundo parágrafo, outórgaselle a calquera dos estados o dereito a traducir a Constitución ás linguas que sexan "oficiais en parte do territorio estatal". (Fonte: www.vieiros.com). Galicia-Emprego Man de obra extranxeira para Galicia O conselleiro de Economía, Xosé Antonio Orza, afirmou durante un acto público que Galicia comeza a perder peso no referente ao capital humano e, polo tanto, necesitaría da importación de man de obra foránea, sobre todo no sector da agricultura, para paliar o problema demográfico a teor do envellecemento da poboación galega. (Fonte: El Correo Gallego). Pesca Pescanova en auxe a nivel mundial Segundo sinalou o presidente da empresa galega, Manuel Fernández de Sousa-Faro, Pescanova é a única das dez primeiras empresas mundiais no sector de conxelados que logrou incrementar os seus beneficios e capturas. Do mesmo xeito, afirmou os novos proxectos da empresa no sector da acuicultura, un sector que segundo a FAO está a crecer cada vez mais, xa qu o consumo de pescado no mundo aumentou nun 44%. (Fonte: El Correo Gallego). Sociedade Os galegos “amables, tenaces e cerrados” Nunha enquisa levada a cabo a nivel mundial polo portal de Internet Yahoo revela a percepción que se ten dos galegos no mundo, así como das outras nacionalidades. A maioría dos cibernautas calificaron aos galegos como “amables, cerrados, conformistas, rudos e tenaces”. (Fonte: La Voz de Galicia). As orixes celtas de Galicia Segundo Miguel Pocoví, profesor de Bioloxía Molecular na Universidade de Zaragoza, tras facer un estudio do xen LDL (responsable da hipercolesterolemia familiar) en 200 mutacións, revélase unha enorme incidencia en Galicia do xen Apo B 3500, cuxa mutación ten mais de 6.000 anos e que é orixinaria de Europa central, Gran Bretaña e Irlanda, onde asentaron os pobos celta e suevo. (Fonte: La Voz de Galicia).
PSOE logra inesperado triunfo co voto emigrante Mentres o candidato polo BNG, Camilo Nogueira, encóntrase en vilo no reconto de votos emigrantes, para saber se conserva ou non o seu escano no Europarlamento, o partido socialista logrou unha importante victoria cos votos da emigración. No seo do PSOE consideran que os votos emigrantes poideron ser favorables ante a decisión do goberno de Zapatero de retira-las tropas en Iraq, o cal foi moi ben acollido na diáspora galega en Arxentina e Francia. (Fonte: La Voz de Galicia). Unión Europea-Pesca Fortalecer Axencia de Control Pesqueiro A ministra de Agricultura e Pesca, Elena Espinosa, pedirá aos seus colegas en Luxemburgo a partir do luns 21, unha constancia por escrito de que a sede da futura Axencia Europea de Control Pesqueiro quede asentada en Vigo. Do mesmo xeito, a ministra Espinosa pedirá que o organismo teña competencias adicionais, inclusive académicas, como a formación dun corpo de inspectores. O eurocomisario da Pesca, Franz Fischler, presentará a súa proposta de regular o funcionamento do organismo, con 49 funcionarios, a partir de xaneiro de 2006. (Fonte: La Voz de Galicia). Unión Europea-Marítima Bruxelas carga contra Izar Dende Bruxelas, Tilman Luder, voceiro do comisario europeo de Competencia, afirmou que a Comisión Europea, trala advertencia realizada ao goberno español, non autorizará mais axudas públicas aos asteleiros da empresa naval Izar ata que non devolvan as que foron declaradas como ilegais polo Executivo comunitario. As axudas ilegais que Izar debe devolver calcúlanse en 308 millóns de euros, percibidas entre 1999 e 2000. O goberno español intentará mediar ante a Comisión para evitar a creba do grupo Izar. (Fonte: El Correo Gallego). Emigración Discriminación positiva para os emigrantes retornados Nunha votación nun Parlamento galego case vacío –só 26 deputados- o lexislativo autonómico aprobou por unanimidade pedir ao goberno medidas de discriminación positiva para os emigrantes retornados e os seus descendentes, e que non sexan tratados coma inmigrantes. Como primera medida, a Cámara galega pedíu a modificación da Lei de Extranxería e que se lles exima de visados para entrar no país. (Fonte: La Voz de Galicia). Educación Piden centro de estudios do galego en Brasil O rector da Universidade brasileira de Ceará, René Barreira, pediu ao presidente da Xunta, Manuel Fraga, a creación dun centro de estudios galegos naquela universidade. Por outra banda, o conselleiro de Educación, Celso Currás, visitou Inglaterra, coa finalidade de coñecer o estado dos colexios españois e os proxectos que alí se levan a cabo. O conselleiro estivo nas cidades de Birmingham, Oxford e Londres. (Fonte: El Correo Gallego). Investigación Oxford interésase polas minas de Varilongo Un investigador da Universidade de Oxford púxose en contacto co Concello de Santa Comba para solicitar información sobre as minas de wolframio de Varilongo. O interese do investigador George Van den Bergh sobre a historia do wolframio en Galicia e Portugal na II Guerra Mundial, salienta que o mineral tivera moita demanda nese tempo. (Fonte: La Voz de Galicia).
Exámenes en galego na UNED O Ministerio da Presidencia declarou que “nada impide” a realización de traballos de publicación, investigacións e exames en galego na Universidade Nacional de Educación a Distancia, UNED, reafirmando que este organismo respecta as catro linguas oficiais do Estado. A declaración do ente oficial foi a resposta a unha inquedanza do deputado do BNG, Francisco Rodríguez, sobre o presunto impedimento no uso do galego. (Fonte: El Correo Gallego). Aumenta o número de Erasmus nas universidades galegas Un total de 839 xóvenes estudiantes chegaron ás universidades galegas procedentes de varios países europeos, gracias aos programas de estudios Sócrates-Erasmus, no derradeiro curso universitario. O total a nivel nacional estímase en 21.000 estudiantes. No próximo curso, a Universidade de Santiago de Compostela espera enviar ao exterior medio millar de estudiantes. (Fonte: El Correo Gallego). Emigración Piden non esixir visado aos emigrantes retornados O Foro de Inmigración reclamou a reforma da Lei de Estranxería, xa que en palabras do voceiro deste organismo, Miguel Fernández, “é moi cerrada, está contra os inmigrantes e o seu nivel de integración é cero”. Propuso que non se esixa aos emigrantes retornados e aos seus familiares o visado para entrar en España, así como a consideración de inmigrantes. Pedíu tamén a descentralización dos continxentes de traballadores que se solicitan a outros países. (Fonte: El Correo Gallego). Unión Europea-Pesca A UE discutirá sobre a Axencia de Pesca en Vigo O futuro da Axencia Europea de Pesca comezará a discutirse o luns 21 de xuño en Luxemburgo, cando os ministros europeos de Pesca se reúnan para decidir sobre os traballos e prerrogativas que terá este organismo con sede prevista en Vigo. Pola súa banda, o Club Financiero enviou un comunicado ás administracións central e autonómica reclamando maiores contidos para a Axencia Europea de Control da Pesca. (Fonte: El Correo Gallego).
PP e o BNG loitan polo voto emigrante cara o Parlamento europeo Debido ao excelente resultado do Partido Popular nas eleccións europeas do pasado domingo 13, os populares poderían quedar co escano parlamentario do eurocandidato polo BNG, Camilo Nogueira, en caso de que o voto emigrante, a ser escrutado a partir de mañá, lles dea mais votos que o resultado obtido pola coalición Galeusca, á cal pertence o BNG. (Fonte: La Voz de Galicia). Unión Europea-Turismo Narón espera financiamento da UE para o parque temático Non será ata setembro cando o concello de Narón saberá se a Unión Europea financiará o parque temático rural en Sedes, segundo Manuel Ramos, concelleiro de Medio Ambiente neste municipio. Ramos explicou que a empresa Agader contratada polo Concello para levar adiante o proxecto, está a rematar un estudio completo do recinto, no que se recreará a vida dunha aldea tradicional, incluso con instalacións deportivas, un planetario e outras atraccións. O parque temático rural terá un costo de dous millóns de euros e o Concello espera que a UE poida financiar a cuarta parte; o demais correrá a cargo dos fondos municipais e a iniciativa privada. (Fonte: La Voz de Galicia). Unión Europea-Cultura A Ruta Xacobea, Gran Itinerario Cultural europeo O Consello de Europa, con sede en Estrasburgo, distinguiu a Ruta Xacobea coma Gran Itinerario Cultural Europeo, a través dun diploma outorgado á Consellería de Cultura, nas mans da xerente de Promoción do Camiño de Santiago, María José Dopico. Ao acto, celebrado no Palacio de Europa de Estrasburgo, asistiu o secretario xeral do Consello de Europa, o austriaco Walter Schwimmer, quen considerou que o Camiño de Santiago recolle tódolos requisitos establecidos no Reglamento de Itinerarios Culturais. (Fonte: El Correo Gallego). Unión Europea-Pesca Vigo será sede da Axencia Comunitaria de Control da Pesca Segundo o eurocomisario de Pesca, o austriaco Franz Fischler, a futura Axencia Comunitaria de Control da Pesca, (ACCP), comezará a funcionar en Vigo a partir do 2006, coa finalidade de controlar os buques e os mares comunitarios e o desembarco dos productos da pesca. Pola súa banda, a ministra de Agricultura e Pesca, Elena Espinosa, e a Consellería de Pesca e Asuntos Marítimos, tratarán de acordar hoxe en Madrid os obxectivos e o funcionamento da ACCP, para levar unha posición común ao cumio de Luxemburgo a finais de mes. (Fonte: La Voz de Galicia). Política Non ao status do galego en Europa Segundo Brian Cowen, ministro de Exteriores irlandés, país que leva adiante a presidencia rotativa no seo da UE, a discusión sobre a ampliación do recoñecemento das linguas autonómicas, entre as que se inclúen o galego, o euskera e o catalán, “non é necesario” nestes momentos, pero afirmou que pódense utilizar para a traducción dos textos e Tratados da Unión. Deste xeito, España fracasou no seu intento por facer aprobar un recoñecemento destas linguas, e aceptou ao seu pesar esta decisión. Nembargantes, o ministro de Exteriores Miguel Ángel Moratinos, pediu ir mais alá da traducción dos tratados e fixo circular un texto de defensa da diversidade lingüística, aproveitando a discusión da Constitución europea esta semana. (Fonte: La Voz de Galicia). Educación Novas titulacións universitarias a carón do modelo europeo A partir de 2010, tódalas universidades europeas deberán facer conta dun novo modelo, que manterá como obrigatorio cuantificar e determinar o esforzo do alumno e non as horas de docencia. A partir do próximo curso, as universidades galegas aplicarán de maneira experimental este modelo europeo, nas titulacións de Dereito, Filoloxía (nas áreas de Filoloxía inglesa, galega e española), Enfermería e Bioloxía. (Fonte: La Voz de Galicia). A USC, líder español nas Becas Europracticum A Universidade de Santiago de Compostela é líder en España na consecución de Becas Europracticum, gracias ás máis de cen prazas outorgadas no derradeiro curso pola Axencia Nacional Leonardo dirixidas a estudiantes que queran realizar prácticas remuneradas nos diferentes países europeos, cunha axuda aproximada de 2.500 euros. (Fonte: El Correo Gallego).
Pleno galego nas eleccións europeas Os candidatos galegos dos principais partidos políticos lograron os seus obxectivos de ou ben manterse nos seus postos no Parlamento europeo ou ben acadar novas posicións. O candidato polo BNG e a coalición Galeusca, Camilo Nogueira, e o abandeirado polo Partido Popular, Daniel Varela, conservaron os seus postos en Estrasburgo, a pesar dos magros resultados conseguidos polo BNG nestas eleccións. Por outra banda, os candidatos socialistas Rosa Miguélez e Antolín Sánchez Presedo e os populares Carmen Fraga e Francisco Millán Mon, tamén alcanzaron os seus obxectivos electorais. O PP conservou o seu dominio na política galega tras estas eleccións, onde a abstención electoral foi a protagonista, superando o 50%. (Fonte: El Correo Gallego). Cooperación Irmandade Galicia-Vietnam O alcalde da vila de Oleiros Ángel García Seoane, manifestou ante o embaixador da República Socialista do Vietnam, Nguyen Xuan Pong, a sua vontade de propiciar o irmanamento entre a vila de Oleiros e algunha cidade vietnamita, durante unha conferencia sobre a historia deste país realizada polo embaixador da nación asiática. A intención é propiciar a industria do turismo ecolóxico neste país, a mercede das suas bondades en praias e bosques autóctonos. (Fonte: El Correo Gallego). Cultura O “debate Matamoros” na BBC A noticia da intención do Cabildo catedralicio de Santiago de Compostela de substituir a imaxe de Santiago Matamoros de Brocos por outra imaxe do Apóstolo Peregrino, deu a volta o mundo. A cadena BBC en Londres recolle esta polémica nunha entrevista co canónigo da basílica compostelán, Alejandro Barral, onde afirma que a decisión da substitución xa fora tomada hai moitos anos. (Fonte: El Correo Gallego).
Máis de dous millóns de galegos votarán nas eleccións europeas Uns 2 millóns 600 mil galegos están censados para as eleccións europeas do domingo 13 de xuño, 78.687 mais respecto ás eleccións do ano 1999. Seis galegos teñen opcións de ser elixidos para o Parlamento europeo: Camilo Nogueira polo BNG, formando parte da coalición Galeusca-Europa dos Povos; os socialistas Antolín Sánchez Presedo e Rosa Miguélez; os populares Carmen Fraga e Francisco Millán Mon, e o tamén popular Daniel Varela, o único que busca a reelección xunto a Nogueira e Miguélez. (Fonte: El Correo Gallego). Negocios Albariño de clase mundial O director xeral de Caixanova, Julio Fernández Gayoso, afirmou na radio galega que o viño Albariño é “o mellor viño branco do mundo” pero que persisten as dificultades da sua comercialización e, polo tanto, “non sabemos vende-lo fóra”. Fernández Gayoso anunciou a intención da entidade financeira de traballar co sector vinícola galego coa intención de “fomentar a comercialización deste producto de altísima calidade, xa que a capacidade de xerar riqueza é inmensa”. (Fonte: El Correo Gallego). Textil Caramelo á conquista da Europa No marco do plan estratéxico 2003-2007 do grupo Caramelo, dotado de 30 millóns de euros, o obxectivo prioritario da empresa textil é a consolidación das súas marcas no mercado europeo. É por iso que a empresa seleccionou A Coruña coma o centro para presentar a súa liña CRMJ para o mercado europeo e mundial, coa finalidade de expandir a marca en Galicia e intentar abordar o mercado europeo, onde esperan poder facturar preto de 150 millóns de euros nos próximos tres anos. (Fonte: El Correo Gallego). Economía A UE penaliza a gandería galega Unha histórica penalización do 45% da prima por animal acaba de impoñer a Unión Europea aos gandeiros galegos, os cales concentran o tercio da cabana do vacún en España. A medida permitirá percibir soamente o 56,48% da prima por animal aos que a teñan solicitado e gocen do dereito á mesma. (Fonte: El Correo Gallego). Lavacolla busca afondar a internacionalización aérea A terminal aérea de Santiago de Compostela espera poder contar coa participación de Air Berlín a finais de ano, coa finalidade de que a línea área alemaña logre instalarse no aeroporto de Lavacolla. As negociacións da Xunta de Galicia con Air Berlín, Iberia, Spanair, Air Europa e Ryanair, buscan proxectar no exterior o aeroporto compostelán con motivo do Ano Santo e chegar ao teito de 1.600.000 pasaxeiros. Do mesmo xeito, Santiago estase a consolidar nunha alianza similar co aeroporto da cidade portuguesa de Porto. (Fonte: El Correo Gallego).
Microcréditos para emigrantes empresarios A Fundación Galicia Emigración e Caixanova acordaron colaborar para a facilitación de microcréditos para proxectos empresariais destinados aos emigrantes retornados que teñan dificultades no acceso a financiación bancaria por non ter avais e garantías. O presidente da Xunta, Manuel Fraga, e o director xeral de Caixanova, Julio Fernández Gayoso, asinaron o convenio o venres 11. Fraga destacou que no ano 2003, a colaboración entre Caixanova e a Consellería de Emigración permitiu a 110 emigrantes retornados e inmigrantes o acceso aos programas de apoio a pequenas e medianas empresas. (Fonte: El Correo Gallego). Cultura Homenaxe en Padrón aos membros da Ruta Quetzal O alcalde de Padrón, Jesús Villamor, anunciou que obsequiará cun diploma, un bastón e unha concha de peregrino, aos 400 rapaces de todo o mundo que participan na chamada Ruta Quetzal. Os mozos teñen previsto chegar a Padrón o 23 de xullo, procedentes de México e Lisboa. (Fonte: El Correo Gallego). Marítima Plan de recuperación da cigala galega O Consello Internacional para a Exploración do Mar (CIEM) advertiu da necesidade de aplicar “canto antes” un plan de recuperación dos recursos da cigala nos caladoiros ibéricos, especialmente no norte de Galicia e o mar Cantábrico. A CIEM, organismo que aconsella á Comisión Europea sobre os caladoiros do Atlántico Norte, explicou que o desembarco de captura de cigalas nestes lugares son baixos. (Fonte: El Correo Gallego). Unión Europea-Marítima A UE non endurece as leis contra os buques contaminantes Tralos casos do Erika e o Prestige, os ministros de Transporte da UE acordaron as sancións referintes á contaminación do mar,feito catalogado pola vicepresidenta da Comisión Europea, Loyola de Palacio coma “moi mínimo” e lonxe do que se esperaba. España, Francia, Portugal e Italia apoiaban a Comisión na súa medida de endurecer as leis, mentres Dinamarca, Grecia e o Reino Unido opoñíanse a endurecer as medidas contempladas nas normas actuais. (Fonte: El Correo Gallego).
Windows en galego Os usuarios do sistema informático Windows xa poderán descarga-lo gratis no idioma galego, gracias ao convenio subcrito entre a Xunta de Galicia e a empresa informática, coa finalidade de desenvolver unha edición do Windows en galego, o cal viña xestionándose dende hai un ano. Segundo o presidente da Xunta, Manuel Fraga, este programa e o paquete presentado de corrector ortográfico 2.mil3 do Office, “é o único revisado e actualizado conforme á normativa da Real Academia Galega”. No acto tamén estivo presente a conselleira delegada de Microsoft Ibérica, Rosa María García. (Fonte: El Correo Gallego). Unión Europea-Eleccións PSOE: “O BNG é unha forza testimonial en Europa” Segundo Antolín Sánchez Presedo, candidato número 12 pola lista do partido socialista ás eleccións europeas do 13 de xuño, o nacionalismo galego representado no BNG “é unha forza testimonial en Europa, que non ten carácter determinante”. O candidato socialista tamén explicou que o “BNG concorreu nestas eleccións dentro dunha coalición moi heteroxénea”. (Fonte: El Correo Gallego). Unión Europea-Marítima A UE propón o requisamento dos buques que causen verquidos intencionais Coa finalidade de evitar catástrofes similares á do Prestige, desde Bruxelas proponse agora levar a cabo esta medida de requisamento. Nembargantes, Gran Bretaña e Holanda intentan aliviar a proposta mentres Grecia, Malta e Chipre rexeitanna. O goberno español, apoiado por Francia, Portugal, Italia e a Comisión Europea, é partidaria de aplicar unha medida mais severa que inclúa a inmobilización e requisado do buque. (Fonte: La Voz de Galicia). Política O galego coma lingua cooficial O presidente do Senado español, Javier Rojo, afirmou a súa “vontade política” de permitir que o galego e as demais linguas oficiais do Estado sexan usadas no Senado, pedindo aos parlamentos de Galicia, Cataluña e o Pais Vasco a súa colaboración neste sentido. (Fonte: La Voz de Galicia). Portugal O Xacobeo na Eurocopa de Portugal A promoción de Galicia e do Xacobeo será a tarefa da Xunta de Galicia, aproveitando o furor da Eurocopa de Fútbol a celebrarse en Portugal. Dous camións articulados que o ano pasado xa recorreran España e varios países europeos para promociona-lo Xacobeo e Galicia coma destino turístico, é utilizado agora para os desprazamentos ás cidades portuguesas de Faro, Lisboa e Porto, onde a selección española xogará os seus primeiros tres partidos da Eurocopa, ante Rusia, Grecia e o anfitrión, Portugal. (Fonte: El Correo Gallego). Día de Portugal en Vigo O Día de Portugal, de Camões e das Comunidades Portuguesas, foi celebrado en Vigo, coa presenza das autoridades lusas e galegas. Fíxose unha ofrenda floral no busto de Camões na praza de Portugal, coa actuación do Grupo folklórico San Pedro de Souto. A alcaldesa, Corina Porro, lembrou no acto que na cidade galega residen 4.000 persoas nacidas na veciña Portugal. (Fonte: La Voz de Galicia). A Ponte da Amizade acerca Galicia con Portugal A quinta ponte internacional sobre o río Miño, que une as localidades de Tomiño e Vila Nova de Cerveira, entrou en servizo, despois do bautizo realizado polo Consello de Ministros de Portugal e a Xunta de Galicia, co nome de “Ponte da Amizade”. A inauguración fora posposta polo falecemento do cabeza da lista do partido socialista portugués ás eleccións europeas, Antonio Sousa. A ponte completa unha rede de conexións entre o sur galego e o Alto Minho portugués, que xa fora iniciado coa construcción da vella ponte de Tui, inaugurada hai 120 anos. (Fonte: La Voz de Galicia). Cultura Galego para os nenos inmigrantes Utilizando coma método os xogos e contos en galego, a asociación ordense de inmigrantes Portas Abertas (Aldipa) comezará antes do próximo curso escolar un obradoiro de galego para os fillos de inmigrantes, coa finalidade de inserta-los no sistema educativo galego e facilitar a súa integración. A sede onde se impartirán as clases terá unha subvención autonómica de 500 euros, ademais de contar co acceso a Internet e unha biblioteca. (Fonte: El Correo Gallego). Libro en galego obtén exito editorial fora de Galicia O libro “O armiño dorme”, de Neira Cruz, gañador do premio Raiña Lupa no 2002, está a traspasar as fronteiras galegas. Xa vai pola terceira edición con 6.000 volumes vendidos, e vai tirar do prelo unha nova edición en catalán. Tanto en Madrid como en Barcelona, o libro xa foi recomendado a sendas revistas de literatura infantil e xuvenil e foi seleccionado coma un dos mellores títulos do 2003 pola Fundación Sánchez Rupérez. (Fonte: La Voz de Galicia).
Alumnos portugueses para as universidades galegas Debido á diminución do número de estudiantes nas universidades galegas, os rectores destes centros educativosiniciaron unha campaña de captación de alumnado fora de Galicia, especialmente no norte de Portugal e as comunidades de Asturias, Castilla y León. A caída na matrícula foi unha constante nos últimos anos e para o 2010 calcúlase que haberá cerca de 47 mil estudiantes nas universidades galegas, mentres que no ano 2000 case se chegou aos 100 mil alumnos. (Fonte: La Voz de Galicia). Inmigración Vigo e A Coruña, centros dos inmigrantes en Galicia Segundo datos do Instituto Nacional de Estatística, Galicia absorbe só un 2% da inmigración estatal, sendo as áreas de Vigo e A Coruña as que concentran case a metade (43,27%) dos 53.808 extranxeiros que habitan en Galicia. O municipio de Ribeira de Piquín é o único que non rexistra foráneos en Galicia, mentres a provincia de Ourense é a única onde se rexistra unha grande presenza dos inmigrantes portugueses, neste caso no medio rural, ao contrario dos outros casos, onde a inmigración concéntrase nas cidades. (Fonte: La Voz de Galicia). Unión Europea-Pesca O sector pesqueiro vigués pide á UE regular o fletán negro Reunidos coas principais institucións empresariais da provincia de Pontevedra, a Cooperativa de Armadores de Vigo realizou a súa proposta para reclamar que a Unión Europea negocie unha variación do plan de recuperación do fletán negro nas augas reguladas pola NAFO, xa que na actualidade supón unha dura reducción das posibilidades de pesca para os 40 arrastreros conxeladores galegos na zona. Os fletaneiros vigueses esperan que a UE se posicione ao seu favor ant |